Корвалтаб таблетки

Бір таблетканың құрамында белсенді заттар: α-бромизовалериан қышқылы этил эфирі – 8,2 мг, фенобарбитал – 7,5 мг, жалбыз майы – 0,58 мг, қосымша заттар: β-циклодекстрин, картоп крахмалы, лактоза моногидраты, микрокристалды целлюлоза, магний стеараты. Сыртқы түрінің, иісінің, дәмінің сипаттамасы Теңбіл, беті тегіс, ойығы бар дөңгелек пішінді, өзіне тән иісі бар ақ немесе ақ дерлік түсті таблеткалар.

• невроз тәрізді жай-күйді симптоматикалық емдеуде; жедел және созылмалы стреспен, қозу және мазасызданумен байланысты ұйқының бұзылуында. Емнің тиімділігі препаратты екі апта қабылдаудан кейін төмендейтіндіктен, дәрілік зат ұйқының бұзылуын қысқа мерзімді емдеуге арналған.

Әсер ету механизмі Седативті, тамыр кеңейтетін, спазмолитикалық дәрі. Корвалтаб препараты орталық жүйке жүйесінің қозуын азайтуға ықпал етеді, тыныштандыратын әсер көрсетеді және табиғи ұйқының орнауын жеңілдетеді. Фармакодинамикалық тиімділігі Препарат құрамына кіретін α-бромизовалериан қышқылының этил эфирі седативті және спазмолитикалық әсер етеді, шүйгіншөп экстрактісінің әсеріне ұқсас; жоғары дозаларда сондай-ақ жеңіл ұйықтататын әсер көрсетеді. Фенобарбитал вазодилатациялаушы және седативті әсер етеді. Жалбыз майы рефлекстік тамыр кеңейтетін және спазмолитикалық әсер етеді. Клиникалық тиімділігі мен қауіпсіздігі Деректер жоқ.

Дозалау режимі Ересектерге, әдетте, 1-2 таблетка препараттан тәулігіне 2-3 рет тамақтануға дейін тағайындайды. Тахикардия және коронарлық тамырлар түйілуі кезінде бір реттік доза 3 таблеткаға дейін арттырылуы мүмкін. Емдеу курсының дозалануы мен ұзақтығын әрбір пациентке дәрігер жеке белгілейді. Педиатрияда қолданылуы Балаларды емдеу үшін қолдану тәжірибесі жоқ, сондықтан препаратты педиатриялық тәжірибеде қолданбайды. Енгізу әдісі және жолы Препаратты пероральді қабылдайды. Тоқтату симптомдары қаупінің болуын көрсету Барбитураттар үшін тоқтату синдромы тән. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге жүгініңіз.

- әсер етуші заттарға, бромға немесе қосымша заттардың кез келгеніне аса жоғары сезімталдық - бүйрек және/немесе бауыр функцияларының ауыр бұзылулары - бауырдың жедел порфириясы - жүктілік және бала емізу кезеңі - 18 жасқа дейінгі балалар Құрамында фенобарбитал бар дәрілік заттарды айқын артериялық гипотензия, жедел миокард инфарктісі, қант диабеті, депрессия және суицидтік әрекеттерге бейімділігі бар пациенттердегі депрессиялық бұзылыстарда, миастения, алкоголизм, есірткілік және дәріге тәуелділік (оның ішінде анамнезінде), ентігумен респираторлық аурулар, обструкциялық синдром кезінде қолдануға болмайды.

Корвалтаб препаратының, әдетте, жағымдылығы жақсы. Жекелеген жағдайларда келесі жағымсыз әсерлер байқалуы мүмкін: Белгісіз (қолда бар деректердің негізінде бағалау мүмкін емес) - диспепсиялық көріністер, келесілерді қоса: қыжыл, жүрек айну, құсу, іш қату, эпигастрий аумағындағы ауырлық сезімі, асқазанның ауыруы, ұзақ уақыт қолданғанда – бауыр функциясының бұзылуы; - астения, әлсіздік, атаксия, қимыл-қозғалыс үйлесімінің бұзылуы, нистагм, елестеулер, парадоксалды қозу, зейін қою төмендеуі, шаршау, реакцияның тежелуі, бас ауыруы, когнитивті бұзылулар, ұйқысыздық (көбінесе егде жастағы пациенттерде), сананың шатасуы, ұйқышылдық, бас айналу, депрессия; - анемия, тромбоцитопения, агранулоцитоз, мегалобластты анемия; - артериялық гипотензия, брадикардия; - тыныс тарылуы; - ангионевроздық ісіну, аллергиялық реакцияларды қоса (соның ішінде тері бөртпесі, қышыну, есекжем) аса жоғары сезімталдық реакциялары; - терінің жарыққа жоғары сезімталдығы (фотосенсибилизация), полиморфты экссудативті эритема, Стивенс-Джонсон синдромы, уытты эпидермалық некролиз (Лайел синдромы), эксфолиативті дерматит. Құрамында фенобарбитал бар заттарды ұзақ уақыт қолдану кезінде остеогенездің бұзылу қаупі бар. Фенобарбиталды ұзақ уақыт қолданған пациенттерде сүйек тінінің минералды тығыздығының төмендеуі, остеопения, остеопороз және сынулар туралы хабарламалар болды. Фенобарбиталдың сүйек тінінің метаболизміне әсер ету механизмі анықталмаған. Басқалары: дене температурасының жоғарылауы, лимфа түйіндерінің ұлғаюы, лейкоцитоз, лимфоцитоз, лейкопения, коллапс. Фенобарбиталды ұзақ уақыт қолданған кезде фолат тапшылығы, импотенция, дәрі-дәрмектік тәуелділік, тоқтату синдромы дамуы мүмкін, ол әдетте дәрілік затты күрт тоқтату кезінде пайда болады және түнгі қорқынышты түстер көрумен, күйгелектікпен бірге жүреді. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Артық дозалану препаратты жиі немесе ұзақ қолданудан болуы мүмкін, ол оның құрамының жинақталуымен байланысты. Ұзақ және ұдайы қолдану тәуелділікке, абстинентті синдромға, психомоторлық қозуға әкелуі мүмкін. Барбитураттармен жеңіл немесе орташа ауырлықтағы жедел уланудың симптомдары: бас айналу, қатты қажу, пациентті ояту мүмкін емес терең ұйқы. Аса жоғары сезімталдық реакциялары байқалуы мүмкін: ангионевроздық ісіну, қышыну, бөртпе (атап айтқанда есекжем). Барбитураттармен жедел ауыр уланудың белгілері: тіндік гипоксиямен бірге жүретін терең комаға дейін орталық жүйке жүйесінің тежелуі; алдымен жиі, содан кейін баяу беткейлік тыныс алу; тыныс алудың тоқтап қалуына дейін тежелуі; ырғақтың бұзылуын қоса алғанда, жүрек-қантамырлары қызметінің тежелуі; коллапстық жай-күйге дейін артериялық қысымның төмендеуі; дене температурасының төмендеуі, диурездің азаюы, жүректің жиі соғуы немесе брадикардия, рефлекстердің әлсіреуі немесе болмауы, нистагм, бас ауыруы, жүрек айну, әлсіздік. Егер улануды емдемесе, қантамырлық жеткіліксіздік, тыныс алудың салдануы немесе өкпе ісінуіне байланысты өлімге әкелуі мүмкін. Емдеу: симптоматикалық терапия (ең алдымен организмнің негізгі өмірлік функцияларын бақылау: тыныс алу, импульс, артериялық қысым). Дәрілік заттармен жедел улану жағдайларын улану симптомдарының ауырлығына байланысты басқа ұйықтайтын дәрілермен және барбитураттармен улану кезіндегідей емдеу керек. Пациенттерге қарқынды терапия қажет болуы мүмкін. Тыныс алу мен қан айналымын тұрақтандыру және қалыпқа келтіру қажет. Тыныс алу жеткіліксіздігі жасанды тыныс алуды жүргізу арқылы басылады, шок плазма және плазма алмастырғыштарды құю арқылы басылады. Егер дәрілік затты қабылдаудан аз уақыт өтсе (6 сағаттан артық емес), асқазан шаюды жүргізіп, әрі қарай сорбент (белсендірілген көмір) мен натрий сульфатын енгізу қажет. Барбитуратты организмнен тез шығару мақсатында сілтілермен қарқынды диурез, сондай-ақ гемодиализ және/немесе гемоперфузия жүргізуге болады. Құрамында бром бар дәрілік заттарды ұзақ уақыт қолдану броммен улануға әкелуі мүмкін. Броммен улану симптомдары: орталық жүйке жүйесінің тежелуі, депрессия, сананың шатасуы, атаксия, апатия, конъюнктивит, ринит, көз жасының ағуы, акне, пурпура. Емі: бром иондарын организмнен шығаруды салуретикалық дәрілерді бір мезгілде енгізе отырып, ас тұзы ерітіндісінің едәуір мөлшерін қабылдау арқылы жеделдетуге болады. Аса жоғары сезімталдық реакциялары пайда болған кезде десенсибилизациялайтын дәрілік заттарды тағайындау керек.

Арнайы ескертулер Препаратпен емделу кезінде зейін қоюды, жылдам психикалық және қозғалыс реакцияларын қажет ететін қызметпен айналысу ұсынылмайды. Препаратты қабылдау кезінде спиртті ішімдіктерді ішуден аулақ болған жөн. Фенобарбитал суицидтік мінез-құлыққа бейімділігі бар пациенттерде депрессиялық бұзылыстар кезінде қарсы көрсетілімді. Дәрілік заттың құрамында фенобарбиталдың болуы өмірге қауіп төндіретін тері реакцияларының, атап айтқанда Стивенс-Джонсон синдромының немесе уытты эпидермалық некролиздің (Лайелл синдромы) дамуына әкелуі мүмкін, бұл емдеудің алғашқы апталарында болуы мүмкін. Сондықтан, егер оларға тән симптомдар пайда болса (мысалы, жиі күлдіреуіктермен және шырышты қабықтың зақымдануымен бірге терінің үдемелі бөртпесі), дәрілік затты қолдануды тоқтату керек және болашақта құрамында фенобарбитал бар дәрілік заттарды ешқашан қолданбау керек. Стивенс-Джонсон синдромын немесе уытты эпидермалық некролизді тудыруы мүмкін симптомдарды ерте диагностикалау және дәрілік затты қолдануды дереу тоқтату емдеудің ең жақсы нәтижелеріне мүмкіндік береді. Дәрі-дәрмектік тәуелділіктің даму қаупіне, организмде бромның жиналу және броммен уланудың даму мүмкіндігіне байланысты ұзақ уақыт қолдану ұсынылмайды. Барбитураттар тоқтату синдромымен сипатталады. Препаратты қабылдағаннан кейін жүрек аумағындағы ауыру басылмаған жағдайда жедел коронарлық синдромның бар жоғын анықтау үшін дәрігерге бару керек. Декомпенсацияланған жүрек жеткіліксіздігі, артериялық гипотензия, гиперкинез, гипертиреоз, бүйрек үсті безінің гипофункциясы, жедел және тұрақты ауыру, дәрілік заттармен жедел улану кезінде препаратты сақтықпен тағайындау керек. Препарат құрамында лактоза бар, сондықтан тұқым қуалайтын лактоза-галактоза жақпаушылығы немесе глюкоза-галактоза мальабсорбциясы бар пациенттерге Корвалтаб препаратын қолдану ұсынылмайды. Педиатрияда қолданылуы Балаларды емдеуге қолдану тәжірибесі жоқ, сондықтан препаратты педиатриялық тәжірибеде қолданбайды.

Жүктілік кезеңінде дәрілік затты қолдануға болмайды. Барбитураттар шарана патологиясының даму ықтималдығын арттырады. Жүктіліктің III триместрінде фенобарбиталды қолданғанда физикалық тәуелділік пайда болуы мүмкін, бұл жаңа туған нәрестеде құрысулар, қозу, қан ұюының бұзылуымен көрінетін тоқтату синдромының пайда болуына әкеледі. Фенобарбиталды босану кезінде қолдану жаңа туған нәрестеде тыныс алудың бәсеңдеуіне әкелуі мүмкін. Бала емізу кезінде дәрілік затты қолдануға болмайды. Фенобарбитал емшек сүтіне едәуір мөлшерде енеді және баланың орталық жүйке жүйесін тежеуі мүмкін. Препараттың көлікті немесе қауіптілігі зор механизмдерді басқару қабілетіне ықпал ету ерекшеліктері Дәрілік зат қозғалыс үйлесімділігінің бұзылуын, психомоторлы реакциялардың жылдамдығын, ұйқышылдықты және бас айналуды тудыруы мүмкін, сондықтан емдеу кезеңінде пациенттерге қауіпті механизмдермен жұмыс істеу және көлік құралдарын басқару ұсынылмайды.

Фенобарбитал бауыр ферменттерін индукциялайды және сәйкесінше бауыр ферменттерімен метаболизденетін кейбір дәрілік заттардың метаболизмін тездетуі мүмкін (парацетамол, салицилаттар, тікелей емес антикоагулянттар, жүрек гликозидтері (дигитоксин), микробқа қарсы (хлорамфеникол, доксициклин, метронидазол, рифампицин, сульфаниламид), вирусқа қарсы, зеңге қарсы (гризеофулвин, итраконазол), эпилепсияға қарсы, құрысуға қарсы, психотропты (трициклді антидепрессанттар), пероральді қантты төмендететін, гормондық (эстрогендер, прогестогендер, кортикостероидтар, тиреоидты гормондар), иммуносупрессиялық (глюкокортикостероидтар, циклоспорин, цитостатиктер), аритмияға қарсы, гипертензияға қарсы (β-блокаторлар, кальций өзекшелерінің блокаторлары) дәрілік заттар және т. б. Фенобарбитал анальгетиктер мен жергілікті анестезиялық анестетиктердің, нейролептиктердің, транквилизаторлардың әсерін күшейтеді. Фенобарбитал пероральді контрацептивтердің метаболизмін жеделдетуі мүмкін, бұл олардың әсерін жоғалтуға әкеледі. Препаратты орталық жүйке жүйесін басатын басқа дәрілік заттармен бір мезгілде қолданғанда әсер етудің өзара күшеюі мүмкін, бұл тыныс алудың бәсеңдеуімен қатар жүруі мүмкін. Препараттың әсері вальпрой қышқылы препараттарын, алкогольді қолдану аясында күшейеді. Алкоголь дәрілік заттың әсерін күшейтеді және оның уыттылығын арттыруы мүмкін. Қандағы фенитоин концентрациясына, сондай-ақ карбамазепин мен клоназепамға әсер етуі мүмкін. Препарат метотрексаттың уыттылығын арттырады. Қышқыл қасиеттері бар дәрілік заттар (аскорбин қышқылы, аммоний хлориді) және құрамында вальпрой қышқылы бар препараттар барбитураттардың әсерін күшейтеді. Вальпроатпен және фенобарбиталмен бір мезгілде ем қабылдайтын пациенттерді гипераммониемия белгілерінің болуына бақылау жүргізу керек. Тіркелген жағдайлардың жартысында гипераммониемия симптомсыз өтті және міндетті түрде энцефалопатияға әкелген жоқ. МАО тежегіштері фенобарбитал әсерін ұзартады. Рифампицин фенобарбитал әсерін төмендетуі мүмкін. Фенобарбиталды алтын препараттарымен бір мезгілде қолданған кезде бүйректің зақымдану қаупі артады. Фенобарбиталды қабынуға қарсы стероидты емес препараттармен бір мезгілде ұзақ қабылдаған кезде асқазан ойық жарасы мен қан кетудің пайда болу қаупі болады. Зидовудинмен бір уақытта қолдану екі препараттың да уыттылығын күшейтеді.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында 25 оС-ден аспайтын температурада сақтау керек. Балалардың қолы жетпейтін жерде сақтау керек!