Конкор® Кор таблетки 2.5 мг

Бір таблетканың құрамында белсенді зат: 2.5 мг бисопролол фумараты қосымша заттар: Ядросы: сусыз кальций гидрофосфаты, жүгері крахмалы, ұсақ ұнтақ, сусыз коллоидты кремнийдің қостотығы, микрокристалды целлюлоза, кросповидон, магний стеараты Үлбірлі қабықтың құрамы: гипромеллоза 2910/15, макрогол 400, диметикон 100, титанның қостотығы (Е 171) Сыртқы түрінің, иісінің, дәмінің сипаттамасы Ұзындығы шамамен 7.8 мм, ені шамамен 6.7 мм, қалыңдығы шамамен 2.6 мм жүрек пішіндес, екі беті дөңес, екі жағында сызығы бар, үлбірлі қабықпен қапталған ақ түсті таблеткалар.

- сол жақ қарыншаның систолалық функциясы төмендеген тұрақты созылмалы жүрек жеткіліксіздігін емдеу, ангиотензин өзгертетін фермент тежегіштері (АӨФт) мен диуретиктерге және опциональді түрде, жүрек гликозидтеріне қосымша ретінде

Әсер ету механизмі Бисопролол, Конкор Кор препаратының әсер етуші заты, бұл - клиникалық мәнді жарғақша тұрақтандыратын әсері жоқ, өзіндік симпатомиметикалық белсенділіксіз жоғары селективті бета1-адреноблокатор. Бисопролол тамырлардың және бронхтардың тегіс бұлшықеттерінің бета2-рецепторларымен, сондай-ақ зат алмасу реттелісіне қатысты бета2-рецепторларымен өте төмен ұқсастық иеленген. Сондықтан, бисопролол жалпы тыныс алу жолдарының төзімділігін және бета2 түрткі болған метаболизмдік әсерлерді тудырмайды. Препараттың бета1-рецепторларына таңдамалы әсер етуі емдік доза шегінен тыс таралады. Клиникалық тиімділігі және қауіпсіздігі CIBIS II зерттеуге барлығы 2647 пациент кірді. 83% (n = 2202) NYHA бойынша III класс ретінде және NYHA бойынша IV класс ретінде 17% (n = 445) жіктелді. Барлық пациенттерде тұрақты симптоматикалық жүрек жеткіліксіздігі (эхокардиография деректері бойынша EF ≤ 35%) болды. Барлық себептерден өлім плацебо тобында 17,3% - ды және бисопрололол тобында 11,8% - ды (салыстырмалы түрде 34% - ға төмендеді) құрады. Жүрек жеткіліксіздігінің декомпенсация себептері бойынша кенеттен өлімнің төмендеуі (6,3% қарсы 3,6%, салыстырмалы төмендеу 44%) және ауруханаға жатқызу (17,6% қарсы 12%, салыстырмалы төмендеу 36%) байқалды. Пациенттердің клиникалық жағдайы елеулі жақсарды (NYHA жіктемесіне сәйкес). Бисопрололмен емдеудің басында және титрлеу фазасы кезінде пациенттер брадикардиямен (0,53%), гипотониямен (0,23%) немесе жедел декомпенсациямен (4,97%) ауруханаға жатқызылды. Алайда, ауруханаға жатқызу плацебо тобына (тиісінше 0%, 0,3% немесе 6,74%) қарағанда бисопролол тобында жиі болған жоқ. Зерттеудің бүкіл кезеңінде инсульт, кейіннен өліммен аяқталатын немесе кейіннен мүгедектікпен инсульт плацебо тобындағы 15 пациентке қарсы бисопролол тобындағы 20 пациентте орын алды. CIBIS-III зерттеуі жеңіл және ауырлығы орташа дәрежедегі созылмалы жүрек жеткіліксіздігі бар (CHF; NYHA II немесе III класс) ≥ 65 жастағы және сол жақ жүрекшенің лықсуы ≤ 35%, алдын ала АӨФ тежегіштерін, бета-блокаторларын немесе ангиотензинді рецепторлардың блокаторларын қабылдамаған 1010 пациентті бағалады. Бисопрололмен немесе эналаприлмен бастапқы фазадан кейін 6 ай бойы пациенттер бисопролол және эналаприл біріктірілімімен 6-24 ай бойы емделді. Бисопрололмен емдеудің алғашқы 6 айында жүрек жеткіліксіздігінің жиі нашарлау үрдісі байқалды. Хаттамаға сәйкес талдау эналаприлмен бастапқы еммен салыстырғанда бисопрололмен бастапқы емнің тиімсіздігін көрсеткен жоқ. Дегенмен, СЖЖ емін индукциялау үшін екі стратегия өлім мен ауруханаға жатқызуды (халық хаттамасына сәйкес: 32,4% - бен эналаприлмен бастапқы еммен 33,1% - ға қарсы бисопрололмен бастапқы еммен) біріктіруге арналған бірдей көрсеткіштермен байланысты болды. Зерттеу көрсеткендей, бисопрололды жеңіл және орташа ауырлықтағы созылмалы жүрек жеткіліксіздігі бар егде жастағы пациенттерде де қолдануға болады. Созылмалы жүрек жеткіліксіздігінсіз жүректің ишемиялық ауруы бар пациенттерге шұғыл емдеу ретінде тағайындағанда бисопролол жүрек жиырылу жиілігін және жүректің соғу көлемін төмендетеді, осылайша жүрек лықсуы мен оттегінің тұтынылуын төмендетеді. Тұрақты пайдалану кезінде бастапқыда жоғары шеткері кедергі азаяды.

Дозалану режимі СЖЖ (созылмалы жүрек жеткіліксіздігі) стандартты емі АӨФт (немесе, АӨФт көтере алмаған жағдайда, ангиотензинге блокатор рецепторлары), бета-блокатор, диуретиктер, қажет болған жағдайда, жүрек гликозидтерінен тұрады. Бисопролмен емдеуді бастағанда пациенттердің жағдайы тұрақты болуы керек (жедел жүрек жеткіліксіздігінсіз). Емдеуші дәрігердің СЖЖ пациенттерді емдеуде тәжірибесі болғаны жөн. Дозалары Тұрақты созылмалы жүрек жеткіліксіздігін емдеуді Конкор® Кор препаратымен бастау міндетті түрде арнайы титрлеу фазасын жүргізуді талап етеді. Конкор® Кор препаратымен созылмалы жүрек жеткіліксіздігін емдеу төмендегі дозаны біртіндеп титрлеу сызбасына сәйкес басталады. Пациенттің тағайындалған дозаны қаншалықты жақсы көтере алуына қарай жекеше дағдылану талап етілуі мүмкін, яғни алдыңғы дозаны жақсы көтере алған жағдайда ғана дозаны арттыруға болады. 1 апта — 1,25 мг — бисопролол фумараты (2.5 мг Конкор® Кор 1/2 таблетка) күн сайын күніне бір рет 2 апта — 2.5 мг — бисопролол фумараты (2.5 мг Конкор® Кор 1 таблетка) күн сайын күніне бір рет 3 апта — 3,75 мг — бисопролол фумараты (2.5 мг Конкор® Кор 1,5 таблетка) күн сайын күніне бір рет 4-7 апта — 5 мг — бисопролол фумараты күн сайын күніне бір рет* 8-11 апта — 7,5 мг — бисопролол фумараты күн сайын күніне бір рет* 12 апта және одан кейін — 10 мг — бисопролол фумараты күн сайын күніне бір рет демеуші ем ретінде * Тұрақты созылмалы жүрек жеткіліксіздігін бастапқы емдеуге 2.5 мг Конкор® Кор жарамды. Бисопролол фумаратының ұсынылатын ең жоғарғы дозасы күніне бір рет 10 мг құрайды. Титрлеу фазасы кезінде және одан кейін жүрек жеткіліксіздігінің уақытша нашарлауы, гипотензия немесе брадикардия байқалуы мүмкін. Сондықтан тіршілік қабілетінің көрсеткіштерін (қан қысымы, ЖЖЖ) және жүрек жеткіліксіздігінің өршуінің симптомдарын мұқият бақылау керек. Симптомдар ем басталуының бірінші күні-ақ пайда болуы мүмкін. Емдеу модификациясы Егер титрлеу фазасы кезінде немесе одан кейін жүрек жеткіліксіздігінің уақытша нашарлауы байқалса, гипотензия немесе брадикардия дамыса, қатарлас препараттың дозалануын қайта қарау ұсынылады. Сондай-ақ, бисопролол дозалануын уақытша азайту немесе емдеуді тоқтата тұру қажет болады. Пациенттің жағдайы тұрақтанғаннан кейін қайта титрлеуді жүргізген немесе емдеуді жалғастырған жөн. Барлық көрсетілімдер үшін емдеу ұзақтығы Конкор® Кор препаратымен емдеу әдетте ұзаққа созылады. Емдеуді күрт тоқтату және дәрігермен кеңеспей, ұсынылған дозаны өзгерту ұсынылмайды, өйткені бұл жүрек жағдайының уақытша нашарлауына әкеп соқтырады. Әсіресе, ишемиялық жүрек ауруы бар пациенттерде емді күрт тоқтатуға болмайды. Егер емдеуді тоқтата тұру қажет болса, доза біртіндеп азайтылуы тиіс. Емдеуді бастағанда және Конкор® Кор препаратын қабылдауды тоқтатқанда пациенттерді мұқият мониторингілеу керек. Пациенттердің ерекше топтары Бүйрек немесе бауыр функциясының бұзылуы Созылмалы жүрек жеткіліксіздігі және қатарлас бауыр немесе бүйрек жеткіліксіздігі бар пациенттерде бисопрололдың фармакокинетикасы бойынша қосымша деректер жоқ. Пациенттердің осы тобында дозаны титрлеуді ерекше сақтықпен жүргізу керек. Егде жастағы пациенттер Дозаны реттеу қажет емес. Қабылдау уақыты көрсетілген қолдану жиілігі Конкор® Кор препаратын тамақ ішуге байланыссыз таңертең қабылдау керек. Таблетканы сұйықтықтың аздаған мөлшерін іше отырып, қабылдау керек. Таблетканы шайнауға болмайды.

Конкор® Кор препараты келесі аурулары бар пациенттерде қолдануға қарсы көрсетілген: • бисопрололға немесе қосымша заттардың кез келгеніне аса жоғары сезімталдық • жүректің жедел жеткіліксіздігі немесе вена ішіне инотропты ем жүргізуді талап ететін жүрек жеткіліксіздігінің декомпенсациясы эпизодтары кезінде • кардиогендік шок • екінші немесе үшінші дәрежелі атриовентрикулярлық блокада • синустық түйін әлсіздігі синдромы • синоатриальді блокада • симптоматикалық брадикардия • симптоматикалық гипотензия • ауыр бронх демікпесі • артериялардың шеткері окклюзиялық зақымдануларының ауыр түрлері немесе Рейно синдромы • емделмеген феохромоцитома • метаболизмдік ацидоз • балалар мен 18 жасқа дейінгі жасөспірімдерге

Препараттың жағымсыз әсерлерінің жиілігі келесідей бағаланады: өте жиі (≥ 1/10); жиі (≥ 1/100, < 1/10); жиі емес (≥ 1/1000, < 1/100); сирек (≥ 1/10 000, < 1/1000); өте сирек (< 1/10 000), жиілігі белгісіз (қолда бар деректер негізінде анықтау мүмкін емес). Өте жиі • брадикардия Жиі • бас айналуы, бас ауыру, жүрек жеткіліксіздігінің нашарлауы, суықты сезіну немесе аяқ-қолдың ұюы, гипотензия, жүрек айнуы, құсу, диарея, іш қату сияқты асқазан-ішек жолы қызметінің бұзылуы, әлсіздік, шаршау Жиі емес • ұйқының бұзылуы, депрессия, атриовентрикулярлық өткізгіштіктің бұзылуы, ортостаздық гипотензия, анамнезінде тыныс алу жолдарының обструкциялық аурулары немесе бронх демікпесі бар пациенттерде бронх түйілуі, бұлшықет әлсіздігі және құрысулар Сирек • қорқынышты түс көру, елестеулер, естен тану, жас бөлінудің төмендеуі (жанаспалы линзаны қолданған кезде ескеру керек), аллергиялық тұмаурату, естудің нашарлауы, гепатит, аса жоғары сезімталдық реакциялары (қышыну, қызару, бөртпе, ангионевроздық ісіну), эректильді дисфункция, триглицеридтер деңгейінің жоғарылауы, бауыр ферменттері (ACT, АЛТ) деңгейінің жоғарылауы Өте сирек • конъюнктивит, алопеция. Бета-блокаторлар псориазды ушықтыруы немесе оған түрткі болуы немесе псориазға тән бөртуді туындатуы мүмкін Егер Сіз аталған жағымсыз әсерлердің қандай да бірін немесе басқа да қолайсыз немесе күтілмеген әсерлердің кез келгенін өзіңізден тапсаңыз, өз емдеуші дәрігеріңізді хабардар етіңіз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: артық дозаланған жағдайда (мысалы, 7,5 мг орнына 15 мг тәуліктік дозада) үшінші дәрежедегі атриовентрикулярлық блокада, брадикардия және бас айналуы байқалды. Негізінен бета-блокаторлармен артық дозаланудың анағұрлым жиі кездесетін симптомдары брадикардия, гипотензия, бронх түйілуі, жүректің жедел жеткіліксіздігі мен гипогликемия болып табылады. Бүгінгі күні брадикардия және/немесе гипотензия белгілері бар гипертониямен және/немесе коронарлық жүрек ауруымен ауыратын пациенттерде бисопрололмен артық дозаланудың бірнеше жағдайлары белгілі (ең жоғары дозасы: 2000 мг); артық дозаланудан кейін барлық пациенттер сауығып кетті. Бисопрололдың бір реттік жоғары дозасына сезімталдықтың үлкен жеке құбылмалылығы бар және жүрек жеткіліксіздігі бар пациенттерде өте жоғары сезімталдық болуы мүмкін. Демек, осы пациенттерді Конкор® Кор препаратымен емдеуді міндетті түрде «Қолдану тәсілі және дозалары» бөлімінде берілген сызбаға сәйкес дозаны біртіндеп жоғарылатудан бастау керек. Емі: артық дозаланған жағдайда Конкор® Кор препаратымен емді тоқтату және демеуші және симптоматикалық ем жүргізу керек. Бисопролол диализ көмегімен шығарылмайтыны жөнінде деректер шектелген. Болжамды фармакологиялық әсерлері және басқа бета-блокаторлар бойынша ұсынымдарға сәйкес клиникалық көрсетілімдер кезінде келесі жалпы шараларды қарастыру керек. Брадикардия: атропинді вена ішіне енгізу. Егер емге реакция жеткіліксіз болса, изопреналинді немесе оң хронотропты қасиеттері бар басқа препаратты сақтықпен енгізуге болады. Кейбір жағдайларда трансвеналық кардиостимуляторды орнату қажет болуы мүмкін. Артериялық гипотензия: ерітінділер мен тамыр тарылтатын заттарды вена ішіне енгізуге болады. Сондай-ақ глюкагонды вена ішіне енгізу пайдалы болуы мүмкін. Атриовентрикулярлық блокада (екінші немесе үшінші дәрежелі): изопреналинді инфузиялық енгізу немесе трансвенозды кардиостимуляторды орнату арқылы пациенттерді мұқият мониторингілеу және ем жүргізу керек. Жүрек жеткіліксіздігінің ушығуы (жедел): диуретиктерді, инотропты препараттарды, тамыр кеңейтетін дәрілерді вена ішіне енгізу. Бронх түйілуі: изопреналин, бета2-симпатомиметиктер және/немесе аминофиллин секілді дәрілер қолданылатын бронходилататорлармен емдеу. Гипогликемия: глюкозаны вена ішіне енгізу.

Тұрақты созылмалы жүрек жеткіліксіздігін бисопрололмен емдеуді арнайы титрлеу фазасын жүргізуден бастау қажет. Бисопрололмен емдеуді, әсіресе жүректің ишемиялық ауруы бар пациенттерде күрт тоқтатпау керек, себебі бұл жүрек қызметінің уақытша нашарлауына әкелуі мүмкін. Бисопрололмен емдеуді бастау және тоқтату үнемі бақылауды қажет етеді. Сақтықпен • бронх түйілуі (бронх демікпесі, тыныс алу жолдарының обструкциялық аурулары) • қандағы глюкоза деңгейінің едәуір ауытқулары бар қант диабеті; гипогликемия симптомдары бүркемеленуі мүмкін • қатаң диета • ұзаққа созылатын десенсибилизациялаушы ем. Басқа да бета-блокаторлар сияқты, бисопролол аллергендерге сезімталдықты жоғарылатуы және анафилаксиялық реакциялар айқындығын күшейтуі мүмкін. Эпинефринмен емдеу әрдайым күтілген емдік әсермен қамтамасыз етпейді. • AV-блокадасының бірінші дәрежесі • Принцметал стенокардиясы; қантамырлардың коронарлық түйілу жағдайлары байқалған. Жоғары бета1-селективтілікке қарамастан, стенокардия ұстамаларын Принцметал стенокардиясы бар пациенттерге бисопрололды тағайындау кезінде толығымен жоққа шығаруға болмайды • артериялардың шеткері окклюзиялық зақымданулары (симптомдардың күшеюі мүмкін, әсіресе ем басталғаннан кейін) • жалпы анестезия Пациенттердің ерекше топтары: қазіргі кезде жүрек жеткіліксіздігі және қатарлас I типті инсулинге тәуелді диабеті, бүйрек функциясының ауыр бұзылулары, бауыр функциясының ауыр бұзылулары, рестриктивті кардиомиопатиясы, гемодинамиканы бұзатын туа біткен жүрек аурулары немесе жүрек клапандарының органикалық ақаулары бар пациенттерде Конкор® Кор препаратын қолданудың жеткілікті емдік тәжірибесі жоқ. Сондай-ақ, алғашқы 3 айда жүрек жеткіліксіздігі және миокард инфарктісі бар пациенттерде Конкор® Кор препаратын қолданудың жеткілікті емдік тәжірибесі жоқ. Жалпы анестезия: жалпы наркоз жасалған пациенттерде, бета-адренергиялық рецепторлардың блокадасы анестезия мен интубация индукциясы кезінде және операциядан кейінгі кезеңде аритмия мен миокард ишемиясының даму жиілігін төмендетеді. Қазіргі уақытта бета-адренергиялық рецепторлардың блокадасын периоперациялық түрде жалғастыру ұсынылады. Анестезиолог-дәрігерді басқа препараттармен өзара әрекеттесу мүмкіндігіне байланысты бета-адренергиялық рецепторлар блокаторларын қабылдау жөнінде міндетті түрде ескерту керек, бұл брадиаритмияның дамуына, рефлекторлы тахикардияның бәсеңдеуіне және қан жоғалтуды рефлекторлы қалпына келтіру қабілетінің төмендеуіне әкелуі мүмкін. Операциялық араласым алдында бета-блокаторлармен емді тоқтату қажеттігі кезінде оны біртіндеп жүзеге асыру және наркозға дейін 48 сағат бұрын аяқтау керек. Тыныс алу жүйесі: кардиоселективті (β1) бета-блокаторлар селективті емес бета-блокаторлармен салыстырғанда, өкпенің функциясына аз әсер етуі мүмкін болғанмен, басқа да бета-блокаторлар секілді, егер оларды қолдану үшін шұғыл себептері болмаса, оларды тыныс жолдарының обструкциялық ауруларымен пациенттермен қолдануға болмайды. Егер осындай себептер болса, Конкор® Кор препаратын сақтықпен қолдану керек. Тыныс алу жолдарының обструкциялық ауруларымен пациенттерде Конкор® Кор препаратымен емдеуді мүмкіндігінше ең төмен дозамен бастау керек. Одан басқа, пациенттерде жаңа симптомдардың (мысалы, ентігу, дене жүктемесін көтере алмау, жөтел) пайда болуына мұқият мониторинг жүргізілуі керек. Симптомдарды туындатуы мүмкін, бронх демікпесінде немесе басқа да өкпенің созылмалы обструкциялық ауруларында бір мезгілде бронходилатациялайтын препараттарды тағайындау керек. Демікпесі бар пациенттерде тыныс алу жолдарының кедергісі жоғарылауы мүмкін, сондықтан бета2-стимуляторларының дозасын арттыру қажет болуы мүмкін. Псориаз: псориазға шалдыққан немесе анамнезінде псориаз бар пациенттер пайда және қауіп арақатынасын мұқият салыстырғаннан кейін ғана бета-блокаторларды (мысалы, бисопролол) қабылдауы керек. Феохромоцитома: феохромоцитомасы бар пациенттерде Конкор® Корды альфа-рецепторлардың алдыңғы блокадасынан кейін ғана тағайындауға болады. Тиреотоксикоз: Конкор® Кор препаратымен емдегенде қалқанша без гиперфункциясының симптомдары (тиреотоксикоз) бүркемеленуі мүмкін. Арнайы сақтандырулар Конкор® Кор препаратын қолдануды титрлеудің міндетті фазасынан бастау қажет. Пациенттердің ерекше топтары: қазіргі кезде жүрек жеткіліксіздігі және қатарлас I типті инсулинге тәуелді диабеті, бүйрек функциясының ауыр бұзылулары, бауыр функциясының ауыр бұзылулары, рестриктивті кардиомиопатиясы, гемодинамиканы бұзатын туа біткен жүрек аурулары немесе жүрек клапандарының органикалық ақаулары бар пациенттерде Конкор® Кор препаратын қолданудың жеткілікті емдік тәжірибесі жоқ. Сондай-ақ, алғашқы 3 айда жүрек жеткіліксіздігі және миокард инфарктісі бар пациенттерде Конкор® Кор препаратын қолданудың жеткілікті емдік тәжірибесі жоқ. Жалпы анестезия: жалпы наркоз жасалған пациенттерде, бета-адренергиялық рецепторлардың блокадасы анестезия мен интубация индукциясы кезінде және операциядан кейінгі кезеңде аритмия мен миокард ишемиясының даму жиілігін төмендетеді. Қазіргі уақытта бета-адренергиялық рецепторлардың блокадасын периоперациялық түрде жалғастыру ұсынылады. Анестезиолог-дәрігерді басқа препараттармен өзара әрекеттесу мүмкіндігіне байланысты бета-адренергиялық рецепторлар блокаторларын қабылдау жөнінде міндетті түрде ескерту керек, бұл брадиаритмияның дамуына, рефлекторлы тахикардияның бәсеңдеуіне және қан жоғалтуды рефлекторлы қалпына келтіру қабілетінің төмендеуіне әкелуі мүмкін. Операциялық араласым алдында бета-блокаторлармен емді тоқтату қажеттігі кезінде,оны біртіндеп жүргізу және наркозға дейін 48 сағат бұрын аяқтау керек. Тыныс алу жүйесі: кардиоселективті (β1) бета-блокаторлар селективті емес бета-блокаторлармен салыстырғанда, өкпенің функциясына аз әсер етуі мүмкін болғанмен, басқа да бета-блокаторлар секілді, егер оларды қолдану үшін шұғыл себептері болмаса, оларды тыныс алу жолдарының обструкциялық ауруларымен пациенттермен қолдануға болмайды. Егер осындай себептер болса, Конкор® Кор препаратын сақтықпен қолдану керек. Тыныс жолдарының обструкциялық ауруларымен пациенттерде Конкор® Кор препаратымен емдеуді мүмкіндігінше ең төмен дозамен бастау керек. Одан басқа, пациенттерде жаңа симптомдардың (мысалы, ентігу, дене жүктемесін көтере алмау, жөтел) пайда болуына мұқият мониторинг жүргізілуі керек. Симптомдарды туындатуы мүмкін, бронх демікпесінде немесе басқа да өкпенің созылмалы обструкциялық ауруларында бір мезгілде бронходилатациялайтын препараттарды тағайындау керек. Демікпесі бар пациенттерде тыныс алу жолдарының кедергісі жоғарылауы мүмкін, сондықтан бета2-стимуляторларының дозасын арттыру қажет болуы мүмкін. Псориаз: псориазға шалдыққан немесе анамнезінде псориаз бар пациенттер пайда және қауіп арақатынасын мұқият салыстырғаннан кейін ғана бета-блокаторларды (мысалы, бисопролол) қабылдауы керек. Феохромоцитома: феохромоцитомасы бар пациенттерде Конкор® Корды альфа-рецепторлардың алдыңғы блокадасынан кейін ғана тағайындауға болады. Тиреотоксикоз: Конкор® Кор препаратымен емдегенде қалқанша без гиперфункциясының симптомдары (тиреотоксикоз) бүркемеленуі мүмкін.

Жүктілік Бисопрололдың фармакологиялық әсері жүктілікке және/немесе шаранаға/жаңа туған нәрестеге зиянды әсер етуі мүмкін. Әдетте, бета-адренергиялық рецепторлардың блокаторлары плаценталық қан ағымын төмендетеді, ол бой өсудің баяулауымен, жатырішілік өлім, түсік тастау немесе мерзімінен бұрын ерте босанумен байланысты. Жағымсыз әсерлер (мысалы, гипогликемия және брадикардия) шарана мен жаңа туған нәрестеде пайда болуы мүмкін. Егер бета-адренергиялық рецепторлардың блокаторларымен емдеу қажет болса, бета1-адренорецепторлардың селективті блокаторларын қабылдаған дұрысырақ. Конкор® Кор препараты тек талассыз қажеттігінде қолданылуы мүмкін. Егер Конкор® Кор препаратымен емдеу қажет болса, жатыр-плаценталық қан ағымы мен шарананың өсуін бақылау керек. Жүктілік немесе шаранаға жағымсыз әсер еткен жағдайда баламалы емдеу әдістері мүмкіндігін қарастыру керек. Босанудан кейін жаңа туған нәрестені мұқият бақылау керек. Гипогликемия және брадикардия симптомдарын әдетте өмірінің алғашқы үш күні ішінде күту керек. Лактация кезеңі Бисопрололдың ана сүтіне бөлініп шығуы жөнінде деректер жоқ. Демек, Конкор® Кор препаратын қолдану кезеңінде лактация ұсынылмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бисопролол көлік жүргізу қабілетіне ықпал етпейді, алайда, пациенттің емдеу үдерісінде препаратқа деген жекелей сезімталдығы белгілі болмайынша, көлікті басқарудан немесе қауіптілігі зор басқа механизмдермен жұмыс жасаудан аулақ бола тұру ұсынылады. Сондай-ақ емдеуді бастар алдында, емді ауыстырған кезде, сондай-ақ бір мезгілде алкоголь тұтынған кезде ерекше назар аударған жөн.

Басқа препараттарды бір мезгілде қабылдау препараттың тиімділігіне және көтерімділігіне ықпал етуі мүмкін. Егер басқа препаратты қабылданған сәттен тым аз уақыт өтсе, осындай өзара әрекеттесулер орын алуы мүмкін. Егер Сіз қандай да бір басқа препараттар қабылдап жүрсеңіз, тіпті Сізге оларды Сіздің дәрігеріңіз тағайындамаса да, өз емдеуші дәрігеріңізді хабардар етіңіз. Бір мезгілде қабылдау ұсынылмайды Верапамил және аз дәрежеде дилтиазем секілді кальций антагонистері, Конкор® Кор препаратымен бір мезгілде қолданғанда жүрек бұлшықетінің жиырылу қабілетінің төмендеуіне әкелуі және атриовентрикулярлық импульстердің берілуін кідіртуі мүмкін. Атап айтқанда, бета-блокаторлармен ем алып жүрген пациенттерге верапамилді вена ішіне енгізу терең гипотензияға және атриовентрикулярлық блокадаға алып келеді. Аритмияға қарсы 1 класс дәрілері (мысалы, хинидин, дизопирамид, лидокаин, фенитоин; флекаинид, пропафенон) жүрек бұлшықетінің жиырылу қабілетіне және атриовентрикулярлық өткізгіштікке қатысты Конкор® Кор препаратының бәсеңдету әсерін күшейте алады. Орталықтан әсер ететін гипертензияға қарсы препараттарды (клонидин, метилдопа, моксонидин, рилменидин сияқты) бисопрололмен бір мезгілде қолдану орталық симпатикалық тонустың төмендеуі салдарынан (жүректің жиырылу жиілігі мен жүрек лықсуының төмендеуі, вазодилатация) жүрек жеткіліксіздігін ушықтыруы мүмкін. Кенеттен, әсіресе, бета-блокаторларды тоқтатуға дейін тоқтату «рикошетті» гипертензияның даму қаупін арттыра алады. Бір мезгілде қабылдаған кезде сақ болу талап етіледі Дигидропиридин типі бойынша кальций антагонистері (мысалы, фелодипин, амлодипин) Конкор® Кор препаратымен бір мезгілде қолданылғанда гипотензияның даму қаупін арттырады. Жүрек жеткіліксіздігі бар пациенттерде қарыншалардың айдау функциясының кейіннен нашарлау қаупін жоққа шығаруға болмайды. Аритмияға қарсы ІІІ класс препараттары (мысалы, амиодарон) Конкор® Кор препаратының атриовентрикулярлық импульстер өту әсерінің бәсеңдетілуін күшейте алады. Жергілікті бета-блокаторлардың әсері (мысалы, глаукоманы емдеуге арналған көзге тамызатын дәрі) Конкор® Кор препаратының жүйелік әсерлерімен қосылуы мүмкін. Парасимпатомиметикалық препараттар Конкор® Кор препаратымен бір мезгілде қолданылғанда атриовентрикулярлық импульстердің өтуін бәсеңдету әсерін күшейтіп, брадикардияның даму қаупін арттыра алады. Инсулиннің немесе пероральді қолдануға арналған диабетке қарсы препараттардың қантты төмендететін әсері күшеюі мүмкін. Қандағы глюкоза деңгейінің төмендеу белгілері (гипогликемия) бүркемеленуі немесе бәсеңдеуі мүмкін. Анестезиялайтын препараттар Конкор® Кор препаратының жүрекке бәсеңдету әсер ету қаупін арттырып, гипотензияға әкеп соқтырады. Жүрек гликозидтері (дигиталис) Конкор® Кор препаратымен бір мезгілде қолданған кезде импульстің өту уақытын ұзартып, осылайша, ЖЖЖ төмендеуіне алып келеді. Қабынуға қарсы стероидты емес дәрілер (ҚҚСД) Конкор® Кор препаратының гипотензиялық әсерін төмендетуі мүмкін. Конкор® Кор препаратын және бета-симпатомиметиктерді (мысалы, изопреналин, добутамин) бір мезгілде қолдану екі препараттың да әсерін төмендетуі мүмкін. Конкор® Кор препаратын бета және альфа-адренорецепторларды белсенділендіретін симпатомиметиктермен (мысалы, норадреналин, адреналин) үйлестіру осы препараттардың альфа-адренорецептор арқылы вазоконстрикторлық әсерлерін күшейтіп, қан қысымының көтерілуіне алып келеді. Осындай өзара әрекеттесулердің селективті емес бета-блокаторларды қолданған кезде болуы ықтимал. Осындай өзара әрекеттесулердің селективті емес бета-блокаторлар қолданылған кезде болуы ықтимал. Гипертензияға қарсы дәрілер, гипертензияға қарсы әсері болуы мүмкін басқа да дәрілер (мысалы, трициклды антидепрессанттар, барбитураттар, фенотиазиндер) сияқты, Конкор® Кор препаратының гипотензиялық әсерін күшейтуі мүмкін. Талқылануы тиіс үйлесімдер Мефлохин Конкор® Кор препаратымен бір мезгілде қолданылғанда брадикардия қаупін арттыруы мүмкін. Моноаминооксидаза тежегіштері (В моноаминооксидаза тежегіштерін қоспағанда) бета-блокаторлардың гипотензиялық әсерін күшейтуі мүмкін. Бір мезгілде қолдану гипертензиялық криздің дамуына алып келеді.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!