Копаксон®-Тева раствор 20 мг/мл

Бір миллилитр препараттың құрамында белсенді зат – глатирамер ацетаты, 40 мг қосымша заттар: маннитол, инъекцияға арналған су Сыртқы түрінің, иісінің, дәмінің сипаттамасы Түссізден әлсіз сары түске дейін сәл бозаңданатын ерітінді.

- ремиссия ағымындағы шашыраңқы склероз (өршулер жиілігін азайту, мүгедектікке ұшырататын асқынулардың дамуын баяулату үшін). Копаксон®-Тева бастапқы немесе салдарлы үдемелі шашыраңқы склерозды емдеуге көрсетілмеген.

Әсер ету механизмі Глатирамер ацетатының ШС қайталамалы түрлерінде емдік әсер ету механизмі соңына дейін зерттелмеген, бірақ ол иммундық үдерістер модуляциялануын қамтиды деп болжанады. Жануарларға және шашыраңқы склероз бар пациенттерге жүргізілген зерттеулер глатирамер ацетатының моноциттерді, дендритті жасушаларды және өз кезегінде қабынуға қарсы әрі реттеуші цитокиндер секрециясын индукциялаумен В және Т жасушаларының бейімдеу функцияларын модуляциялайтын В жасушаларын қоса, туа біткен иммундық жүйенің жасушаларына әсер ететінін көрсетеді. ШС патофизиологиясы жартылай ғана зерттелгендіктен емдік әсерінің жоғарыда сипатталған жасушалық әсерлер арқылы жүзеге асу-аспауы белгісіз. Клиникалық тиімділігі және қауіпсіздігі Қайталамалы-ремиссиялық жайылған склероз: Бір 12 айлық плацебо-бақыланатын зерттеуден қайталанулар жиілігін төмендетуде аптасына үш рет тері астына енгізілген Копаксон 40 мг/мл инъекциясының тиімділігін растайтын дәлелдер алынды. Базалық клиникалық зерттеуде қайталамалы-ремиссиялық жайылған склероз соңғы 12 ай ішінде тіркелген бір қайталанумен, соңғы 24 ай ішінде тіркелген екі қайталанумен, соңғы 12 және 24 ай арасында расталған бір қайталанумен, соңғы 12 айда түсірілген Т1-гадолиниймен магниттік-резонансты томографиямен расталған, кем дегенде, бір зақымданумен сипатталды. Тиімділігінің бастапқы соңғы нүктесі расталған қайталанулардың жалпы саны болды. Тиімділігінің екінші соңғы нүктелері МРТ деректерін – 6 және 12 ай өткен соң алынған жаңа/ұлғайған T2 зақымдануларының жалпы санын және T1-өлшенген кескіндердегі тығыздығы жоғары зақымданулардың жалпы санын қамтыды. Жалпы жиынтығы, 1404 пациент 40 мг/мл (n = 943) немесе плацебо (n = 461) алу үшін 2:1 қатынасында рандомизацияланды. Екі емдеу тобында бастапқы демографиялық көрсеткіштер, ШС сипаттамалары және МРТ параметрлері бойынша салыстырмалы болды. Скринингке дейін 2 жыл бұрын пациенттерде, орта есеппен, 2,0 қайталану болды. Аптасына үш рет Копаксон 40 мг/мл қабылдаған пациенттерде, плацебомен салыстырғанда, бастапқы және салдарлы нәтиже көрсеткіштерінің елеулі және статистикалық мәнді төмендеуі байқалды, бұл күнделікті енгізілген Копаксон 20 мг/мл емдік тиімділік деректеріне сәйкес келеді. Келесі кестеде зерттеуге қосылған барлық пациенттер қауымы үшін тиімділігінің бастапқы және салдарлы соңғы нүктелерінің мәндері берілген: Тиімділік критерийі — Түзетілген орташа шамасы — P мәні Копаксон (40 мг/мл) (N=943) — плацебо (N=461) Жылдық есептеудегі өршулер жиілігі (ARR) — 0,331 — 0,505 — p<0,0001 Қауіптің абсолютті айырмасы* (95% сенім аралығы) — -0,174 [-0,2841 дейін -0,0639] 6 және 12 ай өткеннен кейінгі жаңа/ұлғайған T2 зақымдануларының жалпы саны — 3,650 — 5,592 — p<0,0001 Салыстырмалы қауіп** (95% сенім аралығы) — 0,653 [0,546 до 0,780] 6 және 12 ай өткеннен кейінгі T1 -өлшенген кескіндерде тығыздығы жоғары зақымданулардың жалпы саны — 0,905 — 1,639 — p<0,0001 Салыстырмалы қауіп ** (95% сенім аралығы) — 0,552 [0,436 0,699 дейін] * Қауіптің абсолютті айырмасы аптасына үш рет енгізілген түзетілген орташа ARR ГА 40 мг және түзетілген орташа ARR плацебо арасындағы айырма ретінде белгіленеді. ** Арақатынас коэффициенті аптасына үш рет енгізілген ГА 40 мг және плацебо арасындағы арақатынастың түзетілген орташа мәні ретінде белгіленеді. Бір зерттеуде 20 мг/мл (күнделікті енгізілген) және 40 мг/мл (аптасына үш рет енгізілген) Копаксон арасында тиімділігі мен қауіпсіздігін тікелей салыстыру жүргізілмеді. Копаксон 40 мг/мл: 12 айлық плацебо-бақыланатын зерттеуде (GALA) 3 айлық мүгедектік үдерісі расталған (CDP) пациенттер үлесі зерттеудің соңғы нүктесі болды. Үш айлық CDP, плацебо және Копаксон қабылдаған пациенттердің, тиісінше, 3% және 3,5%-да байқалды (мүмкіндіктер қатынасы, OR [95% СА]: 1,182 [0,661, 2,117] (p = 0,5726)). 6 айлық CDP дейінгі уақыт, ашық қосымша зерттеуді (7 жылға дейін) қоса, зерттеудің соңғы нүктесі болды. Тағайындалған емдеуге сай, барлық рандомизацияланған пациенттер қауымының қауіп қатынасы (ҚҚ) [95% СА] ерте басталған Копаксон тобымен және емдеуді бастауды кейінге қалдырған топпен салыстырғанда, 0,892 құрады [0,688, 1,157] (р = 0,3898). Қазіргі уақытта бастапқы немесе салдарлы үдемелі ауруы бар пациенттерде Копаксонды пайдалану дәлелдері жоқ.

Дозалау режимі Ұсынылатын доза кемінде 48 сағат аралықпен аптасына үш рет тері астына инъекция түрінде енгізілетін 40 мг глатирамер ацетатын (1 алдын ала толтырылған шприц) құрайды. Бүгінгі күні препаратты қолдану ұзақтығы туралы деректер жоқ. Енгізу әдісі және жолы Копаксон®-Тева тек тері астына енгізіледі. Копаксон®-Теваны вена ішіне немесе бұлшықет ішіне енгізуге болмайды.Препараты бар әрбір шприц тек бір рет қолдануға арналған. Шприцтегі Копаксон®-Тева препаратын қолдану жөнінде пациенттерге арналған нұсқаулар: • Препаратты енгізер алдында Сізде инъекция үшін қажет нәрсенің бәрі бар екеніне көз жеткізіңіз: • препарат ерітіндісі толтырылған шприц; • пайдаланылған шприцтер мен инелерді тастайтын контейнер; • спиртке шыланған мақта тампон. • Тоңазытқышта сақталуы тиіс жалпы қаптамадан толтырылған шприц бар пішінді ұяшықты қаптаманың бірін алыңыз, әрі оны бөлме температурасында кем дегенде 20 минут ұстаңыз. • Препаратты енгізер алдында қолды сабынды сумен мұқият жуып-шайыңыз. • Пайдаланар алдында шприцтегі ерітіндіні қарап тексеру керек. Ерітіндінің жүзінді бөлшектері немесе түсінің өзгерісі болса, оны қолдануға болмайды. • Инъекция салу үшін дене аумағын таңдап алыңыз. 1 суретті қараңыз (инъекция салуға болатын сегіз нүктенің бірі: қол, сан, бөксе, іш – асқазан аумағы және т.б.). Инъекция үшін терінің ауырсынатын нүктелерін, түссізденген, қызарған бөліктерін немесе қатайған жерлері және түйіндері бар аумағын пайдалануға болмайды. Әр жолы инъекция үшін жаңа жер таңдаңыз, осылай сіз жағымсыз түйсіктерді және инъекция жасалған жердегі тері бөлігінің ауыруын азайта аласыз. Әрбір инъекциялық аумақ ішінде егуге арналған көп нүкте бар. Нақты аумақ ішіндегі инъекция нүктелерін тұрақты ауыстырыңыз. Инъекция орындарын ауыстыру сызбасын жасауға және оны өзімен бірге алып жүруге кеңес беріледі. Денеде өздігінен инъекция жасау қиын болатын бірқатар аумақтар (арқа, қол) бар, ол үшін сізге басқа адамның жәрдемі қажет болуы мүмкін. Өз бетінше инъекция жасалатын жерлерге іш, қолдар және санның алдыңғы-сыртқы бөліктері жатады. 1 сурет. Инъекция салатын жерлердің орналасу сызбасы • Қағаз таңбасын (жолағын) алып тастап, шприцті жеке пішінді ұяшықты қаптамадан шығарып алыңыз. • Шприцті жазу жазатын қолға алыңыз. Иненің қорғағыш қалпақшасын шешіңіз. • Инъекция салатын жерді спирт ерітіндісі бар мақта сүрткімен алдын ала өңдеп, теріні бас бармақ және сұқ саусақпен сәл жиырып жинаңыз (2 сурет). • Инъекция салатын жерге шприцті перпендикуляр қойып, инені теріге 90º бұрыштап енгізіңіз (3 сурет); шприц поршенін түбіне дейін төмен біркелкі басып тұрып (ол түгел босағанша), препаратты енгізіңіз. • Шприцті инесімен бұрынғы еңкіш бұрышын сақтаумен жоғары қарай тігінен қозғап, шығарып алыңыз. • Шприцті тастауға арналған контейнерге салыңыз. Копаксон®-Тева препаратын қолдануды дәрігермен кеңесусіз тоқтатпаңыз. 2-сурет 3-сурет Қабылдау уақытының көрсетілуімен қолдану жиілігі Препаратпен алдын ала толтырылған бір шприцтің ішіндегісі кемінде 48 сағат аралықпен аптасына үш рет, дұрысы, күннің белгілі бір уақытында тері астылық инъекция түрінде енгізіледі. Емдеу ұзақтығы Емдеу ұзақтығы жөніндегі шешімді дәрігер әр жағдай үшін жеке қабылдайды. Копаксон®-Тева препаратын қолдануды дәрігермен кеңесусіз тоқтатуға болмайды. Дәрілік препараттың бір немесе бірнеше дозасын өткізіп алу кезінде қажетті шаралар Бір дозаны өткізіп алсаңыз, ол жөнінде еске түсірген бойда дереу инъекция жасаңыз. Препараттың қосарлы дозасын енгізуге жол берілмейді. Келесі дайын шприцті тек 48 сағат өткен соң пайдаланыңыз. Дәрілік препаратты қабылдамас бұрын дәрігер немесе фармацевт кеңесіне жүгініңіз Жағымсыз реакциялар сипаттамасы Өте жиі - тұмау, инфекциялық аурулар - үрейлену, депрессия - бас ауыру - қан тамырларының кеңеюі - ентігу - жүрек айну - бөртпе - артралгия, арқаның ауыруы - астения, кеуденің ауыруы, енгізген жердегі реакциялар, ауырсыну Жиі - бронхит, гастроэнтерит, қарапайым герпес, ортаңғы құлақ отиті, ринит, тіс іріңдеуі, қынаптық кандидоз - терінің қатерсіз ісіктері, басқа ісіктер - лимфа түйіндерінің ұлғаюы - жоғары сезімталдық - анорексия, дене салмағының артуы - күйгелектік - дисгевзия, гипертония, бас сақинасы, сөйлеу бұзылулары, естен тану, тремор - диплопия, көрудің бұзылуы - естудің нашарлауы - жүректің жиі соғуы, тахикардия - жөтел, маусымдық ринит - аноректальді бұзылулар, іш қату, тіс жегі, диспепсия, дисфагия, нәжісті ұстай алмау, құсу - бауырдың функционалдық сынамаларының қалып шегінен ауытқуы - экхимоз, гипергидроз, қышыну, терінің қабынуы, есекжем - мойын аумағының ауыруы - несепті ұстай алмау, поллакиурия, несеп іркілуі - тоңу, бет ісінуі, инъекция аумағында сезімталдықтың болмауы, жергілікті реакциялар, шеткері ісіну, ісіну, гипертермия Жиі емес - анафилаксиялық реакция - абсцесс, флегмона, фурункулез, герпес, пиелонефрит - тері обыры - лейкоцитоз, лейкопения, спленомегалия, тромбоцитопения, лимфа түйіндерінің атипиялық құрылымы - зоб, гипертиреоз - алкоголь жақпаушылығы, подагра, гиперлипидемия, қанда натрий артуы, сарысуда ферритин төмендеуі - әдеттен тыс түстер көру, сананың шатасуы, эйфория, елестеулер, өшпенділік, алжасу, тұлғалық бұзылыс, өзін-өзі өлтіру әрекеті - білезік өзегінің синдромы, танымдық қабілеттің бұзылыстары, конвульсия, дисграфия, дислексия, дистония, моторлық дифункциясы, миоклонустық құрысулар, неврит, жүйке-бұлшықет бұзылулары, нистагм, салдану, перонеальді жүйкенің салдануы, мелшию, көру өрісінің тарылуы - катаракта, көз мөлдір қабығының зақымдануы, көздің құрғауы, көзге қан құйылу, жоғарғы қабықтың түсіп кетуі, мидриаз, көру жүйкесінің атрофиясы - экстрасистолия, синустық брадикардия, пароксизмалық тахикардия - веналар варикозы - апноэ, мұрыннан қан кету, асқын желдетілу, дауыс саңылауының түйілуі, өкпе жұмысының бұзылуы, тұншығу сезімі - колит, жуан ішек полипі, энтероколит, кекіру, өңеш ойық жарасы, периодонтит, тік ішектен қан кету, сілекей безінің ұлғаюы - холелитиаз, гепатомегалия - Квинке ісінуі, жанаспалы дерматит, нодозды эритема, түйінді эритема - артрит, бурсит, бүйірдің ауыруы, бұлшықет атрофиясы, остеоартрит - гематурия, нефролитиаз, несеп жолдарының кінәраттары, несепті талдау көрсеткіштерінің қалыптан ауытқуы - сүт бездерінің қатаюы, эректильді дисфункция, жамбас ағзаларының түсіп кетуі, приапизм, қуық асты безі функциясының бұзылуы, жатыр мойны талдауының қалыптан ауытқуы, аталық без зақымдануы, қынаптан қан кету, вульва-қынаптық бұзылулар - гипотермия, инъекциядан кейінгі жедел реакция, қабыну, киста, «масаңдықтың салдары синдромы» күйі, шырышты қабық аурулары, инъекция орнындағы некроз - уытты гепатит, бауыр зақымдануы - екпеден кейінгі синдром Копаксонды қолданудың маркетингтен кейінгі тәжірибесінде бауыр функциясының айқын бұзылуының сирек жағдайлары (бауыр жеткіліксіздігінің және сарғаюмен гепатиттің көріністерін қоса) хабарланды. Көптеген жағдайларда бауыр функциясының айқын бұзылулары емдеуді тоқтатқаннан кейін өтті. Бауыр функциясы бұзылуының көріністері Копаксонмен емдеу басталғаннан бастап алғашқы күндері де, бірнеше жылдан кейін де орын алды. Анафилаксиялық реакциялар глатирамер ацетатын енгізгеннен кейін көп ұзамай, тіпті емдеу басталғаннан кейін бірнеше айдан бірнеше жылға дейін пайда болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- глатирамер ацетатына немесе маннитолға аса жоғары сезімталдық - 18 жасқа дейінгі балалар

Нұсқаулықта көрсетілмеген.

Копаксон®-Тева (300 мг глатирамер ацетатына дейін) артық дозаланған бірнеше жағдай жөнінде хабарламалар алынды. Бұл жағдайлар жағымсыз әсерлердің күшеюін тудырды. Артық дозалану жағдайында пациент дәрігер қадағалауында болуы және тиісті симптоматикалық емдеуден өтуі тиіс.

- пациенттерге препаратты енгізгенде антисептикалық әдістерді қолдану жөнінде нұсқаулар ұcынылyы, өздігінен иньекциялар жасап үйрену әдістемесі үйретілуі және инелер мен шприцтерді қауіпсіз утилизациялау шарасына қатысты ақпарат берілуі тиіс. Үйретілген дағдылар мезгіл-мезгіл бақылануы тиіс. - алғашқы иньекцияны білікті маман қадағалауымен жасау қажет - Копаксон®-Тева препаратын вена ішіне немесе бұлшықет ішіне енгізуге болмайды - препарат тек тері астына енгізіледі - шприц ішіндегі ерітіндіні араластыруға немесе оны қандай да бір басқа препаратпен қатар енгізуге болмайды - шприц ішінде көрінетін ерімеген бөлшектер болса, препараттың дайындалған ерітіндісі пайдалануға келмейді - шприц ішіндегісін мұздатып қатыруға болмайды - препараты бар әрбір шприц тек бір рет қолдануға арналған - пайдаланылған инелер мен шприцтерді қатты қаптамаға оларды алдын ала салудан соң ғана тастауға болады. - Копаксон®-Тева препаратын қолдануды дәрігермен кеңесусіз тоқтатпау керек. Арнайы ескертулер Копаксон®-Тева препаратымен емдеудің басында невролог-дәрігер немесе шашыраңқы склерозды емдеу тәжірибесі бар дәрігер бақылауы қажет. Копаксон®-Тева инъекциядан кейінгі реакцияларды, сондай-ақ анафилаксиялық реакцияларды тудыруы мүмкін. Емдеуші дәрігер Копаксон®-Тева инъекциясынан кейін бірнеше минут ішінде келесі симптомдардың ең болмаса, біреуімен байланысты реакциялардың: вазодилатация (қан кернеуі), гиперемия, кеуденің ауыруы, диспноэ (ентігу), жүрек қағу пайда болуы мүмкін екенін пациентке ескертуі тиіс. Осы симптомдардың көпшілігі қысқа мерзімді және қандай да бір зардаптарсыз басылады. Препаратқа күрделі жағымсыз реакция пайда болған жағдайда препарат қабылдауды дереу тоқтату және бұл жөнінде дәрігерге мәлімдеу немесе жедел медициналық жәрдем шақырту қажет. Қажет болған жағдайда симптоматикалық емдеу тағайындауға болады. Пациенттердің қандай да бір нақты топтарының осы реакциялардың ерекше даму қаупіне ұшырағаны туралы ешқандай дәлелдер жоқ. Дегенмен де, бұрыннан жүрек аурулары бар пациенттерге Копаксон препаратын тағайындағанда сақ болу керек. Емдеу кезінде пациенттердің жай-күйінің жүйелі бақылануын қамтамасыз ету керек. Анафилаксиялық реакциялар глатирамер ацетатын енгізгеннен кейін, емдеу басталғаннан кейін бірнеше айдан бірнеше жылға дейін пайда болуы мүмкін. Өліммен аяқталған жағдайлар тіркелген. Анафилаксиялық реакциялардың кейбір белгілері мен симптомдары инъекциядан кейінгі реакциялармен сәйкес келуі мүмкін. Копаксон®-Тева препаратымен емделетін барлық пациенттерге және қамқоршыларға анафилакcиялық реакциялардың белгілері мен симптомдары туралы және мұндай белгілер пайда болған жағдайда шұғыл медициналық көмекке жүгіну қажеттілігі туралы хабарлау қажет. Егер анафилаксиялық реакция пайда болса, Копаксон®-Тева препаратымен емдеуді тоқтату керек. Бүйрек функциясының бұзылуы бар пациенттерге зертханалық көрсеткіштер бақылауын жүйелі жүргізу қажет. Пациенттерде иммундық кешендердің гломерулалық жинақталуына ешқандай айғақтар болмаса да, бірақ осындай мүмкіндік жоққа шығарылмайды. Копаксон®-Тева препаратымен ұзақ уақыт емделіп жүрген пациенттерде күнделікті енгізгенде (20 мг/мл) қан плазмасынан глатирамер ацетатына антиденелер табылды. Ең жоғары деңгейлеріне 3-4 ай орташа емдеу ұзақтығынан кейін қол жеткізілді, ал одан кейін олар төмендеді және бастапқысынан сәл жоғары деңгейде тұрақтанды. Түзілген антиденелерде препараттың клиникалық әсерін төмендететін бейтараптандырғыш әсерінің бар екеніне дәлелдер жоқ. Бауыр функциясының айқын бұзылуларының сирек жағдайлары (бауыр жеткіліксіздігінің және сарғаюмен болатын гепатит көріністерін әрі бірлі-жарым жағдайларда бауыр трансплантациясын қоса) хабарланды. Көптеген жағдайларда бауыр функциясының айқын бұзылулары емдеуді тоқтатудан кейін басылды. Бауыр функциясының бұзылу көріністері Копаксон®-Тева препаратымен ем басталған соң алғашқы күндері де, бірнеше жылдан кейін де білінді. Осындай реакциялардың туындау себебі бәрінен жиірек: шамадан тыс алкоголь тұтыну, анамнезде бұрыннан бар бауыр зақымдануы, басқа гепатоуыттылығы зор препараттарды пайдалану болды. Пациенттерге бауырдың зақымдану белгілері тұрғысынан жүйелі бақылау және бауырдың зақымдану симптомдары пайда болғанда шұғыл медициналық көмек көрсету қажеттілігі туралы нұсқау беру керек. Бауырдың клиникалық мәнді зақымдануы жағдайында Копаксон®-Тева препаратын қабылдауды тоқтату мүмкіндігін қарастыру керек. Клиникалық зерттеулерде және тіркеуден кейінгі қолдану тәжірибесі кезінде, глатирамер ацетатын тәулігіне 20 мг/мл дозада қабылдаған пациенттермен салыстырғанда, аптасына үш рет 40 мг/мл глатирамер ацетатын қабылдаған пациенттерде жаңа жағымсыз реакциялар тіркелмеді. Копаксон, 40 мг/мл препаратын 18 жасқа толмаған жасөспірім балаларда аптасына үш рет қолдану жөнінде ұсынымдар жоқ. Ақпарат көлемінің жеткіліксіздігіне орай, Копаксон®-Тева препаратын осы жас тобында қолдануға болмайды. Копаксон®-Тева препаратының егде жастағы пациенттерге ықпалы зерттелмеген. Бүйрек жеткіліксіздігі бар пациенттерде Копаксон®-Тева қолдану арнайы зерттелмеген.

Интервенциялық емес ретроспективті зерттеу нәтижелері осы препаратты алған жаңа туған нәрестелер мен сәбилердің аналарын ауру ағымын өзгертетін терапия алмаған жаңа туған нәрестелер мен сәбилердің аналарымен салыстырғанда глатирамер ацетаты теріс әсерін көрсеткен жоқ. Бағаланатын нәтижелер өсу параметрлерін, дамуды кідірту жағдайларының жиілігін, ауруханаға жатқызу жиілігін және антибиотиктерді тағайындауды қамтыды. Жүкті әйелдерден алынған деректердің үлкен көлемі (1000 астам әсер ету жағдайы) туа біткен даму кемістіктерінің, сондай-ақ фетальді немесе неонаталды уыттылықтың жоғары қаупінің жоқтығын көрсетеді. Егер клиникалық қажеттілік болса, Копаксон®-Тева препараты жүктілік кезінде қолданылуы мүмкін. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Копаксон®-Тева препаратының автокөлікті және аса қауіпті механизмдерді басқару қабілетіне ықпал ету зерттеулері жүргізілмеген.

Копаксон препаратының басқа дәрілік заттармен өзара әрекеттесуіне ресми зерттеулер жүргізілмеді. Интерферон-бетамен өзара әрекеттесу деректері жоқ. Ағымдағы клиникалық зерттеулер нәтижелерінде, 28 күн бойы кортикостероидтарды бір мезгілде қолдануды қоса, глатирамер ацетатының, әдетте, ШС бар пациенттерде пайдаланылатын еммен қандай да бір мәнді өзара әрекеттесуі болжанбайды. Глатирамер ацетаты қан плазмасы ақуыздарымен байланысады, бірақ ол алмастырылмайды және фенитоин немесе карбамазепин орнын баса алмайды. Алайда, теориялық тұрғыда препарат ақуыз-байланыстыратын субстанциялар таралуына ықпал етуі мүмкін екендіктен, осындай дәрілік препараттарды қатар қолдану мұқият қадағалану қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 2˚С-ден 8˚С-ге дейінгі температурада сақтау керек Балалардың қолы жетпейтін жерде сақтау керек!