Клотрим таблетки 100 мг

Бір капсуланың құрамында белсенді зат - клотримазол 100 мг, қосымша заттар: крахмал, магний стеараты, лактоза. Сыртқы түрінің, иісінің, дәмінің сипаттамасы Қынаптық таблеткалар Сопақша пішінді, екі жағы дөңес ақ түсті таблеткалар.

Candida тектес зеңдерден туындаған ересектердегі қынаптың зең аурулары (кандидозды вагинит).

Фармакодинамикалық әсерлері Азолдар (мысалы, клотримазол) әдетте қышыну, ашыту, бөліністер, қызару, ісіну және ауырғыштық сияқты вульвоқынаптық симптомдармен сипатталатын вульвоқынаптық өзектің кандидозын жергілікті емдеу үшін ұсынылады. Клотримазол эргостерин синтезін тежейтін зеңдерге қарсы әрекет етеді. Эргостерол синтезін тежеу зеңдік цитоплазмалық жарғақшаның құрылымдық және функционалдық бұзылуына әкеледі. Клотримазолдың микозға қарсы кең ауқымды in vitro және in vivo әсері бар, олар дерматофиттер, ашытқылар, зеңдер және т. б. қамтиды. Тиісті сынақ жағдайларында зеңдердің осы түрлері үшін ең төмен тежегіш концентрация (ЕТТК) мәні 0,062-8,0 мкг/мл субстрат аймағында болады. Клотримазолдың фунгистатикалық немесе фунгицидтік әсер ету механизмі ең алдымен инфекция ошағындағы клотримазолдың концентрациясына байланысты. In vitro белсенділігі пролиферациялайтын зеңдік элементтерімен шектеледі; зеңдік споралар сезімталдығы аз. Сезімтал зеңдер түрлерінің бастапқы төзімді нұсқаларының дамуы өте сирек кездеседі; сезімтал зеңдерде қайталама резистенттіліктің дамуы тек емдік жағдайларда ғана байқалды.

Дозалау режимі Препаратты ересектерге тәулігіне 2 рет 3 күн бойы 1 таблеткадан қолдану керек. 6 күн бойы түнге қарай 1 таблеткадан енгізуге рұқсат етіледі. Қажет болса, емдеу курсы қайталап жүргізілуі мүмкін. Егде жастағы пациенттерде қолдануда айырмашылықтар жоқ. Емдеу етеккір кезінде жүргізілмеуі тиіс, себебі таблетканың етеккір бөліністерімен шайылып кету қаупі бар. Емдеу етеккір басталғанға дейін аяқталуы тиіс. Емдеу кезінде қынапты жууға, тампондарды, спермицидтерді және басқа қынаптық заттарды қолдануға болмайды. Балалар: 18 жасқа дейінгі балаларға қолдануға болмайды. Енгізу әдісі және жолы Қынаптық. Таблетканы қынапқа мүмкіндігінше терең енгізу керек, аяқтарды сәл бүгіп, шалқасынан жатып енгізген ыңғайлы. Тоқтату симптомдары қаупінің болуын көрсету Деректер жоқ. Дәрілік препаратты қабылдамас бұрын дәрігермен немесе фармацевтпен кеңесіңіз Дәрілік препаратты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар - анафилаксиялық реакция, ангионевроздық ісіну, аса жоғары сезімталдық; - естен тану, гипотензия; - ентігу; - іштің ауыруы, жүрек айну; - бөртпе, есекжем, қышыну; - вульвоқынаптық эксфолиация, қынаптан бөліністер, қынаптан қан кету, вульвоқынаптық жайсыздық, вульвоқынаптық эритема, вульвоқынаптық ашыту сезімі, вульвоқынаптық қышыну, вульвоқынаптық ауырсыну; - енгізген жердегі тітіркену, ісіну, ауыру. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- клотримазолға және/немесе препараттың кез келген қосымша компоненттеріне жекелей жоғары сезімталдық

Нұсқаулықта көрсетілмеген.

Симптомдары: бас айналу, жүрек айну немесе құсу Емі: Алайда, абайсызда пероральді түрде қабылдап қойған жағдайда, асқазанды шаю сияқты әдеттегі шаралар қолданылады. Шараларды артық дозаланудың клиникалық симптомдары айқын болған жағдайда ғана орындау керек. Асқазанды шаю тыныс алу жолдарын тиісті түрде қорғауға болатын кезде ғана жүргізілуі керек.

Клотрим препаратын қабылдар алдында дәрігермен кеңесіңіз. Арнайы сақтандырулар Өмірінде алғаш рет қынаптық кандидоздың белгілері пайда болған кезде пациент әйелдің дәрігерге қаралуы керек. Сондай-ақ, келесі жағдайларда клотримазолмен емдеуді бастамас бұрын пациент әйелдің дәрігермен кеңесуін ұсынған жөн: - егер соңғы алты ай ішінде кандидозды вагинит екі реттен көп дамыса; - пациент әйелде немесе жыныстық жұптасында бұрын жыныстық жолмен берілетін инфекциялар болса; - пациент әйел жүкті болса немесе жүктілікке күмәнданса; - 18 жасқа толмаған немесе 60 жастан асқан адамдар үшін; - имидазолға немесе қандай да бір басқа қынаптық зеңге қарсы дәріге аса жоғары сезімталдығы болса. Препаратты мынадай симптомдар болған кезде қолдануға болмайды және дереу дәрігерге қаралу керек: - жыныс жолдарынан ретсіз қан кетулер немесе қынап бөлінісінің қанға боялуы болса; - вульва, қынап аймағында жаралар, іріңді бөртпелер, күлдіреуіктер болса; - іштің төменгі бөлігінде ауырсыну сезімі, несеп шығару кезінде жайсыздық сезімі мазаласа; - емдеу аясында жыныс ағзалары аймағында қызару, қышыну, тітіркену, домбығу сияқты жағымсыз реакциялар пайда болса; - қызба немесе қалтырау, жүрек айну немесе құсу, диарея; - қынаптан жағымсыз иісі бар бөліністер шықса. Қынаптық инфекция жағдайында және препаратты пайдалау кезінде жұптасына жұқтыруға жол бермеу үшін қынаптық жыныстық қатынастан бас тарту керек. Егер клотримазолдың қынаптық таблеткаларын пайдаланған соң бір аптадан кейін кандидоздық инфекцияның симптомдары жойылмаса, пациент әйелдерге өздерінің емдеуші дәрігерімен кеңесуді ұсыну керек. Егер курс аяқталғаннан кейін 7 күн өткен соң кандидоздық инфекцияның белгілері қайта пайда болса, клотримазолмен емдеу курсын қайталауға болады. Егер кандидоздық инфекция алты ай ішінде екі реттен артық қайталанса, пациент әйелдердің өз дәрігерімен кеңесуі керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препарат көлік құралын немесе қауіптілігі зор механизмдерді басқару қабілетіне әсер етпейді немесе болмашы әсер етеді.

Жүкті әйелдердің клотримазолды қолдануы туралы шектеулі мәліметтер бар. Клотримазолмен жануарларда жүргізілген зерттеулер жоғары пероральді дозаларда репродуктивтік уыттылығын көрсетті. Клотримазолдың қынаптық емдеудегі жүйелі әсерінің төмен болуына байланысты репродуктивті функцияға уытты әсер ету түріндегі зиянды әсерлер күтілмейді. Клотримазолды жүктілік кезінде қолдануға болады, бірақ дәрігердің немесе акушердің бақылауымен ғана. Бала емізу Клотримазолдың емшек сүтімен экскрециялануы туралы деректер жоқ. Алайда, енгізуден кейінгі жүйелі сіңірілуі өте аз және жүйелі әсерлерге әкелуі екіталай. Клотримазолды лактация кезеңінде қолдануға болады. Фертильность Адамның фертилділігіне әсері бойынша зерттеулер жүргізілген жоқ, жануарлардағы зерттеулер деректері бойынша фертилділікке әсерін көрсетпед.

Зертханалық тесттер көрсеткендей, бірге қолданған кезде клотримазол латексті контрацептивтердің зақымдалуына әкелуі мүмкін. Демек, мұндай контрацептивтердің тиімділігі төмендеуі мүмкін. Осылайша, пациент әйелдерге клотримазолдың қынаптық таблеткаларын қолданғаннан кейін кем дегенде 5 күн ішінде қаламаған жүктіліктен сақтанудың баламалы шараларын қолдануды ұсынған жөн. Клотримазолды қынаптық таблеткалармен және пероральді такролимуспен (иммунодепрессанттар тобының препараттары; FK-506) бір мезгілде қолдану плазмадағы такролимус деңгейінің жоғарылауына әкелуі мүмкін, осыған ұқсас әсер сиролимуспен бір мезгілде қабылдағанда байқалады. Осылайша, такролимус немесе сиролимус белгілерін уақытылы анықтау үшін пациент әйелдер өздерінің хал-жағдайын мұқият қадағалап, қажет болған жағдайда плазмадағы препараттардың деңгейін анықтаған жөн.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!