Коселуготм капсулы 10 мг

Бір капсуланың құрамында белсенді зат – 12.10 мг селуметиниб гидросульфаты, 10 мг селуметинибке баламалы (10 мг доза үшін) белсенді зат – 30.25 мг селуметиниб гидросульфаты, 25 мг селуметинибке баламалы (25 мг доза үшін) қосымша заттар: Е дәрумені полиэтиленгликоль сукцинат 10 мг дозаға арналған капсула қабығы: гипромеллоза, каррагинан, калий хлориді, титанның қостотығы (E171), карнауб балауызы, тазартылған су 25 мг дозаға арналған капсула қабығы: гипромеллоза, каррагинан, калий хлориді, титанның қостотығы (E171), индигокармин бояғышы (FD&C Blue 2) (E132), темірдің сары тотығы (E172), карнауб балауызы және/немесе жүгері крахмалы, тазартылған су 10 мг дозаға арналған баспалы сия: жылтырланған шеллак, темірдің қара тотығы (E172), пропиленгликоль, аммоний гидроксиді 28%, гипромеллоза 25 мг дозаға арналған баспалы сия: темірдің қызыл тотығы (E172), темірдің сары тотығы (E172), индигокармин бояғышы (FD&C Blue 2) (E132), карнауб балауызы, ақ шеллак, глицерил моноолеаты, гипромеллоза Сыртқы түрінің, иісінің, дәмінің сипаттамасы Қара сиямен түсірілген «SEL 10» таңбасы мен жиегі бар ақтан ақ дерлік түске дейінгі 4 өлшемді қатты капсула (10 мг доза үшін). Қара сиямен түсірілген «SEL 25» таңбасы мен жиегі бар көгілдір түсті 4 өлшемді қатты капсула (25 мг доза үшін). Капсуланың ішіндегісі ақтан ақ дерлік түске дейінгі балауыз тәрізді масса түрінде болады.

Коселуготм препараты 1 типті нейрофиброматоз (1НФ) бар ересек пациенттер мен 3 жастан бастап және одан үлкен балалар жасындағы пациенттерде симптомдық операция жасалмайтын өрімдер тәрізді нейрофибромаларды (ПН) емдеу үшін монотерапия ретінде көрсетілген.

Әсер ету механизмі Селуметиниб – бұл митоген-белсендірілген 1 және 2 протеинкиназалардың (MEK 1/2) селективті тежегіші. Селуметиниб MEK белсенділігін және RAF-MEK-ERK жолын бөгейді. Осылайша, MEK тежелуі RAF-MEK-ERK жолы белсендірілген ісік жасушаларының пролиферациясын және тіршілік қабілетін бөгеуі мүмкін. Клиникалық тиімділігі және қауіпсіздігі 1НФ және ПН бар балалар жасындағы пациенттерде және ересек пациенттерде селуметиниб тиімділігі төменде сипатталған зерттеулерде бағаланды. SPRINT зерттеуі Коселуго препаратының тиімділігі айқын клиникалық көріністерімен операция жасалмайтын ПН болған 1НФ бар балалар жасындағы 50 пациент қамтылған II фазаның 1 тобындағы ашық көп орталықтық зерттеуде (SPRINT) бағаланды. Операция жасалмайтын ПН өмірлік маңызды құрылымдарға тікелей жақындығына, терең инвазиясына немесе ПН васкуляризациясының жоғары дәрежесіне орай, елеулі асқынулар қаупінсіз хирургиялық араласу көмегімен толық алып тастау мүмкін болмайтын ПН болып айқындалды. Пациенттер офтальмологиялық уыттылықтың келесі көрсеткіштері негізінде зерттеуден шығарылды: ағымдағы немесе анамнездегі ОСР, ағымдағы немесе анамнездегі ТВО, > 21 мм сын. бағ. көзішілік қысым көрсеткіші (немесе жасына қарай түзетілген қалыптың жоғарғы шегі), әлде бақыланбайтын глаукома. Пациенттер үздіксіз дозалау сызбасы шеңберінде 28 күн бойы (1 емдеу циклы) тәулігіне екі рет 25 мг/м2 (ДБА) қабылдады. Егер пациентте клиникалық әсері енді байқалмаса, егер онда қолайсыз уыттылық немесе ПН үдеуі дамыса немесе зерттеушінің шешімі бойынша емдеу толық тоқтатылды. Нысаналы ПН, атап айтқанда, негізгі клиникалық симптомдарды немесе асқынуларды туғызған ПН (ПН-мен байланысты клиникалық көріністер) нейрофиброматоз және шванноматоз критерийлері бойынша жауап бағасына сәйкес (REiNS), нәтижелердің орталықтандырылған толық түсіндірілуімен волюметриялық магнитті-резонансты томография (МРТ) әдісі пайдаланылатын жауап деңгейіне қатысты бағаланды. Ісік жауабы бастапқы деңгейде және емдеу кезінде 2 жыл ішіндегі әр 4 цикл сайын, ал артынан әр 6 цикл сайын бағаланды. Пациенттерде волюметриялық МРТ әдісімен нысаналы ПН және пациент мәлімдеген функционалдық бағалар мен нәтижелер қамтылған клиникалық нәтижелер бағаланды. Қосылу сәтінде пациенттердің орта жасы 10.2 жаста болды (диапазон: 3.5 – 17.4 жас), 60%-ын ер жынысты пациенттер құрады, 84%-ы еуропалық нәсіл өкілдері болды. Бастапқы деңгейдегі нысаналы ПН көлемінің медианасы 487.5 мл болды (диапазон: 5.6 – 3820 мл). Пациенттердің ≥20%-да болған ПН-мен байланысты көріністер зақымданған аумақ деформациясын, қозғалыс функциясының бұзылуын, ауырсынуды, тыныс жолдары функциясының бұзылуын, көрудің нашарлауын және қуық/ішек функциясының бұзылуын қамтыды. Тиімділігін бағалаудың негізгі соңғы нүктесі Ұлттық обыр институтының (NCI) орталықтандырылған шолуы негізінде толық жауап берген (нысаналы ПН жоғалуы ретінде айқындалған) немесе расталған жартылай жауабын берген (3-6 ай ішіндегі ісіктің кейінгі бағалауы тұсында расталған ПН көлемінің ≥ 20% азаюы болып айқындалған) пациенттер үлесі (%) болып белгіленген объективті жауап жиілігі (ОЖЖ) болды. Жауап ұзақтығы да (ЖҰ) бағаланды. Тиімділік нәтижелері, егер басқаша көрсетілмесе, 2021 ж. наурыз айындағы жағдай бойынша деректер негізінде ұсынылды. 6 кесте. SPRINT II фаза зерттеуіндегі 1 топта тиімділігін бағалау нәтижелері Тиімділік көрсеткіші — SPRINT зерттеуі (N = 50) Объективті жауап жиілігіa, b Объективті жауап жиілігі, % (95% СА) — 34 (68 %) (53.3 – 80.58) Толық жауап — 0 Расталған жартылай жауап, n (%)b — 34 (68 %) Иммундық жауап ұзақтығы ЖҰ ≥ 12 ай, n (%) — 31 (91.2 %) ЖҰ ≥ 24 ай, n (%) — 26 (76.5%) ЖҰ ≥ 36 ай, n (%) — 21 (61.8%) СА - сенім аралығы; ЖҰ - жауап ұзақтығы. aЖауаптар алғашқы жартылай жауап үшін критерийлердің орындалуынан кейін, кем дегенде, 3 ай өткен соң расталуы тиіс. bТолық жауап - нысанаға алынған ошақтың жоғалуы; жартылай жауап - нысаналы ПН көлемінің, бастапқы деңгеймен салыстырғанда, ≥ 20% азаюы. REiNS (деректерді жинаудың аяқталу күні: маусым 2018 ж.) критерийлері бойынша ісік жауабына жасалған Тәуелсіз орталықтандырылған шолуда 44% ОЖЖ (95% СА: 30.0; 58.7) көрсетілді. Жауаптың басталуына дейінгі уақыт медианасы 7.2 айға (диапазон 3.3 айдан 3.2 жылға дейін) созылды. ПН барынша қысқаруына дейінгі уақыт медианасы (ең қысқа/ең ұзақ) бастапқы деңгейге қатысты 154.1 айға (3.3 айдан 5.2 жылға дейін) созылды. Жауаптың басталуынан ЖҰ медианасына қол жеткізілмеді; деректер жинау аяқталған күні кейіннен қадағалау уақытының медианасы 41.3 ай болды. Емдеу басталуынан емдеу кезіндегі аурудың үдеуіне дейінгі уақыт медианасына қол жеткізілмеді. Деректер жинау аяқталған немесе емдеуді тоқтатқан пациенттер үшін емдеу кезінде соңғы рет сканерге түсірген күні 25 пациентте (50%) расталған жартылай жауап байқалды, 1-де (2%) расталмаған жартылай жауап болды, 12-де (24%) аурудың тұрақты жағдайы және 10-да (20%) аурудың үдеуі байқалды. KOMET зерттеуі Коселуго препаратының тиімділігі ересек пациенттерде III фазадағы көп орталықтық халықаралық рандомизацияланған 1:1 арақатынасында екі қатарлас топта салыстырмалы жасырын плацебо-бақыланатын зерттеуде бағаланды. Жалпы жиынтығы, 145 ересек пациент 12 цикл (28-күндік цикл) бойы күніне екі рет 25 мг/м² дозада (дене беткейі ауданы) селуметиниб немесе плацебо алуға рандомизацияланды. Плацебо тобындағы пациенттер 12 емдеу циклы аяқталған соң жасырылған режимде немесе егер аурудың үдеуі тәуелсіз орталық сарапшылық кеңестің бағалауымен расталса, одан ертерек селуметиниб қабылдауға көшірілді. Пациентте клиникалық пайдасы болмағанда, қолайсыз уыттылығы дамығанда, пациент шешімі бойынша, ПН үдеп кеткенде немесе зерттеушінің ұйғарымы бойынша емдеу тоқтатылды. KOMET зерттеуінде операция жасалмайтын симптомдық ПН бар 1НФ диагнозы қойылған; МРТ көмегімен бағаланатын, ең болмаса, бір нысаналы ПН көлемімен; ең қысқа кезең ішінде (скрининг кезеңінде кемінде 2 апта бойы 7 күннің, кем дегенде, 4 күнінде тіркелген) нысаналы ПН себебінен болатын созылмалы ауыруымен; қосылу сәтінде ПН тудырған созылмалы ауыруы себепті препараттарды тұрақты қабылдап жүрген ер және әйел жынысты ересек (қосылу сәтінде ≥ 18 жастағы) пациенттер қамтылды. Жауап жиілігін анықтау үшін, REiNS критерийлеріне сай, МРТ деректері негізінде нысаналы ПН (яғни, МРТ көмегімен бағалауға болатын клиникалық маңызы зор ПН) және қосымша нысаналы емес ПН көлеміне орталықтандырылған бағалау жүргізілді. Ісік жауабы бастапқы деңгейде және емдеу кезінде 2 жыл бойы әр 4 цикл сайын, ал артынан әр 6 цикл сайын бағаланды. Пациенттерде МРТ деректері бойынша нысаналы және нысаналы емес ПН, сондай-ақ клиникалық нәтижелері бағаланды. Демографиялық деректер және аурудың бастапқы сипаттамалары, жалпы алғанда, селуметинибпен және плацебомен емдеу топтары арасында жақсы теңестірілді. Селуметиниб және плацебо топтарындағы бастапқы демографиялық деректер мынадай болды: зерттеуге қосылу сәтінде пациенттердің жас медианасы - 29 жас (диапазон: 18-ден 60 жасқа дейін), ерлер (51.7%), еуропалық нәсіл (55.9%) және азиялық тектес пациенттер (31%). Нысаналы ПН медианалық көлемі селуметиниб тобы үшін 110.18 мл, ал плацебо тобы үшін 221.85 мл құрады. Ең көп жиі ПН-астасқан симптомдар екі топтағы пациенттердің 23%-нан көбінде байқалған ПН аумағындағы ауыру, қозғалыс дисфункциясы және деформация болды. Тыныс жолдары функциясының бұзылуы, көрудің бұзылуы және ішек/қуық функциясының бұзылуы аз жиілікте болды, әрі селуметиниб тобында да, плацебо тобында да пациенттердің, көп дегенде, 4.2%-да білінді. Тиімділігінің бастапқы соңғы нүктесі 16 цикл соңына қарай селуметинибке тән ОЖЖ болды. REiNS критерийлеріне сәйкес тәуелсіз орталық сарапшылық кеңес бағалау негізінде 16 цикл соңына қарай ОЖЖ толық жауабы расталған (алғашқы жауап тіркелуінен кейінгі келесі 3-6 ай ішінде сканерлеу деректерімен расталған нысаналы ПН жоғалуы) немесе жартылай жауабы расталған (алғашқы жауап тіркелуінен кейінгі келесі 3-6 ай ішінде сканерлеу деректерімен расталған, бастапқы деңгейімен салыстырғанда, нысаналы ПН көлемінің ≥ 20% азаюы) пациенттер пайызы болып белгіленді. Жоспарланған бастапқы талдау деректері бойынша зерттеу, плацебомен салыстырғанда, статистикалық мәнді ОЖЖ көрінісін беріп, өзінің бірінші соңғы нүктесіне жетті. Деректер жинау аяқталған күні селуметиниб тобына рандомизацияланған пациенттерде емнің жалпы ұзақтық медианасы 749 күнге (25 айға жуық) созылды; жауап пайда болған сәттен бастап ЖҰз медианасына қол жеткізілмеді. Тиімділігін бағалау нәтижелері төменде 7 кестеде ұсынылды. 7 кесте. KOMET зерттеуінде тиімділігін бағалау нәтижелері Тиімділік көрсеткіштері — Селуметиниб (N = 71) — Плацебо (N = 74) Объективті жауап жиілігі (ОЖЖ) 16 цикл соңына қарайa, b, c ОЖЖ% (95% СА) — 19.7 (11.2, 30.9) — 5.4 (1.5, 13.3) p мәні d — 0.0112 Ең үздік объективті жауап (ҮОЖ) 16 цикл соңына қарай, n (%)a, b, c, e Расталған толық жауап — 0 — 0 Расталған жартылай жауап — 14 (19.7%) — 4 (5.4%) Жауапқа дейінгі уақыт (ЖДУ)a Медиана (95% СА), айлар — 3.7 (3.61, 11.07) — А/Ж Жауап ұзақтығы (ЖҰз) f, g, h Медиана (95% СА), айлар — ҚЖ (11.5, А/Ж) — А/Ж Жауабы сақталған пациенттердің саны және пайыздық үлесі ≥ 6 ай, n (%) — 14 (100%) — А/Ж ≥ 12 ай, n (%) — 9 (64.3%) — А/Ж СА – сенім аралығы, Б/Б – баға берілмеді, ҚЖ – қол жеткізілмеді, А/Ж – анықталған жоқ плацебо тобы үшін. a Қорытындылар пациенттердің бәрінде 16 циклды аяқтау мүмкіндігі болғанда өткізілген бастапқы жоспарланған талдауға (деректер жинау аяқталған күн: 5 тамыз 2024 ж.) негізделді. b Зерттеу шеңберіндегі әр емдеу циклы 28 күнтізбелік күнге созылады (16 цикл шамамен 15 айға сәйкес келеді). c REiNS критерийлеріне сәйкес тәуелсіз орталық сарапшылық кеңес бағалау нәтижелері бойынша толық немесе жартылай жауабы расталған пациенттер. REiNS критерийлеріне сәйкес тәуелсіз орталық сарапшылық кеңес бағалауы бойынша алғашқы жауапты алудан кейін 3-6 ай ішінде сканерлеу деректерімен жауаптың расталуы болды. d Селуметинибті плацебомен салыстырғанда, Фишер нақты әдісін (альфа 0.047) пайдаланумен есептелген екі жақты p мәні. e Толық жауап: нысаналы зақымдану ошағының жоғалуы; Жартылай жауап: бастапқы деңгеймен салыстырғанда, нысаналы ПН көлемінің ≥ 20% азаюы; Тұрақты ауру: жартылай жауапты да, аурудың үдеуін де анықтау үшін, бастапқы деңгеймен салыстырғанда, ПН көлемінің жеткіліксіз өзгеруі; Үдеп кететін ауру: бастапқы деңгеймен немесе ең үздік жауапқа жетудің құжатталған уақытымен салыстырғанда, нысаналы ПН көлемінің ≥ 20% артуы. f REiNS критерийлеріне сәйкес тәуелсіз орталық сарапшылық кеңес бағалауы бойынша алғашқы құжатталған жауап алынған күннен бастап, үдеуі расталған күнге дейінгі жауап ұзақтығы (кейіннен расталған). g Каплан-Майер әдісімен есептелді. h Деректер жинау аяқталған соңғы күнге (пациенттердің бәрінде 24-ші циклды аяқтау мүмкіндігі болатын 17 наурыз 2025 ж.) дейінгі деректерді қоса, 16-шы цикл соңына қарай расталған жартылай жауапқа қол жеткізілген селуметиниб тобына рандомизацияланған пациенттер үшін есептелді. Осы дәрілік препарат «шарттармен тіркеу» шеңберінде мақұлданды. Бұл аталған дәрілік препаратқа қатысты әріқарай дәлелдеу зерттеулері күтілетінін білдіреді. Еуропалық дәрілік препараттар агенттігі жылына бір реттен сиретпей препарат туралы жаңа ақпаратты қарастыратын болады, ал осы ДПЖС қажеттілігіне қарай жаңартылады.

Коселуготм препаратымен емді 1НФ-мен астасқан ісіктері бар пациенттерді диагностикалау және емдеу тәжірибесі бар дәрігер тағайындауы тиіс. Дозалау режимі Коселуготм препаратының ұсынылатын дозасы ішке қабылдау үшін тәулігіне екі рет (шамамен әр 12 сағат сайын) дене беткейі ауданына (ДБА) 25 мг/м2 құрайды. Доза ДБА (мг/м2) негізінде ересек пациенттер мен балалар жасындағы пациенттерге жеке таңдалады және таяуда қол жеткізілетін 5 мг немесе 10 мг дозасына дейін (ең жоғары бір реттік 50 мг дозаға дейін) дөңгелектеледі. Қажетті дозаны алу үшін, 1 кестеде көрсетілгендей, әртүрлі дозадағы Коселуготм препаратының капсуласын біріктіруге болады. 1 кесте. Дене беткейі ауданына қарай ұсынылатын доза Дене беткейі ауданы (ДБА)a — Ұсынылатын доза 0.55 – 0.69 м2 — 20 мг таңертең және 10 мг кешкілік 0.70 – 0.89 м2 — 20 мг тәулігіне екі рет 0.90 –1.09 м2 — 25 мг тәулігіне екі рет 1.10 –1.29 м2 — 30 мг тәулігіне екі рет 1.30 –1.49 м2 — 35 мг тәулігіне екі рет 1.50 –1.69 м2 — 40 мг тәулігіне екі рет 1.70 –1.89 м2 — 45 мг тәулігіне екі рет ≥ 1.90 м2 — 50 мг тәулігіне екі рет a ДБА 0.55 м2 аз пациенттерге ұсынылатын доза белгіленбеген. Коселуготм препаратымен емді әзірге пациентте клиникалық пайдасы байқалатын уақытқа немесе аурудың үдеуіне немесе қолайсыз уыттылығының дамуына дейін жалғастырған жөн. Дозаны түзету Препараттың жеке жағымдылығы мен қауіпсіздігіне қарай селуметиниб емін тоқтата тұру және/немесе дозаны төмендету немесе қабылдауды тоқтату қажет болуы мүмкін. Дозаны төмендету бойынша нұсқаулар 2 кестеде берілген, осы орайда тәуліктік дозаны әртүрлі дозаланған екі қабылдауға бөлу немесе тәулігіне бір рет қабылдау қажет болуы мүмкін. 2 кесте. Жағымсыз реакциялар дамуында ұсынылатын дозаны төмендету Дене беткейі ауданы (ДБА) — Коселуготм препаратының бастапқы дозасыa (мг/тәулігіне екі рет) — Дозаны бірінші төмендету (мг/доза) — Дозаны екінші төмендету (мг/доза)b Таңертең — Кешке — Таңертең — Кешке 0.55 – 0.69 м2 — 20 мг таңертең және 10 мг кешкілік — 10 — 10 — 10 мг күніне бір рет 0.70 – 0.89 м2 — 20 — 20 — 10 — 10 — 10 0.90 – 1.09 м2 — 25 — 25 — 10 — 10 — 10 1.10 –1.29 м2 — 30 — 25 — 20 — 20 — 10 1.30 –1.49 м2 — 35 — 25 — 25 — 25 — 10 1.50 –1.69 м2 — 40 — 30 — 30 — 25 — 20 1.70 –1.89 м2 — 45 — 35 — 30 — 25 — 20 ≥ 1.90 м2 — 50 — 35 — 35 — 25 — 25 a 1 кестеде көрсетілгендей, ДБА негізінде. b Дозаны екі рет төмендетуден кейін жақпаушылығы байқалатын пациенттерде Коселуготм препаратын қолдануды түпкілікті тоқтату керек. Селуметиниб қолданумен байланысты жағымсыз реакцияларды бақылау мақсатында дозаны өзгерту 3 кестеде ұсынылған. 3 кесте. Жағымсыз реакциялар дамуында ұсынылатын дозаны өзгерту CTCAE бойынша ауырлық дәрежесі * — Дозаны өзгерту бойынша нұсқаулар 1 немесе 2 дәреже (жағымды – демеуші емді пайдалануға болады) — Клиникалық көрсетілімдер бойынша емдеуді жалғастыру және жай-күйді бақылап отыру 2 дәреже (жағымсыз – демеуші ем көмегімен бақылауға келмейді)немесе 3 дәреже — 0 немесе 1 дәрежеге дейін уыттылығы азайтылғанша емді тоқтата тұру, ем жаңғыртылғанда дозаны бір деңгейге төмендету (2 кестені қараңыз). 4 дәреже * — 0 немесе 1 дәрежеге дейін уыттылығы азайтылғанша емді уақытша тоқтата тұру, ем жаңғыртылғанда дозаны бір деңгейге төмендету керек (2 кестені қараңыз). Емді толық тоқтату мүмкіндігін қарастыру керек. * Жағымсыз құбылыстарды бағалауға арналған жалпы терминологиялық критерийлер (Common Terminology Criteria for Adverse Events (СТСАЕ)). Сол жақ қарыншаның лықсыту фракциясының (СҚЛФ) төмендеуі кезіндегі дозаны өзгерту жөніндегі нұсқаулар Бастапқы деңгейге қатысты ≥ 10% симптомсыз СҚЛФ төмендеген және белгіленген қалыптың төменгі шегінен (ҚТШ) төмен болған жағдайларда селуметинибпен емдеуді осы көрсеткіштің қалпына келуіне дейін уақытша тоқтату керек. Ем жаңғыртылғанда селуметиниб дозасын бір деңгейге төмендету керек (2 кестені қараңыз). СҚЛФ симптоматикалық төмендеуі немесе 3 немесе 4 дәрежедегі СҚЛФ төмендеуі болса, селуметиниб қолдануды тоқтату және кідіріссіз кардиологқа қаралу керек («Арнайы сақтандырулар» бөлімін қараңыз). Офтальмологиялық уыттылық кезінде дозаны өзгерту жөніндегі нұсқаулар Көру өткірлігінің төмендеуімен диагностикаланған торқабық пигментті эпителийінің ажырауы (ТПЭА) немесе орталық серозды ретинопатия (ОСР) бар пациенттерде осы құбылыстар басылғанша селуметинибпен емдеуді уақытша тоқтату керек; ем жаңғыртылғанда селуметиниб дозасын бір деңгейге азайту керек (2 кестені қараңыз). Көру өткірлігінің төмендеуінсіз ТПЭА немесе ОСР диагностикаланған пациенттерде құбылыстар басылғанша әр 3 апта сайын офтальмологиялық бағалау жүргізген жөн. Торқабық венасының окклюзиясы (ТВО) диагностикаланған пациенттерде селуметинибпен емді толық тоқтату керек («Арнайы сақтандырулар» бөлімін қараңыз). CYP3A4 немесе CYP2C19 тежегіштерімен бір мезгілде қолдану кезінде дозаны түзету CYP3A4 немесе CYP2C19 күшті немесе орташа тежегіштерін бір мезгілде қолдану ұсынылмайды; баламалы препараттарды қолдану мүмкіндігін қарастыру керек. CYP3A4 немесе CYP2C19 күшті немесе орташа тежегіштерін бір мезгілде қолдану қажет болса, дозаны төмендетудің келесі сызбасы ұсынылады: егер пациент қазіргі уақытта тәулігіне екі рет 25 мг/м2 дозаны қабылдаса, дозаны тәулігіне екі рет 20 мг/м2 дейін төмендетеді. Егер пациент қазіргі уақытта тәулігіне екі рет 20 мг/м2 қабылдаса, дозаны тәулігіне екі рет 15 мг/м2 дейін төмендетеді (4 кестені және «Басқа дәрілік препараттармен өзара әрекеттесуі» бөлімін қараңыз). 4 кесте. Тәулігіне екі рет 20 мг/м2 немесе 15 мг/м2 дозаларына жету үшін ұсынылатын доза Дене беткейі ауданы — 20 мг/м2 тәулігіне екі рет (мг/доза) — 15 мг/м2 тәулігіне екі рет (мг/доза) Таңертең — Кешке — Таңертең — Кешке Таңертең 0.55 – 0.69 м2 — 10 — 10 — 10 мг тәулігіне бір рет 0.70 – 0.89 м2 — 20 — 10 — 10 — 10 0.90 – 1.09 м2 — 20 — 20 — 20 — 10 1.10 – 1.29 м2 — 25 — 25 — 25 — 10 1.30 – 1.49 м2 — 30 — 25 — 25 — 20 1.50 – 1.69 м2 — 35 — 30 — 25 — 25 1.70 – 1.89 м2 — 35 — 35 — 30 — 25 ≥ 1.90 м2 — 40 — 40 — 30 — 30 Пациенттердің ерекше топтары Бүйрек функциясының бұзылуы бар пациенттер Бүйректің жеңіл, орташа немесе ауыр жеткіліксіздігі бар әлде бүйрек жеткіліксіздігінің терминалдық сатысындағы (БЖТС) пациенттерде дозаны түзету қажет емес. Бауыр функциясының бұзылуы бар пациенттер Бауырдың жеңіл жеткіліксіздігі бар пациенттерде дозаны түзету қажет емес. Бауыр жеткіліксіздігінің орташа дәрежесіндегі пациенттерде бастапқы дозаны, 4 кестеде көрсетілгендей, тәулігіне екі рет ДБА 20 мг/м2 дейін төмендету керек. Коселуготм препараты бауыр жеткіліксіздігі ауыр пациенттерге қарсы көрсетілімді. Этностық топтар Шығу тегі азиялық ересек пациенттерде жоғары жүйелі экспозиция байқалды, алайда дене салмағына түзету жасалғанда еуропалық нәсілді пациенттердегі мәндермен едәуір сәйкес келуі байқалды. Бастапқы дозаны арнайы түзету азиялық тектес пациенттерде қажет емес, алайда, пациенттердің осы санаты жағымсыз құбылыстардың дамуы тұрғысынан мұқият қадағалауда болуы тиіс. Балалар Коселуготм препаратының қауіпсіздігі мен тиімділігі 3 жасқа дейінгі балаларда анықталмаған. Деректер жоқ. Егде жастағы пациенттер 1 типті нейрофиброматоз және өрімдер тәрізді нейрофибромалар бар 65 жастан асқан пациенттерде Коселуготм препаратының қауіпсіздігі мен тиімділігі анықталмаған. 1НФ және ПН бар 65 жастағы және одан асқан пациенттерде Коселуготм препаратын қолдану жөнінде деректер жоқ. Енгізу әдісі және жолы Коселуготм препараты ішке қабылдауға арналған. Препаратты ас ішу кезінде де, онсыз да қабылдауға болады. Капсулаларды су іше отырып, бүтіндей жұту керек. Капсулаларды шайнауға, ерітуге немесе ашуға болмайды, өйткені бұл препараттың босап шығуын нашарлатуы және селуметиниб сіңуіне ықпал етуі мүмкін. Коселуготм препаратын капсуланы бүтіндей жұта алмайтын немесе жұтуды қаламайтын пациенттерге тағайындауға болмайды. Ем басталар алдында пациенттің капсуланы жұту қабілетін бағалау керек. Дәрілік затты жұтудың стандартты техникасы селуметиниб капсулалаларын жұту үшін жеткілікті болады деп күтіледі. Капсуланы жұту қиындықтары байқалатын пациенттер үшін нақты бір пациентте пайдалануға болатын сай келетін техниканы анықтау үшін денсаулық сақтау саласындағы тиісті маманға, мысалы, логопедке жолдау мүмкіндігін қарастыру керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Коселуготм препаратын қолдану тәсіліне қатысты қандай да бір сұрақтар пайда болған жағдайларда пациентке осы дәрілік препаратты қолдану тәсілін түсіндіру үшін медициналық қызметкер кеңесіне жүгіну ұсынылады.

• әсер етуші затқа немесе «Дәрілік препарат құрамы» бөлімінде тізбеленген қосымша заттардың кез келгеніне аса жоғары сезімталдық • бауыр функциясының ауыр дәрежеде бұзылуы • 3 жасқа дейінгі балалар

Жағымсыз реакциялар даму жиілігі бойынша жіктелген. Жиілік санаттары келесі шартты белгілеріне сәйкес белгіленеді: өте жиі (≥ 1/10), жиі (≥ 1/100-ден < 1/10 дейін), жиі емес (≥ 1/1000-нан < 1/100 дейін), сирек (≥ 1/10000-нан < 1/1000 дейін), өте сирек (< 1/10000), белгісіз (белгілі деректер бойынша бағалау мүмкін емес). Балалар жасындағы пациенттер Өте жиі (≥ 1/10) • анық көрмеу • құсу, диарея, жүрек айну, стоматит (стоматитті, ауыз қуысындағы ойық жаралануды қоса) • терінің құрғауы, безеулі дерматит, паронихия, акне тәрізді емес бөртпе (қышытатын бөртпе, макула-папулалық бөртпе, папулалық бөртпе, бөртпе, эритематозды бөртпе, макулалық бөртпені қоса), шаш күйінің өзгеруі (алопеция, шаш түсінің өзгеруін қоса) • дене температурасының көтерілуі, астениялық құбылыстар (қажуды, астенияны қоса), шеткері ісіну (шеткері ісіну, ісіну, жергілікті ісіну, шеткері ісінгіштігін қоса) • қанда КФК деңгейінің жоғарылауы, гемоглобин деңгейінің төмендеуі (анемияны, гемоглобин деңгейінің төмендеуін қоса), АСТ деңгейінің жоғарылауы, гипоальбуминемия (гипоальбуминемияны, қандағы альбумин төмендеуін қоса), АЛТ деңгейінің жоғарылауы, қанда креатинин деңгейінің жоғарылауы, лықсыту фракциясының төмендеуі, артериялық қысымның көтерілуі (артериялық қысымның көтерілуі, артериялық гипертензияны қоса) Жиі (≥ 1/100-ден <1/10 дейін) • ентігу (дене жүктемесі кезіндегі ентігуді, ентігуді, тыныш күйдегі ентігуді қоса) • ауыз кеберсуі • бет ісінуі (периорбиталық ісінуді, бет ісінуі) Ересек пациенттер Өте жиі (≥ 1/10) • құсу, диарея, жүрек айну, стоматит (стоматитті, ауыз қуысындағы ойық жаралануды, афтозды ойық жараны, қызыл иектің ісінгіштігін қоса), іш қату • терінің құрғауы, акне тәрізді бөртпе (акне тәрізді дерматит, акне, фолликулит), паронихия, акне тәрізді емес бөртпе (қышытатын бөртпе, макула-папулалық бөртпе, папулалық бөртпе, бөртпе, эритематозды бөртпе, макулалық бөртпені қоса), шаш күйінің өзгеруі (алопеция, шаш түсінің өзгеруін қоса) • астениялық құбылыстар (астенияны, қажуды қоса), шеткері ісіну (шеткері ісіну, ісіну, жергілікті ісіну, шеткері ісінгіштігін қоса) • қанда КФК деңгейінің жоғарылауы, гемоглобин деңгейінің төмендеуі (анемияны, гемоглобин деңгейінің төмендеуін қоса), АСТ деңгейінің жоғарылауы, АЛТ деңгейінің жоғарылауы Жиі (≥ 1/100 до <1/10) • анық көрмеу • ентігу (дене жүктемесі кезіндегі ентігуді, ентігуді және тыныш күйдегі ентігуді қоса) • ауыз кеберсуі • дене температурасының көтерілуі, беттің ісінуі (периорбиталық ісінуді, бет ісінуі, еріннің ісінгіштігі, қабақтың ісінуі, беттің ісінгіштігін қоса) • гипоальбуминемия (гипоальбуминемияны, қандағы альбуминнің төмендеуін қоса), қандағы креатинин деңгейінің жоғарылауы, лықсыту фракциясының төмендеуі, артериялық қысымның жоғарылауы (артериялық қысымның жоғарылауын, артериялық гипертензияны қоса) Жиі емес (≥ 1/1000-нан <1/100 дейін) • торқабық пигментті эпителийінің ажырауы / орталық серозды ретинопатия (сары дақты торқабық пигментті эпителийінің ажырауын, хориоретинопатияны қоса), торқабық венасының окклюзиясы (торқабықтың тамырлық текте бұзылуын, торқабық венасының окклюзиясын торқабық венасының тромбозын қоса).

Артық дозалану жағдайында жүргізілетін спецификалық емдеуі жоқ. Артық дозалану жағдайында пациенттер жағымсыз құбылыстардың белгілері мен симптомдарының пайда болуы тұрғысынан мұқият қадағалауда болуы, ал қажет болса, тиісті мониторингтеумен демеуші ем қабылдауы тиіс. Препараттың бір немесе бірнеше дозасын өткізіп алу кезіндегі қажетті шаралар Коселуготм препаратын қабылдауды өткізіп алғанда дозаны егер препаратты келесі жоспарланған қабылдауға дейін 6 сағаттан көп уақыт қалған жағдайда ғана қабылдау керек. Құсу Коселуготм препаратын қабылдаудан кейін құсу туындағанда қосымша дозаны қабылдауға болмайды, ал препаратты келесі жоспарланған уақытта қабылдауды жалғастыру қажет.

Препарат тек дәрігердің тағайындауы бойынша қолданылады. Препаратты қолдану алдында, сондай-ақ препаратпен емдеу кезінде келесі жағдайларда дәрігермен кеңесу керек: - көрудің бұзылуы, жүрек жұмысының бұзылуы, бауыр жұмысының бұзылуы, құрамында Е дәрумені бар тағамдық қоспаларды қосымша қабылдау, капсуланы жұту қиындықтары - препаратпен ем кезіндегі тері бөртпесі, тырнақтың инфекциялық аурулары, шаштың жұқаруы немесе шаш түсінің өзгеруі - Коселуготм препаратымен ем кезінде, ол дәрілік препарат әсеріне ықпал етуі мүмкін екендіктен, грейпфрут шырынын ішуге болмайды - қандай да бір басқа дәрілік препараттарды таяуда қабылдау немесе қабылдауды жоспарлау. Мысалы, дәрілік шөптер, тағамдық қоспалар және дәрігер рецептісінсіз босатылатын дәрілік заттар. Коселуготм препараты кейбір басқа дәрілік препараттардың әсеріне ықпал етуі мүмкін. Бұдан бөлек, кейбір басқа дәрілік заттар Коселуготм әсеріне ықпал етуі мүмкін. Мынадай препараттарды қабылдаған жағдайда емдеуші дәрігерді хабарландыру қажет: кларитромицин немесе эритромицин (бактериялық инфекцияларды емдеуге пайдаланылады), карбамазепин немесе фенитоин (құрысулар мен эпилепсияны емдеуге пайдаланылады), дигоксин (жүрек жеткіліксіздігін емдеуге пайдаланылады), фексофенадин (аллергия симптомдарын емдеуге пайдаланылады), флуконазол немесе итраконазол (зеңді инфекцияларды емдеуге пайдаланылады), кетоконазол (Кушинг синдромын емдеуге пайдаланылады), фуросемид (диуретикалық дәрі ретінде пайдаланылады), метотрексат (обыр ауруларының кейбір түрлерін, псориаз немесе ревматоидты артритті емдеуге пайдаланылады), омепразол (гастроэзофагеальді рефлюкс ауруын немесе асқазан ойық жарасын емдеуге пайдаланылады), рифампицин (туберкулез (ТБ) және кейбір басқа бактериялық инфекцияларды емдеуге пайдаланылады), шілтер жапырақты шайқурай (Hypericum perforatum) - өсімдік тектес дәрілік зат (депрессияның жеңіл түрін және басқа жай-күйлерді емдеуге пайдаланылады), тиклопидин (тромбтар түзілуін болдырмау үшін пайдаланылады) - жүктілікке күмән болуы, анықталған жүктілік немесе бала көтеруге қатысты жоспарлар болуы. Емдеуді бастар алдында жүктіліктің бар-жоғына тест өткізуге кеңес беріледі. Егер жүктілік емдеу кезінде басталса, дереу емдеуші дәрігерді хабардар ету қажет. - егер препаратты қабылдап жүрген ер жынысты пациенттің жұптасы жүкті болып қалса, дереу емдеуші дәрігерді хабардар ету қажет. Арнайы сақтандырулар Сол жақ қарыншаның лықсыту фракциясының (СҚЛФ) төмендеуі СҚЛФ төмендеуі ересек пациенттерде де, балалар жасындағы пациенттерде де байқалды. Клиникалық зерттеулерде балаларда селуметиниб қолданумен байланысты СҚЛФ төмендеуі туралы салмақты хабарламалардың аздаған саны тіркелді. Анамнезінде сол жақ қарынша функциясының бұзылуы болған немесе СҚЛФ бастапқы деңгейде белгіленген қалып шегінің төменгі шекарасынан (ҚТШ) төмен пациенттер зерттеуге қосылмады. Бастапқы мәндерін анықтау үшін эхокардиография көмегімен емдеудің басталуына дейін СҚЛФ бағалану керек. Селуметинибпен емдеуді бастар алдында пациенттерде лықсыту фракциясы белгіленген ҚТШ мәнінен жоғары болуы тиіс. Клиникалық көрсетілімдер болса, бүкіл ем кезеңі бойына СҚЛФ шамамен әр 3 ай сайын немесе одан жиірек бағалану керек. СҚЛФ төмендеуін емді уақытша тоқтату, дозаны төмендету немесе емді толық тоқтату көмегімен бақылап отыруға болады. Офтальмологиялық уыттылық Пациенттер көрудің кез келген алғаш пайда болған бұзылулары туралы мәлімдеу қажеттілігі жөнінде хабарланған болуы тиіс. Селуметиниб қабылдаған пациенттерде көрудің бұлыңғырлануы түріндегі жағымсыз құбылыстар мәлімделді. Селуметинибпен монотерапия және ісікке қарсы басқа дәрілермен біріктірілген ем қабылдаған ісіктің көп түрлі типтері бар ересек пациенттерде, сондай-ақ селуметинибпен монотерапия алған пилоциттік астроцитома бар бір балада торқабық пигментті эпителийінің ажырауы (ТПЭА), орталық серозды ретинопатия (ОСР) және торқабық венасы окклюзиясының (ТВО) жекелеген жағдайлары байқалды. Клиникалық практикаға сәйкес, емдеу басталуына дейін және пациент көрудің жаңа бұзылулар көрінісі жөнінде мәлімдеген емдеу барысындағы кез келген сәтте офтальмологиялық тексеруден өтуге кеңес беріледі. Көру өткірлігінің төмендеуінсіз ТПЭА немесе ОСР диагнозы қойылған пациенттерде жағымсыз құбылыстар басылғанша әр 3 апта сайын офтальмологиялық бақылау жүргізген жөн. Егер ТПЭА немесе ОСР диагностикаланған және көру өткірлігі бұзылған жағдайда селуметинибпен емдеуді уақытша тоқтату керек, ал ем жаңғыртылғанда препарат дозасын азайту керек. Егер ТВО диагностикаланса, селуметинибпен емдеуді толық тоқтату керек. Бауырдың зертханалық көрсеткіштері нәтижелерінің қалып шегінен ауытқуы Селуметиниб қабылдау кезінде бауыр функциясының зертханалық зерттеулері нәтижелерінің қалып шегінен ауытқуын, атап айтқанда, АСТ және АЛТ деңгейлерінің жоғарылауын байқауға болады. Селуметиниб қабылдаудың басталуына дейін және емнің алғашқы 6 айының ішінде кем дегенде ай сайын, ал артынан клиникалық көрсетілімдер бойынша бауыр функциясының зертханалық көрсеткіштеріне мониторинг өткізу керек. Бауырдың зертханалық зерттеулері нәтижелерінің қалып шегінен ауытқуын, 2 кестеде көрсетілгендей, препаратты қолдануды уақытша тоқтату, дозаны төмендету немесе емді толық тоқтату жолымен бақылап отыру керек. Тері және тері асты тіндері тарапынан бұзылулар Препаратты қолдану кезінде тері бөртпесі (макула-папулезді және безеу тәрізді бөртпені қоса), паронихия және шаш күйінің өзгерістері өте жиі байқалды. Терінің құрғауы, шаш түсінің өзгеруі, паронихия және макула -папулезді бөртпе кішкентай жастағы (3-11 жас аралығында) балаларда жиірек байқалды, ал безеулі бөртпе пубертаттық жастан кейінгі (12-16 жас аралығында) балаларда жиірек байқалды. Құрамында Е дәрумені бар қоспалар Пациенттерді құрамында Е дәрумені бар қандай да бір қоспаларды қосымша қабылдамау қажеттілігінен хабардар ету керек. Коселуготм препаратының 10 мг бір капсуласының құрамында қосымша зат ретінде 32 мг Е дәрумені (D-альфа-токоферил полиэтиленгликоль 1000 сукцинаты (ТПГС)) бар. Коселуготм препаратының 25 мг бір капсуласының құрамында ТПГС түріндегі 36 мг Е дәрумені бар. Е дәруменінің жоғары дозалары қатарлас антикоагулянттар немесе антитромбоциттік дәрілік препараттар (мысалы, варфарин немесе ацетилсалицил қышқылы) қабылдап жүрген пациенттерде қан кетудің даму қаупін арттыруы мүмкін. Антикоагулянттар немесе антитромбоциттік препараттардың дозасын түзету қажет болатын сәтті дер мезгілінде анықтау үшін халықаралық қалыптасқан қатынасты немесе протромбин уақытын қоса, антикоагулянттық көрсеткіштерді жиі бағалау мүмкіндігін қарастыру керек. Тұншығудың даму қаупі Селуметиниб дәрілік түрі бүтіндей жұту керек капсулалар болып табылады. Кейбір пациенттерде, атап айтқанда, 6 жасқа дейінгі балаларда балалар организмінің анатомия-физиологиялық даму ерекшеліктерімен байланысты себептер бойынша немесе психологиялық себептер бойынша капсулаларды жұту кезінде тұншығудың даму қаупі болады. Капсулалардағы селуметиниб препаратын капсуланы тұтастай жұта алмайтын немесе жұтуды қаламайтын пациенттерге тағайындауға болмайды. Ұрпақ өрбіту жасындағы әйелдер Коселуготм препаратын контрацепцияның сенімді әдістерін пайдаланбайтын ұрпақ өрбіту жасындағы әйелдерде қолдану ұсынылмайды.

Ұрпақ өрбіту жасындағы әйелдер/әйелдердегі контрацепция Ұрпақ өрбіту жасындағы әйелдерге Коселуготм препаратын қолдану кезеңінде жүкті болып қалмау керек. Ем басталар алдында ұрпақ өрбіту жасындағы әйелдерге жүктілікті анықтау тестісінен өтуге кеңес беріледі. Ұрпақ өрбіту жасындағы ер және әйел жынысты пациенттерге Коселуготм препаратымен ем кезінде және емдеуді аяқталған соң, кем дегенде, 1 апта бойы контрацепцияның тиімді әдістерін пайдалануға кеңес беріледі. Селуметинибтің пероральді контрацептивтер тиімділігін төмендетуі мүмкін екенін жоққа шығаруға болмайды, сондықтан гормондық контрацептивтерді пайдаланып жүрген әйелдерге контрацепцияның қосымша бөгеттік әдістерін ұсыну керек. Жүктілік Жүкті әйелдерде селуметиниб қолдану деректері жоқ. Коселуготм препаратын жүктілік кезінде және контрацепцияның сенімді әдістерін пайдаланбайтын ұрпақ өрбіту жасындағы әйелдерде қолдануға кеңес берілмейді. Егер Коселуготм препаратын қабылдап жүрген пациент әйел немесе ер жынысты пациенттің жұптасы жүкті болып қалған жағдайда ол шаранаға төнетін зор қауіптен хабарлануы тиіс. Бала емізу Селуметиниб немесе оның метаболиттерінің әйелдердің емшек сүтіне бөліну-бөлінбеуі белгісіз. Емшекпен қоректенуде жүрген сәби үшін қаупін жоққа шығаруға болмайды, осыған байланысты, Коселуготм препаратымен ем кезінде бала емізуді тоқтату керек. Фертильділік Коселуготм препаратының адам фертильділігіне әсер ету деректері жоқ. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Коселуготм препараты көлік құралдарын және механизмдерді басқару қабілетіне мардымсыз әсер етеді. Препаратты қабылдап жүрген пациенттер қалжырау, астения мен көру бұзылуларын сезінуі мүмкін. Осы симптомдар байқалатын пациенттер автокөлікті басқару және механизмдермен жұмыс істеу кезінде сақтық шарасын қадағалау керек.

Өзара әрекеттесу зерттеулері тек дені сау ересек пациенттерде (≥ 18 жас кезеңінде) жүргізілді. Қан плазмасында селуметиниб концентрациясын жоғарылатуы мүмкін белсенді заттар CYP3A4 күшті тежегішімен (4 күн бойы тәулігіне екі рет 200 мг дозада итраконазол) бірге қолдану селуметиниб Cmax 19% (90% СА 4, 35), ал AUC 49% (90% СА 40, 59) арттырады. CYP2C19 күшті тежегішімен/CYP3A4 орташа тежегішімен (4 күн бойы тәулігіне бір рет 200 мг дозада флуконазол) бір мезгілде қолдану селуметиниб Cmax 26% (90% СА 10, 43), ал AUC 53% (90% СА 44, 63) арттырады. Эритромицин (CYP3A4 орташа тежегіші) немесе флуоксетинді (CYP2C19/CYP2D6 күшті тежегіші) бір мезгілде қолдану селуметиниб AUC ~30-40% және Cmax ~20 % арттыра алады. CYP3A4 (мысалы, кларитромицин, грейпфрут шырыны, ішке қабылдауға арналған кетоконазол) немесе CYP2C19 (мысалы, тиклопидин) күшті тежегіштерімен бір мезгілде қолданбау керек. CYP3A4 (мысалы, эритромицин және флуконазол) және CYP2C19 (мысалы, омепразол) орташа тежегіштерімен бір мезгілде қолданбау керек. Егер бір мезгілде қолданбау мүмкін болмаса, пациенттер жағымсыз құбылыстардың дамуы тұрғысынан мұқият қадағалауда болуы тиіс, ал селуметиниб дозасы, 4 кестеде көрсетілгендей, тиісті үлгіде төмендетілуі тиіс. Қан плазмасында селуметиниб концентрациясын төмендетуі мүмкін белсенді заттар CYP3A4 күшті индукторымен (8 күн бойы тәулігіне 600 мг дозада рифампицин) бір мезгілде қолдану селуметиниб Cmax 26% (90% СА –17, –34), ал AUC 51% (90% СА – 47, –54) төмендетеді. CYP3A4 күшті индукторларын (мысалы, фенитоин, рифампицин, карбамазепин, шайқурай) немесе CYP3A4 орташа индукторларын Коселуготм препаратымен бір мезгілде қолданбау керек. Селуметиниб әсерімен плазмадағы концентрациялары өзгеруі мүмкін әсер етуші заттар In vitro селуметиниб OAT3 тежегіші ретінде ұқсас әсерін көрсетеді. Бір мезгілде қолдану кезінде OAT3 субстраттарының, мысалы, метотрексат пен фуросемид фармакокинетикасына клиникалық мәнді әсер ету мүмкіндігін жоққа шығаруға болмайды. ТПГС in vitro P-gp тежегіші түрінде болады, ал оның Р-gp субстраттарымен, мысалы, дигоксин немесе фексофенадинмен клиникалық мәнді дәрілік өзара әрекеттесуін тудыруы мүмкін екенін жоққа шығаруға болмайды. Пероральді контрацептивтер экспозициясына селуметиниб әсерін бағалау жүргізілмеді. Сондықтан гормондық контрацептивтерді пайдаланып жүрген әйелдерге контрацепцияның қосымша бөгеттік әдісін қолдануға кеңес беру керек. Асқазан сөлінің қышқылдылығын төмендететін заттардың селуметинибке әсері Селуметиниб капсулалары рН-тәуелді еруінің көрінісін бермейді. CYP2C19 тежегіші болып табылатын омепразолды қоспағанда, Коселуготм препаратын қосымша шектеулерсіз асқазан сөлінің рН мәнін өзгертетін дәрілік заттармен бір мезгілде (мысалы, Н2-рецепторлар антагонистері және протон помпасының тежегіштері) қолдануға болады. Е дәрумені Коселуготм капсулалары құрамында қосымша зат ретінде Е дәрумені (ТПГС) бар. Сондықтан пациенттерге Е дәруменін қосымша қабылдамау, сондай-ақ қатарлас антикоагулянттық немесе антитромбоциттік дәрілік препараттар қабылдап жүрген пациенттерде антикоагулянттық әсерлерін бағалау жиірек жүргізілу керек.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Ылғал сіңіргішімен бірге ылғалдан және жарықтан қорғауға арналған түпнұсқалық қаптамасында, 30 °С-ден аспайтын температурада. Балалардың қолы жетпейтін жерде сақтау керек!