Корвитин порошок

Бір құтының ішінде белсенді заттар: кверцетин (100 % құрғақ затқа шаққанда) 0.05 г, повидон, молекулалық салмағы 7100-11000, (сусыз затқа шаққанда) 0.45 г, қосымша зат - натрий гидроксиді. Сыртқы түрінің сипаттамасы Ашық-сарыдан жасыл реңді сары түске дейінгі құрғақ кеуекті масса, гигроскопиялы.

Корвитин ересектерде қолданылады - коронарлық қан айналымының жедел бұзылуы мен миокард инфарктісінде кешенді ем құрамында - қолқаның құрсақтық бөлігі мен шеткері артериялардың облитерациялайтын атеросклерозы бар науқастарда хирургиялық емдеу кезіндегі реперфузиондық синдромды емдеу және профилактикасында.

Вазопротекторлар. Капиллярларды тұрақтандыратын дәрілер. Капиллярларды тұрақтандыратын басқа да дәрілер. АТХ коды С05СХ кверцетин фосфолипидтердің (фосфолипазалар, фосфогеназалар, циклооксигеназалар) деградациясына қатысатын, бос радикалды үдерістерге ықпал ететін және азот тотығының, протеиназалардың жасушалық биосинтезіне жауап беретін түрлі ферменттер белсенділігіне модуляторлық қасиеттерін көрсетеді. Кверцетиннің жарғақшатропты ферменттерге және ең алдымен 5-липоксигеназаға тежегіштік әсері LTC4 және LTВ4 лейкотриендері синтезінің тежелуіне әсер етеді. Осылармен қатар кверцетин эндотелий жасушаларындағы азот тотығының деңгейін дозаға тәуелді арттырады, бұл оның жүректің ишемиялық және реперфузиялық зақымданулары кезіндегі кардиопротекторлық әсерін түсіндіреді. Препараттың сондай-ақ антиоксиданттық және иммуномодуляциялаушы қасиеттері бар, анионның цитоуытты супертотығының өніп шығуын төмендетеді, лимфоциттердің субпопуляциялық құрамының белсенділігін қалыпқа келтіреді және олардың белсенділену деңгейін төмендетеді. Қабынуға қарсы ИЛ-1, ИЛ-8 цитокиндерінің өнуін тежей отырып, препараттың әсері некроздалған миокард көлемінің азаюына және репаративтік үдерістердің күшеюіне оң ықпалын тигізеді. Препараттың қорғаныстық әсер ету механизмі де тромбоциттердегі жасушаішілік кальций концентрациясының артуын және агрегацияның белсенділенуін болдырмауға, тромбогенез үдерістерінің тежелуіне байланысты. Препарат тамырлар тонусын байқалатындай етіп өзгертпестен, микротамырлар реактивтілігін арттыра отырып, аймақтық қан ағысы мен микроайналымды қалпына келтіреді. Препараттың ұзақ фармакологиялық әсері фармакологиялық белсенді метаболиттермен, атап айтқанда халконмен байланысты болуы мүмкін, бұл жасуша жарғақшалары липидтерінің аққыштығын едәуір жоғарылатады.

Дозалау режимі Жедел миокард инфарктісі кезінде кешенді емдеуде жүрек бұлшықетінің зақымданған жерлеріне жылдам әсер ету үшін Корвитин бастапқы тәулікте вена ішіне натрий хлоридінің 50 мл изотониялық ерітіндісінде ерітілген 0,5 г препарат дозасында ауруханаға жатқызылудан кейін бірден, 2 сағаттан және 12 сағаттан кейін енгізіледі. Екінші және үшінші тәулік бойы Корвитинді тәулігіне екі рет 12 сағат аралықпен 0,5 г дозада енгізеді. Төртінші және бесінші тәулікте Корвитинді натрий хлоридінің 50 мл изотониялық ерітіндісінде 0,5 г дозада тәулігіне бір рет енгізеді. 15-20 минут бойы енгізу керек. Емдеу ұзақтығы 5 күнді құрайды. Қолқаның құрсақ бөлігі мен шеткері артерияларының облитерациялайтын атеросклерозы бар науқастарды хирургиялық жолмен емдеу кезінде, реперфузиондық синдромда қолқадан қысқышты алудан 10 минут бұрын натрий хлоридінің 100 мл изотониялық ерітіндісінде ерітілген 0,5 г препаратты вена ішіне енгізеді. Осыған ұқсас дозадағы кейінгі енгізуді 12 сағаттан соң қайталайды. Екінші - бесінші тәуліктерде - тәулігіне екі рет 0,5 г дозада енгізеді. 15-20 минут бойы енгізу керек. Емдеу ұзақтығы 5 күнді құрайды. Енгізу әдісі мен жолы 0,9 % натрий хлоридінің физиологиялық ерітіндісін 15 мл мөлшерде шприцпен Корвитин бар құтыға енгізіп, құтыны лиофилизацияланған ұнтақ толық ерігенге дейін сілкиді. Құтыдағы түзілген ерітіндіні 0,9 % натрий хлоридінің физиологиялық ерітіндісі бар ыдысқа ауыстырады, физиологиялық ерітіндінің жалпы мөлшері – 50 мл. 1 г Корвитин енгізу қажет болғанда екі құтыдан бастапқы сұйылтылған препаратты 0,9 % натрий хлориді ерітіндісінің ыдысына аудару керек, дайын ерітіндінің жалпы көлемі – 50-100 мл. Басқа ерітінділермен және препараттармен араластыруға болмайды! Осыған дейін басқа дәрілік заттар үшін қолданылған шприцтер мен вена ішіне енгізуге арналған жүйелерді қолдануға болмайды. Корвитин тікелей енгізер алдында сұйылтылуы керек! Еріткішті 100 мл асатын көлемде қолдануға болмайды, өйткені еріткіш көлемі артқан сайын дайындалған ерітінді тұрақтылығы азаюының ықтималды қаупі арта түседі. Қабылдау уақыты көрсетілген қолдану жиілігі Сызба бойынша

- артериялық гипотензия - әсер етуші затына немесе қосымша заттарының кез келгеніне аса жоғары сезімталдық - Р-дәруменді белсенділігі бар препараттарға жоғары сезімталдық - жүктілік және лактация кезеңі - 18 жасқа дейінгі балалар мен жасөспірімдер.

Белгісіз (қолда бар деректер негізінде бағалау мүмкін емес) - бас айналуы, бас ауыруы, құлақтағы шуыл, тремор - шаршау сезімі, көңіл-күйдің құбылмалылығы, қозу, жалпы әлсіздік, сананың шатасуы - құрғақ жөтел, тыныстың тарылуы, ауыздың құрғауы, тілдің ұюы - жүрек айнуы, іштің ауыруы, диарея - ортостаздық гипотония, астения - шығу тегі аллергиялық тері бөртпесі, есекжем, қышыну, ангионевроздық ісіну, анафилаксиялық шок - бет гиперемиясы, төс артының ауыруы, тахикардия - бүйрек функциясының бұзылуы, гиперкалиемия, бүйректің жедел жеткіліксіздігінің дамуы - бауыр трансаминазалары белсенділігінің жоғарылауы, қандағы билирубин концентрациясының жоғарылауы - нейтропения, агранулоцитоз, гемоглобин мен эритроциттер деңгейінің төмендеуі - артралгия, миалгия - қызба жағдайының дамуы Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Сипатталмаған. Жағымсыз реакциялар көріністері күшеюі мүмкін.

Вена ішіне баяу енгізу керек. Препарат антиангинальді, аритмияға қарсы, антитромбоцитарлық және фибринолитикалық дәрілермен біріктіріліп қолданылады. Корвитин препаратын басқа дәрілік заттар ерітінділерімен бір мезгілде енгізуге болмайды! Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері туралы мәліметтер жоқ.

Жүктілік. Препаратты жүктілік кезеңінде қолдану ұсынылмайды. Лактация. Емдеу кезеңінде препаратты қолдану қажет болса, бала емізуді тоқтату ұсынылады.

Органикалық нитраттармен бірігіп корвитин гипотензияны туындатуы мүмкін. Препаратты фибринолитиктермен біріктіріп қолдану тромболизистік ем тиімділігінің артуын туындатады. Препаратты төмендегілермен қолданған кезде: - аскорбин қышқылы препараттарымен әсерлерінің қосылуы байқалады; - қабынуға қарсы стероидты емес дәрілермен ульцерогенді әсер етуі төмендеген кезде соңғылардың қабынуға қарсы әсерін күшейтеді; - дигоксинмен – дигоксиннің қан сарысуындағы ең жоғары концентрациясы және «концентрация-уақыт» қисығы астындағы жалпы ауданы жоғарылайды; - циклоспоринмен – циклоспориннің биожетімділігі мен қандағы концентрациясы жоғарылайды; - паклитакселмен – соңғысының метаболизміне әсер етеді; - верапамилмен – соңғысының биожетімділігі жоғарылайды; - тамоксифенмен – биожетімділігі жоғарылайды, соңғысының метаболизмі және шығарылуы төмендейді. Препараттың еріткіші ретінде глюкоза, реополиглюкин ерітінділерін және басқа ерітінділерді қолдану ұсынылмайды. Еріткіш ретінде тек 0,9 % натрий хлориді ерітіндісі ғана қолданылады.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада. Балалардың қолы жетпейтін жерде сақтау керек!