Ксарелто гранулы 1 мг/мл

Дайындалған суспензияның бір мл құрамында белсенді зат – микрондалған ривароксабан, 1,0 мг, қосымша заттар: сусыз лимон қышқылы (E 330), тәтті крем хош иістендіргіші*, гипромеллоза 5сР (2910), маннитол (E 421), микрокристалды целлюлоза + натрий кармеллозасы (микрокристалды целлюлоза + натрий карбоксиметилцеллюлозасы), натрий бензоаты (E 211), сукралоза (E 955), ксантан шайыры (E 415), in-bulk** тазартылған суы. Көлемі 100 мл бір құтының ішінде белсенді зат - микрондалған ривароксабан, 51,7 мг, қосымша заттар: сусыз лимон қышқылы (E 330), тәтті крем хош иістендіргіші*, гипромеллоза 5сР (2910), маннитол (E 421), микрокристалды целлюлоза + натрий кармеллозасы (микрокристалды целлюлоза + натрий карбоксиметилцеллюлозасы), натрий бензоаты (E 211), сукралоза (E 955), ксантан шайыры (E 415), in-bulk** тазартылған суы. Көлемі 250 мл бір құтының ішінде белсенді зат - микрондалған ривароксабан, 103,4 мг, қосымша заттар: сусыз лимон қышқылы (E 330), тәтті крем хош иістендіргіші*, гипромеллоза 5сР (2910), маннитол (E 421), микрокристалды целлюлоза + натрий кармеллозасы (микрокристалды целлюлоза + натрий карбоксиметилцеллюлозасы), натрий бензоаты (E 211), сукралоза (E 955), ксантан шайыры (E 415), in-bulk** тазартылған суы. * Хош иістендіргіш құрамы: мальтодекстрин (жүгері), пропиленгликоль (E 1520), арабия шайыры (гуммиарабик, E 414), тағам хош иістендіргіші ** Су технологиялық агент болып табылады, өндіріс процесінде жойылады, дайын дәрілік препаратта болмайды және дәрілік препараттың массасына әсер етпейді Сыртқы түрінің, иісінің, дәмінің сипаттамасы Түйіршіктер Ақтан түстен ақ дерлік түске дейінгі түйіршіктер. Суспензия Ақтан ақ дерлік түске дейінгі мөлдір емес суспензия.

Препарат веноздық тромбоэмболияны (ВТЭ) емдеу және парентеральді антикоагулянттық ем басталғаннан кейін кем дегенде 5 күн өткен соң мерзімі жетіп туған нәрестелерде, емшектегі және кішкене балаларда, балалар мен 18 жасқа дейінгі жасөспірімдерде ВТЭ қайталану профилактикасы үшін көрсетілген

Әсер ету механизмі Ривароксабан – пероральді қабылдау кезінде жоғары биожетімділікке ие жоғары селективті тікелей Ха фактор тежегіші. Ха факторының тежелуі қанның ұю каскадының ішкі және сыртқы жолдарын үзеді, бұл тромбиннің түзілуінің де, тромбтар қалыптасуының да бәсеңдеуіне әкеледі. Ривароксабан тромбинді (белсендірілген II фактор) тежемейді және тромбоциттерге әсер етпейді. Фармакодинамикалық әсерлері Адамда Ха фактор белсенділігінің дозаға тәуелді тежелуі байқалады. Ривароксабан ПУ дозаға тәуелді әсер етеді, ол егер талдау үшін Neoplastin реагенті пайдаланылса, плазмадағы концентрациялармен тығыз өзара байланыста болады. Басқа реагенттерді қолданған кезде нәтижелер әр түрлі болуы мүмкін. ПУ секундпен анықтау керек, өйткені ХҚҚ тек кумариндер үшін калибрленген және валидацияланған және басқа антикоагулянттар үшін қолданыла алмайды. Ривароксабанды ТВТ және ӨАТЭ емдеу және олардың қайталану профилактикасы үшін қабылдайтын пациенттерде 5/95- процентиль үшін ПУ (Neoplastin) 15 мг ривароксабан таблеткасын қабылдағаннан кейін 2-4 сағаттан соң (яғни ең жоғары әсер) күніне екі рет 17 - ден 32 с-ға дейін, ал 20 мг ривароксабанды күніне бір рет қабылдаған кезде 15-тен 30 с-ға дейін өзгереді. Ең аз концентрацияда (таблетка қабылдағаннан кейін 8-16 сағат) күніне екі рет 5/95-процентиль үшін 15 мг доза үшін 14 - тен 24 с-қа дейін, ал 20 мг доза үшін күніне бір рет (таблетка қабылдағаннан кейін 18-30 сағаттан кейін) - 13-тен 20 с-қа дейін өзгереді. Инсульт пен жүйелі эмболияның профилактикасы үшін ривароксабан қабылдайтын жүрекшелердің клапандық емес фибрилляциясы бар пациенттерде күніне бір рет 20 мг қабылдаған пациенттерде таблетка (яғни жоғары әсер) қабылдағаннан кейін 1-4 сағаттан соң 5/95-процентильдер үшін ПУ (Neoplastin) 14-тен 40 секундқа дейін ауытқиды, ал ауырлығы орташа бүйрек функциясы бұзылған күніне бір рет 15 мг қабылдаған пациенттерде 10-нан 50 с-қа дейін ауытқиды. Ең төмен концентрацияда (таблетка қабылдағаннан кейін 16-36 сағат) күніне бір рет 20 мг қабылдаған пациенттерде 5/95-процентильдер 12-ден 26 с-қа дейін, ал ауырлығы орташа бүйрек функциясы бұзылған, күніне бір рет 15 мг қабылдаған пациенттерде 12-ден 26 с-қа дейін түрленеді. Дені сау ересек субъектілер арасында ривароксабан фармакодинамикасының қайтымдылығын клиникалық фармакологиялық зерттеуде (n=22) протромбин кешені концентратының екі түрін (ҚКП), 3-факторлық ҚКП (II, IX және X факторлар) және 4-факторлық ҚКП (II, VII, IX және X факторлар) бір реттік енгізу әсері (50 ХБ/кг) бағаланды. Дені сау ересек субъектілерде ривароксабанды енгізгеннен кейін Neoplastin жиынтығын пайдалана отырып айқындалған ПУ орташа мәндері (n=22) 3-факторлы (II, IX және X факторлар) протромбин кешенінің концентратын (ПКК) енгізу кезінде шамамен 30 минут ішінде 1,0 секундқа және 4-факторлы (II, VII, IX және X факторлар) ПКК аясында шамамен 3,5 секундқа төмендейді. Және, керісінше, 3 факторлы ПКК 4 факторлы ПКК-ге қарағанда тромбиннің эндогендік генерациясының өзгеруіне айтарлықтай және тезірек әсер етеді (4.9 бөлімді қараңыз). Сондай-ақ ривароксабан ІБТУ және HepTest нәтижесін дозаға тәуелді түрде арттырады; алайда бұл параметрлерді ривароксабанның фармакодинамикалық әсерлерін бағалау үшін пайдалану ұсынылмайды. Ксарелто препаратымен емдеу кезеңінде қанның ұю параметрлеріне күнделікті мониторинг жүргізу талап етілмейді. Алайда, клиникалық көрсетілімде ривароксабан деңгейін анти-Ха белсенділігі үшін калибрленген сандық тест көмегімен анықтауға болады (5.2 бөлімді қараңыз). Педиатриялық популяция ПУ (Neoplastin), ІБТУ және анти-Ха талдауы (калибрлік сандық талдаумен) балаларда плазмадағы концентрациямен тығыз өзара байланысты көрсетеді. Анти-Ха мен плазмадағы концентрациялар арасындағы өзара байланыс 1-ге жақын көлбеу сызықты болады. Плазмадағы тиісті концентрациялармен салыстырғанда анти-Ха-ның анағұрлым жоғары немесе төмен мәндерімен жекелеген сәйкессіздіктер туындауы мүмкін. Ривароксабанмен стандартты клиникалық емдеу барысында қан ұю көрсеткіштерінің мониторингі талап етілмейді. Алайда клиникалық көрсетілімдер болған кезде ривароксабан концентрациясын мкг/л-де анти-Ха факторды калибрленген сандық зерттеумен өлшеуге болады (балаларда плазмадағы ривароксабанның бақыланатын концентрацияларының диапазоны 8-кестені, 5.2-бөлімді қараңыз). Балалардағы қан плазмасындағы ривароксабан концентрациясын сандық анықтау үшін анти-Ха зерттеуі қолданылған кезде сандық бағалаудың төменгі шегін ескеру қажет. Тиімділік немесе қауіпсіздік құбылыстары үшін шекті мәндер анықталмаған. Клиникалық тиімділігі мен қауіпсіздігі Бала пациенттерде ВТЭ емдеу және ВТЭ рецидивтерін профилактикасы Расталған жедел ВТЭ шалдыққан барлық 727 бала, олардың 528-і ривароксабан алды, балалардағы 6 ашық, көп орталықты зерттеулерде зерттелді. Туғаннан 18 жасқа дейінгі пациенттерде дене салмағы бойынша түзетілген дозалау ривароксабанды күніне бір рет 20 мг дозада қабылдаған, ТВТ бар ересек пациенттерде байқалғанға ұқсас ривароксабанның әсеріне әкелді, бұл III фазаны зерттеуде расталды (5.2 бөлімді қараңыз). III EINSTEIN Junior фазасын зерттеу рандомизацияланған, бақыланатын белсенді препарат болды, жедел ВТЭ расталған 500 баланың (туылғаннан <18 жасқа дейінгі) қатысуымен ашық, көп орталықты клиникалық зерттеу болды. 12 жастан <18 жасқа дейінгі 276 бала, 6 жастан <12 жасқа дейінгі 101 бала, 2 жастан <6 жасқа дейінгі 69 бала және 54 бала қатысты. ВТЭ катетер-байланысты, орталық веналық катетерді қолданумен байланысты ВТЭ (ЦВК-ВТЭ; ривароксабан тобындағы 90/335 пациент, салыстыру тобындағы 37/165 пациент), церебралдық вена және синус тромбозын (ЦВСТ; ривароксабан тобындағы 74/335 пациент, салыстыру тобындағы 43/165 пациент) немесе басқа ВТЭ, ТВТ мен ӨАТЭ қоса (ЦВК-ВТЭ емес; ривароксабан тобындағы 171/335 пациент, салыстыру тобындағы 85/165 пациент) ретінде жіктелді. 12-ден <18 жасқа дейінгі балаларда ВТЭ-ның ең ортақ көрінісі 211 пациентте (76,4%) ЦВК-ВТЭ емес болды; тиісінше 6-дан <12 жасқа дейінгі және 2-ден <6 жасқа дейінгі балаларда ЦВСТ 48-де (47,5%) және 35-те (50,7%); ал <2 жастағы балаларда - ЦВК-ВТЭ 37-де (68,5%). Ривароксабан тобында ЦВСТ бар 6 айдан кіші балалар болған жоқ. ЦВСТ бар 22 пациентте ОЖЖ инфекциясы байқалды (ривароксабан тобындағы 13 пациент және салыстыру препараты тобындағы 9 пациент). ВТЭ 438 (87,6%) балада тұрақты немесе уақытша қауіп факторларымен, немесе олардың жиынтығымен туындаған. Пациенттер кемінде 5 күн бойы ФБГ, ТМГ немесе фондапаринукстің емдік дозаларымен бастапқы ем алды және ұзақтығы 3 ай (ЦВК-ВТЭ бар 2 жастан кіші балалар үшін 1 ай) негізгі емдеу кезеңі ішінде дозасын дене салмағына түзетілген ривароксабан немесе салыстыру препаратты (гепариндер, АВҚ) алу үшін 2:1 арақатынасында рандомизацияланды. Емдеудің негізгі кезеңінің соңында бастапқы деңгейге қатысты визуалды талдау жүргізілді, егер бұл клиникалық мүмкін болса, қайталанды. Бұл кезеңде зерттелетін емді тоқтатуға немесе зерттеушінің қалауы бойынша 12 айға дейін жалғастыруға болады (3 айға дейін ЦВК-ВТЭ бар <2 балалар үшін). Бастапқы соңғы тиімділік нүктесі симптомдық ВТЭ рецидиві болды. Бастапқы соңғы қауіпсіздік нүктесі біріктірілген болды, ол үлкен және клиникалық маңызды аздаған қан кетулердің жиілігін қамтиды. Тиімділік пен қауіпсіздік барлық қөрсеткіштер пациенттерді емдеу топтары бойынша бөлу туралы деректері болмаған тәуелсіз комитет орталықтандырылған түрде бағалады. Тиімділік пен қауіпсіздік нәтижелері төмендегі 6 және 7 кестелерде көрсетілген. ВТЭ рецидиві ривароксабан тобындағы 335-тен 4 пациентте және салыстыру препараты тобындағы 165 пациенттің 5-інде анықталды. Үлкен қан кету мен клиникалық маңызды қан кету біріктірілімі ривароксабан алған 329 пациенттің 10-ында (3%) және салыстыру препаратын алған 162 пациенттің 3-інде (1,9%) байқалды. Таза клиникалық пайдасы (симптомдық ВТЭ рецидиві мен үлкен қан кетудың біріктірілген жиілігі) 335 пациенттің 4-інде ривароксабан тобында және 165 пациенттің 7-інде салыстыру препараты тобында байқалды. Қайталанған визуализация кезінде тромбтың реканализациясы ривароксабан қабылдаған 335 пациенттің 128-де және салыстыру тобындағы 165 пациенттің 43-інде болды. Бұл нәтижелер әртүрлі жас топтарындағы балаларда салыстырмалы болды. Ривароксабан тобында емдеу нәтижесінде пайда болған қан кетумен 119 (36,2 %) бала болды; салыстыру препараты тобында - 45 (27,8 %). 6-кесте: Негізгі емдеу кезеңінің соңындағы тиімділік бойынша нәтижелер Құбылыс — Ривароксабан N=335* — Салыстыру препараты N=165* ВТЭ рецидиві (бастапқы соңғы тиімділік нүктесі) — 4 (1,2%, 95% СА 0,4% - 3,0%) — 5 (3,0%, 95% СА 1,2% - 6,6%) Біріктірілген соңғы нүкте: симптомдық ВТЭ рецидиві + қайталанған визуализация кезінде симптомсыз нашарлау — 5 (1,5%, 95% СА 0,6–3,4 %) — 6 (3,6%, 95% СА 1,6–7,6 %) Біріктірілген соңғы нүкте: симптомдық ВТЭ рецидиві + симптомсыз нашарлау + қайталанған визуализация кезінде + өзгеріссіз — 21 (6,3%, 95% СА 4,0% - 9,2%) — 19 (11,5%, 95% СА 7,3–17,4 %) Қайта визуализация кезінде реканализация — 128 (38,2%, 95% СА 33,0 % - 43,5 %) — 43 (26,1%, 95% СА 19,8 % - 33,0 %) Біріктірілген соңғы нүкте: симптомдық ВТЭ рецидиві + үлкен қан кету (таза клиникалық пайда) — 4 (1,2%, 95% СА 0,4% - 3,0%) — 7 (4,2%, 95% СА 2,0–8,4 %) Өліммен аяқталатын немесе өлімге әкелмейтін өкпе артериясының тромбоэмболия — 1 (0,3%, 95% СА 0,0% - 1,6%) — 1 (0,6%, 95% СА 0,0% - 3,1%) • талдау үшін пациенттердің толық үлгісі, яғни барлық рандомизацияланған балалар 7-кесте: Негізгі емдеу кезеңінің соңындағы қауіпсіздік бойынша нәтижелер Ривароксабан N=329* — Салыстыру препараты N=162* Біріктірілген соңғы нүкте: үлкен қан кету + клиникалық маңызды шағын қан кету (бастапқы соңғы қауіпсіздік нүктесі) — 10 (3,0%, 95% СА 1,6% - 5,5%) — 3 (1,9%, 95% СА 0,5–5,3 %) Үлкен қан кету — 0 (0,0%, 95% СА 0,0% - 1,1%) — 2 (1,2%, 95% СА 0,2% - 4,3%) Емдеу кезінде пайда болған кез келген қан кету — 119 (36.2 %) — 45 (27,8 %) • қауіпсіздікті талдауға арналған популяция, рандомизацияланған және зерттелетін препараттың кем дегенде 1 дозасын алған барлық балалар. Ривароксабанның тиімділігі мен қауіпсіздік бейіні жалпы дәрежеде ВТЭ бар балалар популяциясы мен ТВТ/ӨАТЭ бар ересек популяциясында салыстырмалы болды, алайда кез келген қан кетумен субъектілердің арақатынасы ВТЭ бар балалар популяциясында ТВТ/ӨАТЭ бар ересек популяциясымен салыстырғанда жоғары болды. Фонтен операциясынан кейін туа біткен жүрек ақаулары бар балалардағы тромбопрофилактика Зерттеуге қабылдауға дейін 4 ай ішінде Фонтен операциясынан өткен, туа біткен жүрек ақауы бар 110 балада ривароксабанның тромбоздың профилактикасы үшін тиімділігі мен қауіпсіздігі перспективалық, ашық таңбалы, 2 бөлімді (В бөлігі белсенді бақыланатын) зерттеуде (UNIVERSE) бағаланды, ривароксабан 12 ай бойы тромбоздың профилактика үшін қолданылған, Фонтен операциясы жасалған жүректің бір қарыншасы бар 2 жастан 8 жасқа дейінгі балалардағы АСҚ-мен салыстырғанда. Пациенттер ривароксабанның салмағы бойынша түзетілген дозаларын ([n=76], ересектер үшін 10 мг тәуліктік дозаға сәйкес келетін экспозиция) немесе АСҚ ([n=34], шамамен 5 мг/кг) қабылдады. Осылайша, тромбопрофилактикаға арналған UNIVERSE зерттеуінде зерттелген доза төмен болды және оны ВТЭ емдеуге арналған бекітілген педиатриялық дозадан шығару мүмкін емес. UNIVERSE зерттеуінде аздаған тромбоэмболиялық асқынулар байқалды (ривароксабан тобы (1 [1,6%]) АСҚ (3 [8,8%]) тобына қарсы, қан кету оқиғаларының саны зерттеу топтары арасында салыстырмалы болды: ривароксабан тобындағы 5 (7,8%) клиникалық маңызды қан кету оқиғалары (оның ішінде 1 үлкен), АСҚ тобымен 3 (8,8%; бірде-бір үлкен жоқ) салыстырғанда. Үштік оң антифосфолипидті синдромың пайда болу қаупі жоғары пациенттер Рандомизацияланған, ашық, көп орталықты клиникалық зерттеуде, анамнезінде тромбозы бар, антифосфолипид синдромы диагнозы қойылған және тромбоэмболиялық асқынулардың жоғары қаупі бар пациенттерде (барлық үш тестілер үшін оң нәтиже: жегі антикоагулянты, кардиолипинге антиденелер және бета-2-гликопротеин-1 антиденелері) варфаринмен салыстырғанда ривароксабанның соңғы нүктелері бағаланды. Ривароксабан тобындағы 120 пациентте тромбоэмболиялық асқынулардың артуын тіркегеннен кейін зерттеу мерзімінен бұрын тоқтатылды. Бақылаудың орташа кезеңі 569 күнді құрады. 59 пациент ривароксабанды 20 мг дозада (креатинин клиренсі бар пациенттерде 15 мг (CrCl) <50 мл/мин) қабылдайтын топқа рандомизацияланды, 61 пациент варфаринді қабылдайтын топқа қосылды (ХҚҚ 2,0-3,0). Тромбоэмболиялық асқынулар ривароксабан тобына рандомизацияланған пациенттердің 12%-ында (төрт ишемиялық инсульт және үш миокард инфарктісі) дамыды. Варфарин тобына рандомизацияланған пациенттерде ешқандай құбылыс тіркелген жоқ. Үлкен қан кету ривароксабан тобындағы төрт пациентте (7%) және варфарин тобындағы екі пациентте (3%) болды.

Дозалау режимі Ішке қабылдау үшін. Доза және қабылдау жиілігі дене салмағына байланысты анықталады (1-кестені қараңыз). 1-кесте: Мерзімі жетіп жаңа туған нәрестелер үшін (кемінде 10 күн пероральді қоректендіруден кейін және салмағы кемінде 2,6 кг) және 18 жасқа дейінгі балалар үшін Ксарелто® ұсынылатын дозасы Дене салмағы [кг] — Емдеу схемасы Ривароксабан дозасы — Жалпы тәуліктік доза — Көк шприцтің қолайлы көлемі (1 мг ривароксабан 1 мл суспензияға сәйкес келеді) Ең төменгі мән — Ең жоғарғы мән — 1 рет күніне — 2 рет күніне — 3 рет күніне 2,6 — < 3 — 0,8 мг — 2,4 мг — 1 мл 3 — < 4 — 0,9 мг — 2,7 мг — 1 мл 4 — < 5 — 1,4 мг — 4,2 мг — 5 мл 5 — < 7 — 1,6 мг — 4,8 мг — 5 мл 7 — < 8 — 1,8 мг — 5,4 мг — 5 мл 8 — < 9 — 2,4 мг — 7,2 мг — 5 мл 9 — < 10 — 2,8 мг — 8,4 мг — 5 мл 10 — < 12 — 3,0 мг — 9,0 мг — 5 мл 12 — < 30 — 5 мг — 10 мг — 5 мл немесе 10 мл 30 — < 50 — 15 мг — 15 мг — 10 мл ≥ 50 — 20 мг — 20 мг — 10 мл Баланың салмағын үнемі бақылап отыру керек және әсіресе дене салмағы 12 кг-ға дейінгі балалар үшін дозаны қайта қарау керек. Бұл емдік дозаны сақтау үшін қажет. Дозаны түзетуді дене салмағының өзгеруі негізінде ғана жүргізген жөн. Парентеральді антикоагулянттардан Ксарелто® препаратына ауысу Парентеральді антикоагулянттар алатын пациенттерде Ксарелто® препаратын қолдануды препаратты келесі жоспарлы парентеральді енгізу уақытына дейін 0-2 сағат бұрын (мысалы, ТМГ) немесе препаратты үздіксіз парентеральді енгізуді тоқтату сәтінде (мысалы, ФБГ вена ішіне енгізу) бастаған жөн. Ксарелто® препаратынан парентеральді антикоагулянттарға ауысу Ксарелто® препаратын тоқтату және Ксарелто® препаратының келесі дозасын қабылдау қажет болған сәтте парентеральді антикоагулянттың бірінші дозасын енгізу керек. К дәруменінің антагонисттерінен Ксарелто® препаратына ауысу КДА қабылдауды тоқтату қажет, ал Ксарелто® препаратымен емдеуді халықаралық қалыпқа келтірілген қатынас (ХҚҚ) ≤ 2,5 болғанда бастаған жөн. КДА-дан Ксарелто® препаратына пациенттер ауысқан кезде, Ксарелто® қабылдағаннан кейін ХҚҚ мәндері жалған жоғарылауы мүмкін. ХҚҚ Ксарелто® препаратының антикоагулянттық белсенділігін анықтау үшін жарамайды, сондықтан оны осы мақсатта қолдануға болмайды. Ксарелто® препаратынан К дәруменінің антагонистеріне ауысу Ксарелто® препаратынан КДА-ға ауысқан кезде антикоагулянттық әсердің жеткіліксіз болу мүмкіндігі бар. Осыған байланысты басқа антикоагулянтқа кез келген ауысу кезінде үздіксіз жеткілікті антикоагулянттық әсерді қамтамасыз ету қажет. Ксарелто® ХҚҚ жоғарылауына ықпал етуі мүмкін екенін есте сақтаған жөн. Ксарелто® препататынан КДА-ға ауысқан балаларға Ксарелто® қабылдауды КДА-ның бірінші дозасынан кейін 48 сағат бойы жалғастыру қажет. 2 күн бірге енгізгеннен кейін Ксарелто® келесі жоспарланған дозасына дейін ХҚҚ нәтижесін алу қажет. Ксарелто® мен КДА бірлескен қабылдауды ХҚҚ ≥ 2,0 жеткенге дейін жалғастыру ұсынылады. Ксарелто® қолдануды тоқтатқаннан кейін ХҚҚ-ны дұрыс анықтауды препараттың соңғы дозасын қабылдағаннан кейін кемінде 24 сағат өткен соң жүргізуге болады. Пациенттердің жекелеген популяциялары бойынша қосымша ақпарат Бүйрек жеткіліксіздігі •Жеңіл дәрежедегі бүйрек жеткіліксіздігі бар (50-80 мл/мин/1,73 м2) 1 жастағы және одан үлкен балалар: ересектер үшін алынған деректер және балалар бойынша шектеулі деректер негізінде дозаны түзету талап етілмейді. •Орташа және ауыр дәрежедегі бүйрек жеткіліксіздігі бар (шумақтық сүзілу жылдамдығы <50 мл/мин/1,73 м2) 1 жастан асқан балаларға: Ксарелто® ұсынылмайды, өйткені клиникалық деректер жоқ. •1 жасқа дейінгі балалар: бүйрек жеткіліксіздігін сарысу креатинині арқылы анықтау керек. Ксарелто® сарысу креатинині деңгейі 97,5 перцентильден жоғары 1 жасқа дейінгі балаларға қолдануға ұсынылмайды (2-кестені қараңыз), өйткені деректер жоқ. 2-кесте: 1 жасқа дейінгі балалардағы сарысу креатининінің эталондық мәні Жасы — 97,5 креатинин перцентилі (мкмоль/л) — 97,5 креатинин перцентилі (мг/дл) 1 күн — 81 — 0,92 2 күн — 69 — 0,78 3 күн — 62 — 0,70 4 күн — 58 — 0,66 5 күн — 55 — 0,62 6 күн — 53 — 0,60 7 күн — 51 — 0,58 2 апта — 46 — 0,52 3 апта — 41 — 0,46 4 апта — 37 — 0,42 2 ай — 33 — 0,37 3 ай — 30 — 0,34 4-6 ай — 30 — 0,34 7-9 ай — 30 — 0,34 10-12 ай — 32 — 0,36 Бауыр жеткіліксіздігі Бауыр жеткіліксіздігі бар балалар бойынша клиникалық деректер жоқ. Ксарелто® коагулопатиямен және клиникалық маңызды қан кету қаупімен байланысты бауыр жеткіліксіздігіне шалдыққан пациенттерге, Чайлд-Пью шкаласы бойынша В және С дәрежелі бауыр циррозы бар пациенттерді қоса, қарсы көрсетілімді. Дене салмағы Балалар үшін доза дене салмағына байланысты анықталады Жынысы Дозаны түзету қажет емес. Балалар мен жасөспірімдер 0-ден <18 жасқа дейінгі балалардағы Ксарелто® қауіпсіздігі мен тиімділігі ВТЭ және ВТЭ қайталану профилактикасын қоспағанда, барлық көрсетілімдер бойынша анықталмаған. Басқа көрсетілімдер бойынша деректер жоқ немесе олар жеткіліксіз. Осылайша, Ксарелто® 18 жасқа дейінгі балаларға ВТЭ емдеуден және ВТЭ рецидивтерінің профилактикасынан басқа көрсетілімдер бойынша қолдану ұсынылмайды. Енгізу әдісі мен жолы Ксарелто® пероральді қолдануға арналған. Пероральді суспензияны қоректендіру кезінде немесе тамақпен бірге қабылдау керек. Пероральді суспензияны дайындау және қолдану туралы толық ақпаратты «Суспензияны дайындау және препаратты қабылдау жөніндегі нұсқау» бөлімінен қараңыз. Суспензияны назогастральді немесе асқазан зонды арқылы енгізуге болады. Препаратты енгізер алдында асқазандағы зондтың жағдайын тексеру керек. Ривароксабанның сіңірілуі белсенді заттың босаған жеріне байланысты болғандықтан, ривароксабанды асқазаннан дистальді енгізуден аулақ болу керек, өйткені бұл сіңірілудің төмендеуіне, демек, белсенді заттың әсерінің төмендеуіне әкелуі мүмкін. Енгізгеннен кейін қоректік зондты сумен жуу қажет. Осыдан кейін бірден назогастральді немесе асқазан зонды арқылы тамақтандыру керек. Препараттың әрбір дозасынан кейін бірден сұйықтықтың әдеттегі мөлшерін қабылдау керек. Бұл әдеттегі порция қоректендіру үшін қолданылатын сұйықтықтың көлемін құрауы мүмкін. Егер пациент препаратты қабылдағаннан кейін 30 минут ішінде дозаны бірден құсып тастаса немесе оны құсып жіберсе, жаңа дозаны беру керек. Алайда, егер пациентте дозаны қабылдағаннан кейін 30 минуттан артық құсу пайда болса, препаратты қайта енгізуге болмайды. Келесі дозаны емдеу схемасына сәйкес қабылдау керек. Егер 15 немесе 20 мг ривароксабан дозаларын тағайындау кезінде дайын пероральді суспензия болмаса, онда оны 15 немесе 20 мг таблетканы ұсақтау және оны тікелей қабылдау немесе пероральді енгізу алдында сумен немесе алма езбесімен араластыру арқылы алуға болады. Қабылдау уақыты көрсетілген қолдану жиілігі •Емдеу схемасы үшін күніне 1 рет: дозаны шамамен 24 сағат аралықпен қабылдау керек. •Емдеу схемасы үшін күніне 2 рет: дозаны шамамен 12 сағат аралықпен қабылдау керек. •Емдеу схемасы үшін күніне 3 рет: дозаларды шамамен 8 сағат аралықпен қабылдау керек. Дене салмағы 2,6 кг-дан 30 кг-ға дейінгі пациенттерге ішке қабылдау үшін суспензияны ғана пайдалану керек. Дене салмағы 30 кг-дан төмен балаларда қолдану үшін Ксарелто® таблеткаларын жартысында сындырмаңыз (бөлмеңіз). Дене салмағы кемінде 30 кг пациенттерде Ксарелто® суспензиясы немесе 15 немесе 20 мг дозалы таблеткалар күніне бір рет қабылдануы мүмкін. Ішке қабылдау үшін суспензия дайындауға арналған түйіршіктер, Ксарелто® препараты көлемі 1 мл, 5 мл және 10 мл көк өлшеуіш шприцтермен (суспензия қабылдауға арналған шприц) және адаптермен жиынтықта жеткізіледі. Дәл дозалауды қамтамасыз ету үшін көк шприцтерді келесідей пайдалану ұсынылады (1-кестені қараңыз): •Көлемі 1 мл (0,1 мл-ден бөліктерге бөлінген) көк шприц - дене салмағы 4 кг-дан аз пациенттер үшін. •Көлемі 5 мл (0,2 мл-ден бөліктерге бөлінген) көк шприц - дене салмағы 4 кг-дан 30 кг-ға дейін пациенттер үшін. •Көлемі 10 мл (0,5 мл-ден бөліктерге бөлінген) көк шприц - дене салмағы 12 кг және одан астам пациенттер үшін. Дене салмағы 12 кг-дан 30 кг-ға дейінгі пациенттерде сыйымдылығы 5 немесе 10 мл көк шприцтерді қолдануға болады. Дұрыс көлемді енгізуді қамтамасыз ету үшін денсаулық сақтау саласындағы мамандарға пациентті немесе күтім жасайтын адамды көк шприцтердің қайсысын қолдану керектігі туралы кеңес беру ұсынылады (суспензияны дайындау және препаратты қабылдау жөніндегі нұсқаулықты төменде қараңыз). Емнің басталуы •Балалар (мерзімі жетіп туылған нәрестелерден 6 айдан кіші жастағы сәбилерге дейін) Туған кезде гестация мерзімі кемінде 37 апта болған, салмағы кемінде 2,6 кг болған және кемінде 10 күн бойы пероральді қоректендірілген мерзімі жетіп туылған нәрестелерден 6 айдан кіші жастағы сәбилерге дейінгі балаларды емдеуді парентеральді антикоагулянттық емнен кейін кемінде 5 күн өткен соң бастау керек. Ксарелто® дене салмағына байланысты пероральді суспензияны пайдалана отырып дозаланады (1-кестені қараңыз). •Балалар (6 айдан 18 жасқа дейін) 6 айдан 18 жасқа дейінгі балаларды емдеуді бастапқы парентеральді антикоагулянттық емнен кейін кемінде 5 күн өткен соң бастау керек. Ксарелто® дене салмағына байланысты дозаланады (1-кестені қараңыз). Емдеу ұзақтығы •Катетермен байланысты тромбозы бар 2 жастан кіші балалардан басқа барлық балаларға. Емді кемінде 3 ай жалғастыру керек. Клиникалық қажеттілік кезінде емдеу 12 айға дейін ұзартылуы мүмкін. 6 айлық емдеуден кейін препараттың дозасын төмендету қажеттілігін көрсететін деректер жоқ. 3 айдан кейін емді жалғастырғаннан кейін қан кетудің ықтимал қаупімен салыстырғанда қайталанған тромбоз қаупін назарға ала отырып, пайда-қауіп арақатынасын жеке бағалау керек. •Катетермен байланысты тромбозы бар 2 жасқа дейінгі балалар. Емді кемінде 1 ай жалғастыру керек. Клиникалық қажеттілік кезінде емдеу 3 айға дейін ұзартылуы мүмкін. 1 айдан кейін емді жалғастырғаннан кейін қан кетудің ықтимал қаупімен салыстырғанда қайталанған тромбоз қаупін назарға ала отырып, пайда-қауіп арақатынасын жеке бағалау керек. Дәрілік препараттың бір немесе бірнеше дозасын өткізіп алған кезде қажетті шаралар •Күніне бір рет емдеу режимі Препаратты күніне бір рет қабылдаған кезде өткізіп алған дозаны оны еске түсіргеннен кейін мүмкіндігінше тезірек, бірақ тек сол күні қабылдау керек. Егер бұл мүмкін болмаса, пациент қабылдауды өткізіп жіберіп, тағайындалған емдеу сызбасына сәйкес келесі дозаны қабылдауды жалғастыруы керек. Өткізіп алған дозаны толтыру үшін пациент екі дозаны қабылдамауы керек. •Күніне екі рет емдеу режимі Препаратты күніне екі рет қабылдаған кезде өткізіп алған дозаны ол туралы еске түсіргеннен кейін дереу қабылдау керек, өткізіп алған таңертеңгі дозаны кешкі дозаны қабылдаумен бір мезгілде қабылдауға жол беріледі. Өткізіп алған кешкі дозаны тек сол күннің кешінде қабылдауға болады, пациент келесі күні таңертең екі дозаны қабылдамауы керек. •Күніне үш рет емдеу режимі Препаратты күніне үш рет қабылдаған кезде, емдеу схемасы дозалар арасындағы 8 сағаттық аралыққа есептелген болса, өткізіп алған дозаны өтемей, келесі жоспарланған дозаны қабылдауды қайта бастау керек. Келесі күні баланы емдеу белгіленген схема бойынша қайта басталады (күніне бір, екі немесе үш рет). Суспензияны дайындау және препаратты қабылдау жөніндегі нұсқаулық Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар Препаратты қабылдау бойынша сұрақтар туындаған жағдайда дәрігеріңізбен хабарласыңыз.

• ривароксабанға немесе препараттың қосымша заттарына аса жоғары сезімталдық • белсенді клиникалық маңызды қан кету • бұрыннан бар немесе жақында орын алған асқазан-ішек жолының ойық жарасы, қан кету қаупі жоғары қатерлі жаңа түзілімдердің болуы, жақында болған мидың немесе жұлынның жарақаты, жақында миға, жұлынға немесе көзге жасалған хирургиялық араласым, жақында болған бассүйекішілік қан құйылу, өңеш венасының варикоздық кеңеюі диагноз қойылуы немесе оған күдіктенгенде, артериовенозды даму аномалиялары, тамыр аневризмалары немесе жұлын немесе мидың ірі тамырларының патологиясы сияқты ауқымды қан кетудің маңызды факторы болып саналатын бұзылу немесе жағдай • басқа антикоагулянттық емге ауысудың ерекше жағдайларын қоспағанда, фракцияланбаған гепарин (ФБГ), төмен молекулалы гепариндер (ТМГ) (эноксапарин, далтепарин және т.б.), гепарин туындылары (фондапаринукс және т. б.), пероральді антикоагулянттар (варфарин, дабигатран этексилаты, апиксабан және т. б.) сияқты кез келген басқа антикоагулянттармен ілеспелі терапия немесе НФГ орталық веноздық немесе артериялық катетердің өткізгіштігін қамтамасыз ету үшін қажетті дозада енгізілгенде • В және С класындағы Чайлд-Пью бойынша бауыр циррозы бар пациенттерді қоса, клиникалық маңызды қан кетудің даму қаупімен байланысты коагулопатиямен қатар жүретін бауыр ауруы • жүктілік және бала емізу кезеңі.

Ересек және бала пациенттерде Ксарелто® пайдалану кезінде тіркелген жағымсыз реакциялардың жиілігі туралы жинақталған деректер ағзалар жүйелерінің кластары (MedDRA) және жиілігі бойынша төменде келтірілген. Жиі • анемия (тиісті зертханалық көрсеткіштерді қоса) • бас айналуы, бас ауыруы • көзге қан құйылу (конъюнктиваға қан құйылуын қоса) • артериялық гипотензия, гематома • эпистаксис (мұрыннан қан кету), қан түкіру • қызыл иектің қанағыштығы, асқазан-ішектен қан кету (ректальді қан кетуді қоса), асқазан-ішек жолы аумағындағы ауырсыну, диспепсия, жүрек айнуы, іш қату А, диарея, құсу А. • трансаминазалар деңгейінің жоғарылауы • қышыну (жиі емес жайылған қышыну жағдайларын қоса), бөртпе, экхимоз, тері және тері астындағы қан кетулер • аяқ-қолдың ауыруы А • урогенитальді жолдан қан кету (гематурия мен меноррагияныB қоса), бүйрек жеткіліксіздігі (қандағы креатинин концентрациясының жоғарылауын, мочевина концентрациясының жоғарылауын қоса) • қызба (температураның жоғарылауы)А, шеткері ісіну, жалпы бұлшықет күші мен тонусының төмендеуі (әлсіздік пен астенияны қоса) • жүргізілген емшалардан кейінгі қан құйылулар (операциядан кейінгі анемия мен жарадан қан кетуді қоса), қан тебу, жарадан шығатын бөліністерA Жиі емес • тромбоцитоз (тромбоциттер санының ұлғаюын қоса)А, тромбоцитопения • аллергиялық реакция, аллергиялық дерматит, ангионевроздық ісіну және аллергиялық ісіну • миішілік және бассүйекішілік қан құйылу, естен тану • тахикардия • ауыздың құрғауы • бауыр функциясының бұзылуы, билирубин, сілтілік фосфатазаА, гамма-глутамилтрансфераза (ГГТ) деңгейінің жоғарылауыА • есекжем • гемартроз • жалпы көңіл-күйдің нашарлауы (дімкәстікті қоса) • ЛДГА деңгейінің жоғарылауы, липазаА деңгейінің жоғарылауы, амилазаА деңгейінің жоғарылауы Сирек • Сарғаю, конъюгацияланған билирубин деңгейінің жоғарылауы (аланинаминотрансферазаның (АЛТ) қатар артуы кезінде немесе онсыз), холестаз, гепатит (гепатоцеллюлярлық зақымдануды қоса) • бұлшықетке қан кету • жергілікті ісіну А • тамыр жалған аневризмасы С Өте сирек • анафилаксиялық шокты қоса, анафилаксиялық реакциялар • эозинофильді пневмония • Стивенс-Джонсон синдромы/уытты эпидермальді некролиз, DRESS-синдром Белгісіз жиілікпен • қан кету салдарынан болатын компартмент-синдром • гипоперфузияның дамуы үшін жеткілікті қан кету салдарынан бүйрек жеткіліксіздігі/жедел бүйрек жеткіліксіздігі, антикоагулянтпен астасқан нефропатия. А: тізе буынын немесе ұршықбуынды жоспарлы протездеуден кейін ересек пациенттерде веноздық тромбоэмболияның (ВТЭ) профилактикасы кезінде тіркелді B: ТВТ мен ӨАТЭ емдеу және рецидивтің профилактикасы кезінде < 55 жастағы әйелдерде өте жиі тіркелетін C: жедел коронарлық синдромнан кейін (тері арқылы араласулар жүргізгеннен кейін) пациенттерде кенеттен өлімнің және миокард инфарктісінің профилактикасында жиі емес ретінде тіркелді. Кейбір жағымсыз реакциялардың сипаттамасы Ксарелто® әсерінің фармакологиялық механизмін ескере отырып, оны қолдану кез келген ағзалар мен тіндерден жасырын немесе айқын қан кету қаупінің жоғарылауымен қатар жүруі мүмкін, бұл постгеморрагиялық анемияға әкелуі мүмкін. Белгілері, симптомдары және ауырлығы (өліммен аяқталуды қоса) қан кетудің және/немесе анемияның орналасқан жеріне және ауырлық дәрежесіне немесе ауқымдылығына байланысты өзгереді. Шырышты қабаттардан қан кету (мысалы, мұрын, қызыл иек, асқазан-ішек, несеп-жыныс жолдарынан патологиялық қынаптық және күшейтілген етеккірден қан кетуді қоса) және анемия K дәрумені антагонистерімен (КДА) емдеумен салыстырғанда Ксарелто® ұзақ емдеу кезінде жиі байқалды. Сондықтан, тиісті клиникалық тексеруден басқа, қажет болғанда жасырын қан кетуді анықтау үшін гемоглобин/гематокрит деңгейін зертханалық анықтау және айқын қан кетудің клиникалық маңыздылығын сандық бағалау маңызды болуы мүмкін. Қан кетудің даму қаупі пациенттердің кейбір топтарында, мысалы, бақыланбайтын ауыр артериялық гипертензиясы бар және/немесе гемостазға әсер ететін препараттармен қатар ем қабылдайтын пациенттерде жоғарылауы мүмкін. Етеккірлік қан кету ұзағырақ және қарқынды болуы мүмкін. Геморрагиялық асқынулар әлсіздік, бозару, бас айналуы, бас ауыруы, түсініксіз ісініп кету, ентігу немесе түсініксіз шок күйінде көрініс табуы мүмкін. Кейбір жағдайларда анемияға байланысты миокард ишемиясының симптомдары байқалды, мысалы, төс артының ауырсынуы немесе стенокардия. Ауыр қан кету салдарынан Ксарелто® қолданғанда компартмент-синдром және гипоперфузия нәтижесінде бүйрек жеткіліксіздігі немесе антикоагулянтпен астасқан нефропатия сияқты белгілі асқынулар тіркелді. Сондықтан антикоагулянттар алатын кез-келген пациенттің жағдайын бағалау кезінде қан кету мүмкіндігін қарастырған жөн. Бала пациенттер ВТЭ емдеу және ВТЭ рецидивінің профилактикасы Балалар мен жасөспірімдердегі қауіпсіздікті бағалау ашық бақыланатын зерттеулер, II фазаның екі зерттеуі және туылғаннан 18 жасқа дейінгі балалардағы III фазаның бір зерттеуі арқылы алынған қауіпсіздік деректеріне негізделген. Ривароксабанның қауіпсіздігі және әртүрлі жас топтарындағы салыстыру препаратының нәтижелері салыстырмалы болды. Жалпы алғанда, ривароксабан алған 412 бала мен жасөспірімдегі қауіпсіздік бейіні ересектер популяциясында байқалғанға ұқсас болды және жас топтарына сәйкес келді, дегенмен бағалау пациенттердің аздығымен шектелген. Балалар жасындағы пациенттерде ересек пациенттермен салыстырғанда: бас ауыруы (өте жиі, 16,7%), қызба (өте жиі, 11,7%), мұрыннан қан кету (өте жиі, 11,2%), құсу (өте жиі, 10,7%), тахикардия (жиі, 1,5%), билирубин деңгейінің жоғарылауы (жиі, 1,5%) және конъюгацияланған билирубин мөлшерінің жоғарылауы (жиі емес, 0,7%) жиі тіркелді. Ересектер популяциясындағы мәліметтерге сәйкес, меноррагия менархе басталғаннан кейін жасөспірім қыздардың 6,6%-ында (жиі) байқалды. Ересек популяцияда тіркеуден кейінгі кезеңде байқалатын тромбоцитопения педиатриялық клиникалық зерттеулерде жиі (4,6%) тіркелді. Педиатриялық пациенттерде жағымсыз жағымсыз реакциялар негізінен жеңіл немесе орташа ауырлықта болды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ересектерде ривароксабанды 1960 мг-ға дейін қабылдау кезінде артық дозаланудың сирек жағдайлары тіркелді. Артық дозаланған жағдайда пациенттер қан кетудің немесе басқа да жағымсыз реакциялардың дамуы тұрғысынан мұқият бақылауға жатады («Қан кету кезіндегі тактика» бөлімін қараңыз). Шектеулі сіңуіне байланысты емдік дозадан асатын, 50 мг және одан жоғары дозаларды қолдану кезінде препарат концентрациясының төмен деңгейлі платоны оның қан плазмасындағы экспозициясын одан әрі ұлғайтпай дамыту күтілуде. Андексанет альфа ривароксабанның фармакодинамикалық әсерін бейтараптандыратын спецификалық реверсивті агент (немесе кері әсер ететін препарат) болып табылады. Артық дозаланған жағдайда ривароксабанның сіңуін төмендету үшін белсендірілген көмірді пайдалануға болады. Қан кету кезіндегі тактика Егер ривароксабан алатын пациентте қан кету түрінде асқыну пайда болса, препаратты келесі қабылдауды кейінге қалдыру немесе қажет болғанда тоқтату керек. Ересектердегі ривароксабанның жартылай шығарылу кезеңі шамамен 5-13 сағатты құрайды. Популяциялық фармакокинетиканы (попФК) модельдеу тәсілдерін пайдалана отырып есептелген балалардағы жартылай шығарылу кезеңі қысқа. Емдеу қан кетудің ауырлығына және орналасуына байланысты жеке болуы керек. Қажет болса, тиісті симптоматикалық емді қолдануға болады, мысалы, механикалық компрессия (мысалы, мұрыннан ауыр қан кету), қан кетуді тоқтату процедураларымен хирургиялық гемостаз, сұйықтықты толтыру және гемодинамикалық демеу, қан препараттарын ауыстырып құю (эритроциттік масса немесе жаңа мұздатылған плазма, қатар жүретін анемия немесе коагулопатияның болуына байланысты) немесе тромбоциттер. Егер жоғарыда аталған іс-шаралар қан кетуді тоқтатуға әкелмесе, протромбин кешенінің концентраты (ПКК), протромбинді кешеннің белсенділенген концентраты (ПКБК) немесе рекомбинантты VIIa факторы (рФVIIa) сияқты спецификалық прокоагулянтты препараттарды тағайындауды қарастыру керек. Алайда, қазіргі уақытта бұл препараттарды ересек пациенттер мен Ксарелто® қабылдайтын балаларда қолдану тәжірибесі шектеулі. Протамин сульфаты мен К дәрумені Ксарелто® препаратының ұюға қарсы белсенділігіне әсер етпейді деп күтілуде. Транексам қышқылын қолдану тәжірибесі шектеулі және Ксарелто® қабылдайтын ересек пациенттерде аминокапрон қышқылы мен апротининді қолдану тәжірибесі жоқ. Ривароксабан алатын балаларда осы препараттарды қолдану тәжірибесі жоқ. Ксарелто® қабылдайтын пациенттерде десмопрессин сияқты жүйелі гемостатикалық препараттарды қолданудың орындылығының ғылыми негіздемесі немесе тәжірибесі жоқ. Артық дозалануды немесе жеткіліксіз дозалауды болдырмау үшін суспензияны дәл дозалау қажет Құтыдан алғашқы дозаны жинамас бұрын, қоса беріліп отырған көк өлшеуіш шприцті балаңыздың дәрігері тағайындаған дозаға сәйкес бір рет теңшеу қажет. Бұл ақпаратты картон қорапшасының тиісті аумағынан табуға болады. Егер ақпарат көрсетілмесе, балаңыздың емдеуші дәрігеріне немесе фармацевтке хабарласыңыз. Дозаны белгілегеннен кейін бірдей көк шприцті 1-кезеңде дайындалған суспензияның әрбір қабылдауы үшін пайдалануға болады. Доза көк шприцке бекітілгеннен кейін оны өзгерту мүмкін емес. 2.1 кезең: Қолайлы көк шприцті таңдау Дене салмағы 4 кг дейінгі балаларға арналған қаптама үшін: Көк өлшеуіш шприцте шкала (мл) бар. Көлемі 1 мл көк өлшемді шприц шкаласы 0,2 мл-ден басталады. Бөліктер 0,1 мл адымдық. Ескертпе: Қолдану жөніндегі нұсқаулықта бұл туралы айтылғанша, қабатталған затбелгіні алып тастамаңыз. Көк шприцте көлемді бекітуге арналған қызыл түймешесі бар. Бастапқыда бұл батырма затбелгімен жабылған. Қызыл түймешені басқан кезде шприцтің көлемі бекітіледі, оны тек бір рет жасауға болады. Қолдану жөніндегі нұсқаулықта бұл туралы жазылмағанша қызыл түймешені баспаңыз. Қызыл түймешені басқаннан кейін көлемді өзгерту мүмкін емес. Дене салмағы 4 кг және одан артық балаларға арналған қаптама үшін: Бұл қаптамада әртүрлі көлемдегі дозалайтын құрылғылар бар: ■ көлемі 5 мл көк өлшеуіш шприц - 1 мл-ден 5 мл-ге дейінгі суспензия дозалары үшін ■ көлемі 10 мл көк өлшеуіш шприц - 5 мл-ден 10 мл-ге дейінгі суспензия дозалары үшін Балаңыздың дәрігері тағайындаған дозаның негізінде тиісті көк шприцті таңдаңыз. Басқа көк шприцтер қажет емес. Көк шприцті ашыңыз. Ескертпе: Қолдану жөніндегі нұсқаулықта бұл туралы айтылғанша, қабатталған затбелгіні алып тастамаңыз. Көк шприцте көлемді бекітуге арналған қызыл түймешесі бар. Бастапқыда бұл батырма затбелгімен жабылған. Қызыл түймешені басқан кезде шприцтің көлемі бекітіледі, оны тек бір рет жасауға болады. Қолдану жөніндегі нұсқаулықта бұл туралы жазылмағанша қызыл түймешені баспаңыз. Қызыл түймешені басқаннан кейін көлемді өзгерту мүмкін емес. 2.2 кезең: Тағайындалған дозаны жаңа көк шприцке бекіту Көк өлшеуіш шприцте шкала (мл) бар. Көлемі 1 мл көк шприцтің шкаласы 0,2 мл-ден басталады. Бөліктер арасындағы адым 0,1 мл тең. Көлемі 5 мл көк шприцтің шкаласы 1 мл-ден басталады. Бөліктер арасындағы адым- 0,2 мл. Көлемі 10 мл көк шприц шкаласы 2 мл-ден басталады. Бөліктер арасындағы адым 0,5 мл тең. a.Картон қорапшасындағы тиісті жолда көрсетілген дозаны қараңыз. Ескертпе: Келесі схема бойынша 10 мл-ден асатын тағайындалған дозалар үшін 10 мл көк шприцті қолданыңыз: Доза 15 мл: 2 x 7.5 мл (көк шприц) Доза 20 мл: 2 x 10 мл (көк шприц) b. Егер ақпарат жоқ болса: Фармацевтен немесе дәрігерден оны беруді сұраңыз. c. Көк шприцті тесігін жоғары қаратып ұстаңыз. d. Поршень өзекшесін жоғарғы шеті енгізілетін көлеміне жеткенше баяу тартыңыз. → Поршень өзекшесі қозғалғанда, көлемді белгілеудің әр адымында сырт еткен дыбысты естуге болады. Ескерту ақпараты: Поршеньнің жоғарғы шеті қолдануға қажетті көлемнің дұрыс белгісімен дәл сол сызықта болуы керек. Берілген сурет тек мысал бола алады. Сіздің көлеміңіз басқаша болуы мүмкін. Сақ болыңыз, поршеньді қолдануға қажетті көлемнен тыс тартпаңыз. Сақ болыңыз, поршеньді тартқан кезде затбелгіні баспаңыз. Затбелгіні көк өлшеуіш шприцтен толығымен алыңыз. → Енді көлемді белгілеуге арналған қызыл түймешені көре аласыз. Поршеньнің орнын тағы бір рет тексеріңіз. Поршеньнің жоғарғы шеті қолдануға қажетті көлемнің дұрыс белгісімен дәл сол сызықта екеніне көз жеткізіңіз. Егер көк поршеньнің қалпы қажетті көлемге сәйкес келмесе: Оны сәйкесінше реттеңіз. h. Егер көк поршеньнің позициясы қажетті көлемге сәйкес келсе, белгіленген көлемді бекіту үшін қызыл түймешені басыңыз. → Енді қажетті доза белгіленді. → Қызыл түймешені басқанда, тағы бір рет сырт еткен дыбыс естіледі. Осыдан кейін сырт еткен дыбыстар тоқтайды. Ескерту ақпараты: Егер дұрыс емес доза таңдалғанын байқасаңыз (қызыл түймеше басылған), тиісті қосалқы көк өлшеуіш шприцті қолданыңыз. Жаңа көк өлшеуіш шприц үшін а-дан һ-қа дейін адымдарды қайталаңыз. i. Көк өлшеуіш шприцтің поршенін тірелгенше жоғары қарай итеріңіз. Енді көк өлшеуіш шприцті қолдануға болады. 3. Ішке қабылдауға арналған суспензияны қабылдау Әр қабылдау кезінде төменде көрсетілген әрекеттерді орындаңыз. Ескерту ақпараты: Егер суспензия тоңазытқышта сақталған болса, оған бөлме температурасына дейін жылығанша уақыт беріңіз. 3.1: Ішке қабылдауға арналған суспензияны сілку a. Құтыны әрбір дозаны қабылдар алдында кемінде 10 секунд бойы абайлап сілкіңіз. → Бұл жақсы араластырылған суспензияны алу үшін қажет. Суспензияның мұқият араластырылғанын тексеріңіз, яғни кесектер жоқ па шөгінді жоқ па. Кесектер немесе шөгінділер болған кезде: a. және b адымдарын қайталаңыз. d. Сілку көбік түзілуіне әкелуі мүмкін. Көбік ерігенше құтыны қоя тұру керек. Құтының қақпағын бұрап алыңыз, бірақ адаптерді құтының жоғарғы жағында қалдырыңыз. Ескертпе: Адаптерде көрінетін үлкен тесік көк шприцті жалғау үшін қолданылады. Адаптердің беткейінде сұйықтық болмауы керек. Егер адаптерде сұйықтық болса: Сұйықтықты таза сүрткінің көмегімен сүртіңіз. 3.2 кезең: Қажетті дозаны алу a. Құтыны тік күйінде ұстаңыз. Көк шприцтің ұшын толығымен адаптердің үлкен тесігіне кіріктіріңіз. Құтыны төңкеріп қойыңыз. Көк поршеньнің өзекшесін ол тоқтағанша баяу тартыңыз (яғни, ол белгіленген дозаға жетпегенше). d. Көк шприцті ауаның бар болу тұрғысынан мұқият тексеріңіз. Кішкентай ауа көпіршіктерінің болуы маңызды емес. Егер үлкен ауа көпіршіктері болса: Поршень өзекшесін көк шприцке мүмкіндігінше терең басып, суспензияны құтыға қайтарыңыз. b-ден е-ге дейін адымдарды қайталаңыз. Құтыны тік қалпына қайта қойыңыз. Адаптерден көк шприцті абайлап алыңыз. Көк өлшеуіш шприцті тік ұстаңыз және: шприцтің ұшы толтырылғанын көк шприцке дұрыс доза жиналғанын-жиналмағанын үлкен ауа көпіршіктері бар-жоғын тексеріңіз. Егер шприцтің ұшында үлкен ауа көпіршіктері немесе ауа болса: Көк шприцтің ұшын толығымен адаптердің үлкен тесігіне кіріктіріңіз. Поршень өзекшесін көк шприцке мүмкіндігінше терең басып, суспензияны құтыға қайтарыңыз. Үлкен ауа көпіршіктері кеткенше b - ден h-ге дейінгі адымдарды қайталаңыз. j. Құтыны бұрандалы қақпақпен жабыңыз. Суспензияны көк шприцті толтырғаннан кейін дереу қабылдаңыз (3.3 кезең). 3.3 кезең: Тағайындалған дозаны қабылдау Көк өлшеуіш шприцті пациенттің аузына салыңыз. Табиғи жұтынуды қамтамасыз ету үшін шприцтің ұшын ұртқа бағыттаңыз. Поршень тоқтамағанша, поршень өзегін баяу басыңыз (көк шприц толығымен бос). Пациенттің барлық дозаны жұтып қойғанына көз жеткізіңіз. Ескерту ақпараты: Пациент препараттың толық дозасын жұтып қоюы керек. Егер пациент дозаны толығымен жұтып қоймаса немесе құса бастаса, қосымша нұсқаулар алу үшін дәрігеріңізбен кеңесіңіз. Пациентке сұйықтықтың бір стандартты бөлігін ішуді ұсыныңыз. Мысалы, 6 айлық бала үшін бұл 20 мл болуы мүмкін. Бұл сондай-ақ емшек сүті болуы мүмкін. Жасөспірім үшін бұл көлем 240 мл дейін болуы мүмкін. 4. Тазалау және сақтау Әрбір қолданудан кейін көк өлшеуіш шприцті тазалау қажет. Құрылғыны тазалау үшін төмендегі нұсқауларды орындаңыз. Жалпы алғанда, тиісті тазалауды қамтамасыз ету үшін үш тазалау циклы қажет. Бастамас бұрын, 4.1 кезеңін орындау үшін келесі жабдықты дайындау керек: Екі контейнерді алыңыз (мысалы, шыныаяқ немесе тостағанша). бір контейнерді ауыз сумен (ағын су немесе газдалмаған минералды су) толтырыңыз, басқа контейнерді бос қалдырыңыз. 4.1-кезең: Тазалау Көк шприцтің ұшын су контейнеріне батырыңыз. Поршень өзекшесіне толғанша су жинаңыз. c. Көк шприцті дайындалған бос контейнерге босатыңыз. а-дан с-қа дейінгі адымдарды тағы екі рет қайталаңыз. Тазалаудан кейін поршень өзекшесін тірелгенше басыңыз. Шприцтің сыртқы беткейін таза сүрткінің көмегімен құрғатыңыз. Ескерту: Көк шприцті ыдыс жуғышта жууға болмайды. Ешқашан көк шприцті қайнатпаңыз. 4.2-кезең: Сақтау Көк шприцті келесі қолданар алдында таза және құрғақ жерде сақтаңыз. Күн сәулесінен алыс жерде сақтаңыз. Ескерту: Көк шприцті 14 күнге дейін пайдалануға болады. Ішке қабылдау үшін суспензияны 30 °C дейін температурада сақтау керек. Ескерту: Ішке қабылдау үшін суспензияны мұздатуға болмайды. Дайындалған ішке қабылдау үшін суспензия бөлме температурасында 14 күн бойы тұрақты болады (дайындау күні плюс 14 күн).

Емдеудің барлық кезеңінде антикоагулянтты емнің белгіленген практикасы шеңберінде клиникалық бақылау жүргізу ұсынылады. Ривароксабанның дозасын пациенттердің келесі топтарында дәл анықтау мүмкін емес, өйткені оларда зерттелмеген. Сондықтан препаратты 6 айдан кішкентай балаларға қабылдау ұсынылмайды, олар: •туған кезде гестация мерзімі 37 аптадан аз болды, немесе •дене салмағы 2,6 кг-дан аз болды, немесе •егер пероральді қоректендіру 10 күннен аз болса. • Қан кету қаупі Басқа антикоагулянттарды қолданғандағыдай, Ксарелто қабылдау аясында қан кету белгілерін анықтау үшін пациенттерді мұқият бақылау қажет. Ксарелто қан кету қаупі жоғары пациенттерді емдеу кезінде сақтықпен пайдалану ұсынылады. Ауыр қан кету дамыған кезде Ксарелто® қабылдау тоқтатылуы тиіс. Шырышты қабаттардан қан кету (мысалы, мұрын, қызыл иек, асқазан-ішек және несеп-жыныс жолдарынан, оның ішінде патологиялық қынаптық және анағұрлым ауыр етеккірден қан кету) және анемия КДА емдеумен салыстырғанда Ксарелто® препаратымен ұзақ емдеу кезінде жиі байқалды. Сондықтан, стандартты клиникалық бақылаудан басқа, және егер қажет болса, жасырын қан кетуді анықтау үшін гемоглобин/гематокрит деңгейін зертханалық анықтау және айқын қан кетудің клиникалық маңыздылығын сандық бағалау қажет болуы мүмкін. Төменде сипатталған пациенттердің кейбір қосалқы топтарының қан кету қаупі жоғары. Бұл пациенттер емдеу басталған сәттен бастап қан кету мен анемияның белгілері мен симптомдарын анықтау үшін дәрігердің мұқият бақылауында болуы тиіс. Гемоглобин деңгейінің немесе артериялық қысымның түсініксіз төмендеуімен қан кету көзін іздеу керек. Ривароксабанмен емдеу экспозицияны күнделікті бақылауды қажет етпейтініне қарамастан, ривароксабанның экспозициясын білу клиникалық шешім қабылдауға көмектесетін ерекше жағдайларда, мысалы, артық дозаланғанда және қажет шұғыл операция кезінде, ривароксабанды анти-Хa факторына калибрленген сандық белсенділік тестімен өлшеу пайдалы болуы мүмкін. ОЖЖ инфекциясы бар церебральді веналар мен ми қабығы синустарының тромбозы бар балалар туралы мәліметтер шектеулі. Қан кету қаупін ривароксабанмен емдеуге дейін және емдеу кезінде мұқият бағалау керек. Бүйрек жеткіліксіздігі Ксарелто® орташа немесе ауыр дәрежелі бүйрек жеткіліксіздігіне шалдыққан (шумақтық сүзілу жылдамдығы <50 мл/мин/1,73 м2) 1 жастағы және одан үлкен балаларға ұсынылмайды, өйткені клиникалық деректер жоқ. Ксарелто® сарысу креатининінің деңгейі 97,5 перцентильден жоғары 1 жасқа дейінгі балаларға қолдануға ұсынылмайды, өйткені клиникалық деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ксарелто® автокөлік пен механизмдерді басқару қабілетіне болмашы әсер етеді. Естен тану (жиілігі: жиі емес) және бас айналу (жиілігі: жиі) сияқты жағымсыз реакциялар туралы хабарланды. Осындай реакциялар байқалған пациенттер автокөлікті немесе механизмдерді басқарудан бас тартқан жөн.

Ксарелто® жүкті әйелдерді емдеудегі қауіпсіздігі мен тиімділігі анықталмаған. Ықтимал репродуктивті уыттылықты, қан кету қаупін және ривароксабанның гематоплацентарлық бөгет арқылы өтуінің дәлелдерін ескере отырып, ривароксабан жүкті әйелдерге қолдануға болмайды. Ұрпақты болу жасындағы жасөспірім қыздарға Ксарелто® препаратымен емдеу кезеңінде жүкті болудан аулақ болу керек. Ксарелто® бала емізу кезіндегі қауіпсіздігі мен тиімділігі анықталмаған. Ксарелто® бала емізу кезінде қарсы көрсетілген. Бала емізуді тоқтату немесе емдеуді тоқтату/уақытша тоқтату туралы шешім қабылдануы тиіс. Фертильділігі Адамдардағы ривароксабанның фертильділікке әсерін бағалау үшін арнайы зерттеулер жүргізілген жоқ.

Күшті CYP3A4 және гликопротеин P тежегіштерімен қатарлас жүйелі ем алатын балалар туралы клиникалық деректер жоқ. Ксарелто® препаратын азол тобының зеңге қарсы препараттарымен (мысалы, кетоконазолмен, итраконазолмен, вориконазолмен және позаконазолмен) немесе АИТВ протеаза тежегіштерімен (мысалы, ритонавирмен) жүйелі ем алып жүрген пациенттерде қолдануға ұсынылмайды. Бұл белсенді заттар CYP3A4 және Р гликопротеинінің күшті тежегіштері болып табылады. Салдарынан, бұл дәрілік препараттар плазмадағы ривароксабан концентрациясын клиникалық маңызды деңгейге дейін (орта есеппен 2,6 есе) арттыруы мүмкін, бұл қан кету қаупін арттырады. Гемостазға әсер ететін дәрілік препараттарды, мысалы, қабынуға қарсы стероидты емес препараттар (ҚҚСП), ацетилсалицил қышқылын (АСҚ) және тромбоциттер агрегациясының тежегіштерін немесе серотонинді кері қармаудың селективті тежегіштері (СКҚСТ) және серотонин мен норепинефринді кері қармау тежегіштерін (СНКҚТ) қабылдайтын пациенттерге Ксарелто тағайындау кезінде сақ болу қажет. Асқазан-ішек жолының ойық жара ауруының даму қаупі бар пациенттерге тиісті профилактикалық ем жүргізу туралы мәселені қарау керек. Қан кетудің басқа қауіп факторлары Ксарелто, сондай-ақ басқа да тромбозға қарсы препараттар сияқты, қан кету қаупі жоғары, атап айтқанда мынадай жағдайлардағы пациенттерді емдеу кезінде пайдалану ұсынылмайды: • қан кетумен байланысты туа біткен немесе жүре пайда болған бұзылулар • бақыланбайтын ауыр артериялық гипертония • қан кетумен асқынуы мүмкін белсенді жараланусыз асқазан-ішек жолдарының басқа аурулары (мысалы, ішектің қабыну аурулары, эзофагит, гастрит, гастроэзофагеальді рефлюкс) • тамырлық ретинопатия • бронхоэктаз немесе анамнезде өкпеден қан кету Қатерлі жаңа түзілімдері бар пациенттер Қатерлі жаңа түзілімдері бар пациенттерде бір уақытта қан кету және тромбоз қаупі жоғары болуы мүмкін. Тромбозға қарсы емдеудің жеке пайдасын ісіктің орналасуына, ісікке қарсы емге және аурудың сатысына байланысты белсенді қатерлі жаңа түзілімдері бар пациенттерде қан кету қаупімен салыстыру керек. Асқазан-ішек немесе несеп-жыныс жолдарында орналасқан ісіктер ривароксабанмен емдеу кезінде қан кету қаупінің жоғарылауымен байланысты болды. Қан кету қаупі жоғары қатерлі жаңа түзілімдері бар пациенттерде ривароксабанды қолдануға болмайды. Жасанды жүрек клапаны бар пациенттер Ксарелто® жақында аорта клапанын (TAVR) транскатетерлі алмастыруды бастан өткерген пациенттерде тромбопрофилактика үшін пайдалануға болмайды. Жүректің жасанды клапаны бар пациенттерде Ксарелто® қолданудың қауіпсіздігі мен тиімділігі зерттелмеген, сондықтан мұндай пациенттер популяциясында Ксарелто® талапқа сай антикоагулянттық әсері туралы деректер жоқ. Мұндай пациенттерде Ксарелто® препаратымен емдеу ұсынылмайды. Антифосфолипидті синдромы (АФС) бар пациенттер. • Анамнезінде тромбозы бар, антифосфолипидті синдром диагнозы қойылған пациенттерге ривароксабанды қоса, тікелей әсер ететін пероральді антикоагулянттарды тағайындау ұсынылмайды. Тікелей әсер ететін пероральді антикоагулянттармен емдеу К дәрумені антагонистерімен (КДА) еммен салыстырғанда, әсіресе антифосфолипидті антиденелердің барлық үш түрінің (жегі бар антикоагулянт, кардиолипинге антиденелер және бета-2-гликопротеин 1 антиденелері) позитивтілігі бар пациенттерде қайталанатын тромбоздық оқиғалар жиілігінің артуымен байланысты болуы мүмкін. Тромболизиске немесе өкпе эмболэктомиясына мұқтаж ӨАТЭ бар гемодинамикалық тұрақсыз пациенттер ӨАТЭ бар және гемодинамикасы тұрақсыз немесе тромболизис немесе өкпе эмболэктомиясы жүргізілуі мүмкін пациенттерде ФБГ альтернатива ретінде Ксарелто® қолдану ұсынылмайды, өйткені Ксарелто® қауіпсіздігі мен тиімділігі осы клиникалық жағдайларда анықталмаған. Нейроаксиальді (эпидуральды/жұлын) анестезия немесе люмбальді пункция Нейроаксиальді (жұлын/эпидуральді) анестезия немесе жұлын/эпидуральді пункция жүргізу кезінде тромбоэмболиялық асқынулардың профилактикасы үшін тромбозға қарсы дәрілерді қабылдайтын пациенттер эпидуральді немесе жұлын гематомасының даму қаупіне ұшырайды, ол ұзақ немесе тұрақты салдануға әкелуі мүмкін. Мұндай құбылыстардың даму қаупі тұрақты эпидуральді катетерлерді қолданғанда немесе гемостазға әсер ететін препараттарды бірге қабылдағанда одан да артады. Жарақаттайтын немесе қайталанатын эпидуральді немесе жұлын пункциясынан кейін қауіп жоғарылауы мүмкін. Неврологиялық бұзылулардың белгілерін немесе симптомдарын (мысалы, аяқтың ұйып қалуы немесе әлсіздігі, жуан ішек немесе қуық дисфункциясы) анықтау үшін пациенттерді жиі бақылау керек. Неврологиялық ауытқулар анықталған кезде пациентті жедел диагностикалау және емдеу қажет. Антикоагулянттар алатын пациенттерде немесе тромбопрофилактика үшін антикоагулянтты ем алда болатын пациенттерде нейроаксиальді араласым жүргізу алдында дәрігер қауіпке қатысты потенциалды пайдасын ескеруі тиіс. Мұндай жағдайларда ривароксабанды қолданудың клиникалық тәжірибесі жоқ. Ривароксабанды бір мезгілде қолдану аясында эпидуральді/спинальді анестезиясын немесе люмбальді пункцияны жүргізумен астасқан қан кетудің ықтимал қаупін төмендету мақсатында ривароксабанның фармакокинетикалық бейінін ескеру керек. Ривароксабанның антикоагулянтты әсері әлсіз деп бағаланған кезде эпидуральді катетерді немесе белді пункцияны орнату немесе алып тастау жақсы жүргізіледі. Алайда, әр пациентте антикоагулянтты әсерге қол жеткізудің нақты уақыты белгісіз және оны диагностикалық емшараның жеделдігімен салыстыру керек. Ксарелто® препаратымен емдеу кезінде балаларда нейроаксиальді катетерді орнату немесе жою мерзімдері туралы деректер жоқ. Мұндай жағдайларда ривароксабанды қабылдауды тоқтатып, қысқа әсер ететін парентеральді антикоагулянт туралы мәселені қарау керек. Инвазиялық емшаралар мен хирургиялық араласулар кезінде дозалау жөніндегі ұсынымдар Егер инвазиялық емшараны немесе хирургиялық араласымды жүргізу талап етілсе, Ксарелто® қабылдауды мүмкіндігінше араласуға дейін кемінде 24 сағат бұрын және дәрігердің клиникалық қорытындысы негізінде тоқтату керек. Егер емшараны кейінге қалдыру мүмкін болмаса, қан кету қаупінің жоғарылауын араласудың шұғылдығымен салыстырғанда бағалау керек. Егер емдеуші дәрігердің бағалауымен клиникалық жағдай мүмкіндік берсе және талапқа сай гемостазға қол жеткізілсе, Ксарелто® қабылдауды инвазиялық емшарадан немесе хирургиялық араласудан кейін барынша тезірек қайта бастау керек. Тері реакциялары Стивенс-Джонсон синдромын/уытты эпидермальді некролизді және DRESS-синдромды қоса, терінің күрделі реакциялары ривароксабанды қолданумен уақытша өзара байланысты маркетингтен кейінгі бақылау барысында хабарланды. Шамасы, пациенттерде мұндай реакциялардың көрініс табу қаупі емдеудің басында болады: көп жағдайда мұндай реакциялар емдеудің алғашқы апталарында көрінеді. Ауыр тері бөртпесінің алғашқы белгілері (яғни бөртпенің таралуы, күшеюі және/немесе күлдіреудің пайда болуы) немесе шырышты қабықтар тарапынан аса жоғары сезімталдықтың кез келген белгілері пайда болған кезде ривароксабанды қабылдауды тоқтату керек. Қосымша заттар туралы ақпарат Ксарелто® препараты, ішке қабылдау үшін суспензия дайындауға арналған түйіршіктер, 1 мл дайындалған суспензияда 1,8 мг натрий бензоаты (Е 211) бар. Натрий бензоаты жаңа туған нәрестелерде (4 аптаға дейін) сарғаюды (тері мен көздің сарғаюы) күшейте алады. Альбуминмен байланысты билирубинді ығыстырғаннан кейін билирубинемияның ұлғаюы неонатальді сарғаюды күшейтуі мүмкін, ол ядролық сарғаюға айналуы мүмкін (ми тінінде конъюгацияланбаған билирубиннің шөгінділері). Бұл препарат 1 мл дайындалған ішке қабылдау үшін суспензияға 1 ммольден аз (23 мг) натрий бар, яғни препарат «натрийсіз» деп санауға болады. Басқа дәрілік препараттармен өзара әрекеттесуі Педиатриялық популяциядағы өзара әрекеттесу дәрежесі белгісіз. Төмендегі өзара әрекеттесу туралы мәліметтер ересектерде алынды. «Қолдану кезіндегі қажетті сақтық шаралары» бөлімінде көрсетілген ескертулерді педиатриялық популяция үшін назарға алған жөн. CYP3A4 тежегіштерімен және гликопротеинмен Р өзара әрекеттесуі Ксарелто мен кетоконазолды (тәулігіне 1 рет 400 мг) немесе ритонавирді (тәулігіне екі рет 600 мг) бірге қолдану Ксарелто орташа тепе-тең AUC 2,6/2,5 есе артуына және препараттың фармакодинамикалық әсерінің күрделі күшеюімен қатар жүретін, қан кетулердің даму қаупінің жоғарылауына алып келетін Ксарелто® орташа Смакс 1,7/1,6 есе ұлғаюына әкелді. Демек, Ксарелто® кетоконазол, итраконазол, вориконазол және позаконазол сияқты азолды зеңге қарсы препараттармен немесе АИТВ протеаза тежегіштерімен жүйелі ем алатын пациенттерге қолдану ұсынылмайды. Бұл заттар CYP3A4 және гликопротеин Р күшті тежегіштері болып табылады. CYP3A4 немесе гликопротеин Р қатысуыммен ривароксабанды шығару жолдарының біреуін ғана қатты бәсеңдететін дәрілік заттар плазмадағы ривароксабанның концентрациясын аз дәрежеде арттырады деп күтілуде. Мысалы, CYP3A4 күшті тежегіші және гликопротеинінің Р орташа тежегіші болып саналатын кларитромицин (тәулігіне 2 рет 500 мг) орташа AUC 1,5 есе және Смакс. ривароксабан 1,4 есе ұлғаюына себеп болды. Кларитромицинмен өзара әрекеттесу пациенттердің көпшілігінде клиникалық тұрғыдан маңызды емес, бірақ жоғары қауіпті пациенттерде маңызды болуы мүмкін. Эритромицин (тәулігіне 3 рет 500 мг), орташа басым CYP3A4 және Р-гликопротеин, орташа AUC және Смакс ривароксабанның 1,3 есе ұлғаюын туындатты. Эритромицинмен өзара әрекеттесу пациенттердің көпшілігінде клиникалық тұрғыдан маңызды емес, бірақ жоғары қауіпті пациенттерде маңызды болуы мүмкін. Жеңіл бүйрек жеткіліксіздігі бар пациенттерде эритромицин (тәулігіне үш рет 500 мг) қабылдау бүйрек функциясы қалыпты адамдармен салыстырғанда ривароксабанның орташа AUC 1,8 есе және Смакс. 1,6 есе жоғарылауын туындатты. Орташа бүйрек жеткіліксіздігі бар пациенттерде эритромицин қолдану бүйрек функциясы қалыпты пациенттермен салыстырғанда орташа AUC 2,0 есе және Смакс 1,6 есе жоғарылауын туындатты. Эритромициннің әсері бүйрек жеткіліксіздігінің әсерін толықтырады. CYP3A4 орташа тежегіші болып саналатын флуконазол (тәулігіне бір рет 400 мг) ривароксабанның орташа AUC 1,4 есе ұлғаюына және орташа Cмакс 1,3 есе ұлғаюына әкеледі. Флуконазолмен өзара әрекеттесу пациенттердің көпшілігінде клиникалық тұрғыдан маңызды емес, бірақ жоғары қауіпті пациенттерде маңызды болуы мүмкін. Дронедаронды қолдану бойынша қолда бар клиникалық деректер шектеулі, сондықтан оны Ксарелто®-мен бірге қолданудан аулақ болу керек. Антикоагулянттар Эноксапаринді (40 мг бір реттік доза) және Ксарелто® (10 мг бір реттік доза) біріктіріп қолданғаннан кейін Ха факторға қарсы әсер етудің күшеюі байқалды, бұл қанның ұюына тесттердің қосымша өзгерістерімен (протромбиндік уақыт (ПУ), ішінара белсендірілген тромбопластин уақыты (ІБТУ)) қатар жүрмеді. Эноксапарин ривароксабанның фармакокинетикасына әсер етпеді. Қан кету қаупінің жоғарылауына байланысты пациенттер Ксарелто® басқа антикоагулянттармен бірге қолданғанда сақ болу керек. ҚҚСП / тромбоциттер агрегациясының тежегіштері Ксарелто® (15 мг) мен напроксенді 500 мг дозада бірге тағайындағаннан кейін қан кету уақытының клиникалық мәнді ұзаруы байқалмады. Дегенмен, жекелеген адамдарда анағұрлым айқын фармакодинамикалық жауап болуы мүмкін. Ксарелто® препаратын және АСҚ 500 мг дозада бірге қолданғанда клиникалық маңызды фармакокинетикалық және фармакодинамикалық өзара әрекеттесулер байқалған жоқ. 15 мг Ксарелто® және клопидогрел (екпінді дозасы 300 мг, содан кейін 75 мг демеуші доза) арасында фармакокинетикалық өзара әрекеттесу анықталған жоқ, алайда кейбір пациенттерде тромбоциттердің агрегациясымен және Р-селектин деңгейімен немесе GPIIb/IIIa рецепторларының деңгейімен өзара байланыспаған қан кету уақытының елеулі ұлғаюы анықталды. ҚҚСП (АСҚ қоса) және тромбоциттер агрегациясының тежегіштерін бір мезгілде тағайындағанда сақ болу керек, өйткені бұл препараттар, әдетте, қан кету қаупін арттырады. Серотонинді/серотонин-норэпинефринді кері қармаудың селективті тежегіші (СКҚСТ/СНКҚСТ) Басқа антикоагулянттар жағдайындағыдай, тромбоциттерге әсер етуінен СКҚСТ-мен немесе СНКҚСТ-мен бірге қолданған жағдайда пациенттердің қан кету қаупі жоғары болуы ықтимал. Ривароксабанды клиникалық бағдарламада бір мезгілде қолданғанда емдеудің барлық топтарында үлкен және шағын клиникалық маңызды қан кетулердің неғұрлым жоғары жиілігі байқалды. Варфарин Пациенттердің КДА варфариннен (Халықаралық қалыпқа келтірілген қатынас (ХҚҚ) 2,0-ден 3,0-ге дейін) Ксарелто® препаратына (20 мг) немесе Ксарелто® препаратынан (20 мг) варфаринге ауысуы ПУ/ХҚҚ (Неопластин реагенті) әсерлерін қарапайым жинақтау кезінде күткеннен көп дәрежеде арттырды (ХҚҚ-ның жекелеген мәндері 12-ге жетуі мүмкін), ал ІБТУ-ға әсер ету, Ха фактор белсенділігі мен тромбиннің эндогендік потенциалын бәсеңдету кезінде аддитивті болды. Осындай өтпелі кезең кезінде ривароксабанның фармакодинамикалық әсерлерін зерттеу қажет болғанда варфарин әсер етпейтін қажетті тест ретінде анти-Ха факторының белсенділікті, PiCT және HepTest анықтамаларын пайдалануға болады. Варфаринді тоқтатқаннан кейінгі 4-ші күннен бастап талдаулардың барлық нәтижелері (соның ішінде ПУ, ІБТУ, Ха фактор белсенділігінің тежелуі және ТЭП (тромбиннің эндогендік потенциалы)) Ксарелто® әсерін ғана көрсетеді. Өтпелі кезең кезінде варфариннің фармакодинамикалық әсерлерін зерттеу қажет болғанда C0 ривароксабан (Ксарелтоның® алдыңғы дозасын қабылдағаннан кейін 24 сағат өткен соң ривароксабанның қаңдағы концентрациясы) аясында ХҚҚ анықтамасын пайдалануға болады, өйткені Ксарелто® осы кезеңде осы көрсеткішке ең аз әсер етеді. Варфарин мен Ксарелто® арасында фармакокинетикалық өзара әрекеттесулер байқалмаған. CYP3A4 индукторлары Ксарелто® мен CYP3A4 рифампициннің күшті индукторын бірге тағайындау ривароксабанның орташа AUC шамамен 50%-ға төмендеуіне және оның фармакодинамикалық әсерінің қатар азаюына әкелді. Ксарелто® басқа күшті CYP3A4 индукторларымен (мысалы, фенитоин, карбамазепин, фенобарбитал немесе тесілген шайқурай) бірге қолдану ривароксабанның плазмадағы концентрациясының төмендеуіне әкелуі мүмкін. Сондықтан тромбоз белгілері мен симптомдарына қатысты пациентті мұқият бақылаусыз, CYP3A4 күшті индукторларымен бірге Ксарелто® тағайындаудан аулақ болу керек. Басқа қатар жүретін ем Ривароксабан мен мидазолам (CYP3A4 субстраты), дигоксин (гликопротеин Р субстраты) немесе аторвастатин (CYP3A4 субстраты және гликопротеин Р) немесе омепразол (протонды помпа тежегіші) арасында клиникалық маңызды фармакокинетикалық немесе фармакодинамикалық өзара әрекеттесулер байқалған жоқ. Ксарелто® CYP3A4 сияқты CYP цитохромының негізгі изоферменттерін тежемейді немесе индукцияламайды. Зертханалық параметрлер Ксарелто® әсер ету механизмінің арқасында қанның ұю параметрлеріне (ПУ, ІБТУ, HepTest) әсер етеді деп күтілуде.

Сақтау мерзімі 3 жыл Сұйылтқаннан кейін ішке қабылдау үшін суспензия 14 күн бойы тұрақты болады. Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек. Мұздатып қатыруға болмайды. Сұйылтқаннан кейін тік күйінде сақтау керек. Балалардың қолы жетпейтін жерде сақтау керек!