Гомеопатиялық Климаксан таблетки

Бір таблетканың құрамында белсенді зат (гомеопатиялық тритурация түрінде, арақатынасы 1:1:1) – 0,0024 г: Cimicifuga racemosa (Cimicifuga) С200, Lachesis mutus (Lachesis) С50, Apis mellifica (Apis) С200. қосымша заттар: лактоза моногидраты, микрокристалды целлюлоза, магний стеараты. Сыртқы түрінің, иісінің, дәмінің сипаттамасы Жалпақ цилиндр пішінді, ойығы бар, ақ немесе ақ дерлік түсті таблеткалар.

Климактериялық синдром көріністерін емдеуде симптоматикалық дәрі ретінде (ашушаңдық, эмоционалдық құбылмалылық, ұйқының бұзылуы, бас ауыруы, бас айналуы, жүректің қағуы, тершеңдік, «ысынулар»).

Нұсқаулықта көрсетілмеген.

Дозалау режимі Бір қабылдауға – 1 таблетка (толық ерігенше ауызда ұстау керек – тамақтану кезінде болмайды), күніне 2 рет: таңертең және кешке қабылдайды. Симптомдар ауырлығына қарай препарат қабылдауды күніне 3-4 ретке дейін арттыруға болады. Препаратты қолданудың ұсынылатын ұзақтығы 6 айды құрайды. Дәрігердің ұсынымы бойынша емдеу курсын қайталауға болады. Дәрілік препараттың бір немесе бірнеше дозасын өткізіп алғанда қолданылуы қажет шаралар Препарат дозасын қабылдауды өткізіп алған жағдайда өткізіп алған дозасын мүмкіндігінше ертерек қабылдау керек және препаратты қабылдау курсын бастаған сызба бойынша жалғастырады. Ұмытылған доза орнына екі есе доза қабылдауға болмайды. Дәрілік препараттың қолдану тәсілін түсіндіру үшін медициналық қызметкерінен кеңес алу үшін ұсыныстар Препаратты қолдану алдында дәрігермен кеңесіңіз.

• әсер етуші заттарға немесе қосымша заттардың кез келгеніне аса жоғары сезімталдық; • жүктілік және бала емізу кезеңі; • 18 жасқа дейінгі балалар мен жасөспірімдер; • тұқым қуалайтын фруктоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар адамдар.

Препарат компоненттеріне жеке жоғары сезімталдық реакциялары болуы мүмкін. Жағымсыз реакциялардың туындау жиілігі маркетингтен кейінгі бақылау негізінде анықталмайды. Егер препарат қабылдау кезінде жағымсыз реакциялар туындаса, қабылдауды тоқтатып және дәрігерге қаралыңыз. Жағымсыз дәрілік реакциялар туындаған жағдайда медициналық қызметкерге, фармацевтикалық қызметкерге немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозаланғанда препарат құрамына кіретін қосымша заттарға байланысты диспепсиялық құбылыстар (жүрек айнуы, құсу, диарея) болуы мүмкін. Препаратты қабылдауды тоқтату және симптоматикалық ем, мысалы, пероральді регидратация (суды мол ішу) тағайындалады.

Қатысты емес. Арнайы ескертулер Айрықша нұсқаулар Қант диабеті бар науқастар препараттың 1 таблеткасының ішінде 0,018 нан бірлігіне (НБ) сәйкес келетін 0,2112г лактоза болатынын ескеруі керек. Препараттың тәуліктік ең жоғары дозасы 0,072 НБ сәйкес келетін 4 таблетканы құрайды. Препаратпен емдеу курсын жүргізу кезеңінде түзету мүмкіндігі болуы мақсатында кем дегенде 2 айда 1 рет емдеуші дәрігермен кеңесу ұсынылады. Гомеопатиялық дәрілік заттарды қабылдағанда бұрыннан бар симптомдардың уақытша өршуі мүмкін (бастапқы нашарлау). Бұндай жағдайда препарат қабылдауды тоқтату және дәрігермен кеңесу керек. Педиатрияда қолданылуы Гомеопатиялық Климаксан препараты балаларда қолданылмайды. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Гомеопатиялық Климаксан препаратының көлік құралдарын және басқа да қауіптілігі зор механизмдерді басқару қабілетіне теріс әсері анықталмаған.

Гомеопатиялық Климаксан препараты әйелдердегі жүктілік және бала емізу кезеңінде қолдануға қарсы көрсетілімде.

Осы уақытқа дейін басқа да дәрілік заттармен үйлесімсіздік жағдайлары тіркелмеген. Гомеопатиялық препараттарды қолдану басқа дәрілік заттармен емдеуді жоққа шығармайды.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек.