Ко-Плавикс таблетки 75 мг/100 мг

Бір таблетканың құрамында белсенді заттар: клопидогрел гидросульфаты II түрі, 97.875 мг (75 мг клопидогрел негізіне баламалы), крахмалмен түйіршіктелген ацетилсалицил қышқылы, 111.111 мг (100 мг ацетилсалицил қышқылына баламалы) қосымша заттар: маннитол, макрогол 6000, микрокристалды целлюлоза (су мөлшері төмен, 90 мкг), орын басуы төмен гидроксипропилцеллюлоза, гидрогенделген майсана майы, стеарин қышқылы, сусыз коллоидты кремнийдің қостотығы, үлбірлі қабық құрамы: Опадри® қызғылт 32К24375 (лактоза моногидраты, гипромеллоза, титанның қостотығы, триацетин және темірдің қызыл тотығы), карнауб балауызы. Сыртқы түрінің, иісінің, дәмінің сипаттамасы Бір жағында «С75» және екінші жағында «А100» өрнегі бар сопақша, сәл екі дөңес, ашық -қызғылт түсті үлбірлі қабықпен қапталған таблеткалар.

Клопидогрел де, ацетилсалицил қышқылын да (АСҚ) алып жүрген ересек пациенттердегі атеротромбоздық оқиғалардың екіншілік профилактикасы. Ко-Плавикс емдеуді жалғастыру үшін өзінің құрамына кіретін белсенді заттардың бекітілген дозаларымен біріктірілген дәрілік препарат болып табылады: - ST сегментінің көтерілуінсіз жедел коронарлық синдром (тұрақсыз стенокардия немесе Q тісшесінсіз миокард инфарктісі), тері арқылы коронарлық араласу барысында стенттеу жүргізілген пациенттерді қоса - ST (STEMI) сегментінің көтерілуімен жедел миокард инфарктісі бар, ТКА жасатқан (стенттеу жүргізілген пациенттерді қоса), дәрі-дәрмекпен емделіп жүрген және тромболитикалық/фибринолитикалық ем жүргізуге болатын пациенттерде.

Әсер ету механизмі Клопидогрел ізашар дәрі, оның белсенді метаболиттерінің бірі тромбоциттер агрегациясының тежегіші болып табылады. Тромбоциттер агрегациясын бәсеңдететін белсенді метаболит түзілуі үшін клопидогрел P450 цитохромы (CYP450) жүйесінің изоферменттерінің көмегімен метаболизденуі тиіс. Клопидогрелдің белсенді метаболиті аденозиндифосфаттың (AДФ) P2Y12 тромбоциттер рецепторымен байланысуын және одан әрі GPIIb/IIIa гликопротеин кешенінің АДФ арқылы белсенділенуін селективті тежеп, тромбоциттер агрегациясының бәсеңдеуіне әкеледі. Қайтымсыз байланысуына орай, тромбоциттер бүкіл қалған тіршілік мерзімі бойына (шамамен 7-10 күн) АДФ көтермелеуіне сезімтал емес күйде қалады, ал тромбоциттердің қалыпты функциясының орнына келуі тромбоциттердің жаңару жылдамдығына сәйкес жылдамдықпен жүреді. АДФ-дан ерекшеленетін агонистер туғызған тромбоциттер агрегациясы да АДФ босап шыққан тромбоциттердің күшейген белсенділігінің блокадасы есебінен тежеледі. Белсенді метаболиттің түзілуі CYР450 ферменттерінің көмегімен жүретіндіктен, олардың кейбіреулері полиморфизмімен ерекшеленуі немесе басқа препараттармен тежелуі мүмкін, пациенттердің бәрінде бірдей тромбоциттер агрегациясының тежелісі талапқа сай болмауы мүмкін. Фармакодинамикалық әсерлері Клопидогрелдің тәулігіне 75 мг қайталамалы дозалары бірінші күннен-ақ АДФ тудырған тромбоциттер агрегациясының елеулі бәсеңдеуін қамтамасыз етті; осы әсері үдемелі күшейді әрі 3 және 7 күн арасында тепе-тең күйдегі сатысына жетті. Тепе-тең күйдегі сатыда тәулігіне 75 мг дозасында байқалған орташа тежелу дәрежесі 40%-дан 60% дейін құрады. Тромбоциттер агрегациясы және қан кету уақыты бастапқы деңгейіне, әдетте, емдеуді тоқтатудан кейін 5 күннен соң біртіндеп оралды. Ацетилсалицил қышқылы простагландиндік циклооксигеназаның қайтымсыз бәсеңдеуі есебінен тромбоциттер агрегациясын бәсеңдетеді, ал осылайша тромбоциттер агрегациясының және вазоконстрикцияның индукторы болып табылатын А2 тромбоксан түзілуін бәсеңдетеді. Осы әсері тромбоциттің бүкіл тіршілігі бойына сақталады. Тәжірибелік зерттеулердің деректері ибупрофеннің бір мезгілде қолданғанда төмен дозалы аспириннің тромбоциттер агрегациясына әсерін бәсеңдете алатынын айғақтайды. Бір зерттеуде ибупрофеннің бір реттік 400 мг дозасын жылдам босап шығатын (81 мг) аспиринді қабылдаудан 8 сағат бұрын немесе одан кейін 30 минуттан соң тромбоксан түзілуіне немесе тромбоциттер агрегациясына АСҚ әсерінің төмендегені мәлімделді. Алайда осы деректердің шектеулілігі және ex vivo деректерінің клиникалық оқиғаға экстраполяциясына қатысты белгісіздігі ибупрофенді жүйелі қабылдау жөнінде нақты қорытындылардың жоқ екенін жорамалдайды, осы орайда, барынша ықтималдықпен, ибупрофенді жүйесіз қабылдау клиникалық мәнді әсер тудырмайды. Клиникалық тиімділігі мен қауіпсіздігі Клопидогрел+АСҚ қауіпсіздігі мен тиімділігі 61900-ден астам пациент қатысқан салыстырмалы жасырын үш зерттеуде: CURE, CLARITY және COMMIT зерттеулерінде зерттелді, онда АСҚ монотерапиясымен клопидогрел + АСҚ салыстырылды, екі емдеу де басқа стандартт еммен біріктірілімде жүргізілді. CURE зерттеуінде ST сегментінің көтерілуінсіз жедел коронарлық синдромы (тұрақсыз стенокардия немесе Q тісшесі жоқ миокард инфарктісі) бар 12562 пациентте соңғы 24 сағат ішінде кеуденің ауыруы ұстамасы немесе ишемия симптомдары байқалды. Пациенттерде не жаңа ишемияны айғақтайтын ЭКГ өзгерістерінің болуы, не жүрек ферменттерінің немесе тропонин I немесе T кемінде екеуінің деңгейінің, қалыптың жоғарғы шегімен салыстырғанда, жоғарылауы қажет болды. Пациенттер клопидогрел (жүктеме доза 300 мг, кейіннен тәуліктік 75 мг дозасын қолданумен, n=6259), оған қоса, АСҚ (тәулігіне 1 рет 75-325 мг) немесе монотерапиядағы АСҚ (n=6303), (тәулігіне 1 рет 75-325 мг) және басқа стандартты ем қабылдау үшін рандомизацияланды. Пациенттер бір жыл ем қабылдады. CURE зерттеуінде 823 (6.6%) пациент GPIIb/IIIa рецепторларының антагонистерімен қатарлас ем алды. 90%-дан астам пациент гепарин алды. Осы қатарлас гепариндік ем клопидогрел + АСҚ-мен және монотерапиядағы АСҚ-мен емделгенде қан кету туындауының салыстырмалы жиілігіне елеулі ықпал етпеді. Бірінші соңғы нүктеге жеткен пациенттер саны [жүрек-қантамырлық (ЖҚ) өлім, миокард инфарктісі (МИ) немесе инсульт] клопидогрел + АСҚ тобында 582 (9,3%) және АСҚ тобында 719 (11,4%) болды. Салыстырмалы қауіптің төмендеуі (СҚТ) клопидогрел + АСҚ тобы үшін 20% (95% СА 10–28%; p=0,00009) [салыстырмалы қауіптің төмендеуі консервативті емдеуде 17, стент орнатумен немесе орнатусыз тері арқылы транслюминальді коронарлық ангиопластика жасалғанда 29% және қолқа-коронарлық шунттау жасалғанда 10%) (ҚКШ)]. Жаңа жүрек-қантамыр оқиғалары дамуының алдын алу (бірінші соңғы нүкте) СҚТ-мен жүргізілді, ол зерттеудің 0–1, 1–3, 3–6, 6–9 және 9–12 айлары кезеңдерінде, тиісінше, 22% (СА: 8,6–33,4), 32% (СА: 12,8–46,4), 4% (СА: -26,9–26,7), 6% (СА: -33,5–34,3) және 14% (СА: -31,6–44,2) құрады. Осылайша, 3 айдан астам емделуден соң клопидогрел + АСҚ тобында байқалған жағымды әсері одан әрі жоғарыламады, ал қан кетудің туындау қаупі қалды. CURE зерттеуінде клопидогрел қолдану тромболитикалық емнің (СҚТ=43,3%; СА: 24,3–57,5%) және GP IIb/IIIa гликопротеин рецепторлары тежегіштерінің (СҚТ=18,2%; СА: 6,5–28,3) қажеттілігін азайтты. Біріктірілген бірінші соңғы нүктеге жеткен пациенттер саны (ЖҚ өлімі, миокард инфарктісі, инсульт немесе рефрактерлі ишемия) клопидогрел + АСҚ тобында 1035 (16,5%) және АСҚ тобында 1187 (18,8%) болды. Салыстырмалы қауіптің төмендеуі клопидогрел + АСҚ тобында 14% (95% СА 6–21%, p=0,0005) құрады. Осындай әсеріне негізінен миокард инфарктісі жиілігінің [287 (4,6%) клопидогрел + АСҚ тобында және 363 (5,8%) АСҚ тобында] статистикалық мәнді төмендеуі себеп болды. Тұрақсыз стенокардия себебінен қайталанатын ауруханаға жату жиілігінің өзгеруі байқалмады. Сипаттамалары әртүрлі пациенттердің топтарында алынған нәтижелер (мысалы, тұрақсыз стенокардия немесе Q тісшесі жоқ миокард инфарктісі, төменнен жоғарыға дейінгі қауіп деңгейі, қант диабеті, реваскуляризация қажеттілігі, жасы, жынысы және т.б.) бастапқы талдау нәтижелерімен сәйкес болды. Атап айтқанда, стент (Stent-CURE) орнатылған 2172 пациентті (бүкіл CURE қауымының 17% бөлігі) қосымша талдау клопидогрелмен емдеу кезінде, плацебомен салыстырғанда, елеулі СҚТ (26,2%) байқалатынын көрсетті, бұл бірінші соңғы нүктенің (ЖҚ өлімі, миокард инфарктісі, инсульт) дамуының алдын алуда клопидогрел пайдасына айғақталады, сондай-ақ екіншілік біріктірілген бірінші соңғы нүктеде (ЖҚ өлімі, миокард инфарктісі, инсульт немесе рефрактерлі ишемия) СҚТ елеулі (23,9%) болды. Оның үстіне, пациенттердің осы қосалқы тобында клопидогрелдің қауіпсіздік бейіні ешқандай айрықша ескертулер туындатпайды. Осылайша, пациенттер топтарын қосымша талдау нәтижелері зерттеудің жалпы нәтижелеріне сәйкес келеді. ST сегментінің көтерілуімен жедел миокард инфарктісі бар пациенттерде рандомизацияланған плацебо-бақыланатын 2 салыстырмалы жасырын зерттеуде: CLARITY (CLARITY PCI) және COMMIT зерттеулерінің проспективті қосалқы тобындағы талдауында клопидогрелдің қауіпсіздігі мен тиімділігі бағаланды. CLARITY зерттеуінде соңғы 12 сағат ішінде ST сегментінің көтерілуімен жедел миокард инфарктісін алған және тромболитикалық ем жоспарланған 3491 пациент қамтылды. Пациенттер фибринолиздік препаратпен және қажет болған жағдайда – гепаринмен клопидогрелге (300 мг жүктеме дозасы, одан әрі – 75 мг/тәулік, n=1752) қоса АСҚ немесе монотерапияда АСҚ (n=1739), (150–325 мг жүктеме дозасы, одан әрі 75–162 мг/тәулік қолданумен) қабылдады. Пациенттерді әріқарай қадағалау 30 күн жалғасты. Бірінші біріктірілген соңғы нүкте клиникадан шығарылу алдында ангиограммада анықталған инфарктке тәуелді артерия окклюзиясы, өлім немесе коронарлық ангиография жасау алдында миокард инфарктісінің қайталануы болды. Ангиография жасалмаған пациенттер үшін бірінші соңғы нүкте өлім немесе 8 тәулікке дейін немесе клиникадан шығарылу сәтіне дейін миокард инфарктісінің қайталануы болды. Осы зерттеуге қатысқан пациенттер арасында пациенттердің 19,7%-ы әйел және 29,2%-ы 65 жаста және одан асқан болды. Жалпы, пациенттерден 99,7% фибринолиздік препараттар (фибрин спецификалық - 68,7%, фибрин неспецификалық емес - 31,1%), 89,5% гепарин, 78,7% β-адренорецепторларының блокаторларын, 54,7% АӨФ тежегіштерін және 63% статиндер қабылдады. Бірінші соңғы нүктеге клопидогрел + АСҚ қабылдаған топтағы пациенттердің он бес пайызы (15.0%) және монотерапияда АСҚ қабылдаған топтан 21,7% қол жеткізді. Осылайша, оның абсолютті төмендеуі 6,7% болып, негізінен, артерияда инфарктісімен байланысты окклюзия дамыған жағдайлар санының азаюына орай клопидогрел пайдасына 36% (95% СА: 24–47%; p <0,001) басым түсті. Осындай артықшылығы жасына, жынысына, инфаркт орналасуы және фибринолитиктермен немесе гепаринмен қабылдаған ем түріне қарай бөлінген пациенттердің барлық алдын ала белгіленген қосалқы топтарында байқалды. CLARITY PCI қосалқы топтық талдауы ТКА жасатқан 1863 STEMI бар пациенттерді қамтыды. Клопидогрелдің 300 мг (n = 933) жүктеме дозасын қабылдаған пациенттерде плацебомен (n = 930) салыстырғанда (клопидогрелмен алдын ала емдеу тобында 3,6%, плацебо тобындағы 6,2% салыстырғанда, ТКА кейінгі жүрек-қан тамырлары ауруларынан, миокард инфарктісінен немесе инсульттан болатын өлім жиілігінің айтарлықтай төмендеуі байқалды (МА): 0,54; 95%: 0,35–0,85; p = 0,008). 300 мг клопидогрелді қабылдаған пациенттерде плацебомен салыстырғанда ТКА кейін 30 күн ішінде жүрек-қан тамырлары ауруларынан, МИ немесе инсульттан болатын өлім көрсеткіші айтарлықтай төмендеді (плацебо тобындағы 12,0% салыстырғанда клопидогрелмен алдын ала емдеу тобында 7,5%, МА: 0,59; 95%: 0,43–0,81; p = 0,001). Алайда, CLARITY зерттеуінің жалпы популяциясын бағалау кезінде бұл құрама соңғы нүкте екінші соңғы нүкте ретінде статистикалық тұрғыдан маңызды болмады. Екі емдеу тобы арасында ауқымды немесе аздаған қан кету жиілігінде айтарлықтай айырмашылықтар байқалмады (клопидогрелмен алдын ала емдеу тобында 2,0%, плацебо тобында 1,9%, p > 0,99). Бұл зерттеудің нәтижелері STEMI үшін клопидогрелдің жүктеме дозасын ерте тағайындау қажеттілігін және ТКА жасатқан пациенттерде клопидогрелмен алдын ала емдеудің әдеттегі стратегиясын көрсетеді. Екі факторлы COMМIT зерттеуінде соңғы 24 сағат ішінде миокард инфарктісінен күмәндануға мүмкіндік беретін симптомдардың туындауы байқалған 45852 пациент қамтылды, бұл ЭКГ көрсеткіштерінің қалып шегінен ауытқуларымен (мысалы, ST сегментінің көтерілуі немесе депрессиясы немесе Гис шоғырының сол жақ тармақша блокадасы) расталады. Пациенттер 28 күн бойы немесе ауруханадан шығарылуға дейін клопидогрелге (75 мг/тәулік, n=22 961) қоса АСҚ (162 мг/ тәулік) немесе монотерапияда АСҚ (162 мг/ тәулік) (n=22 891) қабылдады. Біріктірілген бірінші соңғы нүктелер кез келген себеппен өліммен аяқталу және миокард инфарктісінің алғашқы қайталануы, инсульт немесе өлім болды. Пациенттер тобында 27,8% әйел, пациенттердің 58,4%-ы ≥60 жаста болды (26% ≥70 жас) және пациенттердің 54,5%-ы фибринолиздік препараттар қабылдады. Клопидогрел + АСҚ кез келген себептен өлімнің салыстырмалы даму қаупін 7% (p=0,029) және инфаркт, инсульт қайталануының немесе өлімнің салыстырмалы бірігу қаупін 9% (p=0,002) елеулі төмендетті, осы орайда абсолютті төмендеу, тиісінше, 0,5 және 0,9% құрады. Осындай әсері фибринолитиктер қайбылдауға қарамастан жасы мен жынысы әртүрлі пациенттерде білінді және алғашқы 24 сағат ішінде байқалды. ТКА-дан кейінгі STEMI бар пациенттерде клопидогрелмен ұзақ мерзімді (12 ай) емдеу CREDO (Бақылау кезінде жағымсыз құбылыстардың жиілігін төмендетуге арналған клопидогрел) Бұл рандомизацияланған, салыстырмалы жасырын, плацебо-бақыланатын сынақ Америка Құрама Штаттарында және Канадада ТКА-дан кейін клопидогрелмен ұзақ (12 ай) емдеудің пайдасын бағалау үшін жүргізілді. ТКА-дан 3-24 сағат бұрын 300 мг дозасында НД клопидогрел (n = 1053) немесе плацебо (n = 1063) алу үшін 2116 пациент рандомизацияланды. Барлық пациенттер 325 мг дозада АСҚ алды. Осыдан кейін барлық пациенттер клопидогрелді тәулігіне 75 мг дозада 28-ші күнге дейін екі топта да қабылдады. 29 күннен 12 айға дейін клопидогрел тобындағы пациенттер клопидогрелді тәулігіне 75 мг дозада, ал бақылау тобында плацебо қабылдады. Зерттеу барысында екі топқа да АСҚ берілді (тәулігіне 81-ден 325 мг-ге дейін). 1 жылдан кейін клопидогрелді қолданған кезде плацебомен салыстырғанда өлім, миокард инфарктісі немесе инсульттің жиынтық қаупінің айтарлықтай төмендеуі байқалды (салыстырмалы түрде 26,9 %, 95% төмендеді СА: 3,9% -44,4 %; p = 0,02; 3%-ға абсолютті төмендеу). 1 жылдан кейін ауқымды қан кету жиілігінің айтарлықтай жоғарылауы байқалмады (клопидогрел тобында 8,8%, плацебо тобында 6,7%, p = 0,07) немесе аздаған қан кетулер (клопидогрелді қолданған кезде 5,3%, плацебо тобында 5,6%, p = 0,84). Бұл зерттеудің негізгі нәтижесі клопидогрел мен АСҚ-ны кем дегенде 1 жыл бойы қолдануды жалғастыру ауыр тромбоздық құбылыстар жиілігінің статистикалық және клиникалық маңызды төмендеуіне әкеледі. EXCELLENT (Xience/Promus тиімділігі, Cypher-мен салыстырғанда, стенттеуден кейін стенттің тесігінің кейінгі жабылуын азайту үшін) Бұл перспективалы, ашық, рандомизацияланған зерттеу Кореяда 6 айлық екі есе антитромбоциттік емнің (ЕАТЕ) тиімділігін дәрілік жабыны бар стенттерді имплантациялаудан кейінгі 12 айлық ЕАТЕ -мен салыстыру үшін жүргізілді. Зерттеуге 6 айлық ЕАТЕ (АСҚ тәулігіне 100-200 мг плюс 6 ай бойы тәулігіне 75 мг клопидогрел, содан кейін тек АСҚ 12 айға дейін) немесе 12 айлық ЕАТЕ (АСҚ тәулігіне 100-200 мг плюс тәулігіне 75 мг клопидогрел) алу үшін рандомизацияланған имплантацияланған 1443 пациент енгізілді/12 ай ішінде күн). 6 ай және 12 айға созылатын ЕАТЕ топтары арасындағы бастапқы соңғы нүкте болып табылатын нысаналы тамырдың жеткіліксіздігінің даму жиілігінде (жүректің қайтымсыз тоқтап қалуы, оның ішінде нысаналы тамырдың реваскуляризациясын қамтитын біріктірілген соңғы нүкте) елеулі айырмашылықтар байқалмады (ҚҚ: 1,14; 95% СА: 0,70 1,86; p = 0,60). Сонымен қатар, зерттеу 6 ай және 12 айға созылатын ЕАТЕ топтары арасында (ҚҚ: 1,15; 95% СА: 0,64–2,06; p = 0,64) қауіпсіздіктің соңғы нүктесінде (TIMI шкаласы бойынша өлім, МИ, инсульт, стент тромбозы немесе ауқымды қан кетуді қамтитын ұғымдар жиынтығы) айтарлықтай айырмашылықтарды көрсетпеді. Зерттеудің негізгі нәтижесі 6 айлық ЕАТЕ нысаналы тамырдың жеткіліксіздігі қаупіне қатысты 12 айлық ЕАТЕ кем түспейтінін растау болып табылады. ОКС кезінде Р2Ү12 рецепторлары блокаторларының деэскалациясы: P2Ү12 рецепторларының неғұрлым күшті блокаторынан пациенттерді жедел коронарлық синдромның (ЖКС) жедел кезеңі аяқталғаннан кейін аспиринмен клопидогрелге ауыстыру зерттеушілер қаржыландырған екі рандомизацияланған зерттеулер аясында бағаланды: TOPIC және TROPICAL-ACS – нәтижесінде клиникалық деректер алынды. Негізгі зерттеулерде Р2Ү12 рецепторлары - тикагрелор және прасугрелдің неғұрлым күшті блокаторларын қолдану кезінде алынатын клиникалық пайда ишемиялық оқиғалардың (стенттің жедел және жеделге жуық тромбозын, миокард инфарктісін және жедел реваскуляризацияны қоса) қайта даму жиілігінің сенімді төмендеуімен байланысты. Ишемиялық бұзылулармен байланысты пайда бірінші жыл ішінде тұрақты болғанына қарамастан, ЖКС кейін қайталанған ишемиялық бұзылулар жиілігінің неғұрлым айқын төмендеуі емдеу басталғаннан кейінгі алғашқы күндері байқалды. Керісінше, қосымша талдау нәтижелері ең алдымен ЖКС кейінгі бірінші айдан кейін демеуші ем кезінде байқалған Р2Ү12 рецепторларының неғұрлым күшті блокаторларын қолдану кезінде қан кету қаупінің статистикалық маңызды жоғарылауын көрсетті. TOPIC және TROPICAL-ACS зерттеулері шеңберінде тиімділігін сақтай отырып, қан кету даму қаупін төмендету мүмкіндіктерін бағалау жүргізілді. TOPIC (Жедел коронарлық синдром дамығаннан кейін тромбоциттердің тежелу уақыты) Бұл рандомизацияланған ашық зерттеуге коронарлық тамырларға тері арқылы араласуды (ТАА) қажет ететін ЖКС бар пациенттер қатысты. Бір ай ішінде жағымсыз құбылыстар байқалмаған аспирин мен Р2Ү12 рецепторлардың неғұрлым күшті блокаторын қабылдаған пациенттерді тіркелген дозада клопидогрел бар аспиринді қабылдауға ауыстырды (деэскалациялық қосарлы антитромбоциттік ем (ЕАТЕ) немесе бұрын басталған емді жалғастырды (өзгермеген ЕАТЕ). ST сегменті көтерілуімен және ST сегментінің көтерілуінсіз немесе тұрақсыз стенокардиясы бар миокард инфарктісі бар 646 пациенттің 645-і зерттелді (деэскалациялық ЕАТЕ (n=322); өзгермеген ЕАТЕ (n=323)). Жыл бойы деэскалациялық ЕАТЕ тобында 316 пациентті (98,1 %) және өзгермеген ЕАТЕ тобында 318 пациентті (98,5%) бақылау жүргізілді. Орташа алғанда, екі топтағы пациенттерді бақылау 359 күн ішінде жүргізілді. Осы когортадағы пациенттердің сипаттамалары екі топта да ұқсас болды. ЖҚ өлім, инсульт, жедел реваскуляризация және қан кетуді қамтитын негізгі соңғы нүкте BARC жіктемесіне сәйкес (Қан кету бойынша академиялық зерттеу консорциумы) ≥2 ЖКС кейінгі 1 жыл ішінде деэскалациялық ЕАТЕ тобында 43 пациентке (13,4%) және өзгермеген ЕАТЕ (p<0.01) тобында 85 пациентке (26,3%) жетті. Бұл статистикалық маңызды айырмашылық ең алдымен қан кетулер санының азаюымен, соңғы нүктелер бойынша айырмашылықтың, ишемиялық оқиғалардың (p=0.36) болмауымен түсіндіріледі, бұл ретте BARC ≥2 жіктемесі бойынша қан кетулер өзгермеген ЕАТЕ (p<0.01) тобындағы 14,9% - бен салыстырғанда деэскалациялық ЕАТЕ тобында (4,0%) сирек дамыды. BARC жіктемесіне сәйкес келетін қан кетулер деэскалациялық ЕАТЕ тобындағы 30 пациентте (9,3%) және өзгермеген ЕАТЕ (p<0.01) тобындағы 76 пациентте (23,5%) пайда болды. TROPICAL-ACS (Жедел коронарлық синдромы бар пациенттердің тромбоциттер агрегациясын тежеуге бағытталған ұзақ мерзімді емге сезімталдығын талдау) Бұл рандомизацияланған ашық зерттеуге 2,610 оң ЖКС биомаркерлері бар пациенттер қатысты, олар ТАЕ сәтті өтті. Пациенттерді күніне 5 немесе 10 мг дозада (0-14 күндері) (n=1306) немесе күніне 5 немесе 10 мг дозада (0-7 күндері) прасугрел қабылдаған топтарға рандомизациялады, содан кейін күніне 75 мг дозада (8-14 күндері) (n=1304) клопидогрел қолданып, деэскалациялық терапияға ASA АСК (күніне<100 мг) біріктіріп өтті. 14-ші күні тромбоциттік функцияға (ТФБ) баға берілді. Тек прасугрел қабылдаған пациенттер 11,5 ай бойы емдеуді жалғастырды. Деэскалациялық ем қабылдаған пациенттер тромбоциттердің реактивтілігін бағалаудан (ТРБ) өтті. Егер реактивтілік ≥46 бірлікті құраса, пациенттер 11,5 айға күніне 5 немесе 10 мг дозада прасугрелге қайтарылды; егер реактивтілік <46 бірлікті құраса, пациенттер 11,5 ай бойы күніне 75 мг дозада клопидогрелді қабылдауды жалғастырды. Осылайша, деэскалациялық ем тобында прасугрел (40%) немесе клопидогрел (60%) қабылдаған пациенттер болды. Барлық пациенттер аспирин қабылдауды жалғастырды және бір жыл бойы байқалды. Бастапқы соңғы нүктеге (жүрек-қантамырлары себептерінен болатын өлім, миокард инфарктісі, инсульт және 12 айдағы BARC ≥2 классификациясы бойынша қан кету) елеулі айырмашылықтарсыз қол жеткізілді. Деэскалациялық ем тобындағы 95 пациентте (7%) және бақылау тобындағы 118 пациентте (9%) (p артықшылықтың болмауы = 0,0004) тиісті оқиғалар байқалды. Деэскалациялық ем тобында ишемиялық оқиғалардың біріктірілген қаупінің жоғарылауы (деэскалациялық ем тобында бақылау тобындағы 3,2% салыстырғанда 2,5%, (p артықшылықтың болмауы = 0,0115), сондай-ақ бақылау тобындағы 6% - бен салыстырғанда деэскалациялық терапия тобында BARC ≥2 ((5%) жіктемесі бойынша қан кетуді дамытуды көздеген негізгі қайталама соңғы нүкте бойынша байқалған жоқ. (p=0.23)). Барлық қан кетулердің жиынтық жиілігі (BARC жіктемесі 1-ден 5-ке дейін) деэскалациялық ем тобында бақылау тобындағы (p=0.14) 11% В (137 жағдай) - мен салыстырғанда 9% (114 жағдай) құрады. Балалар Еуропалық Медициналық Агенттік коронарлық атеросклерозды емдеуде балалар жасындағы пациенттердің барлық қосалқы топтарында Ко-Плавикспен жүргізілетін зерттеулер нәтижелерін ұсыну міндеттемесін кейінге қалдырды (5.2 бөлімді қараңыз).

Дозалау режимі Ересектер және егде жастағы тұлғалар Ко-Плавикс бір реттік тәуліктік 75 мг/100 мг доза түрінде қабылдану керек. Ко-Плавикс бекітілген дозалар біріктірілімі әрқайсысы бөлек қабылданған АСҚ және клопидогрелмен емдеу басталған соң пайдаланылады, әрі клопидогрел және АСҚ жеке препараттарын алмастырады. Енгізу әдісі және жолы Ішке қабылдау үшін. Ко-Плавикс тамақтануға қарамастан қабылдауға болады. Емдеу ұзақтығы ST сегментінің көтерілуінсіз жедел коронарлық синдромы бар пациенттерде (тұрақсыз стенокардия немесе Q тісшесі жоқ миокард инфарктісі) Оңтайлы емдеу ұзақтығы ресми анықталмады. Клиникалық зерттеу деректері оны 12 айға дейін қолданудың пайдасына айғақталады, ең жоғары жағымды әсері 3 айдан соң байқалды. Егер Ко-Плавикс қолдану тоқтатылса, науқастар үшін антитромбоциттік дәрілік препаратпен емдеуді жалғастыру пайдалы болуы мүмкін. ST сегментінің көтерілуімен жедел миокард инфарктісі бар пациенттерде - Дәрі-дәрмекпен ем алатын пациенттерде симптомдар білінген соң Ко-Плавикс қабылдауды мүмкіндігінше ертерек бастау және кем дегенде төрт апта жалғастыру керек. Осы ауру тұсында клопидогрелдің АСҚ-мен біріктірілімінің төрт апта емделуден кейінгі оң әсері зерттелмеді. Егер Ко-Плавикс қабылдау тоқтатылса, пациенттер антитромбоциттік дәрілік заттардың бірімен емделуді сәтті жалғастыра алады. - Егер ТКА жоспарланса, симптомдар пайда болғаннан кейін Ко-Плавикс қабылдау мүмкіндігінше ертерек басталып, 12 айға дейін жалғасуы керек. Дәрілік препараттың бір немесе бірнеше дозасын өткізіп алу кезіндегі қажетті шаралар Егер препараттың бір дозасын қабылдау уақыты өтіп кетсе: - егер препаратты қабылдаудың белгіленген кестесімен 12 сағат өтпесе, пациенттер препараттың дозасын дереу қабылдауы, ал келесі дозаны кестеге сәйкес қабылдауы керек. - егер препаратты қабылдаудың белгіленген кестесімен 12 сағат өтсе, пациенттер кестеге сәйкес келесі дозаны қабылдауы керек; Қосарлы дозаны қабылдаудың қажеті жоқ. Тоқтату симптомдарының болу қаупіне нұсқау Егер дәрігер бұл туралы айтпаса, емдеуді тоқтатпаңыз. Емдеуді тоқтатпас немесе жалғастырмас бұрын дәрігерге қаралыңыз. Пациенттердің ерекше топтары Балалар 18 жасқа дейінгі балалар мен жасөспірімдерде Ко-Плавикс препаратының қауіпсіздігі мен тиімділігі анықталмаған. Бұл популяцияға осы препаратты қабылдау ұсынылмайды. Бауыр жеткіліксіздігі бар пациенттер Ко-Плавикс бауыр функциясының ауыр бұзылуы бар пациенттерге қолдануға болмайды. Геморрагиялық диатез болуы мүмкін орташа ауырлықтағы бауыр ауруы бар пациенттердегі емдік тәжірибе шектеулі. Демек, мұндай пациенттерде Ко-Плавикс сақтықпен қолданылуы керек. Бүйрек жеткіліксіздігі бар пациенттер Ко-Плавикс ауыр дәрежедегі бүйрек функциясы бұзылған пациенттерге қолдануға болмайды. Ауырлығы жеңіл және орташа дәрежедегі бүйрек функциясы бұзылған пациенттердегі емдік тәжірибе шектеулі. Демек, мұндай пациенттерде Ко-Плавикс сақтықпен қолданылуы керек. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Емдеуді тоқтатудың немесе жаңғыртудың алдында өз емдеуші дәрігеріңізбен байланысыңыз. Препаратты қолдану жөнінде сұрақтар болса, емдеуші дәрігерге хабарласыңыз.

Дәрілік препараттың екі компонентінің де болуына байланысты, Ко-Плавикс келесі жағдайларда қарсы көрсетілімді: - әсер етуші заттарға немесе қосымша заттардың кез келгеніне аса жоғары сезімталдық - бауыр функциясының ауыр бұзылуы - белсенді патологиялық қан кету, мысалы, пептидтік ойық жарадан немесе бассүйекішілік қан құйылу. Бұдан бөлек, АСҚ болуына байланысты, препарат келесі жағдайларда қарсы көрсетілімді: - қабынуға қарсы стероидты емес дәрілерге (ҚҚСД) жоғары сезімталдық және демікпе, ринит синдромы және мұрын полиптері - АСҚ қолдану аса жоғары сезімталдықтың ауыр реакцияларын туғызуы мүмкін бұрыннан бар мастоцитоз (қан кернеумен болатын айналымдық шок, гипотензия, тахикардия және құсуды қоса) - бүйрек функциясының ауыр бұзылуы (креатинин клиренсі <30 мл/мин) - жүктіліктің үшінші триместрі - 18 жасқа дейінгі балалар мен жасөспірімдер

Жиі - гематома - мұрыннан қан кету - асқазан-ішектен қан кету, диарея, іштің ауыруы, диспепсия - теріге және тері асты тіндеріне қан құйылу (қанталаулар) - тесілген жерден қан кету Жиі емес - тромбоцитопения, лейкопения, эозинофилия - бассүйекішілік қан кету (бірнеше жағдайда, әсіресе, егде жастағы адамдарда өліммен аяқталуы мәлімделді), бас ауыру, парестезия, бас айналу, көзішілік қан құйылу (конъюнктивалық, окулярлы, ретинальді) - асқазан мен 12 елі ішектің ойық жарасы, гастрит, құсу, жүрек айну, іш қату, метеоризм - бөртпе, қышыну, теріге қан құйылу (пурпура) - гематурия - қан кету уақытының ұзаруы, нейтрофилдер санының кемуі, тромбоциттер санының кемуі Сирек - нейтропения, ауыр нейтропенияны қоса - вертиго - ретроперитонеальді қан кету - гинекомастия Өте сирек - тромбоздық тромбоцитопениялық пурпура (ТТП), аплазиялық анемия, панцитопения, агранулоцитоз, ауыр тромбоцитопения, жүре пайда болған А гемофилиясы, гранулоцитопения, анемия - сарысу құю ауруы - анафилактоидтық реакциялар - елестеулер, сананың шатасуы - дәм сезудің бұзылуы, агезия - ауыр қан кету, операциялық жарадан қан кету - артериялық қысымның төмендеуі (гипотензия) - тыныс жолдарынан қан кету (қан түкіру, өкпеден қан кету), бронх түйілуі, интерстициальді пневмонит - эозинофилиялық пневмония - өліммен аяқталатын асқазан-ішектен және ретроперитонеальді (ішперде артындағы) қан кету, панкреатит - колит (соның ішінде ойық жаралы немесе лимфоцитарлы) - стоматит - бауырдың жедел жеткіліксіздігі, бауырдың функционалдық сынамаларының қалып шегінен ауытқуы, гепатит, бауыр ферменттері деңгейінің жоғарылауы, бауыр функциясының бұзылуы, созылмалы гепатит - буллёзді дерматит (уытты эпидермалық некролиз, Стивенс-Джонсон синдромы, көп формалы эритема), жедел жайылған экзантематозды пустулез (AGEP), ангионевроздық ісіну, дәрі себеп болатын аса жоғары сезімталдық синдромы, эозинофилиямен және жүйелік симптомдарымен дәрілік бөртпе (DRESS), эритематозды немесе эксфолиативті бөртпе, есекжем, экзема, жалпақ теміреткі - қаңқа-бұлшықеттен қан кету (гемартроз), артрит, артралгиялар, миалгиялар - гломерулонефрит, қанда креатинин деңгейінің жоғарылауы - қызба, ісіну Жиілігі белгісіз (АСҚ қатысты) - АСҚ салдарынан болатын аллергиялық реакция тұрғысынан ұзақ уақыт қолдану кезіндегі өкпенің кардиогенді емес ісінуі - колит (оның ішінде ойық жаралық немесе лимфоциттік) - сүйек кемігінің жеткіліксіздігі, бицитопения - глюкоза-6-фосфат-дегидрогеназа (Г6ФД) тапшылығы бар пациенттердегі гемолиздік анемия - ацетисалицил қышқылы немесе клопидогрел салдарынан аллергиялық реакция жағдайындағы Коунис синдромы (вазоспазмдық аллергиялық стенокардия /аллергиялық миокард инфарктісі) ** - анафилаксиялық шок - тағамдық аллергия симптомдарының күшеюі - гипогликемия, подагра - васкулит (Шенлейн-Генох ауруын қоса) - естімей қалу және құлақтың шыңылдауы - асқазан-ішек жолының жоғарғы бөлімдерінің зақымдану симптомдары (эзофагит, ойық жаралы эзофагит, тесілу, эрозиялық гастрит, эрозиялық дуоденит; гастродуоденальді ойық жара ауруы/тесілу, гастралгия), гастродуоденальді ойық жара/тесілу; асқазан-ішек жолының төменгі бөлімінің зақымдану симптомдары (жіңішке ішектің (жіңішке ішектің және мықын ішегінің) және жуан ішектің (аш ішектің және тік ішектің) ойық жараларыы, колиттері және тесілуі; АІЖ тарапынан болатын АСҚ қабылдаумен байланысты осындай реакциялар қан кетумен қатар жүруі немесе қатар жүрмеуі және ацетилсалицил қышқылының кез келген дозасында, сондай-ақ анамнезінде АІЖ тарапынан сақтандыру симптомдары немесе күрделі құбылыстары болатын немесе болмайтын пациенттерде туындауы мүмкін - АСҚ салдарынан болатын аллергиялық реакция аясындағы жедел панкреатит - ұзақ уақыт қолдану кезінде және ацетилсалицил қышқылын қабылдау салдарынан болатын жоғары сезімталдық реакциясы жағдайларында өкпенің кардиогендік емес ісінуі - бауырдың зақымдануы, көбіне гепатоцеллюлярлы түрі, гепатит, бауыр ферменттерінің жоғарылауы, бауырдың функционалдық жағдайының биохимиялық көрсеткіштерінің қалып шегінен ауытқуы, созылмалы гепатит- тұрақты бөртпе - бүйрек жеткіліксіздігі, бүйрек функциясының жедел бұзылуы (әсіресе, бүйрек функциясының бұзылуы бұрыннан бар науқастарда, жүрек декомпенсациясы, нефриттік синдром немесе диуретиктермен қатарлас емдеу) Белгісіз (клопидогрелге қатысты) - тиенопиридиндер (мысалы, тиклопидин, празугрел) арасындағы дәрілік аса жоғары сезімталдықтың айқаспалы реакциясы, әсіресе, DRA4 адам лейкоциттік антигенінің HLA қосалқы типі бар пациенттерде ауыр гипогликемияға әкелуі мүмкін аутоиммундық инсулин синдромы (жапондықтарда жиі кездеседі). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

Симптомдары Клопидогрел: клопидогрел қабылдаудан кейінгі артық дозалану қан кету уақытының ұзаруына әкеліп, қан кетулер түріндегі асқынуларға ұласуы мүмкін. Егер қан кету болса, тиісті емдеу қажет болады. Клопидогрелдің фармакологиялық белсенділік антидоты табылмады. Егер ұзаққа созылған қан кету уақытын тез түзету қажет болса, клопидогрел әсерін тромбоциттер құю көмегімен тоқтатуға болады. АСҚ: бұл симптомдар орташа уыттанумен астасқан: бас айналу, бас ауырулар, құлақтың шыңылдауы, сананың шатасуы және асқазан-ішек симптомдары (жүрек айну, құсу және іштің ауыруы). Ауыр уыттануда қышқыл-сілтілік тепе-теңдіктің күрделі бұзылуы болады. Бастапқы асқын желдету респираторлық алкалозға әкеледі. Кейін тыныс алу орталығының бәсеңдеуі нәтижесінде респираторлық ацидоз орын алады. Метаболизмдік ацидоз сондай-ақ салицилаттардың болуы салдарынан кездеседі. Балалар, сәбилер және жас балалар (2-3 жас) уыттанудың кеш кезеңдерінде жиі байқалатындығын ескере отырып, олар әдетте ацидоз сатысына жетеді. Бұдан басқа, келесі симптомдар да болуы мүмкін: сусыздануға әкелетін гипертермия және қатты терлеу, қозғалыс мазасыздығы, конвульсиялар, елестеулер және гипогликемия. Жүйке жүйесінің бәсеңдеуі комаға, жүрек-қантамыр коллапсына және тыныс алудың тоқтап қалуына әкелуі мүмкін. Ацетилсалицил қышқылының өлімге әкелетін дозасы – 25-30 г құрайды. Салицилаттың плазмалық 300 мг/л-ден жоғары (1,67 ммоль/л) концентрациялары уыттану туралы айғақтайды. Ацетилсалицил қышқылының жедел және созылмалы артық дозалануында өкпенің кардиогендік емес ісінуі пайда болуы мүмкін. АСҚ/клопидогрелдің бекітілген біріктірілімімен артық дозалануы қан кетудің ұлғаюымен және клопидогрел мен АСҚ фармакологиялық белсенділігінің салдарынан кейінгі геморрагиялық асқынумен ұштасуы мүмкін. Ацетилсалицил қышқылының жедел және созылмалы артық дозалануы кезінде кардиогенді емес өкпе ісінуі пайда болуы мүмкін Емі Егер организмге уытты доза түскен болса, ауруханаға жатқызу қажет. Орташа уыттануда құстыруға болады, ал егер ол мүмкін болмаса, асқазанды шаю көрсетілген. Одан кейін белсендірілген көмір (абсорбент) және натрий сульфаты (іш жүргізгіш) тағайындалады. Несептегі рН мониторингінде несепті сілтілендіру (3 сағат бойы 250 ммоль натрий бикарбонаты) көрсетілген. Гемодиализ уыттанудың ауыр дәрежесінде ұтымды емдеу болып табылады. Уыттанудың басқа көріністерін симптоматикалық емдеу керек.

Қан кетулер және гематологиялық бұзылулар Емделу кезінде қан кету және гематологиялық жағымсыз реакциялар қаупіне байланысты, қан кетуді көрсететін клиникалық симптомдар пайда болғанда кейінгі қалдырмай қан талдауын жасау және/немесе басқа да тиісті талдаулар жасау қажет. Ко-Плавикс қосарлы антитромбоциттік дәрі ретінде жарақаттан, хирургиялық операциядан кейін немесе басқа патологиялық жай-күйлерде қан кетудің күшею қаупіне бейім науқастарда, сондай-ақ ЦОГ-2 тежегіштерін, гепарин, IIb/IIIа гликопротеин тежегіштерін, серотонинді кері қармайтын селективті тежегіштерді (СКҚСТ), СҮР2С19 күшті индукторларын, тромболитиктерді немесе пентоксифиллин сияқты қан кету қаупімен байланысты басқа дәрілік препараттарды қоса, басқа ҚҚСД-мен ем жүргізілетін науқастарда сақтықпен қолданылу керек. Қан құйылу қаупінің жоғарылауына байланысты жедел кардиоэмболиялық емес ишемиялық инсультпен немесе транзиторлық ишемиялық шабуылмен ауыратын пациенттерге инсульттің екіншілік профилактикасы үшін үштік антитромбоциттік терапия (клопидогрел + АСК + дипиридамол) ұсынылмайды. Науқастарды, әсіресе, емдеудің алғашқы апталарында және/немесе жүрекке инвазиялық емшаралар жасаудан немесе хирургиялық араласудан кейін, жасырын қан кетуді қоса, қан кетудің кез келген белгілері тұрғысынан мұқият қадағалау қажет. Ко-Плавикс ішуге арналған антикоагулянттармен бірге қолдануға ұсынылмайды, өйткені бұл қан кету қарқынын күшейтуі мүмкін. Кез келген жоспарланған хирургиялық операцияның және кез келген жаңа дәрілік препаратты қабылдаудың алдында науқастар өздерінің Ко-Плавикс қабылдап жүргенін дәрігерлер мен стоматологтарға ескерту керек. Егер элективті операция мәселесі қаралатын болса, қосарлы антитромбоциттік емнің қажеттілігін қайта қарап, бір антитромбоциттік агентті қолдануды қарастыру керек. Егер науқас антитромбоциттік емді уақытша тоқтату керек болса, Ко-Плавикс қабылдауды операциядан 7 күн бұрын тоқтату керек. Ко-Плавикс қан кету уақытын ұзартады және қан кетудің (әсіресе, асқазан-ішектік және көзішілік) дамуына бейімдейтін зақымданулары бар науқастарда абайлап қолданылуы тиіс. Сонымен қатар, пациенттер қан кетуді тоқтату үшін әдеттегіден де көбірек уақыт қажет болуы мүмкін екеніндігі және әдеттен тыс кез келген қан кету (шоғырлануы немесе ұзақтығы бойынша) туралы өз емдеуші дәрігеріне мәлімдеу керектігі жөнінде хабардар болуы тиіс. Тромбоздық тромбоцитопениялық пурпура (ТТП) Клопидогрел қолданудан кейін өте сирек, ал кейде ұзаққа созылмайтын экспозициядан кейін тромбоздық тромбоцитопениялық пурпура (ТТП) жағдайлары тіркелді. Ол неврологиялық бұзылыстармен, бүйрек дисфункциясымен немесе қызбамен қатар жүретін тромбоцитопениямен және микроангиопатиялық гемолиздік анемиямен сипатталады. ТТП, плазмаферезді қоса, шұғыл емдеуді талап ететін өлім қаупі зор жай-күй болып табылады. Жүре пайда болған гемофилия Клопидогрел қабылдаудан кейін жүре пайда болған гемофилияның даму жағдайлары хабарланды. Қан кетумен немесе онсыз ішінара белсендірілген тромбопластин уақытының (ІБТУ) оқшау ұзаруы расталған жағдайларда жүре пайда болған гемофилияны жоққа шығару керек. Жүре пайда болған гемофилия диагнозы расталған пациенттер мамандардың қадағалауында болуы және емделуі тиіс, ал клопидогрел қабылдауды тоқтату керек. Таяудағы өткінші ишемиялық ұстама немесе инсульт Қайталанатын ишемиялық оқиғалар қаупінің жоғарылауымен таяуда өткінші ишемиялық ұстамасы болған немесе инсульт алған науқастарда АСҚ мен клопидогрел біріктірілімінің қатты қан кетулердің дамуын арттыратыны көрсетілді. Демек, біріктірілімнің жағымды әсері дәлелденген клиникалық жай-күйлерді қоспағанда, ондай біріктірілімді сақтықпен қолдану керек. Р450 2С19 цитохромы (CYP2С19) Фармакогенетикасы: CYP2C19 баяу метаболизаторлары бар пациенттерде клопидогрел ұсынылған дозаларда қолданылғанда белсенді метаболитті аз түзеді және тромбоциттер функциясына әсері азаяды. Пациенттің CYP2C19 генотипін анықтауға арналған тестілер бар. Клопидогрел CYP2C19 арқасында бір жағынан өзінің белсенді метаболитіне дейін метаболизденетіндіктен, осы ферменттің белсенділігін бәсеңдететін дәрілік препараттарды қолдану, күтілетіндей, клопидогрелдің белсенді метаболитінің деңгейінің төмендеуіне әкеледі. Осы өзара әрекеттесудің клиникалық мәні нақты белгілі емес. Сақтандыру мақсатында, күшті немесе орташа CYP2C19 тежегіштерінің бір мезгілде қолданылуын мақұлдауға болмайды (CYP2C19 тежегіштерінің тізімі). CYP2C19 белсенділігін индукциялайтын дәрілік заттарды пайдалану клопидогрелдің белсенді метаболиті деңгейінің жоғарылауына әкеледі және қан кету қаупін арттыруы мүмкін деп күтілуде. Сақтық шарасы ретінде күшті CYP2C19 индукторларын бір мезгілде қолдану ұсынылмайды. CYP2C8 субстраттары: клопидогрелді CYP2C8 субстратымен бір мезгілде қабылдағанда сақ болу қажет. Тиенопиридиндер арасындағы айқаспалы реакциялар Тиенопиридиндерге айқаспалы қайта белсенділіктің дамуы жөніндегі мәлімдемелерге байланысты, пациенттердің анамнезінде тиенопиридиндерге (мысалы, клопидогрел, тиклопидин, прасугрел) жоғары сезімталдықтың бар-жоғын бағалау қажет (4.8-бөлімді қараңыз). Тиенопиридиндер бөртпе, ангионевроздық ісіну сияқты жеңілден ауыр дәрежеге дейінгі аллергиялық реакциялардың немесе тромбоцитопения мен нейтропения сияқты гематологиялық айқаспалы реакциялардың дамуына себеп болуы мүмкін. Анамнезінде тиенопиридиндердің біріне аллергиялық реакция және/немесе гематологиялық реакция көрініс берген пациенттерде басқа тиенопиридиндерге дәл осындай немесе басқа реакцияның даму қаупі жоғары болуы мүмкін. Тиенопиридиндерге белгілі аллергиялық реакциясы бар пациенттерде жоғары сезімталдық белгілеріне мониторинг өткізу ұсынылады. АСҚ бар болғандықтан сақтық шарасын қадағалау қажет болады - анамнезінде демікпе немесе аллергиялық аурулары бар пациенттерде, оларда аса жоғары сезімталдықтың жоғары даму қаупінің болуына байланысты - подаградан зардап шегіп жүрген пациенттерде, АСҚ төмен дозалары уреаттар концентрациясын арттыратындықтан - 18 жасқа толмаған балаларда АСҚ және Рейе синдромы арасында байланыс болуы мүмкін. Рейе синдромы – бұл өліммен аяқталуға әкелуі мүмкін өте сирек ауру. - препарат гемолиз қаупіне орай глюкоза-6-фосфатдегидрогенеза (Г6ФД) жеткіліксіздігі бар пациенттерде дәрігердің қатаң қадағалауымен қабылдануы тиіс. - алкоголь АСҚ-мен бірге қолданылғанда асқазан-ішек бұзылуларының және қан кету қаупін арттыруы мүмкін. Пациенттер клопидогрел мен ацетилсалицил қышқылын алкогольмен бір мезгілде қабылдағанда, әсіресе, алкоголь тұтыну созылмалы немесе шамадан тыс сипатта болса, асқазан-ішек бұзылулары және құсу қаупі туралы дәрігермен кеңесу керек. Эозинофилиямен және жүйелі симптомдармен жүретін дәрілік реакция (DRESS). AСҚ сияқты ҚҚСД қабылдаған пациенттерде эозинофилиямен және жүйелік симптомдармен (DRESS), кейде өліммен аяқталатын немесе пациенттің өміріне қауіп төндіретін дәрілік реакцияның даму жағдайлары туралы хабарланды. DRESS әдетте (бірақ әрқашан емес) қызба, бөртпе, лимфаденопатия және/немесе беттің ісінуімен бірге жүреді. Басқа клиникалық көріністерге гепатит, нефрит, гематологиялық бұзылулар, миокардит және миозит кіруі мүмкін. Кейде DRESS симптомдары жедел вирустық инфекцияға ұқсайды. Сонымен қатар, эозинофилия DRESS жиі кездеседі. DRESS өзгермелі клиникалық көрініске ие болғандықтан, ол жоғарыда айтылмаған басқа ағзалар жүйесіне әсер етуі мүмкін. Қызба немесе лимфаденопатия сияқты аса жоғары сезімталдықтың ерте көріністері айқын бөртпе болмаса да байқалуы мүмкін екенін ескеру маңызды. Егер мұндай белгілер немесе симптомдар болса, АСҚ қолдануды дереу тоқтатып, пациентті тексеру керек. Асқазан-ішек (АІ) бұзылулары Ко-Плавикс препаратын пептидтік ойық жарасы немесе асқазан-ішектен қан кету болған немесе анамнезінде АІЖ жоғарғы бөлімдері тарапынан болымсыз симптомдары бар науқастарда сақтықпен тағайындау керек, өйткені олар асқазаннан қан кетуге әкелу мүмкіндігі бар асқазанның шырышты қабығының ойық жаралануына себеп болуы мүмкін. Жағымсыз асқазан-ішек реакциялары, оның ішінде асқазан ауыруы, қыжыл, жүрек айну, құсу және АІ қан кетуі болуы мүмкін. АІЖ тарапынан диспепсия сияқты елеусіз симптомдар жиі кездеседі және емнің кез келген сәтінде туындауы мүмкін. Тіпті анамнезінде АІ симптомдары болмаған жағдайдың өзінде, емдеуші дәрігерлер АІ ойық жарасы және қан кету белгілеріне қатысты қырағылық таныту керек. Науқастарға АІЖ тарапынан болатын жағымсыз реакциялардың белгілері мен симптомдары туралы және олар туындаған жағдайда қолға алу керек әрекеттер туралы баяндап берген дұрыс. Бір мезгілде никорандил және, АСҚ мен ацетилcалицилат лизинді қоса, ҚҚСП қабылдап жүрген пациенттерде АІЖ ойық жараларының түзілуі мен тесілуі және асқазан-ішектен қан кету сияқты ауыр асқынулардың жоғары даму қаупі бар. Қосымша заттар Ко-Плавикс құрамында лактоза бар. Бұл препаратты сирек тұқым қуалайтын галактоза жақпаушылығының кінәраттары, Лапп лактаза тапшылығы немесе глюкоза-галактоза мальабсорбциясы синдромы бар пациенттерге қабылдауға болмайды. Ко-Плавикс құрамында асқазан бұзылысын және диареяны туғызуы мүмкін гидрогенделген майсана майы да бар. Арнайы сақтандырулар Педиатрияда қолдану Балаларда және 18 жасқа толмаған жасөспірімдерде Ко-Плавикс препаратының қауіпсіздігі мен тиімділігі анықталмады. Осы қауымда Ко-Плавикс қабылдау ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ко-Плавикс автокөлікті және жұмыс механизмдерін басқару қабілетіне әсер етпейді немесе мардымсыз әсер етеді.

Жүктілік Жүктілік кезіндегі Ко-Плавикс препаратының әсері жөнінде клиникалық деректер жоқ. Егер әйелдің клиникалық жай-күйі АСҚ/клопидогрелмен емдеуді талап етпесе, жүктіліктің алғашқы екі триместрінде Ко-Плавикс қолдануға болмайды. Препарат құрамында АСҚ болуына орай, Ко-Плавикс жүктіліктің үшінші триместрінде қарсы көрсетілімді. Клопидогрел: Жүктілік кезіндегі клопидогрел әсері жөнінде клиникалық деректер болмауына орай, жүктілік кезеңінде клопидогрелді алдын ала сақтану шарасы ретінде қабылдамаған дұрыс. Клиникаға дейінгі зерттеулерде жүктілік ағымына, эмбриондық/фетальді дамуға, босануға немесе постнатальді дамуға тікелей немесе жанама жағымсыз әсерлері анықталмады. АСҚ: Төмен дозалары (100 мг/тәулікке дейін) Клиникалық зерттеулер барысында акушерияда шектеулі қолданылатын және мамандандырылған мониторинг талап етілетін 100 мг/тәулікке дейінгі дозалардың қауіпсіз екені анықталды. 100-500 мг/тәулік дозалар Тәулігіне 100 мг-ден тәулігіне 500 мг-ге дейінгі дозаларды қолданудың клиникалық тәжірибесі шектеулі. Осылайша, тәулігіне 500 мг және одан жоғары дозалар үшін төменде келтірілген ұсынымдар осы дозалар ауқымы үшін де қолданылады. 500 мг/тәулік және одан жоғары дозалар Простагландиндер синтезінің бәсеңдеуі жүктілікке және/немесе эмбрион/шарананың дамуына теріс ықпал етуі мүмкін. Осы эпидемиологиялық зерттеулер жүктіліктің ерте мерзімдерінде простагландиндер синтезінің тежегіштерін қолданудан кейін түсік тастау, жүрек ақауларының және гастрошизис даму қаупінің жоғарылауын көрсетеді. Кардиоваскулярлық ақаулардың абсолютті даму қаупі 1%-дан азынан шамамен 1,5% дейін артты. Дозаның және емдеу ұзақтығының артуымен қауіп те жоғарылайды деп саналады. Клиникаға дейінгі зерттеулер простагландин синтезінің тежегіштерін тағайындау репродуктивтік уыттылыққа әкелетінін көрсетті. Ацетилсалицил қышқылын, аса қажеттілік болмаса, аменореяның 24 аптасына (жүктіліктің 5-ші айы) дейін қабылдауға болмайды. Жүкті болуды жоспарлап жүрген әйелге немесе аменореяның 24 аптасына (жүктіліктің 5-ші айы) дейінгі мерзімде емдеудің барынша қысқа кезеңінде барынша төмен дозада ацетилсалицил қышқылын тағайындау керек. Жүктіліктің алтыншы айынан бастап простагландиндер синтезінің барлық тежегіштері келесі жағымсыз әсерлерге әкелуі мүмкін: шаранада: - жүрек-өкпелік уыттылық (артериялық түтіктің мезгілінен ерте жабылуы және өкпе гипертензиясы); - олигогидроамниозбен бүйрек жеткіліксіздігіне дамуы мүмкін бүйрек дисфункциясы; жүктілік соңында анада және жаңа туған нәрестеде: - қан кету уақытының болжамды жоғарылауы, өйткені антиагреганттық әсерін тіпті шағын дозаларда да байқауға болады; - жатырдың жиырылу қызметінің тежелуі, бұл босанудың кешігуіне немесе ұзаққа созылуына әкелуі мүмкін. Лактация Клопидогрелдің адамда емшек сүтіне бөліну-бөлінбеуі белгісіз. Клиникаға дейінгі зерттеулердің деректері клопидогрелдің емшек сүтіне бөлінетінін айғақтайды. АСҚ емшек сүтіне шектеулі мөлшерде шығарылатыны белгілі. Ко-Плавикс препаратымен емдеу кезінде бала емізуді тоқтату керек.

Қан кету қаупін арттыратын дәрілік заттар: ықтималдығы зор аддитивтік әсеріне орай қан кетудің жоғары туындау қаупі орын алады. Қан кету қаупімен салыстырылатын дәрілік заттарды бір мезгілде қабылдау сақтықпен жүргізілуі тиіс. Пероральді антикоагулянттар: Ко-Плавиксті пероральді антикоагулянттармен бірге қолдану ұсынылмайды, өйткені ол қан кетуді күшейтуі мүмкін. Тәулігіне 75 мг дозада клопидогрелді қабылдауға қарамастан варфаринмен ұзақ ем алып жүрген пациенттерде S-варфарин фармакокинетикасына немесе ХҚҚ (халықаралық қалыптасқан қатынас) мәніне ықпалын тигізбесе де, клопидогрелді варфаринмен бір мезгілде қабылдау екі препараттың да гемостазға өз беттерінше әсер етуі салдарынан қан кету қаупін арттырады. IIb/IIIа гликопротеин тежегіштері: Ко-Плавикс IIb/IIIа гликопротеин тежегіштерін бір мезгілде қабылдап жүрген пациенттерде сақтықпен қолданылу керек. Гепарин: Ко-Плавикс пен гепарин арасында қан кету қаупінің артуына әкелетін фармакодинамикалық өзара әрекеттесу болуы мүмкін. Демек, осы препараттарды бір мезгілде қолдану сақ болуды талап етеді. Тромболитикалық дәрілер: клопидогрел, фибрин спецификалық немесе фибрин спецификалық емес тромболитикалық дәрілер мен гепариндерді бір мезгілде тағайындау қауіпсіздігі жедел миокард инфарктісін алған пациенттерде бағаланды. Клиникалық мәнді қан кету жиілігі тромболитикалық дәрілер мен гепаринді АСҚ-мен бірге қолдану кезіндегі байқалуына ұқсас болды. Басқа тромболитикалық дәрілермен бір мезгілде Ко-Плавикс қабылдау қауіпсіздігі ресми анықталмады, сондықтан сақтық таныту қажет. ҚҚСД (қабынуға қарсы стероидты емес дәрілер): клопидогрел мен напроксенді бірге қолдану асқазан-ішек жолынан жасырын қан кетуді арттырды. Демек, ҚҚСД, оның ішінде ЦОГ-2 тежегіштерін бір мезгілде қабылдау ұсынылмайды. Тәжірибелік деректер олар бір мезгілде қолданылғанда ибупрофеннің тромбоциттер агрегациясына аспириннің төмен дозасының тигізетін әсерін бәсеңдете алатынын айғақтайды. Дегенмен де, осы деректердің шектеулі болуы және ex vivo деректерінің клиникалық жағдайға экстраполяциясына қатысты белгісіздігі ибупрофенді жүйелі қолдануға қатысты нақты қорытындылар жасауға болмайтынын білдіреді, сондықтан ибупрофенді көріністік қолдану клиникалық мәнді болып саналмайды. Метамизол: метамизол бір мезгілде қабылданғанда тромбоциттер агрегациясына АСҚ әсерін төмендетуі мүмкін. Демек, біріктірілім кардиопротекция үшін АСҚ аздаған дозасын қабылдайтын пациенттерде сақтықпен қолданылуы тиіс. СКҚСТ (серотонинді кері қармайтын селективті тежегіштер): СКҚСТ тромбоциттердің белсенділенуіне ықпал ететін және қан кету қаупін арттыратын болғандықтан, оларды клопидогрелмен бірге тағайындау сақ болуды талап етеді. Клопидогрелмен бір мезгілдегі басқа ем: клопидогрел CYP2C19 арқасында ішінара өзінің белсенді метаболитіне дейін метаболизденетіндіктен, осы ферменттің белсенділігін бәсеңдететін дәрілік препараттарды қолдану, күтілетіндей, клопидогрел белсенді метаболиті концентрацияларының артуына әкеледі. Рифампицин CYP2C19 күшті индукторы болып табылады және клопидогрел белсенді метаболиті деңгейінің жоғарылауын және тромбоциттер агрегациясының тежелуін туындатады, бұл қан кетудің даму қаупін арттыруы мүмкін. Сақтық шарасы ретінде CYP2C19 индукторларын бір мезгілде қабылдау ұсынылмайды. СҮР2С19 тежегіштері: Клопидогрел белсенді метаболиттің, оның ішінде CYP2C19 көмегімен метаболизденетіндіктен, осы ферменттің белсенділігін тежейтін дәрілік препараттарды қолдану белсенді клопидогрел метаболиті мөлшерінің төмендеуіне әкелуі мүмкін. Бұл өзара әрекеттесудің клиникалық маңыздылығы нақты белгісіз. Сақтану мақсатында, күшті немесе орташа CYP2C19 тежегіштерін бір мезгілде қолдануға болмайды. CYP2C19 күшті немесе орташа болып табылатын дәрілік препараттарға омепразол және эзомепразол, флувоксамин, флуоксетин, моклобемид, вориконазол, флуконазол, тиклопидин, карбамазепин және эфавиренз жатады. Протонды помпа тежегіштері: 80 мг омепразолды тәулігіне бір рет белгілі бір уақытта клопидогрелмен немесе екі дәрілік затты тағайындау арасындағы 12 сағаттық аралықпен тағайындау белсенді метаболиттің әсер ету ұзақтығын 45% (жүктеме доза) және 40% (демеуші доза) төмендетті. Төмендеу тромбоциттер агрегациясын 39% (жүктеме доза) және 21% (демеуші доза) бәсеңдетудің төмендеуімен байланысты болды. Эзомепразолдың клопидогрелмен дәл осындай өзара әрекеттесуінің болуы ықтимал. Байқаушы, сондай-ақ клиникалық зерттеулерде елеулі кардиоваскулярлық оқиғаларға қатысты осы фармакокинетикалық/фармакодинамикалық өзара әрекеттесудің клиникалық нәтижелері бойынша қарама-қайшы деректер хабарланды. Сақтану мақсатында омепразол немесе эзомепразолды бір мезгілде қабылдаудан аулақ болу керек. Метаболиттің әсер ету ұзақтығының айқындылығының төмендеуі пантопразолмен немесе лансопразолмен байқалды. Белсенді метаболиттің плазмалық концентрациялары 80 мг пантопразолмен тәулігіне бір мезгілде емделу кезінде 20% (жүктеме доза) және 14% (демеуші доза) төмендеді. Ол тромбоциттер агрегациясының орташа мәнді бәсеңдеуінің, тиісінше, 15% және 11% төмендеуімен байланысты болды. Бұл нәтижелер клопидогрелді пантопразолмен тағайындауға болатынын көрсетеді. Н2-блокаторлар немесе антацидтер сияқты асқазан қышқылының мөлшерін азайтатын басқа дәрілік препараттардың клопидогрелдің антитромбоциттік белсенділігіне ықпал ететініне дәлелдер жоқ. Антиретровирустық ем (АРЕ): Күшейтілген антиретровирустық ем (АРЕ) алатын АИТВ жұқтырған пациенттерде тамырлы оқиғалар қаупі жоғары. Ритонавирмен немесе кобицистатпен күшейтілген АРЕ қабылдайтын АИТВ жұқтырған пациенттерде тромбоциттер агрегациясының бәсеңдеуінің сенімді төмендегені көрсетілді. Алынған нәтижелердің клиникалық маңыздылығы түпкілікті расталмағанымен, алынған спонтанды хабарламаларда АРЕ ритонавирмен күшейтілген, реканализациядан кейін қайта окклюзия жағдайлары немесе клопидогрелдің жүктемелік дозаларын қабылдау аясында тромбоздық құбылыстар байқалған АИТВ жұқтырған пациенттер сипатталды. Клопидогрелді ритонавирмен бір мезгілде қолданғанда тромбоциттер тежелуінің орташа деңгейі төмендеуі мүмкін. Жоғарыда айтылғандарға сүйене отырып, клопидогрелді күшейтілген АРЕ бір мезгілде тағайындаудан аулақ болу керек. Басқа дәрілік заттар: клопидогрел атенололмен, нифедипинмен бір мезгілде немесе олармен біріктірілімде тағайындалғанда маңызды фармакодинамикалық өзара әрекеттесулер байқалмады. Бұдан бөлек, клопидогрелдің фармакодинамикалық белсенділігіне фенобарбитал немесе эстрогенді бір мезгілде қолдану елеулі ықпалын тигізбеді. Дигоксиннің немесе теофиллиннің фармакокинетикалық қасиеттері оларды клопидогрелмен бірге қолданғанда өзгермеді. Антацидтер клопидогрелдің сіңірілу дәрежесін өзгертпеді. CAPRIE зерттеуінің деректеріне сәйкес, CYP2C9 көмегімен метаболизденетін фенитоин мен толбутамидті клопидогрелмен қауіпсіз қолдануға болады. Дәрілік заттардың CYP2C8 субстраты: клопидогрелдің дені сау еріктілерде репаглинид әсерін арттыратыны дәлелденді. In vitro зерттеулері, CYP2C8 арқылы глюкуронидпен клопидогрел метаболитінің тежелуіне орай, репаглинид әсерінің артуы орын алатыны көрсетті. Плазмада концентрацияның жоғарылау қаупіне орай, клопидогрел мен алдын ала негізінен CYP2C8 арқылы метаболизмнен өтетін дәрілік заттарды (репаглинид, паклитаксел) бір мезгілде қабылдау сақтықпен жүргізілуі тиіс. Розувастатин: клопидогрел 75 мг дозасын қайта қабылдағаннан кейін Cmax әсерінсіз пациенттерде клопидогрел розувастатин экспозициясын 1,4 есе (AUC) арттыратыны көрсетілген. АСҚ-мен басқа қатарлас ем: келесі дәрілік препараттармен АСҚ өзара әрекеттесулері хабарланды: Урикозуриялық дәрілер (бензбромарон, пробеницид, сульфинпиразон): сақ болу қажет, өйткені АСҚ несеп қышқылын бәсекелі шығару арқылы урикозуриялық дәрілер әсерін бәсеңдетуі мүмкін. Метотрексат: АСҚ болуына орай, 20 мг/аптадан жоғары дозаларда қолданылатын метотрексатты Ко-Плавикс қабылдау кезінде сақтықпен пайдалану керек, өйткені соңғысы метотрексаттың бүйректік клиренсін төмендетуі мүмкін, ал бұл сүйек кемігіне уытты әсерін тигізе алады. Тенофовир: бір мезгілде тенофовир дизопроксил фумаратын және ҚҚСД қабылдау бүйрек жеткіліксіздігі қаупін арттыруы мүмкін. Вальпрой қышқылы: салицилаттар мен вальпрой қышқылын бір мезгілде қабылдау ақуыздың вальпрой қышқылымен байланысуының төмендеуіне және вальпрой қышқылының метаболизмінің тежелуіне әкелуі мүмкін, бұл сарысудағы жалпы және бос вальпрой қышқылының деңгейінің жоғарылауына әкеледі. Желшешекке қарсы вакцина: пациенттерге желшешекке қарсы вакцина алғаннан кейін 6 апта ішінде салицилаттарды қабылдау ұсынылмайды. Желшешек инфекциясы кезінде салицилаттарды қабылдағаннан кейін Рейе синдромы туындаған жағдайлар белгілі. Ацетазоламид: салицилаттарды ацетазоламидпен бір мезгілде қабылдағанда сақ болуға кеңес беріледі, өйткені метаболизмдік ацидоз қаупі артады. Никорандил: бір мезгілде никорандил және, АСҚ мен ацетилcалицилат лизинді қоса, ҚҚСП қабылдап жүрген пациенттерде АІЖ ойық жараларының түзілуі мен тесілуі және асқазан-ішектен қан кету сияқты ауыр асқынулардың жоғары даму қаупі бар. АСҚ-мен басқа өзара әрекеттесулер: АСҚ жоғары дозалары (қабынуға қарсы) жағдайында келесі дәрілік препараттармен өзара әрекеттесулер де тіркелді: ангиотензин өзгертуші фермент (АӨФ) тежегіштері, фенитоин, β-блокаторлар, несеп айдайтын және ішуге арналған гипогликемиялық дәрілер. Алкоголь: алкоголь АСҚ қабылдау кезінде асқазан-ішек бұзылуларының қаупін арттыруы мүмкін. Пациенттер клопидогрел + ацетилсалицил қышқылын алкогольмен бір мезгілде қабылдағанда, әсіресе, алкоголь тұтыну созылмалы немесе шамадан тыс сипатта болса, асқазан-ішек бұзылулары және құсу қаупі туралы дәрігермен кеңесу керек. Клопидрогелмен және АСҚ-мен басқа өзара әрекеттесулері: 30 000-нан астам пациент клопидогрелдің ≤325 мг демеуші дозалардағы АСҚ-мен біріктірілген клиникалық зерттеулеріне қатысты және диуретиктерді, β-блокаторларын, АӨФ тежегіштерін, кальций антагонистерін, гиполипидемиялық дәрілерді, коронарлық вазодилататорларды, диабетке қарсы дәрілерді (оның ішінде инсулин), эпилепсияға қарсы дәрілерді және GPIIb/IIIa антагонистерін қоса, көптеген қатарлас дәрілік препараттарды қабылдаған клиникалық мәнді қолайсыз өзара әрекеттесулер анықталмады. Жоғарыда берілген дәрілік өзара әрекеттесулер жөніндегі арнайы ақпараттан басқа, атеротромбоздық аурумен науқастарға жиі тағайындалатын кейбір дәрілік заттармен Ко-Плавикс өзара әрекеттесуіне зерттеулер жүргізілмеді. Пероральді қолдануға арналған басқа Р2Ү12 тежегіштеріндегідей, апиынды агонистерді бір мезгілде қабылдау, болжам бойынша, асқазаннан баяу эвакуациялау себебінен клопидогрелдің сіңірілуін баяулатуы және төмендетуі мүмкін. Клиникалық маңыздылығы анықталған жоқ. Морфинді немесе басқа апиынды агонистерді бір мезгілде қабылдауды талап ететін жедел коронарлық синдромы бар пациенттерді емдеу үшін парентеральді енгізу үшін антитромбоциттік дәрілерді қолдану мәселесін қарастыру керек.

Сақтау мерзімі • 2 жыл Жарамдылық мерзімі өткеннен кейін қолдануға болмайды! Сақтау шарттары 25С-ден аспайтын температурада сақтау керек. Балалардың қолы жетпейтін жерде сақтау керек!