Климонорм® драже

Бір драженің құрамында 1 сары драженің құрамында белсенді зат – 2,0 мг микрондалған эстрадиол валераты, 1 қоңыр драженің құрамында белсенді заттар: 2,0 мг микрондалған эстрадиол валераты, 0,15 мг левоноргестрел, қосымша заттар: лактоза моногидраты, картоп крахмалы, желатин, тальк, магний стеараты, тазартылған су қабықтың құрамы (сары драже): Opadry® II 57U220031 Yellow гипромеллоза, полидекстроза, титанның қостотығы (Е171), тальк, мальтодекстрин, орташа тізбекті триглицеридтер, темірдің сары тотығы (Е172), темірдің қара тотығы (Е172). қабықтың құрамы (қоңыр драже): Opadry® II 57U265010 Brown гипромеллоза, полидекстроза, титанның қостотығы (Е171), тальк, мальтодекстрин, орташа тізбекті триглицеридтер, темірдің сары тотығы (Е172), темірдің қызыл тотығы (Е 172), темірдің қара тотығы (Е172). Сыртқы түрінің, иісінің, дәмінің сипаттамасы Дөңгелек екі беті дөңес сары түсті драже. Дөңгелек екі беті дөңес қоңыр түсті драже.

- әйелдерде менопаузадан кейінгі кезеңдегі эстроген тапшылығының симптомдары кезінде орын басушы гормондық емде (ОБГЕ) (егер менопауза 6 айдан астам уақытқа жалғасқан жағдайда); Препаратты 65 жастан асқан әйелдерде қолдану тәжірибесі шектеулі.

Фармакодинамикалық әсерлері Эстрадиол валераты Белсенді ингредиенті - синтетикалық 17ß-эстрадиол, химиялық және биологиялық тұрғыдан адамдағы эндогендік эстрадиолға ұқсас. Ол менопауза кезінде эстроген өндірілуі жоғалтылуын алмастырады және онымен байланысты симптомдарды жеңілдетеді. Левоноргестрел Эстрадиол валератының левоноргестрелмен циклдық біріктірілімі эндометрийдегі эстрогеннің митогендік әсерін бәсеңдетеді. Сол себепті, эндометрий гиперплазиясының және тек эстрогенмен алмастырғаннан кейін эндометрий карциномасы дамуы қаупінің жоғарылығы төмендейді. Клиникалық тиімділік және қауіпсіздік Эстроген жетіспеушілігінен туындаған симптомдарды жеңілдету және қан кетуге әсері: Менопауза симптомдарын жеңілдетуге емдеудің алғашқы апталарында қол жеткізілді. Тоқтатудан болатын қан кету емдеудің алғашқы жылы 84,4% циклда болды. Орташа уақыты 5,0 күнді құрады. Лақылдап қан кетулер және/немесе қан аралас бөліністер емдеудің алғашқы үш айы ішінде 12,9% әйелде және емдеудің 10–12 айы ішінде 7,9% әйелде байқалған. Емдеудің алғашқы жылы ішінде 6,4% цикл аменореялық (қан кетулерсіз немесе дақтарсыз) болды.

Климонорм® - орын басушы гормондық емге арналған дәрілік зат, оны циклдік негізде қабылдау керек. Дозалау режимі Әр қаптамасы 21 күндік қабылдауға есептелген. Алғашқы 9 күн бойы күнделікті бір сары дражеден, содан соң 12 күн бойы – күнделікті бір қоңыр дражеден қабылдайды. Дражені 3 апта қабылдағаннан кейін препаратты қабылдауда 7 күндік үзіліс жасау керек, сол кезде препаратты тоқтатудан туындаған етеккір тәрізді қан кетудің басталуын күтуге болады. Препаратты қабылдаудағы 7 күндік үзілістен соң, етеккір тәрізді қан кетудің басталған-басталмағанына немесе жалғасып жатқанына қарамастан, Климонорм® препаратының жаңа қаптамасын бастайды. Енгізу жолы Пероральді Климонорм® препаратын қабылдауды қалай бастау керек - Бұрын орын басушы гормондық ем қабылдау болмаған болса Климонорм® препаратымен емдеуді аменореясы бар немесе етеккірі өте сирек пациенттерде, сондай-ақ, менопаузадан кейінгі әйелдерде, жүктіліктің жоқтығы анықталған жағдайда кез-келген уақытта бастауға болады. Егер пациентте етеккір әлі де жалғасып жатса, емді етеккір оралымының 5-ші күні (етеккірлік қан кетудің 1-ші күні етеккір оралымының 1-ші күніне сәйкес келеді) бастау керек. - Орын басушы гормондық емге арналған әртүрлі препараттардан ауысқан кезде Үздіксіз біріктірілген орын басушы гормондық емнен ауысқан кезде, Климонорм® препаратымен емдеуді бұрынғы емді аяқтағаннан кейін келесі күні бастау керек. Циклдік гормонмен емнен ауысқан кезде, Климонорм® препаратымен емдеуді дражені қабылдаудағы үзілістен кейінгі келесі күні бастау керек. Менопаузадан кейінгі симптомдарды емдеуді бастаған немесе жалғастырған кезде анағұрлым едәуір қысқа уақыт аралығы ішінде ең аз тиімді дозасын қолдану қажет. Қолдану тәсілі Дражені сұйықтықтың аздаған мөлшерімен іше отырып тұтастай жұтады. Асқазан-ішек бұзылыстарын азайту үшін, дражені күн сайын бір уақытта, дұрысы кешкі уақытта қабылдаған дұрыс. Тоқтату симптомдары қаупінің болуына нұсқау Деректер жоқ.

- Белсенді заттарға немесе қосымша заттардың кез келгеніне жоғары сезімталдық; - Анамнезінде сүт безі обырының расталған немесе болжамды диагнозы немесе сүт безі обыры; - Гормонға тәуелді қатерлі ісіктің расталған немесе болжамды диагнозы (мысалы, эндометрий обыры); - Диагностикаланбаған қынаптық қан кету; - Эндометрийдің емделмеген гиперплазиясы; - Қазіргі уақыттағы немесе анамнездегі идиопатиялық веналық тромбоэмболия (терең веналар тромбозы, өкпе эмболиясы); - Анықталған тромбофилиялық бұзылулар (мысалы, С ақуызы, S ақуызы немесе антитромбин тапшылығы); - Қазіргі уақыттағы немесе анамнездегі артериялық тромбоэмболиялық бұзылулар (мысалы, стенокардия, миокард инфарктісі); - Бауырдың жедел немесе ауыр аурулары немесе анамнездегі бауыр аурулары, биохимиялық талдаулар көрсеткіштері қалпына келгенше; -Порфирия; -Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы.

Жиі - Бас ауыруы, бас сақинасы - Гипертония - Сүт бездерінің неоплазиясы (қатерсіз мастопатия), сүт безінің ауырсынуы / сүт безінің ауыруы Жиі емес - Респираторлық инфекциялар / бронхит - Аса жоғары сезімталдық реакциялары/ аллергия - Үрей мен депрессиялық көңіл-күйді қоса, көңіл-күйдің құбылмалылығы - Жады бұзылуы*, ұйқышылдық/ бас айналуы - Көрудің бұзылуы - Тахикардия / жүрек қағуы, веналардың варикозды кеңеюі, геморрой, жүрек-қантамыр аурулары - Жүрек айнуы / құсу, метеоризм, іш ауыруы, іш қату*, диспепсиялық бұзылыстар - Холангит, холецистит, бауыр функциясының бұзылуы - Акне / себорея, терінің қышынуы - Етеккір арасындағы қан кету / қан ұюының бұзылулары, мастит*, вагинит*, жатыр мойнының гиперплазиясы* / дисплазия*, эндометрий гипертрофиясы, эндометрий гиперплазиясы*, вульвовагиналық шағымдар, сүт безі обыры - Қан кернеулері, астения, ісінулер / аяқтағы ауырлық, жамбас аймағының ауыруы - Қандағы қант деңгейінің жоғарылауы, анемия, дене салмағының өзгеруі, билирубинемия Сирек - Либидо өзгерістері - Ұйқы бұзылуы - Тромбоз#, беткейлік тромбофлебит, гипотензия - Шаштың түсуі * Препаратпен себептік байланысты болжайтын жалғыз тіркелген жағымсыз құбылыс «кейде» санатына жатады. # Веналық тромбоэмболия. Аяқтың терең веналарының немесе жамбас веналарының тромбозы, сондай-ақ, өкпе артериясының тромбоэмболиясы орын басушы гормондық емді қабылдап жүрмеген адамдардағыға қарағанда, оны қабылдап жүрген адамдарда жиірек кездеседі. Сүт безі обырының қаупі Біріктірілген эстроген-прогестагенді емді 5 жылдан артық қабылдап жүрген әйелдерде сүт безі обырының диагностикалануы 2 есе артқаны туралы хабарланды; Эстрогенмен монотерапиядағы әйелдерде жоғары қауіп эстрогендерді прогестиндермен біріктіріп қабылдап жүрген әйелдердегі қауіптен айтарлықтай төмен. Қауіп деңгейі қолдану ұзақтығына байланысты. Эндометрий обырының қаупі Постменопаузадағы жатыры алынбаған әйелдер Эндометрий обырының дамуы қаупіне ОБГЕ қабылдап жүрмеген, жатыры алынбаған шамамен 1000 әйелдің әр 5-еуі ұшырайды. Жатыры алынбаған әйелдер үшін эстрогендермен монотерапия ұсынылмайды, өйткені бұл эндометрий обырының даму қаупін арттырады. Аналық без обыры Эстрогендік емді және біріктірілген эстроген-прогестагенді ОБГЕ ұзақ уақыт қолдану аналық бездің обыры қаупінің біршама жоғарылауымен байланысты болуы мүмкін. Веналық тромбоэмболия қаупі ОБГЕ веналық тромбоэмболияның (ВТЭ), яғни аяқтың терең веналарының немесе жамбас веналарының тромбозының немесе өкпе артериясының тромбоэмболиясының даму қаупінің жоғарылауымен байланысты болуы мүмкін. Мұндай құбылыстардың пайда болуы ОБГЕ бірінші жылы ішінде анағұрлым ықтимал. Жүректің ишемиялық ауруы қаупі 60 жастан асқан, біріктірілген эстроген-прогестагенді ОБГЕ пайдаланушыларында жүректің ишемиялық ауруының қаупі біршама жоғары. Ишемиялық инсульт қаупі Тек эстрогендермен және эстроген-прогестагенді емді пайдалану ишемиялық инсульттің салыстырмалы қаупінің 1,5 есе дерлік артуымен астасады. Геморрагиялық инсульт қаупі ОБГЕ пайдаланған кезде жоғарыламайды. Бұл салыстырмалы қауіп жасқа немесе пайдалану ұзақтығына байланысты емес, алайда бастапқы қауіп жасқа өте тәуелді болғандықтан, ОБГЕ пайдаланып жүрген әйелдерде инсульттің жалпы қаупі жасы ұлғая келе арта түседі. Эстроген-прогестагендермен емдеумен байланысты, дәрілерге басқа жағымсыз реакциялар туралы хабарланды: - өт қалтасының аурулары - тері және теріасты аурулары: хлоазма, көп формалы эритема, түйінді эритема, қантамыр пурпурасы. - 65 жастан асқан әйелдерде ықтимал деменция - тұқым қуалайтын ангионевроздық ісінуі бар әйелдерде экзогенді енгізілген эстрогендер ангионевроздық ісіну симптомдарын туындатуы немесе ушықтыруы мүмкін. Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Кейбір әйелдерде артық дозалануы жүрек айнуын, құсуды және тоқтатудан болатын қан кетуді туғызуы мүмкін. Спецификалық антидоттары жоқ, және емі симптоматикалық болуы тиіс. Жіберіп алған дражені қабылдау Егер әйел дражені белгіленген уақытта қабылдауды ұмытып кетсе, онда оны алдағы 12 сағат ішінде қабылдауы керек. Керісінше жағдайда, емдеуді келесі күні, ұмытылып кеткен дражені ескермей, препаратты қабылдау арқылы жалғастыру керек. Дражені қабылдауды өткізіп алу лақылдап қан кетудің дамуы ықтималдығын арттырады.

ОБГЕ менопаузадан кейінгі симптомдарын емдеу үшін тек өмір сапасына жағымсыз ықпал ететін симптомдар болғанда ғана бастаған жөн. Барлық жағдайларда, кем дегенде, жыл сайын қауіп/артықшылық арақатынасын мұқият бағалау керек және ОБГЕ артықшылықтар қауіптен жоғары болған жағдайда ғана жалғасуы керек Мерзімінен бұрын басталған менопаузаны емдеу кезінде ОБГЕ байланысты қауіптер туралы деректер шектеулі. Жас әйелдерде төмен абсолюттік қауіпті ескере отырып, осы әйелдердегі артықшылығы мен қауіптерінің арақатынасы жасы үлкендеу әйелдерге қарағанда жағымдырақ болуы мүмкін. Медициналық тексеру және кеңес беру ОБГЕ бастар алдында немесе қайтадан бастайтын кезде, әйелге мұқият жалпы медициналық тексеруден (отбасылық анамнезді зерттеуді қоса) және гинекологиялық тексеруден (сүт бездерін зерттеуді және цервикалды шырышты цитологиялық зерттеуді қоса) өту, қарсы көрсетілімдер мен сақтық шараларын ескеру ұсынылады. Емдеу үдерісінде жиілігі жеке тәртіпте анықталатын мезгіл-мезгіл бақылау зерттеулері жүргізілуі керек. Әйелге сүт бездеріндегі кез-келген өзгерістер туралы дәрігерге немесе мейірбикеге хабарлау керек екендігі туралы хабарлау керек. Маммографияны қоса, сүт бездерін тексеру белгіленген скрининг кестесіне сәйкес және жеке клиникалық қажеттілікке байланысты жүргізілуі керек. Бақылауды қажет ететін жай-күйлер Егер келесі жай-күйлердің қандай да бірі бұрын байқалса, қазіргі уақытта болса және/немесе жүктілік кезінде немесе бұрын жүргізілген гормондық ем кезінде нашарласа, пациентті мұқият бақылау керек. Климонорм® препаратымен ем жүргізу кезінде бұл жай-күйлер қайта басталуы және/немесе күшеюі мүмкін екенін назарға алу қажет: - лейомиома (фибромиома) немесе эндометриоз - қауіп факторлары, соның ішінде анамнездегі тромбоэмболиялық бұзылулар - эстрогенге тәуелді ісіктердің даму қаупінің факторлары (мысалы туыстығы 1 дәрежелі туысқан әйелде сүт безі обырының болуы) - артериялық гипертензия - бауыр аурулары (мысалы, бауыр аденомасы) - қантамыр бұзылуларымен немесе оларсыз қант диабеті - өт-тас ауруы - бас сақинасы немесе айқын бас ауырулары - жүйелі қызыл жегі - анамнездегі эндометрий гиперплазиясы - эпилепсия - бронх демікпесі - отосклероз Препаратты қабылдауды дереу тоқтату үшін себептер - сарғаю немесе бауыр функциясының нашарлауы - артериялық қысымның елеулі жоғарылауы - бас сақинасы тәрізді бас ауыруының қайта пайда болған ұстамалары - жүктілік Эндометрий гиперплазиясы және эндометрий обыры Жатыры алынбаған әйелдерде эстрогендермен ұзақ уақыт монотерапия кезінде эндометрий гиперплазиясы немесе карциномасының даму қаупі артады. Тек эстрогенді қабылдайтын әйелдерде эндометрий обырының даму қаупі емдеу ұзақтығына және эстроген дозасына байланысты эстрогенді пайдаланбайтын әйелдермен салыстырғанда 2-ден 12 есеге дейін жоғары. Емдеуді тоқтатқаннан кейін қауіп шамамен 10 жыл бойы жоғары болып қалады. Жатыры алынбаған әйелдерде циклдік режимде 28 күндік цикл үшін кем дегенде прогестагенді 12 күн қосу немесе біріктірілген эстроген-прогестагендік препаратпен үздіксіз ем, құрамында тек эстроген бар ОБГЕ байланысты жоғары қауіптің алдын алады. Жатырдан лақылдап қан кетулер мен жағынды бөліністер кейде емдеудің алғашқы бірнеше айы ішінде білінуі мүмкін. Егер жатырдан лақылдап қан кетулер мен жағынды бөліністер бірнеше емдеу циклдерінен соң дамыса, немесе емдеуді тоқтатқаннан кейін де жалғаса берсе, себебін зерттеу қажет, ол зерттеуге эндометрийдегі қатерлі үдерісті жоққа шығару үшін эндометрий биопсиясын қамтуы мүмкін. Сүт безінің обыры Барлық деректер ОБГЕ қабылдайтын әйелдерде сүт безі обырының пайда болуының жоғары қаупін көрсетеді: құрамында біріктірілген эстроген-прогестаген бар немесе құрамында тек эстроген бар. Көрсетілген қауіп ОБГЕ қабылдау ұзақтығына байланысты. Біріктірілген эстроген-прогестаген емі Зерттеулер ОБГЕ үшін біріктірілген эстроген-прогестагендерді қабылдайтын әйелдерде сүт безі обырының жоғары қаупін растайды, ол шамамен 3 (1-4) жылдан кейін пайда болады. Эстрогендермен монотерапия Зерттеу ОБГЕ үшін тек эстрогендерді қабылдайтын гистерэктомиядан кейін әйелдерде сүт безі обырының даму қаупінің жоғарылауын анықтамады. Зерттеулер бақылау деректері бойынша, негізінен эстроген-прогестаген біріктірілімінде ОБГЕ қабылдайтын әйелдерге қарағанда сирек диагностикаланатын сүт безі обырының даму қаупінің шамалы жоғарылауы туралы хабарлайды. Үлкен мета-талдаудың нәтижелері емдеуді тоқтатқаннан кейін қауіп уақыт өте келе төмендейтінін және бастапқы деңгейге оралуға кететін уақыт ОБГЕ пайдалану ұзақтығына байланысты екенін көрсетті. Егер ОБГЕ 5 жылдан астам уақыт бойы қабылданса, қауіп 10 жыл немесе одан да көп уақытқа сақталуы мүмкін. ОБГЕ, әсіресе біріктірілген эстроген-прогестагендік препараттармен, маммографиядағы сүт бездерінің тығыздығын арттырады, бұл сүт безі обырының рентгенологиялық анықталуына теріс әсер етуі мүмкін. Аналық без обыры Аналық бездің обыры сүт безі обырына қарағанда едәуір сирек байқалады. Құрамында тек эстрогендер бар препараттармен ОБГЕ ұзақ уақыт бойы пайдалану (5 жыл немесе одан да көп) аналық без обыры қаупінің елеусіз жоғарылауымен астасады. Онымен байланысты қауіп біріктірілген ОБГЕ пайдаланған кезде салыстырмалы немесе сәл төмен деп болжанады. Веналық тромбоэмболия ОБГЕ веналық тромбоэмболия (ВТЭ), яғни терең веналар тромбозы мен өкпе эмболиясы дамуының 1,3 есе жоғары салыстырмалы қаупімен байланысты болуы мүмкін. Мұндай құбылыстардың пайда болуы ықтималдылығы ОБГЕ алғашқы жылы ішінде анағұрлым жоғары. Тромбоэмболиялық жай-күйлері бар пациенттерге ВТЭ даму қаупі жоғары. ОБГЕ бұл қауіпті арттыруы мүмкін. Демек, ОБГЕ мұндай пациенттерде қолдануға болмайды. ВТЭ дамуы қаупінің жалпыға белгілі факторлары эстрогендерді пайдалану, жас үлкендігі, ауқымды хирургиялық араласулар, ұзаққа созылған иммобилизация, семіздік (дене салмағының индексі 30 кг/м2 асады), жүктілік және босанғаннан кейінгі кезең, жүйелі қызыл жегі (ЖҚЖ) және обыр болып табылады. Веналардың варикозды кеңеюі ВТЭ дамуындағы ықтимал рөлі туралы мәселе даулы болып қала береді. Операциядан кейінгі кезеңде барлық әйелдерде операциядан кейінгі кезеңдегі ВТЭ алдын алу үшін профилактикалық шараларды қарастыру қажет. Ұзаққа созылған, әдетте, ауқымды хирургиялық операциядан кейін жүргізілетін иммобилизация жағдайларында, оны жүргізгенге дейін 4-6 апта бұрынғы мерзімде ОБГЕ уақытша тоқтату қажеттілігі туралы мәселені шешу керек. Иммобилизация аяқталғанша қабылдауды қайта бастамаған жөн. Жеке анамнезінде ВТЭ жоқ, бірақ жас кезінде тромбозы бар жақын туыстары бар әйелдерде оның шектеулі мүмкіндіктеріне байланысты егжей-тегжейлі кеңес беруден кейін скрининг ұсынылуы мүмкін (тромбофилиясы бар пациенттердің барлығы скрининг кезінде анықталмауы мүмкін). Отбасы мүшелерінде тромбоздармен байланысты тромбофилиялық ақау анықталған жағдайда, немесе егер бұл «ауыр» ақау болса (мысалы, антитромбин, протеин S немесе протеин C тапшылығы, немесе ақаулардың біріктірілімі), мұндай жағдайларда ОБГЕ қолдануға болмайды. Емдеудің қаупі мен пайдасының арақатынасы, антикоагулянтты емдеудегі әйелдерде мұқият саралануы және талқылануы тиіс. Климонорм® препараты аясында ВТЭ пайда болуы кезінде, емдеуді дереу тоқтату керек. Әйел препаратты қабылдауды тоқтатуы және вена тромбозының симптомдары дамыса, мысалы аяқтың ауыруы және/немесе ісінуі пайда болған кезде; кеуденің кенеттен қатты ауыруы мен ентігу кезінде дәрігерге қаралуы қажет. Эстроген+прогестагендермен біріктірілген ем Біріктірілген эстроген-прогестагендік ОБГЕ пайдалану кезіндегі ЖИА салыстырмалы қаупі елеусіз артқан. ЖИА бастапқы абсолюттік қаупі жас шамасымен тікелей байланысты болғандықтан, эстроген-прогестагенді препараттарын пайдалану кезінде ЖИА қосымша жағдайларының саны менопауза жақындаған әйелдерде көп емес, бірақ жас ұлғайған сайын артуы мүмкін. Эстрогендермен монотерапия Жатыры алынып тасталған, тек эстрогендермен ОБГЕ қабылдаған әйелдерде ЖИА даму қаупінің артқаны анықталған жоқ. Ишемиялық инсульт Біріктірілген эстроген-прогестагенді препараттармен ОБГЕ немесе эстрогендермен монотерапия кезінде ишемиялық инсульт қаупі 1,5 есе артады. Салыстырмалы қауіп жасқа немесе менопаузаның ұзақтығына байланысты өзгермейді. Алайда, ишемиялық инсульттің бастапқы қаупі тікелей жасқа байланыста екендігін ескере отырып, әйелдерде жалпы инсульт қаупі ОБГЕ қабылдау аясында жас ұлғая келе арта түседі. Жүректің ишемиялық ауруы ОБГЕ біріктірілген эстроген-прогестагенді ем немесе эстрогендермен монотерапия әйелдерді, олардың жүректің ишемиялық ауруынан зардап шегіп жүрген-жүрмегендігіне қарамастан, миокард инфарктісінен қорғайтындығына дәлелдер жоқ. Басқа жай-күйлер Эстрогендер организмде сұйықтықтың іркілуіне ықпал етуі мүмкін, осыған байланысты жүрек-қантамыр немесе бүйрек бұзылулары бар пациенттер мұқият тексерілуі тиіс. Бүйректің терминальді жеткіліксіздігі кезінде мұқият мониторинг қажет, өйткені қан плазмасында Климонорм® препаратының айналымдағы белсенді заттарының деңгейі жоғарылауы мүмкін. ОБГЕ жүргізу кезінде бұрын триглицеридтер деңгейі жоғары болған әйелдерді ерекше бақылау қажет, өйткені сирек жағдайларда ОБГЕ қолдану қандағы триглицеридтер деңгейінің елеулі артуын туындатуы мүмкін, бұл жедел панкреатиттің даму қаупін арттырады. Эстрогендер тиреоид байланыстыратын глобулин деңгейін арттыруы мүмкін, бұл айналымдағы жалпы тиреоидты гормон деңгейінің жоғарылауына әкеледі, бұл йод ақуыздарымен байланысқан (ИАБ) Т4 деңгейінен (бағандық немесе радиоиммунологиялық тәсілмен өлшеген кезде) немесе радиоиммунологиялық тәсілмен өлшенген Т3 деңгейінен анықталады. Бос Т3 пен Т4 деңгейі өзгермейді. Сондай-ақ басқа байланыстыратын глобулиндердің, мысалы кортикостероид- байланыстыратын глобулин; жыныстық гормондарды байланыстыратын глобулиндер деңгейінің жоғарылағаны білінуі мүмкін, бұл сәйкесінше айналымдағы кортикостероидтар мен жыныстық гормондар деңгейінің артуына әкеледі. Бос немесе биологиялық белсенді гормондардың концентрациясы өзгеріссіз қалады. Ренин/ангиотензин субстраттары, альфа-1-антитрипсин, церулоплазмин сияқты басқа плазма ақуыздарының жоғарылағаны байқалады. ОБГЕ аясында когнитивтік функцияның жақсарғаны білінген жоқ. 65 жастан кейін үздіксіз ОБГЕ пайдалана бастаған әйелдерде деменцияның ықтимал дамуының жоғары қаупі туралы деректер бар. Тұқым қуалайтын ангионевроздық ісінуі бар әйелдерде экзогенді эстрогендер аталған ауруға түрткі болуы немесе симптомдарын ушықтыруы мүмкін. Препаратты галактозаға толеранттылықтың бұзылуымен, Lapp лактаза жеткіліксіздігімен немесе глюкоза-галактоза мальабсорбциясымен байланысты сирек кездесетін тұқым қуалайтын аурулар болған кезде қолдануға болмайды. АЛТ жоғарылауы С гепатитін емдеуге арналған рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық сынақтар барысында этинилэстрадиол бар препараттарды, мысалы, біріктірілген гормональді контрацептивтерді (БГК) қолданатын әйелдерде АЛТ деңгейінің қалыптың жоғарғы шегінен 5 еседен астам жоғарылауы айтарлықтай жиі байқалды. Сонымен қатар, глекапревир/ пибрентасвир немесе софосбувир/велпатасвир/воксилапревирмен емделген пациенттерде құрамында этинилэстрадиол бар БГК сияқты препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавирмен, глекапревир/пибрентасвир немесе софосбувир/велпатасвир/воксилапревирмен.

Климонорм® жүктілік және лактация кезінде тағайындалмайды. Егер Климонорм® препаратымен емдеу кезінде жүктілік анықталса, емдеуді тоқтату керек. Эпидемиологиялық зерттеулердің нәтижелері жүктіліктің ерте кезеңінде препаратты кездейсоқ қабылдаған кезде эстрогендерді прогестагендермен біріктірудің тератогендік және фетоуытты әсерін анықтаған жоқ. Дәрілік заттың автокөлік және қауіптілігі зор механизмдерді басқару қабілетіне әсер ету ерекшеліктері Препаратты қолдану автокөлікті және қауіптілігі зор механизмдерді басқару қабілетіне ықпал етпейді.

Климонорм® препаратымен бір мезгілде тағайындалатын дәрілік препараттар туралы ақпаратты, ықтимал өзара әрекеттесу мәніне тексеру керек. Жыныстық гормондардың клиренсін арттыратын заттар (ферменттердің индукциясы нәтижесінде тиімділігінің төмендеуі): Эстрогендер мен прогестагендердің метаболизмін дәрілік препараттарды, әсіресе P450 цитохром ферменттерін метаболиздейтін белгілі ферменттерді индукциялайтын белсенді ингредиенттерді бір мезгілде қабылдау арқылы арттыруға болады. Бұл белсенді ингредиенттерге конвульсияға қарсы дәрілер (мысалы, барбитураттар, фенитоин, карбамазепин, примидон) және инфекцияға қарсы дәрілер (мысалы, рифампицин, рифабутин, невирапин, эфавиренз) және сондай-ақ фелбамат, гризеофульвин, окскарбазепин, топирамат және құрамында шайқурай (Hypericum perforatum) бар өсімдік тектес препараттар кіреді. Эстрогендер мен прогестагендердің клиникалық жоғары метаболизмі осы гормондардың белсенділігінің төмендеуіне және жатырдан қан кету сипатының өзгеруіне әкелуі мүмкін. Ферменттің индукциясы бірнеше күн емдеуден кейін-ақ байқалады. Ферменттің ең жоғары индукциясы, әдетте, бірнеше апта ішінде байқалады. Дәрі-дәрмектік емді тоқтатқаннан кейін ферменттің индукциясы шамамен 4 апта бойы сақталуы мүмкін. Жыныстық гормондардың клиренсіне әсері өзгермелі заттар: Жыныстық гормондармен бір мезгілде қабылдаған кезде АИТВ протеаза тежегіштері мен кері транскриптаза нуклеозидті емес тежегіштерінің, оның ішінде СВГ тежегіштерімен біріктірілімдер плазмадағы эстроген немесе прогестиндер концентрациясын арттыруы немесе төмендетуі мүмкін. Кейбір жағдайларда мұндай өзгерістердің жалпы әсері клиникалық тұрғыдан елеулі болуы мүмкін. Жыныс гормондарының клиренсін төмендететін заттар (фермент тежегіштері): Азолдар тобының антимикотиктері (мысалы, флуконазол, итраконазол, кетоконазол, вориконазол), верапамил, макролидтер (мысалы, кларитромицин, эритромицин), дилтиазем және грейпфрут шырыны сияқты күшті және орташа CYP3A4 тежегіштері қан плазмасындағы прогестин немесе эстроген концентрациясын немесе оны да басқасында арттыруы мүмкін. Эстрогендер имипраминнің жағымсыз әсерлерін күшейтуі мүмкін. Циклоспоринді бір мезгілде қолданғанда циклоспориннің бауыр арқылы экскрециясының төмендеуі қандағы циклоспорин, креатинин және трансаминазалар деңгейінің жоғарылауына әкелуі мүмкін. Эстрогендер құрамында кортикостероидтар бар препараттардың тиімділігін арттыруы мүмкін. Қалқанша без гормондарын бір мезгілде алмастырған кезде левотироксин қажеттілігі артуы мүмкін. Белсендірілген көмірді және/немесе антибиотиктерді, мысалы ампициллинді немесе тетрациклинді бір мезгілде қабылдаудың нәтижесінде ішек микрофлорасы өзгереді, белсенді ингредиенттер деңгейінің төмендеуі байқалады, сондықтан Климонорм® препаратының әсері әлсіреуі мүмкін. Етеккір аралық қан кетулер жиілігінің артуы туралы хабарланды. Эстрогеннің глюкозаға толеранттылыққа (төмендейді) және инсулинге жауапқа ықпалының нәтижесінде пероральді диабетке қарсы дәрілермен немесе инсулинмен емдеу қажеттілігі немесе дозалануы өзгеруі мүмкін. Фармакодинамикалық өзара әрекеттесу СГВ емдеу режиміне арналған құрамында рибавиринмен немесе онсыз дасабувир және омбитасвир/паритапревир/ритонавир біріктірілген препараты қолданылған клиникалық зерттеулер барысында этинилэстрадиол бар препараттарды, мысалы, БГК қолданатын әйелдерде АЛТ белсенділігінің қалыптың жоғарғы шегінен (ҚЖШ) 5 еседен астам жоғарылауы айтарлықтай жиі байқалды. Сонымен қатар, глекапревир/ пибрентасвир немесе софосбувир/велпатасвир/воксилапревирмен емделген пациенттерде құрамында этинилэстрадиол бар БГК сияқты препараттарды қабылдаған әйелдерде АЛТ деңгейінің жоғарылауы байқалды. Эстрогендік компоненті ретінде құрамында этинилэстрадиол емес, мысалы, эстрадиол және рибавиринмен немесе онсыз дасабувир және омбитасвир/паритапревир/ритонавир бар дәрілік препараттарды қабылдайтын әйелдерде АЛТ деңгейінің жоғарылау жиілігі эстрогенді қабылдамайтын әйелдерде байқалғанға ұқсас, алайда мұндай эстрогендерді әйелдердің шектеулі саны алатындығына байланысты келесі біріктірілген емдеу режимдерін бір мезгілде тағайындауға сақтықпен қарау керек: рибавиринмен немесе онсыз дасабувир және омбитасвир/паритапревир/ритонавир, глекапревир/пибрентасвир немесе софосбувир/велпатасвир/воксилапревирмен. Өзара әрекеттесудің басқа түрлері. Зертханалық талдаулар Жыныстық стероидтарды пайдалану кейбір зертханалық талдаулардың, соның ішінде бауыр, қалқанша без, бүйрекүсті бездері мен бүйрек функциясының биохимиялық параметрлерін, плазмадағы тасымалдаушы ақуыздардың деңгейлерін, мысалы, кортикостероид байланыстыратын глобулин, липидтер / липопротеидтер фракциялары, көмірсулар алмасуының параметрлері, қанның ұю параметрлері және фибринолизді анықтаудың нәтижелеріне әсер етуі мүмкін. Өзгерістер, әдетте, қалыпты зертханалық ауқым шеңберінде қалады.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!