Кометад порошок 1e+06 Единица действия

Бір құтының ішінде белсенді зат - натрий колистиметаты 1000000 ӘБ (80 мг), қосымша зат - азот. Сыртқы түрінің, иісінің, дәмінің сипаттамасы Ақ немесе ақ дерлік түсті ұнтақ.

- емдеу нұсқалары шектеулі жағдайларда кейбір аэробты грамтеріс патогендерден туындаған күрделі инфекцияларды емдеу үшін жаңа туған нәрестелерді қоса, ересектер мен балаларға көрсетілген. Бактерияға қарсы дәрілерді тиісті қолдану бойынша ресми нұсқаулықтарды сақтау керек.

ATХ коды J01X B01 Әсер ету механизмі Колистин полимиксиндер тобына жататын циклдік полипептидті бактерияға қарсы дәрі болып табылады. Полимиксиндер жасушалық жарғақшаны зақымдай отырып, және нәтижесінде бактериялар үшін зиянды физиологиялық әсер көрсетіп әсер етеді. Полимиксиндер гидрофобтық сыртқы жарғақшасы бар аэробты грамтеріс бактерияларға таңдаулы әсер етеді. Резистенттілігі Төзімді бактериялар этаноламинмен немесе аминоарабинозамен орын басатын липополисахаридтардың фосфаттық топтарының модификациясымен сипатталады. Proteus mirabilis және Burkholderia cepacia сияқты төзімді грамтеріс бактериялар табиғи жағдайларда олардың липидфосфат этаноламинмен немесе аминоарабинозамен толық орын басуын көрсетеді. Колистин (полимиксин Е) мен полимиксин В арасында айқаспалы резистенттілік күтіледі. Полимиксиндердің әсер ету механизмі басқа бактерияға қарсы дәрілердің әсер ету механизмінен ерекшелетіндіктен, колистинге және полимиксинге резистенттілігі жоғарыда аталған механизмдердің бірі бойынша ғана дәрілік заттардың басқа кластарына резистенттілікке әкелмеуі тиіс. Фармакодинамикалық әсерлері ФК/ФД параметрлерінің өзара байланысы Полимиксиндер сезімтал бактериялардың концентрациясына байланысты бактерицидтік әсер етеді деп хабараланды. fAUC/MIC клиникалық тиімділікпен өзара байланыстыру керек деп есептеледі. Еуропаның микробқа қарсы сезімталдықты тестілеу жөніндегі комитетінің шектік мәндері Сезімтал (S) — Резистентті (R)а Acinetobacter — S≤2 — R>2 мг/л Enterobacteriaceae — S≤2 — R>2 мг/л Pseudomonas spp — S≤4 — R>4 мг/л а Шектік мәндер 2-3 мХБ x 3 доза үшін қолданылады. Жүктеме доза керек болуы мүмкін (9 000 000 ХБ). Сезімталдығы Жүре пайда болған резистенттіліктің таралуы географиялық қатынаста, сондай-ақ уақыт өте жекелеген түрлер үшін өзгеруі мүмкін және сондықтан, әсіресе ауыр инфекцияларды емдеуде резистенттілік туралы жергілікті ақпарат дұрыс. Егер осы дәрінің пайдасы кем дегенде инфекциялардың кейбір түрлерінде күмәнді болса, жергілікті резистенттіліктің таралуына қатысты қажет болса маманмен кеңесу керек. Негізінен сезімтал түрлері Acinetobacter baumannii Haemophilus influenzae Klebsiella spp Pseudomonas aeruginosa Жүре пайда болған резистенттілік проблема болуы мүмкін түрлері Stenotrophomonas maltophilia Achromobacter xylosoxidans (бұрын Alcaligenes xylosoxidans) Бастапқыдан резистентті микроорганизмдер Burkholderia cepacia және тектес түрлері Proteus spp Providencia spp Serratia spp

Дозалау режимі ЖҮЙЕЛІ ЕМДЕУ Дозаны және емдеу ұзақтығын анықтау кезінде инфекцияның ауырлығын, сондай-ақ емге жауапты ескеру қажет. Емдік нұсқаулықты орындау қажет. Доза натрий колистиметатының (НКМ) халықаралық бірлігімен (ХБ) беріледі. ХБ-тегі НКМ мг-дегі НКМ ауыстыру кестесі, сондай-ақ колистин негізінің мг бойынша белсенділігі (КНБ) осы бөлімнің соңында келтірілген. Дозалау режимі Дозаны таңдау бойынша келесі ұсыныстар қатер шегіндегі жағдайдағы пациенттерде алынған популяциялық фармакокинетикалық зерттеулердің шектеулі деректері негізінде тұжырымдалған: Ересектер және жасөспірімдер Демеуші доза 2-3 бөлек енгізумен тәулігіне 9 миллион ХБ құрайды. Қатер шегіндегі жағдайдағы 9 МХБ тең жүктемелік доза көрсетілген. Алғашқы демеуші доза үшін ең қолайлы уақыт аралығы анықталмаған. Модельдеу нәтижелері кейбір жағдайларда бүйрек функциясы жақсы пациенттерге 12 МХБ-ке дейін жүктемелік және демеуші дозалары қажет болуы мүмкін екенін көрсетеді. Дегенмен, мұндай дозаларды клиникалық тәжірибеде қолдану тәжірибесі өте шектеулі және олардың қауіпсіздігі анықталмаған. Жүктемелік доза орын басатын бүйрек емін өтіп жүрген науқастарды қоса, бүйрек функциясы қалыпты және төмендеген пациенттерде қолданылады. Енгізу әдісі және жолы Кометадты 30-60 мин бойы 50 мл венаішілік инфузия түрінде енгізеді. Веналық енгізу көзі толық имплантталған құрылғысы (TIVAD) бар пациенттерде кемінде 5 мин бойы енгізілетін 2 000 000 ӘБ дейінгі 10 мл-лік болюстік инъекцияны қолдануға болады. Ерітіндіні дайындау және енгізу ережелері Натрий колистиметаты сулы ерітіндіде колистиннің белсенді затына дейін гидролизге ұшырайды. Дозаны дайындау үшін, әсіресе бірнеше құтыны біріктіру талап етілсе қажетті дозаны сұйылту белгілі бір асептикалық техниканы пайдалану арқылы орындалуы тиіс. Сұйылту уақытында көбік пайда болуына жол бермеу үшін абайлап шайқау керек. Ерітінді қалпына келгеннен кейін мөлдір болуы тиіс. Ерітінді тек бір рет пайдалануға арналған және ерітіндінің кез келген қалдығы утилизациялауға жатады. Болюстік енгізу үшін: Құтының ішіндегісін 10 мл-ден аспайтын инъекцияға арналған суда немесе натрий хлоридінің 0,9% ерітіндісінде қалпына келтіреді. Инфузия үшін: Қалпына келтірілген құтының ішіндегісін 50 мл натрий хлоридінің 0,9% ерітіндісінде сұйылтуға болады. Дозаны қайта есептеу кестесі: ЕО-та натрий колистиметатының дозасы (НКМ) тек ХБ тағайындалуы және енгізілуі тиіс. Препараттың заттаңбасында құтыға қатысты ХБ мөлшері көрсетілген. Әсер етуші заттардың мөлшері тұрғысынан дозаның түрлі көріністері себебінен дәрілік препаратты қабылдауда шатасулар мен қателіктер туындады. Доза АҚШ пен әлемнің басқа елдерінде колистин негізі белсенділігінің миллиграмы (мг КНБ) түрінде беріледі. Келесі қайта есептеу кесте ақпараттық мақсаттар үшін дайындалған және мәндер номиналды және болжамды ретінде ғана қарастырылуы тиіс. НКМ қайта есептеу кестесі Әсер етуші заттардың мөлшері — ≈ масса НКМ (мг) * ХБ — ≈ мг КНБ 12.500 — 0.4 — 1 150.000 — 5 — 12 1.000.000 — 34 — 80 4.500.000 — 150 — 360 9.000.000 — 300 — 720 * Дәрілік заттың номиналды белсенділігі = 12 500 ХБ/мг Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар Егер Сізде осы препаратты қолдану бойынша қосымша сұрақтар пайда болса, дәрігерден кеңес алыңыз

- әсер етуші затқа, колистинге немесе полимиксин В аса жоғары сезімталдық.

Өте жиі - нейроуыттылық (артық дозаланумен, бүйрек жеткіліксіздігі бар пациенттерде дұрыс таңдалмаған дозамен және нейробұлшықеттік блокаторларды немесе неврологиялық әсерлері ұқсас басқа препараттарды қатар қолданумен байланысты болуы мүмкін; дозаны төмендету осы симптомдардың төмендеуіне ықпал етуі мүмкін); сезімталдықтың транзиторлық бұзылуы (бет парестезиясы); бас ауыруы, бұлшықет әлсіздігі, парестезия - ентігу - қышыну - қандағы және/немесе несептегі креатининнің жоғарылауымен және/немесе бүйректің креатинин клиренсінің төмендеуімен көрініс табатын бүйрек функциясының бұзылуы. Сирек - бүйрек жеткіліксіздігі - вазомоторлық дисфункция - түсініксіз сөйлеу - көрудің нашарлауы - сананың шатасуы немесе психоз. Белгісіз (қолда бар деректер негізінде бағалау мүмкін емес) - аса жоғары сезімталдық реакциялары (тері бөртпесі, Квинке ісінуі) - бас айналуы, атаксия - жүрек айнуы, тілді күйдіру сезімі, жағымсыз дәм сезу - инъекция орнындағы реакция - псевдо-Барттер синдромы. Кейбір жағымсыз реакциялар сипаттамасы Жүйелік ем Жағымсыз реакциялардың пайда болу ықтималдығы жасына, бүйрек функциясының жай-күйіне және пациенттің жалпы жағдайына байланысты болуы мүмкін. Нейроуыттылық артық дозаланумен, бүйрек жеткіліксіздігі бар пациенттерде дұрыс таңдалмаған дозамен және нейробұлшықеттік блокаторларды немесе неврологиялық әсерлері ұқсас басқа дәрілік препараттарды қатар қолданумен байланысты болуы мүмкін. Дозаны төмендету осы симптомдардың төмендеуіне ықпал етуі мүмкін. Жағымсыз әсерлерінде ентігу, сезімталдықтың өтпелі бұзылуы (мысалы, бет парестезиясы, бас айналу) және сирек вазомоторлы дисфункция, түсініксіз сөйлеу, көру қабілетінің бұзылуы, сананың шатасуы немесе психоз болуы мүмкін. Бүйрек функциясына, әдетте, бүйрек функциясы қалыпты пациенттерде ұсынылғаннан асатын дозаларды қолданғаннан кейін немесе бүйрек жеткіліксіздігі бар пациенттерде дәрілік препараттың жеткіліксіз төмендетілген дозасына байланысты немесе басқа нефроуытты дәрілік препараттарды қатар қолдану салдарынан жағымсыз әсер анықталды. Бұл жағымсыз реакциялар әдетте қайтымды және емді тоқтатқаннан кейін өтеді. Препараттың ұсынылған дозаларын қабылдайтын кистозды фиброзбен ауыратын науқастарда нефроуыттылық сирек жағдайларда (1% - дан аз) көрінеді. Кистозды фиброз диагнозы қойылмаған ауруханаға жатқызылған ауыр жағдайдағы науқас пациенттерде шамамен 20% пациенттерде нефроуыттылық белгілері байқалды. Кистозды фиброзбен ауыратын науқастарда емдеу процесінде немесе оны тоқтатқаннан кейін өздігінен жойылатын науқастардың 27% - ында орташа дәрежедегі неврологиялық реакциялар байқалды. Тері бөртпесін қоса, аса жоғары сезімталдық реакциялары туралы хабарланды. Бұл жағдайда емдеуді тоқтату керек. Инъекция орнында жергілікті тітіркену пайда болуы мүмкін. Натрий колистиметатын вена ішіне енгізгеннен кейін псевдо-Барттер синдромының белгісіз жиіліктегі жағдайлары туралы хабарланды. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Натрий колистиметаты артық дозалануы кезінде арнайы антидот жоқ. Колистиннің шығарылу жылдамдығын арттыру үшін маннитолдың көмегімен қарқынды диурез, ұзақ гемодиализ немесе перитонеальді диализ қолдануға болады, алайда олардың тиімділігі дәлелденбеген.

Емдеу кезінде патогеннің(-дердің) қалдық сезімталдығын ескере отырып, мүмкін болған кезде парентеральді натрий колистиметатын басқа бактерияға қарсы агентпен бір мезгілде қолдану мүмкіндігін қарастыру керек. Натрий колистиметатын вена ішіне енгізгенде резистенттіліктің дамуы туралы хабарланғандықтан, атап айтқанда, оны монотерапия ретінде пайдаланғанда, резистенттіліктің туындауын алдын алу мақсатында басқа антибактериялық препараттармен бірге қолдануды да ескеру керек. Натрий колистиметатын вена ішіне енгізудің тиімділігі мен қауіпсіздігі туралы шектеулі клиникалық деректер бар. Барлық қосалқы топтардағы ұсынылған дозалар тең дәрежеде шектеулі деректерге (клиникалық және фармакокинетикалық/фармакодинамикалық деректер) негізделген. Атап айтқанда, жоғарғы дозаларды (> 6 000 000 ӘБ/тәу) пайдаланудың және жүктеме дозаны пайдаланудың қауіпсіздігіне, сондай-ақ ерекше топтарға (бүйрек жеткіліксіздігі бар пациенттер және бала жасындағы пациенттер) қатысты шектеулі деректер бар. Натрий колистиметатын басқа, анағұрлым жиі тағайындалатын антибиотиктер тиімсіз немесе жарамсыз болған кезде ғана пайдалану керек. Бүйрек функциясын мониторингілеу емнің басында және жүйелі түрде емдеу кезінде барлық пациенттерде жүргізілуі тиіс. Натрий колистиметатының дозасы креатинин клиренсіне сәйкес түзетілуі керек. Гиповолемиясы бар немесе басқа потенциалды нефроуытты препараттар алатын пациенттерде колистин қабылдаудан туындайтын нефроуыттылықтың жоғары қаупі бар . Кейбір зерттеулерде нефроуыттылық жиынтық дозамен және емдеу ұзақтығымен байланысты деп хабарланды. Емдеудің ұзақтығынан болатын пайда бүйрек уыттылығының аса жоғары қаупімен теңестірілуі тиіс. Натрий колистиметатын 1 жасқа дейінгі балалар үшін тағайындаған кезде сақтық танытқан жөн, себебі осы жас тобында бүйрек функциясы толық қалыптаспаған. Одан өзге, қалыптаспаған бүйректік және метаболизмдік функцияның натрий колистиметатының колистинге өзгеруіне әсер етуі белгісіз. Аллергиялық реакция жағдайында, натрий колистиметатымен емдеу тоқтатылуы және тиісті шаралар қабылдануы тиіс. Натрий колистиметатының бүйрек жеткіліксіздігі бар пациенттердегі артық дозалануымен немесе дозаны түзету мүмкіндігінің жоқтығымен байланысты болуы мүмкін жоғары сарысулық концентрациялары бет парестезиясы, бұлшықет әлсіздігі, бас айналуы, түсініксіз сөйлеу, вазомоторлық дисфункция, көрудің нашарлауы, сананың шатасуы, психоз және апноэ сияқты нейроуытты әсерлерге әкелуі мүмкін. Периоральді парестезияға және аяқ-қолдағы парестезияға мониторинг жүргізу керек, бұл артық дозалану белгілері болып табылады. Натрий колистиметаты жүйке-бұлшықет қосылыстарындағы ацетилхолиннің пресинапстық босатылуын төмендетеді және миастениясы бар пациенттерде аса сақтықпен және айқын қажеттілік жағдайында ғана қолданылуы тиіс. Натрий колистиметатын бұлшықет ішіне енгізгеннен кейін тыныс алудың тоқтауы байқалды. Бүйрек функциясының бұзылуы натрий колистиметатын енгізгеннен кейін апноэ және жүйке-бұлшықет блокадасының туындау ықтималдығын ұлғайтады. Натрий колистиметатын порфириясы бар пациенттерде аса сақтықпен қолдану керек. Антибиотиктер қолданылуымен байланысты колит және жалған жарғақшалы колит барлық дерлік бактерияға қарсы дәрілерді қабылдаудан кейін байқалды, сондай-ақ натрий колистиметатын енгізгенде де туындауы мүмкін. Жеңілден өмірге қауіп төндіретін ауырға дейін ауытқуы мүмкін. Натрий колистиметатын қолдану кезінде немесе одан кейін диарея дамитын пациенттерде осы диагнозды ескеру маңызды. Емді тоқтату және Clostridium difficile арнайы емін тағайындау туралы мәселені қарастыру керек. Перистальтиканы бәсеңдететін дәрілік заттар тағайындамаған жөн. Вена ішіне енгізгенде натрий колистиметаты клиникалық тұрғыдан маңызды дәрежеде гематоэнцефалдық бөгет арқылы өтпейді. Осы дәрілік препараттың құрамында бір құтыда 1 ммольден кем натрий (23 мг) бар, яғни іс жүзінде «натрийсіз». Натрий колистиметатын вена ішіне енгізгеннен кейін балалар мен ересектерде псевдо-Барттер синдромының бірнеше жағдайлары туралы хабарланды. Болжалды жағдайларда сарысу электролиттерін бақылауды бастап, тиісті емдеуді жүргізу керек, алайда натрий колистиметатын тоқтатпай электролиттік теңгерімсіздікті қалыпқа келтіруге қол жеткізу мүмкін емес. Арнайы ескертулер Бүйрек жеткіліксіздігі бар пациенттер Бүйрек функциясының бұзылуы кезінде препараттың дозасын түзету қажет, алайда бүйрек функциясы төмендеген пациенттерге фармакокинетикалық деректер тым аз алынды. Мұндай жағдайда ұсынылатын келесі түзетілген дозалар ұсынылады. Дозаны төмендету креатинин клиренсі < 50 мл/мин пациенттерге ұсынылады: Препаратты тәулігіне екі рет енгізу ұсынылады. Креатинин клиренсі (мл/мин) — Тәуліктік доза <50-30 — 5,5 – 7,5 МХБ <30-10 — 4,5 – 5,5 МХБ <10 — 3,5 МХБ МХБ – миллион халықаралық бірлік Гемодиализі және үздіксіз гемо(диа)фильтрациясы бар пациенттер Препарат стандартты гемодиализ емшарасы және үздіксіз вена-веналық гемо(диа)фильтрация (CVVHF, CVVHDF) кезінде диализге ұшыраған сияқты. Популяциялық ФК зерттеулерінен орын алмастыратын бүйрек емінен өтіп жатқан пациенттердің өте аз санынан алынған өте шектеулі деректер алынды. Дозаны таңдау бойынша нақты ұсыныстарды тұжырымдау мүмкін емес. Келесі дозалау режимдерін қарастыруға болады. Гемодиализ ГД жүргізілмейтін күндер: 2,25 МХБ/тәулік (2,2-2,3 МХБ/тәулік). ГД жүргізілетін күндер: гемодиализ жүргізілетін күндерге арналған доза тәулігіне 3 МХБ құрайды; препарат ГД сеансынан кейін енгізіледі. Препаратты тәулігіне екі рет енгізу ұсынылады. Үздіксіз гемо(диа)фильтрация (CVVHF/ CVVHDF) Бүйрек функциясы қалыпты пациенттер үшін бірдей алгоритм. Препаратты тәулігіне үш рет енгізу ұсынылады. Бауыр жеткіліксіздігі бар пациенттер Бауыр функциясының бұзылуы бар пациенттерге қатысты деректер жоқ. Натрий колистиметатын осы пациенттерде сақтықпен қолдану керек. Егде жастағы пациенттер Бүйрек функциясы қалыпты егде жастағы пациенттерге дозаны түзету қажет емес. Бала жасындағы пациенттер Педиатриялық бейіндегі пациенттерде препараттың дозалау режимдері туралы өте аз ақпарат алынды. Дозаны таңдағанда бүйректің жетілу дәрежесін ескеру қажет. Дозаны құрғақ дене салмағына қарай есептеу керек. Балалар ≤ 40 кг Тәулігіне 75 000-150 000 ХБ/кг доза, үш енгізуге бөлінген. Салмағы 40 кг-ден асатын балалар үшін ересектерге ұсынылған дозаларды қарастырған жөн. Муковисцидозы бар балаларда тәулігіне 150 000 ХБ/кг жоғары дозаларды қолдану туралы хабарланды. Қатер шегіндегі жағдайдағы балаларда жүктемелік дозаның тағайындалуына немесе мөлшеріне қатысты деректер жоқ. Бүйрек функциясы бұзылған балалар үшін дозаны таңдау бойынша ұсыныстар тұжырымдалмаған. Интратекальді және интравентрикулярлық енгізу Шектеулі деректерге сүйене отырып ересектерге келесі доза ұсынылады: Интравентрикулярлық енгізу Тәулігіне 125 000 ХБ Интратекальді енгізілетін дозалар интравентрикулярлық енгізу үшін ұсынылғаннан аспауы тиіс. Балалар үшін интратекальді және интравентрикулярлық енгізу үшін препараттың дозасын таңдау бойынша нақты ұсыныстарды тұжырымдау мүмкін емес. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кометадпен парентеральді емдеу кезінде бас айналу, сананың шатасуы немесе көрудің бұзылу ықтималдығымен нефроуыттылық туындауы мүмкін. Жоғарыда көрсетілген жағымсыз әсерлер туындаған жағдайда пациенттер автомобильді басқармауы және өзге механизмдерді пайдаланбауы тиіс.

Жүктілік Жүкті әйелдерде натрий колистиметатын қолдану бойынша қандай да бір жарамды деректер жоқ. Жүктілік кезінде бір реттік дозаны зерттеу натрий колистиметаты плаценталық бөгет арқылы өтетінін және жүкті пациенттерге қайталама дозаларды тағайындағанда шарана үшін уыттылық қаупін туындатуы мүмкін екенін көрсетеді. Натрий колистиметатының репродукцияға және дамуға әсеріне қатысты жануарларға жасалған зерттеулер жеткіліксіз. Натрий колистиметатын жүктілік кезінде, егер ана үшін күтілетін пайда шаранаға төнетін потенциалды қауіптен басым болған жағдайда ғана қолдану керек. Емшек емізу Натрий колистиметаты емшек сүтімен бөлініп шығады. Натрий колистиметатын бала емізетін әйелдерге бұл анық қажет кезде ғана тағайындау керек.

Венаішілік натрий колистиметаты нефроуытты немесе нейроуытты әсерлер тудыруы мүмкін басқа дәрілік заттармен бір уақытта аса сақтықпен қолданылуы тиіс. Тәжірибенің аздығы және жиынтық уыттылықтың ықтималдығы себебінен натрий колистиметатының басқа дәрілік түрлерімен бір уақытта қолданғанда сақтық таныту керек. Натрий колистиметатының әсер етуші зат колистинге түрлену механизмі сипатталмаған. Бүйректік зат алмасуын қоса, колистин клиренсінің механизмі де белгісіз. Натрий колистиметаты немесе колистин P 450 қандай да бір тестіленетін ферментінің (CYP) (CYP1A2, 2B6, 2C8, 2C9, 2C19 және 3A4/5) белсенділігін индукцияламайды. Кометадты бүйректің негізгі механизмдері үшін субстрат болып табылатын дәрілік заттармен немесе дәрілік заттарды метаболиздейтін ферменттерді тежейтін немесе индукциялайтын дәрілік заттармен бірге тағайындағанда дәрілік заттар арасындағы потенциалды өзара әрекеттесулерді ескеру қажет. Колистиннің миорелаксанттарды деполяризацияламайтын ацетилхолиннің босап шығуына әсер етуіне байланысты натрий колистиметатын алатын пациенттерде сақтықпен қолдану керек, себебі олардың әсері ұзаруы мүмкін . Натрий колистиметатымен және азитромицин және кларитромицин сияқты макролидтермен немесе норфлоксацин және ципрофлоксацин сияқты фторхинолондармен бірге емдеуді миастениясы бар пациенттерде сақтықпен жүргізу керек. Натрий колистиметатын нейроуытты және/немесе нефроуытты потенциалы бар басқа дәрілік заттармен бір уақытта қолданудан аулақ болу керек. Оларға гентамицин, амикацин, нетилмицин және тобрамицин сияқты аминогликозидтік антибиотиктер жатады. Цефалоспориндік антибиотиктермен бір уақытта қабылдағанда нефроуыттылық қаупі өсуі мүмкін.

Түпнұсқалық қаптамасында 25 °С-ден аспайтын температурада сақтау керек. Балалардың қолы жетпейтін жерде сақтау керек!