Конвулекс® капсулы 150 мг

Бір капсуланың құрамында белсенді зат – вальпрой қышқылы 150, 300 немесе 500 мг, қосымша заттар капсула қабығының құрамы: гидрогенделген гидролизденген крахмал (Каrion 83), глицерин (глицерол) 85%, желатин, титанның қостотығы (Е171), темірдің қызыл тотығы (Е172), хлорсутек қышқылы 25%, ішекте еритін жабыны: метакрил қышқылы – этилакрилат сополимері (1:1) 30% дисперсиясы (Эудрагит L30D), триэтилцитрат, макрогол 6000, глицерол моностеараты 44-55 II типі Сыртқы түрінің, иісінің, дәмінің сипаттамасы Қызғылт түсті, өлшемі 3, ұзындығы 9.8 мм-ге жуық және диаметрі 7.3 мм-ге жуық сопақша пішінді жұмсақ желатинді капсулалар (150 мг дозасы үшін). Қызғылт түсті, өлшемі 6, ұзындығы 13.5 мм-ге жуық және диаметрі 8.1 мм-ге жуық сопақша пішінді жұмсақ желатинді капсулалар (300 мг дозасы үшін). Қызғылт түсті, өлшемі 9.5, ұзындығы 21.1 мм-ге жуық және диаметрі 7.8 мм-ге жуық ұзынша пішінді жұмсақ желатинді капсулалар (500 мг дозасы үшін). Капсуланың ішіндегісі – түссізден сәл сарғыш түске дейінгі, өзіне тән әлсіз иісі бар сұйықтық.

• эпилепсия ұстамалары (оның ішінде жайылған және парциальді, сондай-ақ мидың органикалық аурулары аясында) • литийді қолдануға болмайтын кезде немесе пациенттерге жақпағанда биполярлы өтетін маниакальді-депрессиялық синдромда

ATХ коды N03AG01 Әсер ету механизмі Вальпроат негізінен орталық жүйке жүйесіне әсер етеді. Фармакодинамикалық әсерлері Конвулекс препаратының құрысуға қарсы әсері адамдарда эпилепсияның әртүрлі типтеріне қатысты көрінеді. Конвулекстің құрысуға қарсы екі типті әсері бар: бірінші тип плазма мен ми тіндеріндегі вальпроат концентрациясына байланысты тікелей фармакологиялық әсер болып табылады. Екінші типі тікелей әсер етпейді, әрі ми тіндеріндегі вальпроат метаболиттерімен немесе нейротрансмиттерлердің өзгеруімен немесе жарғақшаға тікелей әсер етумен байланысты болуы ықтимал. Анағұрлым кеңінен танылған гипотеза вальпроатты қолданғаннан кейін жоғарылайтын гамма-амин май қышқылының (ГАМҚ) деңгейімен байланысты. Конвулекс ұйқының аралық фазасының ұзақтығын азайтады, сонымен бірге оның баяу толқынды компонентін арттырады.

Қыз балалар және бала туу мүмкіндігі бар әйелдер Вальпроатпен емдеуді эпилепсияны емдеу тәжірибесі бар маманның қадағалауымен бастау және жүргізу керек. Вальпроатты емдеудің басқа әдістері тиімсіз немесе жол берілмейтін жағдайларды қоспағанда, бала туу мүмкіндігі бар қыздар мен әйелдерде қолдануға болмайды. Вальпроат мұндай жағдайда Вальпроатты пайдаланатын пациенттер арасында жүктіліктің алдын алу жөніндегі бағдарламаға сәйкес тағайындалады және босатылады. 11 жасқа дейінгі балалар үшін пероральді дәрілік түрлерінен гөрі ішуге арналған тамшылар, шәрбат қолайлы. Дозалау режимі Қолдану ұзақтығын дәрігер анықтайды. Тәуліктік доза жасына және дене салмағына сәйкес белгіленуі тиіс Пациенттердің ерекше топтары Эпилепсия кезінде Монотерапия Ересектер Монотерапия кезінде бастапқы доза күн сайын 600 мг (5-10 мг/кг дене салмағына) құрайды, содан кейін ұстамалардың жоғалуына дейін үш күндік аралықпен дозаны 5-10 мг/кг біртіндеп арттыру керек. Әдетте, бұл үшін қажетті доза күніне 1000-2000 мг (20-30 мг/кг дене салмағы) шегінде болады. Егер мұндай дозада ұстамаларды бақылауға қол жеткізу мүмкін болмаса, дозаны одан әрі күніне 2500 мг дейін арттыруға болады. Дене салмағы 20 кг-нан асатын балалар Ұсынылған бастапқы доза ұстамалардың жоғалуына дейінгі ұлғаю аралығымен күніне 400 мг (дене салмағына қарамастан) құрайды. Егер осы диапазонда ұстамаларды талапқа сай бақылауға қол жеткізілмеген болса, дозаны күніне дене салмағына 35 мг/кг дейін арттыруға болады. Күніне 40 мг/кг жоғары доза талап етілетін балаларда биохимиялық және гематологиялық көрсеткіштерді бақылау керек. Дене салмағы 20 кг-нан кем балалар Конвулекс препаратының сұйық түрлерін шәрбат немесе ішуге арналған тамшылар түрінде қолдану ұсынылады. Егде жастағы адамдар Егде жастағыларда вальпроат фармакокинетикасының өз ерекшеліктері болса да, мұның клиникалық маңызы шектеулі, және дозаны клиникалық әсері бойынша анықтаған жөн. Сарысулық альбуминмен байланысуының азаюы салдарынан байланыспаған препараттың плазмадағы үлесі артады. Бұл егде жастағыларда препарат дозасын өте мұқият таңдауды жүзеге асырып, препараттың аз дозаларын қолдануға мүмкіндік береді. Тамақтанудың басында қабылдануы дұрыс болатын орташа тәуліктік доза, көбінесе: - 25 мг/кг балалар үшін - 20-25 мг/кг жасөспірімдер үшін - 20 мг/кг ересектер үшін - 15-20 мг/кг егде жастағы пациенттер үшін Біріктірілген ем • егер пациент емделіп жүріп, эпилепсияға қарсы басқа да препараттарды қабылдаса, натрий вальпроатымен емдеуді шамамен екі апта ішінде оңтайлы дозаға қол жеткізу үшін біртіндеп енгізу керек, содан кейін, қажет болған жағдайда, бір мезгілде қабылданатын препараттардың дозасын емдеу тиімділігіне қарай төмендетеді. • эпилепсияға қарсы басқа препараттарды қабылдамайтын пациенттерге шамамен бір апта ішінде оңтайлы дозаға қол жеткізу үшін дозаны кезең-кезеңімен әрбір 2-3 күн сайын ұлғайту керек. • қажет болған жағдайда эпилепсияға қарсы басқа дәрілермен біріктірілген емді біртіндеп бастау керек. Биполярлы ағыммен маниакальді-депрессивті синдромда. Ұсынылатын бастапқы доза күніне 20 мг/кг/. Бұл дозаны қажетті клиникалық әсерді алуға мүмкіндік беретін ең төменгі терапиялық тиімді дозаға жету үшін мүмкіндігінше тезірек арттыру керек. Плазмадағы 45 - 125 мкг/мг тең вальпроат деңгейі әдетте қажетті емдік әсерге қол жеткізуге мүмкіндік береді. Биполярлық бұзылуларды емдеу үшін қолданылатын ұсынылатын доза күніне 1000 мг-нан 2000 мг-ға дейін өзгереді. Дозалар жеке клиникалық жауапқа сәйкес түзетілуі тиіс. Биполярлы бұзылыстар кезінде маниакальды эпизодтар емдеуін жалғастыру ең төменгі тиімді дозаны пайдалана отырып, жекелей бейімделуі керек. Егде жастағы адамдар Доза клиникалық жауап негізінде жекелей таңдалуы керек Балалар мен жасөспірімдер Биполярлық бұзылыстармен байланысты маниакальды синдромдарды емдеуге арналған Конвулекс препаратының тиімділігі мен қауіпсіздігі 18 жастан кіші пациенттерде зерттелмеген. Бүйрек және / немесе бауыр жеткіліксіздігі бар пациенттер Препараттың дозасын азайту қажет болуы мүмкін. Дозасын клиникалық жағдайды бақылай отырып таңдау керек, өйткені плазмадағы концентрация көрсеткіштері туралы ақпарат жеткіліксіз болуы мүмкін. Бүйрек жеткіліксіздігімен ауыратын пациенттерге гемодиализдегі пациенттерге дозаны азайту немесе дозаны ұлғайту қажет болуы мүмкін. Вальпрой қышқылы диализбен шығарылады. Дозаны пациенттің клиникалық бақылауына сәйкес өзгерткен жөн. Жасөспірім қыздар, ұрпақ өрбіту жасындағы әйелдер және жүкті әйелдер Вальпроатпен емдеуді эпилепсияны немесе биполярлық бұзылыстарды емдеу тәжірибесі бар маманның қадағалауымен бастау керек. Егер емдеудің басқа түрлері тиімсіз болған немесе жақпаған жағдайда ғана емді бастау керек. Жүйелі қарап тексеру кезінде, одан әрі емдеудің бір бөлігі ретінде, емнің пайда және қауіп арақатынасын мұқият қайта бағалау керек. Вальпроатпен емдеуді монотерапия ретінде және ең төмен тиімді дозада, плазмадағы препараттың жоғары концентрациясынан сақтану үшін баяу босап шығатын дәрілік түрде тағайындаған дұрыс. Тәуліктік дозаны кемінде екі тең дозаға бөлу керек. Енгізу әдісі мен жолы Препаратты шайнамай, сумен іше отырып, ішке қабылдайды. Емдеу ұзақтығы Қолдану ұзақтығын дәрігер анықтайды.

• вальпроатқа немесе препарат компоненттерінің кез келгеніне аса жоғары сезімталдық • бауыр және/немесе ұйқы безі функциясының айқын бұзылулары • бауыр порфириясы • жедел және созылмалы гепатиттер • пациенттің жеке немесе отбасылық анамнезінде, оның ішінде дәрі қабылдаумен байланысты ауыр гепатит жағдайы • тромбоцитопения • геморрагиялық диатез • карбапенемдермен біріктіріп қабылдау • шайқураймен біріктіріп қабылдау • мефлохинмен біріктіріп қабылдау • жүктілік және лактация кезеңі • 6 жасқа дейінгі балалар • биполярлы ағымы бар маниакальді-депрессиялық синдромы бар 18 жасқа дейінгі балаларға • бала туу әлеуеті бар әйелдер, егер жүктілік профилактикасы бағдарламасының барлық талаптары қадағаланбаса • мочевина түзілу циклында ферменттер тапшылығы айқындалған пациенттерге • митохондриялық γ – полимераза ферментін кодтайтын гендегі мутациялар туындататын митохондрия бұзылыстары (POLG, мысалы, Альперс-Гуттенлохер синдромы) бар пациенттер және POLG-пен байланысты бұзылыстар себебінен болатын аурулары күмән тудыратын екі жасқа толмаған балаларға

Өте жиі • тремор • жүрек айнуы Жиі • экстрапирамидалық бұзылулар (нейровизуализация нәтижелері бойынша мидың атрофиясын анықтаумен байланысты болуы мүмкін) • мелшию және летаргия, кейде емді тоқтатқанда немесе дозаны төмендеткенде (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларын кенеттен арттырудан кейін) регрессиямен өтпелі комаға (энцефалопатияға) әкелетін құрысу ұстамалары • седация, есте сақтау қабілетінің бұзылуы, бас ауыруы, нистагм, жүрек айну немесе бас айналу • есту қабілетінің жоғалуы • тырнақтар мен тырнақ оймасының бұзылуы • құсу • қызылиек тарапынан бұзылулар (негізінен қызылиек гиперплазиясы), стоматит, эпигастрий аймағындағы ауырсыну • диарея, емнің басында пайда болуы мүмкін, бірақ ұзақ қабылдаған кезде әдетте емдеуді тоқтатусыз бірнеше күннен соң басылады • уақытша және / немесе дозаға тәуелді шаштың түсуі • гипонатриемия • қан құйылу • дене салмағының жоғарылауы (салмақтың жоғарылауы поликистозды аналық бездер синдромының даму қаупі факторы болғандықтан, пациенттің салмағын мұқият бақылау керек) • анемия, тромбоцитопения, дозаға тәуелді тромбоцитопения әдетте жүйелі түрде және қандай да бір клиникалық салдарсыз анықталады; симптомсыз тромбоцитопения кезінде мүмкіндігінше тромбоциттер деңгейін және ауруды бақылауды ескере отырып, препарат дозасын қарапайым төмендету әдетте тромбоцитопения дұрысталуына әкеледі • сананың шатасуы, елестеулер • озбырлық, ажитация, зейін қоюдың бұзылуы (негізінен балаларда) • бауыр ауруы • жүйесіз етеккір • несепті ұстай алмау Жиі емес • лейкопения, панцитопения • кома, энцефалопатия, летаргия (кейде өтпелі комаға (энцефалопатияға) әкелетін) емді тоқтатқанда немесе дозаны төмендеткенде регрессиямен бірге (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларын кенеттен арттырудан кейін) • қайтымды Паркинсон синдромы (нейровизуализация нәтижелері бойынша мидың атрофиясын анықтаумен байланысты болуы мүмкін), атаксия, парестезия • экссудативті плеврит • емдеуді ерте тоқтатуды талап ететін өліммен аяқталуы мүмкін панкреатит • бүйрек жеткіліксіздігі • ангионевроздық ісіну, тері реакциясы, шаш аурулары (мысалы, шаштың қалыптан тыс құрылымы, шаш түсінің өзгеруі, шаштың қалыптан тыс өсуі) • антидиурездік гормонның талапқа сай емес секреция синдромы (АГТЕСС), гиперандрогения (гирсутизм, вирилизм, акне, андрогенді алопеция және/немесе андрогенді гормондар деңгейінің артуы) • тері васкулиті, негізінен лейкоцитокласты васкулит • гипотермия, шеткері ісінудің ауыр емес түрі • аменорея • сүйектің минералдық тығыздығының төмендеуі, остеопения, остеопороз және сынулар (Конвулекс препаратымен ұзақ уақыт емдеу кезінде) Конвулекс препаратының сүйек метаболизміне әсер ету механизмі белгісіз. • плеврадағы жалқық (эозинофильді) Сирек • сүйек кемігінің аплазиясы немесе нақты эритроциттік аплазия, агранулоцитоз, макроциттік анемия, макроцитоз • кем дегенде бір коагуляция факторының төмендеуі, коагуляция тестілерінің қалыптан тыс нәтижелері (мысалы, протромбин уақытының ұлғаюы, белсендірілген ішінара тромбопластин уақытының ұлғаюы, тромбин уақытының ұлғаюы, ХҚҚ жоғарылауы), В8 дәрумені тапшылығы (биотин) / биотинидаза тапшылығы • диплопия • емдеуді тоқтатқаннан кейін бірнеше айдан бірнеше айға дейін қайтымды болуы мүмкін асимптоматикалық және үдемелі басталатын когнитивті бұзылулар (толық деменцияға дейін дамуы мүмкін) (нейровизуализация нәтижелері бойынша мидың атрофиясын анықтаумен байланысты болуы мүмкін) • энурез, тубулоинтерстициальді нефрит • қайтымды Фанкони синдромы • гипотиреоз • гипераммониемия (бауыр функционалдық сынамалары көрсеткіштерінің өзгерістері болмаған кезде оқшауланған және орташа, әсіресе политерапия кезінде, әрі препаратты тоқтатуды талап етпейді. Комаға өтуі мүмкін және қосымша талдаулар жүргізуді талап ететін неврологиялық симптомдары бар гипераммониемия жағдайлары туралы хабарланды) • миелодисплазиялық синдром • семіздік • сперматогенезге әсері (атап айтқанда, сперматозоидтардың қозғалғыштығын шектеу), аналық бездердің поликистозы • уытты эпидермалық некролиз, Стивенс-Джонсон синдромы, полиморфты эритема, DRESS-синдром (эозинофилиямен және жүйелі көріністермен қатар жүретін терінің дәріге реакциясы) немесе дәрінің жақпаушылық синдромы • жедел жүйелі қызыл жегі, рабдомиолиз • мінез-құлықтың бұзылуы, психомоторлық аса жоғары белсенділік, оқып-үйренуге қабілетсіздік (негізінен, балаларда) Жиілігі белгісіз • туа біткен мальформациялар және неврологиялық дамудың бұзылуы • гиперпигментация Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары Кездейсоқ немесе алдын ала көзделген артық дозалану жағдайлары туралы хабарланды. Қан плазмасындағы препараттың ең жоғары емдік деңгейден 5-6 есе асып кететін концентрациясында тек жүрек айну, құсу және бас айналу күтіледі. Шамадан тыс артық дозаланғанда, яғни қан плазмасындағы препараттың ең жоғары емдік деңгейден 10-20 есе жоғары болса, орталық жүйке жүйесінің күшті әлсіреуі немесе бұлшықет гипотензиясымен, гипорефлексиямен, миозбен, тыныс алу функциясының бұзылуымен, метаболизмдік ацидозбен, комамен, артериялық гипотензия және айналымдық коллапс/шок. Әдетте нәтижесі қолайлы. Алайда, кейбір өлім жағдайы ауқымды артық дозаланудан кейін орын алды. Дегенмен, симптомдары әртүрлі болуы мүмкін және плазмадағы өте жоғары деңгейде құрысулар туралы хабарланған. Церебральды ісінумен байланысты интракраниальды гипертензияның бірнеше жағдайлары сипатталған. Құрамында вальпроаты бар дәрілік препараттардың құрамындағы натрий мөлшері артық дозаланған жағдайда гипернатриемияға әкелуі мүмкін. Емі Артық дозалануын емдеу стационарда жүргізілуі және құстыру, асқазанды шаю, жасанды тыныс алу және организмнің өмірлік маңызды функцияларын демейтін басқа шараларды қамтуы тиіс. Асқазанды шаю ішке қабылдаудан кейін 10-12 сағат ішінде пайдалы болуы мүмкін. Сондай-ақ, Налоксон препаратын вена ішіне енгізу арасында белсендірілген көмірді ішу арқылы қабылдаумен біріктіріліп жүргізілді. Гемодиализ және гемоперфузия өздерін тиімді әдістер ретінде көрсетті.

Емдеуді бастамас бұрын бауырдың функционалдық сынамаларын тексеру керек және оны алғашқы алты ай ішінде, әсіресе қауіп тобына кіретін пациенттерге қатысты мерзімді түрде орындау керек. Трансаминазалар деңгейінің оқшауланған және өтпелі, орташа жоғарылауы байқалуы мүмкін екенін атап өткен жөн, бұл эпилепсияға қарсы көптеген дәрілерді қолданғанда, қандай да бір клиникалық белгілерсіз, әсіресе емдеудің басында болады. Бұл жағдайда неғұрлым ауқымды биологиялық зерттеулер (протромбин деңгейін қоса) ұсынылады; қажет болған жағдайда дозаны түзету қарастырылуы мүмкін және қажет болған жағдайда талдауларды қайталау керек. Емдеуді бастар алдында, содан кейін 15 күннен кейін және емнің соңында, сондай-ақ хирургиялық араласудың алдында және ретсіз гематомалар немесе қан кетулер дамыған жағдайда қан талдауын (тромбоциттер санын, қан кету уақытын және ұю параметрлерін анықтауды қоса, толық қан талдауын) жасау ұсынылады. Балаларға қатысты гепатоуыттылық дамуының жоғары қаупіне және қан кету қаупіне байланысты салицилат туындыларын бір мезгілде тағайындаудан аулақ болу керек. Бүйрек жеткіліксіздігі бар пациенттерге қатысты қандағы вальпрой қышқылының айналымдағы концентрациясының жоғарылауын ескерген жөн, осыған байланысты дозаны тиісті түрде төмендету керек. Бұл препаратты мочевина түзілу циклінде фермент тапшылығы бар пациенттерге қолдануға болмайды. Мұндай пациенттердің арасында мелшию немесе коматоздық жағдайы бар гипераммониемия дамуының бірнеше жағдайлары болды. Анамнезінде бауыр мен асқазан-ішек жолы тарапынан түсініксіз бұзылулар (анорексия, құсу, цитолиздің жедел көріністері), летаргия немесе коматоздық жағдай көріністері, ақыл-ой кемістігі немесе отбасылық анамнезінде жаңа туған нәрестелер немесе сәбилер арасында өлім-жітім болған балаларға қатысты кез келген вальпроатпен емдеуді бастағанға дейін метаболизмдік тестілер, әсіресе ашқарынға және тамақтанудан кейін қандағы аммиак деңгейінің талдауын жүргізген жөн. Иммундық бұзылулар осы препаратты қолдану кезінде ерекше жағдайларда ғана байқалғанымен, оның ықтимал пайдасын жүйелі қызыл жегі бар пациенттерде оның ықтимал қаупімен салыстырған жөн. Пациенттерге емнің басында салмақ жинау қаупі туралы ескертілуі тиіс және қауіпті азайту үшін тиісті стратегиялар қабылдануы тиіс. Вальпроат ағзадан негізінен несеппен, ішінара кетон денелері түрінде шығарылатындықтан, кетон денелерін шығаруға тест қант диабеті бар науқастарда жалған оң нәтиже беруі мүмкін. II типті карнитин пальмитоилтрансфераза (КПТ II) жеткіліксіздігі бар пациенттер вальпроатты қабылдаумен байланысты рабдомиолиз дамуының аса жоғары қаупі туралы ескертілуі тиіс. Конвулекс препаратымен емдеу кезінде алкогольді тұтыну ұсынылмайды. Арнайы ескертулер Контрацепция бағдарламасы Конвулекстің жоғары тератогенді қуаты бар, ал ана құрсағында вальпроат әсеріне ұшыраған балалар үшін туа біткен даму аномалияларының және неврологиялық даму бұзылуларының жоғары қаупі бар. Вальпроатты емдеудің басқа әдістері тиімсіз немесе пациенттерге жақпайтын жағдайларды қоспағанда, бала туу әлеуеті бар қыздар мен әйелдерге тағайындамаған жөн. Егер басқа ешқандай емдеу мүмкін болмаса, төменде көрсетілген Жүктіліктің алдын алу бағдарламасына сәйкес әрекет ету қажет. Конвулексті мынадай жағдайларда қолдануға болмайды: - жүктілік кезінде, сай келетін баламалы емдеу әдістері болмаған жағдайларды қоспағанда - ұрпақ өрбіту жасындағы әйелдер үшін, егер контрацепция бағдарламасының талаптары қадағаланбаса Контрацепция бағдарламасының талаптары (жүктіліктен сақтану): Препаратты тағайындайтын дәрігер мынаған көз жеткізуі тиіс: - егер олар осы үдеріске қатысатын болса, олардың енгізілгеніне, сондай-ақ емдеу нұсқаларын талқылау мәселесінің қойылғанына көз жеткізу үшін және пациент әйелдің қауіптер туралы мәлімет алғанына және қауіптерді барынша азайтуға қажетті шараларды түсінгеніне көз жеткізу үшін пациент әйелдің жеке жағдаяттары ескерілді. - барлық пациент әйелдердің бала тууға қабілеттілігі бағаланды. - пациент әйел ана құрсағында Конвулекс әсеріне ұшырайтын балалар үшін осы қауіптердің ауқымын қоса, туа біткен даму аномалияларына және неврологиялық даму бұзылуларына қатысты барлық қауіптерді түсінеді және растайды. - пациент әйел емдеуді бастар алдында және (егер қажет болса) емделу кезінде жүктілік тестісінен өту қажеттілігін түсінеді. - пациент әйел контрацепция мәселелері жөнінде кеңес алады, сонымен қатар, пациент әйел контрацепцияның сенімді әдістері қолданылатын бүкіл емдеу кезеңі бойына оны қолдануға қабілетті болады. - пациент әйел эпилепсия немесе биполярлық бұзылысты емдеу саласындағы тәжірибелі маман жүргізетін емді тұрақты (кем дегенде жыл сайынғы) бақылаудың қажеттілігін түсінеді. - пациент әйел жүктілікті жоспарлағаннан кейін, тұжырымдамадан бұрын және контрацепция кезеңі аяқталғанға дейін уақтылы талқылау және емдеудің балама мүмкіндіктеріне көшу мүмкіндігінің бар екендігіне көз жеткізу үшін дәрігерге бару қажеттілігін түсінеді.- пациент әйел жүктілік болған жағдайда дереу дәрігерге бару қажеттілігін түсінеді. - пациент әйел тиісті нұсқаулық алады. - пациент әйел өзінің Конвулекс қолданумен байланысты қауіптер мен сақтанудың қажетті шараларын түсінгенін растайды (әр жыл сайын қауіптермен келісімін растауға арналған формуляр толтырады). Аталған талаптар егер тек препаратты тағайындайтын дәрігерде жүкті болу мүмкіндігін болдырмауға салмақты себептер болмаса, қазіргі сәтте сексуалдық белсенді емес әйелдерге де қатысты. Қыз балалар Препаратты тағайындайтын дәрігер мынаған көз жеткізуі тиіс: - қыздың ата-анасы/қамқоршылары өздерінің Конвулекс қабылдайтын қыз балада алғашқы етекір оралымы білінген бойда маманды хабарландыруы тиіс екенінің қажеттілігін түсінеді.- алғашқы етекір оралымы білінген қыз баланың ата-анасы/қамқоршылары Вальпроат әсеріне ана құрсағында ұшырайтын балалар үшін осы қауіптер ауқымын қоса, туа біткен даму аномалияларына және неврологиялық даму бұзылуларына қатысты барлық қауіптер туралы толық ақпараттанды. Алғашқы етекір оралымы білінген пациент қыз балалармен болған жағдайда, препаратты тағайындайтын дәрігер Конвулекс қолданылатын емнің қажеттілігін жыл сайын қайта бағалауы және емдеудің баламалы нұсқаларын қолдану мүмкіндігін қарастыруы тиіс. Егер Конвулекс емдеудің бірден-бір таңдаулы мүмкіндігі болса, пациент қыз баламен контрацепцияның сенімді әдістерін қолдану қажеттілігін және контрацепция бағдарламасының (жүктіліктен сақтанудың) барлық басқа талаптарын талқылау керек. Маман қыз баланы баламалы емдеуге ауыстыру мүмкіндігінің бәрін ол ересек жасқа жетпес бұрын жасауы тиіс. Жүктілікке тест Конвулекс емінің басталуына дейін жүктілік жоққа шығарылуы тиіс. Вальпроатпен емдеуді жүктілік кезінде абайсызда пайдалануды болдырмау үшін денсаулық сақтау қызметкері растаған кемінде 25 мМЕ/мл сезімталдығы белгіленген плазманы пайдалана отырып, жүктілікке тесттің теріс нәтижесінсіз бала туу әлеуеті бар әйелдерде бастауға болмайды. Жүктілікке бұл тестіні емдеу кезінде жүйелі түрде уақыт аралығымен қайталап отырған жөн. Контрацепция Конвулекс тағайындалатын ұрпақ өрбіту жасындағы әйелдер Конвулекс қолданылатын бүкіл емделу кезеңінің бойына контрацепцияның сенімді әдістерін үздіксіз қолдануы тиіс. Осы пациент әйелдер жүктілік профилактикасы, ұрықтануға қарсы шаралар туралы толық ақпарат алуы керек және егер олар контрацепцияның сенімді әдістерін әлі пайдаланбаған болса, контрацепция мәселелері бойынша кеңес беру орталығына жіберілуі тиіс. Контрацепцияның, кем дегенде, бір сенімді әдісін (пайдаланушысына қарамастан, дұрысы, бөгеу әдісін қоса, контрацепцияның жатырішілік спираль немесе имплантат сияқты түрін) немесе бірін-бірі толықтыратын екі контрацепция түрін) қолдану керек. Контрацепция әдісін таңдағанда пациент әйелдің, олардың ұмтылысын қамтамасыз ету және таңдалған шараларды қадағалауы үшін, осы үдеріске қосылуы тиіс жеке жағдаяттарын есепке алу қажет. Тіпті аменорея болғанда да пациент әйел сенімді контрацепция жөніндегі барлық нұсқауларды ұстануы тиіс. Құрамында эстроген бар препараттар Эстрогені бар гормональді контрацептивтерді қоса, эстрогені бар препараттармен бір мезгілде қабылдау вальпроат тиімділігінің төмендеуіне алып келуі мүмкін. Эстрогені бар препараттар қабылдауды бастау немесе тоқтату кезінде клиникалық жауаптың мониторингі (ұстамаларды бақылау) қажет болады. Алайда, вальпроат гормональді контрацептивтердің тиімділігін төмендетпейді. Маманның емдеуді жыл сайынғы бағалауы Маман Конвулекстің пациент әйел үшін таңдаулы ем болып табылатынын, кем дегенде, жылына бір рет бағалауы тиіс. Маман пациент әйелмен емдеуді бастар алдында және емдеуді жыл сайын бағалау кезінде жыл сайын толтыру қажет болатын қауіптермен келісімін растау жөніндегі формулярды талқылауы, сондай-ақ оның формуляр мазмұнын түсінгеніне көз жеткізуі тиіс. Жүктілікті жоспарлау Эпилепсия сияқты көрсетілім болса, әйел жүктілікті жоспарлаған жағдайда эпилепсияны емдеу тәжірибесі бар маман Конвулекс қолданылатын емді қайта бағалауы және емдеудің баламалы нұсқаларын қарастыруы тиіс. Қолайлы баламалы емге ұрықтануға дейін және контрацепция бағдарламасын тоқтатуға дейін ауысуға бар күшті салу қажет. Егер баламалы емге ауысу мүмкін болмаса, әйел отбасын жоспарлау жөнінде негізді шешімдер қабылдауына көмек болуы үшін әлі тумаған сәбиге төнетін Конвулекс қабылдаумен байланысты қауіптер туралы қайта ақпараттануы тиіс. Егер әйел жүктілікті жоспарлаған жағдайда биполярлық бұзылыстар сияқты көрсетілім бар болса, ол биполярлық бұзылыстарды емдеу тәжірибесі бар маманмен кеңесуі, Конвулекс қолданылатын емді тоқтатуы және, қажет болса, ұрықтануға дейін және контрацепция кезеңі аяқталғанша баламалы емге көшуі тиіс. Жүктілік Егер әйел Конвулекс қолдану кезінде жүкті болып қалса, ол Конвулекс қолданылатын емді қайта бағалау және баламалы нұсқаларды қарастыру үшін дереу маманға жіберілуі тиіс. Жүктілік кезінде Конвулекс әсеріне ұшырайтын пациент әйелдер өз жұптастарымен бірге препараттың жүктілік кезінде әсер ету зардаптарын бағалау және талапқа сай түсіндіру үшін эмбриондық уыттылық немесе пренатальді медицина саласында тәжірибесі бар маманға жіберліуі керек. Фармацевт мынаған көз жеткізуі тиіс: - пациенттің карточкасы Конвулекс әр жолы берілген сайын ұсынылады және пациенттер оның мазмұнын түсінеді - пациент әйел Конвулекс қолдануды үзуге болмайтыны немесе жүктілік жоспарланған немесе болжанған жағдайда шұғыл маманға қаралу қажеттілігі туралы хабарланған болуы тиіс. Оқу құралы Денсаулық сақтау саласындағы кәсіп өкілдеріне және пациент әйелдерге жүктілік кезінде Конвулекс әсерінен сақтану мақсатында тіркеу куәлігінің ұстаушысы олардың қолдануы үшін оқу құралын ұсынады, онда тиісті сақтандырулар, сондай-ақ ұрпақ өрбіту жасындағы әйелдерге арналған Конвулексті қолдану жөніндегі нұсқаулар және контрацепция бағдарламасының (жүктіліктен сақтанудың) нақты бөліктері мазмұндалған. Конвулекс қолданатын ұрпақ өрбіту жасындағы барлық әйелдерге пациенттерге арналған нұсқаулық және пациент картасы берілуі тиіс. Қауіпті растаудың жыл сайынғы нысанын маман емдеу басталған уақытта және Конвулекс еміне жыл сайын жасалатын әрбір шолу тұсында пайдалануы тиіс. Ұстамалардың қайта басталуы Эпилепсияға қарсы басқа препараттар жағдайындағыдай, вальпроатты қабылдау жақсарудың орнына ұстамалардың жиілігі мен ауырлығының қайтымды жаңаруына (эпилепсиялық жағдайды қоса) немесе ұстамалардың жаңа түрлері пайда болуына әкелуі мүмкін. Ұстамалар қайта басталған жағдайда пациенттер дереу емдеуші дәрігермен кеңесу керек. Бұл ұстамаларды фармакокинетикалық өзара әрекеттесуден, уыттылықтан (бауыр ауруы немесе энцефалопатия) немесе артық дозаланудан туындауы мүмкін ұстамалардан ажырату керек. Осы дәрілік препарат вальпрой қышқылына метаболизденетін болғандықтан, оны вальпрой қышқылының артық дозалануын болдырмау мақсатында (мысалы, вальпроат семинатрий, вальпромид) сол трансформациядан өтетін басқа дәрілік препараттармен біріктіруге болмайды. Бауыр ауруы Пайда болу шарттары Сирек жағдайларда ауыр немесе кейде өліммен аяқталатын бауыр функциясының бұзылуы туралы хабарланады. Жоғары қауіп тобына ауыр эпилепсиялық ұстамалары бар, әсіресе мидың зақымдануымен, ақыл-ой дамуының тежелуімен және/немесе тұқым қуалайтын метаболизмдік немесе дегенеративті аурулармен бірге жүретін нәрестелер мен 3 жасқа дейінгі балалар жатады. 3 жастан асқан кезде мұндай асқынулардың жиілігі едәуір азаяды және жасына қарай біртіндеп төмендейді. Көптеген жағдайларда бауыр функциясының бұзылуы емдеудің алғашқы 6 айында, әдетте 2-ден 12 аптаға дейін және көбінесе эпилепсияға қарсы біріктірілген емде байқалады. Сақтандыру белгілері Ерте диагностика жасауда клиникалық симатомдардың маңызы зор. Атап айтқанда, сарғаюдан бұрын болуы мүмкін екі жағдайды, әсіресе қауіпті пациенттерге қатысты ескеру қажет: - біріншіден, әдетте кенеттен білінетін спецификалық емес симптомдар, мысалы, астения, анорексия, летаргия, ұйқышылдық, кейде қайталанатын құсу және іштің ауыруымен қатар жүреді - екіншіден, емнің тиісті деңгейде жүргізілуіне қарамастан, эпилепсиялық ұстамалардың қалпына келуі. Пациенттерге, ал егер олар балалар болса, онда олардың отбасыларына кез келген сындай белгілер білінгенде дереу дәрігерге қаралу керектігін ескертіп қою ұсынылады. Клиникалық тексеруден басқа, бауырдың функционалдық сынамаларын бірден жасау керек. Анықтау Емдеудің алғашқы 6 айында бауырдың функционалдық сынамаларын мезгіл-мезгіл бақылап отыру қажет. Классикалық тестілер арасында ең дұрысы бауыр ақуызының синтезін, атап айтқанда, протромбин деңгейін көрсететін тестілер болып табылады. Протромбиннің өте төмен деңгейі расталған жағдайда, әсіресе зертханалық талдауларда басқа да аномалиялық ауытқулар (фибриноген деңгейінің және ұю факторларының едәуір төмендеуі, билирубин мен бауыр трансаминазалары деңгейінің жоғарылауы байқалған жағдайда, емдеуді тоқтата тұру керек (сақтық шарасы ретінде салицилат туындыларымен емдеуді біріктіріп тағайындау кезінде де тоқтату керек, өйткені олар метаболизмнің бірдей жолдарын пайдаланады). Панкреатит Өте сирек жағдайларда өлімге әкелуі мүмкін панкреатит байқалды. Бұл жағдайлар пациенттің жасына және емдеу ұзақтығына қарамастан байқалған, ал жас балалар ерекше қауіп тобына кірген. Қолайсыз нәтижесі бар панкреатит, әдетте жас балаларда немесе ауыр ұстамалары бар пациенттерде немесе эпилепсияға қарсы бірнеше дәрімен емделетін адамдарда байқалады. Егер панкреатит бауыр жеткіліксіздігімен қатар пайда болса, өлім қаупі артады. Іштің жедел ауыруы немесе жүрек айну, құсу және/немесе анорексия сияқты асқазан-ішек жолы тарапынан белгілер пайда болған жағдайда панкреатит диагнозын қарастыру керек және ұйқы безі ферменттерінің деңгейі жоғары пациенттерде емдеуді тоқтатып, қажетті балама емдік шараларды қабылдаған жөн. Суицид қаупі Суицидтік ойлар және мінез-құлық бірнеше көрсетілімдер бойынша эпилепсияға қарсы дәрілермен емделген пациенттер арасында байқалған. Эпилепсияға қарсы дәрілердің рандомизацияланған, плацебо – бақыланатын зерттеулерден алынған мета-талдау деректері де суицидтік ойлар мен мінез-құлықтың пайда болу қаупінің аздап артуын көрсетті. Бұл қауіптің себептері белгісіз және қолжетімді деректер вальпроатты қолдану кезінде қауіптің жоғарылауын жоққа шығаруға мүмкіндік бермейді. Демек пациенттер суицидтік ойлар мен мінез-құлық белгілерінің пайда болуы тұрғысынан мұқият қадағалауда болуы және тиісті ем қарастырылуы тиіс. Пациенттерге (пациенттерді күтіп-бағушы тұлғаларға) суицидтік ойлар мен мінез-құлық пайда болған жағдайда бірден дәрігерге қаралуы тиіс екені айтылуы тиісті. Белгілі немесе болжанатын митохондриялық аурулары бар пациенттер. Вальпроат митохондриялық ДНҚ, сондай-ақ кодталатын POLG ядролық генінің мутациялары туғызатын негізгі митохондриялық аурулардың клиникалық белгілерін туғызуы немесе нашарлатуы мүмкін. Атап айтқанда, жедел бауыр жеткіліксіздігі және бауыр ауруларынан болатын өлім POLG геніндегі мутациялардан туындаған тұқым қуалайтын нейрометаболизмдік синдромдары, мысалы, Альперс-Гуттенлохер синдромы бар пациенттерде вальпроатпен емдеу жиілігінің анағұрлым жоғары болуымен байланысты. POLG байланысты бұзылуларды түсіндірілмеген энцефалопатияны, рефрактерлік эпилепсияны (фокальді, миоклонустық), алғашқы қарап-тексеру сәтіндегі эпилепсиялық статусты, дамудың кідірісін, психомоторлы регрессияны, аксональды сенсомоторлы нейропатияны, миопатияны, мишық атаксиясын, офтальмоплегияны немесе желкелік аурасы бар асқынған мигреньді қоса, бірақ онымен шектелмей, POLG бар пациенттерде отбасылық анамнезінде немесе POLG байланысты бұзылулардың болжамды симптомдарында күдіктену керек. Мутацияға POLG тестілерін жүргізу осындай бұзылуларды диагностикалық бағалау үшін ағымдағы клиникалық тәжірибеге сәйкес орындалуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Жоғары зейін қоюды және психомоторлық реакциялардың жоғары шапшаңдығын талап ететін қызмет түрлерімен (автокөлік жүргізу және механизмдерді басқару) айналысуға кеңес берілмейді. Вальпрой қышқылын қолданумен емдеу нәтижесінде туындайтын ұстамаларды бақылау көптеген жағдайларда пациенттерге жол қозғалысына белсенді қатысу мүмкіндігін береді. Алайда көлік құралын басқаратын немесе механизмдермен/құрылғымен жұмыс істейтін пациенттер өздерінде, бәрінен бұрын, эпилепсияға қарсы біріктірілген емде немесе Бензодиазепиндер қолданумен бір мезгілде емдегенде уақытша сананың көмескіленуі болуы мүмкін екенін түсінуі тиіс.

Тератогенділік және неврологиялық дамуға әсері Вальпрой қышқылының монотерапиясы да, вальпрой қышқылының политерапиясы да, эпилепсияға қарсы басқа препараттарды қоса, көбінесе жүктіліктің қолайсыз нәтижесімен астастырылады. Қолда бар деректер бойынша вальпрой қышқылын қамтитын эпилепсияға қарсы біріктірілген ем вальпрой қышқылының монотерапиясымен салыстырғанда жүктілік кезінде туа біткен мальформациялардың жоғары қаупімен астасуы мүмкін. Вальпроат жануарларда да, адамдарда да плацентарлық бөгет арқылы өтетіні көрсетілген (5.2 бөлімін қараңыз). Жануарларда тератогендік әсерлер тышқандарда, егеуқұйрықтарда және қояндарда байқалды. Туа біткен даму ақаулары Мета-талдаудан алынған деректер (регистрлер мен когорттық зерттеулерді қоса) жүктілік кезінде монотерапия түрінде вальпроат қабылдаған эпилепсиясы бар әйелдерде балаларының 10,73%-ы туа біткен даму ақауларына шалдықққанын көрсетті (95% СА: 8.16-13.29), бұл жалпы популяцияға қарағанда негізгі даму ақауларының үлкен қаупін білдіреді, олар үшін қауіп шамамен 2-3% құрайды. Қауіп дозаға байланысты, бірақ одан төмен қауіп жоқ шекті дозаны анықтау мүмкін емес. Қолда бар деректер жеңіл және ауыр даму ақаулары пайда болуының жоғары жиілігін көрсетті. Ең жиі байқалатын ақаулар - бұл жүйке түтігінің ақаулары (шамамен 2-ден 3%-ға дейін), бет дисморфизмі, ерін мен таңдайдың туа біткен жырығы, краниостеноз, жүрек ақауы, бүйрек және несеп-жыныс жүйелерінің даму ақаулары (атап айтқанда гипоспадия), аяқ-қолдардың даму ақаулары (оның ішінде екі жақты кәріжілік сүйегі аплазиясын қоса), сондай-ақ организмнің әртүрлі жүйелерімен байланысты басқа ауытқулар. Вальпроаттың құрсақішілік әсер етуі құлақтың және/немесе мұрынның даму кемістігі салдарынан есту қабілетінің нашарлауына/жоғалуына (салдарлы әсері) және / немесе есту функцияларына тікелей уыттылыққа әкелуі мүмкін. Оқиғалар бір жақты және екі жақты кереңдікті немесе есту қабілетінің бұзылуын сипаттайды. Нәтижелер барлық жағдайларда хабарланған жоқ. Нәтижелер хабарланған кезде, көптеген жағдайларда рұқсат етілмейді. Неврологиялық дамудың бұзылуы Зерттеулер көрсеткендей, вальпроаттың құрсақішілік әсері жүктілік кезінде вальпроат қабылдаған аналардан туған нәрестелердегі неврологиялық дамудың бұзылу қаупін арттырады. Ықтимал қаупі дозаға байланысты, бірақ одан төмен қаупі жоқ шекті дозаны қолда бар деректер негізінде анықтау мүмкін емес. Қауіп кезеңі бүкіл жүктілікті қамтуы мүмкін. Құрсақішілік вальпроатқа ұшыраған мектеп жасына дейінгі балаларды зерттеу балалардың 30-40%-ында ерте дамудың іркілістері бар екенін көрсетті, мысалы, сөйлеудің дамуы және кеш жүру, интеллектуалды қабілеттердің төмен деңгейі, тілдік дағдылардың әлсіздігі (сөйлеу және түсіну) және есте сақтау проблемалары. Құрсақішілік вальпроаттың әсер ету анамнезімен мектеп жасындағы (6 жас) балаларда өлшенген интеллект коэффициенті (IQ) эпилепсияға қарсы басқа дәрілердің әсеріне ұшыраған балаларға қарағанда орта есеппен 7-10 тармақшаға төмен болды. Ауырлататын факторлардың рөлін жоққа шығаруға болмайды, бірақ құрсақішілік вальпроатқа ұшыраған балаларда IQ төмендеуі ананың IQ-ге тәуелді болмауы мүмкін екендігі туралы дәлелдер бар. Кейіннен білінетін нәтижелері туралы шектеулі мәліметтер бар. Вальпрой қышқылының құрсақішілік әсеріне ұшыраған балалардың жалпы популяциямен салыстырғанда балалар аутизмін қоса (қауіптің шамамен бес есе ұлғаюы), даму қаупінің жоғары (аутистік спектрдің бұзылуы) (қауіптің шамамен үш есе ұлғаюы) екендігін куәландыратын деректер бар. Шектеулі мәліметтерге сәйкес, вальпроаттың құрсақішілік әсеріне ұшыраған балаларда гиперактивтілігі бар зейінділік тапшылығы синдромының симптомдары (ЗТСС) пайда болуы мүмкін. Бала туу әлеуеті бар әйелдер Басқа емдеу әдістері тиімсіз немесе жақпайтын жағдайларды қоспағанда, Конвулексті бала туу әлеуеті бар әйелдерде қолдануға болмайды. Егер ешқандай басқа емдеу мүмкін болмаса, Конвулекс препаратымен емдеуді Жүктіліктің алдын алу жөніндегі бағдарламаның шарттары орындалған жағдайда ғана бастауға болады, атап айтқанда: •пациент әйел жүкті емес (сезімталдығы кемінде 25 мХБ/мл бар плазма пайдаланылған жүктілік тестісі емнің басында және емдеу кезінде тұрақты уақыт аралығынан кейін теріс болады). •пациент контрацепцияның кем дегенде бір тиімді әдісін қолданады. •пациентке жүктілік кезінде вальпроатты қолдану қаупі туралы ақпарат беріледі. Бала туу қуаты бар әйелдерде емдеу кезінде тұрақты уақыт аралығынан кейін (жылына кемінде бір рет) пайда-қауіп қатынасын мұқият қайта бағалау керек. Құрамында эстроген бар препараттар Эстрогені бар препараттар, эстрогені бар гормональді контрацептивтерді қоса, вальпроат клиренсін арттыруы мүмкін, бұл сарысудағы вальпроат концентрациясының төмендеуіне және вальпроат тиімділігінің ықтимал төмендеуіне әкелуі мүмкін. Егер әйел жүктілікті жоспарласа Егер әйел жүктілікті жоспарласа, эпилепсияны емдеуде тәжірибесі бар маман вальпроат терапиясын қайта бағалап, емдеудің балама нұсқаларын қарастыруы керек. Ұрықтануға дейін және контрацепцияны пайдалануды тоқтатқанға дейін тиісті баламалы емдеуге көшу үшін барлық күш-жігерді жұмсау қажет. Егер ауысу мүмкін болмаса, әйел отбасын жоспарлауға қатысты негізделген шешім қабылдауды қамтамасыз ету үшін болашақ бала үшін вальпроат қауіптеріне қатысты қосымша кеңес алуы тиіс. Жүктілікке дейін және жүктіліктің басында фолат қоспаларын қолдану, жүктіліктің барлық жағдайларында дамуы мүмкін жүйке түтігі ақауларының пайда болу қаупін азайтады. Алайда, қолда бар дәлелдер бұл вальпроаттың әсер етуі нәтижесінде туа біткен ақаулардың алдын алады деп болжамдамайды. Жүкті әйелдер Қолайлы балама ем болмаған жағдайларды қоспағанда, жүктілік кезінде вальпроатты эпилепсияны емдеу үшін қолдануға болмайды. Егер вальпроатты пайдаланатын әйел жүкті болса, оны емдеудің балама нұсқаларын қарау үшін дереу маманға жіберу керек. Жүктілік кезінде тонусты-клонустық ұстамалар және ананың эпилепсиялық жағдайы гипоксиямен бірге ана мен құрсақтағы нәресте үшін өлім қаупін тудыруы мүмкін. Егер жүктілік кезінде және балама емдеуді мұқият қарастырғаннан кейін вальпроаттың белгілі қауіптеріне қарамастан, ерекше жағдайларда жүкті әйел эпилепсияны емдеу үшін вальпроатты қабылдауы тиіс: • ең төменгі тиімді дозаны пайдалану керек; • вальпроаттың тәуліктік дозасын оларды бір күн ішінде қабылдау үшін бірнеше шағын дозаларға бөлу керек. Плазмада жоғары шектік концентрациясын болдырмау үшін кез келген басқа дәрілік түрлеріне қарағанда босап шығуы ұзаққа созылатын дәрілік түрін қолдану артықшылық берілуі мүмкін. • Жүктілік кезінде вальпроатты қолданатын барлық пациенттерді және олардың жұптастарын вальпроат әсеріне ұшырайтын жүктілікке қатысты бағалау және кеңес беру үшін тератологияда тәжірибесі бар маманға жіберу керек. • жүйке түтігі ақауларының немесе басқа да мальформациялардың пайда болу мүмкіндігін анықтау мақсатында арнайы пренаталдық мониторинг жүргізу керек. Босанғанға дейін Босанғанға дейін анада тромбоциттер, фибриноген деңгейін және қанның ұю уақытын (белсендірілген ішінара тромбопластин уақыты: БІТУ) анықтауды қоса, коагуляциялық тестілер жүргізілуі тиіс. Жаңа туылған нәрестелердегі қауіп * Аналары жүктілік кезінде вальпроат қабылдаған жаңа туған нәрестелерде геморрагиялық синдромның оқшауланған жағдайларының дамуы туралы хабарланды. Бұл геморрагиялық синдром тромбоцитопениямен, гипофибриногенемиямен және / немесе қан ұюының басқа факторларының төмендеуімен байланысты. Сондай-ақ өліммен аяқталатын афибриногенемияның дамуы туралы хабарланды. Алайда, бұл геморрагиялық синдромды фенобарбитал және басқа фермент индукторлары тудыратын К дәрумені факторларының төмендеуінен ажырату керек. Анадағы гемостаз тестілерінің қалыпты нәтижелері жаңа туған нәрестелердегі гемостаздың бұзылуын жоққа шығармайды. Сондықтан, вальпроат қабылдаған аналардан туылған нәрестелерде қандағы тромбоциттер мөлшерін, фибриногеннің плазмалық концентрациясын, қанның ұю факторларын және коагуляция тестілерін анықтау қажет. * Аналары жүктіліктің III триместрінде вальпроат қабылдаған жаңа туған нәрестелерде гипогликемия жағдайлары туралы хабарланды. * Аналары жүктілік кезінде вальпроат қабылдаған нәрестелерде гипотиреоз жағдайлары туралы хабарланды. * Тоқтату синдромы (атап айтқанда, ажитация, ашушаңдық, жоғары қозғыштық, жүйкелік, гиперкинезия, тонустың бұзылуы, тремор, құрысулар, тамақ ішудің бұзылуы) аналары жүктіліктің соңғы триместрінде вальпроатты қабылдаған жаңа туған нәрестелерде туындауы мүмкін. Вальпроаттардың құрсақ ішіне әсері басқа туа біткен даму кемістіктерімен біріге көздің дамуының кемістіктеріне (колобомаларды, микрофтальмдарды қоса алғанда) әкелуі мүмкін. Көздің бұл кемістіктері көру қабілетіне әсер етуі мүмкін. Постнатальді бақылау / балалар мониторингі Жүктілік кезінде вальпроат әсеріне ұшыраған балалардағы неврологиялық мінез-құлықты мұқият қадағалап, қажет болған жағдайда мүмкіндігінше емдеуді ертерек бастау керек. Лактация кезеңі Вальпроаттың организмнен емшек сүтімен шығарылуы ана сарысуындағы құрамынан 1-ден 10%-ға дейін ауытқиды. Емшек еметін жаңа туған нәрестелерде/ нәрестелерде, вальпроатпен емделген әйелдерде гематологиялық бұзылулар анықталды. Бала емізуді тоқтату туралы немесе емшек емізудің балаға пайдасын және әйелге емнің пайдасын ескере отырып, Конвулекс препаратымен емдеуді тоқтату/тоқтата тұру туралы шешім қабылдануы тиіс.

Қолдануға болмайтын біріктірілімдер Шайқураймен біріктірілімде Плазмадағы концентрацияның төмендеуі және эпилепсияға қарсы дәрілер тиімділігінің төмендеуі қаупі бар. Ұсынылмайтын біріктірілімдер Ламотриджинмен біріктірілімде Терінің ауыр реакцияларының (уытты эпидермалық некролиз) даму қаупі жоғары. Сонымен қатар, плазмадағы ламотриджин концентрациясының жоғарылауы (натрий вальпроаты есебінен бауыр метаболизмінің төмендеуі) мүмкін. Бірге қолдану қажет болған жағдайларда мұқият клиникалық мониторинг жүргізген жөн. Пенемдермен біріктірілімде Плазмадағы вальпрой қышқылы концентрациясының тез төмендеуі аясында ұстамалардың пайда болу қаупі бар, олар анықталмай қалуы мүмкін. Қолдану кезінде сақтық шараларын сақтауды талап ететін біріктірілімдер Ацетазоламидпен біріктірілімде Энцефалопатия қаупі жоғары гипераммониемияның артуы мүмкін. Клиникалық және зертханалық параметрлерге үнемі мониторинг жүргізу қажет. Азтреонаммен біріктірілімде Плазмадағы вальпрой қышқылының концентрациясының төмендеуі нәтижесінде ұстамалар пайда болу қаупі бар. Клиникалық бақылау, плазмадағы препараттардың концентрациясын анықтау және инфекцияға қарсы дәрі қолданылатын емдеу кезінде және оны тоқтатқаннан кейін құрысуға қарсы дәрінің дозасын түзету қажет. Карбамазепинмен біріктірілімде Артық дозалану белгілерімен плазмада карбамазепиннің белсенді метаболитінің концентрациясы жоғарылауы мүмкін. Сонымен қатар, карбамазепиннің әсерінен вальпрой қышқылы бауыр метаболизмінің жоғарылауымен байланысты плазмада вальпрой қышқылы концентрациясының төмендеуі ықтимал. Клиникалық бақылау, плазмадағы препараттардың концентрациясын анықтау және құрысуға қарсы екі дәріге де түзету енгізу ұсынылады. Фелбаматпен біріктірілімде Артық дозалану қаупімен сарысудағы вальпрой қышқылы концентрациясының жоғарылауы мүмкін. Фелбаматпен емдеу барысында және оны тоқтатқаннан кейін клиникалық бақылау, зертханалық параметрлер мониторингі және вальпрой қышқылының дозасын түзету қажет. Эстрогені бар препараттар, эстрогені бар гормональді контрацептивтер Эстрогендер вальпроат глюкуронизациясына қатысатын УДФ-глюкуронозилтрансфераза (УГТ) изоформаларын индукциялайды және вальпроат клиренсін арттыруы мүмкін, бұл сарысудағы вальпроат концентрациясының төмендеуіне және вальпроат тиімділігінің төмендеуіне әкелуі мүмкін. Сарысудағы вальпроат деңгейіне мониторинг жүргізу ұсынылады. Екінші жағынан, вальпроаттың фермент тудыратын әсері жоқ; соның салдарынан вальпроат гормоналды контрацептивтерді қабылдайтын әйелдерде құрамында эстроген бар препараттардың тиімділігін төмендетпейді. Нимодипинмен біріктірілімде (пероральді, экстраполяция жолымен, инъекциялық енгізуге) Нимодипин плазмалық концентрациясының 50%-ға жоғарылау қаупі бар. Қысымы төмен пациенттерде нимодипин дозасын төмендету қажет. Фенобарбиталмен біріктіріп және примидонға экстраполяция жолымен Энцефалопатия қаупі жоғары гипераммониемия артуы мүмкін. Клиникалық және зертханалық параметрлерге үнемі мониторинг жүргізу қажет. Фенитоинмен (және фосфенитоинге экстраполяциямен) біріктірілімде Энцефалопатия қаупі жоғары гипераммониемия артуы мүмкін. Клиникалық және зертханалық параметрлерге үнемі мониторинг жүргізу қажет. Пропофолмен біріктірілімде Пропофолдың плазмалық концентрациясының жоғарылауы мүмкін. Пропофол дозасын вальпроатпен бір мезгілде қолданғанда азайту туралы мәселені қарастыру керек. Рифампицинмен біріктірілімде Рифампицин есебінен вальпроаттың бауыр метаболизмі жоғарылауы нәтижесінде ұстамалардың пайда болу қаупі бар. Рифампицинмен емдеу кезінде және оны тоқтатқаннан кейін клиникалық бақылау, зертханалық параметрлерді бақылау және қажет болған жағдайда құрысуға қарсы дәрілердің дозасын түзету талап етіледі. Руфинамидпен біріктірілімде Руфинамид плазмалық концентрациясының жоғарылауы, атап айтқанда, салмағы 30 кг-нан аз балаларда болуы мүмкін. Салмағы 30 кг-нан кем балаларда: дозаны титрлеуден кейін тәулігіне 600 мг жалпы дозасынан аспауы тиіс. Топираматпен біріктірілімде Энцефалопатия қаупі жоғары гипераммониемияның артуы мүмкін. Клиникалық және зертханалық параметрлерге үнемі мониторинг жүргізу қажет. Зидовудинмен біріктірілімде Зидовудиннің, әсіресе гематологиялық жағымсыз әсерлерінің оның вальпрой қышқылымен метаболизмі төмендеуіне байланысты күшею қаупі бар. Клиникалық және зертханалық көрсеткіштерге үнемі мониторинг жүргізу қажет. Біріктірілген емнің алғашқы екі айында анемияны анықтау үшін гемограмма жасау ұсынылады. Зонисамидпен біріктірілімде Энцефалопатия қаупі жоғары гипераммониемияның артуы мүмкін. Клиникалық және зертханалық параметрлерге үнемі мониторинг жүргізу қажет. Метамизолмен біріктірілімде Метамизол бір мезгілде қолданғанда сарысудағы вальпроат деңгейін төмендетуі мүмкін, бұл вальпроаттың клиникалық тиімділігінің ықтимал төмендеуіне әкелуі мүмкін. Дәрілік затты тағайындаушы клиникалық жауапты бақылауы керек (ұстаманы бақылау) және қажет болған жағдайда қан сарысуындағы вальпроат деңгейін бақылау мүмкіндігін қарастыру керек. Клозапинмен бірге қолданғанда Вальпроат пен клозапинді бір мезгілде қолдану клозапинді қабылдаудан туындаған нейтропения мен миокардиттің пайда болу қаупін арттыруы мүмкін. Егер вальпроатты клозапинмен бір мезгілде қолдану қажеттілігі туындаса, екі препараттың да әсерін мұқият бақылап отыру қажет. Өзара әрекеттесудің басқа түрлері Литиймен біріктірілімде Конвулекс сарысудағы литий концентрациясына әсер етпейді. Басқа дәрілік препараттармен өзара әрекеттесуі Осы дәрілік препаратты ламотриджинмен және пенемдермен бір мезгілде қолдану ұсынылмайды. Когнитивті немесе экстрапирамидалық бұзылулар Когнитивті немесе экстрапирамидалық бұзылулар нейровизуализация кезінде церебральді атрофияны анықтаумен байланысты болуы мүмкін. Осылайша, клиникалық көріністің бұл түрін деменциямен немесе Паркинсон ауруымен шатастыруы мүмкін. Бұл бұзылулар емдеуді тоқтатқан кезде қайтымды болады. Натрий мөлшеріне байланысты ақпарат Бұл препараттың құрамында 1 мл-де шамамен 1,85 ммоль (немесе 42,9 мг) натрий бар, бұл ДДҰ ересектерге ұсынған тағаммен бірге ең жоғары 2 г натрийді тәуліктік тұтынудың 2,15 % құрайды. Тұзсыз диетаны ұстанатын адамдарға тағайындағанда сақтықпен қолданыңыз, өйткені препарат құрамында натрий бар. Терінің ауыр жағымсыз реакциялары және ангионевроздық ісік Вальпроаттармен емдеуден туындайтын Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдарымен дәрілік реакция (DRESS), көп пішінді эритема және ангионевроздық ісік сияқты терінің ауыр жағымсыз реакциялары (тыртық) туралы хабар алынған. Пациенттерге терідегі ауыр көріністердің белгілері мен симптомдары туралы хабар берілуі және мұқият бақылауда болулары тиіс. Егер тыртықтардың немесе ангионевроздық ісіктің белгілері пайда болған жағдайда дереу тексеру жүргізіп, тыртық немесе ангионевроздық ісіктің диагнозы расталса, емдеуді тоқтату керек.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 30 ºС -ден аспайтын температурада сақтау керек. Балалардың қолы жетпейтін жерде сақтау керек!