Клотримазол-Тева крем 1%

100 г кремнің құрамында: белсенді зат: клотримазол 1,0 г қосымша заттар: бензил спирті, сорбитан стеараты, полисорбат 60 (Твин 60), цетил пальмитаты, цетилстеарил спирті, 2-октил-додеканол (эутанол G), тазартылған су Сыртқы түрінің, иісінің, дәмінің сипаттамасы Ақ біртекті крем

Препарат жергілікті емдеуге арналған: • өңезді және басқа зеңдер туындатқан дерматомикоздардың барлық түрлері (мысалы, Trichophyton түрлері) • ашытқылар туындатқан дерматомикоздардың барлық түрлері (Candida түрлері) • аталған зеңдермен екіншілік инфекция жұқтырған тері аурулары, • жөргектен болған кандидозды бөртпе, вульвит және баланит

Тері ауруларын емдеуге арналған зеңге қарсы препараттар. Жергілікті қолдануға арналған зеңге қарсы препараттар. Имидазол және триазол туындылары. Клотримазол. АТХ коды D01AC01 Клотримазол-Тева имидазол туындылары тобының сыртқа қолдануға арналған әсер ету ауқымы кең зеңге қарсы препараты. Клотримазолдың әсер ету механизмі зеңнің жасушалық жарғақшасының құрамына кіретін эргостерин синтезінің бұзылуымен байланысты, бұл жарғақшаның өткізгіштігін өзгертеді және зең жасушаларының кейінгі лизисін тудырады. Дерматофиттерге, ашытқы тәрізді және өңездік зеңдерге, сондай-ақ түрлі-түсті теміреткіқоздырғышына (pityriasis versicolor) және эритразманың қоздырғышына қатысты белсенді. Грамоң (streptococcus spp., staphylococcus spp.) және грамтеріс бактерияларға (bacteroides spp., gardnerella vaginalis) қатысты, сондай-ақ trichomonas vaginalis, corynebacterium minutissimum қатысты микробқа қарсы әсер көрсетеді.

Дозалау режимі Клотримазол-Тева кремін терінің зақымданған жерлеріне жұқа қабатпен күніне 2-3 рет жағып, абайлап ысқылайды (теріні бейтарап рН сабынмен алдын ала тазартады және құрғақ сүлгімен құрғатады). Енгізу әдісі мен жолы Тек сыртқа қолдануға арналған. Емдеу ұзақтығы 2-ден 4 аптаға дейін және аурудың ауырлығына, патологиялық өзгерістердің орналасуы және емнің тиімділігіне байланысты Барлық инфекция жұқтырған аймақтарды бір уақытта өңдеу керек. Қайталануды болдырмау үшін Клотримазол-Тева кремімен емдеуді аурудың симптомдары жоғалғаннан кейін кемінде 2 апта жалғастыру ұсынылады. Емнің ұзақтығы Дерматомикоздарды емдеу кем дегенде 4 апта бойы жүргізіледі. Candida туындатқан инфекцияларды емдеу - кем дегенде 2 апта. Кебек тәрізді теміреткі 1-3 апта ішінде жергілікті қолданғанда тиімді емделеді. Егер аурудың симптомдары 7 күн қолданғаннан кейін азаймаса, дәрігермен кеңесу керек.

- препаратқа немесе басқа компоненттерге, оның ішінде цетостеарил спиртіне жоғары сезімталдық - кремді тырнақтың немесе бас терісінің инфекциясын емдеу үшін қолдануға болмайды

Аталған жағымсыз әсерлер өздігінен келіп түскен хабарламаларға негізделгендіктен, олардың әрқайсысы үшін нақты пайда болу жиілігін анықтау мүмкін емес. - Иммундық жүйе тарапынан бұзылулар: аллергиялық реакция (естен тану, гипотония, ентігу, есекжем). - Тері және тері асты шелінің тарапынан: күлдіреуіктер, жайсыздық/ауыру, ісіну, эритема, тітіркену, қабыршақтану/түлеу, қышыну, бөртпе, шаншу/күйдіру. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік түріне, енгізу түріне және клотримазол сіңу төмендігіне байланысты препаратпен артық дозалану мүмкін емес. Симптомдары: препаратты ішке абайсызда қолданған жағдайда бас айналуы, жүрек айнуы, құсу болуы мүмкін. Емі: арнайы антидоты жоқ. Қажет болған жағдайда – симптоматикалық ем. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

Клотримазол-Тева препаратын көздің айналасына қолдануға болмайды. Көзге тигізуге болмайды! Арнайы ескертулер Теріге жергілікті қолданғанда клотримазол әдетте жақсы төзімді, бірақ кейде терінің тітіркенуі сияқты жергілікті реакциялар пайда болуы мүмкін. Егер емделушіде имидазол туындылары сияқты зеңге қарсы басқа препараттарға аллергиясы болса, клотримазолға айқаспалы аллергия болуы мүмкін. Аллергиялық реакциялар, терінің тітіркенуі немесе жоғары сезімталдық пайда болған жағдайда емдеуді тоқтату керек. Барлық ықтимал жұқтырған тері аймақтарын бір уақытта емдеу керек. Препарат құрамында цетостеарил спирті бар, ол жергілікті тері реакцияларын тудыруы мүмкін (мысалы, жанаспалы дерматит). Препарат құрамында бензил спирті бар, ол аллергиялық реакцияларды және жеңіл жергілікті тітіркенуді тудыруы мүмкін. Көзге тиюден аулақ керек! Жұтуға болмайды! Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Клотримазол-Тева кремі көлік құралын немесе қауіптілігі зор механизмдерді басқару қабілетіне әсер етпейді немесе елеусіз әсер етеді.

Жүкті әйелдердің Клотримазол-Теваны пайдалануы туралы деректердің саны шектеулі. Жануарларға жүргізілген зерттеу репродуктивті уыттылыққа байланысты тікелей немесе жанама зиянды әсерлерді көрсетпеді. Сақтық шарасы ретінде Клотримазол-Теваны жүктіліктің бірінші триместрінде пайдаланудан аулақ болған жөн. Жануарларға арналған фармакодинамикалық/ токсикологиялық деректер клотримазолдың/ метаболиттердің сүтке бөлінетінін көрсетті. Клотримазол-Тевамен емдеу кезінде бала емізу ұсынылмайды.

Препарат латексті конрацептивтерді зақымдай отырып және олардың контрацептивтік қабілетін төмендете отырып, теріс әсер етуі мүмкін. Пациенттер Клотримазол-Тева препаратымен емдеу курсы аяқталғаннан кейін кемінде бес күн бойы контрацепцияның баламалы әдістерін пайдалануы тиіс.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!