КОМБИГРИП таблетки

Бір таблетканың құрамында белсенді заттар: 500 мг парацетамол, 30 мг кофеин, 10 мг фенилэфрин гидрохлориді, 2 мг хлорфенирамин малеаты, қосымша заттар: микрокристалды целлюлоза, кальций гидрофосфаты, жүгері крахмалы, сансет сары супра (Е 110), повидон, магний стеараты, тальк, натрий крахмалы гликоляты (А типі), натрий кроскармеллозасы, Сыртқы түрінің иісінің, дәмінің сипаттамасы Теңбілдері, сызығы бар, сызық жағына «S» және «L» жазуы түсірілген қызғылт-сары немесе ашық қызғылт-сары түсті капсула пішінді таблеткалар,

- температураның көтерілуі, тұмаурату, мұрын бітелуі, бас ауыру, жөтел сияқты суық тию және тұмау симптомдарын жеңілдету

ATХ коды N02BE51 Әсер ету механизмі Фармакологиялық әсері дәрілік заттың барлық компоненттерінің әсер етуімен жүзеге асады. Фармакодинамикалық әсерлері Парацетамол ауыруды басатын және қызу түсіретін дәрі ретінде әсер етеді. Парацетамолдың анальгезиялық және қызу түсіретін әсері препараттың гипоталамустағы жылуды реттеу орталығына ықпал етуімен және простагландин синтезін тежеу қабілетімен байланысты. Фенилэфрин гидрохлориді тамыр тарылтатын дәрі ретінде әсер етеді, мұрынның шырышты қабығының және қосалқы қойнауларының ісінуін, экссудаттық көріністер айқындылығын азайтады. Хлорфенамин аллергияға қарсы әсер етеді, көзден жас ағуын және мұрын қышынуын басады. Кофеин орталық жүйке жүйесіне, ең алдымен, ми қабығына, тыныс алу және тамыр қозғалысы орталықтарына көтермелеу әсерін көрсетеді, ақыл-ой және физикалық жұмыс қабілетін арттырады, ұйқышылдық, шаршау сезімін азайтады және ОЖЖ бәсеңдететін дәрілердің әсерін әлсіретеді.

Дозалау режимі 1 таблеткадан тәулігіне 4 ретке дейін, бірақ аралығы 4-6 сағат өтуінен жиі емес. Ең жоғары бір реттік доза: 1 таблетка. Ең жоғары тәуліктік доза: 4 таблетка. Препарат ас ішуден кейін кемінде 30 минуттан соң қабылданады. Енгізу әдісі мен жолы Препарат ішке тағайындалады. Қабылдау уақыты көрсетілген қолдану жиілігі Қабылдау арасындағы үзіліс 4-6 сағаттан кем емес. Емдеу ұзақтығы Дәрігер кеңесінсіз емдеу ұзақтығы 3 күннен аспайды. Дәрілік препараттың бір немесе бірнеше дозасын өткізіп алу кезіндегі қажетті шаралар Жекелеген дозаларды өткізіп алған жағдайда препараттың екі есе дозасын қабылдауға болмайды. Тоқтату симптомдары қаупінің болуына көрсетілім Препарат дағдыланып кетуді тудырмайды және тоқтату симптомдары болмайды.

- әсер етуші затқа, ксантиндердің басқа туындыларына (теофиллин, теобромин), апиындарға, антигистаминдік, симпатомиметикалық аминдерге немесе қосымша заттардың кез келгеніне аса жоғары сезімталдық - ауыр жүрек-қантамыр аурулары, компенсацияланбаған жүрек жеткіліксіздігін қоса, өткізгіштік бұзылулары, аритмиялар, айқын атеросклероз, тамырлар түйілуіне бейімділік, жүректің ишемиялық ауруының ауыр түрі; ауыр артериялық гипертензия - бауыр және бүйрек функциясының айқын бұзылулары - несеп шығарудың қиындауымен қуық асты безінің аденомасы, қуық мойнағының обструкциясы - асқазан және он екі елі ішектің стеноздаушы ойық жарасы, пилородуоденальді обструкция, жедел панкреатит - эпилепсия - қан аурулары (оның ішінде айқын анемия, лейкопения) - гипертиреоз - қант диабеті - бронх демікпесі - глаукома - глюкоза-6-фосфатдегидрогеназа тапшылығы - маскүнемдік - қатты қозу, ұйқының бұзылуы - туа біткен гипербилирубинемия - егде жас - трициклды антидепрессанттармен, ß-блокаторлармен бір мезгілде қолдану; МАО тежегіштерімен бір мезгілде және оларды қолдануды тоқтатудан кейін 2 апта бойы қабылдау - тыныс алу жеткіліксіздігінің туындау қаупі бар пациенттерге қолдану қарсы көрсетілімді - жүктілік және бала емізу кезеңі - балалар және 18 жасқа дейінгі жасөспірімдер

Жиілігі белгісіз – тәбеттің төмендеуі – жүрек айну – құсу – ауыз кеберсуі – гиперсаливация – қыжыл – эпигастрий тұсының жайсыздану және ауырсынуы – ойық жара ауруының өршуі – метеоризм – диарея – іш қату – аса жоғары сезімталдық реакциялары, анафилаксияны қоса, анафилаксиялық шок, ангионевроздық ісіну, қышыну, есекжем, мультиформалы экссудаттық эритема, Стивенс-Джонсон синдромы, уытты эпидермалық некролиз (Лайелл синдромы) – тері бөртпесі – шырышты қабықтардағы бөртпе (кәдімгі жайылмалы, эритематозды бөртпе) – психомоторлық қозу және бағдардан жаңылу – алаңдаушылық – мінез-құлық өзгерістері – қорқыныш сезімі – үрей – ашушаңдық – ұйқының бұзылуы – ұйқысыздық – ұйқышылдық – бас айналу – сананың шатасуы – елестеулер – депрессиялық жай-күйлер – тремор – жүйкенің қозуы – аяқ-қолдың шаншуын және ауырлығын сезіну – құлақтағы шуыл – бас ауыру – кома, құрысулар, дискинезия • пациенттерде бронх түйілуі – аспирин және басқа ҚҚСП түрлеріне сезімталдық – мидриаз – көзішілік қысымның көтерілуі – көздің құрғап кетуі – бауыр функциясының бұзылуы, бауыр ферменттері белсенділігінің, әдетте, сарғаю дамуынсыз жоғарылауы – гепатонекроз (жоғары дозаларын қолданғанда) – гепатоуыттылық – гипогликемиялық комаға дейін апаратын гипогликемия – анемия, оның ішінде гемолиздік анемия – жоғары дозаларда ұзақ уақыт қолданғанда - аплазиялық анемия, панцитопения, агранулоцитоз, нейтропения, лейкопения, тромбоцитопения – көгерулер немесе қан құйылулар – сульфгемоглобинемия және метгемоглобинемия (цианоз, ентігу, жүректің ауыруы) – жоғары дозаларын қолдану кезінде - нефроуыттылық (папиллярлы некрозды қоса) – несеп шығарудың бұзылуы – несеп іркілісі және несеп шығарудың қиындауы – дизурия – интерстициальді нефрит – креатинин клиренсінің көтерілуі – натрий мен кальций экскрециясының ұлғаюы – асептикалық пиурия – бүйрек шаншуы – артериялық гипертензия – тахикардия немесе рефлекторлық брадикардия – аритмия – ентігу – жүректің ауыруы – жалпы әлсіздік – қатты терлеп кету – гипогликемиялық комаға дейін үдеуі мүмкін гипогликемия – мұрын бітелуі – Bittner әдісімен анықталатын қанда несеп қышқылының жалған артуы болуы мүмкін – 5-гидроксииндолсірке қышқылының, ванилил-бадам қышқылының және несептегі катехоламиндердің мардымсыз артуы. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды ұлттық сараптау орталығы» ШЖҚ РМК http://www.ndda.kz

Симптомдары Парацетамол артық дозаланғанда алғашқы 24 сағатта мына симптомдар дамиды: бозарып кету, жүрек айну, құсу, анорексия және іштің ауыруы. Бауыр трансаминазаларының белсенділігі артады, билирубин концентрациясы ұлғаяды және протромбин деңгейі төмендейді. Артық дозаланған жағдайда қатты терлеу, психомоторлық қозу немесе орталық жүйке жүйесінің бәсеңдеуі, бас айналу, ұйқының бұзылуы, ұйқышылдық, жүрек ырғағының бұзылуы, тахикардия, экстрасистолия, тремор, гиперрефлексия, құрысулар, панкреатит байқалуы мүмкін. Сирек жағдайларда бел аумағындағы ауырсыну, гематурия, протеинурия, нефроуыттылықпен көрініс беретін өзекшелердің жедел некрозымен жедел бүйрек жеткіліксіздігі (бүйрек шаншуы, интерстициальді нефрит, папиллярлы некроз) хабарланды. Ересектерге 10 г немесе одан көп парацетамол және баланың килограмм дене салмағына 150 мг мөлшерінен көп парацетамол қолдану сананың бұзылуымен болатын энцефалопатияның дамуымен гепатоцеллюлярлық некрозға, бауыр комасына және өліммен аяқталуға әкелуі мүмкін. Бауыр зақымдануының алғашқы клиникалық және биохимиялық белгілері артық дозаланудан кейін 12-48 сағаттан соң пайда болуы мүмкін. Глюкоза метаболизмінің бұзылулары және метаболизмдік ацидоз туындауы мүмкін. Жоғары дозаларын ұзақ уақыт қолданғанда аплазиялық анемия, панцитопения, агранулоцитоз, нейтропения, лейкопения, тромбоцитопения болуы мүмкін. Қауіп факторлары бар пациенттерде (карбамазепин, фенобарбитал, фенитоин, примидон, рифампицин, шайқураймен немесе бауыр ферменттерін индукциялайтын басқа дәрілік заттармен ұзақ емдеу, алкоголизм, глутатионды кахексия (ас қорыту бұзылыстары, муковисцидоз, АИТВ-инфекция, ашығу, кахексия) 5 г немесе одан көп парацетамол қолдану бауыр зақымдануына әкелуі мүмкін. Фенилэфрин және хлорфенирамин малеатының әсері себеп болатын артық дозалану симптомдары: бас ауыру, гипергидроз, ұйқышылдық, сананың бұзылуы, ұйқысыздық, мінез-құлық өзгерісі, психомоторлық қозу немесе орталық жүйке жүйесінің (ОЖЖ) бәсеңдеуі, мазасыздық, ашушаңдық, тремор, құрысулар, гиперрефлексия, бас айналу, жүрек айну, құсу, артериялық гипертензия, тахикардия, аритмия, экстрасистолия. Хлорфенирамин малеаты артық дозаланғанда бәсең жай-күйден қозу күйіне дейін (мазасыздық және құрысулар) құбылуы мүмкін. Мидриаз, фотофобия, терінің және шырышты қабықтардың құрғауын, дене температурасының көтерілуін, ішек атониясын қоса, атропинге ұқсас симптомдарды байқауға болады, орталық жүйке жүйесінің бәсеңдеуі тыныс алу бұзылыстарымен және жүрек-қантамыр жүйесі жұмысының бұзылуларымен (тамыр соғу жиілігінің азаюы, артериялық қысымның тамыр жеткіліксіздігіне дейін төмендеуі) қатар жүреді. Кофеин артық дозаланғанда келесі симптомдар білінеді: сусыздану, гипертермия, құлақтағы шыңыл, эпигастрий аумағының ауыруы, диурез жиілігінің артуы, экстрасистолия, тахикардия, тыныс алудың жиілеуі, аритмия, орталық жүйке жүйесіне әсер ету (бас айналу, ұйқысыздық, қозу, ашушаңдық, психомоторлық қозу, аффект күйі, үрейлену, тремор, құсу, құрысулар, конвульсиялар, ажитация, мазасыздық, делирий, жанасу кезіндегі немесе ауырсынумен болатын жоғары сезімталдық). Біріктірілген препараттармен ауыр улану кезінде (парацетамол, хлорфенирамин, фенилэфрин, кофеин) бауыр функциясының бұзылуы сананың бұзылуымен болатын энцефалопатия, қан құйылу, гипогликемия, ми ісінуіне дейін үдеуі, жекелеген жағдайларда өліммен аяқталуы мүмкін. Өзекшелердің жедел некрозымен бүйрек функциясының жедел бұзылуы белдің қатты ауыруы, гематурия, протеинуриямен көрініс беруі мүмкін және тіпті бауырдың ауыр зақымдануы болмаса да дамуы мүмкін. Жүрек аритмиясы мен панкреатит те анықталды. Емдеу Артық дозалануға күмән туындаған жағдайда пациентті ауруханаға жеткізген жөн. Симптомдар жүрек айну және құсумен шектелуі мүмкін немесе артық дозалану ауырлығын немесе ағзалардың зақымдану қаупін көрсетпеуі мүмкін. Егер парацетамолдың шамадан тыс дозасы 1 сағат ішінде қабылданса, белсендірілген көмірмен емдеуді қарастыру керек. Күмәнді артық дозаланудан кейін алғашқы 6 сағат ішінде асқазанды шаю қажет. Ауыр гипертензияда α-, β-адреноблокаторлар қолдану мақсатқа сай. Қан плазмасында парацетамол концентрациясы қабылдаудан кейін 4 сағаттан соң немесе одан кешірек өлшенуі тиіс (одан ертерек концентрациялары нақты емес болып табылады). Қабылдаудан кейін 24 сағат ішінде ацетилцистеин (парацетамолмен улану кезіндегі антидот) енгізу қолданылады, қолданудың ең жоғары әсеріне қабылдаудан кейінгі алғашқы 8 сағат ішінде жетеді. Артық дозаланудан кейін алғашқы 8 сағат ішінде құсу болмаса, ауруханадан тыс шалғай аудандарда тиісті балама ретінде метионинді пероральді қолдануға болады. Антидоттар тиімділігі осы уақыттан кейін күрт төмендейді. Қажет болса, пациентке қолданыстағы ұсынымдарға сәйкес ацетилцистеинді вена ішіне енгізуге болады.

Ұсынылған дозадан асырмау керек. Препаратты қолдану кезінде кофе, қою шай, басқа сергітетін сусындарды және құрамында кофеин бар дәрілік заттарды шамадан тыс қолданбау керек, хлорфенирамин малеатының тыныштандыру әсерін және парацетамол гепатоуыттылығын күшейтетін алкоголь тұтынуға болмайды. Бауырдың алкогольдік ауруларында артық дозалану қаупі артады. Кездейсоқ артық дозалану жағдайында науқас, егер тіпті хал-ахуал нашарлауы болмаса да, дереу дәрігерге қаралу қажет. Арнайы сақтандырулар Емдеу кезеңінде алкоголь, ұйықтататын және анксиолитикалық (транквилизаторлар) дәрілік заттарды қабылдаудан бас тарту керек. Құрамында парацетамол бар басқа дәрілік заттармен және суық тиюге қарсы басқа дәрілермен; тыныштандыратын, ұйықтататын дәрілермен бірге қабылдауға болмайды. Егер ауру симптомдары басылмаса немесе бас ауыру тұрақты болса, дәрігерге қаралу керек. Егер ауру симптомдары 3-5 күн ішінде өтпесе, дәрігерге қаралу керек. Мына жай-күйлердің жоғары даму қаупін ескеру керек: Тахикардия. Фенилэфрин тамырдың жиі соғуын, бас айналуын немесе жүректің қатты соғуын тудыруы мүмкін. Гепатоуыттылық. Бауырдың алкогольдік зақымдануы бар науқастарда парацетамолдың гепатоуытты әсер ету қаупі артады. Артық дозалану қаупі бауырдың алкогольдік ауруларында артады. Емдеу кезінде хлорфенирамин малеатының тыныштандыру әсерін және парацетамол гепатоуыттылығын күшейтетін алкоголь тұтынуды болдырмау керек. Кофеиннің ОЖЖ көтермелеу әсері. Препаратты қолдану кезінде кофе, қою шай, басқа сергіткіш сусындар мен құрамында кофеин бар дәрілік заттарды шамадан тыс тұтынбау керек. Бұл ұйқы кінәраттарын, тремор, ширығу, ашушаңдық, жүрек қатты соғуын тудыруы мүмкін. Құрысу ұстамаларының туындау қаупі бар пациенттерге және эпилепсия бар пациенттерге сақтықпен қолдану керек. Несеп шығарудың бұзылуы. Простата аденомасы, феохромоцитома, несеп шығару бұзылыстары болғанда дәрігер препаратты қауіп/пайда арақатынасын бағалаудан кейін ғана тағайындай алады. Метаболизмдік ацидоз. Глутатион деңгейінің төмендеуімен қатар жүретін сепсис сияқты ауыр инфекциялары бар пациенттерде парацетамол қабылдағанда метаболизмдік ацидоз туындау қаупі артады. Метаболизмдік ацидоз симптомдары тыныс алудың тереңдеуі, жиілеуі немесе тыныс тарылуы, жүрек айну, құсу, тәбет жоғалту болып табылады. Бұл симптомдар пайда болған жағдайда дереу дәрігерге қаралу керек. Парацетамолды флуклоксациллмен бір мезгілде қолданған кезде, анионды саңылауы жоғары метаболизмдік ацидоз қаупінің жоғарылауына байланысты, әсіресе бүйрек жеткіліксіздігі, сепсисі бар пациенттерде, дұрыс тамақтанбаған жағдайда және глутатион тапшылығының басқа себептері болған кезде (мысалы, созылмалы алкоголизм), сондай-ақ парацетамолдың өте жоғары тәуліктік дозалары қолданылған кезде сақ болу ұсынылады. Пациенттердің жағдайын мұқият бақылау қажет, соның ішінде несептегі 5-оксопролин деңгейін өлшеу ұсынылады. Қан айналымының бұзылуы Компенсацияланған жүрек жеткіліксіздігінде, туа біткен QT аралығының ұзаруы бар пациенттерге немесе QT аралығын ұзартуы мүмкін препараттарды ұзақ уақыт қабылдаған жағдайларда сақтықпен қолдану керек. Егер пациент варфарин немесе антикоагулянттық (ұюға қарсы) әсер ететін ұқсас препараттарды қолданса, препаратты қолданар алдында дәрігермен кеңесу қажет. Артериялық гипертензия, жүрек ырғағының бұзылуы болғанда препаратты дәрігер қауіп/пайда арақатынасын бағалаудан кейін ғана тағайындай алады. Бауыр жеткіліксіздігі Осы дәрілік зат бауыр жеткіліксіздігі ауыр пациенттерге қарсы көрсетілімді болғандықтан, препаратты қолданар алдында дәрігермен кеңесу қажет. Бүйрек жеткіліксіздігі Осы дәрілікты зат бүйрек жеткіліксіздігі ауыр пациенттерге абайлап қолдану керек екендіктен, препаратты қолданар алдында дәрігермен кеңесу қажет. Қант диабеті Препарат қандағы глюкоза мөлшеріне жүргізілген зертханалық зерттеулер нәтижелеріне әсер етуі мүмкін. Басқа жай-күйлер Препаратты қолдану допинг-бақылаудың оң талдамаалық нәтижесін тудыруы мүмкін. Дәрілік зат құрамында аллергендік қуаты бар сансет сары супра (Е 110) бар. Азобояғыштарға аллергия болғанда препаратты қолдануға тыйым салынады. Педиатрияда қолдану Дәрілік затты 18 жастан асқан балаларға тағайындау керек. Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері Емдеу кезінде көлік құралдарын басқарудан, механизмдермен жұмыс істеуден және басқа қауіпті қызмет түрлерінен аулақ болу керек.

Жүктілік немесе бала емізу кезеңінде қолдануға болмайды.

Осы дәрілік зат үшін арнайы өзара әрекеттесу зерттеулері жүргізілмеді. Төменде берілген ақпарат дәрілік заттың жекелеген компоненттері үшін өзекті болып табылады. Метоклопрамид және домперидон парацетамолдың сіңу жылдамдығын арттырады, ал холестирамин төмендетеді. Парацетамолмен бір мезгілде қолданғанда өзара әрекеттесудің мына түрлерін байқауға болады: организмнен антибиотиктердің шығарылуы баяулауы мүмкін; тетрациклин парацетамол тудырған анемия мен метгемоглобинемияның даму қаупін арттырады; антацидтер мен тағам парацетамол сіңірілуін азайтады. Бір мезгілде ұзақ уақыт қолданғанда кумариндердің антикоагулянттық әсері күшейеді (мысалы, варфарин). Барбитураттар парацетамолдың қызу түсіретін белсенділігін азайтады. Бауырдың микросомалық ферменттерін көтермелейтін құрысуға қарсы препараттар (фенитоин, барбитураттар, карбамазепин) мен изониазид парацетамол гепатоуыттылығын күшейтуі мүмкін. Парацетамолды гепатоуытты дәрілермен бір мезгілде қолданғанда препараттардың бауырға уытты әсері артады. Парацетамол диуретиктер тиімділігін төмендетеді. Парацетамолды флуклоксациллинмен бір мезгілде қолданғанда сақ болу керек, өйткені бір мезгілде қабылдау, әсіресе қауіп факторлары бар пациенттерде, жоғары анионды саңылаулы метаболизмдік ацидозбен астасады (Айрықша нұсқаулар бөлімін қараңыз). Фенилэфрин гидрохлориді индометацинмен және бромокриптинмен қолданғанда ауыр артериялық гипертензияны тудыруы мүмкін; симпатомиметикалық аминдер, дигоксин және жүрек гликозидтерімен аритмия және миокард инфарктісі қаупін арттырады. Артериялық гипертензия мен жағымсыз жүрек-қантамыр реакцияларының қаупін арттырумен ß-блокаторлардың және гипертензияға қарсы басқа препараттардың (резерпин, метилдопа) тиімділігін төмендетуі мүмкін. Раувольфия алкалоидтары фенилэфрин гидрохлоридінің емдік әсерін азайтады, α-адреноблокаторлар (фентоламин), фенотиазиндер, фуросемид және басқа диуретиктер вазоконстрикцияны бөгейді. Басқа симпатомиметиктермен фенилэфрин жағымсыз жүрек-қантамыр реакциялары қаупін арттырады. Фенилэфрин гидрохлоридінің МАО тежегіштерімен өзара әрекеттесуі гипертензиялық әсер туғызады, трициклды антидепрессанттармен (амитриптилинмен) кардиоваскулярлық жағымсыз әсерлер қаупін арттырады. Хлорфенамин атропин, спазмолитиктер, ОЖЖ бәсеңдететін дәрілер (транквилизаторлар, барбитураттар) паркинсон ауруына қарсы препараттардың антихолинергиялық әсерін күшейтеді. Алкогольмен бір мезгілде қолдануға болмайды. Хлорфенамин алкогольмен бір мезгілде қолданылғанда бір-бірінің әсерін күшейтеді. Ұйықтататын дәрілер, барбитураттар, тыныштандыратын дәрілер, нейролептиктер, транквилизаторлар, анестетиктер, есірткілік анальгетиктер, алкогольмен бір мезгілде қолдану хлорфенирамин малеаты әсерін күшейтеді. Мапротилин (төрт циклды антидепрессант) және антихолинергиялық әсер ететін басқа препараттар осы препараттардың немесе хлорфенирамин сияқты антигистаминдік дәрілердің антихолинергиялық әсерін күшейтуі мүмкін. Кофеин бір мезгілде қолданғанда анальгетиктер-антипиретиктер (биожетімділікті жақсартады), ксантин туындылары, а- және β-адреномиметиктер, психостимуляциялық, тиреотропты дәрілер, эрготамин (эрготаминнің АІЖ-да сіңуі жақсарады) әсерін күшейтеді. Циметидин, гормональді контрацептивтер, изониазид кофеин әсерін күшейтеді. Кофеин гепатоуытты препараттармен бауырдың зақымдану ықтималдығын арттырады. Кофеин апиынды анальгетиктер, анксиолитиктер, ұйықтататын және тыныштандыратын дәрілердің әсерін төмендетеді, наркозға арналған дәрілердің және ОЖЖ бәсеңдететін басқа препараттардың антагонисі, аденозин, аденозинтрифосфат (АТФ) препараттарының бәсекелі антагонисі болып табылады, қанда литий концентрациясын төмендетеді. Отоуытты және фотосенсибилизациялаушы препараттар бір мезгілде қолданғанда жағымсыз әсерлерді күшейтуі мүмкін.

Сақтау мерзімі 4 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамада 250С-ден аспайтын температурада сақтау керек. Жарамдылық мерзімі өткеннен кейін қолдануға болмайды.