Комбивир таблетки

Бір таблетканың құрамында: белсенді зат: ламивудин 150 мг, зидовудин 300 мг, қосымша заттар: микрокристалды целлюлоза, натрий крахмалы гликоляты (А типі), сусыз коллоидты кремнийдің қостотығы, магний стеараты, қабықтың құрамы: опадрай® ақ YS-1-7706-G: гипромеллоза, титанның қостотығы (Е171), макрогол 400, полисорбат 80. Сыртқы түрінің, иісінің, дәмінің сипаттамасы Қабықпен қапталған, сопақша пішінді, бір жағында «GXFC3» нақышталған жазуы бар ақтан ақ түске дейінгі таблеткалар немесе таблетканың екі жағында «GX FC3» жазуы бар, сопақша пішінді, сызығы бар, ақтан ақ түске дейінгі таблеткалар

Комбивир препараты адамның иммун тапшылығы вирусын (АИТВ) жұқтырған ересектер мен балаларда біріктірілген антиретровирустық терапия құрамында көрсетілген.

Әсер ету механизмі Ламивудин мен зидовудин АИТВ-ға қарсы белсенділігі бар нуклеозидтердің аналогтары болып табылады. Сонымен қатар, ламивудин В гепатиті вирусына (HBV) қарсы белсенділікке ие. Екі дәрілік зат өздерінің белсенді бөліктеріне, тиісінше, ламивудин 5'-трифосфатына (ТФ) және зидовудин 5'-ТФ дейін жасуша ішінде метаболизденеді. Олардың негізгі әсер ету әдістері вирустық кері транскрипция тізбегінің терминаторлары болып табылады. Ламивудин-ТР және зидовудин-ТР in vitro АИТВ-1 және АИТВ-2 репликациясына қарсы селективті тежегіш белсенділікке ие; ламивудин АИТВ-ның зидовудинге төзімді клиникалық изоляттарына қарсы да белсенді. Ламивудинмен және басқа да антиретровирустық препараттармен (сыналған препараттар: абакавир, диданозин және невирапин) антагонистік әсерлер in vitro байқалған жоқ. Зидовудинмен және басқа да антиретровирустық препараттарды қолданған кезде (сынау агенттері: абакавир, диданозин және интерферон-альфа) in vitro антагонистік әсерлері байқалған жоқ. Резистенттілік Ламивудинге АИТВ-1 резистенттілігі вирустық кері транскриптазаның белсенді учаскесіне жақын орналасқан M184V аминқышқылы өзгерістерінің дамуын қамтиды. M184V мутациясы ламивудинге сезімталдықты төмендетеді. Зидовудинге төзімді вирустық штаммдар бір мезгілде ламивудинге төзімділікке ие болғанда, зидовудинге сезімтал болуы мүмкін. Алайда, бұл құбылыстың клиникалық маңызы жеткілікті анықталмаған. In vitro деректері, әдетте, ламивудинді антиретровирустық емдеу сызбасында қабылдауды жалғастыру, M184V дамуына қарамастан, қалдық антиретровирустық белсенділікті қамтамасыз етуі мүмкін (мүмкін вирустық жарамдылықты бұзу арқылы). Бұл ақпараттың клиникалық маңыздылығы анықталған жоқ. Шын мәнінде, қолда бар клиникалық деректер өте шектеулі және осы саладағы кез келген сенімді нәтижені жоққа шығарады. Қалай болғанда да, ламивудин терапиясын жүргізуден гөрі сезімтал КТНТ стимуляциялауға әрқашан басымдық беру керек. Сондықтан ламивудинмен емдеуді жалғастыру, M184V мутациясының пайда болуына қарамастан, кері транскриптазаның басқа белсенді нуклеозидті тежегіштері болмаған жағдайда ғана қарастырылуы тиіс. M184V учаскесінің мутациялары кері транскриптазаның нуклеозидті тежегіштері тобындағы препараттарға ғана АИТВ-ның айқаспалы резистенттілігінің туындауына алып келеді. Зидовудин, ставудин, абакавир құрамында тек M184V мутациясы бар ламивудинге төзімді АИТВ-1-ге қарсы өзінің антиретровирустық әсерін сақтайды. M184V RT мутанттар диданозин мен зальцитабинге сезімталдықтың 4 есе төмендегенін көрсетеді; осы фактінің клиникалық мәні белгісіз. In vitro сезімталдық сынағы стандартталмаған және нәтижелер әдістемелік факторларға байланысты өзгеруі мүмкін. Ламивудин шеткері қанның лимфоциттерінде, лимфоциттер мен моноцит-макрофагтардың белгіленген жасушалық желілерінде, сондай-ақ in vitro сүйек кемігінің әртүрлі ізашар-жасушаларында төмен цитоуыттылықты көрсетеді. Тимидин аналогтарына төзімділіктің дамуы (зидовудин – солардың бірі) АИТВ-ның кері транскриптазасының 6 кодонында (41, 67, 70, 210, 215 және 219) ерекше мутациялардың біртіндеп пайда болуы нәтижесінде орын алады. Вирустар 41 және 215 кодондарындағы мутациялардың біріктірілімі немесе 6 мутацияның кемінде 4-ін жинақтау нәтижесінде тимидин аналогтарына фенотиптік резистенттілікке ие болады. Мутациялар басқа нуклеозидтерге айқаспалы резистенттілік туғызбайды, бұл АИТВ-инфекциясын емдеу үшін кері транскриптазаның басқа тежегіштерін қолдануға мүмкіндік береді. Мутацияның екі түрі көптеген дәрілік төзімділіктің дамуына әкеледі. Бір жағдайда мутациялар АИТВ кері транскриптазасының 62, 75, 77,116 және 151 кодондарында жүреді, ал екінші жағдайда осы позицияға сәйкес келетін азотты негіздердің 6-жұбының жағдайына енгізілген T69S мутациясы туралы айтып отырмыз, бұл зидовудинге, сондай-ақ кері транскриптазаның басқа нуклеозидті тежегіштеріне фенотиптік төзімділіктің пайда болуымен бірге жүреді. Бұл мутациялардың екі түрі де АИТВ-инфекциясы кезінде емдік мүмкіндіктерді айтарлықтай шектейді. Клиникалық тәжірибе Клиникалық зерттеулерде ламивудин зидовудинмен бірге АИТВ-1 вирустық жүктемесін төмендететіні және CD4 жасушаларының санын арттыратыны көрсетілген. Клиникалық түпкілікті нәтижелер туралы мәліметтер ламивудиннің зидовудинмен бірге аурудың өршуі мен өлім қаупінің айтарлықтай төмендеуіне әкелетінін көрсетеді. Ламивудин мен зидовудин сол кластағы (КТНТ) немесе әртүрлі кластағы (ПТ, кері транскриптазаның нуклеозидті емес тежегіштері) басқа антиретровирустық агенттермен біріктірілген антиретровирустық терапияның құрамдас бөлігі ретінде кеңінен қолданылады. Құрамында ламивудин бар бірнеше дәрілік антиретровирустық ем бұрын антиретровирустық ем қабылдамаған пациенттерде, сондай-ақ M184V мутациясы бар вирустары бар пациенттерде тиімді екені көрсетілген. Клиникалық зерттеулердің деректері ламивудин плюс зидовудин бұрын антиретровирустық ем алмаған адамдарда зидовудинге төзімді изоляттардың пайда болуын кідіртетінін көрсетеді. Ламивудин мен зидовудинді қосымша антиретровирустық терапиямен немесе онсыз қабылдаған және M184V мутантты вирусы бар субъектілер де зидовудин мен ставудинге (тимидин аналогының мутациясы; ТАМ) төзімділік беретін мутациялардың басталуының кешігуін сезінеді. АИТВ-ның ламивудин мен зидовудинге in vitro сезімталдығы мен құрамында ламивудин / зидовудин бар терапияға клиникалық реакция арасындағы өзара байланыс әлі де зерттелуде. Күніне бір рет 100 мг дозада Ламивудин созылмалы HBV инфекциясы бар ересек пациенттерді емдеуде де тиімді екендігі дәлелденді (клиникалық зерттеулердің егжей-тегжейін Зеффиксті қолдану жөніндегі нұсқаулықтардан қараңыз). Алайда, АИТВ-инфекциясын емдеу үшін ламивудиннің 300 мг тәуліктік дозасы (басқа антиретровирустық дәрілермен біріктірілімде) тиімді. Ламивудин ВГВ коинфекциясы бар АИТВ-инфекцияланған пациенттерде арнайы зерттелмеген.

Дозалау режимі Терапияны АИТВ-инфекциясы бар пациенттерді жүргізу тәжірибесі бар дәрігер бастауы тиіс. Ересектер мен салмағы 30 кг-дан асатын балалар Тәулігіне екі рет бір таблеткадан. Салмағы 21 кг-дан 30 кг-ға дейінгі балалар Таңертең ½ таблетка және кешке тұтас таблетка. Салмағы 14 кг-дан 21 кг-ға дейінгі балалар Таңертең және кешке ½ таблетка. Дене салмағы 14-30 кг пациенттер үшін дозалау режимі ламивудин мен зидовудиннің жекелеген компоненттерін пайдалана отырып, фармакокинетикалық модельдеуге және клиникалық зерттеулердің деректеріне негізделеді. Мұндай науқастарға мониторинг жасау керек, өйткені зидовудин экспозициясының жоғарылауы мүмкін. Дене салмағы 21-30 кг пациенттерде асқазан-ішек жолы тарапынан бұзылулар туындаған кезде төзімділікті (көтерімділікті) жақсарту үшін күніне үш рет ½ таблеткадан дозалаудың баламалы әдісі қолданылуы мүмкін. Комбивир таблеткаларын салмағы 14 кг-дан аз балаларға қолдануға болмайды, өйткені дозаны баланың салмағына сәйкес дәл түзету мүмкін емес. Мұндай пациенттерге ламивудин мен зидовудинді осы препараттарды дозалау жөніндегі белгіленген ұсынымдарға сәйкес жекелеген препараттар ретінде қабылдау керек. Осы пациенттер мен таблетканы жұта алмайтын пациенттер үшін ламивудин мен зидовудиннің пероральді қабылдауға арналған ерітінділері бар. Егер Комбивир препаратының белсенді заттарының бірімен терапияны тоқтату немесе дозаны төмендету қажет болған жағдайда таблетка түріндегі ламивудин мен зидовудиннің жекелеген препараттары, сондай-ақ пероральді қолдануға арналған ерітінді қолжетімді болады. Егде жастағы пациенттер Арнайы зерттеулер жүргізілген жоқ, бірақ осы жас тобында бүйрек функциясының төмендеуіне және гематологиялық параметрлердің өзгеруіне байланысты препаратты тағайындау кезінде сақ болу керек. Бүйрек функциясының жеткіліксіздігі кезінде қолдану Бүйрек функциясының жеткіліксіздігі бар пациенттерде қан плазмасындағы ламивудин мен зидовудин концентрациясы олардың элиминациясының баяулауы салдарынан жоғарылаған. Бүйрек функциясы бұзылған пациенттерге (креатинин клиренсі 30 мл/мин-ден аз) бірқатар жағдайларда ламивудин мен зидовудиннің дозасын жеке таңдау қажет болғандықтан, оларға ламивудин мен зидовудиннің жекелеген препараттарын тағайындау ұсынылады. Бауыр функциясы бұзылған кезде қолдану Бауыр функциясының жеткіліксіздігі кезінде оның глюкурон қышқылымен байланысуының баяулауы нәтижесінде зидовудиннің жинақталуы байқалуы мүмкін. Бауыр функциясының орташа немесе ауыр жеткіліксіздігі бар пациенттерден алынған деректер ламивудин фармакокинетикасына бауыр дисфункциясының елеулі әсері болмайтындығын көрсетеді. Бауыр функциясы жеткіліксіздігінің ауыр дәрежесі бар пациенттерде зидовудин дозасын жеке таңдау мүмкіндігі болуы үшін ламивудин мен зидовудиннің жекелеген препараттарын қолдану ұсынылады. Гематологиялық жағымсыз әсерлері бар пациенттерде қолдану Айқын анемия (гемоглобин деңгейі 9 г/дл-ден кем немесе 5,59 ммоль/л) немесе нейтропения (нейтрофилдер саны 1,0 х 109/л-ден кем) кезінде зидовудин дозасын түзету қажет болуы мүмкін. Бұл жағымсыз әсерлердің даму ықтималдығы терапия басталғанға дейін сүйек кемігінің резерві төмендеген пациенттерде, әсіресе АИТВ-инфекциясының асқынған түрі бар пациенттерде жоғары. Комбивирді қолданған кезде ламивудин мен зидовудин дозаларын жеке таңдау мүмкін болмағандықтан, бұл препараттарды жеке-жеке қолдану ұсынылады. Енгізу әдісі мен жолы Пациенттерді емдеу мен мониторингті АИТВ-инфекциясын емдеуді жүргізуде тәжірибесі бар дәрігер жүзеге асыруы тиіс. Комбивир препаратын тамақтануға қарамастан қабылдауға болады. Таблетканы шайнамай тұтас жұту ұсынылады. Пациент тұтас таблетканы жұта алмаған жағдайда, оны ұсақтауға және аз мөлшердегі сұйықтықта немесе жартылай сұйық тағамда ерітуге жол беріледі. Қоспаны дайындағаннан кейін бірден ішу керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер Комбивир препаратының белсенді заттарының бірімен терапияны тоқтату немесе дозаны төмендету қажет болған жағдайда таблетка түріндегі ламивудин мен зидовудиннің жекелеген препараттары, сондай-ақ пероральді қолдануға арналған ерітінді қолжетімді болады.

- әсер етуші затқа немесе қосымша заттардың кез келгеніне аса жоғары сезімталдық - нейтрофилдер саны әдеттен тыс төмен (<0,75 x 109/л) немесе гемоглобин деңгейі қалыптан тыс төмен (<7,5 г/дл немесе 4,65 ммоль/л) пациенттерге. Сондықтан, Комбивир осындай пациенттерге қарсы көрсетілген.

Жағымсыз реакциялар АИТВ емдеу процесінде, Комбивир препаратын тағайындағанда және ламивудин мен зидовудинді жеке тағайындағанда анықталды. Көрсетілген жағымсыз реакциялардың ламивудинге немесе зидовудинге тікелей қатысы бар-жоғы немесе АИТВ-ны емдеу үшін пайдаланылатын препараттардың кең спектрін қолдану нәтижесі не аурудың өзінің салдары болып табылатыны әрдайым анық емес. Комбивир құрамында ламивудин мен зидовудин болғандықтан, қосылыстардың әрқайсысымен байланысты жағымсыз реакциялардың түрі мен ауырлығын күтуге болады. Екі қосылысты бір мезгілде қолданғаннан кейін қосымша уыттылық туралы деректер жоқ. Зидовудинді пайдалану кезінде кейде өліммен аяқталатын, әдетте, ауыр гепатомегалиямен және бауырдың майлы дистрофиясымен байланысты лактоацидоз жағдайлары тіркелген («Айрықша нұсқаулар» бөлімін қараңыз). Зидовудинмен емдеу тері астындағы майдың жоғалуымен байланысты, ол бет, аяқ-қол және бөкселерде байқалады. Комбивир қабылдайтын пациенттерді липоатрофия белгілері бойынша жүйелі түрде тексеру және сұрау қажет. Егер липоатрофияның дамуына күдік болса, емдеуді тоқтату қажет. Антиретровирустық терапия кезінде қан липидтерінің салмағы мен деңгейі, сондай-ақ глюкоза төмендеуі мүмкін. Ауыр иммун тапшылығы бар АИТВ-инфекцияланған пациенттерде антиретровирустық ем (АРЕ) басталған кезде симптомсыз немесе қалдық оппортунистік инфекцияларға қабыну реакциясы туындауы мүмкін. Сондай-ақ, иммундық реактивация жағдайында аутоиммунды аурулар (мысалы, Грейвс ауруы) пайда болатындығы туралы айтылды; алайда, әсер етудің басталу уақыты анағұрлым өзгермелі және бұл құбылыстар емдеу басталғаннан кейін бірнеше айдан соң пайда болуы мүмкін. Остеонекроз жағдайлары, атап айтқанда, АИТВ ауруының кеш сатылары бар және/немесе ұзақ біріктірілген антиретровирустық терапияда болатын жалпы танылған қауіп факторлары бар пациенттерде тіркелген. Пайда болу жиілігі белгісіз. Ламивудинге реакциялар Жиі • бас ауыру, ұйқысыздық • жөтел, мұрынның бітелуі • жүрек айну, құсу, іштің жоғарғы бөлігінің ауыруы, диарея • бөртпе, алопеция • артралгия, бұлшықет бұзылулары • әлсіздік, шаршағыштық, қызба Жиі емес • анемия, нейтропения, тромбоцитопения • бауыр ферменттері белсенділігінің транзиторлы жоғарылауы (АСТ, АЛТ) Сирек • сүт қышқылды ацидоз гипоксемия, анорексия болмаған кезде • сарысулық амилаза белсенділігінің жоғарылауы, панкреатит (препаратты қабылдаумен байланысы анықталмаған) • рабдомиолиз • ангиодистрофия • гепатит Өте сирек • эритроциттік аплазия • шеткері нейропатия, парестезия (жүргізілетін терапиямен байланыс анықталмаған) • сүт қышқылды ацидоз Зидовудинге реакциялар Ересектер мен жасөспірімдердегі жағымсыз реакциялардың бейіні бірдей. Ең күрделі жағымсыз реакцияларға анемия (қан құюды қажет етуі мүмкін), нейтропения және лейкопения жатады. Олар жоғарырақ дозаларды (тәулігіне 1200–1500 мг) қолданғанда және АИТВ-инфекциясының соңғы сатыларындағы (әсіресе емдеуге дейінгі сүйек кемігінің қоры нашар болған) пациенттерде, әсіресе CD4 саны 100/мм3-тен кем пациенттерде жиірек байқалды. 4.4 бөлімін қараңыз. Өте жиі • жүрек айну • бас ауыруы Жиі • анемия, нейтропения және лейкопения • гиперлактатемия • бас айналу • құсу, іш аймағының ауыруы, диарея • бауыр ферменттері мен билирубин белсенділігінің артуы • миалгия • дімкәстік Жиі емес • тромбоцитопения, панцитопения (сүйек кемігінің гипоплазиясымен) • диспноэ • метеоризм • бөртпе, қышу • миопатия • қызба, жайылған ауырсыну, астения Сирек • эритроциттердің аплазиясы • гипоксемия, анорексия болмаған кезде лактоацидоз • мазасыздық, депрессия • ұйқысыздық, парестезия, ұйқышылдық, ойлау жылдамдығының төмендеуі, құрысулар • кардиомиопатия • жөтел • ауыз қуысының шырышты қабығының пигментациясы, дәмнің бұрмалануы • панкреатит • стеатозбен айқын гепатомегалия • тырнақтар мен тері жамылғысының пигментациясы • есекжем • қатты терлеу • кіші дәретке жиі шығу • гинекомастия • суық тию, кеудедегі ауырсыну, тұмауға ұқсас симптомдар Өте сирек • аплазиялық анемия Зидовудинмен емдеудің алғашқы бірнеше аптасы ішінде жүрек айнуының және басқа да жиі тіркелген клиникалық жағымсыз әсерлердің пайда болу жиілігі тұрақты төмендейтінін көрсететін плацебо бақыланатын зерттеулердің де, ашық зерттеулердің де деректері қолда бар. Күтілетін дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz Егер сізде қандай да бір жағымсыз реакциялар туындаса, емдеуші дәрігермен кеңесіңіз. Бұл ұсыным кез келген ықтимал жағымсыз реакцияларға, оның ішінде қосымша парақта аталмаған реакцияларға да қатысты. Жағымсыз реакциялар туралы хабарлай отырып, сіз ДП қауіпсіздігі туралы көбірек ақпарат алуға көмектесесіз.

Симптомдары: Комбивирдің артық дозалануы туралы мәліметтер шектеулі. Ламивудин мен зидовудиннің жедел артық дозалануының ерекше симптомдары мен белгілері жоқ. Мұндай жағдайлардың ешқайсысы өліммен аяқталған жоқ және барлық пациенттердің жағдайы қалыпқа келді. Емі: интоксикация белгілерін уақтылы анықтау үшін пациенттің жағдайын бақылау және стандартты демеуші ем жүргізу ұсынылады. Ламивудин диализдің көмегімен шығарылатындықтан, артық дозаланғанда үздіксіз гемодиализді қолдануға болады. Гемодиализдің және перитонеалдық диализдің организмнен зидовудинді шығару үшін тиімділігі аз, бірақ оның метаболитінің (глюкуронидтің) элиминациясын жеделдетеді. Толығырақ ақпарат алу үшін компоненттердің әрқайсысын жеке-жеке қолдану жөніндегі нұсқаулыққа жүгіну қажет.

Антиретровирустық терапия арқылы вирусты тиімді басу инфекцияның жыныстық жолмен берілу қаупін едәуір төмендететіні дәлелденгенімен, қалдық қауіпті жоққа шығаруға болмайды. Инфекцияның берілуін болдырмау үшін сақтандыру шаралары ұлттық басшылыққа сәйкес қабылдануы тиіс. Бұл бөлімге препараттың екі белсенді компонентіне – ламивудин мен зидовудинге қатысты айрықша нұсқаулар енгізілген. Бұл бөлімде препараттың екі белсенді ингредиентіне - ламивудин мен зидовудинге қатысты нақты нұсқаулар бар. Комбивир біріктіріліміне қатысты қосымша сақтық шаралары мен ескертулер жоқ. Компоненттердің біреуін түзету/тоқтату қажет болған жағдайда осы компоненттерді жеке тағайындау ұсынылады; бұл жағдайда мұндай препараттарды қолданар алдында оларды қолдану жөніндегі нұсқаулықтармен танысу керек. Пациенттер Комбивирмен емдеу кезінде дәрілік препараттарды өз бетінше тағайындаудан сақтандырылуы тиіс. Ставудин мен зидовудинді бір мезгілде қолданудан аулақ болу керек Арнайы сақтандырулар Панкреатит: Ламивудинмен және зидовудинмен ем қабылдап жүрген пациенттерде панкреатит жағдайлары сирек дамыды. Алайда, мұндай жағдайлардың антиретровирустық ем жүргізумен немесе басты себепті АИТВ-мен астасқан аурумен байланысты болғаны белгісіз. Панкреатиттің дамуын көрсететін клиникалық белгілер, симптомдар немесе зертханалық көрсеткіштердің қалыптан ауытқулары дамыған жағдайда, Комбивир дәрілік препаратымен емдеуді дереу тоқтату керек. Лактоацидоз: Зидовудинмен емдеу кезінде, әдетте, гепатомегалиямен және бауыр стеатозымен астасқан лактатацидоздың дамуы туралы хабарланды. Ерте симптомдарға (симптоматикалық гиперлактатемия) асқазан-ішек жолдарының тарапынан қатерсіз симптомдар (жүрек айну, құсу және іштің ауыруы), тән емес жалпы әлсіздік сезімі, тәбеттің жоғалуы, салмақ жоғалту, тыныс алу жүйесі тарапынан симптомдар (жиі және/немесе терең тыныс алу) немесе неврологиялық симптомдар (соның ішінде моторлық әлсіздік) жатады. Лактатацидоз жоғары өліммен сипатталады және панкреатит, бауыр функциясының жеткіліксіздігі немесе бүйрек функциясының жеткіліксіздігі аясында пайда болуы мүмкін. Әдетте, лактоацидоз емдеудің бірнеше немесе көптеген айынан кейін дамиды. Симптоматикалық гиперлактатемия және метаболизмдік ацидоз/лактатацидоз, үдемелі гепатомегалия немесе аминотрансфераза мөлшерінің тез жоғарылайтын деңгейлері дамыған жағдайда зидовудинмен емдеуді тоқтату керек. Зидовудинді гепатомегалиямен, гепатитпен ауыратын немесе бауыр аурулары мен бауырдың майлы дегенерациясының даму қаупі факторларының әйгіленетін белгілері бар барлық пациенттерге (әсіресе семіздікпен ауыратын әйелдерге) сақтықпен енгізу керек (белгілі бір медициналық препараттар мен алкогольді қабылдау осындай факторлардың қатарына жатқызылуы мүмкін). Альфа-интерферонмен және рибавиринмен ем алатын С гепатитінің жанамаласқан инфекциясы бар пациенттер ерекше қауіп тобына жатқызылуы мүмкін. Жоғары қауіп тобына жатқызылған пациенттер мұқият бақылауда болуы тиіс. Бауыр ауруы: Егер ламивудинді АИТВ және В гепатиті вирусын емдеу үшін бір мезгілде тағайындаса, Зеффикс дәрілік препаратының қысқаша сипаттамасында ұсынылған ВВГ-инфекциясын емдеуде ламивудинді қолдану туралы қосымша ақпаратты зерделеу керек. Зидовудиннің қауіпсіздігі мен тиімділігі бауырдың елеулі негізгі себепті бұзылулары бар пацеинттерде зерттелмеген. Созылмалы В гепатитімен немесе С гепатитімен ауыратын, біріктірілген антиретровирустық емнің көмегімен емделетін пациенттер бауыр тарапынан елеулі және ықтимал өлімге әкелетін жағымсыз құбылыстардың даму қаупі жоғары топқа жатады. В гепатитін немесе С гепатитін вирусқа қарсы конкомитантты емдеу жағдайында, сондай-ақ осы медициналық препараттар туралы тиісті ақпаратпен танысуыңызды сұраймыз. В гепатиті вирусының қатарлас инфекциясы бар пациенттерде Комбивир дәрілік препаратын тоқтатқан жағдайда 4 ай бойы бауыр функциясы көрсеткіштерінің және В гепатиті вирусының репликациясы маркерлерінің мерзімді мониторингін жүргізу ұсынылады, өйткені ламивудинді тоқтату гепатиттің жедел қайталануына әкелуі мүмкін. Бауыр функциясының алдыңғы бұзылуы, оның ішінде созылмалы белсенді гепатиті бар пациенттерде біріктірілген антиретровирустық ем жүргізу процесінде бауыр функциясы көрсеткіштерінің бұзылуы жиі байқалады және мұндай пациенттер стандартты практикаға сәйкес бақылауға жатады. Мұндай пациенттерде бауырдың үдемелі ауруының белгілері анықталған жағдайда емдеуді үзу немесе тоқтату мүмкіндігін қарастыру керек. С гепатиті вирусымен үйлесімді инфекцияланған пациенттер:Анемияның даму қаупі жоғары болғандықтан зидовудинмен рибавиринді бір мезгілде қолдану ұсынылмайды. Остеонекроз: Этиология көп факторлы (кортикостероидтарды қабылдауды, алкогольді тұтынуды, күшті иммуносупрессияны, дене салмағының жоғары индексін қоса алғанда) болып саналатынына қарамастан, остеонекроз жағдайлары үдемелі АИТВ-астасқан ауруы бар және/немесе ұзақ біріктірілген антиретровирустық ем қабылдап жүрген пациенттерде де хабарланған. Пациенттер буындарда ауырсыну, буындардың қозғалмауы немесе қозғалыс қиын болған жағдайда дәрігерге қаралу қажеттілігі туралы хабардар болуы керек. Комбивир дәрілік препаратын құрамында ламивудин бар басқа дәрілік препараттармен немесе құрамында эмтрицитабин бар дәрілік препараттармен қабылдауға болмайды. Ламивудин мен кладрибиннің біріктірілімі ұсынылмайды. Жүктілік Әдетте, жүкті әйелдерде АИТВ-инфекциясын емдеу үшін антиретровирустық препараттарды қолдану туралы шешім қабылдау процесінде және жаңа туған нәрестелердің АИТВ-ны тік жұқтыру қаупін азайту үшін жануарларға зерттеулер жүргізу кезінде алынған деректерді, сондай-ақ жүкті әйелдерді бақылау және емдеу процесінде алынған клиникалық тәжірибені ескеру қажет. Бұл жағдайда жүкті әйелдердің зидовудинді қолдану және жаңа туған нәрестелерді кейінгі емдеу АИТВ-ның анадан балаға берілу коэффициентін төмендететіні байқалды. Ламивудин немесе зидовудин қабылдайтын жүкті әйелдерден алынған деректердің үлкен саны мальформациялық уыттылықтың жоқтығын көрсетеді (жүктіліктің бірінші триместрінде әрбір дәрілік затты қабылдаудың 3000-нан астам нәтижесі, 2000 жағдайда пациенттер ламивудин де, зидовудин де қабылдаған). Жоғарыда келтірілген мәліметтерге сүйене отырып, адамдарда шарананың дамымау қаупі екіталай деген қорытынды жасауға болады. Комбивир дәрілік препаратының құрамына кіретін әсер етуші заттар жасушалардың ДНҚ репликациясына тежеуші әсер етуі мүмкін. Жануарларға бір зерттеу жүргізу кезінде зидовудиннің құрсақішілік канцерогендік әсері байқалды. Мұндай көрсеткіштердің клиникалық маңыздылығы анықталмаған. Құрамында ламивудин бар дәрілік препараттармен, мысалы, Комбивир дәрілік препаратымен емделетін, содан кейін жүкті болатын, бір мезгілде гепатитпен инфекцияланған пациенттерде ламивудинді тоқтатқаннан кейін гепатиттің қайталану мүмкіндігін ескеру керек. Митохондриялық дисфункция: in vitro және in vivo зерттеулерін жүргізу кезінде нуклеозидтер мен нуклеотидтердің аналогтары митохондрияға әртүрлі дәрежеде зақым келтіруі мүмкін екендігі дәлелденді. Нуклеозидтер аналогтарының құрсақішілік және перинаталдық әсеріне ұшыраған АИТВ-теріс сәбилердің митохондриялық дисфункциясы туралы хабарланды. Лактация кезеңі Ламивудин де, зидовудин де сарысулық концентрациямен салыстырылатын концентрацияда емшек сүтіне шығарылады. АИТВ емделген 200-ден астам «ана/бала» жұптарында алынған деректер АИТВ емделген аналардан туған, табиғи тамақтанатын нәрестелердегі ламивудиннің сарысулық концентрациясының деңгейі өте төмен (ана организміндегі сарысулық концентрация деңгейінің< 4%) екенін және табиғи тамақтанатын бала 24 аптаға жеткенде анықталмайтын деңгейге біртіндеп төмендейтінін көрсетеді. 3 айға дейінгі нәрестелерде ламивудиннің қауіпсіздігі туралы деректер жоқ. АИТВ-инфекцияланған әйелдерге зидовудиннің бір реттік дозасын 200 мг деңгейінде енгізгеннен кейін емшек сүті мен сарысудағы зидовудиннің орташа концентрациясы ұқсас болды. АИТВ-инфекцияланған әйелдерге АИТВ жұқтырудың алдын алу мақсатында балаларды қандай жағдайда да емізбеуге кеңес беріледі. Фертильділік Егеуқұйрықтардың аталықтары мен аналықтарына зерттеу жүргізу кезінде зидовудин де, ламивудин де репродуктивті функцияға теріс әсер еткен жоқ. Зидовудиннің де, ламивудиннің де әйелдің репродуктивті функциясына әсері туралы деректер жоқ. Зидовудинді енгізу кезінде сперматозоидтар санының, құрылымының немесе қозғалғыштығының өзгеруі байқалмады. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Көлік жүргізу және жабдықты пайдалану қабілетіне әсер ету бойынша зерттеулер жүргізілген жоқ. Көлік құралын басқару немесе қозғалмалы механизмдермен жұмыс істеу кезінде жалпы қабылданған сақтық шараларын сақтау керек.

Нұсқаулықта көрсетілмеген.

Комбивирдің құрамында ламивудин мен зидовудин болғандықтан, ол оның әр компонентіне тән кез келген өзара әрекеттесуге түсе алады. Клиникалық зерттеулер зидовудин мен ламивудин арасындағы клиникалық маңызды өзара әрекеттесуді анықтаған жоқ. Зидовудин ең алдымен глюкуронилтрансфераза (UGT) ферменттерімен метаболизденеді; индукторларды немесе UGT ферментінің тежегіштерін бірге қолдану зидовудиннің экспозициясын өзгертуі мүмкін. Ламивудин бүйрекпен шығарылады. Несептегі ламивудиннің белсенді бүйрек секрециясы органикалық катиондардың ақуыз-тасымалдаушылары арқылы жүзеге асады; ламивудинді органикалық катиондардың ақуыз-тасымалдағыш тежегіштерімен немесе нефроуытты препараттармен бірге қолдану ламивудиннің экспозициясын арттыруы мүмкін. Ламивудин мен зидовудин P450 цитохромы ферменттерімен (мысалы, CYP 3A4, CYP 2C9 немесе CYP 2D6) айтарлықтай сіңірілмейді, сонымен қатар олар осы ферменттік жүйені тежемейді немесе белсендірмейді. Сондықтан антиретровирустық тежегіштерімен, нуклеозидті емес және Р450 ірі ферменттерімен метаболизденетін протеазаның басқа препараттармен өзара әрекеттесуі екіталай. Өзара әрекеттесуді зерттеу тек ересектердің қатысуымен жүргізілді. Төменде көрсетілген тізімді толық тізім ретінде қарауға болмайды, бірақ ол зерттелетін класстарды ұсынады. Қолдану салалары бойынша дәрілік препараттар — Өзара әрекеттесуОрташа геометриялық мәннің өзгеруі (%) (Ықтимал механизм) — Біріктіріп қолдану бойынша ұсынымдар АНТИРЕТРОВИРУСТЫҚ ПРЕПАРАТТАР Диданозин / Ламивудин — Өзара әрекеттесуі зерттелмеген. — Дозаны реттеудің қажеті жоқ. Диданозин / Зидовудин — Өзара әрекеттесуі зерттелмеген. Ставудин / Ламивудин — Өзара әрекеттесуі зерттелмеген. — Біріктіру ұсынылмайды. Ставудин / Зидовудин — Ставудин мен зидовудин арасындағы АИТВ-ға қарсы белсенділіктің in vitro антагонизмі екі препараттың да әсерінің төмендеуіне әкелуі мүмкін. БАКТЕРИЯҒА ҚАРСЫ ПРЕПАРАТТАР Атоваквон/Ламивудин — Өзара әрекеттесуі зерттелмеген. — Деректердің шектеулі болуына байланысты клиникалық маңызы белгісіз. Атоваквон/Зидовудин (тамақпен бірге күніне екі рет 750 мг/ күніне үш рет 200 мг) — Зидовудиннің AUC­33 % Атоваквонның AUC « Кларитромицин/Ламивудин — Өзара әрекеттесуі зерттелмеген. — Комбивир мен кларитромицинді жеке қабылдау, кем дегенде 2 сағаттан кейін Кларитромицин/Зидовудин (күніне екі рет 500 мг/әр 4 сағат сайын 100 мг) — Зидовудиннің AUC¯12 % Триметоприм/ сульфаметоксазол (Ко-тримоксазол)/ Ламивудин (160 мг/800 мг күніне бір рет 5 күн бойы/ 300 мг бірлік доза) — Ламивудин: AUC­ 40 % Триметоприм: AUC « Сульфаметоксазол AUC « (органикалық катиондар тасымалдағышын тежеу) — Егер пациенттің бүйрек функциясы бұзылмаса, Комбивир дозасын реттеудің қажеті жоқ. Ко-тримоксазолмен бірге қабылдаған кезде пациенттер клиникалық бақылауда болуы тиіс. Pneumocystis jirovecii (ПЦП) және токсоплазмоздан туындаған пневмонияны емдеуге арналған триметоприм / сульфаметоксазолдың жоғары дозалары зерттелмеген және оларды қолданбау керек. Триметоприм/ сульфаметоксазол (Ко-тримоксазол) / зидовудин — Өзара әрекеттесуі зерттелмеген. ФУНГИЦИДТЕР Флуконазол / Ламивудин — Өзара әрекеттесуі зерттелмеген. — Деректердің шектеулі болуына байланысты клиникалық маңызы белгісіз. Зидовудиннің уыттылық симптомдарын бақылау. Флуконазол / Зидовудин (күніне бір рет 400 мг/күніне үш рет 200 мг) — Зидовудиннің AUC ­74% (UDP-глюкуронилтрансферазаны тежеу) МИКОБАКТЕРИЯҒА ҚАРСЫ ПРЕПАРАТТАР Рифампицин / ламивудин — Өзара әрекеттесуі зерттелмеген. — Дозаны реттеуді ұсыну үшін деректер жеткіліксіз. Рифампицин / зидовудин (күніне бір рет 600 мг/күніне үш рет 200 мг) — Зидовудиннің AUC ¯ 48% (UGP-глюкуронилтрансфераза әсері) ҚҰРЫСУҒА ҚАРСЫ ПРЕПАРАТТАР Фенобарбитал / Ламивудин — Өзара әрекеттесуі зерттелмеген. — Дозаны реттеуді ұсыну үшін деректер жеткіліксіз. Фенобарбитал / Зидовудин — Өзара әрекеттесуі зерттелмеген. UGP-глюкуронилтрансфераза әсеріне байланысты плазмадағы зидовудин концентрациясының аздап төмендеуі мүмкін. Фенитоин / Ламивудин — Өзара әрекеттесуі зерттелмеген. — Фенитоин концентрациясын бақылау. Фенитоин / Зидовудин — Фенитоиннің AUC­¯ Вальпрой қышқылы / Ламивудин — Өзара әрекеттесуі зерттелмеген. — Деректердің шектеулі болуына байланысты клиникалық маңызы белгісіз. Зидовудиннің уыттылық симптомдарын бақылау. Вальпрой қышқылы/ Зидовудин (күніне үш рет 250 мг немесе 500 мг / күніне үш рет 100 мг) — Зидовудиннің AUC­80% (UDP-глюкуронилтрансферазаны тежеу) АНТИГИСТАМИНДІК ПРЕПАРАТТАР (Н1 ГИСТАМИН РЕЦЕПТОРЛАРЫНЫҢ АНТАГОНИСТЕРІ) Ранитидин / ламивудин — Өзара әрекеттесуі зерттелмеген. Клиникалық маңызды өзара әрекеттесуі екіталай. Ранитидин тек ішінара бүйректік органикалық катиондық транспорттық жүйе арқылы шығарылады. — Дозаны реттеудің қажеті жоқ. Ранитидин / зидовудин — Өзара әрекеттесуі зерттелмеген. Циметидин / ламивудин — Өзара әрекеттесуі зерттелмеген. Клиникалық маңызды өзара әрекеттесуі екіталай. Циметидин тек ішінара бүйректік органикалық катиондық транспорттық жүйе арқылы шығарылады. — Дозаны реттеудің қажеті жоқ. Циметидин / зидовудин — Өзара әрекеттесуі зерттелмеген. ЦИТОУЫТТЫ ПРЕПАРАТТАР Кладрибин / ламивудин — Өзара әрекеттесуі зерттелмеген. In vitro ламивудин кладрибиннің жасушаішілік фосфорлануын тежейді, бұл клиникалық жағдайларда біріктіріп қолданған кезде кладрибин тиімділігін жоғалтудың әлеуетті қаупіне әкеледі. Кейбір клиникалық нәтижелер сонымен қатар ламивудиннің кладрибинмен әрекеттесу мүмкіндігін растайды — Сондықтан ламивудинді кладрибинмен бір мезгілде қолдану ұсынылмайды. АПИЫНДЫҚ ПРЕПАРАТТАР Метадон / ламивудин — Өзара әрекеттесуі зерттелмеген. — Деректердің шектеулі болуына байланысты клиникалық маңызы белгісіз. Зидовудиннің уыттылық симптомдарын бақылау. Көптеген пациенттер үшін метадон дозасын реттеу қажеттілігі екіталай; кейде метадонды кері титрлеу қажет болуы мүмкін. Метадон / зидовудин (күніне бір рет 30-дан 90 мг дейін/ әр 4 сағат сайын 200 мг) — Зидовудиннің AUC­ 43% Метадонның AUC « НЕСЕП ҚЫШҚЫЛЫНЫҢ ШЫҒАРЫЛУЫНА ЫҚПАЛ ЕТЕТІН ДӘРІЛЕР Пробенецид / ламивудин — Өзара әрекеттесуі зерттелмеген. — Деректердің шектеулі болуына байланысты клиникалық маңызы белгісіз. Зидовудиннің уыттылық симптомдарын бақылау. Пробенецид / зидовудин (күніне төрт рет 500 мг / күніне үш рет 2 мг/кг) — Зидовудиннің AUC ­106% (UDP-глюкуронилтрансферазаны тежеу) БАСҚА ПРЕПАРАТТАР Сорбитол ерітіндісі (3,2 г, 10,2 г, 13,4 г)/ламивудин — Бір реттік доза - ішке қабылдауға арналған ламивудин ерітіндісі, 300 мг Ламивудин: AUC¯ 14%; 32%; 36% Cmax¯ 28%; 52%, 55%. — Барлық ықтимал жағдайларда құрамына сорбитол немесе басқа полиспирттер немесе осмостық әсері бар моносахаридті спирттер (мысалы, ксилитол, маннитол, лактитол, мальтитол) кіретін дәрілік препараттармен Комбивир дәрілік препаратын ұзақ уақыт бойы біріктіріп қабылдаудан аулақ болу керек. Біріктірілген тағайындау қажет болып табылған жағдайларда, АИТВ-1 вирустық жүктемесін неғұрлым жиі мониторингтеу қажеттілігін қарастыру керек.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 30 ºC-ден аспайтын температурада сақтау керек. Балалардың қолы жетпейтін жерде сақтау керек!