Кофеин цитраты раствор 20 мг\мл

Бір құтының ішінде белсенді зат – кофеин цитраты 20 мг (10 мг сусыз кофеинге баламалы), қосымша заттар: лимон моногидраты қышқылдары, тринатрий цитраты дигидраты, натрий гидроксиді, хлорсутек қышқылы, инъекцияға арналған су. Сыртқы түрінің, иісінің, дәмінің сипаттамасы Көрінетін бөлшектерден және талшықтардан бос, мөлдір түссіз ерітінді.

Шала туған нәрестелердегі бастапқы апноэны (тыныс алудың тоқтауы) емдеу.

Құрылымы бойынша кофеин метилксантиндерге - теофиллин мен теоброминге ұқсас. Оның әсерлерінің көпшілігі рецепторларды байланыстыру сынақтарында көрсетілген А 1 және А2А қосалқы типті аденозин рецепторларына антагонизммен байланысты және берілген көрсеткіш бойынша терапевтік қол жеткізуге жақын концентрацияларда байқалады. Кофеиннің негізгі әсері орталық жүйке жүйесін стимуляциялау болып табылады. Бұл шала туылғадардың апноэсі кезінде кофеин белсенділігінің негізінде жатыр, егер ол келесі әсерлерге ие болса: • тыныс алу орталығын стимуляциялау; • минуттық вентиляцияны арттыру; • гиперкапнияға сезімталдық шегінің төмендеуі; • гиперкапнияға жауаптың күшеюі; • қаңқа бұлшықеттері тонусының артуы; • диафрагма әлсіздігінің төмендеуі; • негізгі алмасу жылдамдығының артуы; • оттегі тұтынудың артуы.

Дозалау режимі Бұрын емделмеген емшек еметін балаларға ұсынылатын дозалау режимі: кофеин цитратының жүктеме дозасы дене салмағының әр кг-на 20 мг, шприцтік инфузоматтың немесе дозаланған инфузияға арналған басқа құрылғының көмегімен 30 минут ішінде вена ішіне баяу инфузия арқылы. 24 сағаттық аралық өткеннен кейін 10 минут ішінде вена ішіне баяу инфузия арқылы дене салмағының әр кг-на 5 мг демеуші доза тағайындалады; инфузияны әр 24 сағат сайын қайталайды. Кофеин цитратының ұсынылатын жүктеме және демеуші дозалары келесі инъекция көлемі мен енгізілген кофеин цитраты дозасы арасындағы сәйкестікті көрсететін кестеде берілген. Кофеин негіздемеге қайта есептегендегі доза кофеин цитратының жарты дозасын құрайды (20 мг кофеин цитраты 10 мг кофеин негізіне баламалы). Кофеин цитратының дозасы (көлемі) — Кофеин цитратының дозасы (мг/дене салмағының кг-на) — Енгізу тәсілі — Жиілігі Жүктеме дозасы — дене салмағының 1 мл/кг — дене салмағының 20 мг/кг — Вена ішіне инфузия (30 минут ішінде) — Бір рет Демеуші доза* — Дене салмағының 0,25 мл/кг — Дене салмағы 5 мг/кг — Вена ішіне инфузия (10 минут ішінде) — Әр 24 сағат сайын* * жүктеме дозасынан кейін 24 сағаттан соң басталады Ұсынылған жүктеме дозасына терапевтік жауабы жеткіліксіз шала туған нәрестелерге 24 сағат өткеннен кейін ең жоғары 10-20 мг/кг қайталама жүктеме дозасы тағайындалуы мүмкін. Дене салмағының әр кг-на 10 мг/мг жоғары демеуші дозалары терапевтік жауап жеткіліксіз болған жағдайда қарастырылуы мүмкін, бұл ретте шала туған нәрестелердің ұзақ Т 1/2 байланысты кофеиннің жинақталу мүмкіндігін және жасына байланысты кофеиннің метаболизміне біртіндеп артатын қабілетін ескеру керек. Клиникалық көрсетімдер бойынша плазмадағы кофеин концентрациясына мониторинг жүргізу керек. Егер пациенттер екінші жүктеме дозаға немесе тәулігіне 10 мг/кг демеуші дозаларға жеткіліксіз жауап берсе, шала туған нәрестелерге қойылған апноэ диагнозын қайта қарастыру қажет. Дозаны түзету және мониторинг Егер жақсару байқалмаса немесе уыттылық белгілері пайда болса, емдеу барысында плазмадағы кофеин концентрациясын мезгіл-мезгіл бақылап отыру керек. Жоғары қауіп жағдайларында плазмадағы кофеин концентрациясына мониторинг жүргізілгеннен кейін дозаны түзету қажет болуы мүмкін, мысалы: • толық шала туған емшек еметін балалар (гестацияның 28 аптасынан аз және/немесе дене салмағы 1 кг-дан аз), әсіресе парентералдық жолмен қоректенетін; • бауыр және бүйрек функциясының жеткіліксіздігі бар емшек еметін балалар; • құрысу бұзылыстары бар емшек еметін балалар; • дәлелденген және клиникалық маңызды жүрек патологиясы бар емшек еметін балалар; • кофеиннің метаболизміне әсер етуі мүмкін дәрілік препараттарды бір мезгілде қабылдайтын емшек еметін балалар; • емшек емізу кезінде аналары кофеинді қолданатын емшек еметін балалар. Келесі пациенттерде кофеиннің бастапқы концентрациясын анықтау керек: • аналары кофеинді туғанға дейін көп мөлшерде қолдануы мүмкін емшек еметін балалар; • бұрын теофиллин қабылдаған емшек еметін балалар. Енгізу әдісі мен жолы Кофеин цитратын вена ішіне инфузия түрінде де, ішке де тағайындауға болады. Препаратты бұлшықет ішіне, тері астына, интратекальды, сондай-ақ ішпердеішілік инъекция түрінде тағайындауға болмайды. Егер вена ішіне енгізу қолданылса, онда кофеин цитратын шприцті инфузоматтың немесе дозаланған инфузияға арналған басқа құрылғының көмегімен бақыланатын вена ішіне инфузия түрінде енгізіледі. Кофеин цитратын сұйылтпай да, келесі стерильді препараттармен, ампуладан шығарылғаннан кейін бірден сұйылтып та қолдануға болады: глюкоза 50 мг/мл (5%) немесе натрий хлориді 9 мг/мл (0,9%) немесе кальций глюконаты 100 мг/мл (10%). Препаратты науқастарды жүргізу тәсілі мен мониторингін қамтамасыз ететін тиісті жабдықтармен жабдықталған қарқынды терапияның неонатологиялық бөлімшесінде ғана қолдану керек. Кофеин цитратымен емдеуді қарқынды терапияның неонатология бөлімшесінде жұмыс тәжірибесі бар дәрігердің бақылауымен бастау керек. Емдеу ұзақтығы Емдеудің оңтайлы ұзақтығы белгіленбеген, орташа емдеу кезеңі 37 күнді құрайды. Клиникалық практикада емдеу бала жасы етеккірден кейін 37 аптаға жеткенге дейін жалғасады (гестациялық жас + күнтізбелік жас, яғни жүктілік апталарының саны + туғаннан кейінгі апта бойынша нақты жасы), осы кезеңде шала туғандардың апноэ ұстамалары өздігінен өтеді. Алайда, бұл шекті клиникалық жағдайға байланысты, жеке жағдайларда емдеуге реакцияға, емдеуге қарамастан апноэ ұстамаларының жалғасуына немесе басқа клиникалық себептерге байланысты қайта қарастыруға болады. Егер пациентте 5-7 күн ішінде елеулі апноэ ұстамалары байқалмаса, кофеин цитратын қолдануды тоқтату ұсынылады. Егер пациенттерде апноэ қайталанса, кофеин цитратымен емдеуді кофеин цитратын тоқтатқан сәттен бастап өткен және апноэ қайталанған сәтке дейінгі уақыт аралығына байланысты демеуші дозада не жүктеме дозасының жартысымен қайта бастайды. Кофеин пациенттердің бұл тобында баяу шығарылатындықтан, емдеуді тоқтатқан кезде дозаны төмендетудің қажеті жоқ. Кофеин цитратымен емдеуді тоқтатқаннан кейін апноэның қайталану қаупі бар екенін ескере отырып, пациентті бақылауды шамамен тағы бір апта бойы жалғастыру керек. Бауыр және бүйрек функциясының жеткіліксіздігі Бауыр/бүйрек функциясының жеткіліксіздігі бар пациенттерде қолдану тәжірибесі шектеулі. Тіркеуден кейінгі қауіпсіздікті зерттеуде бауыр/бүйрек функциясының жеткіліксіздігі бар толық шала туған нәрестелердің аз санында жанама әсерлердің жиілігі ағзалардың зақымдануы жоқ шала туған нәрестелермен салыстырғанда жоғары болды. Егер бүйрек функциясының жеткіліксіздігі болса, онда кумуляция қаупі артады. Кофеин цитратының тәуліктік демеуші дозасын азайту керек және оны қан плазмасындағы кофеиннің концентрациясын анықтағаннан кейін ғана тағайындау керек. Толық шала туған емшек еметін нәрестелерде кофеин клиренсі бауыр функциясына байланысты емес. Бауырдағы кофеин метаболизмі туғаннан кейін бірнеше апта ішінде біртіндеп қалыптасады. Үлкен жастағы емшек еметін балаларда бауыр аурулары болған кезде плазмадағы кофеин концентрациясын анықтау және дозаны түзету қажет болуы мүмкін. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге жүгініңіз.

- әсер ететін затқа немесе препараттың қосымша заттарының кез келгеніне аса жоғары сезімталдық.

Кофеин цитратының ықтимал жағымсыз реакцияларына мыналар жатады: - құрысулармен, ашушаңдықпен, қозулы жағдаймен, жүйкерефлекторлық жоғары қозу синдромымен көрінетін орталық жүйке жүйесінің стимуляциясы; - тахикардия, аритмия, артериялық гипертензия және соққы көлемінің ұлғаюы симптомдарымен жүрек - қантамыр жүйесіне әсері; - гипергликемия сияқты тамақтану және метаболизм бұзылыстары. Бұл жанама әсерлер дозаға тәуелді, сондықтан қан плазмасындағы кофеин концентрациясын анықтау және дозаны азайту қажет. Әдебиеттерде жарияланған және тіркеуден кейінгі қауіпсіздік зерттеуінде алынған кофеин цитраты препаратының жағымсыз реакциялары ДДҰ нұсқауларына сәйкес жіктелді: өте жиі (≥1/10), жиі (≥1/100 және <1/10), жиі емес (≥1/1000 және <1/100), сирек (≥1/10000 және <1/1000), өте сирек (<1 /10000), жиілігі белгісіз (қолда бар деректер бойынша кездесу жиілігін анықтау мүмкін емес). Инфекциялық және паразиттік аурулар: жиілігі белгісіз - сепсис. Иммундық жүйе тарапынан бұзылулар: сирек – аса жоғары сезімталдық реакциялары. Зат алмасу және тамақтану тарапынан бұзылулар: жиі - гипергликемия, жиілігі белгісіз - гипогликемия, дене салмағын нашар қосу, тағамға төзбеушілік. Жүйке жүйесінің тарапынан бұзылулар: жиі емес - құрысулар, жиілігі белгісіз - ашушаңдық, жүйке-рефлекторлық жоғары қозғыштық синдромы, қозулы жағдайы, мидың зақымдануы. Есту ағзасы және лабиринт тарапынан бұзылулар: жиілігі белгісіз - саңыраулық. Жүрек тарапынан бұзылулар: жиі - тахикардия, жиі емес - аритмия, жиілігі белгісіз - солжақ қарынша шығарымының жоғарылауы, соққы көлемінің ұлғаюы. Асқорыту жүйесінің тарапынан бұзылулар: жиілігі белгісіз - кекіру, асқазан аспиратының көлемінің ұлғаюы, некроздаушы энтероколит. Жалпы бұзылыстар және енгізу орнындағы реакциялар: жиі - инфузия орнындағы тітіркену мен қабыну, флебит. Зертханалық және аспаптық мәліметтер: жиілігі белгісіз - несепте натрий мен кальций мөлшерінің жоғарылауы, гемоглобин деңгейінің төмендеуі, тироксин деңгейінің төмендеуі, диурездің артуы. Жекелеген жанама реакциялардың сипаттамасы Некроздаушы энтероколит шала туған нәрестелердегі аурушаңдық пен өлімнің жиі себебі болып табылады. Метилксантиндерді қолдану мен некроздаушы энтероколиттің дамуы арасындағы ықтимал байланыс туралы мәліметтер бар. Алайда кофеинді немесе басқа метилксантиндерді тағайындау мен некроздаушы энтероколиттің дамуы арасындағы себеп-салдарлық байланыс анықталмаған. Кофеин цитраты препаратын 85 шала туған нәрестені қамтитын салыстырмалы «жасырын» плацебо бақыланатын зерттеуде белсенді емдеу тобындағы 2 нәрестеге және плацебо тобындағы 1 нәрестеге жасырын зерттеу фазасында; және ашық емдеу фазасында кофеинмен емдеу тобындағы емшек еметін тағы 3 нәрестеге некроздаушы энтероколит диагнозы қойылды. Зерттеу барысында некроздаушы энтероколит дамыған емшек еметін үш бала қайтыс болды. Кофеин цитраты препаратымен ем қабылдаған 2006 шала туған нәрестелердегі кеш білінетін нәтижелерді ірі көп орталықты зерттеуде плацебо тобымен салыстырғанда некроздаушы энтероколиттің даму жиілігінің жоғарылауы анықталған жоқ. Кофеин цитраты препаратын алатын шала туған нәрестелерді некроздаушы энтероколиттің дамуына мұқият бақылау керек. Сондай-ақ, мидың зақымдануы, құрысулар және саңыраулық та байқалды, бірақ көбінесе плацебо тобында. Кофеин эритропоэтин синтезін тежеуі мүмкін, бұл ұзақ емдеу кезінде гемоглобиннің концентрациясын төмендетеді. Емшек еметін балаларда терапияның басында тироксиннің (Т4) төмендеуінің өтпелі жағдайлары байқалды, бірақ олар одан әрі жүргізілген терапия кезінде жоғалып кетті. Қолда бар деректер жаңа туған нәрестелерде кофеинмен емдеу кезінде жүйке жүйесінің дамуына, салмақ қосудың баяулауына, жүрек-қантамыр, АІЖ жүйесі мен эндокриндік жүйеге қатысты кейін білінетін жағымсыз реакциялардың дамуын көрсетпейді. Кофеин ми гипоксиясын күшейте алмайды немесе оның орын алған зақымдануын күшейте алмайды деп болжанады, дегенмен бұл мүмкіндік жоққа шығарылмайды. Басқа ерекше популяциялар Тіркеуден кейінгі қауіпсіздік зерттеуінде 506 шала туған нәрестеге кофеин цитраты препараты берілді. Бүйрек/бауыр функциясының жеткіліксіздігі бар 31 шала туған нәрестеде қауіпсіздік туралы мәліметтер алынды. Бүйрек/бауыр функциясының жеткіліксіздігі бар қатты шала туған нәрестелердің аз санында жағымсыз реакциялардың жиілігі ағзалардың зақымдануынсыз шала туған нәрестелермен салыстырғанда жоғары болды. Негізінен, жүрек тарапынан бұзылыстар туралы хабарланды (тахикардия, оның ішінде аритмияның бір жағдайы). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жарияланған мәліметтер бойынша шала туған нәрестелердегі кофеиннің артық дозалануы оның плазмадағы концентрациясы 50 мг/л-ден 350 мг/л-ге дейін болғанда байқалды. Симптомдары Әдебиеттердегі мәліметтерге сәйкес, шала туған нәрестелерде пайда болатын кофеиннің артық дозалануының белгілері мен симптомдарына гипергликемия, гипокалиемия, аяқ-қолдардың ұсақ дірілдеуі, қозулы жағдай, гипертония, опистотонус, тонус-клонустық құрысулар, құрысулар, тахипноэ (жиі тыныс алу), тахикардия, құсу, асқазанның тітіркенуі, асқазан-ішектен қан кету, қызба, дірілдеу, қандағы мочевина деңгейінің жоғарылауы, лейкоцитоз, жақсүйек пен еріннің еріксіз қозғалысы жатады. Неврологиялық асқынулары кейін білінген қарыншаішілік қан құйылумен асқынған кофеиннің артық дозалануының бір жағдайы туралы хабарланды. Кофеиннің артық дозалануымен байланысты шала туған нәрестелердің өлімі сипатталмаған. Емі Кофеиннің артық дозалануын емдеу бастапқыда симптоматикалық және демеуші болып табылады. Калий мен глюкозаның деңгейін бақылап, гипокалиемия мен гипергликемия пайда болған кезде түзету қажет. Плазмадағы кофеин концентрациясы алмастырып құю кезінде төмендейтіні көрсетілген. Құрысуларды антиконвульсанттарды (диазепам немесе барбитураттар, мысалы, натрий фенобарбиталы немесе фенобарбитал) вена ішіне енгізу арқылы жоюға болады.

Сақтықпен - шаранадағы жүрек-қантамыр жүйесінің қатарлас аурулары; - құрысу синдромының, бауыр немесе бүйрек функциясы жеткіліксіздігінің болуы; - жаңа туған нәрестенің анасының тікелей босанар алдындағы кезеңде құрамында кофеин бар өнімдерді шамадан тыс тұтынуы. Кофеин цитраты препаратын гастроэзофагеальді рефлюкспен ауыратын пациенттерге өте сақтықпен тағайындау керек. Арнайы сақтандырулар Апноэ (тыныс алудың тоқтауы) Шала туған нәрестелердегі алғашқы апноэ диагнозы алып тастау әдісімен қойылады. Апноэнің басқа себептерінің (мысалы, орталық жүйке жүйесінің зақымдануы, өкпенің туа біткен зақымдануы, анемия, сепсис, зат алмасудың бұзылулы, жүрек-қантамыр ауытқулары немесе обструктивті апноэ) кофеин цитратын тағайындау басталғанға дейін жоқ екендігіне көз жеткізу/алдын ала жою қажет. Кофеин цитратымен емдеуге реакцияның болмауы (қажет болған жағдайда плазмадағы концентрацияны анықтау арқылы расталады) апноэның басқа себептерден туындағанын растауға негіз болуы мүмкін. Құрысулар Кофеин орталық жүйке жүйесінің стимуляторы болғандықтан, кофеиннің артық дозалануы кезінде құрысулардың даму жағдайлары туралы хабарланды. Кофеин цитраты құрысулы бұзылулар бастапқыдан бар жаңа туған нәрестелерге тағайындалған жағдайларда ерекше сақ болу керек. Жүрек-қантамыр реакциясы Кофеин жүректің жиырылу жиілігін, солжақ қарыншаның шығарымын және соққы көлемін арттырады. Кофеин цитраты жүрек-қантамыр патологиясы бар жаңа туған нәрестелерде өте сақтықпен қолданылуы керек. Бұған бейім пациенттерде тахиаритмия жағдайларының пайда болу мүмкіндігі бар. Жаңа туған нәрестелерде бұл әдетте қарапайым синустық тахикардиямен көрінеді. Егер шаранада кардиотокография кезінде ырғақтың типті емес бұзылуы байқалса, онда кофеин цитратын өте сақтықпен тағайындайды. Бүйрек және бауыр функциясының жеткіліксіздігі Бүйрек/бауыр функциясының жеткіліксіздігі бар толық шала туған нәрестелердегі жағымсыз реакциялардың жиілігі ағзалардың зақымдануы жоқ шала туған нәрестелермен салыстырғанда жоғары болды. Пациенттердің осы тобында уытты құбылыстарды болдырмау үшін кофеин дозасын плазмадағы кофеин концентрациясын анықтау нәтижелері негізінде түзету керек. Кофеинді тұтыну Аналары босанғанға дейін кофеинді көп мөлшерде тұтынған жаңа туған нәрестелерде кофеин цитратымен емдеуді бастамас бұрын плазмадағы кофеиннің бастапқы концентрациясын анықтау керек, өйткені кофеин плацента арқылы шарананың қанағымына оңай енеді. Кофеин цитратымен ем қабылдайтын емшек еметін балаларды емізетін аналар құрамында кофеин бар тағамдарды, сусындарды немесе құрамында кофеин бар препараттарды тұтынбауы керек, себебі кофеин емшек сүтімен шығарылады. Теофиллин Теофиллин алдын ала тағайындалған жаңа туған нәрестелерде кофеин цитратымен емдеуді бастамас бұрын плазмадағы кофеиннің бастапқы концентрациясын анықтау керек, өйткені шала туған нәрестелерде теофиллин кофеин түзіп метаболизденеді. Некроздаушы энтероколит Некроздаушы энтероколит шала туған нәрестелердегі асқынулар мен өлімнің жиі себебі болып табылады. Метилксантиндерді қолдану мен некроздаушы энтероколиттің дамуы арасындағы ықтимал өзара байланыс туралы мәліметтер бар. Алайда кофеинді немесе басқа метилксантиндерді қолдану мен некроздаушы энтероколиттің дамуы арасындағы себеп-салдарлық байланыс анықталмаған. Осыған байланысты барлық шала туған нәрестелерді некроздаушы энтероколиттің даму белгілерінің жоқтығына мұқият бақылау керек. Кофеин цитраты гастроэзофагеальді рефлюкспен ауыратын пациенттерге өте сақтықпен тағайындалуы керек, өйткені емдеу бұл жағдайды нашарлатуы мүмкін. Кофеин цитраты метаболизмнің жеделдеуіне себеп болуы мүмкін, бұл емдеу кезінде энергия мен қоректік заттарға деген қажеттіліктің артуына әкелуі мүмкін. Кофеин цитратының әсерінен туындаған диурез және электролиттердің жоғалуы су мен электролит теңгерімсіздігін түзетуді қажет етуі мүмкін. Шала туған нәрестелерде кофеиннің Т 1/2 ұзартылған, препараттың кумуляция ықтималдығы бар, бұл препаратты ұзақ уақыт қабылдаған жаңа туған нәрестелерге мониторинг жүргізуді қажет етуі мүмкін. Мониторинг үшін қан үлгілері терапевтік әсер болмаған жағдайда келесі дозаны енгізер алдында және уыттылыққа күдік туындаған жағдайда алдыңғы дозадан кейін 2 немесе 4 сағаттан соң алынуы тиіс. Қан плазмасындағы кофеиннің терапевтік концентрациясының диапазоны белгіленбеген, бірақ кофеиннің клиникалық әсерін көрсететін зерттеулерде концентрация 8-ден 30 мг/л-ге дейін болды; плазмадағы кофеин концентрациясы 50 мг/л-ден аз болса, әдетте қауіпсіздік тарапынан проблемалар болған жоқ. Натрий мөлшері Кофеин цитраты (1 мл) препаратының бір дозасында 1 ммоль аз натрий (8,3 мг) болады, бұл дәрілік затты негізінен натрийсіз препараттарға жатқызуға мүмкіндік береді. Жүктілік Жануарларға жүргізілген зерттеулерде кофеиннің жоғары дозалары эмбриотоксикалық және тератогендік әсерге ие екендігі анықталды. Бұл әсер шала туған нәрестелерде препаратты қысқа мерзімді қолданғанда маңызды болмайды. Бала емізу Кофеин емшек сүтімен шығарылады және плацента арқылы шарананың қанағымына оңай енеді. Кофеинді цитраты препаратыпен ем алатын жаңа туған нәрестелерді емізетін аналары құрамында кофеин бар тағамдарды, сусындарды және дәрілік заттарды тұтынудан аулақ болу керек. Аналары туғанға дейін кофеинді көп мөлшерде тұтынған шала туған нәрестелерде кофеин цитраты препаратымен емдеуді бастамас бұрын плазмадағы кофеиннің бастапқы концентрациясын анықтау керек. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Қатысты емес.

Нұсқаулықта көрсетілмеген.

Кофеин мен теофиллиннің өзара өзгеруі шала туған нәрестелерде байқалады. Сондықтан бұл препараттарды бір уақытта тағайындауға болмайды. Цитохром Р450 1А2 (CYP1A2) ересектердегі кофеин метаболизміне қатысатын негізгі фермент болып табылады, осыған байланысты кофеин CYP1A2 үшін субстраттар, CYP1A2 тежегіштер немесе CYP1A2 индукторлары болып табылатын заттармен өзара әрекеттесуі мүмкін. Дегенмен, шала туған нәрестелердегі кофеиннің метаболизмі бауырдың ферменттік жүйелерінің жетілмегендігіне байланысты шектеулі. Шала туған нәрестелерде кофеиннің басқа әсер ететін заттармен өзара әрекеттесуі туралы деректер аз болғанымен, ересектердегі кофеиннің элиминациясын төмендететін қосылыстарды (мысалы, циметидин мен кетоконазол) бір мезгілде тағайындаған кезде кофеин цитратының төмен дозаларын тағайындайды және егер қосылыстар бір мезгілде тағайындалса, жоғары дозалар, керісінше, кофеиннің элиминациясын арттырады (мысалы, фенобарбитал және фенитоин). Егер тағайындалған заттардың кофеинмен өзара әлеуетті әрекеттесуі туралы күмән туындаса, плазмадағы кофеиннің концентрациясын анықтайды. Ішектегі бактериялардың шамадан тыс өсуі некроздаушы энтероколиттің дамуымен байланысты болғандықтан, кофеин цитратын асқазан секрециясын басатын дәрілік препараттармен (Н2-гистаминдік рецепторлардың блокаторлары немесе протон сорғысының тежегіштері) бірге қолдану теориялық тұрғыдан некроздаушы энтероколиттің даму ықтималдығын арттыруы мүмкін. Кофеин мен доксапрамды (тыныс алу аналептигі) бірге тағайындау олардың кардиореспираторлық және орталық жүйке жүйесіне стимуляциялайтын әсерін күшейтуі мүмкін. Егер осы препараттарды бір мезгілде қолдану көрсетілсе, онда жүректің жиырылу жиілігі мен артериялық қысымды мұқият бақылау керек.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25 0С-ден аспайтын температурада, құрғақ жерде сақтау керек. Балалардың қолы жетпейтін жерде сақтау керек!