КОРОНАВИР таблетки 200 мг

Бір таблетканың құрамында белсенді зат - фавипиравир 200,0 мг. Қосымша заттар: микрокристалды целлюлоза 101, коллоидты кремнийдің қостотығы, повидон-К25, кросповидон, натрий стеарилфумараты. Үлбірлі қабық: Опадрай II 85F220031 сары [поливинил спирті, титанның қостотығы (Е171), макрогол 4000, тальк, темірдің сары тотығы (Е172)]. Сыртқы түрінің, иісінің, дәмінің сипаттамасы Дөңгелек пішінді, екі беті дөңес, қоңыр реңкті ашық-сары түсті үлбірлі қабықпен қапталған таблеткалар. Көлденең қимасында таблетканың ядросы ақ түстен ашық-сары түске дейін.

Жеңіл және орташа ағымдағы жаңа коронавирустық инфекцияны (COVID-19) емдеу.

Әсер ету механизмі Фавипиравир фавипиравир рибозилтрифосфаты (фавипиравир РТФ) формасына дейін жасушаішілік метаболизміне ұшырайды. Фавипиравир РТФ вирустың репликациясына қатысатын РНҚ тәуелді РНҚ полимеразасын селективті түрде бөгейді. Адамның ДНҚ полимеразаларына қарсы белсенділігіне қатысты фавипиравир РТФ (1000 мкмоль/л) α, β және γ ДНҚ полимеразасына қатысты тежегіш әсері жоқ. β фавипиравир РТФ ДНҚ-полимеразасын 9,1‒13,5 %, ДНҚ-полимеразасын γ 11,7-41,2%-ға тежейді. Фавипиравирдің РТФ тежегіш концентрациясы (IC50) ртф адам РНҚ-полимеразасы II үшін 905 мкмоль/л құрады. Фармакодинамикалық әсерлері In vitro спецификалық белсенділігі Фавипиравирдің SARS-CoV-2 вирусына (Сoronaviridae тұқымдасы) қатысты вирусқа қарсы белсенділігі Vero E6 жасушалар өсіріндісінде in vitro зерттелді. Нәтижелері бойынша: тиісінше фавипиравир үшін жартылай ең жоғары тиімді концентрация (ЕС50) 61,88 мкМ, цитоуытты концентрация (СС50) ‒ >400 мкМ, селективтілік индексі (SI) ‒ >6,46 құрады. Гонконгтағы COVID-19 ауруы бар пациенттерде мұрын және мұрынжұтқыншақ жағындыларынан бөлініп шыққан SARS-CoV-2 коронавирусына (BetaCoV/Hong Kong/VM20001061/2020) қатысты Vero E6 жасушалар өсіріндісінде in vitro зерттеу жүргізілді: фавипиравир 100 мкг/мл-ден жоғары концентрацияда вирустың репликациясын тежейтіні анықталды. Фавипиравир 0,014-тен 0,55 мкг/мл дейін EC50 бар А және B типті тұмау вирустарының зертханалық штаммдарына қатысты вирусқа қарсы белсенділік танытады. Адамантандарға (амантадин, римантадин), осельтамивирге немесе занамивирге төзімді штаммдарды қоса, А және В типті тұмау вирусының маусымдық штаммдарына қатысты EC50 тиісінше 0,03‒0,94 және 0,09‒0,83 мкг/мл құрады. Жоғары патогенді штаммдарды (оның ішінде H5N1 және H7N9) қоса, А типті шошқа тұмауы және А типті құс тұмауы сияқты А типті тұмау вирусына (адамантандарға, осельтамивирге немесе занамивирге төзімді штаммдарды қоса) қатысты EC50 0,06‒3,53 мкг/мл құрады. Адамантандарға, осельтамивирге немесе занамивирге төзімді А және В типті тұмау вирустарының штаммдарына қатысты EC50 0,09‒0,47 мкг/мл құрады, айқаспалы төзімділік байқалған жоқ. In vivo спецификалық белсенділігі А (H7N9) немесе А (H1N1) pdm09 (пандемия 2009) немесе A (H3N2) тұмау вирусын жұқтырған тышқандардағы инфекцияның даму моделінде өкпе тіндеріндегі вирустық жүктеменің төмендеуі тәулігіне ≤60 мг/кг дозада фавипиравирді 2009 күндік пероральді қабылдағаннан кейін байқалды. А (H3N2) немесе А (H5N1) тұмауы вирусын жұқтырған тышқандардағы инфекцияның даму моделінде емдік әсері тәулігіне 30 мг/кг дозада фавипиравирді 5 күндік пероральді қабылдағаннан кейін байқалды. А тұмауы вирусын (H3N2) жұқтырған иммун тапшылығы біріктірілген ауыр тышқандардағы инфекцияның даму моделінде емдік әсер тәулігіне 30 мг/кг дозада фавипиравирді 14 күндік пероральді қабылдағаннан кейін байқалды. Резистенттілік Фавипиравирдің қатысуымен вирустың 30 пассажынан кейін А типті тұмау вирусының фавипиравирге сезімталдығының өзгеруі байқалмады, вирустың тұрақты штамдары бөлініп шықпады. III фазадағы ғаламдық зерттеуді қоса, клиникалық зерттеулерде тұмау вирусының фавипиравирге төзімді штаммдарының пайда болу жағдайлары туралы ақпарат түскен жоқ. Клиникалық тиімділік және қауіпсіздік Жаңа коронавирустық инфекцияны емдеудегі тиімділік (COVID-19) Коронавирустық инфекциясы (SARS-CoV-2/COVID-19) бар пациенттерде КОРОНАВИР препаратының тиімділігі мен қауіпсіздігін зерттеу Жеңіл және орташа ауыр ағымды коронавирустық инфекциясы бар (SARS-CoV-2/COVID-19) пациенттердегі параллель топтардағы стандартты терапиямен салыстырғанда КОРОНАВИР препаратының тиімділігі мен қауіпсіздігін көп орталықты ашық рандомизацияланған зерттеуге 18 жастан 60 жасқа дейінгі 168 пациент қатысты. 112 пациент фавипиравирмен емдеудің негізгі тобына, 56 – стандартты терапия тобына кірді. Пациенттер жасына, аурудың ауырлығына, өкпенің КТ-дағы өзгерістердің ауырлығына қарай стратификацияланды. Аурудың жеңіл ағымы фавипиравир тобындағы пациенттердің 25,0%-ында және стандартты терапия тобындағы 26,8%-да, орташа ауыр ағымы тиісінше 75,0 және 73,2%-да болды. КТ деректері бойынша коронавирустық пневмонияға тән көрініс зерттеуде көптеген пациенттерде – фавипиравир тобындағы 75%-да және стандартты терапия тобындағы 76,8%-да байқалды. Фавипиравир тобында барлық пациенттер зерттелетін препаратты пероральді түрде, бірінші күні 12 сағат аралықпен (яғни тәулігіне 2 рет) 1800 мг (200 мг 9 таблетка) тәуліктік дозада, бұдан әрі 2-10 күндері ‒ 12 сағат аралықпен (яғни тәулігіне 2 рет) 800 мг (200 мг 4 таблетка) тәуліктік дозада қабылдады; зерттелетін препаратты қабылдау тамақтан кейін кемінде 30 минуттан соң жүргізілді. Стандартты терапия тобында пациенттер орталықтардың стандарттарына және Ресей Федерациясының Денсаулық сақтау министрлігінің ұсынымдарына сәйкес рекомбинантты интерферон альфа-2b біріктіріп умифеновир немесе гидроксихлорокин алды. Фавипиравирдің тиімділігі клиникалық статусты жақсартуға дейінгі уақытты (ДДҰ клиникалық жақсаруының реттік шкаласы бойынша бағалаудың кем дегенде 1 санатқа азаюы) және вирустың элиминациясына жеткенге дейінгі уақытты (кемінде 24 сағат аралықпен 2 жүйелі ПТР-жағындының нәтижелері бойынша SARS-CoV-2 болмауы) айқындауды қамтитын біріктірілген бастапқы соңғы нүкте бойынша деректер негізінде бағаланды. ДДҰ клиникалық жақсартудың Реттік шкаласы бойынша клиникалық жақсаруға дейінгі уақыт медианасы тиісінше фавипиравир тобында 6,0 (4,00; 9,25) күнді және стандартты терапия тобында 10,0 (5,0; 21,0) күнді құрады. Осылайша, медианадағы айырмашылық 4 күнді құрады. 1-суретте клиникалық жақсарудың басталу жылдамдығындағы айырмашылықтарды көрсететін Каплан-Майер қисықтары көрсетілген. 1-сурет. «ДДҰ клиникалық жақсаруының реттік шкаласы бойынша клиникалық жақсаруға дейінгі уақыт» көрсеткіші үшін Каплан‒Майер қисықтары (n=168). 1-топ – фавипиравир тобы; 2-топ – стандартты терапия тобы. Қосымша «Клиникалық жақсаруға дейінгі уақыт» параметрі үшін пациенттердің 3 когортасында қосалқы топтық талдау жүргізілді (ағымның ауырлығы бойынша когорталар – жеңіл/орташа ауыр; амбулаториялық және госпиталдық когорталар; терапияның басталу уақыты бойынша когорталар – аурудың алғашқы симптомдары пайда болғаннан кейінгі алғашқы 1-3 күнде және 4-6 күнде). Клиникалық жақсару стандартты терапия тобына қарағанда фавипиравир тобында, амбулаториялық когортадағы пациенттерде стационармен салыстырғанда, сондай-ақ жеңіл ағыммен салыстырғанда орташа ауыр ағыммен (яғни вирустық пневмонияның көрінісі болған кезде) тезірек болды. Клиникалық жақсарудың басталу уақыты бойынша топтар арасындағы үлкен айырмашылықтар терапия алғашқы 1-3 күнде басталған когортамен салыстырғанда аурудың алғашқы симптомдары пайда болғаннан кейін 4-6 күн ішінде басталған пациенттер тобында байқалды. Вирустың элиминациясына дейінгі уақыттың орташа мәні фавипиравир тобында 4,40 (±3,36) күнді және стандартты терапия тобында 5,15 (±3,48) күнді құрады; бұл ретте медианалар екі топта да 3 күннен: фавипиравир тобында 3,0 (3,0; 3,5) және стандартты терапия тобында 3,0 (3,0; 7,0) құрады. Пациенттердің қосалқы топтарында ауру ағымының ауырлығы (жеңіл және орташа ауыр ағым) бойынша когорталық талдау жүргізу кезінде орташа ауыр пациенттердің когортасында талдау кезінде статистикалық сенімді айырмашылықтар анықталды (Z лог-рангтік критерий 2,0226, р=0,043 құрады). Медианалар (МКД) 3,0 (3,0; 7,0) күнге қарсы 3,0 (3,0; 3,0) күнді құрады, ал орташа мәндер 1 күннен сәл өзгеше болды – тиісінше фавипиравир және стандартты терапия топтарында 4,1 (2,9) және 5,4 (3,6). Стационарлық бақылау когортасында вирустың жойылуына дейінгі уақыт медианасы фавипиравир тобындағы 3 күнмен салыстырғанда салыстыру тобында 5 күнді құрады. Осылайша, айырмашылық 2 күнді құрады, бұл статистикалық тұрғыдан маңызды болды (Z лог-рангтік 2,18767, p=0,029). Амбулаториялық пациенттердің тобында статистикалық маңызды айырмашылықтар анықталған жоқ және вирустың жойылуына дейінгі медианалар екі топта да 3 күн болды. 5-кесте. Тиімділікті бағалаудың бастапқы соңғы нүктелері бойынша жиынтық деректер және олар бойынша қосалқы топтық талдау нәтижелері (медианалар, квартиль-аралық диапазон) (n=168) Көрсеткіш — КОРОНАВИР тобы (n=112) — Стандартты терапия тобы (n=56) — р мәні ДДҰ шкаласы бойынша клиникалық статустың жақсаруына дейінгі уақыт (күндер) Барлық популяция — 6,0 (4,00; 9,25) — 10,0 (5,0; 21,0) — 0,008* Амбулаториялық когорта — 6,0 (4,0; 12,0) — 14 (5,0; 28,00) — 0,024* Госпиталдық когорта — 7,0 (5,0; 9,0) — 8,5 (6,0; 10,0) — 0,242 SARS-CoV-2 вирусының шығарылуына дейінгі уақыт (күндер) Барлық популяция — 3,0 (3,0; 3,5) — 3,0 (3,0; 7,0) — 0,523 Амбулаториялық когорта — 3,0 (3,0; 5,0) — 3,0 (3,0; 7,0) — 0,450 Госпиталдық когорта — 3,0 (3,0; 3,0) — 5,0 (4,5; 5,0) — 0,029* * Айырмашылық статистикалық тұрғыдан маңызды. Жуан шрифтпен айырмашылықтар статистикалық мәнге жеткен көрсеткіштердің медианалары мен квартиль-аралық диапазоны белгіленген. Алғашқы симптомдар пайда болуынан бастап терапияның басталу уақыты бойынша кіші топтарда талдау кезінде (алғашқы 1-3 күнде басталады, аурудың алғашқы симптомдары пайда болған сәттен бастап 4-6 күн ішінде басталады/жоғарғы тыныс жолдарынан оң ПТР-жағынды) когортамен салыстырғанда терапия басталғанға дейінгі 4-6 күн уақыты бар пациенттердің когортасында талдау кезінде статистикалық сенімді айырмашылықтар анықталды, онда терапия басталғанға дейінгі уақыт 1-3 күн, дегенмен медианалардың мәні 3-ке тең болып қалды (Z лог-рангтік критерий 2,79756, р=0,005). Фавипиравир тобындағы пациенттердің клиникалық мәртебесімен байланысты қайталама соңғы нүктелерді талдау кезінде стандартты терапия тобындағы 35,7 % (56-дан 20) пациенттермен (р=0,020) салыстырғанда 7-ші күні ДДҰ клиникалық жақсаруының реттік шкаласы бойынша клиникалық жақсару тиісінше 52,7%-да (112-ден 59-ы) байқалды, бұл фавипиравирді қолданған кезде пациенттердің жартысынан көбі препаратты қолдану аптасының соңына қарай өздерін жақсы сезінгенін көрсетеді. Статистикалық талдауға сәйкес топтар арасындағы айырмашылықтар сенімді болды, фавипиравир тобында клиникалық жақсару стандартты терапия тобымен салыстырғанда күніне 1,5 есе жиі байқалды. Тағы бір маңызды көрсеткіш терапия басталғаннан бастап 14-ші күні клиникалық мәртебенің жақсаруына қол жеткізген пациенттердің үлесі (ДДҰ-ның клиникалық жақсаруының реттік шкаласы бойынша бағалаудың кем дегенде 1 санатқа азаюы). Бұл көрсеткіш тек іздеу нүктелеріне енгізілді, бірақ бұл клиникалық көріністің орта мерзімді динамикасын бақылаудағы өте маңызды параметр болып табылады. 14-ші күні фавипиравир тобында стандартты терапия тобындағы (р=0,005) пациенттердің 66,1%-на (56-дан 37) қарсы пациенттердің 83,0%-ында (112-ден 93-і) клиникалық жақсару байқалды, анықталған айырмашылықтар статистикалық маңызды сипатта болды. Вирустың күн бойынша шығарылу динамикасын талдау кезінде (3, 5, 7, 10, 14, 21 және 28-ші зерттеу күндері) вирустың жойылуы бар пациенттердің үлесіне қатысты ең айқын айырмашылықтар зерттеудің 3-ші және 5-ші күндерінде байқалады. 3-ші күні фавипиравир тобындағы пациенттердің 71,4 % (112-ден 80) және салыстыру тобындағы пациенттердің 57,1 % (56-дан 32), 5-ші күні фавипиравир тобындағы пациенттердің 81,2 % (112-ден 91) және стандартты терапия тобындағы 67,9 % (56-дан 38) вирустың шығарылуына қол жеткізілді, ал 7-ші күннен бастап айырмашылық нивелирленеді. Симптомдарды шешуге байланысты екіншілік соңғы нүктелердің бірі ретінде температура қалыпқа келгенге дейінгі уақыт таңдалды (күндер бойынша медиана). Дене температурасының қалыпқа келуіне дейінгі орташа уақыт (дене температурасы <37 °C ыстық түсіретін препараттарды қолданбай қатарынан кемінде 48 сағат бойы) фавипиравир тобында стандартты терапия тобына қарағанда 1 күнге аз болды (4,6 күнге қарсы 3,5), алайда айырмашылық статистикалық маңызды болған жоқ. 5-ші және 14-ші күндері температураны сақтау жиілігін талдау кезінде топтар арасындағы келесі айырмашылықтар анықталды: 5-ші күні температура фавипиравир тобындағы пациенттердің 13,39%-ында (112-ден 15-і) және стандартты терапия тобындағы 23,21%-ында (56-дан 13-і) (р=0,126), ал 14-ші күні температура стандартты терапия тобындағы 3 (5,4 %) пациенттерде ғана сақталды, ал фавипиравир тобында температураның жоғарылау жағдайлары болған жоқ, бұл айырмашылық статистикалық маңызды болды (p=0.035). Балалар 0-ден 18 жасқа дейінгі балаларда фавипиравирді қолданудың тиімділігі мен қауіпсіздігі туралы клиникалық деректер жоқ. Препаратты 18 жасқа дейінгі балаларда қолдануға болмайды.

Дозалау режимі КОРОНАВИР препаратымен емдеу дәрігердің мұқият қадағалауымен жүргізілуі тиіс. SARS-CoV-2 (COVID-19) вирусынан туындаған жеңіл және орташа ағымды жаңа коронавирустық инфекцияны емдеу үшін келесі дозалау режимі ұсынылады: • дене салмағы <75 кг пациенттер үшін: терапияның 1-ші күнінде күніне 2 рет 1600 мг (8 таблетка), әрі қарай тиісінше терапияның 2-ші күнінен 10-шы күніне дейін күніне 2 рет 600 мг (3 таблетка); • дене салмағы ≥75 кг пациенттер үшін: терапияның 1-ші күнінде күніне 2 рет 1800 мг (9 таблетка), әрі қарай тиісінше терапияның 2-ші күнінен 10-шы күніне дейін күніне 2 рет 800 мг (4 таблетка). Қабылдау уақыты көрсетілген қолдану жиілігі КОРОНАВИРДІ ішке, тәулігіне 2 рет (12 сағаттан аспайтын аралықпен), тамақ ішуден 30 минут бұрын қабылдау керек. Емдеу ұзақтығы Емдеу курсының жалпы ұзақтығы 10 күн немесе егер ертерек басталса, вирустың шығарылуын растағанға дейін.

• Фавипиравирге немесе препараттың кез келген басқа компонентіне аса жоғары сезімталдық. • Жүктілік немесе бала емізу кезеңі, жүктілікті жоспарлау кезеңі. • 18 жасқа дейін (18 жасқа толмаған пациенттерде қауіпсіздік пен тиімділік анықталмаған). • Ауыр дәрежедегі бауыр функциясының бұзылуы (С класы, Чайлд-Пью шкаласы бойынша 10 және одан жоғары балл). • Ауыр дәрежедегі бүйрек функциясының бұзылуы (шумақтық сүзіліс жылдамдығы (ШСЖ) 30 мл/мин).

Жағымсыз жағымсыз реакциялардың туындау жиілігін бағалау ДДҰ жіктемесіне негізделеді: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10 000 <1/1000 дейін); өте сирек (<1/10 000); жиілігі белгісіз (қолда бар деректер бойынша жиілікті белгілеу мүмкін емес). Өте жиі: • гиперурикемия; • диарея; • АЛТ деңгейінің жоғарылауы; • АСТ деңгейінің жоғарылауы; • қандағы КФК деңгейінің жоғарылауы. Жиі: • гипергликемия; • бас ауыруы; • синустық брадикардия; • жүрек айнуы; • іштің жоғарғы бөлігінің ауырсынуы; • іш ауыруы; • бөртпе; • гематурия. Жиі емес: • бас айналуы; • синустық тахикардия; • құсу; • гипергидроз; • бұлшықет әлсіздігі; • глюкозурия; • протеинурия; • гиперкреатининемия; • лейкоцитурия; • несепте цилиндрлер болуы; • несептегі уробилиноген деңгейінің жоғарылауы; • несепте билирубиннің болуы; • артериялық қысымның жоғарылауы; • ферритин деңгейінің жоғарылауы; • табанның тоңғақтығы; • көздің ауыруы; • тромбоцитоз. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Вирустық Эбол инфекциясы бар пациенттер күніне 2400 мг-ға дейін және 6000 мг-ға дейін ішке қабылдаған кезде фавипиравирдің бір реттік дозалары көтерімді болды. Сондай-ақ 10 күн ішінде 1200 мг (ұсынылғанға қатысты екі есе доза) қабылдау жақсы көтерімді болды. Анағұрлым жоғары дозалар қолданылмады. Сондай-ақ көрсетілген дозалардан жоғары артық дозалану жағдайлары туралы деректер жоқ. Артық дозалануға күдіктенген жағдайда емдеу тоқтатылады және симптоматикалық ем жүргізіледі. Фавипиравирге антидот белгісіз. Дәрілік препаратты қабылдаудан бұрын дәрігерге немесе фармацевтке хабарласыңыз.

Контрацепция Фавипиравирмен жануарларға жүргізілген зерттеулерде ерте эмбриональді өлім мен тератогенділік байқалғандықтан, жүктілігі белгілі немесе ықтимал әйелдерде КОРОНАВИР препаратын қолдануға жол берілмейді. Ұрпақ өрбіту потенциалы сақталған әйелдерге фавипиравирді тағайындаған кезде емді бастар алдында жүктілікке тестінің теріс нәтижесін алу, қауіптерді толық түсіндіру және емнің бүкіл кезеңі барысында және емдеу аяқталғаннан кейін кемінде 1 ай бойы контрацепцияның анағұрлым тиімді әдістерін пайдалануды нұсқау қажет. КОРОНАВИР препаратын бала тууға қабілетті әйелдерге (оның ішінде 2 жылдан кем постменопаузада) тағайындаған кезде емдеу басталғанға дейін жүктілік бойынша тесттің теріс нәтижесін растау қажет. Препаратты қабылдау аяқталғаннан кейін жүктілікке қайталама тест жүргізу қажет. Егер емдеу кезінде жүктілікке күдік болса, емдеуді дереу тоқтатып, дәрігермен кеңесу керек. Еркектерде қолдану Фавипиравир спермаға енеді. Еркек пациенттерге КОРОНАВИР препаратын қабылдаған кезде бүкіл емдеу барысында және емдеу аяқталғаннан кейін кемінде 3 ай бойы контрацепцияның анағұрлым тиімді әдістерін пайдалану қажет. Мүшеқапты қолдану міндетті болып табылады. Пациентке жүкті әйелдермен жыныстық қатынасқа түспеуге нұсқау беру қажет. Бауыр жеткіліксіздігі Бауыр функциясының орташа дәрежеде (Чайлд‒Пью шкаласы бойынша В класы) бұзылған пациенттерде және бауыр функциясы бұзылмаған пациенттерде қолдану күрделі жағымсыз құбылыстарды тудырмағанына қарамастан, бауыр функциясы бұзылған пациенттерге фавипиравирді тағайындау кезінде сақтық таныту қажет, өйткені бауыр функциясының бұзылуы экспозицияны арттырады. Препарат ауырлық дәрежесі ауыр (Чайлд‒Пью шкаласы бойынша С класы) бауыр жеткіліксіздігі бар пациенттерге қолдануға болмайды. Ауыр жағымсыз реакциялар дамыған кезде фавипиравир дозасын төмендету туралы мәселені қарау керек. Бүйрек жеткіліксіздігі Клиникалық зерттеулерге қатысқан орташа бүйрек жеткіліксіздігі бар пациенттерде бүйрек арқылы клиренсті төмендету есебінен несеп қышқылы деңгейінің жоғарылауы анықталды, алайда қандай да бір симптоматикалық көріністер анықталған жоқ. Дегенмен, орташа дәрежеде (ШСЖ <60 мл/мин және ≥30 мл/мин) бүйрек жеткіліксіздігі бар пациенттерге фавипиравирді сақтықпен тағайындау қажет. Препаратты бүйрек жеткіліксіздігінің ауырлық дәрежесі ауыр және терминалды (ШСЖ 30 мл/мин) пациенттерге қолдануға болмайды. Бактериялық инфекция Тұмау инфекциясы да, жаңа коронавирустық инфекция (COVID-19) да бактериялық инфекциялармен асқынуы мүмкін немесе бактериялық инфекциялар тұмауға ұқсас вирустық инфекция симптомдарымен шатастырылуы мүмкін. КОРОНАВИР препараты бактериялық инфекцияларға қатысты белсенді емес. Бактериялық инфекция жағдайында немесе бактериялық инфекцияға күдік болғанда бактерияға қарсы препараттарды тағайындау сияқты тиісті шаралар қабылдау керек. Фотоуыттылық Тышқандар мен теңіз шошқаларындағы фотоуыттылық бойынша клиникаға дейінгі зерттеулерде фавипиравир фотоуыттылыққа ие екендігі анықталғандықтан, КОРОНАВИР препаратымен емдеу кезінде күн сәулесінің қарқынды және ұзақ әсер етуінен, бас киімсіз күн астында жүруден, солярийге барудан аулақ болу ұсынылады. Шаш пен тырнақ түсінің өзгеруі Тышқандар, егеуқұйрықтар және иттердегі клиникаға дейінгі зерттеу деректері бойынша шаш пен тырнақ түсінің өзгеру қаупі бар. Өзгелері Фавипиравирді жануарларда зерттеулерде егеуқұйрықтардағы (12 апта) және жас иттердегі (7 айдан 8 айға дейін) аналық бездің гистопатологиялық өзгерістері, сондай-ақ тышқандардың спермасында (11 апта) аномалиялық құбылыстар туралы хабарланды. Емді тоқтатқаннан кейін қалпына келу немесе қалпына келу үрдісі байқалды. Арнайы ескертулер Препаратты қабылдау диагнозды зертханалық растағаннан кейін және/немесе өзіне тән клиникалық симптоматикасы болған кезде жүзеге асырылуы тиіс. Балалар Қазіргі уақытта 18 жасқа дейінгі балалардағы фавипиравирдің қауіпсіздігі мен тиімділігі анықталмаған, деректер жоқ. Фавипиравирді 18 жасқа дейінгі балаларда қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың көлік жүргізу және механизмдермен жұмыс істеу қабілетіне әсерін зерттеу жүргізілген жоқ. Егер пациент оның зейін қою қабілетіне және реакция жылдамдығына әсер ететін бас айналу және көрудің бұзылуы сияқты емдеуге байланысты симптомдарды байқаса, көлік басқарудан және аса зейін қоюды және психомоторлық реакциялардың жылдамдығын қажет ететін ықтимал қауіпті қызмет түрлерін орындаудан бас тарту ұсынылады.

Препарат жүктілік кезінде және лактация кезінде қарсы көрсетілген.

In vitro Фавипиравир дозаға және уақытқа байланысты альдегидоксидазаны қайтымсыз тежейді және дозаға байланысты CYP2C8 тежейді. Ксантиноксидазаға қатысты тежегіш белсенділік көрсетпейді және CYP1A2, 2C9, 2C19, 2D6, 2Е1 және 3A4 қатысты аздаған тежегіш белсенділік көрсетеді. Гидроксилденген метаболит CYP1A2, 2C8, 2C9, 2C19, 2D6, 2E1 және 3A4 қатысты аздаған тежегіш белсенділік көрсетеді. Дәрілік өзара әрекеттесудің клиникалық зерттеулері 1-кесте. Бірге қабылданатын препараттардың фавипиравирдің фармакокинетикасына әсері Препарат, доза — Фавипиравирдің дозасы — n — Қолдану ұзақтығы — Фавипиравир көрсеткіштерінің арақатынасы (90% СА) (бірге қолдану / монотерапия) Cmax — AUC Теофиллин 1-9 күндері күніне 2 рет 200 мг, 10 күні 200 мг — 6 күні күніне 2 рет 600 мг, 7-10 күндері күніне 1 рет 600 мг — 10 — 6 күні — 1,33 [1,19; 1,48] — 1,27 [1,15; 1,40] 7 күні — 1,03 [0,92; 1,15] — 1,17 [1,04; 1,31] Осельтамивир 1-5 күндері күніне 2 рет 75 мг, 6 күні күніне 1 рет 75 мг — 5 күні күніне 2 рет 600 мг, 6 күні күніне 1 рет 600 мг — 10 — 6 күні — 0,98 [0,87; 1,10] — 1,01 [0,91; 1,11] Ралоксифен1 Күніне 1 рет 60 мг 1-10 күндері — 1 күні күніне 2 рет 1200 мг, 2 күні күніне 2 рет 800 мг, 3 күні күніне 1 рет 800 мг — 17 — 1 күні — 1,00 [0,90; 1,10] — 1,03 [0,95; 1,12] 3 күні — 0,90 [0,81;0,99] — 0,85 [0,79; 0,93] Гидралазин Күніне 1 рет 5 мг 1 күні және 5 күні — 1 күні 1200 мг/400 мг, 2-4 күндері күніне 2 рет 400 мг, 5 күні күніне 1 рет 400 мг — 14 — 1 күні — 0,99 [0,92; 1,06] — 0,99 [0,92; 1,07] 5 күні — 0,96 [0,89; 1,04] — 1,04 [0,96; 1,12] 1 Жапондық емес популяцияда. 2-кесте. Бірге қабылданатын препараттардың фармакокинетикасына фавипиравирдің әсері Препарат, доза — Фавипиравирдің дозасы — n — Қолдану ұзақтығы — Фавипиравир көрсеткіштерінің арақатынасы (90% СА) (бірге қолдану / монотерапия) Cmax — AUC Теофиллин 1-9 күндері күніне 2 рет 200 мг, 10 күні күніне 1 рет 200 мг — 6 күні күніне 2 рет 600 мг, 7-10 күндері күніне 1 рет 600 мг — 10 — 7 күні — 0,93 [0,85; 1,01] — 0,92 [0,87; 0,97] 10 күні — 0,99 [0,94; 1,04] — 0,97 [0,91; 1,03] Осельтамивир 1-5 күндері күніне 2 рет 75 мг, 6 күні күніне 1 рет 75 мг — 5 күні күніне 2 рет 600 мг, 6 күні күніне 1 рет 600 мг — 10 — 6 күні — 1,10 [1,06; 1,15] — 1,14 [1,10; 1,18] Ацетаминофен 1 күні және 5 күні күніне 1 рет 650 мг 1 — 1 күні күніне 2 рет 1200 мг, 2-4 күндері күніне 2 рет 800 мг, 5 күні күніне 1 рет 800 мг — 28 — 1 күні — 1,03 [0,93; 1,14] — 1,16 [1,08; 1,25] 5 күні — 1,08 [0,96; 1,22] — 1,14 [1,04; 1,26] Норэтистерон/этинилэстрадиол біріктірілімде, 1‒5 күндері күіне 1 рет 1 мг/0,035 мг 1 — 1 күні күніне 2 рет 1200 мг, 2-4 күндері күніне 2 рет 800 мг, 5 күні күніне 1 рет 800 мг — 25 — 12 күні 2 — 1,23 [1,16; 1,30] — 1,47 [1,42; 1,52] 12 күні 3 — 1,48 [1,42; 1,54] — 1,43 [1,39; 1,47] Репаглинид 13 күні күніне 1 рет 0,5 мг 1 — 1 күні күніне 2 рет 1200 мг, 2-4 күндері күніне 2 рет 800 мг, 5 күні күніне 1 рет 800 мг — 17 — 13 күні — 1,28 [1,16; 1,41] — 1,52 [1,37; 1,68] Гидралазин 1 күні және 5 күні күніне 1 рет 5 мг — 1 күні 1200 мг/400 мг, 2-4 күндері күніне 2 рет 400 мг, 5 күні күніне 1 рет 400 мг — 14 — 1 күні — 0,73 [0,67; 0,81] — 0,87 [0,78; 0,97] 5 күні — 0,79 [0,71; 0,88] — 0,91 [0,82; 1,01] 1 Жапондық емес популяцияда. 2 Норэтистерон. 3 Этинилэстрадиол.

Сақтау мерзімі 1 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада. Балалардың қолы жетпейтін жерде сақтау керек!