Клотримазол мазь 1 %

1 г жақпамайдың құрамында белсенді зат - 10 мг клотримазол (100 % құрғақ затқа шаққанда), қосымша заттар: пропиленгликоль, полиэтиленгликоль 400, полоксамер 338, цетостеарил спирті, полиэтиленгликольдің цетостеарил эфирі. Сыртқы түрінің, иісінің, дәмінің сипаттамасы Ақ түсті, өзіне тән әлсіз иісі бар, қоюлығы біртекті жақпамай.

- терінің зеңді ауруларында, тері қатпарларының, табанның микоздарында - кебек тәрізді теміреткі, эритразма, дерматофиттер, ашытқы (Candida тегін қоса), өңез және басқа зеңдер және клотримазолға сезімтал қоздырғыштар туғызған кандидоздар - қайталанған пиодермиядан асқынған микоздарда.

Әсер ету механизмі Сыртқа қолдануға арналған имидазол туындылары тобының зеңге қарсы дәрісі, зеңнің жасушалық жарғақшасының құрамдас бөлігі болып табылатын эргостерол синтезін төмендетеді және оның құрылымы мен қасиеттері өзгеруіне әкеп соғады. Фармакодинамикалық әсерлері Кіші концентрацияларда фунгистатикалық әсер етеді, ал үлкенінде – фунгицидті әсер етеді, сонымен қатар пролиферациялайтын жасушаларға да әсер етеді. Фунгицидті концентрацияларда зең жасушаларының митохондриялық және пероксидазалық ферменттерімен өзара әрекеттеседі, нәтижесінде сутегінің асқын тотығы концентрациясының уытты деңгейге дейін артуы орын алады, ол зең жасушаларының бұзылуына ықпал етеді. Патогенді дерматофиттерге (Trichophyton rubrum, Trichophyton mentagrophytes, Epidermophyton floccosum, Microsporum canis); Candida, Torulopsis glabrata, рода Rhodotorula тегінің ашытқы және өңез зеңдеріне; түрлі-түсті теміреткі қоздырғыштарына (Malassezia furfur); эритразмаға (Corynebacterium minutissimum); грамоң микроорганизмдерге (Staphylococcus spp., Streptococcus spp.) қатысты белсенді.

Дозалану режимі Жақпамайды терінің алдын-ала тазартылған (рН бейтарап мәні бар сабынын қолданумен) құрғақ, зақымданған жерлеріне жұқа етіп жағады және ақырындап сылайды. Енгізу әдісі және жолы Сыртқа. Қабылдау уақыты көрсетілген қолдану жиілігі Күніне 2-3 рет. Емдеу ұзақтығы Емдеудің ұзақтығы аурудың ауырлығына, патологиялық өзгерістердің орналасқан жеріне және емдеудің тиімділігіне байланысты. Дерматомикоздарды емдеуді кемінде 4 апта, кебек тәрізді теміреткі -1-3 апта жүргізеді. Аяқ терісінің зеңді ауруларында емді аурудың симптомдарын жойғаннан кейін кемінде 2 апта бойы жалғастыру ұсынылады.

- клотримазолға немесе кез келген қосымша заттарға аса жоғары сезімталдықта - 14 жасқа дейінгі балаларға.

Сирек - терінің қызаруы, күйдіруді сезіну, қышыну, тітіркенуі және қабыршықтануы - аллергиялық реакциялар. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Дәрілік түріне, енгізу түріне және клотримазолдың сіңірілуі төмен болуына байланысты препаратпен артық дозалануы шамалы. Симптомдары: препарат кездейсоқ ішке түскен жағдайда бас айналуы, жүрек айнуы, құсу орын алу мүмкін. Емі: арнайы антидоты жоқ. Қажет болғанда симптоматикалық ем тағайындау қажет.

Егер препаратты қолданғаннан кейін 4 аптаның ішінде аурудың симптомдары басылмаса, диагнозды нақтылау қажет. Арнайы ескертулер Препаратты офтальмологиялық практикада қолданбайды. Препаратты шырышты қабыққа жағуға болмайды. Аса жоғары сезімталдық белгілері немесе тітіркену пайда болғанда емдеуді тоқтату керек. Препараттың құрамында қосымша заттар ретінде цетостеарил спирті мен пропиленгликоль бар, олардың әрқайсысы терінің жергілікті тітіркенуін (жанаспалы дерматит) тудыруы мүмкін. Педиатрияда қолдану 14 жасқа дейінгі балаларға бұл препаратты қолдануға болмайды.

Клотримазолды жүкті әйелдердің қолдануы туралы деректердің саны шектеулі. Сақтық шаралары ретінде клотримазолды жүктіліктің алғашқы триместрінде пайдаланбаған жөн. Қолда бар фармакодинамикалық/токсикологиялық деректер клотримазолдың/метаболиттердің ана сүтіне бөлінуін көрсетті. Клотримазолмен емдеу кезінде бала емізуге болмайды. Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері Препаратты қолдану пациенттің автокөлік құралдарын немесе қауіптілігі зор механизмдерді басқару қабылетіне әсер етпейді.

Дексаметазон жоғары дозаларда препараттың зеңге қарсы әсерін тежейді. Амфотерицин В, нистатин, натамицинді бір мезгілде қабылдағанда клотримазолдың тиімділігін төмендетеді. Жақпамайды қолданғанда басқа дәрілік заттармен теріс өзара әрекеттесуі белгісіз және оларды күтпеу қажет, себебі клотримазолдың резорбциялық қабілеті өте төмен.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада сақтау керек, мұздатып қатыруға болмайды. Балалардың қолы жетпейтін жерде сақтау керек!