Клевипрекс эмульсия 0.5 мг/мл

1 мл эмульсияның құрамында: белсенді зат – клевидипин - 0,5 мг, қосымша заттар: рафинадталған соя майы, глицерин, олеин қышқылы, динатрий эдетаты, жұмыртқа фосфолипидтері, натрий гидроксиді, инъекцияға арналған су Сыртқы түрінің, иісінің, дәмінің сипаттамасы Сүттей ақ түсті мөлдір емес эмульсия.

- операцияға дайындық кезінде, операция кезінде және операциядан кейін ересек пациенттерде артериялық қысымды төмендетуге арналған.

Әсер ету механизмі Клевидипин – бұл тамырлық тегіс бұлшықеттер жасушаларына кальций иондарының ағып келетін аралық буыны болып табылатын L-типті дигидропиридинді кальций өзекшелерінің блокаторы. Фармакодинамикалық әсерлері Клевипрекс артериялық қысымның қажетті деңгейіне жеткенше титрленеді. Операциядан кейінгі пациенттерде клевидипин минутына 0,4 мкг/кг дозада (шамамен 2-4 мл/сағ [1-2 мг/сағ]) инфузия басталған соң 2-4 минут ішінде систолалық артериялық қысымның 4-5% төмендеуін туындатады. Клевипрекстің 72 сағатқа дейін созылған үздіксіз инфузиясының зерттеулері кезінде толеранттылықтың дамуының қандай да бір дәлелдері болған жоқ. Пациенттердің көбісінде артериялық қысымның толық қалыпқа келуі инфузияны тоқтатудан кейін 5-15 минут ішінде болады. Клевипрекстің 72 сағатқа дейін созылған үздіксіз инфузиясының зерттеулерінде басқа гипотензиялық терапияға көшірілмеген пациенттерде Клевипрекспен емделуді тоқтатудан кейін «рикошетті» гипертензия туындауының кейбір айғақтары болды. Гемодинамика. Клевидипин дозаға тәуелді жүйелі тамырлық кедергінің азаюын туындатады. Жүректің жиырылу жиілігінің жоғарылауы артериялық қысымның тез төмендеуіне қалыпты реакция болып табылады; кейбір пациенттерде ЖЖЖ осылай жоғарылауы анық айқын болуы мүмкін. Жалпы анестезия жасалған кардиохирургиялық пациенттерде орталық гемодинамикаға, қан ағымына және миокард метаболизміне клевидипиннің әсері зерттелді. Бұл пациенттерде жүрек лықсуы мен соққы көлемі 10% - ға артты. Клевидипин дозасының жоғарылауымен миокардтың оттегіні экстракциялауы айтарлықтай төмендеді, бұл миокард перфузиясының сақталуын және тікелей коронарлық тамыр кеңейтетін әсерін көрсетеді. Коронарлық синустың қандағы лактаттың таза өндірілуінің жоғарылауы байқалмады, бұл коронарлық өзгеріс салдарынан миокард ишемиясының жоқтығын растайды. Периоперациялық кезеңдегі пациенттер Клевидипиннің тиімділігі периоперациялық артериялық гипертензиямен (САҚ ≥160 мм сын.бағ. және САҚ ≥140 мм сын.бағ.сәйкесінше) 105 және 110 кардиохирургиялық пациенттерді қамтитын салыстырмалы жасырын, рандомизацияланған, плацебо-бақыланатын үшінші фазалық зерттеулерде (операцияға дейін ESCAPE-1 және операциядан кейін ESCAPE-2) бағаланды. Үздіксіз инфузияның орташа ұзақтығы 30 минутты құрады (кем дегенде 4 минут, ең жоғарысы 1 сағат). Бағаланған негізгі көрсеткіш басқа терапияға деген қажеттілік болды, ол зерттелетін препаратты мерзімінен бұрын және қайтымсыз тоқтату және пациенттерді баламалы ашық терапияға ауыстыру арқылы анықталды. Клевидипинмен емделген пациенттердің 90% - дан астамында артериялық қысымы 30 минут ішінде 15% - дан астамға төмендеді. ESCAPE-1 зерттеуінде басқа терапияға қажеттілік плацебодағы 82,7% - бен салыстырғанда клевидипинді енгізгенде 7,5% құрады. Сол сияқты, ESCAPE-2 зерттеуінде клевидипинді енгізу кезінде басқа терапияға деген қажеттілік плацебодағы 79,6% - бен салыстырғанда 8,2% құрады. Клевидипиннің гипотензиялық әсері басталуы 2 минут ішінде байқалды. САҚ мақсатты деңгейіне жетудің орташа уақыты сәйкесінше ESCAPE-1 және ESCAPE-2 үшін 6 минут және 5,3 минутты құрады. ESCAPE-1 зерттеуінде емдеуге байланысты жағымсыз реакциялар байқалмады. ESCAPE-2 зерттеуінде емдеуге байланысты жағымсыз реакциялар жүрекшелік фибрилляция (клевидипин - 1,6%; плацебо – 0%) және ұйқысыздық (клевидипин – 1,6%; плацебо – 0,0%) болды. Белсенді бақыланатын 3-ші фазаның (ECLIPSE) үш ашық клиникалық зерттеулерінде 1506 пациент рандомизацияланды, клевидипин (n=752), нитроглицерин (периоперациялық кезеңде, n=278), натрий нитропруссиді (периоперациялық кезеңде, n=283) немесе никардипин (операциядан кейінгі кезеңде, n =193). Үздіксіз инфузияның орташа ұзақтығы 4 сағатты құрады (кем дегенде 1 минут, ең жоғарысы 127 сағат). Қауіпсіздіктің негізгі бағаланған көрсеткіші операциядан кейін 30 күннен кейін клиникалық өлім, миокард инфарктісі (МИ), инсульт және бүйрек функциясының бұзылуын салыстыру болды. Тиімділіктің негізгі бағаланған көрсеткіші артериялық қысымды бақылау болды, ол қисық астындағы аудан (AUC) ретінде анықталады, ол берілген бұл қан қысымы диапазоннан тыс шығуының мөлшерімен ұзақтығын көрсетеді. Қауіпсіздіктің бастапқы бағаланатын көрсеткіші туралы мәліметтер 2-кестеде келтірілген. 2 кесте. ECLIPSE зерттеулеріндегі бастапқы бағаланатын көрсеткіштер Клевидипин (N=752) — Барлық белсенді компараторлар (N=754) Өлім — 20/719(2.8%) — 28/729(3.8%) Инсульт — 8/700(1.1%) — 12/705(1.7%) Миокард инфарктісі — 16/700(2.3%) — 17/707(2.4%) Бүйрек жеткіліксіздігі — 56/712(7.9%) — 56/710(7.9%) Тиімділікке қатысты клевидипин нитроглицеринмен салыстырғанда (AUCSBP медианасы 4,14 және 8,87 мм сынап бағанасы. × мин / сағ сәйкесінше, р=0,0006) және натрий нитропруссидімен салыстырғанда (медиана 4,37 қарсы 10,50 мм сын.бағ. × мин / сағ сәйкесінше, p=0,0027) артериялық қысымды сенімдірек бақылауды қамтамасыз етті. Клевидипиннің тиімділігі операциядан кейінгі кезеңде артериялық қысымды бақылауда никардипиннен артықшылық көрсеткен жоқ (медиана 1,76 мм сын.бағ. салыстырғанда 1,69 мм. сын. бағ. ст. × мин / сағ сәйкесінше, p=0,8508). Инфузия кезеңінде және ол аяқталғаннан кейін 1 сағат ішінде байқалған жағымсыз құбылыстар клевидипинмен емделген пациенттерде және салыстыру препараттарымен емделген пациенттерде салыстырмалы болды. Периоперациялық гипертензиясы бар пациенттерде зерттелетін препаратты қолдануды тоқтатуға әкелетін жағымсыз құбылыстардың жиілігі клевидипин үшін 5,9% және барлық белсенді салыстыру препараттары үшін 3,2% құрады. Басқа зерттеулер Эссенциальды гипертензиясы, ауыр гипертензиясы бар пациенттерде және гипертониялық кризбен және жедел ми ішіне қан құйылу болған пациенттерде қосымша алдын ала зерттеулер жүргізілді. Клевидипин мен артериялық қысым арасындағы фармакодинамикалық өзара байланыс жеңіл және орташа эссенциальды гипертензиясы бар 61 пациенттің қатысуымен (орташа артериялық қысымы 151/86 мм сын.бағ.) рандомизацияланған, плацебо бақыланатын, бір жақты жасырын зерттеуде зерттелді. Нәтижелер клевидипиннің жоғары клиренс жылдамдығына ие екенін, систолалық артериялық қысымның (САҚ), диастолалық артериялық қысымның (ДАҚ) және орташа артериялық қысымның (ОАҚ) дозаға тәуелді төмендеуін тудыратынын және препарат концентрациясы мен артериялық қысымның реакциясы арасындағы сызықтық байланысқа ие екенін көрсетті. Клевидипиннің ауыр гипертензияға әсері (АҚ>180/115 мм сын.бағ) 126 пациенттің қатысуымен ашық зерттеуде (VELOCITY) зерттелді. Инфузияның орташа ұзақтығы 21 сағатты құрады; алғашқы 30 минут ішінде пациенттердің 89% -да САҚ орташа есеппен 21,1% - ға төмендеген; мақсатты деңгейге жетудің орташа уақыты САҚ 10,9 минутты құрады; артериялық қысымның мақсатты деңгейіне жетудің орташа дозасы сағатына 8 мг құрады. Клевидипинді ми ішіне қан құйылумен және артериялық қысымның жедел жоғарылауымен ауыратын 33 пациентте қолдану ашық клиникалық зерттеуде (ACCELERATE) зерттелді. Клевидипин инфузиясы басталғаннан кейін 30 минут ішінде систолалық артериялық қысым мақсатты диапазонға дейін (≥140 мм сын. бағ. ≤160 мм сын. бағ. дейін) орташа уақыт 5,5 минутта төмендеді. Систолалық артериялық қысымның ≤160 мм сын. бағ дейін төмендеуі клевидипин инфузиясы басталғаннан кейінгі алғашқы 30 минут ішінде пациенттердің 97%-да (33-тен 32-сі) қол жеткізілді.

Мониторинг Артериялық қысым мен жүрек жиырылу жиілігін инфузия кезінде және одан әрі өмірлік маңызды көрсеткіштер тұрақталғанға дейін үнемі бақылау керек. Клевидипиннің ұзақ мерзімді инфузиясын алатын және басқа гипотензиялық терапияға ауыспайтын пациенттерді инфузия тоқтатылғаннан кейін кемінде 8 сағат ішінде «рикошет» гипертензиясының пайда болуы мүмкіндігіне байланысты бақылау керек. Ұсынылатын дозасы Клевипрекс вена ішіне қолдануға арналған. Артериялық қысымның қажетті деңгейіне жеткенше препараттың дозасын титрлеу керек. Доза артериялық қысымның алынған сандарының деңгейіне және пациенттің реакциясына байланысты жеке анықталады. Бастапқы доза: Клевипрекстің вена ішіне инфузиясын 4 мл/сағ (2 мг/сағ) дозадан бастайды. Дозаны титрлеу: доза әр 90 секунд сайын екі есеге көбейтілуі мүмкін. Қажетті мақсатты диапазонға жеткенше титрлеуді жалғастыру керек. Демеуші доза: пациенттердің көпшілігінде қажетті терапиялық реакцияға қол жеткізу 8-12 мл/сағ (4-6 мг/сағ) доза кезінде болады. Өте жоғары доза: пациенттердің көпшілігі сағатына ең жоғары 16 мг немесе одан аз дозада ем қабылдады. 64 мл/сағ (32 мг/сағ) жоғары дозада қолдану тәжірибесі шектеулі. Липидті жүктемені шектеуге байланысты 24 сағат ішінде 1000 мл-ден аспайтын Клевипрекс енгізу ұсынылады. Кез-келген дозада инфузия ұзақтығы 72 сағаттан асатын клевидипин инфузиясын қолданудың аздаған тәжірибесі бар. Гипотензиялық дәрілерді пероральді қабылдауға ауыстыру Пероральді гипотензиялық дәрілік заттарды тағайындаған кезде, пероральді дәрі әсер етіп бастайтын кешігу уақытын ескеру керек. Қажетті әсерге жеткенше артериялық қысымды мониторингтеуді жалғастырыңыз. Клевипрексті қолдануды тоқтату 5-15 минут ішінде гипотензиялық әсерлердің төмендеуіне әкеледі. Пациенттердің ерекше топтары Пациенттердің ерекше топтарында арнайы зерттеу жүргізілген жоқ. Клиникалық сынақтар кезінде бауырдың патологиялық функциясы бар 78 пациент (төмендегілердің біреуі немесе бірнешеуі: сарысулық билирубин деңгейінің жоғарылауы, АЛС, АЛТ) және бүйрек жеткіліксіздігінің орташа және ауыр түрімен ауыратын 121 пациент Клевипрекспен емделді. Бауыр немесе бүйрек бұзылулары бар пациенттерде дозаны түзету қажет емес. Балалар мен жасөспірімдер 18 жасқа толмаған пациенттерде клевидипиннің қауіпсіздігі мен тиімділігі зерттелмеген. Липидтерден басқа препараттар алатын пациенттер Клевипрекс құрамында мл-ге шамамен 0.2 г липидтер бар (2.0 ккал). Липидтер алмасуының елеулі бұзылыстары бар пациенттер үшін липидтерді қабылдаудағы шектеулер қажет болуы мүмкін. Бұл пациенттер үшін Клевипрекс құрамына енгізілген липидтердің мөлшерін өтеу үшін тағаммен бірге түсетін липидтердің мөлшерін азайту қажет. Клевипрексті сұйылтуға болмайды, бірақ оны келесі заттармен енгізуге болады: - Инъекцияға арналған су, - Инъекцияға арналған натрий хлориді (0.9% немесе 0.45%) , - Инъекцияға арналған декстроза (5%) , - Инъекцияға арналған 0.9% натрий хлориді бар декстроза (5%), - Инъекцияға арналған Рингер лактат ерітіндісі бар декстроза (5%) , - Инъекцияға арналған Рингер лактат ерітіндісі, - Аминқышқылдарының ерітіндісі (10%) Әр түрлі көздерден алынған препараттардың үйлесімділігі әр түрлі болуы мүмкін, сондықтан медицина қызметкерлеріне Клевипрекс эмульсиясын басқа парентеральды енгізуге арналған ерітінділермен араластырған кезде тиісті тексерулер жүргізу ұсынылады. Енгізу әдісі мен жолы Клевипрекс вена ішіне қолдануға арналған. Клевипрексті қолданған кезде асептика ережелерін сақтау керек. Клевипрекс микроорганизмдердің өсуін демейтін фосфолипидтерден тұратын бір реттік парентеральды препарат болып табылады. Егер ерітіндінің контаминациялануына күдік болса, препаратты қолдануға болмайды. Тығын тесілгеннен кейін өнімді 12 сағат ішінде пайдалану керек және пайдаланылмаған бөлігін утилизациялау керек. Клевипрекс - стерильді, ақ мөлдір емес эмульсия. Енгізер алдында құтыда механикалық қосылыстардың бар-жоғын және түсін тексеру керек. Егер ерітінді түссіз болып қалса немесе механикалық қосылыстары болса, препаратты пайдалануға болмайды. Пайдаланар алдында эмульсияның біркелкілігін қамтамасыз ету үшін құтыны бірнеше рет абайлап аудару керек. Клевипрекс құю жылдамдығын калибрлеуге мүмкіндік беретін инфузиялық құрылғыны пайдалану арқылы енгізіледі. Инфузияны жүзеге асыру үшін коммерциялық қол жетімді стандартты пластикалық канюля қолданылуы мүмкін. Инфузия үшін орталық веналық және шеткері веналық катетерлерді қолдануға болады. Клевипрексті басқа ерітінділермен араластыруға болмайды.

- әсер етуші затқа, соя бұршақтары, соя майы, соя өнімдері, арахис, жұмыртқа немесе жұмыртқа өнімдері немесе 6.1 бөлімде аталған қосымша заттарының кез келгеніне аса жоғары сезімталдық - липидтер алмасуының бұзылуы (мысалы, патологиялық гиперлипидемия, липидті нефроз немесе жедел панкреатиті бар пациенттерде, егер ол гиперлипидемиямен қатар жүрсе) - ауыр аорта стенозы (өйткені жүктеме азайғаннан кейін миокардқа оттегінің түсуінің азаюын күтуге болады) - 18 жасқа дейінгі балалар

Барлық дәрілер сияқты, Клевипрекс жағымсыз реакциялар тудыруы мүмкін. Жағымсыз реакциялар әдетте айқын көрінбейді және қысқа болады. Клевипрекс жыпылықтағыш аритмияны (жүректің жүйесіз соғуы), төс артындағы жайсыздықты немесе гипоксияны (қандағы оттегінің төмендеу деңгейі) тудыруы мүмкін, бұл бас айналумен көрінуі мүмкін. Егер бұл сізде орын алса, дереу дәрігермен немесе басқа медициналық қызметкерлермен сөйлесіңіз, олар Клевипрекспен емдеуді жалғастыру керек пе, жоқ па, соны шешеді. Жағымсыз құбылыстардың жиілігін анықтау келесі критерийлерге сәйкес жүзеге асырылады: өте жиі (≥1/10), жиі (≥1/100 – <1/10), жиі емес (≥1/1000 - <1/100), сирек (≥1/10 000 – <1/1000), өте сирек (<1/10 000), белгісіз (қолда бар деректер негізінде бағалау мүмкін емес). Жүйке жүйесі тарапынан бұзылулар Жиі емес - бас айналу - бас ауыруы Жүрек тарапынан бұзылулар Жиі - жүрекшелер фибрилляциясы - синустық тахикардия Жиі емес - жүрекшелердің дірілі - тахикардия - жүректің іркілісті жеткіліксіздігі - толық атриовентрикулярлық блокада - Гис шоғыры тармақтарының блокадасы Қантамырлар тарапынан бұзылулар Жиі - гипотензия Тыныс алу жүйесінің, кеуде қуысының және көкірек ортасы ағзаларының бұзылулары Жиі - гипоксия Жиі емес - өкпедегі іркіліс Асқазан-ішектік бұзылулар Жиі емес - іш қату - жүрек айну, құсу Сирек - ішек бітелуі Бүйрек және несеп шығару жолдарының бұзылуы Жиі - бүйректің жедел жеткіліксіздігі Енгізу орнындағы жалпы бұзылулар мен реакциялар Жиі - инъекция орнының ісінуі - кеудедегі жайсыздық Зертханалық және аспаптық деректер: Жиі емес - қанда триглицеридтер деңгейінің жоғарылауы Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Адамдарға жүргізілген клиникалық зерттеулер кезінде артық дозалану тәжірибесі алынған жоқ. Клиникалық зерттеулер кезінде Клевипрекстің ең жоғары дозасы 212 мл/сағ (106 мг/сағ) дейін енгізілді. Артық дозаланудың негізгі салдары қысымның айқын төмендеуі және рефлекстік тахикардия болады деп күтіледі. Клевипрекс енгізуді тоқтату гипотензиялық әсердің 5-тен 15 минутқа дейін төмендеуіне әкеледі. Емі: артық дозалануға күдік туындаған жағдайда, Клевипрексті енгізуді дереу тоқтатып, пациенттің артериялық қысымын демеу қажет.

Арнайы ескертулер Қатаң асептикалық әдістерді сақтау керек, ал пайдаланылмаған препаратты тығын тесілгеннен кейін 12 сағат ішінде тастау керек. Тиісті асептикалық техниканы сақтамау енгізілген препараттың ластануына және ықтимал жүйелік инфекцияға әкелуі мүмкін. Гипотония және рефлекстік тахикардия Дәрілік препараттар арқылы артериялық қысымның күрт төмендету жүйелік гипотензияға және рефлекстік тахикардияға әкелуі мүмкін. Егер осы жағдайлардың бірі пайда болса, онда Клевипрекс дозасын жартысына азайту немесе инфузияны тоқтату қажет. Аорта стенозы, гипертрофиялық обструкциялық кардиомиопатия, митральды стеноз, аортаның қатпарлануы немесе феохромоцитомасы бар пациенттерде клевидипинге клиникалық зерттеулер жүргізілмеген. Гипоксия Клевипрексті түзетілмеген ең ауыр аорта стенозы бар пациенттерде қолдануға болмайды, өйткені шамадан тыс жүктемеден кейінгі азаюы миокардқа оттегінің жеткізілуін төмендетуі мүмкін. Клапанды ауыстырумен бірге стенозды жеңілдету операциясын жасатқан пациенттер үшін, егер артериялық қысымның төмендеуін өтеу мүмкіндігі қалпына келтірілсе, клевидипин операциядан кейінгі кезеңде пайдалы болуы мүмкін. Гипертрофиялық обструкциялық кардиомиопатия және митральды стенозы бар пациенттерде оттегінің жеткізілуінің төмендеу қаупі болуы мүмкін. Клевипрексті артериялық қысымның төмендеуін өтеу үшін жүрек соғу жиілігін талапқа сай арттыра алмайтын пациенттерде, мысалы, Гис шоғырының сол жақ тармағының блокадасы немесе бастапқы қарыншалық кардиостимуляциясы бар пациенттер сақтықпен қолдану керек. Жедел миокард инфарктісі немесе жедел коронарлық синдром үшін клевидипинді қолдану үшін шектеулі деректер бар. Клевипрекс құрамында соя майы мен натрий бар Егер сізде арахиске немесе сояға аллергия болса, бұл дәрілік препаратты пайдаланбаңыз. Бұл компонент терінің жергілікті реакцияларын (жанаспалы дерматит) тудыруы мүмкін. Бұл препараттың құрамында бір құтыға 1 ммольден аз натрий (23 мг) бар, яғни іс жүзінде натрий жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Клевипрекс автомобильді басқару және механизмдермен жұмыс істеу қабілетіне орташа әсер етеді. Клевидипин бас айналуды тудыруы мүмкін, бұл автомобиль жүргізу немесе механизмдермен жұмыс істеу қабілетіне әсер етуі мүмкін. Клевипрекс стационарлық жағдайда қатаң түрде тағайындалады, сондықтан пациент автомобиль жүргізу немесе қауіпті техниканы пайдалану сияқты жылдам реакцияны қажет ететін әртүрлі тапсырмаларды орындауда шектеледі.

Жүкті әйелдерді емдеу үшін Клевипрексті қолдану бойынша талапқа сай және жақсы бақыланатын зерттеулер жоқ. Жануарларға жүргізілген зерттеулер эмбрионның/шарананың дамуына және босануға әсерін көрсетті. Клевидипинді жүктілік кезінде нақты қажеттіліксіз қолдануға болмайды. Клевидипиннің емшек сүтіне өтетіні анықталмаған. Емшекпен емізуді жалғастыру/тоқтату немесе клевидипинмен емдеуді жалғастыру/тоқтату туралы шешім бала үшін емшек емудің пайдасы мен клевидипинмен емдеудің әйел үшін пайдасын ескере отырып қабылдануы керек.

Клевидипиннің басқа дәрілік заттармен өзара әрекеттесуі бойынша клиникалық зерттеулер жүргізілген жоқ, өйткені клевидипиннің in vivo гидролизі арқылы метаболизденетінін ескере отырып, дәрілік заттармен фармакокинетикалық өзара әрекеттесуі екіталай. Р450 цитохром жүйесінің ферменттерінің тежелуі in vitro зерттеулерінде клиникада қолданылатын ең жоғары концентрациядан кемінде 10 есе асатын концентрацияға баламалы түрде анықталды. Ұсынылған дозаларда клевидипин мен оның негізгі метаболиті дигидропиридиннің цитохром Р450 жүйесінің кез келген ферментін тежеу немесе индукциялау потенциалы жоқ. Бета-блокаторларды қоса алғанда, пероральді немесе вена ішіне гипертензияға қарсы дәрілерді, клевидипинмен бір мезгілде қабылдайтын пациенттерде гипотензия симптомдарының дамуын бақылау керек.

Сақтау мерзімі 2,5 жыл (30 ай). Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, жарықтан қорғалған жерде, 2 оС-ден 8 оС-ге дейінгі температурада сақтау керек. Мұздатып қатыруға болмайды. Балалардың қолы жетпейтін жерде сақтау керек!