Контролок Контрол таблетки 20 мг

Бір таблетканың құрамында белсенді зат - натрий пантопразолы сесквигидраты 22,57 мг, (20,0 мг пантопразолға баламалы), қосымша заттар: сусыз натрий карбонаты, маннитол (E421), кросповидон, повидон К 90, кальций стеараты, тазартылған су ** Қабығының құрамы: гипромеллоза 2910, повидон К25, титанның қостотығы (E171), темірдің (III) сары тотығы (Е 172), пропиленгликоль (Е 1520) Ішекте еритін қабығының құрамы: метакрил қышқылы және этакрилат сополимері (1:1) 30% дисперсия*, триэтилцитрат, тазартылған су ** қоңыр сия құрамы Opacode S-1-16530: жалтыр шеллак 45%, темірдің (III) қызыл тотығы (Е172), темірдің (III) қара тотығы (Е172), темірдің (III) сары тотығы (Е172), концентрацияланған аммиак ерітіндісі * - дисперсия құрамы: метакрил қышқылы және этакрилат сополимері, натрий лаурилсульфаты, полисорбат 80; **- өндіріс кезінде жойылады. Сыртқы түрінің, иісінің және дәмінің сипаттамасы Сопақша, екі беті дөңес, ақтан ақ дерлік түске дейінгі ядросы бар, сары түсті үлбірлі қабықпен қапталған таблеткалар. Таблетканың бір жағында қоңыр сиямен «Р20» жазылған.

Контролок Контрол препараты ересек пациенттерде рефлюкс симптомдарын (мысалы, қыжыл, қышқылды кекіру) қысқа мерзімді емдеу үшін қолданылады.

Әсер ету механизмі Пантопразол париетальді жасушалардың протонды сорғыларының спецификалық блокадасы арқылы асқазанда тұз қышқылының секрециясын басатын бензимидазолмен алмастырылатын болып табылады. Пантопразол өзінің белсенді түріне айналады, циклдық сульфенамид, париетальді жасушалардағы қышқылды орта жағдайында, онда ол H+ K+ АТФ-аза ферментінің белсенділігін бәсеңдетеді, яғни асқазанда тұз қышқылының пайда болуының соңғы кезеңін тежейді. Белсенділіктің бәсеңдеуі дозаға тәуелді болып табылады және нәтижесінде қышқылдың базальді де, көтермеленген секрециясы да төмендейді. Көптеген пациенттерде қыжыл және қышқылды кекіру сияқты симптомдар 1 апта бойы басылады. Пантопразол асқазандағы қышқылдықты төмендетеді және сол арқылы гастрин деңгейін қышқылдықтың төмендеуіне қарай арттырады. Гастрин деңгейінің жоғарылауы қайтымды. Пантопразол ферментті жасушалық рецепторға қатысты дистальді байланыстырғандықтан, ол басқа заттармен (ацетилхолин, гистамин, гастрин) стимуляциясына қарамастан тұз қышқылының секрециясын тежей алады. Белсенді затты пероральді және вена ішіне қолданудағы әсері бірдей. Пантопразол аш қарында гастрин деңгейін арттырады. Қысқа уақыт қолданғанда гастрин деңгейі қалыптың жоғарғы шегінен аспайды. Ұзақ уақыт қолданғанда гастрин деңгейі екі есе артады. Алайда, гастрин деңгейінің қарқынды артуы тек кейбір жағдайларда ғана кездеседі. Нәтижесінде тек кейбір жағдайларда ұзақ мерзімді ем кезінде асқазанның спецификалық эндокриндік жасушалары (ECL-жасушалары) санының жеңіл және орташа дәрежесінің жоғарылауы байқалады (қарапайым және аденоматоидты гиперплазия). Алайда, жүргізілген зерттеулерге сәйкес адамдарда жануарлар арасында зерттеулерде байқалған обыралды жай-күйінің (атиптік гиперплазия) және асқазан карциноидтарының дамуы байқалмайды (5.3-бөлімді қараңыз). Секрецияға қарсы дәрілік препараттармен емдеу кезінде қышқыл секрециясының төмендеуіне жауап ретінде гастрин сарысуы жоғарылайды. Сондай-ақ, асқазан қышқылдығының төмендеуінен CgA артады. CgA деңгейінің артуы нейроэндокринді ісіктерді зерттеуге әсер етуі мүмкін. Бұрыннан бар жарияланымдар ППТ емдеуді CgA зерттеуіне дейін 5 күннен 2 аптаға дейін тоқтату керек екенін куәландырады. Бұл CgA деңгейінің қалыпқа келуіне мүмкіндік береді, әйтпесе ол ППТ емдеуге байланысты жалған болуы мүмкін. Клиникалық тиімділігі және қауіпсіздігі Қыжыл және қышқылды кекіру сияқты қышқыл рефлюкс синдромымен астасқан синдромдар 20 мг дозада пантопразол монотерапиясын алған гастроэзофагеальді рефлюкс ауруы (ГЭРБ) бар 5960 пациенттің арасында жүргізілген 17 зерттеудің ретроспективті талдауында стандартталған әдістемелерге сәйкес бағаланды. 2 аптада кем дегенде 1 рет қышқылды рефлюкс симптомдарын тіркеу жиілігіне зерттеу жүргізілді. ГЭРБ диагнозы осы зерттеулерде, қосу критерийі тек симптомдар жиынтығы болған бір зерттеуді қоспағанда, эндоскопиялық бағалау негізінде белгіленді. Осы зерттеулерде 7 күн бойы қыжыл пантопразолмен емделген пациенттердің үлесі 54,0-80,6% құрады. 14 және 28 күннен кейін қыжылы толық басылған пациенттердің үлесі тиісінше 62,9-88,6% және 68,1-92,3% құрады. Салыстырмалы нәтижелер қышқылды кекіруді толық басу бойынша алынды. Қышқылды кекіру 7 күннен кейін толығымен басылған пациенттердің үлесі 61,5-84,4%, 14 күннен кейін 67,7-90,4%, ал 28 күннен кейін тиісінше 75,2-94,5% құрады. Жалпы, пантопразол тиімділігі плацебо мен H2-рецепторлардың блокаторларының тиімділігінен асып түсіп, басқа ППТ-дан кем түспеді. ГЭРБ бастапқы сатысында қышқылды рефлюкспен байланысты симптомдарды басу жиілігі көп жағдайда ГЭРБ бастапқы сатысына байланысты болмады. • Фармакокинетикалық қасиеттері Бір рет және бірнеше рет қолданғаннан кейін пантопразолдың фармакокинетикасы бірдей. 10-80 мг дозалар диапазонында қан плазмасындағы пантопразол фармакокинетикасы пероральді және вена ішіне қолданғанда дозаға байланысты болып қалады. Сіңуі Пантопразол ішке қабылдағаннан кейін тез және толық сіңеді. Пантопразол таблеткаларының абсолютті биожетімділігі 77% - ға жуықты құрайды. Орта есеппен, 20 мг препаратты ішке қабылдағаннан кейін шамамен 2,0-2,5 сағаттан соң (tmax) сарысудағы (Cmax) ең жоғары концентрациясына, 1,0-1,5 мкг/мл жуық жетеді және Смах осы препаратты бірнеше рет қабылдағаннан кейін тұрақты күйде қалады. Тамақпен бірге қабылдау биожетімділікке (AUC немесе Cmax) әсер етпейді, алайда препараттың (tlag) әсер етуінің басталу уақытының ауытқуын арттырады. Таралуы Таралу көлемі шамамен 0,15 л/кг, ал қан сарысуы ақуыздарымен байланысуы шамамен 98% құрайды. Биотрансформациясы Пантопразол тек бауырда метаболизденеді. Шығарылуы Клиренсі шамамен 0,1 л/сағ/кг, ал түпкілікті жартылай шығарылу кезеңі (t½) шамамен 1 сағат. Препараттың шығарылуының кейінге қалдырылуының бірнеше жағдайлары анықталды. Пантопразолдың париетальді жасушалардың протонды сорғылармен спецификалық байланысуының салдарынан жартылай шығарылу кезеңі ұзақтығы бойынша әлдеқайда ұзын әсермен (қышқыл секрециясын тежеумен) өзара байланысты емес. Негізгі шығарылу жолы-бүйрек арқылы (шамамен 80%) пантопразол метаболиттері түрінде, қалған бөлігі нәжіспен шығарылады. Қан сарысуындағы және несептегі негізгі метаболит сульфатпен конъюгацияланатын десметилпантопразол болып табылады. Негізгі метаболиттің жартылай шығарылу кезеңі 1,5 сағатқа жуықты құрайды, бұл пантопразолдың жартылай шығарылу кезеңінен аспайды. Пациенттердің ерекше топтары Бүйрек жеткіліксіздігі Бүйрек функциясы бұзылған пациенттерде (пантопразолдың аз ғана үлесі алынып тасталатын гемодиализдегі пациенттерді қоса) пантопразолды қолданған кезде дозаны төмендету талап етілмейді. Негізгі метаболит ретінде (2-3 сағат), оның шығарылуы тез жүреді, сондықтан жинақталу болмайды. Бауыр жеткіліксіздігі Бауыр функциясы бұзылған (Чайлд-Пью жіктелуі бойынша А, В және С кластары) пациенттерде пантопразолды қолданған кезде жартылай шығарылу кезеңінің уақыты 3-7 сағатқа дейін артады, AUC мәні 3-6 есе өседі, ал сарысудағы ең жоғары концентрациясы дені сау еріктілерде осындай көрсеткішпен салыстырғанда 1,3 есе ғана артады. Егде жастағы пациенттер Егде жастағы еріктілерде AUC және Cmax көрсеткішінің аздаған жоғарылауы жас адамдарда тиісті көрсеткіштермен салыстырғанда клиникалық маңызды болып табылмайды. • Клиникаға дейінгі қауіпсіздік деректері Тиісті фармакологиялық зерттеулерде алынған клиникаға дейінгі деректерге сәйкес, көп реттік дозалардың уыттылығы және геноуыттылық, препарат адам үшін қауіп төндірмейді. Егеуқұйрықтардағы препараттың канцерогендігіне жүргізілген екі жылдық зерттеулерде нейроэндокринді ісіктер анықталды. Сонымен қатар, егеуқұйрықтардың ішекалдына жүргізілген бір зерттеуде жалпақ жасушалы папилломалар анықталды. Орын басқан бензимидазолдармен емдеу кезінде асқазан карциноидтарының даму механизмін мұқият зерттеу олардың дамуы препаратты үнемі жоғары дозада қабылдайтын егеуқұйрықтардағы гастрин деңгейінің едәуір жоғарылауына жағымсыз реакциямен байланысты деген қорытынды жасауға мүмкіндік берді. Кеміргіштер арасында жүргізілген екі жылдық зерттеулерде егеуқұйрықтардағы бауыр ісіктерінің (тек бір ғана зерттеуде) және тышқандардың ұрғашыларында даму жағдайларының саны жоғарылауы байқалды, бұны бауырдағы пантопранозол метаболизмінің жоғары қарқындылығымен байланыстырады. Қалқанша бездегі неопластикалық өзгерістердің кейбір жоғарылауы бір екі жылдық зерттеуде препараттың ең жоғары дозасын (200 мг/кг) қабылдаған егеуқұйрықтар тобында анықталды. Осы жаңа түзілімдердің дамуын егеуқұйрықтардың бауырындағы тироксиннің ыдырауындағы пантопразолмен индукцияланған өзгерістермен байланыстырады. Адамда емдік доза жоғары болмағандықтан, қалқанша без тарапынан жағымсыз әсерлер күтілмейді. Сүйектердің дамуын бағалауға арналған егеуқұйрықтардағы перинаталдық репродуктивті зерттеуде тұқымдағы уыттылық белгілері (өлім, дененің аз орташа салмағы, дене салмағының аз орташа артуы және сүйектердің аз өсуі) адамға клиникалық әсерден шамамен 2 есе артық әсер ету кезінде (Cmax) байқалды. Қалпына келтіру фазасының соңына қарай сүйектердің параметрлері барлық топтарда бірдей болды және дене салмағы да дәрі-дәрмексіз қалпына келтіру кезеңінен кейін қайтымдылыққа бет алды. Өлімнің артуы егеуқұйрықтардың төлдерінде ғана көтерілгенге дейін (21 күнге дейін) байқалады, бұл, бағалау бойынша, 2 жасқа дейінгі сәбилерге сәйкес келеді. Педиатриялық популяция үшін бұл жаңалықтың өзектілігі түсініксіз. Егеуқұйрықтардағы алдыңғы перинаталдық зерттеу сәл төмен дозада осы зерттеуде 5 мг / кг төмен дозамен салыстырғанда 3 мг / кг-да жағымсыз әсерлерін анықтаған жоқ. Тексеру фертильділік немесе тератогендік әсерлердің бұзылу белгілерін анықтаған жоқ. Препараттың плацентаға енуі егеуқұйрықтарда зерттелді және жүктілік мерзімінің ұлғаюымен ену деңгейінің жоғарылауы анықталды. Нәтижесінде пантопразолдың жоғары концентрациясы туғанға дейін ұрықтың организмінде анықталады. • ФАРМАЦЕВТИКАЛЫҚ ҚАСИЕТТЕРІ

Дозалау режимі Контролок Контрол препаратын осы нұсқаулықта (қосымша парақ) сипатталғандай немесе оны емдеуші дәрігер немесе фармацевт тағайындағандай етіп қабылдаңыз. Контролок Контрол препаратының ұсынылатын дозасы күніне бір рет 20 мг құрайды. Симптомдарды басу үшін препаратты 2-3 күн ішінде қабылдау қажет болуы мүмкін. Симптомдар толық жойылғаннан кейін емдеу тоқтатылуы тиіс. Емдеу дәрігердің кеңесінсіз 4 аптадан аспауы тиіс. Егер үздіксіз 2 апта бойы емдегенде жақсарту байқалмаса, дәрігерге қаралу керек. Қолдану тәсілі Ішекте еритін Контролок Контрол 20 мг таблеткаларын шайнауға немесе тістеуге болмайды, оларды тұтастай жұтып, жеткілікті мөлшерде сұйықтықпен ішу керек. Препаратты тамақтанар алдында қабылдау қажет. Дәрілік препараттың бір немесе бірнеше дозасын өткізіп алған кезде қажетті шаралар Егер препаратты кезекті қабылдау өткізіп алынса, келесі күні әдеттегі уақытта келесі ұсынылатын дозаны қабылдаңыз. Препараттың екі есе дозасын бір күнде қабылдауға тыйым салынады. Егер сізде осы препаратты қолдануға қатысты қандай да бір қосымша сұрақтар болса, емдеуші дәрігерге немесе фармацевтке хабарласыңыз.

• белсенді затқа немесе қосымша заттардың кез келгеніне аса жоғары сезімталдық • олардың биожетімділігінің айтарлықтай төмендеуінің арқасында препаратты АИТВ протеаза тежегіштерімен, мысалы, атазанавир, нелфинавирмен біріктіріп қабылдауға болмайды, олардың сіңуі асқазан ішіндегі қышқылды рН байланысты. Aйрықша нұсқаулар Қажетті сақтық шаралары Пациенттерді төмендегі жағдайларда емдеуші дәрігерге кеңес алуға жіберу керек: • Дене салмағының кездейсоқ жоғалуы, анемия, асқазан-ішектен қан кету, дисфагия, толассыз құсу немесе қан құсудың дамуы, бұл жағдайда препаратты қолдану симптомдарды бүркеп, ауыр аурулардың диагнозын қоюды кейінге қалдыруы мүмкін. Мұндай жағдайларда қатерлі үдерістерді болдырмау керек. • Асқазанның ойық жарасының болуы немесе анамнезінде асқазан-ішек жолында хирургиялық араласудың болуы. • 4 және одан да көп апта бойы ас қорыту бұзылыстарын немесе қыжылды үздіксіз симптоматикалық емдеу. • Сарғаюдың, бауыр жеткіліксіздігінің немесе бауыр ауруының болуы. • Пациенттің жалпы көңіл-күйіне әсер ететін басқа да елеулі аурулардың болуы. • Егер 55 жастан асқан пациентте симптомдардың өзгеруі немесе жаңа симптомдардың пайда болуы байқалса. Ас қорыту бұзылуының немесе қыжылдың қайталанатын симптомдары ұзаққа созылған пациенттерге емдеуші дәрігерге ұдайы қаралу ұсынылады. Әсіресе, бұл 55 жастан асқан пациенттерге қатысты, олар күн сайын рецептісіз босатылатын препараттарды ас қорыту немесе қыжыл кезінде қабылдайды – олар бұл туралы өзінің фармацевтіне немесе емдеуші дәрігеріне хабарлауы тиіс. Препаратты басқа протонды помпа тежегіштерімен (ППТ) немесе H2 - рецепторлардың блокаторымен бір мезгілде қабылдауға болмайды. Егер пациентте эндоскопия немесе уреазды тыныс алу тестін жүргізу жоспарланса, оған осы препаратты қабылдауды бастағанға дейін өзінің емдеуші дәрігерімен кеңесу керек. Пациенттерге таблеткалар тез әсер етпейтінін ескерту керек. Симптомдардың айқындылығы пантопразолмен шамамен бір тәулік емдегеннен кейін төмендеуі мүмкін, бірақ қыжылды толық басу үшін 7 күнге дейін қажет болуы мүмкін. Симптомдардың алдын алу үшін пантопразолды қабылдамаған жөн Бактериялық асқазан-ішек инфекциялары Қандай да бір себеппен, оның ішінде ППТ қолданғанда дамыған асқазан ортасының қышқылдығының төмендеуі қалыпты жағдайда асқазан-ішек жолында болған асқазан бактериялары санының өсуіне ықпал етеді. Қышқылдықты төмендететін препараттармен емдеу кезінде Salmonella, Campylobacter немесе Clostridium difficile сияқты асқазан-ішек инфекцияларының қаупі елеусіз артады. Терінің ауыр жағымсыз реакциялары (SCAR) Көп пішінді эритема, Стивенс-Джонсон синдромы (SJS), уытты эпидермалық некролиз (TEN) және эозинофилиямен және жүйелік симптомдарымен (DRESS) дәрілік реакцияларды қоса, өмірге қауіп төндіруі мүмкін немесе өлімге әкелетін, пантопразолмен байланысты белгісіз жиілікпен терінің ауыр жағымсыз реакциялары (SCAR) туралы хабарланды. Пациенттерді белгілері мен симптомдары туралы хабардар ету және тері реакцияларын мұқият бақылау қажет. Осы реакцияларды растайтын белгілер мен симптомдар пайда болса, пантопразолды дереу тоқтатып, баламалы емді қарастыру керек. Жеделге жуық терідегі қызыл жегі (ЖТҚЖ) ППТ қолдану ЖТҚЖ жағдайларының аса жоғары емес жиілігімен астасқан. Тері ошақтары пайда болған кезде, әсіресе артралгиямен бірге жүретін инсоляцияға ұшыраған тері бөліктерінде пациентке дереу медициналық көмекке жүгіну ұсынылады, ал емдеуші дәрігер Контролок Контрол препаратымен емдеуді тоқтату мүмкіндігін қарастыру керек. ППТ емдегеннен кейін ЖТҚЖ дамуы басқа ППТ қолданған кезде ЖТҚЖ даму қаупін арттыруы мүмкін. Зертханалық зерттеулермен өзара әрекеттесуі Хромограниннің А (CgA) деңгейінің жоғарылауы нейроэндокринді жаңа түзілімдерді зерттеуге кедергі келтіруі мүмкін. Бұл кедергіні болдырмау үшін, Контролок Контрол препаратымен емдеуді CgA зерттеуге дейін кемінде 5 күн бұрын тоқтату керек. Егер CgA және гастрин деңгейі бастапқы зерттеуден кейін қалыпқа келмесе, талдауларды ППТ емдеуді тоқтатқаннан кейін 14 күннен соң қайталау керек. Келесі қосымша қауіптер препаратты ұзақ мерзімді қолдану үшін өзекті болып саналады: Осы дәрілік препарат қысқа мерзімді (4 аптаға дейін) қолдануға арналған ("Қолдану жөніндегі нұсқаулар" бөлімін қараңыз). Пациенттерге дәрілік заттарды ұзақ уақыт қолданғанда қосымша қауіп-қатерлер туралы ескерту керек, сондай-ақ препаратты тағайындау және тұрақты бақылау қажеттігін атап өткен жөн. B12 дәруменінің сіңуіне әсері Пантопразол, қышқылдылықты шектейтін басқа да препараттар сияқты гипо - және ахлоргидрия салдарынан B12 дәруменінің (цианокобаламин) сіңуін төмендетуі мүмкін. Мұны организмдегі осы дәруменнің қоры азайған пациенттерді емдеу кезінде немесе В12 дәрумені тапшылығының қауіп факторлары бар пациенттерді ұзақ емдегенде немесе тиісті клиникалық симптомдарды бақылау кезінде ескеру қажет. Сүйектің сынуы Протонды помпа тежегіштері (ППТ), әсіресе жоғары дозаларда пайдаланғанда және ұзақ уақыт (>1 жыл) емдегенде, көбінесе егде адамдарда немесе басқа да жалпы танылған қауіп факторлары болған кезде ортан жіліктің, білезік сүйектерінің және омыртқаның сынуы қаупін орташа арттыра алады. Обсервациялық зерттеулер ППТ сынықтардың жалпы туындау қаупін 10-40% - ға арттыра алатынын көрсетеді. Осы сынықтардың кейбірі басқа қауіп факторларының болуымен байланысты болуы мүмкін. Остеопороз қаупі бар пациенттер қолданыстағы клиникалық нұсқаулықтарға сәйкес ем алуы және D дәрумені мен кальций жеткілікті мөлшерде болуы тиіс. Гипомагниемия Гипомагнезиемияның ауыр дәрежесі ППТ қабылдаған пациенттерде сирек байқалды, мысалы, пантопразол, кем дегенде үш ай, ал көп жағдайда - жыл бойы. Қажу, құрысулар, сандырақтау жай-күйі, бас айналу және қарыншалық аритмия сияқты гипомагниемияның елеулі көріністері туындауы мүмкін, алайда олар симптомсыз дами алады және назарға алынбауы мүмкін. Гипомагнемия гипокальциемияға және / немесе гипокалиемияға әкелуі мүмкін. Көптеген пациенттерде гипомагниемия (және гипомагнемиямен және/немесе гипокалиемиямен байланысты гипокальциемия) магнийді ауыстырғаннан кейін және ППТ қабылдауды тоқтатқаннан кейін жақсарды. Ұзақ емдеуде жүрген немесе дигоксинмен немесе гипомагниемия тудыруы мүмкін дәрілік заттармен (мысалы, диуретиктер) ППТ қабылдайтын пациенттер үшін дәрігерлер ППТ емдеуді бастағанға дейін және емделу кезінде мезгіл-мезгіл магний деңгейін өлшеу мүмкіндігін қарастыру керек.

Жиі • асқазан түбінің безді полиптері (қатерсіз) Жиі емес • ұйқының бұзылуы • бас ауыруы, бас айналуы • диарея, жүрек айнуы / құсу, іштің кебуі және метеоризм, іш қату, ауыздың құрғауы, іштегі жайсыздық және ауыруы • бауыр ферменттері белсенділігінің артуы (трансаминазалар, гамма-глютамилтранспептидазаның) • бөртпе / экзантема/бөрту, қышыну • білезіктің, жамбастың және омыртқаның сынуы • астения, қажу және дімкәстік Сирек • агранулоцитоз • аса жоғары сезімталдық (оның ішінде анафилаксиялық реакциялар және анафилаксиялық шок) • гиперлипидемия және липидтер деңгейінің жоғарылауы (триглицеридтер, холестерин), дене салмағының өзгеруі • депрессия (асқынуды қоса) • дәм сезудің бұзылуы • көрудің бұзылуы / көрудің бұлыңғырлануы • билирубин деңгейінің жоғарылауы • есекжем, Квинке ісінуі, беттің, тілдің, ауыздың, еріннің, тамақтың ісінуі (ангионевроздық ісіну) • артралгия, миалгия • гинекомастия • дене температурасының жоғарылауы, шеткері ісінулер Өте сирек • тромбоцитопения, лейкопения, панцитопения • бағдардан жаңылу (өршуді қоса) Жиілігі белгісіз • гипонатриемия, гипомагниемия, гипокальциемия (1), гипокалиемия(1) • елестеулер, сананың шатасуы (әсіресе осыған бейім пациенттерде, сондай-ақ ем басталғанға дейін осы симптомдардың асқынуы) • парестезия • тұрақты сулы диарея тудыратын жуан ішектің қабынуы (микроскопиялық колит) • гепатоцеллюлярлық зақымданулар, сарғаю, бауыр-жасушалық жеткіліксіздік • Стивенс-Джонсон синдромы, Лайелл синдромы, уытты эпидермалық некролиз (TEN), эозинофилиямен және жүйелік симптомдарымен дәрілік реакция (DRESS), мультиформалы эритема, фотосезімталдық, терідегі жеделге жуық қызыл жегі • тубулоинтерстициялық нефрит (ТИН) (бүйрек жеткіліксіздігіне дейін дамуы мүмкін) 1 гипокальциемия және/немесе гипокалиемия гипомагниемияның пайда болуымен байланысты болуы мүмкін Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: белгісіз Емі: артық дозалануға күдіктенген кезде демеуші және симптоматикалық ем жүргізу ұсынылады. Препарат гемодиализ арқылы шығарылмайды

Арнайы ескертулер Балалар мен жасөспірімдер Қауіпсіздігі мен тиімділігі туралы деректер жеткіліксіз болғандықтан, Контролок Контрол препаратын 18 жасқа толмаған балалар мен жасөспірімдерге қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Контролок Контрол көлік құралын басқару қабілетіне әсер етпейді немесе елеусіз әсер етеді. Бас айналу және көру қабілетінің бұзылу ықтималдығына байланысты көлік құралдарын және жоғары зейін қоюды қажет ететін басқа да механизмдерді басқарудан бас тарту керек.

Контролок Контрол препаратын жүктілік және бала емізу кезінде қолдану ұсынылмайды.

Сіңу фармакокинетикасы РН тәуелді дәрілік препараттар Контролок Контрол биожетімділігі асқазанның рН ортасына байланысты белсенді заттардың (мысалы, кетоконазол) сіңуін азайтуы мүмкін. АИТВ протеаза тежегіштері Пантопразол препаратын биожетімділігінің айтарлықтай төмендеуінің арқасында АИТВ протеаза тежегіштерімен, мысалы, атазанавир, нелфинавирмен біріктіруге болмайды, олардың сіңуі асқазан ішіндегі қышқылды рН байланысты ("Қолдануды бастағанға дейін қажетті мәліметтер тізбесі". Қолдануға болмайтын жағдайлар" бөлімін қараңыз). Кумариндік антикоагулянттар (фенпрокумон немесе варфарин) Фенпрокумонды немесе варфаринді бірге енгізген кезде клиникалық фармакокинетикалық зерттеулер шеңберінде осы препаратпен өзара әрекеттесу байқалмаса да, тіркеуден кейінгі кезеңде осы препараттарды бірге қолданған кезде халықаралық қалыптасқан қатынастың (ХҚҚ) өзгеруінің бірнеше жекелеген жағдайлары туралы хабарламалар алынды. Сондықтан антикоагулянттар-кумарин туындыларын (мысалы, фенпрокумон немесе варфарин) қабылдайтын пациенттерге, пантопразолды қабылдауды бастағаннан, тоқтатқаннан кейін және тұрақты емес қолдану кезінде протромбин уақытын/ХҚҚ бақылау ұсынылады. Mетотрексат Жоғары дозаларда (мысалы, 300 мг) ППТ бірге қолданған кезде кейбір пациенттерде қандағы метотрексат деңгейінің жоғарылағаны туралы хабарламалар бар. Сондықтан метотрексаттың жоғары дозаларын пайдалану кезінде, мысалы, обыр немесе псориаз кезінде пантопразолды уақытша тоқтату туралы мәселені қарау қажеттілігі туындауы мүмкін. Өзара әрекеттесудің басқа зерттеулері Пантопразол P450 цитохромының ферменттік жүйесі арқылы бауырда белсенді метаболизденеді. Өзара әрекеттесу зерттеулерінде пантопразолдың карбамазепинмен, кофеинмен, диазепаммен, диклофенакпен, дигоксинмен, этанолмен, глибенкламидпен, метопрололмен, напроксенмен, нифедипинмен, фенитоинмен, пироксикаммен, теофиллинмен және құрамында левоноргестрел мен этинилэстрадиол бар пероральді контрацептивтермен клиникалық маңызды өзара әрекеттесулері анықталған жоқ. Алайда, пантопразолдың сол ферменттер жүйесімен метаболизденетін басқа заттармен өзара әрекеттесу мүмкіндігін жоққа шығаруға болмайды. Пантопразолдың бірге қабылданатын антацидтермен өзара әрекеттесуі байқалмаған. Дәрілік заттардың өзара әрекеттесуі және зертханалық зерттеулер Пантопразол қабылдайтын пациенттерде тетрагидроканнабинолға (ТГК) несептің кейбір скринингтік тестілерінің жалған-оң нәтижелері туралы хабарламалар бар. Оң нәтижелерді тексеру үшін баламалы растау әдісін қарастыру керек.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25 оС-ден аспайтын температурада сақтау керек. Балалардың қолы жетпейтін жерде сақтау керек!