Клостилбегит ® таблетки 50 мг

Бір таблетканың құрамында белсенді зат-кломифен цитраты, 50 мг, Қосымша заттар: лактоза моногидраты, картоп крахмалы , тальк, желатин, магний стеараты, стеарин қышқылы Сыртқы түрінің, иісінің, дәмінің сипаттамасы Дөңгелек, ойығы бар, бір жағында «CLO» бедері бар, ақ, сарғыш-ақ немесе сұрғылт-ақ түсті; иіссіз немесе иіссіз дерлік жалпақ таблеткалар.

Клостилбегит бала көтергісі келетін әйелдерде овуляцияның бұзылуларын емдеу үшін көрсетілген. Эндогендік эстрогеннің тиісті деңгейі Клостилбегит препараты туындатқан овуляцияны индукциялау үшін жағымды болжамды қамтамасыз етеді. Клостилбегит бастапқы гипофиздік немесе бастапқы анабездік жеткіліксіздігі бар әйел пациенттерде тиімділігі жоқ.

ATХ коды: G03G B02 Әсер ету механизмі Кломифен - цис - (зукломифен) және транс - (энкломифен) изомерлерінің қоспасы. Әсер ететін заттың 30%-дан 50% -ына дейінгісін құрайтын цис- изомер эстрадиолдың гипоталамус рецепторларымен байланысуын таңдамалы түрде тежейтін эстрогенге қарсы компонент болып табылады; бұл кері байланыс механизмі арқылы гонадотропиннің өндірілуінің жоғарылауына әкеледі, нәтижесінде овуляция стимуляцияланады.

Дозалау режимі Ересектер Емдеудің бірінші курсы Клостилбегит препаратын қабылдаудың бірінші курсына арналған ұсынылатын доза 5 күн бойы күніне 50 мг (1 таблетка) құрайды. Егер әйел пациентте таяуда етеккірлік қан келмесе, емдеуді кез келген күні бастауға болады. Егер прогестин туындатқан қан кету жоспарланса немесе емдеу басталғанға дейін өздігінен етеккірлік қан келсе, 5 күн бойы күн сайын 50 мг қабылдау циклдің шамамен бесінші күнінде басталуы керек. Егер овуляция осындай дозада басталса, кейінгі емдеу циклдерінде дозаны арттырудың ешқандай артықшылығы жоқ. Емдеудің екінші курсы Егер емдеудің бірінші курсынан кейін овуляция басталмаса, 5 күн ішінде күніне 100 мг-ден (күніне 50 мг-ден екі таблетка) емдеудің екінші курсын жүргізу керек. Бұл курсты алдыңғы курстан 30 күн өткен соң бастауға болады. Дозаны (тәулігіне 100 мг-ден көбірек) немесе емдеудің ұзақтығын (5 күннен артық) арттыруға болмайды. Емдеуге жауап беретін әйел пациенттердің көп бөлігі емдеудің бірінші курсына жауап береді. Емдеудің 3 курсын жүргізу талапқа сай емдеу болып саналады. Егер овуляциялық етеккір әлі басталмаса, диагнозды қайта қарастыру керек. Овуляция белгілері жоқ әйел пациенттерге кейінгі емдеу ұсынылмайды. Жүктілік Коитус уақытын дұрыс таңдаудың маңыздылығын қайта бағалау мүмкін емес (яғни шамамен овуляция кезеңінде). Циклдік овуляциялық реакцияның жүйелілігі үшін Клостилбегит препаратымен емдеудің әрбір курсы овуляцияның пайда болуы анықталғаннан кейін циклдің бесінші күнінде басталғаны да маңызды. Клостилбегит препаратымен емдеу тиімділіктің төмендеу ережесіне бағынады, оған сәйкес әрбір келесі емдеу курсымен бала көтеру ықтималдығы төмендейді. Емдеуді бастамас бұрын әйел пациенттер мен олардың еркек-жұптары, егер баланы Клостилбегит препаратымен емдеу аясында көтеріп қойса, көпұрықты жүктіліктің ықтималдылығы және оның ықтимал қауіптері туралы хабардар болуы керек. Ұзақ уақыт емдеу Ұсынылмайды. 6-дан көп емдеу циклі кезінде кломифеннің тиімділігі мен қауіпсіздігі дәлелденбеген. Пациенттердің ерекше топтары Балалар Клостилбегит препараты балаларды емдеуге арналмаған. Егде жастағы пациенттер Клостилбегит препараты егде жастағы пациент әйелдер мен постменопаузадағы әйелдерге арналмаған. Енгізу әдісі және жолы Ішке қабылдау үшін. Дәрілік препаратты қолдану тәсілін түсіну үшін медицина қызметкерінен кеңес алу жөніндегі ұсынымдар Егер Сізде осы пепаратты пайдалану туралы қосымша сұрақтар туындаса, өз дәрігеріңізге жүгініңіз.

• белсенді немесе қосымша заттарының кез келгеніне аса жоғары сезімталдық • Бауыр аурулары. Кломифен анамнезінде бауырдың белсенді ауруы, бауыр функциясының бұзылуы бар немесе әйел пациенттің немесе оның туыстарының анамнезінде билирубин метаболизмінің бұзылуы бар әйел пациенттерге қарсы көрсетілімді. • Жүктілік. Клостилбегит жүктілік кезінде қарсы көрсетілімді. Адамда Клостилбегит шаранаға жағымсыз әсер ететіндігі туралы ешқандай дәлелдер болмаса да, Клостилбегиттің егеуқұйрықтар мен үй қояндарының ұрығына ол буаз жануарларға жоғары дозаларда берілсе, жағымсыз әсер ететіндігі туралы деректер бар. Клостилбегит жүктілік кезінде тағайындалмауы керек. Жүктіліктің ерте мерзімінде препаратты байқаусызда қолданбау үшін, емдеудің әр циклі кезінде овуляцияның бар-жоғын анықтау үшін тиісті тестілерді қолдану керек. Әйел пациент Клостилбегит препаратымен емдеудің келесі курсына дейін жүктілікті анықтау тестін жасауы керек. • Аналық без кистасы. Клостилбегитті аналық без кистасы бар әйел пациенттерге тағайындауға болмайды (аналық без поликистозы синдромын қоспағанда), себебі бұл аналық без кистасының одан әрі үлкеюін туындатуы мүмкін. • жатырдан шығу тегі белгісіз қан кетулер немесе диагностикаланбаған қан кетулер • аналық без дисгенезі, менопауза немесе емдеуге жауабы күтілмейтін кез келген жағдай • гормонға тәуелді ісіктер • жақында дамыған немесе анамнезінде байқалған көру бұзылыстары. Клостилбегит анамнезінде кломифенді (алдыңғы немесе ағымдағы емдеу курсы) қолданумен байланысты расталған, көрудің елеулі бұзылысы бар әйел пациенттерге қарсы көрсетілімді • Препарат тұқым қуалайтын галактоза жақпаушылығы, жалпы лактаза тапшылығы, глюкоза-галактоза мальабсорбциясы бар әйел пациенттерге қарсы көрсетілімді.

Жағымсыз реакциялардың түйіндемесі Клиникалық зерттеулердің нәтижелері көрсеткендей, жағымсыз реакциялар жоғары дозаларды қабылдаған кезде немесе ұзақ емдеу кезеңінде дамиды. Препаратты ұсынылған дозаларда қолданған кезде жағымсыз реакциялар айқын болмайды және емдеуге сирек кедергі келтіреді. Клиникалық зерттеулер барысында келесі жағымсыз реакциялар туралы жиі хабарланды: аналық бездің ұлғаюы (13,6%), ысыну (10,6%), іш пен жамбас аймағында жайсыздық сезімі (іштің созылу сезімі, кекіру) (5,5%), жүрек айну және құсу (2,2%), сүт бездеріндегі жайсыздық сезімі (2,1%), көру мүшелері тарапынан симптомдар (1,5%), бас ауыруы (1,3%), етеккірлер арасындағы жұғынды қан кету немесе менорагия (1,3%). Өте жиі: -ысыну - аналық бездердің ұлғаюы Жиі: -бас ауыруы - көру қабілетінің бұзылуы: бұлыңғыр контурлар, жарқылдар немесе дақтар (сцинтилляциялық скотомалар), қалдық сурет - құсу, жүрек айну, метеоризм - сүт бездеріндегі жайсыздық сезімі, циклдер арасында жұғатын қанды бөлінділер немесе менорагия Жиі емес: -бас айналу, талма алдындағы жағдай, вертиго, жүйке кернеуі/ұйқысыздық, шаршау - депрессия Сирек: -құрысу ұстамалары - катаракта, көру жүйкесініңқ невриті Жиілігі белгісіз: • гормонға тәуелді ісіктер / жаңа өспелер немесе ауру ағымының нашарлауы, аналық бездің қатерлі ісіктері - аллергиялық реакциялар, соның ішінде анафилаксия және ангионевроздық ісіну. - гипертриглицеридемия, кейбір жағдайларда панкреатитпен бірге жүреді, анамнезінде гипертриглицеридемия бар пациент әйелдерде, сондай-ақ препараттың дозасы немесе емдеу ұзақтығы ұсынылғаннан өзгеше болған жағдайларда байқалды. - параноидтық психоздың ағымының нашарлауы, мазасыз жағдай, көңіл-күйдің бұзылуы (көңіл-күйдің өзгеруін, көңіл-күйдің ауысуын және ашуланшақтықты қоса), күйгелектік, ашуланшақтық. - синкопе, талма, ми қанайналымының жедел бұзылуы, ми қантамырларының тромбозы, неврологиялық симптоматика, бағдарсыздық және сөйлеудің бұзылуы, уақытша парестезия -скотомалар, фосфендер, диплопия, көру өткірлігінің төмендеуі, көздің ауыруы, аккомодацияның бұзылуы, макулалық ісіну, көру жүйкесінің ишемиялық нейропатиясы, торқабықтың ажырауы, шыны тәрізді дененің ажырауы, торқабықтың орталық венасының окклюзиясы. Жоғарыда берілген жағымсыз реакциялар тіркеуден кейінгі кезеңде байқалды және кейбір жағдайларда көру қабілетінің қайтымды немесе қайтымсыз, ішінара немесе толық жоғалуымен (соқырлық) байланысты болды, әсіресе дозаны жоғарылатқан және емдеу ұзақтығын ұзартқан кезде. - тахикардия, жүректің қатты соғуы сезімі - панкреатит - гепатоцеллюлярлық функцияның бұзылуы: бромсульфалеин тесті нәтижелерінің өзгеруі (төменде қараңыз), сарғаю, трансаминаза белсенділігінің жоғарылауы - аллергиялық дерматит, тері бөртпесі, есекжем, шаштың түсуі, көп формалы эритема, экхимоздар. - поллакиурия - көпұрықты жүктілік, бір мезгілде жатырішілік және жатырдан тыс жүктілік, эктопиялық жүктілік - кломифенді қолданғанда эктопиялық жүктілік қаупі артады. - эндометриоз, бар эндометриоздың нашарлауы, эндометрий қалыңдығының азаюы, аналық бездердің айтарлықтай ұлғаюы, аналық бездердің гиперстимуляциясы синдромы, кломифеннің эстрогенге қарсы әсеріне байланысты цервикальдық шырыштың өндірілуінің төмендеуі. Құрысулардың дамуы туралы хабарламалар бар. Анамнезінде құрысулары бар пациенттер көбірек бейім. Аналық бездердің ұлғаюы Препаратты ұсынылған дозаларда қолданған кезде аналық бездердің патологиялық мөлшерге дейін ұлғаюы сирек кездеседі, дегенмен оның мөлшерінің әдеттегі циклдік өзгерістерімен салыстырғанда ұлғаю айқынырақ болуы мүмкін. Сол сияқты, аналық бездердің циклдік ауырғыштығы айқынырақ болуы мүмкін. Жоғары дозаларды қолдану немесе емдеу мерзімін ұзарту кезінде аналық бездердің ұлғаюы және кисталардың пайда болуы жиі байқалады, сонымен қатар овуляция циклінің лютеиндік фазасы ұзаруы мүмкін. Сирек жағдайларда аналық бездердің айқын ұлғаюы туралы хабарланды. Мұндай жағдай 14 күн бойы тәулігіне 100 мг дозада Клостилбегит препаратын қабылдаған поликистозды аналық без синдромы бар пациент әйелде сипатталған. Аналық бездердің қалыптан тыс ұлғаюы әдетте өздігінен өтеді. Мұндай жағдайы бар пациент әйелдердің көпшілігіне консервативті ем жүргізуге болады. Көру мүшесі тарапынан бұзылулар Жалпы дозаның жоғарылауымен көру қабілетінің «бұлыңғырлығы» ретінде белгілі симптомдардың даму жиілігі, сондай-ақ дақтардың немесе жарқылдың пайда болуы (жыбырлақ скотома) артады. Кейінгі кескіннің ізі пайда болуы туралы да хабарланды. Бұл симптомдардың көру мүшесі тарапынан алғашқы пайда болуы немесе күшеюі, негізінен, қатты жарықта байқалады. Офтальмологиялық расталған скотомалар, фосфендер және көру арқылы қабылдаудың нашарлауы туралы хабарламалар бар. Сирек жағдайларда катаракта және көру жүйкесінің невриті туралы хабарланды. Бұл көру қабілетінің бұзылулары әдетте қайтымды сипатқа ие, дегенмен кломифенмен емдеу аяқталғаннан кейін көру қабілетінің ұзақ мерзімді бұзылыстары туралы хабарламалар болған. Кейбір жағдайларда көру қабілетінің бұзылуы қайтымсыз болуы мүмкін, әсіресе кломифенді жоғары дозаларда қолданғанда немесе оны ұзақ уақыт бойы тағайындаған кезде. Бауыр және өт шығару жолдары тарапынан бұзылулар Бромсульфалеин тестінің (БСФ) көмегімен БСФ белгілі мөлшерін вена ішіне енгізгеннен кейін қаннан шығарылған БСФ мөлшері анықталады. 5 мг/кг БСФ вена ішіне енгізгеннен кейін 45 минуттан соң қанда дозаның тек 5%-ы ғана қалады. Бұл сынама бауыр жасушаларының және бауырдың детоксикация функциясының зақымдануымен бірге жүретін ауруларды анықтаудың тиімді әдісі болып табылады, алайда бұл әдіс бауырдан тыс ауруларды диагностикалау немесе бауырішілік обструктивті сарғаюды анықтау үшін қолданылмайды. БСФ сынамасы жүргізілген 141 пациенттің 32-сінде БСФ кідіруі 5%-дан асты. Осы топқа кіретін 43 пациенттің 5-і кломифенді қазіргі уақытта ұсынылған 50 мг дозада қабылдады. Кломифенді ұзақ уақыт бойы үздіксіз қабылдаған пациенттерді немесе препаратты қабылдауға қатысы жоқ бауыр аурулары жағдайын қоспағанда, БСФ ретенциясы әдетте минималды болды. Басқа бауыр сынамаларының нәтижелері әдетте қалыпты болды. Пациенттер плацебо немесе 50 мг таблетка түрінде кломифен қабылдаған зерттеуде (айына 3 күн тәулігіне 50 мг немесе 100 мг дозада) 6 айлық емдеу курсы кезінде БСФ тест 94 пациентке жүргізілді. 5% - дан астам БСФ кідіруін көрсететін нәтижелер 11 пациенттен алынды, олардың 6-ы кломифен, 5-і плацебо қабылдаған. Тағы бір зерттеуде тәулігіне 50 мг дозада кломифен таблеткаларын қабылдаған бір пациент әйелде емдеудің 19-шы күні сарғаюдың дамығаны туралы хабарланды. Бауыр биопсиясы гепатит белгілері жоқ холестазды анықтады. Зат алмасу тарапынан бұзылулар Гипертриглицеридемия (кейбір жағдайларда панкреатитпен) гипертриглицеридемиямен ауырған немесе отбасылық анамнезінде бар және/немесе кломифен препаратын ұзақ уақыт бойы немесе ұсынылғаннан жоғары дозада қабылдаған пациенттерде байқалды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жедел артық дозаланғанда уытты әсерлер туралы хабарламалар жоқ, артық дозаланудың белгілі жағдайларының саны шамалы. Кломифен цитратының ұсынылғаннан жоғары дозасын қабылдау кезінде байқалатын симптомдарға мыналар жатады: жүрек айнуы, құсу, вазомоторлы ысынулар, мүмкін көру қабілетінің қайтымсыз бұзылуы (көру өткірлігінің нашарлауы, жарықтың жарқылдауы, скотома), аналық бездердің ұлғаюы, жамбас пен іш аймағының ауыруы. Емі: артық дозаланған кезде, әсер ететін затты шығарудан басқа, тек демеуші емді қолдануға болады. Кломифен диализінің ықтималдығы туралы деректер жоқ.

Гипертриглицеридемия Тіркеуден кейінгі кезеңде кломифен қабылдаған пациент әйелдерде гипертриглицеридемия жағдайлары туралы хабарланды. Гипертриглицеридемияның даму қаупі гипертриглицеридемиямен ауыратын немесе отбасылық анамнезінде болған және/немесе кломифенді ұзақ уақыт бойы немесе ұсынылғаннан жоғары дозада қабылдаған пациент әйелдерде жоғарылайды. Мұндай пациент әйелдерге қан плазмасындағы триглицеридтердің деңгейін үнемі анықтау ұсынылады. Кломифен ұзақ уақыт қабылдаған кезде холестерин синтезіне әсер етуі мүмкін. Ұзақ ем қабылдаған пациент әйелдерде десмостеролдың жоғары деңгейі байқалуы мүмкін. Көпұрықты жүктілік Кломифенмен емдеу аясында жүкті болған жағдайда көпұрықты жүктіліктің ықтималдығы артады. Пациент әйелдерге көпұрықты жүктілікке байланысты ықтимал асқынулар мен қауіптер туралы ескерту керек. Клиникалық зерттеулерде көпұрықты жүктіліктің жиілігі 7,9%-ды құрады (кломифен қабылдаған кездегі 2369 жүктіліктің 186 жағдайы). 2369 жүктіліктің 165 жағдайында егіз жүктілік (6,9%), 11 жағдайда (0,5%) - үшем және үш жағдайда (0.13%) төртем дүниеге келді. 165 жағдайда (олар туралы жеткілікті ақпарат болған) бірзиготалық егіздердің туылу жиілігі 1:5 болды. Эктопиялық жүктілік Кломифенмен емдеу аясында жүкті болған кезде кейбір жағдайларда жатырдан тыс жүктілік дамыды (аналық безде немесе түтіктік). Жатырішілік және жатырдан тыс жүктілік болған көпұрықты жүктілік жағдайлары туралы хабарламалар бар. Жатыр фиброиді Клостилбегит препаратын қабылдаған жатыр фибромасы бар пациент әйелдерді тексеруді фиброидтың одан әрі өсуіне байланысты сақтықпен жүргізу керек. Жүктіліктің үзілуі және туа біткен ақаулар Әдебиеттердегі деректерге сәйкес, кломифен қабылдаған аналарда туа біткен ақаулардың пайда болуының орташа жиілігі (жүкті болғанға дейін немесе одан кейін) жалпы салыстыру популяциясында байқалғаннан өзгеше емес. Әдебиеттерде жарияланған (спонтанды хабарламалар) жағдайларда туа біткен даму ақаулары арасында кломифенмен овуляцияны индукциялау кезінде жүйке түтігінің даму ақаулары жиі кездесетіні көрсетілген, алайда популяция деңгейінде жүргізілген зерттеулер бұл бақылауларды растамайды. Дәрігерлер пациент әйелдерге табиғи жүктілікке де, оны кломифенмен индукциялауға байланысты да ықтимал қауіптер мен тәуекелдер туралы түсінікті түрде ақпарат беруі керек. Пациент әйелдерге кейбір факторлар мен жағдайлар олардың жүктілігі үшін қауіп факторлары болуы мүмкін екендігі туралы хабарлау керек. Мұндай факторларға мыналар жатады: әйелдер мен ерлердің жасы, анамнезіндегі бұрынғы өздігінен болған аборт, Rһ генотипі, етеккір циклінің бұзылуы және репродуктивтік функцияның бұзылуы (себебіне қарамастан), жүректің органикалық аурулары, диабет, инфекциялардың қоздырғыштары (мысалы, қызамық), отбасында туа біткен ақаулардың болуы және басқа қауіп факторлары. Пациент әйелдерді тексеру нәтижелері негізінде оларға генетикалық тексеруден өту керек болуы мүмкін. Овуляция индукциясы кезінде Даун синдромының даму қаупінің ықтимал жоғарылауы және овуляция индукциясы үшін дәрілік препараттармен емделген, фертильділігі төмен әйелдерде өздігінен болған аборттардың арасында трисомия жиілігінің жоғарылауы туралы популяциялық зерттеулердің нәтижелері жарияланды (бірде бір пациент әйел қосымша индукциялық препараттарсыз кломифен монотерапиясын алған жоқ). Дегенмен, хабарламалардың саны жоғары тәуекелді растау немесе жоққа шығару үшін әлі жеткіліксіз. Бұл мәселені әдеттегі көрсеткіштер бойынша (жасы, отбасылық анамнезі) жүргізілетін амниоцентез арқылы шешуге болады. Кломифен қабылдаған пациент әйелдерде бірұрықты немесе көпұрықты жүктіліктің клиникалық зерттеулерінде мыналар анықталды: ұрықтың түсіп қалуы – 21,4% (аборт жиілігі-19%), эктопиялық жүктілік – 1,18%; молярлық жүктілік - 0,17%; «қағаз» ұрық (foetus papyraceous) – 0,04%; бір немесе бірнеше өлі туылғандармен жүктілік – 1,01%. Клиникалық зерттеулерде кломифен жүкті болғаннан кейін 2369 жүктіліктің босанумен аяқталған 158 жағдайында қолданылды. Осы 158 жүктіліктің 8 жаңа туылған нәрестеде (7 жүктіліктің ішінен) туа біткен ақаулар болды. Кломифен жүкті болғаннан кейін 19 күнге дейін немесе жүкті болғаннан кейін 20-35 күн аралығында тағайындалған пациент әйелдерде туа біткен ақаулардың жиілігінде ешқандай айырмашылық анықталған жоқ. Бұл жиілік жалпы популяция деңгейінде күтілетін жиілік аралығына сәйкес келеді. Аналық бездің обыры Кломифен сияқты фертильділікті жақсартатын препараттарды қолданғанда аналық бездің обырының дамуы туралы сирек хабарламалар бар. Аналық без обырының дамуының бірінші қауіп факторы фертильділіктің бұзылуы болып табылады. Сонымен бірге кломифен цитратын қолдану аналық без обырының даму қаупін арттыруы мүмкін, әсіресе тумаған әйелдерде (4.8-бөлімді қараңыз). Емдеуді бастамас бұрын пациент әйелдерді аналық без ісігінің бар-жоғына тексеру қажет. Арнайы сақтандырулар Клостилбегит препаратын қолданар алдында Емдеуді бастамас бұрын бауыр функциясын зерттеу ұсынылады. Емдеуді бастамас бұрын пациент әйелді мұқият гинекологиялық тексеру қажет. Егер несептегі гонадотропиннің мөлшері қалыптың төменгі шегінен аз болса, препаратты қолдану ұсынылады. Пальпация кезінде аналық бездер қалыпты мөлшерде болуы керек, ал қалқанша безі мен бүйрек үсті безінің функциялары қалыпты болуы керек. Клостилбегит препаратын қолданар алдында жүкті еместігіне көз жеткізу керек. Егер күмән туындаса, жүктілікке сезімтал және сенімді тест жүргізу ұсынылады (әр емшарадан бұрын). Пациент әйелге көпұрықты жүктіліктің жоғары ықтималдығы және оның ықтимал асқынулары туралы ескерту керек. Әдебиеттерде жарияланған кейбір зерттеулерде бедеулікті емдеу үшін қолданылатын препараттар кейбір қатерсіз немесе қатерлі ісіктердің, атап айтқанда гормонға тәуелді ісіктердің пайда болу қаупін арттыруы мүмкін екені хабарланды. Алайда, әдебиеттегі барлық деректер овуляция индукторларын қабылдайтын пациент әйелдерде белгілі бір ісіктердің, атап айтқанда гормонға тәуелді ісіктердің дамуының жоғары қаупінің болуы немесе болмауы туралы сенімді қорытынды жасауға мүмкіндік бермейді. Егер овуляция болмаса, осы препаратты қолданар алдында бедеуліктің барлық басқа ықтимал себептерінің жоқтығына көз жеткізу немесе емдеу керек. Егер емдеу кезінде аналық бездердің ұлғаюы немесе олардың кисталық трансформациясы пайда болса, аналық бездердің мөлшері қалыпқа келгенше препаратты қабылдауды тоқтату керек. Бұл жағдайларда емдеуді тек төмендетілген дозалармен немесе курс ұзақтығын қысқартып жалғастыруға болады. Сондай-ақ, емдеу курсы барысында аналық бездердің жағдайын бақылау керек. Клостилбегитпен емдеу кезінде овуляция уақытын анықтаудағы қиындықтарға және сары дене функциясының жиі дамитын жеткіліксіздігіне байланысты жүкті болғаннан кейін прогестеронды профилактикалық енгізу ұсынылады. Препаратты гинекологтың тұрақты бақылауымен ғана қолдану керек. Айрықша нұсқаулар Клостилбегит препаратымен емдеуге жауап ретінде овуляция үшін эндогендік эстрогеннің қажетті деңгейі (қынаптық жағындылар, эндометрий биопсиясы, несептегі эстроген деңгейін анықтау немесе прогестеронға жауап ретінде эндометрилік қан кету негізінде анықталады) керек. Эстрогеннің төмен деңгейі - клиникалық тұрғыдан онша қолайлы болмаса да - емдеудің тиімділігін жоққа шығармайды. Клостилбегит препаратымен емдеу гипофиздің немесе аналық бездің бастапқы жеткіліксіздігі кезінде тиімді емес. Клостилбегит препаратымен емдеу басқа себептерден туындаған аналық без функциясының жеткіліксіздігін арнайы емдеуді алмастырмайды, мысалы, қалқанша безінің немесе бүйрек үсті безінің аурулары кезінде. Гиперпролактинемияны басқа әдістермен де емдеуге болады. Дене салмағының төмендігімен байланысты бедеулік кезінде Клостилбегит бірінші таңдау препараты болып табылмайды, сонымен қатар бұл препарат ерте менопаузада байқалатын ФСГ жоғары деңгейіне әсер етпейді. Клостилбегит препаратының эстрогенге қарсы әсеріне байланысты цервикальдық шырыштың жеткіліксіз мөлшері эстрогендермен жергілікті емдеуді қажет етуі мүмкін. Аналық бездердің гиперстимуляциясы синдромы (АГС) Овуляцияны индукциялау үшін кломифенді тағайындау кезінде АГС дамуы туралы хабарламалар бар. Кейбір жағдайларда кломифенді циклдік қолдану кезінде, сондай-ақ кейбір жағдайларда, кломифенді гонадотропинмен біріктіргенде, АГС дамыды. Кломифенді қолданған кезде байқалған бұл синдромның симптомдары: перикардтық жалқық, анасарка, гидроторакс, іштеспе, бүйрек функциясының жеткіліксіздігі, өкпе ісінуі, аналық без тініне қан құйылу, терең веналар тромбозы, аналық бездің бұратылуы және тыныс алудың жедел жеткіліксіздігі. Жүкті болған кезде синдромның ауыр түрінің тез үдеуі басталуы мүмкін. Клостилбегит препаратымен емдеу кезінде аналық бездердің ықтимал ұлғаю қаупін болдырмау үшін емдеудің жақсы нәтижелеріне қол жеткізу үшін жеткілікті ең төменгі дозаларды қолдану керек. Пациент әйелдерге іш аймағында немесе кіші жамбас ағзалары аймағында ауырсыну пайда болған жағдайда, дене салмағы жоғарылаған, Клостилбегит таблеткаларын қабылдағаннан кейін өзін нашар сезінген немесе метеоризм пайда болған жағдайда дәрігерге хабарлау керек екенін ескерту керек. Клостилбегит препаратын тоқтатқаннан кейін бірнеше күн өткен соң, аналық бездер одан әрі ұлғаймайды. Гонадотропинге сезімталдығы жоғары поликистозды аналық бездері бар пациент әйелдерде Клостилбегиттің әдетте ұсынылатын дозаларына жоғары реакциясы болуы мүмкін. Клостилбегит таблеткаларын қабылдағаннан кейін іш аймағындағы немесе кіші жамбас ағзалары аймағындағы ауырсынуға, дене салмағының жоғарылауына, өзін нашар сезінетініне немесе метеоризмге шағымдары бар пациент әйелдерді аналық без кистасына немесе басқа патологиялық өзгерістердің болуына тексеру қажет. Патологиялық ұлғайған аналық бездердің жарақаттанғыштығының жоғарылауына байланысты іш пен жамбас аймағын тексеру өте сақтықпен жүргізілуі керек. Аналық бездер патологиялық ұлғайған кезде Клостилбегит препаратын аналық бездердің мөлшері бастапқы мөлшеріне жеткенше (емдеу басталғанға дейінгі) тағайындауға болмайды. Кломифенмен емдеу аясында аналық бездің ұлғаюы мен кисталары әдетте препаратты тоқтатқаннан кейін бірнеше күннен немесе аптадан кейін өздігінен қалыпқа келеді. Пациент әйелдердің көпшілігіне консервативтік ем жүргізуге болады. Келесі емдеу циклінде дозаны немесе цикл ұзақтығын азайту керек. Көру мүшесі тарапынан өзгерістер Пациент әйелдерге көру бұлыңғырлығының дамуы немесе көру аккомодациясының бұзылуы, көру қабілетінің нүктелі немесе жыбырлақ скотома типті бұзылуы, ал кейбір жағдайларда көру қабілетінің ішінара немесе толық жоғалуы мүмкін екендігі туралы ескерту керек. Бұл бұзылулар кломифенмен емдеу кезінде немесе одан кейін көп ұзамай дамуы мүмкін. Әдетте, бұл өзгерістер қайтымды сипатқа ие, дегенмен кломифенмен емдеу аяқталғаннан кейін көру қабілетінің ұзаққа созылған немесе қайтымсыз бұзылуы туралы хабарламалар болған. Көру қабілетінің бұзылуы қайтымсыз болуы мүмкін, әсіресе кломифен препаратын жоғары дозада қолданғанда немесе оны ұзақ уақыт бойы тағайындаған кезде. Көру қабілетінің мұндай бұзылыстарының механизмі белгісіз. Көру қабілетінің кез келген бұзылуына шағымданған кезде емдеуді дереу тоқтату және офтальмологпен кеңесу керек. Пациенттерге көру қабілетінің бұзылуына байланысты көлік құралдарын басқару және механизмдермен жұмыс істеу кезінде, әсіресе жарық жағдайлары бірдей болмаған кезде қауіп туындауы мүмкін екенін ескерту керек. Кломифен препаратын қабылдаған пациенттерде артқы капсулалық катарактаның дамуының бірнеше сирек жағдайлары туралы хабарланды, бұл ретте себеп-салдарлық байланыс анықталмады, бірақ жоққа шығарылмады. Клостилбегит таблеткаларының құрамында лактоза бар Сирек тұқым қуалайтын галактоза жақпаушылығы, толық лактаза жеткіліксіздігі немесе глюкоза-галактоза мальабсорбциясы бар пациент әйелдерге бұл дәрілік затты қабылдауға болмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Препаратпен емдеудің басында көру қабілетінің өтпелі бұзылуына байланысты пациент әйелдерге көлік құралдарын басқарудың және зейіннің жоғары шоғырлануын және психомоторлық реакциялардың жылдамдығын, әсіресе жарықтың өзгеру қарқындылығы кезінде талап ететін басқа да ықтимал қауіпті қызмет түрлерінің жоғары қауіптілігі туралы ескерту керек.

Жүктілік Клостилбегит таблеткаларын жүктілік кезінде қабылдауға болмайды. Адам ұрығының дамуындағы ауытқулар туралы деректердің жоқтығына қарамастан, егеуқұйрықтар мен үй қояндарында кломифеннің өте жоғары дозаларын енгізгеннен кейін ұрықтың дамуындағы ауытқулар немесе өлім байқалды. Белгілі бір даму ақаулары кломифенмен овуляцияны индукциялағаннан кейін байқалды, алайда овуляция индукциясынан кейін ұрықтың дамуының бұзылуы (жүректің дамуының туа біткен ауытқулары, Даун синдромы, маймақтық, ішектің дамуының бұзылуы, гипоспадия) қалыпты популяциямен бірдей жиілікте байқалады (<1%). Жүктіліктің ерте кезеңінде кломифенді байқаусызда қабылдауды болдырмау үшін әр емдеу курсында овуляцияны анықтау үшін тиісті тесттер жасау керек. Әрбір жаңа емдеу курсының алдында пациент әйелдер жүктілік тестін жасауы керек. Алайда, кездейсоқ әсер еткен жағдайда жүктілікті үзуді ұсынуға негіз жоқ. Лактация Кломифеннің емшек сүтіне бөлінетіні белгісіз. Кломифен лактацияны басуы мүмкін.

Өзара әрекеттесулерге зерттеулер жүргізілген жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды Сақтау шарттары 30 ºС-ден аспайтын температурада сақтау керек. Балалардың қолы жетпейтін жерде сақтау керек.