Ксефокам лиофилизат 8 мг

Бір құтының ішінде белсенді зат–лорноксикам, 8 мг, қосымша заттар: маннитол, трометамол, динатрий эдетаты. Сыртқы түрінің, иісінің, дәмінің сипаттамасы Сары түсті ұнтақ Дайындалған ерітінді: көзге көрінетін механикалық қоспалары жоқ сары мөлдір сұйықтық

• ересектерде ауырлығы жеңілден орташа дәрежеге дейінгі жедел ауыру синдромын қысқа мерзімді симптоматикалық емдеу

Әсер ету механизмі Лорноксикам анальгезиялы қасиеттері бар қабынуға қарсы стероидты емес дәрі болып табылады және оксикамдар класына жатады. Лорноксикамның әсер ету механизмі негізінен простагландиндер синтезінің тежелуімен (циклооксигеназа ферментінің тежелуімен) байланысты, бұл шеткері ноцицепторлардыңдесенсибилизациясына және қабынудың бәсеңдеуіне әкеледі. Сондай-ақ, ноцицепторларға орталық әсері болжанады, бұл қабынуға қарсы әсермен байланысты болмауы мүмкін. Фармакодинамикалық әсерлері Лорноксикам тіршілік әрекетінің негізгі көрсеткіштеріне (мысалы, дене температурасы, тыныс алу жиілігі, жүрек жиырылу жиілігі, артериялық қысым, ЭКГ, спирометрия) әсер етпейді. Клиникалық тиімділігі және қауіпсіздігі Лорноксикамның анальгезиялы қасиеттері препаратты әзірлеу барысында бірнеше клиникалық зерттеулерде сәтті көрсетілді. Асқазан-ішек жолының жергілікті тітіркенуіне және простагландиндер синтезінің тежелуіне байланысты жүйелік ульцерогенді әсеріне байланысты лорноксикаммен емдеу басқа ҚҚСД-мен болған жағдайдағы сияқты, асқазан-ішек жолы тарапынан асқынулар байқалатын жағымсыз әсерлермен жиі байқалады.

Бұл дәрілік түрін ауыруды тез жеңілдету қажет болған жағдайда немесе препаратты таблетка түрінде пероральді қабылдау мүмкін болмаған жағдайда қолданылады. Емдеу, әдетте, емді бастау мақсатында ғана бір реттік инъекцияны білдіреді. Барлық пациенттерге арналған дозалау режимі емдеуге жеке жауап негізінде таңдалуы тиіс. Жағымсыз құбылыстардың даму қаупін төмендету үшін ең төменгі тиімді дозаны ең төменгі ықтимал қысқа курспен пайдалану керек. Дозалау режимі Ұсынылған доза: Бір реттік доза - вена ішіне (в/і) немесе бұлшықет ішіне (б/і) инъекция түрінде 8 мг. Тәуліктік дозасы 16 мг-ден аспауы тиіс. Кейбір пациенттер алғашқы 24 сағатта қосымша 8 мг препаратты қажет етуі мүмкін. Енгізу әдісі мен жолы Бұл дәрілік препарат в/і немесе б/і инъекция түрінде бір рет қолдануға арналған. Инъекцияға арналған ерітіндіні құтының ішіндегісін (8 мг Ксефокам ұнтағы) инъекцияға арналған сумен (2 мл) еріту жолымен тікелей пайдаланар алдында дайындайды. Ерітіндіні дайындағаннан кейін инені ауыстырады. Б/і инъекция үшін бұлшықет ішіне терең инъекция жасау үшін жеткілікті ұзындықтағы инені пайдалану керек. Ерітіндіні вена ішіне енгізу ұзақтығы кемінде 15 секунд құрауы тиіс, бұлшықет ішіне - кемінде 5 секунд. Лорноксикам 0,9 % NaCl ерітіндісімен, 5 % декстроза ерітіндісімен (глюкозамен) және Рингер ерітіндісімен үйлесімділігін көрсетті. Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер Егер сізде осы препаратты қолдану бойынша қосымша сұрақтар туындаса, өз емдеуші дәрігеріңізге немесе фармацевтке хабарласыңыз.

• әсер етуші затқа немесе қосымша заттардың кез келгеніне аса жоғары сезімталдық • тромбоцитопения • қабынуға қарсы стероидты емес басқа да дәрілерге (ҚҚСД), оның ішінде ацетилсалицил қышқылына (демікпе, ринит, ангионевроздық ісіну немесе есекжем кезіндегі сияқты симптомдар) аса жоғары сезімталдық • жүректің ауыр жеткіліксіздігі • асқазан-ішектен қан кету, цереброваскулярлық қан кету немесе қан ұюының басқа да бұзылулары • алдыңғы ҚҚСД емімен байланысты анамнезінде асқазан-ішек жолынан қан кетудің немесе тесілуінің болуы • белсенді түрдегі немесе анамнезіндегі қайталанатын пептидтік ойықжаралар/қан кету (дәлелденген ойықжараланудың немесе қан кетудің екі немесе одан көп жеке эпизоды) • бауыр функциясының ауыр бұзылулары • бүйрек функциясының ауыр бұзылулары (сарысу креатинині > 700 мкмоль/л) • жүктіліктің үшінші триместрі

ҚҚСД қолданған кезде асқазан-ішек жолы тарапынан жағымсыз құбылыстар жиі байқалады. Пептидтік ойықжаралар, АІЖ тесілуі немесе қан кету, кейде өліммен аяқталатыны, әсіресе егде жастағы адамдарда болуы мүмкін. ҚҚСД қабылдағаннан кейін жүрек айну, құсу, диарея, метеоризм, іш қату, диспепсия, іштің ауруы, мелена, қан құсу, ойықжаралы стоматит, колит өршуі және Крон ауруы жағдайлары туралы хабарланған. Гастрит жиі байқалмады. Лорноксикаммен емделетін пациенттердің шамамен 20 %-да жағымсыз реакциялардың дамитынын күтуге болады. Лорноксикамның ең жиі жағымсыз әсерлерінің қатарына жүректің айнуы, диспепсия, қорытпау, іштің ауруы, құсу және диарея жатады. Жүргізілген зерттеулерде бұл симптомдар, әдетте, пациенттердің 10 %-дан азында пайда болды. ҚҚСД емнің аясында ісінулер, артериялық гипертензия және жүрек жеткіліксіздігі байқалды. Клиникалық зерттеулер барысында алынған ақпарат және эпидемиологиялық деректер кейбір ҚҚСД (әсіресе жоғары дозаларда ұзақ уақыт бойы емдегенде) қолдану артериялық тромбоздық асқынулардың (мысалы, миокард инфарктісі немесе инсульт) қаупінің артуымен астасқан болуы мүмкін деп болжауға мүмкіндік береді. Ерекше жағдайларда желшешек кезінде тері мен жұмсақ тіндер тарапынан күрделі инфекциялық асқынулар туындауы мүмкін. Ксефокам препаратын қолданумен астасқан жағымсыз әсерлер төменде сипатталған. Жиі (10 адамға шаққанда 1 жағдайға дейін) • бастың жеңіл және қысқа мерзімді ауыруы, бас айналу; • көзден бөлінділердің ағуы (конъюнктивит); • жүрек айну, іштің ауыруы, асқазанның бұзылуы, диарея және құсу. Жиі емес (100 адамға шаққанда 1 жағдайға дейін) • салмақ тастау (анорексия), ұйықтай алмау (ұйқысыздық), депрессия; • бас айналу сезімі, құлақтың шыңылдауы (тиннитус); • жүрек жеткіліксіздігі, жүректің жиі соғуы, тахикардия, бетке қан кернеу сезімі; • аллергия нәтижесінде мұрынның бітелуі (ринит); • іш қату, газдың шектен тыс түзілуі (метеоризм), кекіру, ауыздың құрғауы, гастрит, пептидтік ойықжара, іштің жоғарғы бөлігінің ауыруы, он екі елі ішектің ойықжарасы, ауыз қуысындағы ойықжаралар; • бауыр ферменттері белсенділігінің жоғарылауы (қан талдауы бойынша анықталған); • бөртпе, қышыну, аса тершеңдік, терінің қызаруы (эритема), ангионевроздық ісіну (терінің, әдетте беттің терең қабаттарының жылдам ісінуі), аллергиялық бөртпе (есекжем), шаштың түсуі (алопеция); • буындардың ауыруы (артралгия); • өзін-өзі нашар сезіну (дімкәстік) беттің ісінуі. Сирек (1000 адамға шаққанда 1 жағдайға дейін) • тамақтың ауыруы (фарингит); • анемия, қан жасушалары санының азаюы (тромбоцитопения және лейкопения); • анафилактоидты реакцияларды және анафилаксияны қоса, аса жоғары сезімталдық (әдетте беттің ісінуімен, бетке қан кернеуімен, тыныс алудың қиындауымен және естен тану алдындағы жағдаймен сипатталатын организмнің реакциясы); • сананың шатасуы, күйгелектік, қозу, ұйқышылдық (ұйқы қысқанда), парестезия (шаншу сезімі), дәм сезу қасиеттерінің өзгеруі, тремор, бас сақинасы, көрудің бұзылуы; • жоғары артериялық қысым, ысыну; • қан кету, гематомалар (көгеру), қан ұю уақытының ұзаруы; • тыныс алудың қиындауы (ентігу), жөтел, бронх түйілуі; • ойықжараның тесілуі, қан құсу, асқазан-ішек жолынан қан кету, қара май тәрізді нәжіс; • ауыз қуысының қабынуы, эзофагит (өңештің қабынуы), гастроэзофагеальді рефлюкс, жұтынудың қиындауы, афтозды стоматит (ойықжаралы), тілдің қабынуы; • бауыр функциясын бағалау нәтижелерінде қалыптан ауытқулар; • тері проблемалары, мысалы, экзема, бөртпе; • сүйектердің ауыруы, бұлшықет түйілуі, бұлшықет ауыруы; • түнде ояну және кіші дәретке бару (никтурия) сияқты несеп шығару проблемалары немесе қанда мочевина және креатинин деңгейінің жоғарылауы; • әлсіздік, шаршау. Өте ирек (10000 адамға шаққанда 1 жағдайға дейін) • ҚҚСД бүкіл классына тән әсерлер: нейтропения, агранулоцитоз, аплазиялық анемия, гемолитиздік анемия, бүйрекке нефроуытты әсер; • асептикалық менингит; • бауырдың зақымдануы, гепатит (бауырдың қабынуы), сарғаю, холестаз (бауырдан өттің ағып келуінің тоқтауы); • көгеру, ісіну, терінің ауыр бұзылулары (Стивенс-Джонсон синдромы, уытты эпидермалық некролиз). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қазіргі кезде артық дозалану тәжірибесі жоқ, сондықтан оның салдарын анықтауға немесе оны тоқтату жөнінде нақты шаралар ұсынуға мүмкіндік жоқ. Дегенмен, лорноксикаммен артық дозаланғаннан кейін мынадай симптомдар туындауы мүмкін: жүрек айну, құсу, церебральды симптомдар (бас айналу, көрудің бұзылуы). Сондай-ақ, комаға және құрысуға ұласатын атаксия, бауыр мен бүйректің зақымдануы және қан ұюының ықтимал бұзылуы сияқты ауыр симптомдар дамуы мүмкін. Нақты немесе күмәнді артық дозаланған жағдайда дәрілік затты тоқтату керек. Қысқа жартылай шығарылу кезеңін ескере отырып, лорноксикам организмнен тез шығарылады. Лорноксикам қаннан диализ кезінде шығарылмайды. Осы сәтке дейін спецификалық антидоты белгісіз. Мысалы, асқазан-ішек бұзылыстарын емдеу үшін простагландин немесе ранитидин аналогтары қолданылуы мүмкін. Дәрілік препараттардың бір немесе бірнеше дозасын өткізіп алу кезіндегі қажетті шаралар Өткізілген дозаның орнына препараттың екі есе дозасын енгізуді сұрамауыңыз керек.

Лорноксикам тромбоциттер агрегациясын азайтады және қанның ұю уақытын ұзартады. Демек, қан кетуге бейімділігі жоғары пациенттерге тағайындағанда сақ болу керек. Пациенттердің келесі санатына Ксефокамды пайда-қауіпін мұқият бағалағаннан кейін ғана тағайындау керек: • бүйрек функциясы бұзылған пациенттер: лорноксикам бүйрек функциясының жеңіл (сарысу креатинині: 150-300 мкмоль/л) және орташа (сарысу креатинині: 300-700 мкмоль/л) бұзылуы бар пациенттерде сақтықпен қолданған жөн, себебі бүйрек простагландиндері бүйрек қанағымын демеуді қамтамасыз етеді. Емдеу кезінде бүйрек функциясы нашарлаған жағдайда Ксефокам препратымен емді тоқтату керек • бүйрек функциясын бақылау: • ауқымды хирургиялық араласуды бастан өткерген • жүрек жеткіліксіздігі бар, • диуретиктермен немесе бүйрек зақымдануын туындатуы мүмкін дәрілік препараттармен қатарлас емделіп жүрген пациенттерге көрсетілген • қан ұюының бұзылуы бар пациенттер: мұқият клиникалық мониторинг жүргізу және зертханалық бағалауды (мысалы, ішінара белсендірілген тромбопластиндік уақыт (ІБТУ)) орындау ұсынылады • бауыр функциясының бұзылуы бар (мысалы, бауыр циррозы) пациенттер: бауыр функциясының бұзылуы бар пациенттерге клиникалық мониторинг пен зертханалық бағалауды тағайындау ұсынылады, өйткені 12-ден 16 мг дейінгі тәуліктік дозалармен емдеу аясында мұндай пациенттерде лорноксикам жинақталуы (AUC артуы) мүмкін. Осы фактіні қоспағанда, бауыр функциясының бұзылуы дені сау адамдарда осындаймен салыстырғанда лорноксикамның фармакокинетикалық параметрлеріне әсер етпейді • 65 жастан асқан егде жастағы пациенттер: бүйрек пен бауыр функциясына мониторинг жасау ұсынылады. Хирургиялық араласуды бастан өткерген егде пациенттерді емдегенде сақ болу керек ҚҚСД бірге қолдану Лорноксикам мен ҚҚСД, оның ішінде циклооксигеназа-2 селективті тежегіштерін бірге қолданбау керек. Жағымсыз құбылыстардың даму қаупін төмендету үшін ең төменгі тиімді дозаны ең төменгі ықтимал қысқа курспен пайдалану керек. Асқазан-ішектің ойықжаралары, қан кету және тесілу Емделу процесінде кез келген уақытта пайда болатын, ескерту симптомдары бар немесе онсыз немесе анамнезінде АІЖ-нің елеулі бұзылуларының болуымен білінетін, өлімге әкелуі мүмкін АІЖ-дан қан кету, ойықжаралануы мен тесілуі барлық ҚҚСД қолдану аясында тіркелген. АІЖ-дан қан кету, ойықжаралар немесе тесілудің пайда болу қаупі ҚҚСД дозалары жоғарылағанда, анамнезінде ойықжаралы ауруы бар пациенттерде, әсіресе ол қан кетумен немесе тесілумен асқынғанда және егде жастағы пациенттерде артады. Бұл пациенттер емдеуді ең аз ықтимал дозадан бастау керек. Мұндай пациенттерге, сондай-ақ төмен дозаларда ацетилсалицил қышқылын немесе асқазан-ішек жолы тарапынан бұзылулардың туындау қаупін арттыра алатын басқа да дәрілік заттарды (төмендегі ақпаратты қараңыз) бір мезгілде қабылдауды қажет ететін пациенттерге гастропротекторлармен (мысалы, мизопростол немесе протонды помпа тежегіштері) біріктірілген ем тағайындау мүмкіндігін қарастыру керек. Тұрақты аралықпен клиникалық мониторинг жүргізу ұсынылады. Анамнезінде АІЖ тарапынан уытты құбылыстары бар пациенттер, бірінші кезекте егде жастағы адамдар, әсіресе емдеудің бастапқы кезеңдерінде кез келген ерекше абдоминальді симптомдары (ең алдымен АІЖ қан кету белгілері туралы) туралы хабарлау қажеттігі туралы хабардар болуы тиіс. Ойықжаралану немесе қан кету қаупін арттыра алатын дәрілік заттарды, мысалы, пероральді кортикостероидтар, варфарин сияқты антикоагулянттар, серотонинді кері қармайтын селективті тежегіштері немесе ацетилсалицил қышқылы сияқты тромбоцитке қарсы препараттарды бір мезгілде қабылдайтын пациенттерге сақтық шараларын сақтауды ұсыну керек. Ксефокам қабылдайтын пациенттерде АІЖ-дан қан кету немесе ойықжаралар туындаған кезде емдеуді тоқтату қажет. ҚҚСД бұл аурулардың асқынуы мүмкін болғандықтан анамнезінде АІЖ (мысалы, ойықжаралы Колит, Крон ауруы) аурулары бар пациенттерде сақтықпен қолдану керек. Егде жастағы пациенттер Егде жастағы пациенттерде ҚҚСД-ға жағымсыз реакциялардың, әсіресе өмірге қауіпті болуы мүмкін асқазан-ішектен қан кету мен тесілудің анағұрлым жоғары пайда болу жиілігі байқалады. Жүрек-қантамырлық және цереброваскулярлық әсерлер Артериялық гипертензияға және/немесе жүректің ауырлығы жеңілден орташа дәрежеге дейін іркілістік жеткіліксіздігіне шалдыққан немесе бұрын шалдыққан пациенттерге тиісті мониторинг және медициналық кеңес қажет, өйткені ҚҚСД емінің аясында сұйықтықтың іркілу және ісіну жағдайлары туралы хабарланған. Клиникалық зерттеулер барысында алынған ақпарат және эпидемиологиялық деректер кейбір ҚҚСД, әсіресе жоғары дозаларда және ұзақ емдеу курстары аясвнда қолдану артериялық тромбоздық асқынулардың (мысалы, миокард инфарктісі немесе инсульт) қаупінің артуымен астасқан болуы мүмкін деп болжауға мүмкіндік береді. Лорноксикамды қабылдағанда мұндай қауіпті болдырмау үшін жеткілікті деректер алынған жоқ. Бақыланбайтын гипертензиясы, жүректің іркілістік жеткіліксіздігі, диагностикаланған жүректің ишемиялық ауруы, шеткері артериялар ауруы және/немесе цереброваскулярлық ауруы бар пациенттерге лорноксикаммен емдеуді оның мақсаттылығын мұқият бағалағаннан кейін ғана тағайындауға болады. Дәл осындай бағалауды жүрек-қантамыр ауруларының (мысалы, гипертензия, гиперлипидемия, қант диабеті, темекі шегу) даму қаупі факторлары бар пациенттерді ұзақ мерзімді емдеу басталғанға дейін орындау қажет. Спинальді немесе эпидуральді анестезия аясында ҚҚСД мен гепаринді бір мезгілде тағайындау спинальді/ эпидуральді гематоманың туындау қаупін арттырады. Терінің бұзылулары ҚҚСД қолдану аясында эксфолиативті дерматит, Стивенс-Джонсон синдромы және уытты эпидермалық некролиз сияқты аса сирек жағдайлар тіркелді, олардың кейбіреулері өліммен аяқталған. Пациенттер емдеу курсының басында ең үлкен қауіпке ұшырайды, көп жағдайда мұндай реакциялардың симптомдары емнің бірінші айында пайда болады. Тері бөртпелері, шырышты қабықтардағы ойықжаралар немесе басқа да аса жоғары сезімталдық белгілері пайда болған жағдайда Ксефокам препаратын қолдануды дереу тоқтату керек. Респираторлық бұзылулар Препаратты бронх демікпесіне шалдыққан немесе бұрын шалдыққан пациенттерге тағайындағанда сақ болу керек, өйткені ҚҚСД осындай пациенттерде бронх түйілуін қоздыруы мүмкін. Жүйелі қызылжегі және дәнекер тіннің аралас аурулары Жүйелі қызылжегі және дәнекер тіннің аралас аурулары бар пациенттерді емдегенде сақ болу керек, өйткені мұндай пациенттер асептикалық менингиттің жоғары қаупіне ұшырауы мүмкін. Нефроуыттылық ҚҚСД мен такролимусты бірге қолдану бүйректегі простациклин синтезінің азаюына байланысты нефроуыттылық қаупінің артуына әкелуі мүмкін. Сондықтан біріктірілген ем алатын пациенттерге бүйрек функциясына қатаң мониторинг жасау көрсетілген. Зертханалық көрсеткіштердің қалыптан ауытқуы Көптеген ҚҚСД қабылдағандағыдай, сарысудағы трансаминазалар деңгейінің мезгіл мезгіл жоғарылағаны, сарысудағы билирубиннің немесе бауыр функциясының басқа да көрсеткіштерінің жоғарылағаны, сондай-ақ сарысудағы креатинин деңгейінің және қандағы мочевина азоты деңгейінің жоғарылағаны және зертханалық көрсеткіштердің басқа да ауытқулары байқалды. Егер осы ауытқулардың қандай да бірі елеулі немесе тұрақты болса, Ксефокам препаратын қабылдауды тоқтату және тиісті тексерулер тағайындау қажет. Арнайы сақтандырулар Егде жастағы пациенттер Бүйрек немесе бауыр функциясы бұзылған науқастарды қоспағанда, 65 жастан асқан егде жастағы пациенттерге дозаны арнайы түзету қажет емес. Бірақ сонда да Ксефокамды сақтықпен қолдану керек, өйткені пациенттердің осы тобы асқазан-ішек жолы тарапынан жағымсыз әсерлерді нашар көтереді. Бүйрек жеткіліксіздігі бар пациенттер Бүйрек функциясының жеңіл немесе орташа бұзылуы бар пациенттер үшін дозаны төмендету мәселесін қарастыру керек. Бүйрек функциясының ауыр бұзылуы бар пациенттерге лорноксикам қарсы көрсетілімді. Бауыр жеткіліксіздігі бар пациенттер Бауыр функциясының орташа бұзылуы бар пациенттер үшін дозаны төмендету туралы мәселені қарастыру керек. Бауыр функциясының ауыр бұзылуы бар пациенттерге лорноксикам қарсы көрсетілімді. Педиатрияда қолдану Ксефокамды 18 жасқа толмаған балалар мен жасөспірімдерде қауіпсіздігі және тиімділігі туралы деректердің болмауына байланысты қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лорноксикаммен емделу аясында бас айналу және/немесе ұйқышылдық туындайтын пациенттер автокөлікті басқарудан және жабдықпен жұмыс істеуден бас тартуы тиіс.

Лорноксикамды жүктіліктің үшінші триместрінде қолдануға болмайдыжәне жүкті әйелдерде препаратты қолдану бойынша клиникалық деректердің болмауына байланысты оны бірінші және екінші триместрде және босану кезінде қабылдамаған жөн. Бала емізу Лорноксикамның адамның емшек сүтіне өтетіні туралы деректер жоқ. Лорноксикам лактациялайтын егеуқұйрық сүтіне салыстырмалы жоғары концентрацияларда өтеді. Лорноксикам бала емізетін әйелдерде қолданылмауы тиіс. Фертильділік Циклооксигеназаның/простагландиндердің синтезін дұрыс тежейтін кез келген басқа препарат сияқты лорноксикам қабылдау ұрпақ өрбіту функциясына теріс әсер етуі мүмкін және жүктілікті жоспарлайтын әйелдерге ұсынылмайды. Бала көтере алмай жүрген немесе бедеулікке байланысты тексеруден өтіп жүрген әйелдерге қатысты лорноксикамды тоқтату мүмкіндігін қарастыру керек.

Ксефокам препаратын және мыналарды бір мезгілде қолданғанда: • циметидинмен: плазмадағы лорноксикам концентрациясы жоғарылайды, бұл лорноксикамның (лорноксикам мен ранитидин немесе антацидтердің арасында ешқандай өзара әрекеттесу анықталған жоқ) жағымсыз әсерлері қаупінің жоғарылауына әкелуі мүмкін. • антикоагулянттармен: антикоагулянттардың мысалы, варфариннің әсері күшеюі мүмкін. Халықаралық қалыптасқан қатынасқа (ХҚҚ) қатаң мониторинг жүргізу қажет • фенпрокумонмен: фенпрокумонның емдік әсері төмендеуі мүмкін • спинальді немесе эпидуральді анестезия аясында гепаринмен: бір мезгілде қолданған кезде қан кету және спинальді және эпидуральді гематоманың туындау қаупі артады. • ангиотензин өзгертуші ферменттің (АӨФ) тежегіштерімен: АӨФ тежегіштерінің гипертензияға қарсы әсері төмендеуі мүмкін • диуретиктермен: ілмекті диуретиктердің, тиазидті диуретиктердің және калий сақтағыш диуретиктердің (гиперкалиемия және нефроуыттылық қаупінің жоғарылауы) диурездік және гипертензияға қарсы әсерлері азаюы мүмкін. • бета-адренергиялық рецепторлардың блокаторларымен: гипертензияға қарсы тиімділігі төмендеуі мүмкін • ангиотензин ІІ рецепторлары блокаторларымен: гипертензияға қарсы тиімділігі төмендеуі мүмкін • дигоксинмен: дигоксиннің бүйрек клиренсі төмендеуі мүмкін, бұл дигоксиннің уыттылық қаупінің артуына әкеледі • кортикостероидтармен: асқазан-ішектегі ойықжаралар немесе қан кету қаупі артады • хинолонды антибиотиктермен (мысалы, левофлоксацин, офлоксацин): құрысу талмасы қаупінің артуы • тромбоцитке қарсы препараттармен (мысалы, клопидогрел): қан кету қаупінің артуы • басқа ҚҚСД-мен: асқазан-ішек жолынан қан кету немесе ойықжаралану қаупінің артуы. • метотрексатпен: метотрексаттың сарысудағы концентрациясының жоғарылауы. Нәтижесінде уыттылық артуы мүмкін. Біріктірілген емді жүргізу қажет болғанда қатаң мониторинг жасау керек • серотонинді кері қармайтын селективті тежегіштермен (СКҚСТ): қан кету қаупінің жоғарылуы • литиймен: ҚҚСД литийдің бүйрек клиренсін тежейді, нәтижесінде литийдің сарысу концентрациялары уытты деңгейге дейін жоғарылауы мүмкін. Сондықтан сарысудағы литий деңгейі, әсіресе емдеудің басында, дозаны таңдағанда және емді тоқтатқан кезде бақылануы тиіс • циклоспоринмен: циклоспориннің сарысудағы концентрациясының жоғарылауы. Циклоспорин нефроуыттылығы бүйрек простагландиндеріне әсер етуіне байланысты ҚҚСД әсерінен жоғарылауы мүмкін Біріктірілген ем барысында бүйрек функциясының көрсеткіштерін бақылау қажет • сульфонилмочевина туындыларымен (мысалы, глибенкламид): гипогликемия қаупінің артуы • CYP2C9 белгілі индукторларымен және тежегіштерімен: лорноксикам (Р450 2С9 (CYP2C9 изоферменті) Р450 цитохромының қатысуымен метаболизденетін басқа да ҚҚСД сияқты) CYP2C9 изоферментінің белгілі индукторларымен және тежегіштерімен өзара әрекеттеседі • такролимуспен: бүйректе простациклин синтезінің төмендеуі нәтижесінде нефроуыттылық қаупінің жоғарылауы. Біріктірілген ем барысында бүйрек функциясының көрсеткіштерін бақылау қажет • пеметрекседпен: ҚҚСД пеметрекседтің бүйрек клиренсін төмендетуі мүмкін, бұл бүйрекке және асқазан-ішек жолына уытты әсерінің күшеюіне, сондай-ақ миелосупрессияға әкелуі мүмкін

Сақтау мерзімі 3 жыл Дайындалған ерітіндіні 24 сағат ішінде пайдалану қажет! Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде 25оС-ден аспайтын температурада сақтау керек Балалардың қолы жетпейтін жерде сақтау керек!