Копаксон®-Тева раствор 40 мг/мл

Бір миллилитр препараттың құрамында белсенді зат – глатирамер ацетаты, 40 мг қосымша заттар: маннитол, инъекцияға арналған су Сыртқы түрінің, иісінің, дәмінің сипаттамасы Түссізден әлсіз сары түске дейінгі, сәл бозаңданатын ерітінді.

- ремиттирлеуші ағымдағы шашыраңқы склерозда (өршудің жиілігін азайту, мүгедек ететін асқынулардың дамуын баяулату үшін). Копаксон®-Тева алғашқы немесе салдарлық үдемелі шашыраңқы склероз үшін қолданылмайды.

ШС-мен ауыратын науқастарға енгізу кезінде глатирамер ацетаты көрсететін механизм(дер) толық түсіндірілмеген. Алайда, ол иммундық үдерістерге модуляциялық әсер етеді деп болжауға болады. Жануарлар мен ШС бар пациенттерге жүргізілген зерттеулерде глатирамер ацетаты туа біткен иммундық жасушаларға, соның ішінде моноциттерге, дендриттік жасушаларға және В жасушаларға әсер етеді, олар өз кезегінде В және Т жасушаларының адаптивті функцияларын модуляциялайды, цитокиндердің қабынуға қарсы және реттеуші секрециясын тудырады. ШС патофизиологиясы ішінара ғана түсіндіріледі, сондықтан емдік әсері жоғарыда сипатталған жасушалық әсерлер арқылы болды ма болмады ма белгісіз. Клиникалық тиімділігі және қауіпсіздігі Қайталанатын-ремиттирлеуші шашыраңқы склероз: Қайталану жиілігін төмендетуде аптасына үш рет тері астына енгізілетін Копаксон 40 мг/мл инъекциясының тиімділігін растайтын дәлелдер 12 айлық плацебо-бақыланатын бір зерттеуден алынған. Негізгі клиникалық зерттеуде қайталанатын-ремиттирлеуші склероз соңғы 12 айда бір рет тіркелген қайталанумен, соңғы 24 айда екі рет тіркелген қайталанумен, соңғы 12 ай мен 24 ай арасында кемінде бір рет зақымданумен, соңғы 12 айда жүргізілген Т1-гадолиниймен магниттік-резонанстық томографиямен расталған бір рет расталған қайталанумен сипатталды. Бағалаудың бастапқы критерийі расталған қайталанулардың жалпы саны болып табылады. МРТ қайталама нәтижелеріне жаңа / ұлғайған T2 зақымдануларының жалпы саны және 6 және 12 айдан кейін алынған T1 өлшенген кескіндердегі жоғары тығыздықты зақымданулардың жалпы саны кірді. Жалпы алғанда, 1404 пациент 40 мг / мл (n = 943) немесе плацебо (n = 461) алу үшін 2: 1 қатынасында рандомизацияланған. Емдеудің екі тобы да бастапқы демографиялық көрсеткіштер, МС сипаттамалары және МРТ параметрлері бойынша салыстырылды. Скринингтен 2 жыл бұрын пациенттерде орта есеппен 2,0 рецидив тіркелді. Аптасына үш рет Копаксон 40 мг / мл алған пациенттерде плацебомен салыстырғанда бастапқы және қайталама нәтиже көрсеткіштерінің айтарлықтай және статистикалық маңызды төмендеуі байқалды, бұл күн сайын енгізілетін Копаксонның 20 мг / мл емдік әсеріне сәйкес келеді. Келесі кестеде тағайындалған емге сәйкес барлық рандомизацияланған пациенттердің популяциясы үшін нәтиженің бастапқы және қайталама көрсеткіштері үшін мәндер берілген: Тиімділік критерийі — Түзетілген орташа шамасы — P-мәні Копаксон (40 мг/мл) (N=943) — плацебо (N=461) Жылдық есептеудегі асқынулардың жиілігі (ARR) — 0,331 — 0,505 — p<0,0001 Қауіптің абсолютті айырмашылығы* (95% сенімді аралық) — -0,174 [-0,2841 дейін -0,0639] Жаңа/ұлғайған зақымданулардың жалпы саны T2 6 және 12 айдан соң — 3,650 — 5,592 — p<0,0001 Салыстырмалы қауіп * * (95% сенімді аралық) — 0,653 [0,546 до 0,780] 6 және 12 айдан кейін T1 өлшенген кескіндерде жоғары тығыздықтағы зақымданулардың жалпы саны — 0,905 — 1,639 — p<0,0001 Салыстырмалы қауіп * * (95% сенімді аралық) — 0,552 [0,436 0,699 дейін] * Қауіптің абсолютті айырмашылығы аптасына үш рет енгізілген түзетілген орташа ARR ГА 40 мг және түзетілген плацебо орташа ARR арасындағы айырмашылық ретінде анықталады. ** Арақатынас коэффициенті аптасына үш рет енгізілетін 40 мг ГА мен плацебо арасындағы арақатынастың түзетілген орташа мәні ретінде анықталады. Бір зерттеуде Копаксон 20 мг / мл (күн сайын енгізілетін) және 40 мг / мл (аптасына үш рет енгізілетін) арасындағы тиімділік пен қауіпсіздікті тікелей салыстыру жүргізілген жоқ. Копаксон 40 мг / мл: 3 айлық мүгедектіктің расталған үдерісі (CDP) бар пациенттердің үлесі 12 айлық плацебо-бақыланатын зерттеуде (GALA) зерттеудің соңғы нүктесі болды. Үш айлық CDP сәйкесінше плацебо және Копаксон қабылдаған пациенттердің 3% және 3,5%-ында байқалды (мүмкіндіктер қатынасы, OR [95% СА]: 1,182 [0,661, 2,117] (p = 0,5726)). 6 айлық CDP-ге дейінгі уақыт, оның ішінде ашық қосымша зерттеу (7 жылға дейін) зерттеудің соңғы нүктесі болды. Тағайындалған емге сәйкес барлық рандомизацияланған пациенттер популяциясының қауіп қатынасы (ҚҚ) [95% СА] ерте басталған Копаксон тобымен және емдеуді кейінге қалдырылған топпен салыстырғанда 0,892 [0,688, 1,157] (р = 0,3898) құрады. Қазіргі уақытта бастапқы немесе қайталама үдемелі ауруы бар пациенттерде Копаксонды қолдануға ешқандай дәлел жоқ.

Дозалау режимі Ұсынылатын доза кемінде 48 сағат аралықпен аптасына үш рет тері астына инъекция түрінде енгізілетін 40 мг глатирамер ацетатын (1 алдын ала толтырылған шприц) құрайды. Бүгінгі күні препаратты қолдану ұзақтығы туралы деректер жоқ. Енгізу әдісі және жолы Копаксон®-Тева тек тері астына енгізіледі. Копаксон®-Теваны вена ішіне немесе бұлшықет ішіне енгізуге болмайды. Препараты бар әрбір шприц тек бір реттік қолдануға арналған. Шприцтегі Копаксон®-Тева препаратын қолдану жөнінде пациенттерге арналған нұсқаулар: • Препаратты енгізер алдында Сізде инъекцияға арналған қажеттілердің барлығы бар екендігіне көз жеткізіңіз: • препарат ерітіндісімен толтырылған шприц; • пайдаланылған шприцтер мен инелерге арналған утилизациялық контейнер; • спиртке малынған мақта тампон. • Тоңазытқышта сақталуы тиіс жалпы қаптамадан іші толтырылған шприці бар пішінді ұяшықты қаптаманың біреуін алыңыз, және оны бөлме температурасында кем дегенде 20 минут ұстаңыз. • Препаратты енгізер алдында қолды сабындап сумен мұқият жуып-шайыңыз. • Пайдаланар алдында шприцтегі ерітіндіні қарап шыққан жөн. Жүзінді бөлшектер бар болса немесе ерітіндінің түсі өзгерсе, оны қолданбау керек. • Дененің инъекцияға арналған аймағын таңдап алыңыз. 1 суретті қараңыз (инъекцияға арналған ықтимал сегіз нүктенің біреуін: қол, сан, бөксе, іш – асқазан аймағы және т.б.). Инъекция үшін терінің ауыратын нүктелерін, түссізденген, қызарған жерлерін немесе қатайған және түйіндері бар аймағын пайдаланбаған жөн. Әр кезде егу үшін жаңа жерді таңдаңыз, бұнымен сіз жағымсыз сезінуді және инъекция жасалған жердегі тері аймағының ауыруын азайта аласыз. Әрбір инъекциялық аймақтың ішінде егуге арналған көп нүктелер бар. Нақты аймақтардың ішіндегі инъекция нүктелерін ұдайы алмастырып отырыңыз. Инъекция жасалған жерді алмастыру сызбасын жасау және оны өзінде ұстау ұсынылады. Денеде өздігінен инъекция жасау қиын болатын бірқатар аймақтар (арқа, қол) бар, ол үшін сізге басқа адамның жәрдемі қажет болуы мүмкін. 1 сурет. Инъекция жасалатын жердің орналасу сызбасы • Қағаз таңбасын (жолағын) алып тастап, жеке пішінді ұяшықты қаптамадан шприцті шығарып алыңыз. • Шприцті жазу жазатын қолыңызға алыңыз. Иненің қорғаныш қалпақшасын алып қойыңыз. • Инъекция жасалатын жерді спирт ерітіндісі бар мақта салфеткамен алдын ала өңдеңіз, теріні басбармақ және сұқ саусақпен сәл қатпарлап жинаңыз (2 сурет). • Инъекция жасалатын жерге шприцті перпендикуляр етіп орналастырып, инені теріге 90º бұрыш жасай отырып енгізіңіз (3 сурет); препаратты шприцтің поршенін түбіне дейін біркелкі қыса отырып, (ол түгел босағанша) енгізіңіз. • Шприцті инесімен бірге бұрынғы еңкіш бұрышын сақтай отырып, жоғары қарай тігінен қозғап шығарып алыңыз. • Шприцті утилизациялық контейнерге салыңыз. Копаксон®-Тева препаратын қолдануды дәрігермен кеңесіп алмай, тоқтатпаңыз. 2-сурет 3-сурет Қабылдау уақыты көрсетілген қолдану жиілігі Препаратпен алдын ала толтырылған бір шприцтің ішіндегісі кем дегенде 48 сағат аралықпен аптасына үш рет, дұрысы күннің белгілі бір уақытында тері астына инъекция түрінде енгізіледі. Емдеу ұзақтығы Емдеу ұзақтығы жөніндегі шешімді дәрігер әрбір жағдай үшін жекелей қабылдайды. Копаксон®-Тева препаратын қолдануды дәрігердің кеңесінсіз тоқтатуға болмайды. Дәрілік препараттың бір немесе бірнеше дозасын жіберіп алғанда қажетті шаралар Бір дозаны жіберіп алсаңыз, ол есіңізге түскенде дереу инъекция жасаңыз. Препараттың қосарлы дозасын енгізуге жол берілмейді. Келесі дайын шприцті тек 48 сағаттан соң пайдаланыңыз. Тоқтату симптомдары қаупінің болуын көрсету Дәрілік препаратты қабылдаудан бұрын дәрігермен немесе фармацевтпен кеңесіңіз. Жағымсыз реакциялардың сипаттамасы Өте жиі - тұмау, инфекциялық аурулар - үрей, депрессия - бас ауыруы - қан тамырларының кеңеюі - ентігу - жүрек айнуы - бөртпе - артралгия, арқаның ауыруы - астения, кеуденің ауыруы, енгізу орнындағы реакциялар, ауыру Жиі - бронхит, гастроэнтерит, қарапайым герпес, ортаңғы құлақ отиті, ринит, тіс абсцессі, қынаптық кандидоз - терінің қатерсіз жаңа түзілімдері, басқа жаңа түзілімдер - лимфа түйіндерінің ұлғаюы - жоғары сезімталдық - анорексия, дене салмағының артуы - күйгелектік - дисгевзия, гипертония, бас сақинасы, сөйлеудің бұзылуы, естен тану, тремор - диплопия, көрудің бұзылуы - естудің бұзылуы - жиі жүрек соғуы, тахикардия - жөтел, маусымдық ринит - аноректальді аймақтың зақымдануы, іш қатуы, тіс кариесі, диспепсия, дисфагия, нәжісті ұстай алмау, құсу - бауырдың функционалдық сынамаларының қалыптан ауытқуы - экхимоз, гипергидроз, қышыну, терінің қабынуы, есекжем - мойын аумағының ауыруы - несепті ұстай алмау, поллакиурия, несептің кідіруі - тоңу, беттің ісінуі, инъекция аумағында сезімталдықтың жоғалуы, жергілікті реакциялар, шеткері ісіну, ісіну, қызба Сирек - анафилаксиялық реакция - абсцесс, флегмона, фурункулез, герпес, пиелонефрит - тері обыры - лейкоцитоз, лейкопения, спленомегалия, тромбоцитопения, лимфоциттердің аномалиялық морфологиясы - зоб, гипертиреоз - алкогольдің жақпауы, подагра, гиперлипидемия, қандағы натрийдің жоғарылауы, сарысудағы ферритиннің төмендеуі - әдеттен тыс түс көру, сананың шатасуы, эйфория, елестеулер, өшпенділік, алжасу, тұлғалық бұзылыстары, өз-өзіне қол жұмсау әрекеті - білезік өзегінің синдромы, когнитивті бұзылыс, конвульсия, дисгевзия, дислексия, дистония, қимыл қозғалыс үйлесімінің бұзылуы, миоклонустық құрысулар, неврит, жүйке-бұлшықет бұзылуы, нистагм, салдану, перонеальді жүйкенің салдануы, мелшию, көру өрісінің тарылуы - катаракта, көздің мөлдір қабығының зақымдануы, көздің құрғақтығы, көзге қан құйылуы, қабақ птозы, мидриаз, көру жүйкесінің атрофиясы - экстрасистолия, синустық брадикардия, пароксизмальді тахикардия - вена варикозы - апноэ, мұрыннан қан кетуі, гипервентиляция, дыбыс саңылауының түйілуі, өкпе жұмысының бұзылуы, тұншығу сезімі - колит, жуан ішек полипі, энтероколит, кекіру, өңеш ойық жарасы, периодонтит, тік ішектен қан кету, сілекей безінің ұлғаюы - холелитиаз, гепатомегалия - Квинке ісінуі, анафилаксиялық реакция, жанаспалы дерматит, нодозды эритема, түйінді эритема - артрит, бурсит, бүйірдің ауыруы, бұлшықет атрофиясы, остеоартрит - гематурия, нефролитиаз, несеп жолының аурулары, несеп талдау көрсеткіштерінің ауытқуы - сүт бездерінің қатаюы, эректильді дисфункция, жамбас ағзаларының түсіп кетуі, приапизм, қуық асты безі функциясының бұзылуы, жатыр мойны жағындысының аномалиялық нәтижелері, аналық бездің зақымдануы, қынаптан қан кетуі, вульвовагинальді бұзылыстар - гипотермия, инъекциядан кейінгі жедел реакция, қабыну, киста, «масаңдықтың салдары синдромы» күйі, шырышты қабық аурулары, инъекция орнындағы некроз - уытты гепатит, бауыр зақымдануы - екпеден кейінгі синдром Копаксонды қолданудың маркетингтен кейінгі тәжірибесінде бауыр функциясының айқын бұзылуының сирек жағдайлары (бауыр жеткіліксіздігінің және сарғаюмен гепатиттің көріністерін қоса) хабарланды. Көптеген жағдайларда бауыр функциясының айқын бұзылулары емдеуді тоқтатқаннан кейін өтті. Бауыр функциясы бұзылуының көріністері Копаксонмен емдеу басталғаннан бастап алғашқы күндері де, бірнеше жылдан кейін де орын алды. Анафилаксиялық реакциялар глатирамер ацетатын енгізгеннен кейін көп ұзамай, тіпті емдеу басталғаннан кейін бірнеше айдан бірнеше жылға дейін пайда болуы мүмкін. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

- глатирамер ацетатына немесе кез келген басқа қосымша заттарға аса жоғары сезімталдық - 18 жасқа дейінгі балалар

Нұсқаулықта көрсетілмеген.

Копаксон®-Тева (300 мг глатирамер ацетатына дейін) артық дозалануының бірнеше жағдайлары туралы хабарламалар алынды. Бұл жағдайлар жағымсыз әсерлердің жоғарылауына әкелді. Артық дозаланған жағдайда пациент дәрігердің бақылауында болуы және тиісті симптоматикалық емдеуден өтуі тиіс.

- пациенттерге препаратты енгізген кезде антисептикалық әдістерді қолдану жөнінде нұсқаулар берілуі және өздігінен иньекция жасау әдістемесі үйретілуі және өз бетімен инъекция жасау әдістемесіне оқып үйренуі және инелер мен шприцтерді қауіпсіз утилизациялау процедурасына қатысты хабардар болуы тиіс. Алынған дағдылар мезгіл-мезгіл бақылануы тиіс. - алғашқы иньекцияны білікті маманның бақылауымен жүргізу қажет - Копаксон®-Теваны вена ішіне немесе бұлшықет ішіне енгізуге болмайды - препарат тек тері астына енгізіледі - шприцтегі ерітіндіні араластыруға немесе қандай да бір басқа препаратпен енгізуге болмайды - ішінде ерімеген бөлшектері бар препараттың дайындалған ерітіндісі пайдалануға келмейді. - шприц ішіндегісін мұздатып қатыруға болмайды. - препараты бар әрбір шприц тек бір рет қолдануға арналған - пайдаланылған инелер мен шприцтерді оларды қатты қаптамаға алдын ала салғаннан кейін ғана жоюға болады. - Копаксон®-Тева препаратын қолдануды дәрігердің кеңесінсіз тоқтатуға болмайды. Арнайы ескертулер Копаксон®-Тева препаратымен емдеудің басында невролог дәрігердің немесе шашыраңқы склерозды емдеу тәжірибесі бар дәрігердің бақылау жүргізуі қажет. Копаксон®-Тева инъекциядан кейінгі реакцияларды, сондай-ақ анафилаксиялық реакцияларды тудыруы мүмкін. Емдеуші дәрігер пациентке келесі мына симптомдардың бірімен болса да астасатын жағымсыз реакциялардың пайда болу мүмкіндігі жөнінде алдын ала ескертуі тиіс: Копаксон®-Тева инъекциясынан кейін бірнеше минут ішінде вазодилатация (қан кернеулері), гиперемия, кеуденің ауыруы, диспноэ (ентігу), тахикардия. Осы симптомдардың көбісі ұзаққа созылмайды және асқынусыз қайтады. Препаратқа күрделі жағымсыз реакция пайда болған жағдайда препарат қабылдауды дереу тоқтату және мұны дәрігерге мәлімдеуі немесе жедел медициналық жәрдем шақыруы қажет. Қажет болған жағдайда симптоматикалық ем тағайындалуы мүмкін. Пациенттердің кез келген тобы үшін жағымсыз реакциялардың пайда болуының жоғары қаупіне ешқандай айғақтамалар жоқ. Осыған қарамастан, жүрек тарапынан бұзылулары бар пациенттер Копаксон®-Тева препаратын сақтықпен қолдануы қажет. Емдеу кезінде мұндай пациенттерді үнемі бақылап отыру қажет. Анафилаксиялық реакциялар глатирамер ацетатын енгізгеннен кейін, емдеу басталғаннан кейін бірнеше айдан бірнеше жылға дейін пайда болуы мүмкін. Өліммен аяқталған жағдайлар тіркелген. Анафилаксиялық реакциялардың кейбір белгілері мен симптомдары инъекциядан кейінгі реакциялармен сәйкес келуі мүмкін. Копаксон®-Тева препаратымен емделетін барлық пациенттерге және қамқоршыларға анафилаксиялық реакциялардың белгілері мен симптомдары туралы және мұндай белгілер пайда болған жағдайда шұғыл медициналық көмекке жүгіну қажеттілігі туралы хабарлау қажет. Егер анафилаксиялық реакция пайда болса, Копаксон®-Тева препаратымен емдеуді тоқтату керек. Бүйрек функциясы бұзылған науқастарда зертханалық көрсеткіштерді үнемі бақылау қажет. Пациенттерде иммундық кешеннің гломерулярлы жиналып қалуына ешқандай дәлелдер жоқ болса да, мұндайдың мүмкін екендігін жоққа шығаруға болмайды. Копаксон®-Тева препаратымен емделіп жүрген пациенттердің қан сарысуында глатирамер ацетатына антидене табылды. Ең жоғары деңгейлерге емдеудің 3-4 айлық орташа ұзақтығынан кейін жетті және, содан кейін олар төмендеді және бастапқыдан аздаған жоғары деңгейде тұрақтанды. Түзілетін антидененің препараттың клиникалық әсерін төмендететін бейтараптандырғыш әсерінің бар екендігіне айғақтамалар жоқ. Копаксон-Теваны қолданудың маркетингтен кейінгі тәжірибесі кезінде бауыр функциясының айқын бұзылуларының сирек жағдайлары туралы (бауыр жеткіліксіздігімен және сарғаюмен гепатиттің көріністерін қоса) хабарланды. Көп жағдайда бауыр функциясының айқын бұзылуы ем тоқтағаннан кейін басылады. Бауыр функциясының бұзылу көріністері Копаксон®-Тева препаратымен ем басталғаннан бастап алғашқы күндері де және бірнеше жылдан кейін де пайда болды. Осындай реакциялардың туындау себебі көбінесе: шамадан тыс алкогольді тұтыну, анамнезінде бұрыннан бар бауырдың зақымдануы, басқа потенциалды гепатоуытты препараттарды пайдалану болып табылады. Пациенттерді бауырдың зақымдану белгілері тұрғысында тұрақты бақылау және бауырдың зақымдану симптомдары пайда болған кезде шұғыл медициналық көмек көрсету қажеттігі туралы нұсқау беру керек. Бауырдың клиникалық елеулі зақымдануы жағдайында Копаксон®-Тева препаратын қабылдауды тоқтату мүмкіндігін қарастыру керек. Копаксон, 40 мг/мл препаратын 18 жасқа толмаған жасөспірім балаларда аптасына үш рет қолдану жөнінде ұсынымдар жоқ. Ақпарат көлемінің жеткіліксіздігіне орай, Копаксон®-Тева препаратын осы жас тобында қолдануға болмайды. Копаксон®-Тева егде жастағы пациенттерге ықпалы зерттелген жоқ. Бүйрек жеткіліксіздігі бар пациенттерде Копаксон®-Тева препаратын қолдану арнайы зерттелген жоқ.

Интервенциялық емес ретроспективті зерттеу нәтижелері осы препаратты алған жаңа туған нәрестелер мен сәбилердің аналарын ауру ағымын өзгертетін терапия алмаған жаңа туған нәрестелер мен сәбилердің аналарымен салыстырғанда глатирамер ацетаты теріс әсерін көрсеткен жоқ. Бағаланатын нәтижелер өсу параметрлерін, дамуды кідірту жағдайларының жиілігін, ауруханаға жатқызу жиілігін және антибиотиктерді тағайындауды қамтыды. Жүкті әйелдерден алынған деректердің үлкен көлемі (1000 астам әсер ету жағдайы) туа біткен даму кемістіктерінің, сондай-ақ фетальді немесе неонаталды уыттылықтың жоғары қаупінің жоқтығын көрсетеді. Егер клиникалық қажеттілік болса, Копаксон®-Тева препараты жүктілік кезінде қолданылуы мүмкін. Көлік құралын немесе қауіптілігі зор механизмдері басқару қабілетіне дәрілік заттың әсер ету ерекшеліктері Автокөлікті және қауіптілігі зор механизмдерді басқару қабілетіне Копаксон®-Тева препаратының ықпалына зерттеулер жүргізілген жоқ.

Копаксон®-Тева препараты мен басқа дәрілік заттар арасындағы өзара әрекеттесу жеткіліксіз зерттелген. Интерферон-бета өзара әрекеттесу деректері жоқ. Ағымдағы клиникалық зерттеулер нәтижелерінде, 28 күн бойы кортикостероидтарды бір мезгілде қолдануды қоса, глатирамер ацетатының, әдетте, ШС бар пациенттерде пайдаланылатын еммен қандай да бір мәнді өзара әрекеттесуі болжанбайды. Глатирамер ацетаты қан плазмасы ақуыздарымен байланысады, бірақ ол алмастырылмайды және фенитоиннің немесе карбамазепиннің орнын баспайды. Алайда теориялық тұрғыдан препарат ақуыздармен байланысатын субстанциялардың таралуына ықпалын тигізуі мүмкін болғандықтан, осындай дәрілік препараттарды қатар қолдануды мұқият бақылау қажет.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 2˚С-ден 8˚С-ге дейінгі температурада сақтау керек Балалардың қолы жетпейтін жерде сақтау керек!