Клималанин таблетки 400 мг

Бір таблетканың құрамында белсенді зат -400.0 мг бета-аланин қосымша заттар: магний стеараты, глицерин пальмитил стеараты, гидратацияланған кремний, бидай крахмалы, тазартылған су. Сыртқы түрінің, иісінің, дәмінің сипаттамасы Жалпақ цилиндр пішінді, шеттері қиғашталған, ақ түсті таблеткалар

Әйелдерде менопаузамен байланысты ысынуды емдеуге арналған.

Гинекологиялық ауруларды емдеуге арналған басқа препараттар АТХ коды G02CX Әсер ету механизмі Бета-аланин, таза амин қышқылы, менопауза кезеңінде гормондық емес ысыну тежегіші бола отырып, шеткері тамырларға әсер етеді деп саналады.

Дозалау режимі Дозасы - тәулігіне 1-ден 2 таблеткаға дейін. Қажет болса, дозаны тәулігіне 3 таблеткаға дейін арттыруға болады. Егер олар қайтадан пайда болса, сол кезеңде емдеудің жаңа курсынан өту қажет. Препаратқа тауелділіктің болмауына байланысты, дәрі-дәрмекпен емдеуді вазомоторлық клиникалық бұзылулардың бүкіл кезеңі бойы қолдану уақытын шектеместен ұзартуға болады. Бауыр жеткіліксіздігі бар пациенттер Дозаны түзету қажет емес. Бүйрек жеткіліксіздігі бар пациенттер Дозаны түзету қажет емес. Енгізу әдісі мен жолы Ішке қолдану үшін. Емдеу ұзақтығы Препарат ысыну қайтқанша, 5-10 күн ішінде қабылданады. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер Сізде бұл дәрілік препаратты қолдану туралы қосымша қандай да бір сұрақтар туындаса, өз дәрігеріңізге жүгініңіз.

- әсер етуші затқа (заттарға) немесе қосымша заттардың кез келгеніне аса жоғары сезімталдық - бидайға аллергиясы бар пациенттерге қарсы көрсетілімді (целиакиядан басқа).

Өте сирек - парестезия - тері бөртпесі, қышыну Белгісіз (қолда бар деректер негізінде бағалау мүмкін емес) - анафилаксиялық реакциялар Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану жағдайлары туралы хабарламалар түскен жоқ. Кездейсоқ немесе қасақана ішіп қою нәтижесінде адамдарда артық дозалану туралы деректер жоқ. Бұл препарат қасиеттерінің арқасында артық дозаланғанда немесе кездейсоқ жұтып қойған жағдайда уытты әсерлерін күтуге болмайды. Тоқтату синдромы қаупінің болуына көрсетілім

Егер емдеу курсы аяқталысымен симптоматикасы кетпесе немесе ол нашарлаған немесе жаңа бұзылулар пайда болған жағдайда емдеу қайта қаралуы тиіс. Терінің жағымсыз әсерлері (бөртпе, қышыну) пайда болған жағдайда емдеуді тоқтату керек. Бета-аланинмен емдеу қандай да бір айрықша емдеуді тоқтатпайды. Бета-аланин целиакия кезінде тағайындалуы мүмкін. Бидай крахмалының құрамында глютен болуы мүмкін, бірақ аз мөлшерде ғана, сондықтан целиакиясы бар адамдар үшін қауіпсіз болып саналады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралдарын және аса қауіпті механизмдерді басқару қабілетіне әсер етпейді.

Клиникалық деректер және жануарларға жүргізілген зерттеулерден алынған деректер бета-аланин қабылдаған кезде ықтимал мальформациялық немесе фетоуытты қаупін бағалау үшін жеткіліксіз. Бета-аланиннің емшек сүтіне енетіні туралы деректер жоқ.

Басқа дәрілік препараттармен өзара әрекеттесуіне және өзара әрекеттесудің басқа түрлеріне зерттеулер жүргізілген жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 ºС-ден аспайтын температурада сақтау керек. Балалардың қолы жетпейтін жерде сақтау керек!