КУСТОДИОЛ раствор

1000 мл ерітіндінің құрамында белсенді заттар: натрий хлориді - 0.8766 г (15,0 ммоль/л); калий хлориді - 0.6710 г (9,0 ммоль/л); магний хлориді гексагидраты-0.8132 г (4,0 ммоль/л); кальций хлориді дигидраты - 0.0022 г (0.015 ммоль/л); гистидин - 27.9289 г (180,0 ммоль/л); гистидин гидрохлориді моногидраты-3.7733 г (18,0 ммоль/л); триптофан - 0.4085 г (2,0 ммоль/л); маннитол - 5.4651 г (30,0 ммоль/л); ɑ-кетоглутар қышқылы - 0.1461 г (1,0 ммоль/л); қосымша заттар: 1 л-ге дейін инъекцияға арналған су, калий гидроксиді q.s. pH 7.0-7.2. ерітіндісі Сыртқы түрінің, иісінің, дәмінің сипаттамасы Көрінетін бөлшектері жоқ мөлдір, түссіз немесе бозғылт сары түсті ерітінді

Кардиохирургиялық операцияға байланысты кардиоплегия, ишемия жағдайында (жүрек, бүйрек, бауыр) операциялар кезінде ағзаларды қорғау, оларды трансплантациялау кезінде ағзаларды (жүрек, бүйрек, бауыр, өкпе, ұйқы безі) веналық немесе артериялық сегменттермен бірге қорғау. Көп ағзалық қорғау. Қолдану басталғанға дейін қажетті мәліметтер тізбесі

Ағзаларға арналған қорғаныс ерітіндісінің екі негізгі қағидаты: - жасушаларды инактивациялау арқылы ишемия кезінде ағзаның энергетикалық қажеттіліктерін барынша азайту; - ағзаны жасанды буферлеу арқылы ишемия кезінде энергияны анаэробты (гликолиздік) өндіруді оңтайландыру. Белсендіру организмнің жүйкелер, бұлшықеттер, бауыр мен бүйрек жасушалары немесе эндокриндік ағзалардың паренхиматозды жасушалары сияқты әртүрлі жасушаларында, ұқсас түрде, атап айтқанда, сыртқы жарғақшаны деполяризациялау және цитоплазмадағы Ca2+ концентрациясын арттыру арқылы жүреді. Бұл Cа2 + жасушаішілік ұлғаюы, кем дегенде, жасушадан тыс кеңістіктен Ca2+ ішінара ағынымен байланысты. КУСТОДИОЛ ерітіндісі негізінен оның электролиттік құрамына байланысты жүректі, бүйректі және бауырды инактивациялайды. Натрий концентрациясының шамамен цитоплазмалық мәндерге дейін төмендеуі (шамамен 15 ммоль/л) және кальций концентрациясының бір мезгілде тыныштықтағы жасуша цитоплазмасындағы деңгейге дейін төмендеуі (<10 мкмоль/л) қалыпты тыныштық потенциалының мәндеріне жақын жасушалардың жарғақшалық потенциалын тұрақтандырады және жасушаішілік жасушаны белсендіретін натрий мен кальций ағынының алдын алады.

Дозалау режимі 1. Жүрек Қолдану кезінде келесі нұсқаулар: Ерітіндінің температурасы: 5° - 8° С. Перфузия көлемі: жүректік бағалау массасының 1 граммына 1 мл ерітінді (ересектер үшін жүрек массасы дене салмағының шамамен 0,5% құрайды, балаларда - 0,6%). Ересектерде аорта тамырында өлшенетін бастапқы перфузиялық қысым 100-110 мм сын.бағ. (құты немесе пакет жүрек деңгейінен 140-150 см биіктікте орналасқан), ал жүрек тоқтағаннан кейін 40-50 мм сын. бағ. (құты немесе пакет жүрек деңгейінен 50-70 см биіктікте орналасқан) болуы тиіс. Балалар мен жасөспірімдерде бастапқы қысым 80-90 мм сын.бағ. (құты немесе пакет жүрек деңгейінен 110-120 см биіктікте орналасқан), жүрек тоқтағаннан кейін 30-40 мм сын.бағ. дейін (құты немесе пакет жүрек деңгейінен 40-50 см биіктікте орналасқан) болуы тиіс. Ауыр коронарлық склерозы бар пациенттерде ұзақ уақыт бойы едәуір жоғары қысымды демеу керек. Нәрестеге / сәбиге көлемдік жүктемені болдырмау үшін барлық перфузиялық көлемді оң жақ жүрекшеден аспирация арқылы алып тастау керек. Ересектер мен балалардағы (жасөспірімдердегі) перфузия уақыты миокард аумағында концентрациялық және температуралық тепе-теңдікке қол жеткізу үшін кем дегенде 6-8 минутты құрауы тиіс. Миокард аумағындағы концентрациялық және температуралық тепе-теңдік үшін бұл уақыт ешқашан қысқартылмауы тиіс. Перфузия техникасы: ерітіндіні гидростатикалық қысыммен жүректің үстіндегі уақыт пен деңгейді мұқият бақылаумен немесе аорта тамырындағы жеткізу уақыты мен қысымын бақылай отырып, сорғының көмегімен береді. Қосымша кардиоплегиялық перфузия: егер хирург қосымша перфузия қажет деп санаса, ең алдымен ерітіндінің бастапқы температурасы 5-8°C екеніне көз жеткізу керек. Перфузия уақыты кардиоплегияның бастапқы кезеңіндегідей жылдамдықпен 2-3 минутты құрауы тиіс. Жасанды қан айналымы және жүйелік гипотермия жағдайында (27-29°C) аорта қысылғаннан кейін хирургта 180 минутқа дейін уақыт бар, оның барысында жүрек айтарлықтай қайтымсыз өзгерістерге ұшырамайды. Жүрек трансплантациясы: ауыстырып салынатын жүректі реципиентке жеткізу 2-4°C дейін салқындатылған КУСТОДИОЛ препаратында іске асырылуы тиіс. 2. Бүйрек Қолдану кезінде келесі нұсқаулар: Ерітіндінің температурасы: 5° - 8°С. Перфузия көлемі: бүйректің (ересек адамда орта есеппен 150 г) бағалау массасы 1,5 мл/мин/г. Бүйрек артериясының тамырына канюляны енгізетін жерде өлшенетін перфузия қысымы 90-110 мм сын. бағ. (ерітінді бар ыдыс бүйрек деңгейінен 120-140 см биіктікте орналасқан). Перфузия уақыты: кем дегенде 8-10 мин (ерітіндінің аралық тіндерді және бүйрек өзекшелері жүйесін қоса, жасушадан тыс кеңістікте гомогенді таралуын қамтамасыз ету үшін). Бұл уақыт ешқашан қысқартылмауы тиіс. Қосымша шаралар: перфузия басталғанға дейін несеп айдайтын дәрілердің немесе донорды гидратациялаудың көмегімен күшейтілген диурезді қамтамасыз ету ұсынылады. Перфузия техникасы: гидростатикалық перфузия бүйректің үстіндегі перфузия уақыты мен деңгейін бақылаумен немесе перфузиялық катетердің ұштығындағы уақыт пен қысымды бақылайтын сорғының көмегімен жүргізілуі тиіс. Трансплантация: донорлық бүйрек 2-4°C дейін салқындатылған КУСТОДИОЛ препаратында сақталады және тасымалданады. Ағзаны ишемиялық зақымданудан қорғау ұзақтығы 48 сағатқа жетеді. 3. Бауыр Қолдану кезінде келесі нұсқаулар: Ерітіндінің температурасы: 5° - 8°С. Перфузия көлемі: егер бауыр, ұйқы безі және бүйрек донорлық организмде сақталуы тиіс болса, дене салмағының 150 - 200 мл / кг перфузия мөлшерін сақтау керек. Осындай «жалпы қорғаныспен» бұл дене салмағы шамамен 70-80 кг болатын пациенттерде 8-12 л мөлшерінде КУСТОДИОЛ суық ерітіндісінің перфузиясына баламалы. Перфузия қысымы: гравитациялық перфузия (КУСТОДИОЛ ерітіндісі контейнерінің ұсынылатын биіктігі - операциялық үстел деңгейінен 1 метр жоғары). Перфузия уақыты: жоғарыда көрсетілген дозалауда және қысым режимінде перфузия уақыты шамамен 10-15 минутты құрайды. Перфузия уақыты кем дегенде 8 минут болуы тиіс. Қатарлас шаралар: енгізуді бастар алдында қанның қарқынды гепаринизациясын жүргізу ұсынылады. Перфузия техникасы: КУСТОДИОЛ инфраренальді аортаға немесе ағза донорының бір мықын артериясына тиісті түрде дайындалған перфузиялық түтік (ауасыз жүйе) арқылы енгізіледі. Гравитациялық перфузияның басталуымен бір мезгілде хирург донордың ішперде қуысында қуыс венаны ашады. Бұл ерітіндінің кедергісіз ағып кетуіне мүмкіндік береді. Ерітіндінің барлық көлемі ішперде қуысының барлық ағзаларын қорғауды қамтамасыз ететін ішперде аортасы арқылы енгізіледі. Өт жолдары - дененің ішінде немесе сыртында - суық КУСТОДИОЛ ерітіндісімен мұқият жуылуы керек - әдетте көлемі ең кіші 100 мл КУСТОДИОЛ ерітіндісі бар шағын калибрлі катетердің көмегімен. Егер тек бауыр немесе оның бір бөлігі (мысалы, тірі донорлық жағдайда) басқа ағзаларсыз алынса, перфузиялық көлем сәйкесінше азаяды. Перфузия уақыты кем дегенде 8 минут, әдетте 10-15 минут шешуші болып табылады. Соңғы жағдайда екеуінің талапқа сай перфузиясын қамтамасыз ету, аорта арқылы айналымы және қуыс венасы арқылы айналымы үшін шаралар қабылдануы тиіс. Трансплантация: алынған бауырды толығымен суық КУСТОДИОЛҒА батырады және бітісіп кету операциясы басталғанға дейін осы күйде сақтайды. Тасымалдау ағзаны толық батырған кезде суық КУСТОДИОЛ препаратында термоконтейнерде жүзеге асырылады. Атап көрсетілген шарттар сақталған жағдайда ағзаны ишемиядан қорғау уақыты 12-15 сағатқа жетеді. Егер бауырға ex situ операциясы жасауы тиіс болса (мысалы, ісік, энуклеация), ол бүкіл емшара барысында суық КУСТОДИОЛ ерітіндісінде сақталуы тиіс. «Стендтік емшара» аяқталғаннан кейін бауыр автоматты түрде трансплантацияланады. 4. Ұйқы безін қорғау Ұйқы безін трансплантациялау перфузиялық қысымның, ерітіндінің уақыты мен көлемінің бауырды ауыстырып салғандағыдай мәндерінде жүзеге асырылады. 5. Веналар және/немесе артериялардың трансплантаттары Веналар трансплантациясы (әдетте аяқтың үлкен тері астындағы венасының бөліктері) немесе артерия трансплантаттары (әдетте ішкі кеуде артериясының бөліктері) суық КУСТОДИОЛ препаратында (ерітінді көлемі 50-100 мл, температура 5-8°C) сақталуы мүмкін. 6. Мультиағзалық қорғау (өкпені қоспағанда) Перфузияның негізгі әдістері стандартталған және операциялық хирургия жөніндегі нұсқаулықтарда сипатталған. Перфузия техникасына қатысты, бүкіл әлемде диаметрі ең үлкен перфузиялық жүйемен гравитациялық перфузия қабылданды. КУСТОДИОЛ препаратының тіпті төмен температурасында ерітіндінің тұтқырлығы төмен болып қалады. Бұл перфузияны жүзеге асыру үшін қажетті төмен қысым мен төмен температурада үлкен көлемді енгізуге мүмкіндік береді. КУСТОДИОЛ көмегімен мультиағзалық қорғауға арналған ерітіндінің қажетті мөлшері қандай да бір белгіленген көлемге иеленбеген, бірақ перфузияның ұсынылған ең аз уақыты - шамамен 8-10 минут. Бұл суық ерітіндінің үлкен көлемін (5°C-ден 8°C-ге дейін) енгізуге байланысты тез және қанағаттанарлық салқындауға, демек, осы уақыт ішінде ағзаларды қорғауға әкеледі. 7. Донорлық ағзаны тасымалдау Жекелеген клиникаларда донорлық ағзаларды тасымалдау кезінде оларды сақтау жөніндегі ұсыныстарда айырмашылықтар болғанымен, «үштік стерильді пакет» әдістемесі ең көп таралды. Ағзаның өлшеміне байланысты алдын-ала таңдалған алғашқы стерильді пакетке ағзаның толық батырылуын қамтамасыз ететін көлемде суық КУСТОДИОЛ алдын-ала құйылады және бұл пакетті мұз салынған ыдысқа салады. Пакеттің бос жиектерін адгезивті таспамен жабыстырады және донорлық ағза бар бірінші пакетті суық КУСТОДИОЛ препараты бар екінші стерильді пакетке салады. Екі пакеттен тұратын жиынтықты қақпағы мықтап жабылған стерильді контейнерге салады, барлығын бірге мұзды ұнтақтармен толтырылған қорапқа салады. Донор мен донорлық ағзаға қатысты ақпаратты, зертханалық талдаулардың нәтижелерін және донордың қан сынамасын қоса береді. Донорлық ағзаны КУСТОДИОЛДЫҢ перфузиялық ерітіндісінде тасымалдау мүмкіндігінше тез болуы тиіс. Енгізу әдісі және жолы Жүрек тамырішілік. Перфузия үшін.

Белсенді заттарға немесе қосымша заттардың кез келгеніне аса жоғары сезімталдық. Қолдану кезінде қажет болатын сақтық шаралар Бүлінбеген контейнерлерден тек түссіз немесе бозғылт сары ерітінділерді қолдану керек. Триптофан метаболиттерімен боялған ерітінділер пайдаланылмауы тиіс. Вена ішіне немесе артерия ішіне енгізу үшін қолданылмайды.

Төменде натрий хлоридін қолданумен байланысты жағымсыз әсерлер берілген: өте жиі (≥ 1/10); жиі (≥1/100-ден < 1/10-ға дейін); жиі емес (≥1/1000-нан < 1/100-ге дейін); сирек (≥1/10 000-нан < 1/1000-ға дейін); өте сирек (< 1/10 000), жиілігі белгісіз (қол жетімді деректер негізінде анықтау мүмкін емес). Белгісіз КУСТОДИОЛ перфузияға арналған ерітіндісін емдік қолдану қан қысымының төмендеуіне әкелуі мүмкін, өйткені ерітіндіні сақтау L-гистидин және α-кетоглутар қышқылының компоненттерінен реакция өнімінің (микимопин) пайда болуына әкелуі мүмкін, бұл 1-қосалқы типтің ІІ ангиотензин рецепторларын бөгеу арқылы артериялық қысымды төмендетуі мүмкін. Күтілетін дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) жөніндегі ақпараттық дерекқорға тікелей жүгіну қажет Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

КУСТОДИОЛДЫҢ үлкен көлемін жүйелі қан ағымына сіңіру көлемнің шамадан тыс жүктелуіне және электролиттік теңгерімсіздікке (гипокальциемия, гипонатриемия, гипермагниемия, гиперкалиемия) әкелуі мүмкін. Жүйелі қолданғаннан кейін сарысулық электролиттердің тұрақты мониторингі ұсынылады. Толық инактивация миокардтың созылуына сезімтал етеді. Сондықтан қарыншалық дренажды қамтамасыз ету маңызды. Ұсынылатын көлемдер мен перфузия қысымынан аспау керек. Балалар мен сәбилердің жүрегі үшін ерекше күтім қажет. Тиісті емес тұрақты перфузия жағдайында жеткіліксіз салқындатылған кардиоплегиялық ерітіндімен (>20°C және > 15 минут) жүрек бұлшықет жасушаларының бұзылуы түрінде қан айналымына қайта қосылғаннан кейін пайда болатын кальций парадоксын бастауға болады. Егер кальций мөлшері > 10 мкмоль/л, ал ерітінді суық болса, яғни < 15°C болса, натрий <20 ммоль/л бар ерітінділерге бұл қауіп таралмайды және шектеулі уақыт кезеңі ішінде үздіксіз перфузияланады, яғни 20 минуттан аспайды. Тұтас жүректі КУСТОДИОЛДЫҢ суық ерітіндісіне батыру-перфузияға арналған шешім, тіпті бірнеше сағат бойы қолданған кезде де кальций парадоксы мағынасында – мысалы, донордан ағзаны алу мен реципиентке трансплантациялау арасындағы уақыт аралығында қауіп төндірмейді. Сондықтан дұрыс қолданған кезде кальций парадоксы тіпті төтенше эксперименттік жағдайларда да мүмкін болмайды.

Арнайы сақтандырулар КУСТОДИОЛ тек тоқтап қалған жүректі немесе бүйректі, бауырды немесе ұйқы безін селективті перфузиялау үшін, сонымен қатар донордан реципиентке тасымалдау кезінде беткейін салқындату немесе донорлық ағзаны сақтау және веналық трансплантатты сақтау үшін қосымша қолдануға көрсетілген. Сондықтан КУСТОДИОЛ ерітіндісі жүйелі құю үшін пайдаланылмауы тиіс. Сақтық шарасы ретінде, жүктілік кезінде жүрекке шұғыл операция жасаған жағдайда кардиоплегиялық ерітіндіні операция аяқталғаннан кейін жүректің оң жақ жүрекшесі мен қарыншасынан сору арқылы алып тастау керек. Негізгі операцияға, пайдаланылатын әдіске, емшараның ұзақтығына және пациенттің өлшеміне байланысты жүйелік қан ағымға 3 л дейін кардиоплегиялық ерітінді түсуі мүмкін. Бұл кальций мен натрийдің сарысулық деңгейінің төмендеуіне әкелуі мүмкін. Сондықтан тиісті зертханалық мониторинг жүргізу керек. КУСТОДИОЛ айналым көлемін толықтыру немесе аминқышқылдарын немесе электролиттерді алмастыру үшін жарамайды. Жүректің инактивациясы оның созылуға бейімділігін түсіндіреді. Осылайша, сол жақ қарыншаның босаңсуы кардиоплегия индукциясы кезінде орын алуы тиіс. Ересектердің жүрегі үшін келесі ұсыным берілуі мүмкін: 5-8 °C дейін салқындатылған ерітінді гидростатикалық қысымның әсерімен (перфузияға арналған құтының биіктігі бастапқыда жүрек деңгейінен 140 см жоғары = 100 мм сын.бағ.) немесе тұрақты көлемі бар сорғыны пайдалана отырып, коронарлық артерияларға перфузияланады. Кардиоплегиядан кейін (перфузия басталғаннан кейінгі бірінші минут ішінде) перфузияға арналған құтыны жүрек деңгейінен шамамен 50-70 см жоғары түсіру керек, бұл 40-50 мм сын. бағ. баламалы. Ауыр коронарлық стенозы бар пациенттерде едәуір жоғары перфузиялық қысымды (шамамен 50 мм сын. бағ.) ұзақ уақыт бойы демеу керек. Біркелкі тепе - теңдікті қамтамасыз ету үшін жалпы іске қосу уақыты 6-8 минутты құрауы тиіс. Өлшемі кішкентай жүректер үшін перфузия жылдамдығы 40 - 50 мм сынап бағанының перфузия қысымын және перфузия ұзақтығын 6 - 8 минутқа теңестіру үшін жүректің есептік массасы 1 мл/мин/г құрауы тиіс. Хирургтың пікірі бойынша қажет деп саналатын әрбір келесі перфузия міндетті түрде, бастапқы сияқты, суық ерітіндінің көмегімен (температура 5-8 ° C) және ұсынылған мәндерді сақтай отырып жасалуы тиіс. Кардиоплегияны тоқтату (реверсия) аортаны қайта ашу арқылы жүреді. Алдымен кардиоплегия нәтижесінде төмен қан қысымымен (орташа артериялық қысым 40 мм сын. бағ. шамамен 2 минут) өте баяу болатын миокард перфузиясын жасаған жөн. Миокард белсенділігі жоғарылаған сайын перфузиялық қысымды қалыпқа келтіруге болады. Жүрек қызметі өздігінен болатын ырғақпен жиі қалпына келеді, әйтпесе әдетте бір дефибрилляция жеткілікті. КУСТОДИОЛ ерітіндісінің ішінде 1000 мл-ге 15,0 ммоль натрий (Na+) бар. Бақыланатын натрий диетасындағы пациенттерге ескеру қажет. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері КУСТОДИОЛ көлік құралдарын басқару және механизмдерге қызмет көрсету қабілетіне әсер етпейді немесе елеусіз әсер етеді.

КУСТОДИОЛДЫ жүктілік пен бала емізу кезінде пайда / қауіп арақатынасын мұқият бағалағаннан кейін ғана пайдалануға рұқсат етіледі. Қауіпсіздік мақсатында, жүктілік кезіндегі шұғыл операция кезінде кардиоплегиялық ерітіндіні операция аяқталғаннан кейін жүректің оң жақ жүрекшесі мен қарыншасынан аспирация арқылы алып тастау керек.

Гликозидтер, диуретиктер, нитраттар, гипертензияға қарсы препараттар, бета-рецепторлардың блокаторлары және әсіресе операциядан кейінгі кезеңде жиі пайдаланылатын кальций антагонистері сияқты дәрілік заттармен өзара әрекеттесуі белгісіз. КУСТОДИОЛДЫ басқа дәрілік заттармен араластыруға болмайды.

Сақтау мерзімі 1 жыл Жарамдылық мерзімі өткеннен кейін қолдануға болмайды! Сақтау шарттары 2 °C – 8 °C температурада картон қорапта сақтау керек. Балалардың қолы жетпейтін жерде сақтау керек! Дәріханалардан босату шарттары Рецепт арқылы. Стационар үшін. Арнайы емдеу мекемелеріне арналған.