Конкор® таблетки 5 мг

5 мг бір таблетканың құрамында белсенді зат - 5 мг бисопролол фумараты қосымша заттар: сусыз кальций гидрофосфаты, жүгері крахмалы, сусыз коллоидты кремнийдің қостотығы, микрокристалды целлюлоза, кросповидон, магний стеараты. үлбірлі қабығы: гипромеллоза 2910/15, макрогол 400, диметикон 100, темірдің сары тотығы (Е 172), титанның қостотығы (Е 171). 10 мг бір таблетканың құрамында белсенді зат - 10 мг бисопролол фумараты қосымша заттар: сусыз кальций гидрофосфаты, жүгері крахмалы, сусыз коллоидты кремнийдің қостотығы, микрокристалды целлюлоза, кросповидон, магний стеараты. үлбірлі қабығы: гипромеллоза 2910/15, макрогол 400, диметикон 100, темірдің сары тотығы (Е 172), темірдің қызыл тотығы (Е 172), титанның қостотығы (Е 171). Сыртқы түрінің, иісінің, дәмінің сипаттамасы Үлбірлі қабықпен қапталған 5 мг таблеткалар Сарғыш-ақ түсті үлбірлі қабықпен қапталған, екі жақ беті дөңес, жүрек пішінді, екі жақ бетінде сындыруға арналған сызығы бар, қалыңдығы 2.6 мм-ге жуық, ұзындығы 6.7 мм-ге жуық және ені 7.8 мм-ге жуық таблеткалар. Үлбірлі қабықпен қапталған 10 мг таблеткалар Бозғылт-қызыл сарыдан ашық-қызғылт сары түске дейінгі үлбірлі қабықпен қапталған, екі жақ беті дөңес, жүрек пішінді, екі жақ бетінде сындыруға арналған сызығы бар, қалыңдығы 2.6 мм-ге жуық, ұзындығы 6.7 мм-ге жуық және ені 7.8 мм-ге жуық таблеткалар.

- артериялық гипертензияда - жүректің ишемиялық ауруында (стенокардия)

Әсер ету механизмі Бисопролол, Конкор препаратының әсер етуші заты, бұл жоғары селективті бета1-адреноблокатор, өзінің симпатомиметикалық белсенділігі жоқ, клиникалық елеулі жарғақшаны тұрақтандыратын әсерге иеленбеген. Бисопролол бронхтар мен қантамырлардың тегіс бұлшықеттерінің бета 2-рецепторларына, сондай-ақ зат алмасуды реттеуге жататын бета2-рецепторларына аз ұқсастығы бар. Демек, бисопролол тыныс алу жолдарының резистенттілігін және бета2-шартталған метаболизмдік әсерлерді туындатпайды. Препараттың бета1-рецепторларға таңдаулы әсері емдік доза шеңберінен тыс таралады. Фармакодинамикалық әсері Бисопролол − жоғары селективті β1-адреноблокатор, ішкі симпатомиметикалық және жарғақша тұрақтандырғыш белсенділігі жоқ. Бронхтардың және қантамырлардың тегіс бұлшықеттерінің β2-рецепторларына және ферменттік метаболизмдік реттеудің β2-рецепторларына аз ұқсастығы бар. Осылайша, Конкор препараты, әдеттегідей, тыныс алу жолдарының кедергісіне және β2-арқылы болатын метаболизмдік үдерістерге ықпалын тигізбейді. Оның β1-селективтілігі емдік дозалар ауқымының шегінен шығарады. Белгілі болғандай, Конкор препаратының теріс инотроптық әсері жоқ. Бисопролол ең жоғары әсеріне пероральді түрде қабылдаудан кейін 3-4 сағаттан соң жетеді. Жартылай шығарылу кезеңі (10-12 сағат) препаратты күніне бір рет қабылдағанда 24 сағаттық тиімділікті қамтамасыз етеді. Жалпы жағдайда, Конкор препараты гипертензияға қарсы ең жоғары әсеріне 2 апталық емдеуден кейін жетеді. Жүректің созылмалы жеткіліксіздігі жоқ жүректің ишемиялық ауруы бар науқастардағы жедел жағдайларды емдегенде бисопролол жүректің жиырылу жиілігін азайтады және жүректің соғу көлемін азайтады, бұл лықсу фракциясының және оттегіні қажетсінуінің төмендеуіне әкеледі. Созылмалы жай-күйді емдеген кезде бастапқыда ұлғайған шеткері кедергі азаяды. Плазмадағы ренин белсенділігінің төмендеуі бета-блокаторлардың гипертензияға қарсы әсерінің негізінде жатыр. Бисопролол жүректің β1-адренорецепторларын бөгеу жолымен симпатоадренергиялық белсенділікке жауапты басады. Осы әсер жүректің қағуын баяулатады және жиырылғыштығын нашарлатады, бұл миокардтың оттегіні қажетсінуінің төмендеуіне әкеледі. Соңғысы стенокардиясы және жүректің ишемиялық ауры бар пациенттерде қалаған әсерді туындатады. Клиникалық тиімділігі және қауіпсіздігі CIBIS II зерттеуіне барлығы 2647 пациент қосылды. 83% (n = 2202) NYHA бойынша III класс және 17% (n = 445) NYHA бойынша IV класс ретінде жіктелген. Барлық пациенттерде тұрақты симптоматикалық жүрек жеткіліксіздігі болды (эхокардиография бойынша EF ≤ 35%). Барлық себептерден болатын өлім-жітім плацебо тобында 17,3% және бисопролол тобында 11,8% құрады (салыстырмалы төмендеу 34%). Кенеттен болатын өлім-жітімнің (6,3% - ға қарағанда 3,6%, салыстырмалы төмендеу 44%) және жүрек жеткіліксіздігінің декомпенсациясы себебінен ауруханаға жатқызудың (17,6% - ға қарағанда 12%, салыстырмалы төмендеу 36%) төмендеуі байқалды. Пациенттердің клиникалық жағдайы елеулі жақсарды (NYHA жіктемесіне сәйкес). Бисопрололмен емдеудің басында және титрлеу фазасы кезінде пациенттер брадикардиямен (0,53%), гипотониямен (0,23%) немесе жедел декомпенсациямен (4,97%) ауруханаға жатқызылды. Алайда, ауруханаға жатқызу плацебо тобына қарағанда бисопролол тобында жиі болған жоқ (сәйкесінше 0%, 0,3% немесе 6,74%). Зерттеудің барлық кезеңінде кейіннен өліммен аяқталатын инсульт немесе кейіннен мүгедектікке әкелетін инсульт бисопролол тобындағы 20 пациентте плацебо тобындағы 15 пациентке қарсы орын алды. CIBIS-III зерттеуі АӨФ тежегіштерін, бета-блокаторларды немесе ангиотензин рецепторларының блокаторларын алдын-ала қабылдамаған ауырлық деңгейі жеңіл және орташа созылмалы жүрек жеткіліксіздігі бар ≥ 65 жастағы (CHF; II немесе III NYHA класс) және сол жақ қарыншаның лықсу фракциясы ≤ 35% болатын 1010 пациентті бағалады. Бисопролол немесе эналаприлмен бастапқы фазадан кейін пациенттер 6 ай бойы бисопролол және эналаприл біріктірілімімен 6-24 ай бойы ем алды. Бисопрололмен емдеудің алғашқы 6 айында жүрек жеткіліксіздігінің жиі нашарлау үрдісі байқалды. Хаттамаға сәйкес талдау эналаприлмен бастапқы еммен салыстырғанда бисопрололмен бастапқы емнің тиімсіздігін көрсеткен жоқ. Алайда, СЖЖ емін индукциялаудың екі стратегиясы өлім мен ауруханаға жатқызудың біріктірілімінің бірдей көрсеткіштерімен байланысты болды (халықтың хаттамасына сәйкес: бисопрололмен бастапқы емдеудің 32,4% қарсы эналаприлмен бастапқы емдеудің 33,1%). Зерттеу бисопрололды сондай-ақ ауырлық деңгейі жеңіл және орташа созылмалы жүрек жеткіліксіздігі бар егде жастағы пациенттерде пайдалануға болатынын көрсетті. Созылмалы жүрек жеткіліксіздігі жоқ жүректің ишемиялық ауруы бар пациенттерге шұғыл ем ретінде тағайындалған кезде бисопролол жүректің жиырылу жиілігін және жүректің соғу көлемін төмендетеді, осылайша жүректің лықсуы мен оттегінің тұтынылуын азайтады. Тұрақты пайдалану кезінде бастапқы жоғары шеткері кедергісі азаяды.

Дозалау режимі Дозалау Емдеу негізінен біртіндеп, аз дозалардан басталуы тиіс, олар содан кейін арттырылады. Барлық жағдайларда доза, тамырдың соғу жиілігін және емдік әсерін ескере отырып, әр адамға жекелей таңдап алынуы тиіс. Артериялық гипертензияны емдеу Конкор® препаратының ұсынылатын дозасы күніне бір рет 5 мг құрайды. Гипертонияның жеңіл түрлерінде (диастолалық артериялық қысым 105 мм с.б. дейін) күніне бір рет 2,5 мг дозамен емдеу жеткілікті болуы мүмкін. Қажет болғанда, дозаны күніне бір рет 10 мг-ге дейін арттыруға болады. Дозаны әрі қарай арттыру ерекше жағдайларға негізделуі және жүргізілуі тиіс. Конкор® препаратының ұсынылатын ең жоғары дозасы күніне бір рет 20 мг құрайды. Жүректің ишемиялық ауруы (стенокардия) Конкор® препаратының ұсынылатын дозасы күніне бір рет 5 мг құрайды. Қажет болғанда, дозаны күніне бір рет 10 мг-ге дейін арттыруға болады. Дозаны әрі қарай арттыру ерекше жағдайларға негізделуі және жүргізілуі тиіс. Конкор® препаратының ұсынылатын ең жоғары дозасы күніне бір рет 20 мг құрайды. Бауыр немесе бүйрек функциясының ауырлығы жеңіл немесе орташа дәрежедегі бұзылулары бар пациенттерде дозалау режимін түзету, әдеттегідей, қажет емес. Бүйрек функциясының ауыр бұзылулары бар (креатинин клиренсі < 20 мл/мин) науқастар және бауыр функциясының ауыр бұзылулары бар пациенттер үшін ең жоғары тәуліктік доза 10 мг құрайды. Диализдегі пациенттерде Конкор® препаратын пайдаланудың тек шектеулі ғана тәжірибесі бар, ол дозалау режимін түзету қажеттілігін көрсетпейді. Егде жастағы адамдар Дозаны түзету қажет емес. Емдеу ұзақтығы шектелмеген және аурудың барысы мен ауырлығына байланысты Әсіресе жүректің ишемиялық ауруы бар пациенттерде Конкор® препаратымен емдеуді күрт тоқтатуға болмайды, өйткені бұл пациенттің денсаулығының жедел нашарлауына әкеп соғуы мүмкін. Егер емдеуді тоқтату қажет болса, доза біртіндеп тоқтатылуы тиіс (мысалы, дозаны аптасына бір рет екі есе азайту арқылы). Қабылдау уақыты көрсетілген қолдану жиілігі Таблетканы таңертеңгі тамаққа дейін, тамақтану кезінде немесе одан кейін аздаған мөлшерлі сұйықтықпен, шайнамай қабылдаған жөн.

• бисопрололға немесе қосымша заттардың кез келгеніне аса жоғары сезімталдық • жүректің жедел жеткіліксіздігі немесе вена ішіне енгізетін инотроптық емді қажет ететін, жүрек жеткіліксіздігінің декомпенсация сатысы • кардиогендік шок • II және III дәрежелі атриовентрикулярлы блокада (электрокардиостимуляторсыз) • синустық түйін әлсіздігі синдромы • синоатриальді блокада • симптоматикалық брадикардия • симптоматикалық гипотензия • ауыр бронх демікпесі • шеткері артериялар обтурацияланған аурудың кешеуілдеген сатылары немесе Рейно ауруы • емделмеген феохромоцитома • метаболизмдік ацидоз • 18 жасқа дейінгі балалар мен жасөспірімдер (тиімділігі және қауіпсіздігі анықталған жоқ) • жүктілік кезеңі және бала емізу

Препараттың жағымсыз әсерлерінің жиілігіне келесідей бағаланады: Жиі: 1/100, 1/10 Жиі емес: 1/1000, 1/100 Сирек: 1/10 000, 1/1 000 Өте сирек: 1/10 000 Белгісіз: қолда бар деректер негізінде баға беру мүмкін емес Жиі • бас айналу*, бас ауыру* • жүректің айнуы, құсу, диарея, іш қату • суықты сезіну немесе аяқ-қолдың ұюы • шаршау* Жиі емес • брадикардия, атриовентрикулярлы өткізгіштіктің бұзылулары, бұрыннан бар жүрек жеткіліксіздігінің нашарлауы • бронх демікпесі немесе анамнезінде тыныс алу ағзаларының обструкциялық ауруы бар пациенттерде бронхтың түйілуі • бұлшықет әлсіздігі, бұлшықеттің түйілуі • гипотензия • астения • депрессия, ұйқының бұзылуы Сирек • триглицеридтер деңгейінің жоғарылауы, бауыр ферменттері (АЛТ, АСТ) деңгейлерінің жоғарылауы • естен тану • көзден жас ағудың (пациенттің жанаспалы линза тағуын ескерген жөн) • естудің нашарлауы • аллергиялық ринит • қышыну, қызару, бөртпе, ангионевроздық ісіну сияқты аса жоғары сезімталдық реакциялары • гепатит • эректильді дисфункция • қорқынышты түс көру, елестеулер Өте сирек • конъюнктивит • шаштың түсуі. Бета-блокаторлар псориазға түрткі болуы немесе өршітуі немесе псориаз типті бөртпені туындатуы мүмкін. *Бұл симптомдар емнің бас кезінде жиі пайда болады. Олар, әдеттегідей, қарқындылығы аз сипатта болады және әдетте 1-2 апта ішінде жоғалады. Кез келген күдік тудыратын жағымсыз құбылыстарды мәлімдеп отыру өте маңызды. Бұл осы дәрілік заттың пайда/қаупі арақатынасының бейінін үздіксіз бақылауға мүмкіндік береді. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Брадикардия, артериялық гипотензия, бронх түйілуі, жүректің жедел жеткіліксіздігі және гипогликемия бета-блокаторлармен артық дозаланудың анағұрлым көп таралған белгілері болып табылады. Емі: Артық дозаланған кезде бисопрололмен емдеу тоқтатылуы тиіс, және тиімді және симптоматикалық ем басталуы тиіс. Шектеулі, бірақ қолжетімді деректер бисопролол диализ жолымен шығарылады деп болжам жасауға мүмкіндік береді. Брадикардия: Атропинді вена ішіне енгізу. Талапқа сай емес жауап кезінде орципреналин немесе оң хронотропты қасиеттері бар басқа агенттер сақтықпен қолданылуы мүмкін. Кейбір жағдайларда электрокардиостимуляторды вена арқылы имплантациялау қажет болуы мүмкін. Гипотензия: Вазопрессорларды вена ішіне енгізу және инфузиялау. Сондай-ақ вена ішіне глюкагон да тиімді болуы мүмкін. АВ-блокада (екінші немесе үшінші дәрежедегі): Пациенттер мұқият бақылауда болуы тиіс, сондай-ақ оларға орципреналин құю қажет. Қажет болған кезде ауыспалы кардиостимуляторларды имплантациялаған жөн. Жүрек жеткіліксіздігінің жедел нашарлауы: диуретиктерді, оң инотроптық дәрілерді, сондай-ақ вазодилаторларды вена ішіне енгізу. Бронх түйілуі: бронходилататорларды, мысалы, орципреналинді, β2-симпатомиметиктерді және/немесе эуфиллинді енгізу. Гипогликемия: глюкозаны вена ішіне енгізу.

Аллергиялық реакциялар: Басқа бета-блокаторлар жағдайындағыдай, Конкор® препараты аллергендерге сезімталдықты да, сонымен қатар анафилаксиялық реакциялардың айқындылығын да арттыруы мүмкін. Мұндай жағдайларда адреналин қалаған емдік әсермен әрдайым қамтамасыз ете бермеуі мүмкін. Тыныс алу жүйесі: кардиоселективті (β1) бета-блокаторлар, селективті бета-блокаторлармен салыстырғанда, басқа бета-блокаторлар сияқты өкпенің функциясына азырақ әсерін тигізуі мүмкін, егер оларды қолдануға орынды себептер жоқ болса, тыныс жолдарының обструкциялық аурулары бар пациенттерге қолданылмауы тиіс. Егер мұндай себептер бар болса, Конкор® препараты сақтықпен пайдаланылуы мүмкін. Бронх демікпесінде немесе симптомдарымен қатар жүретін басқа созылмалы обструкциялық дисфункцияларда қатар жүретін бронхолитикалық ем қолданылады. Демікпесі бар пациенттерде сирек жағдайларда тыныс жолдарының кедергісі ұлғаюы мүмкін, ол β2-симпатомиметиктердің дозасын арттыруды қажет етеді. Жалпы анестезия: Жалпы анестезия қабылдаған пациенттерде бета-блокаторлар кіріспе наркоз, интубация кезінде және операциядан кейін аритмиялар және миокард ишемиясының қаупін азайтады. Қазіргі таңда бета-блокаторларды периоперациялық түрде қолдануды жалғастыру ұсынылады. Анестезиолог пациенттің бета-блокаторларды қабылдап жүргенінен хабардар болуы тиіс, өйткені брадиаритмияға, рефлекторлы тахикардияның бәсеңдеуіне, сондай-ақ қан жоғалтуға жол бермеудің рефлекторлық қабілетінің төмендеуіне әкеп соғатын басқа дәрілік заттармен өзара әрекеттесуі мүмкін. Егер операцияға дейін бета-блокаторлармен емдеуді тоқтату қажет болса, онда ол біртіндеп жасалуы және анестезияға дейін шамамен 48 сағат ішінде толық аяқталуы тиіс. Псориаз: Анамнезінде псориаз бар пациенттерге бета-блокаторлар (мысалы, бисопролол) пайда/қаупін мұқият бағалағаннан кейін ғана тағайындалуы тиіс. Феохромоцитома: Феохромоцитомасы бар пациенттерге бисопролол альфа-адренорецепторлардың блокадасынан кейін ғана енгізілуі тиіс. Тиреотоксикоз: Бисопрололмен емдеген кезде тиреотоксикоз симптомдары байқалмауы мүмкін. Конкор® препаратын қолдану допинг-тесттердің оң нәтижелеріне әкелуі мүмкін. Сақтықпен • жүрек жеткіліксіздігімен қатар жүретін гипертония немесе стенокардия • қандағы глюкоза деңгейі едәуір ауытқып отыратын қант диабеті; бүркемеленуі мүмкін гипогликемия симптомдары (мысалы, тахикардия, жүрек қағуының жиілеуі немесе тершеңдік) • қатаң диета • ұзаққа созылатын десенсибилизациялаушы ем • АВ-блокаданың бірінші сатысы • Принцметал стенокардиясы; қантамырлардың коронарлық спазм жағдайлары байқалды. Жоғары бета1-селективтілікке қарамастан, Принцметал стенокардиясы бар пациенттерге бисопрололды тағайындағанда стенокардия ұстамаларын толығымен жоққа шығаруға болмайды • шеткері артериялар обтурацияланған ауру (әсіресе емнің басында шағымдар көбеюі мүмкін) Арнайы ескертулер Аллергиялық реакциялар: Басқа бета-блокаторлар жағдайындағы сияқты, Конкор® препараты аллергендерге сезімталдықты да, сонымен қатар анафилаксиялық реакциялардың айқындылығын да арттыруы мүмкін. Мұндай жағдайларда адреналин қалаған емдік әсермен әрдайым қамтамасыз ете бермеуі мүмкін. Тыныс алу жүйесі: кардиоселективті (β1) бета-блокаторлар, селективті бета-блокаторлармен салыстырғанда, басқа бета-блокаторлар сияқты өкпенің функциясына азырақ әсерін тигізуі мүмкін, егер оларды қолдануға орынды себептер жоқ болса, тыныс жолдарының обструкциялық аурулары бар пациенттерге қолданылмауы тиіс. Егер мұндай себептер бар болса, Конкор® препараты сақтықпен пайдаланылуы мүмкін. Бронх демікпесінде немесе симптомдарымен қатар жүретін басқа созылмалы обструкциялық дисфункцияларда қатар жүретін бронхолитикалық ем қолданылады. Демікпесі бар пациенттерде сирек жағдайларда тыныс жолдарының кедергісі ұлғаюы мүмкін, ол β2-симпатомиметиктердің дозасын арттыруды қажет етеді. Жалпы анестезия: Жалпы анестезия қабылдаған пациенттерде бета-блокаторлар кіріспе наркоз, интубация кезінде және операциядан кейін аритмиялар және миокард ишемиясының қаупін азайтады. Қазіргі таңда бета-блокаторларды периоперациялық түрде қолдануды жалғастыру ұсынылады. Анестезиолог пациенттің бета-блокаторларды қабылдап жүргенінен хабардар болуы тиіс, өйткені брадиаритмияға, рефлекторлы тахикардияның бәсеңдеуіне, сондай-ақ қан жоғалтуға жол бермеудің рефлекторлық қабілетінің төмендеуіне әкеп соғатын басқа дәрілік заттармен өзара әрекеттесуі мүмкін. Егер операцияға дейін бета-блокаторлармен емдеуді тоқтату қажет болса, онда ол біртіндеп жасалуы және анестезияға дейін шамамен 48 сағат ішінде толық аяқталуы тиіс. Псориаз: Анамнезінде псориаз бар пациенттерге бета-блокаторлар (мысалы, бисопролол) пайда/қаупін мұқият бағалағаннан кейін ғана тағайындалуы тиіс. Феохромоцитома: Феохромоцитомасы бар пациенттерге бисопролол альфа-адренорецепторлардың блокадасынан кейін ғана енгізілуі тиіс. Тиреотоксикоз: Бисопрололмен емдеген кезде тиреотоксикоз симптомдары байқалмауы мүмкін. Конкор® препаратын қолдану допинг-тестілердің оң нәтижелеріне әкелуі мүмкін. Көлік құралын немесе қауіптілігі зор механизмдерді басқару қабілетін дәрілік заттың ықпал ету ерекшеліктері Бисопролол жүректің коронарлы ауруларынан зардап шегіп жүрген пациенттерді зерттегенде автомобильді басқару қабілетіне ықпалын тигізген жоқ. Алайда жекелей реакцияларының салдарынан автомобильді басқару немесе техникалық күрделі механизмдермен жұмыс жасау қабілеттері нашарлауы мүмкін. Бұған емді бастағанда, дозасын өзгерткеннен кейін, сондай-ақ алкогольмен бір мезгілде қолданғанда ерекше көңіл бөлген жөн.

Нұсқаулықта көрсетілмеген.

Басқа препараттарды бір мезгілде қолдану препараттың әсеріне және жағымдылығына ықпалын тигізуі мүмкін. Осындай өзара әрекеттесулер, егер басқа препаратты қабылдағаннан кейін тым аз уақыт өтсе де, орын алуы мүмкін. Пациенттер мен оларға күтім жасайтын адамдарға, сондай-ақ отбасы мүшелеріне қатарлас жүретін ем туралы хабарлау қажеттілігі жайлы хабардар ету қажет. Келесі препараттармен бір мезгілде қолдану ұсынылмайды: Верапамил типті кальций антагонистері және аз дәрежеде дилтиаземді Конкор® препаратымен бір мезгілде қолданғанда жүрек бұлшықеттерінің жиырылғыштық қабілетінің төмендеуіне әкелуі және атриовентрикулярлы импульстердің жүруін кідіртуі мүмкін. Атап айтқанда, верапамилді бета-блокаторлармен ем қабылдап жүрген пациенттерге вена ішіне енгізу терең гипотензияға және атриовентрикулярлы блокадаға әкеп соғуы мүмкін. Гипертензияға қарсы орталық әсері бар препараттар (мысалы, клонидин, метилдопа, моксонидин, резерпин сияқты) ЖЖЖ және жүрек лықсуының қысқаруына, сондай-ақ орталық симпатикалық тонустың нашарлауы салдарынан вазодилатацияға әкелуі мүмкін. Күрт тоқтату, әсіресе бета-блокаторларды тоқтатқанға дейін, «рикошетті» гипертензияның даму қаупін арттыруы мүмкін. Келесі препараттармен бірге сақтықпен қолдану керек: Аритмияға қарсы І класс дәрілері (мысалы, хинидин, дизопирамид, лидокаин, фенитоин, флекаинид, пропафенон): атриовентрикулярлы өткізгіштік уақытына ықпалын тигізеді, сондай-ақ теріс инотроптық әсері артуы мүмкін. Дигидропиридин типті кальций өзекшелерінің блокаторлары (мысалы, нифедипин): бірге қолдану гипотензия қаупін арттыруы мүмкін, сондай-ақ жүрек жеткіліксіздігі бар пациенттерде қарыншаның айдау функциясының бұзылуы да жоққа шығарылмайды. Аритмияға қарсы ІІІ класс дәрілері (мысалы, амиодарон): атриовентрикулярлы өткізгіштік уақытына ықпалы күшеюі мүмкін. Парасимпатомиметиктер: біріктірілген ем атриовентрикулярлы өткізгіштік уақытын арттыруы және брадикардия қаупін ұлғайтуы мүмкін. Бета-блокаторларды (мысалы, глаукоманы емдеуге арналған көзге тамызатын дәрілер) бисопрололдың жүйелік әсерін күшейтуі мүмкін. Инсулиннің және диабетке қарсы дәрілердің қантты төмендететін әсері күшеюі мүмкін. β-адренорецепторлардың блокадасы гипогликемия симптомдарын жасыруы мүмкін. Анестезиялайтын препараттар: рефлекторлы тахикардияны бәсеңдетеді және гипотензия қаупін арттырады. Жүрек гликозидтері: жүректің жиырылу жиілігі төмендейді, атриовентрикулярлы өткізгіштік уақыты артады. Қабынуға қарсы стероидты емес препараттар (ҚҚСП): Конкор® препаратының гипотензиялық әсерін төмендетуі мүмкін. β-симпатомиметиктер (мысалы, добутамин, орципреналин): бисопрололмен біріктіру екі агенттің де әсерін төмендетуі мүмкін. Аллергиялық реакцияларды емдеу үшін адреналиннің өте жоғары дозалары қажет болуы мүмкін. α- және β-рецепторлары белсендіретін симпатомиметиктер (мысалы, адреналин, норадреналин): қан қысымы артуы және мезгіл-мезгіл ақсақтық өршуі мүмкін. Мұндай өзара әрекеттесулер селективтік емес бета-блокаторларды қолданған кезде көбірек болуы мүмкін. Трициклді антидепрессанттар, барбитураттар, фенотиазиндер, сондай-ақ гипертензияға қарсы басқа да дәрілер: гипотензиялық әсер күшейеді. Келесі препараттарды бірге қолданғанда келесі ескертулер назарға алынуы тиіс: Мефлохин: брадикардия қаупі ұлғаяды. Моноаминоксидаза тежегіштерін (МАО-В тежегіштерінен басқасы): бета-блокаторлардың жоғары гипотензиялық әсері, сондай-ақ гипертониялық криз қаупі бар.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 30 оС-ден аспайтын температурада сақтау керек. Балалардың қолы жетпейтін жерде сақтау керек!