Лазея капсулы 80 мг

Бір капсуланың құрамында белсенді зат – Silexan® лаванда майы (WS® 1265) - 80.0 мг, қосымша заттар: тазартылған рапс майы, глицерин 85%, сукцинилденген желатин, сорбиттің 70% ерітіндісі (кристалданбайтын), кармин қышқылы лагы (Е 120), титанның қостотығы (Е 171), патенттелген көк V, 21% лак (Е 131). Сыртқы түрінің, иісінің, дәмінің сипаттамасы Сопақша, мөлдір емес, күлгін түсті жұмсақ желатинді капсулалар. Капсулалардың ішіндегісі – өзіне тән иісі бар мөлдір май.

- үрейлі көңіл-күй, жүйке ширығуы, ашушаңдық және мазасыздық сияқты симптомдарымен ауырлық дәрежесі жеңілден орташаға дейінгі үрейлі күй-жағдайды емдеу үшін.

Лаванда эфир майы. АТХ коды N05BX05 Лазея – өсімдік текті дәрілік зат, оның әсер етуші заты Silexan (WS 1265) лаванда майы болып табылады. Препарат антидепрессивтік, анксиолитиктік және босаңсытқыш әсер береді. In vitro зерттеулер, Silexan лаванда майы (WS 1265) потенциал-тәуелді, негізінен P/Q типті кальций өзекшелерімен өзара әрекеттесетінін көрсетті, алайда әсер ету механизмі немесе кальций өзекшелерімен спецификалық байланысу орны анықталмаған болып табылады. Лаванда майының спазмолитикалық әсері in vitro арқылы көрсетілді. Лаванда майы ГАМҚА-рецепторларды модуляциялайтыны туралы хабарламалар бар. Анксиолитиктер немесе антидепрессанттар үшін басқа белгілі мақсатты құрылымдармен өзара әрекеттесулеріне дәлелдер алынған жоқ, атап айтқанда, бензодиазепиннің ГАМҚА-рецепторлармен байланысу орнында өзара әрекеттесулер байқалған жоқ. Дені сау еріктілердегі ЭЭГ сандық зерттеуі Silexan экстрактісінің ингредиенттері қан-ми бөгеттерінен өтіп, орталық жүйке жүйесінде (ОЖЖ) функционалды өзгерістер тудыратынын көрсетеді, олар анксиолиттік клиникалық әсерге сәйкес келеді. Позитронды эмиссиялық томографияны (ПЭТ) қолдана отырып, дені сау ер еріктілердегі тағы бір фармакологиялық зерттеу, Silexanды қабылдау мидың мазасыздықты реттеуге қатысатын аймақтарында серотонин 1а (5-НТ1А) рецепторларының байланысу әлеуетін едәуір төмендететінін көрсетті. Бұл деректер 5-HT1A рецепторының Silexan анксиолиттік әсеріне қатысуын көрсетеді. Үш көп орталықты салыстырмалы жасырын плацебо-бақыланатын рандомизацияланған клиникалық зерттеулер Silexan эктрактісінің клиникалық тиімділігін үрейліліктің төменгі шегіндегі пациенттерде көрсетті. Он апталық емдеуден кейін Гамильтон үрейлілік шкаласы (HAMА) бойынша жалпы ұпайдың төмендеуі плацебо тобына қарағанда едәуір күшті.

Дозалау режимі Ересектерге күніне 1 капсуладан (бұл 80 мг лаванда майына сәйкес келеді). Капсулаларды шайнамай, жеткілікті мөлшердегі сұйықтықпен (дұрысы бір стақан ауыз сумен), ас ішуге байланыссыз қабылдау керек. Ең жоғары тәуліктік доза: күніне 1 капсула (бұл 80 мг лаванда майына сәйкес келеді). Енгізу әдісі мен жолы Пероральді. Емдеу ұзақтығы Дәрігер пациенттің жеке жағдайына қарай емдеу курсын тағайындайды. Егер симптомдары өзгеріссіз күйінде қалса немесе екі апта емдеуден кейін нашарласа, дәрігерге қаралу қажет.

• әсер етуші затқа немесе кез келген қосымша затқа аса жоғары сезімталдық • бауыр функциясының бұзылулары • 18 жасқа дейінгі балалар мен жасөспірімдер

Жиі: • асқазан-ішек жолының бұзылулары (негізінен, кекіру) Жиілігі белгісіз (қолда бар деректер негізінде бағалау мүмкін емес): • аса жоғары сезімталдық реакциялары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Емі: симптоматикалық.

Препараттың бір капсуласында 12 мг сорбитол бар, оны препаратты тағайындау кезінде ескеру керек. Препаратты жатқан күйде қабылдауға болмайды. Аса жоғары сезімталдық реакциялары туындаған жағдайда Лазеяны қолдануды тоқтату керек. Пациенттердің осы тобында қолдану бойынша клиникалық деректердің жеткіліксіздігіне байланысты Лазея препаратын 18 жастан кіші балаларға қабылдауға болмайды. Арнайы ескертулер Сирек тұқым қуалайтын фруктоза жақпаушылығы бар пациенттерге Лазея препаратын қабылдамау керек. Пациенттердің осы тобында қолдану бойынша клиникалық деректердің жеткіліксіздігіне байланысты Лазея препаратын 18 жастан кіші балаларға қабылдауға болмайды. Педиатрияда қолдану Препарат 18 жасқа дейінгі балалар мен жасөспірімдерде қолдануға арналмаған. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Әсер етпейді

Лаванда майын жүктілік кезінде қолданылуы туралы клиникалық деректер жоқ. Лазея препаратын жүктілік кезінде қолдану ұсынылмайды. Бала емізу кезінде қолданудың қауіпсіздігі қазіргі уақытқа дейін зерттелген жоқ. Лаванда майының компоненттері немесе олардың метаболиттерінің емшек сүтіне өтетін-өтпейтіндігі белгісіз. Лактация кезеңінде Лазея препаратын қолдану ұсынылмайды.

Осы уақытқа дейін Лазея препаратының басқа дәрілік заттармен өзара әрекеттесуі туралы хабарламалар түскен жоқ. Silexan® Р-450 CYP1A2, CYP2C9; CYP2C19, CYP2D6 және CYP3A4 цитохромы изоферменттерінің белсенділігіне клиникалық маңызды әсер етпейді. Біріктірілген пероральді контрацептивтердің ұрықтануға қарсы тиімділігіне елеулі клиникалық әсері анықталған жоқ.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 25ºС-ден аспайтын температурада сақтау керек. Балалардың қолы жетпейтін жерде сақтау керек!