Контрактубекс гель

1 г гельдің құрамында белсенді заттар: 100 мг пияздың сұйық экстрактісі ((Allium cepa L., Bulbus (0,16: 1) экстрагент: 96% этанолдың сулы-спиртті ерітіндісі), 50 ӘБ натрий гепарині, 10 мг аллантоин қосымша заттар: сорбин қышқылы (Е200), метилпарагидроксибензоат (Е218), ксантан шайыры, полиэтиленгликоль 200, раушан 30263773 иісті парфюмерлік май (цитронеллолмен, гераниолмен, бензил спиртімен, цитратпен және линалоолмен), тазартылған су. 1 г Контрактубекс құрамында 13,5 мг (1,35% м/м) этанол бар. Сыртқы түрінің, иісінің, дәмінің сипаттамасы Өзіне тән иісі бар, ашық-сарғыштан ашық-қоңыр түске дейінгі, мөлдір емес гель

-хирургиялық операциялардан, ампутациядан, күйіктер мен жарақаттардан кейін туындайтын гипертрофиялық, келоидтық, қимылды шектейтін және косметикалық тұрпайы тыртықтар; Дюпюитрен контрактурасы және сіңірлердің жарақаттық контрактуралары сияқты контрактуралар - тыртық стриктурасында (атрофиялы тыртықтарда). Контрактубекс зақымданулар жабылғаннан кейін тыртықтардың осы түрлерін емдеу үшін қолданылады. Контрактубекс ересектерге, сондай-ақ 1 жастан 17 жасқа дейінгі балалар мен жасөспірімдерге қолданылады.

Контрактубекс тыртық тініне пролиферацияға қарсы, қабынуға қарсы, жұмсарту және тегістейтін әсер көрсетеді. Cepae сұйық пияз экстрактісі қабынуға қарсы дәрі ретінде әсер етеді, қабыну медиаторларының босап шығуын тежейді және аллергияға қарсы әсер көрсетеді. Cepae сұйық пияз экстрактісі шығу тегі әр түрлі фибробласттардың, оның ішінде келоидты фибробласттардың өсуін тежейді. Митогенді тежегіш әсерден басқа, препарат фибробласттардан (мысалы, протеогликандар) жасушадан тыс матрица компоненттерінің түзілуін төмендететіні көрсетілген. Сонымен қатар, Сepae сұйық пияз экстрактісі бактерицидті әсерге ие. Бұл қасиеттер жаралардың бастапқы жазылуын стимуляциялайды және физиологиялық емес тыртықтардың пайда болуына қарсы тұрады. Гепарин қабынуға қарсы, аллергияға қарсы, пролиферацияға қарсы әсерге ие және тіндердің гидратациясын күшейтеді. Ол сонымен қатар коллаген құрылымын жұмсартушы әсер көрсетеді. Тыртықтарды емдеу үшін гепариннің қабынуға қарсы әсері және оның дәнекер тінінің матриксі компоненттеріне әсері оның белгілі тромбозға қарсы әсерінен гөрі маңызды. Аллантоин жаралардың жазылуына әсер етеді, эпителизациялайтын әсерге ие және тіндердің су байланыстырғыш қабілетін арттырады. Сонымен қатар, оның кератолитикалық және енуді стимуляциялайтын қасиеттері Контрактубекстің басқа белсенді заттардың тиімділігін арттырады. Сонымен қатар, аллантоин тыныштандыратын әсерге ие, ол жиі тыртықтың пайда болуымен байланысты қышынуды басады. Белсенді заттардың осы біріктірілімінің синергетикалық әсері фибробласттардың пролиферациясын және әсіресе патологиялық жоғарылаған коллаген синтезін супераддитивті тежеуден тұрады.

Дозалау режимі Тәулігіне бірнеше рет жағылады. Енгізу әдісі мен жолы Гель толық сіңгенше теріге немесе тыртықтың беткейіне жеңіл ысқылай отырып жағыңыз. Ескі тығыз тыртықтар кезінде гель әсер ету үшін таңғышпен түнге қалдырыңыз. Тыртықтың немесе контрактураның дәрежесі мен қалыңдығына байланысты емді бірнеше апта немесе ай бойы жүргізу қажет. Жаңа тыртықтарды емдеу кезінде қатты суық, ультракүлгін сәуле немесе қатты массаж сияқты физикалық тітіркендіргіштерден аулақ болу керек. Пациенттердің ерекше топтары Балалар 1 жастан бастап балаларда жүргізілген зерттеулерге сәйкес, гельді күніне бір немесе екі рет тыртық тініне жағуға болады. 1 жасқа дейінгі балаларда Контрактубексті қолданудың қауіпсіздігі мен тиімділігі анықталған жоқ. Ешқандай деректер жоқ.

- әсер етуші затқа (заттарға) немесе қосымша заттардың кез келгеніне аса жоғары сезімталдық

Жиі - қышыну, эритема, телеангиэктазия, тыртықты атрофия Жиі емес - терінің гиперпигментациясы, терінің атрофиясы Белгісіз (қолда бар деректер негізінде бағалау мүмкін емес) - пустулезді бөртпе - аса жоғары сезімталдық (аллергиялық реакция) - парестезия - есекжем, бөртпе, қышыну, эритема, терінің тітіркенуі, папула, терінің қабынуы, терідегі күйдіру сезімі, терінің тартылу сезімі, жанаспалы дерматит - жаққан орынның ісінуі, ауыру, жаққан орынның қабыршақтануы Жалпы алғанда, Контрактубекс ұзақ уақыт пайдаланған кезде де өте жақсы көтерімді. Кейде Контрактубекспен емдеу кезінде пайда болатын қышыну тыртықтардың тіндік қайта құрылуын көрсетеді және әдетте емді тоқтатуды қажет етпейді. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Анықталмаған

Контрактубекс құрамында аллергиялық реакциялар (мүмкін, баяу дамитын) тудыруы мүмкін метилпарагидроксибензоат (Е218) бар. Контрактубекс құрамында сорбин қышқылы (Е 200) бар, ол жанаспалы дерматит сияқты жергілікті тері реакцияларын тудыруы мүмкін. Контрактубекс құрамында аллергиялық реакциялар тудыруы мүмкін Цитронеллол, Гераниол, бензил спирті, Цитрал және линалоол хош иістендіргіштері бар. Контрактубекс құрамында спирт (этанол) бар, ол зақымдалған теріде күйдіру сезімін тудыруы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді.

Жүктілік және лактация кезіндегі қауіп осы уақытқа дейін белгісіз. Контрактубексті бала емізу кезінде кеуде аймағына қолдануға болмайды.

Өзара әрекеттесуге зерттеулер жүргізілген жоқ. Бүгінгі таңда өзара әрекеттесудің ешқандай дәлелі жоқ.

Сақтау мерзімі 2 жыл Ашқаннан кейінгі қолдану кезеңі 6 ай. Жарамдылық мерзімі өткеннен кейін қолдануға болмайды! Сақтау шарттары Құрғақ жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!