Куленто гранулы 4 мг

Бір пакеттің ішінде белсенді зат – натрий монтелукасты 4.16 мг (4 мг монтелукастқа баламалы), қосымша заттар: маннит, гидроксипропилцеллюлоза (L-HPC), магний стеараты, тазартылған су***. *** - Дайын өнімнің құрамына кірмейді Сыртқы түрінің, иісінің, дәмінің сипаттамасы Ақтан ақ дерлік түске дейінгі бір текті түйіршіктелген ұнтақ.

Препарат ингаляциялық глюкокортикостероидтарды (ГКС) қабылдау арқылы жеткіліксіз бақыланатын, сондай-ақ қысқа әсер ететін β-агонистерді «қажет болған жағдайда» қолдану БД-ны жеткілікті клиникалық бақылауды қамтамасыз етпейтін, 6 айдан 5 жасқа дейінгі персистерлейтін БД-ға шалдыққан пациенттерде бронх демікпесін (БД) (қосымша ем ретінде) емдеу үшін көрсетілген. Препарат 2 жастан 5 жасқа дейінгі персистирлейтін жеңіл дәрежелі БД бар пациенттерде, соңғы уақытта пероральді ГКС қолдануды талап ететін БД ауыр ұстамалары болмаған пациенттерде, сондай-ақ ингаляциялық ГКС қолдана алмайтын пациенттерде ингаляциялық ГКС төмен дозаларының орнына таңдау емі болуы мүмкін. Препарат сонымен қатар 2 жастағы және одан үлкен пациенттерде БД профилактикасы үшін көрсетілген, оларда басым компонент физикалық белсенділіктен туындаған бронх түйілуі болып табылады.

Әсер ету механизмі Цистеин лейкотриендері (LTC4, LTD4, LTE4) әртүрлі жасушалардан, соның ішінде мастоциттер мен эозинофилдерден босап шығатын әсері күшті қабыну эйкозаноидтері болып табылады. Тыныс алу жолдарының цистеинлейкотриен рецепторларымен (CysLT) байланысқан бұл маңызды демікпелік медиаторлар бронхоконстрикция, шырыштың бөлінуі, тамырлар өткізгіштігінің жоғарылауы және эозинофилдердің жинақталуы сияқты реакцияларды туындатады. Фармакодинамикалық әсерлері Монтелукаст - CysLT1 рецепторымен жоғары аффиндікке және селективтілікке байланысты пероральді белсенді қосылыс болып табылады. Клиникалық зерттеулердің нәтижелері бойынша монтелукаст 5 мг дейінгі дозаларда LTD4 ингаляциясы аясында бронхоконстрикцияны басатыны анықталды. Бронходилатация монтелукастты ішке қабылдағаннан кейінгі 2 сағат ішінде байқалады, сонымен қатар, β-агонистермен бірге монтелукаст аддитивтік бронхдилатациялайтын әсер беретіні анықталды. Монтелукаст антигендік стимуляциядан туындаған бронхоконстрикцияның ерте және кеш фазаларын тежеді. Бұл плацебоға қарағанда ересек пациенттер мен балалардағы шеткері қандағы эозинофилдердің санын азайтты. Монтелукастпен емдеудегі жеке зерттеуде тыныс алу жолдарындағы эозинофилдер құрамының айтарлықтай төмендеуі байқалды (қақырықты талдауға сәйкес). Ересектер мен 2 жастан 14 жасқа дейінгі балаларда монтелукаст плацебоға қарағанда шеткері қандағы эозинофилдердің санын азайтты, сонымен бірге БД клиникалық бақылауын жақсартты.

Дозалау режимі Куленто препаратын балаларға ересектердің бақылауымен қолдану керек. 6 айдан 5 жасқа дейінгі пациенттер үшін ұсынылатын дозасы тәулігіне бір рет, кешке бір пакетті (4 мг монтелукаст) құрайды. Бұл жас тобындағыларда дәрілік препараттың дозасын түзету қажет емес. БД бар, 6 айдан 2 жасқа дейінгі пациенттерде монтелукастты қолданудың тиімділігі жөніндегі клиникалық деректер шектеулі. Емге жауапты препарат 2-4 апта қабылданғаннан кейін бағалау керек. Емге жауап болмаған жағдайда, Куленто препаратын қолдануды тоқтату керек. 6 айға толмаған пациенттерге монтелукастты қолдану ұсынылмайды. Жалпы ұсынымдар БД симптомдарын бақылауға қатысты монтелукасттың емдік әсері дәрілік препаратты қабылдаған алғашқы тәулік ішінде байқалады. Пациенттерге БД симптомдары бақылауда болған жағдайда да, БД симптомдары асқынған жағдайда да Куленто препаратын қабылдауды жалғастыру қажет. Бүйрек жеткіліксіздігі немесе ауырлығы жеңіл немесе орташа дәрежедегі бауыр жеткіліксіздігі бар пациенттерде препарат дозасын түзету талап етілмейді, бауырдың ауыр жеткіліксіздігі бар пациенттерде препаратты дозалау режиміне қатысты деректер жоқ. Еркек және әйел жынысты пациенттерге Куленто препаратын бір дозада қабылдау керек. Төмен дозаларда ингаляциялық ГКС емінің орнына жеңіл дәрежедегі персистирлейтін БД емдеудің баламалы әдісі ретінде Куленто препаратын қолдану Монтелукастпен монотерапия ауырлығы орташа дәрежедегі персистирлейтін БД шалдыққан пациенттерде ұсынылмайды. Төмен дозаларда ингаляциялық ГКС емінің орнына ауырлығы жеңіл дәрежедегі персистирлейтін БД шалдыққан 2 жастан 5 жасқа дейінгі балаларда баламалы емдеу әдісі ретінде монтелукастты қолдану мүмкіндігін жақын арада пероральді ГКС-пен емдеуді талап ететін БД ауыр ұстамалары байқалмаған және ингаляциялық ГКС қолданылмайтын пациенттер үшін ғана қарастыру керек. БД симптомдары аптасына бір реттен көп, бірақ күніне бір реттен аз байқалған кезде, түнгі симптомдар айына екі реттен артық, бірақ аптасына бір реттен аз байқалған кезде ауырлық дәрежесі жеңіл персистерлейтін БД анықталады, бұл ретте ұстамалар арасында өкпенің қалыпты функциясы сақталады. Егер бақылаудың келесі кезеңі барысында (әдетте бір ай ішінде) БД-ға тиісті бақылауға қол жеткізілмегені анықталса, онда БД емінің қадамдық жүйесіне сүйене отырып, қосымша немесе басқа қабынуға қарсы емді қолдану туралы мәселені қарау керек. БД бақылау үшін пациенттердің жағдайын мерзімді бақылау міндетті болып табылады. БД негізгі компоненті дене жүктемесімен индукцияланған бронх түйілуі болып табылатын 2 жастан 5 жасқа дейінгі пациенттерде БД профилактикасы үшін Куленто препаратын қолдану Физикалық жүктемеден туындаған және ингаляциялық ГКС емдеуді қажет ететін бронх түйілуі 2 жастан 5 жасқа дейінгі пациенттерде персистирлейтін БД-ның негізгі көріністеуі болуы мүмкін. Пациенттердің жай-күйі монтелукастпен емдеудің 2-4 аптасынан кейін бағалануы керек. Емдеуге қанағаттанарлық жауап болмаған жағдайда қосымша немесе басқа ем қолдану туралы мәселені қарастыру керек. БД емдеудің басқа әдістеріне байланысты Куленто препаратымен емдеу Куленто препараты ингаляциялық ГКС-пен бірге қосымша ем ретінде қолданылған жағдайда ингаляциялық ГКС қабылдауды күрт тоқтатпаған жөн. Пациенттердің ерекше топтары Балалар Куленто препаратын 6 айға дейінгі балаларға қолдану ұсынылмайды, осы тобында препаратты қолданудың қауіпсіздігі мен тиімділігі анықталмаған. Енгізу әдісі және жолы Ішке қабылдауға арналған. Түйіршіктерді ішке, не тікелей жұту арқылы, не болмаса қасықта салқын немесе бөлме температурасындағы жұмсақ тамақпен (мысалы, алма езбесі, балмұздақ, сәбіз және күріш) араластыра отырып қабылдайды. Пакетті дәрілік препаратты тура қолданар алдында ашу қажет, ашқаннан кейін бүкіл дозасын кідіртпей (15 минут ішінде) қабылдау керек. Тамақпен араластырған кезде препаратты кейінірек қолдану үшін сақтауға болмайды. Пакеттің ішіндегісін сұйықтықта сұйылтпау керек, алайда, дәрілік препаратты ішке қабылдағаннан кейін оны сұйықтықпен ішіп жіберуге болады. Куленто препаратын ас ішу уақытына байланыссыз қабылдауға болады.

• әсер етуші затқа немесе қосымша заттардың кез келгеніне аса жоғары сезімталдық

Клиникалық зерттеулерде алынған деректер Жиі • бас ауыруы, гиперкинезия • бронх демікпесі • іштің ауыруы, диарея • экзантематозды дерматит, бөртпе • шөлдеу Маркетингтен кейінгі кезеңде алынған деректер Өте жиі • жоғарғы тыныс алу жолдарының инфекциялары Жиі • диарея, жүрек айну, құсу • қан плазмасындағы трансаминазалар (аланинаминотрансфераза (АЛТ), аспартатаминотрансфераза (АСТ) деңгейінің жоғарылауы • бөртпе • пирексия Жиі емес • анафилаксиялық шокты қоса, аса жоғары сезімталдық реакциялары • қалыптан тыс түстер көру, соның ішінде түнгі қорқынышты түстер, ұйқысыздық, сомнамбулизм, үрей, ажитация, озбырлы немесе дұшпандық мінез-құлық, депрессия, психомоторлық қозу (ашуланшақтық, мазасыздық, треморды қоса) • бас айналу, ұйқышылдық, парестезия/гипестезия, құрысулар • мұрыннан қан кету • ауыздың құрғауы, диспепсия • гематома, есекжем, қышыну • артралгия, миалгия, бұлшықеттің түйілуін қоса • балалардағы энурез • астения/шаршау, дімкәстік, ісіну Сирек • қан кету қаупінің жоғарылауы • зейін қоюдың бұзылуы, жадының бұзылуы, тартылу • пальпитация • ангионевроздық ісіну Өте сирек • тромбоцитопения • бауырдың эозинофильді инфильтрациясы • елестеулер, бағдардан адасу, суицидтік ойлар мен мінез-құлық (суицидке бейімділік), обсессивті-компульсивті симптомдар, дисфемия • гепатит (холестаздық, гепатоцеллюлярлық және бауырдың аралас зақымдануын қоса) • Чердж-Стросс синдромы, өкпенің эозинофильді инфильтрациясы • түйінді эритема, мультиформалы эритема Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей электронды пошта: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» РМК ШЖҚ http://www.ndda.kz

Монтелукасты тәулігіне 200 мг дейінгі дозаларда (ересектер) 22 апта бойы қабылдаған бронх демікпесі бар пациенттерде ұзақ мерзімді зерттеулер барысында, сондай-ақ пациенттер дәрілік препаратты тәулігіне 900 мг дейінгі дозаларда шамамен 1 апта бойы қабылдаған қысқа мерзімді зерттеулерде клиникалық маңызды жағымсыз реакциялар байқалмады. Постмаркетингтік кезеңде және клиникалық зерттеулер кезінде ересектер мен балалар дәрілік препаратты 1000 мг (42 айлық балаларда шамамен 61 мг/кг) асатын дозаларда қабылдаған кезде монтелукастпен жедел артық дозалану жағдайлары туралы хабарланды. Бұл ретте алынған клиникалық және зертханалық деректер ересек пациенттер мен балалардағы монтелукасттың қауіпсіздік бейініне сәйкес келді. Көп жағдайда дәрілік препараттың артық дозалануы кезінде жағымсыз реакциялардың дамуы туралы хабарланбаған. Симптомдары Монтелукасттың қауіпсіздік бейініне сәйкес келетін жағымсыз реакциялар, соның ішінде іштің ауыруы, ұйқышылдық, шөлдеу, бас ауыруы, құсу және психомоторлы қозу жиі байқалды. Емі Монтелукасттың артық дозалануын емдеу туралы арнайы ақпарат жоқ. Дәрілік препараттың перитонеальді диализ немесе гемодиализ арқылы шығарылатыны белгісіз.

Пероральді немесе ингаляциялық ГКС емін монтелукаст емімен күрт алмастыруға болмайды. Арнайы ескертулер 6 айдан 2 жасқа дейінгі балаларда персистирленетін БД диагнозын педиатр немесе пульмонолог қоюы тиіс. Монтелукасттың пероральді дәрілік түрлері жедел БД ұстамаларын емдеуге арналмаған, сондықтан пациенттерде оларды тоқтату үшін әрдайым тиісті препараттар болуы керек. БД жедел ұстамасы дамыған жағдайда қысқа әсер ететін ингаляциялық β-агонистерді қолдану керек. Пациенттер қысқа әсер ететін β-агонистерінің ингаляциясын әдеттегіден жиі қолдану қажеттілігі туындаса, дереу дәрігермен кеңесу керек. Пероральді немесе ингаляциялық ГКС-мен емдеуді күрт тоқтатпау немесе монтелукастпен емге алмастырмау керек. Монтелукастпен бір мезгілде қабылдаған кезде пероральді ГКС дозасын азайтуға болатындығын көрсететін деректер жоқ. Сирек жағдайларда БД еміне арналған препараттарды, оның ішінде монтелукастты қабылдайтын пациенттерде жүйелі эозинофилия пайда болуы мүмкін, кейде васкулиттің клиникалық симптомдарының дамуымен және Чердж-Стросс синдромы деп аталатын, оны емдеу жүйелі ГКС-ті қабылдана отырып жүргізіледі. Мұндай жағдайлар кейде дозаны азайту немесе пероральді ГКС тоқтату кезінде пайда болады. Жоғарыда көрсетілген симптомдардың дамуы мен лейкотриенді рецепторлардың антагонистерімен емнің арасындағы себеп-салдарлық байланыс анықталмағанына қарамастан, пациенттерде эозинофилияның, васкулит белгілерінің, өкпе симптомдарының нашарлауының, жүрек тарапынан асқынулардың және/немесе нейропатияның туындау мүмкіндігін назарға алу керек. Ұқсас симптомдары бар пациенттерді қайта қарау керек және олардың емдеу режимін қайта қарау керек. Монтелукаст қабылдайтын ересектерде, жасөспірімдерде және балаларда жүйкелік-психикалық бұзылулардың даму жағдайлары тіркелді, сондықтан пациенттер мен дәрігерлер олардың пайда болу қаупін есте ұстауы керек. Пациенттерге және / немесе оларға күтім жасайтын адамдарға нейропсихиатриялық бұзылулар пайда болған жағдайда, олар бұл туралы емдеуші дәрігерді уақтылы хабардар етуі керек екендігі жайлы нұсқау берілуі керек. Мұндай жағдайларда дәрігер монтелукастпен емдеуді жалғастыру туралы мәселені қараған кезде қауіп пен пайда арақатынасын мұқият бағалауы керек. Монтелукастпен емдеу кезінде АСҚ-тәуелді БД шалдыққан пациенттерде ацетилсалицил қышқылын (АСҚ) немесе қабынуға қарсы стероидты емес басқа препараттарды (ҚҚСП) қолданбау керек. Куленто препаратының құрамындағы натрий мөлшері 1 ммольден аз (23 мг) құрайды бір дозасында, яғни, іс жүзінде, «натрийсіз».

Монтелукаст қабылдаған жүкті әйелдер қатысқан жарияланған проспективті және ретроспективті когорталық зерттеулердің нәтижелері дәрілік препаратты қолданумен байланысты ауыр (анағұрлым маңызды) туа біткен даму ақауларының пайда болу қаупінің жоқ екендігін көрсетеді. Зерттеулердің қолжетімді деректері іріктеменің шағын мөлшерін, ретроспективті деректер жинауды (кейбір жағдайларда), сондай-ақ тиісті емес препараттармен ем алған салыстыру топтарын пайдалануды қоса алғанда, олардың әдіснамалық шектеулерін көрсетеді. Куленто препаратын жүктілік кезінде тек, анасы үшін пайдасы шарана үшін ықтимал қаупінен асып түсетін жағдайларда ғана қолдану керек. Монтелукаст/оның метаболиттері ананың емшек сүтімен бөлініп шығатын-шықпайтындығы белгісіз. Куленто препаратын жүктілік кезінде тек, анасы үшін пайдасы бала үшін ықтимал қаупінен асып түсетін жағдайларда ғана қолдану керек. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Препарат автокөлік жүргізу және механизмдерді басқару қабілетіне әсер етпейді немесе болмашы әсер етеді. Алайда, кейбір пациенттерде бас айналу және ұйқышылдық жағдайлары байқалды.

Монтелукастты басқа дәрілік препараттармен бірге қолдануға болады, олар әдетте БД профилактикасы мен демеуші емі үшін қолданылады. Дәрілік өзара әрекеттесулерді зерттеуде монтелукаст қолдану үшін ұсынылған дозаларда мынадай препараттардың фармакокинетикасына клиникалық маңызды әсер етпегені анықталды: теофиллин, преднизон, преднизолон, пероральді контрацептивтер (этинилэстрадиол:норэтиндрон арақатынасы 35:1), терфенадин, дигоксин және варфарин. Фенобарбиталды монтелукастпен бірге қабылдайтын субъектілерде «концентрация-уақыт» қисығының (AUC) астындағы аудан мәндері соңғысы үшін 40% - ға төмендеді. Монтелукаст метаболизміне CYP3A4, 2C8 және 2C9 қатысатындықтан, оны CYP3A4, 2C8 және 2C9 индукторларымен, мысалы, фенитоинмен, фенобарбиталмен және рифампицинмен бір мезгілде қолданған кезде, әсіресе балаларда, абай болу керек. In vitro зерттеулерінде монтелукаст CYP2C8 күшті тежегіші екендігі анықталды. Алайда монтелукаст пен розиглитазонның өзара әрекеттесуін клиникалық зерттеу деректері (негізінен CYP2C8 қатысуымен метаболизденетін дәрілік зат болып табылатын эталонды субстрат) монтелукаст CYP2C8 in vivo тежемейтінін куәландырады. Сондықтан монтелукаст CYP2C8 (мысалы, паклитаксел, розиглитазон және репаглинид) қатысуымен препараттардың метаболизміне елеулі дәрежеде әсер етеді деп күтілмейді. In vitro зерттеулерінде монтелукаст CYP2C8 үшін және аз дәрежеде CYP2C9 және 3A4 үшін субстрат екендігі анықталды. Дәрілік препараттардың өзара әрекеттесуін клиникалық зерттеуде гемфиброзилмен (CYP2C8 және 2C9 тежегіші) бір мезгілде қолданғанда қан плазмасындағы монтелукаст концентрациясы 4,4 есе артқаны анықталды. Гемфиброзилмен немесе CYP2C8 басқа күшті тежегіштерімен бірге қолданған кезде монтелукаст дозасын түзету талап етілмейді, дегенмен осындай біріктірілімдерді қолданған кезде жағымсыз реакциялардың жиілігі мен ауырлығының ықтимал арту қаупін назарға алған жөн. In vitro алынған деректер негізінде монтелукасттың CYP2C8 күштілігі аздау тежегіштерімен (мысалы, триметоприм) клиникалық маңызды өзара әрекеттесуі күтілмейді. Итраконазолмен, CYP3A4 күшті тежегішімен біріктіріп қолдану кезінде қан плазмасындағы монтелукасттың концентрациясы айтарлықтай жоғарылаған жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада ылғалдан және жарықтан қорғалған жерде сақтау керек. Балалардың қолы жетпейтін жерде сақтау керек!