Лакома капли 0.005 %

1 мл препараттың құрамында белсенді зат – латанопрост 0.050 мг қосымша заттар: калий дигидрофосфаты (сусыз), динатрий гидрофосфаты (сусыз), бензалконий хлориді, натрий хлориді, поликсил 40 гидрогенделген майсана майы, инъекцияға арналған су Сыртқы түрінің, иісінің, дәмінің сипаттамасы Қатты бөлшектерсіз мөлдір түссіз ерітінді

- ашық бұрышты глаукомасы және көзішілік гипертензиясы бар ересек пациенттерде (қарттарды қоса) көзішілік қысымның (КІҚ) жоғарылауын төмендету үшін - жоғары КІҚ және балалар глаукомасы бар балаларда жоғары КІҚ төмендету үшін.

Әсер ету механизмі Латанопрост – F2α простагландинінің аналогы, простаноидтық FP рецепторларының селективті агонисті болып табылады, көзішілік сұйықтықтың ағып шығуын арттырудың есебінен КІҚ төмендетеді. КІҚ төмендеуі препаратты енгізгеннен кейін шамамен 3-4 сағаттан соң басталады; ең жоғарғы әсері 8-12 сағаттан соң білінеді. Гипотензиялық әсері кемінде 24 сағатқа созылады. Негізгі әсер ету механизмі увеосклеральді ағып шығуды арттыру, сондай-ақ, сұйықтықтың ағып шығуын аздап күшейту (ағып шығуға кедергіні азайту) болып табылады. Фармакодинамикалық әсерлері Латанопрост көзішілік сұйықтықтың өндірілуіне елеулі әсер етпейді. Гематоофталдық бөгетке латанопросттың қандай да бір әсері анықталған жоқ. Қысқа мерзім ішінде емдегенде латанопрост флюоресцеиннің псевдофакия кезінде көздің артқы сегментіне енуін туғызбайды. Емдік дозаларында қолданғанда латанопрост жүрек-қантамыр және тыныс алу жүйелеріне елеулі фармакологиялық әсерін тигізбейді. Клиникалық тиімділігі мен қауіпсіздігі Жануарлардағы және адамдағы зерттеулер негізгі әсер ету механизмі увеосклеральді ағып шығуды арттыру болып табылатынын көрсетеді, дегенмен, адамда сұйықтықтың ағып шығуының аздап күшеюі де (ағып шығуға кедергіні азайту) байқалған. Негізгі зерттеулер латанопростты монотерапия ретінде пайдаланған кезде тиімді екенін көрсетті. Бұдан басқа, латанопрост бета-адренергиялық рецепторлардың (тимолол) антагонистерімен біріктірілімде тиімді екенін көрсеткен зерттеулерді қоса, біріктірілген терапияны қолдана отырып, клиникалық зерттеулер жүргізілді. Қысқа мерзімді зерттеулер (ұзақтығы 1 немесе 2 апта) латанопросттың әсері оны адренергиялық рецепторлардың агонистерімен (дипивалил эпинефрин), карбоангидразаның пероральді тежегіштерімен (ацетазоламид) біріктіріп қолданғанда аддитивті және холинергиялық рецепторлардың агонистерімен (пилокарпин) қолданғанда ішінара аддитивті болып табылатынын көрсетті. Клиникалық зерттеулер латанопрост көзішілік сұйықтықтың өндірілуіне айтарлықтай әсер етпейтінін көрсетті. Латанопросттың гематоофтальмиялық бөгетке қандай да бір әсері анықталған жоқ. Латанопросттың клиникалық дозасын қолдана отырып, зерттеуде ол маймылдардың көзішілік қан айналымына елеусіз әсер еткен немесе әсер еткен жоқ. Алайда, жергілікті қолданғанда жеңіл немесе орташа айқын конъюнктивальді немесе эписклеральді гиперемия дамуы мүмкін. Латанопростты көзбұршағының экстракапсулярлық экстракциясын бастан өткерген маймылдардың көзіне ұзақ енгізу флуоресценттік ангиография кезінде торқабықтың қантамырларына әсер көрсетпеді. Псевдофакиясы бар пациенттерді қысқа мерзімді емдеу кезінде латанопрост флуоресцеиннің көздің артқы сегментіне ағуын көрсеткен жоқ. Клиникалық дозаларда қолданылатын латанопросттың жүрек-қантамыр немесе тыныс алу жүйесіне елеулі фармакологиялық әсері анықталған жоқ. Балалар 12 апталық салыстырмалы жасырын клиникалық зерттеуде ≤ 18 жастағы балалардағы латанопросттың тиімділігі көрсетілген, онда латанопрост көзішілік гипертензиясы және балалар глаукомасы бар 107 пациентте тимололмен салыстырылды. Жаңа туған нәрестелердің гестациялық жасы кем дегенде 36 апта болды. Пациенттер тәулігіне бір рет 50 мкг/мл латанопрост немесе тимолол 0,5 % (немесе 3 жасқа дейінгі пациенттерде 0,25%), тәулігіне екі рет алды. Тиімділікті бағалаудың бастапқы соңғы нүктесі зерттеудің 12-ші аптасында бастапқы деңгеймен салыстырғанда КІҚ орташа төмендеуі болды. Латанопростпен және тимололмен емдеу топтарындағы КІҚ орташа төмендеу көрсеткіштері ұқсас болды. Барлық зерттелген жас топтарында (0-ден < 3 жасқа дейін, 3-тен < 12 жасқа дейін және 12-ден 18 жасқа дейін), латанопрост пен тимолол алған топтарда 12-аптадағы КІҚ орташа төмендеу көрсеткіштері ұқсас болды. Дегенмен, 0-ден < 3 жасқа дейінгі жас тобындағы латанопрост тиімділігі бойынша деректер тек 13 пациент үшін алынды, ал 4 пациент үшін клиникалық зерттеуде 0-ден < 1 жасқа дейінгі жас тобы ұсынылды, тиімділік көрсеткіштері алынған жоқ. Шала туған нәрестелерде (гестациялық жасы 36 аптадан кем) қолдану бойынша деректер жоқ. Бастапқы туа біткен балалар глаукомасы (БТГ) бар пациенттердің қосалқы тобындағы КІҚ төмендеу көрсеткіштері латанопрост пен тимолол алған топтарда ұқсас болды. БТГ-ға жатпайтын аурулары бар пациенттердің қосалқы тобындағы нәтижелер (мысалы, ювенильді ашық бұрышты глаукома, афакиялық глаукома) және БТГ бар пациенттер ұқсас болды. Емдеудің бірінші аптасынан кейін КІҚ төмендеуі балалар мен ересектерде зерттеудің 12 аптасы бойы сақталды.

Дозалау режимі Ересектерге (қарттарды қоса) және балаларға ұсынылатын доза: зақымданған көзге(дерге) бір тамшы, тәулігіне бір рет. Препаратты кешке тамызу ұсынылады. Лакома препаратын емдеуші дәрігердің нұсқауларына сәйкес қолдану қажет. Егер Лакома көзге тамызатын басқа дәрілермен бірге қолданылса Лакоманы және басқа көзге тамызатын дәрілерді қолдану аралығында кемінде 5 минут өтуі тиіс. Қабылдау уақыты көрсетілген қолдану жиілігі Лакоманы тәулігіне бір реттен жиі қолданбаңыз, өйткені препаратты одан жиі қолданған кезде емнің тиімділігі төмендеуі мүмкін. Емдеу ұзақтығы Дәрігер препаратты тоқтатқанға дейін, Лакоманы емдеуші дәрігердің нұсқауы бойынша қолдана беріңіз. Тоқтату симптомдарының қаупі бар екенін көрсету Егер сіз Лакома қолдануды тоқтатқыңыз келсе, алдын ала емдеуші дәрігермен кеңесіп алу керек.

- латанопростқа немесе қосымша заттардың кез келгеніне аса жоғары сезімталдық - жүктілік және бала емізу кезеңі - 8 жасқа дейінгі балалар

Өте жиі • көздің боялған бөлігінде (нұрлы қабық) қоңыр пигмент мөлшерінің көбеюі арқылы көздің түсінің біртіндеп өзгеруі, көздің шырышты қабығының аздап немесе орташа қызаруы • көздің тітіркенуі (көздің ашуын, құмды сезіну, көздегі қышыну, шаншу және бөгде дененің сезілуі) • препаратпен ем жүргізілетін көз айналасындағы кірпіктер мен жіңішке түктердің біртіндеп өзгеруі көбінесе жапон тектес пациенттерде (түсінің күңгірттенуі, кірпіктердің ұзындығының, қалыңдығының және санының ұлғаюы) байқалады. • Жиі • беткейінің ұсақ нүктелі ақауларымен көздің алдыңғы мөлдір бөлігінің қабынуы (негізінен симптомсыз), көздің шырышты қабығының тітіркенуі немесе зақымдануы, қабақтың қабынуы, көздің ауыруы, көздің қарығуы, көздің шырышты қабығының қабынуы. • Жиі емес • бас ауыруы, бас айналуы • қабақтың ісінуі, көздің құрғауы, көздің алдыңғы мөлдір бөлігінің қабынуы немесе тітіркенуі, көрудің анық еместігі, көздің боялған алдыңғы бөлігінің қабынуы (увеит), көз торқабығының ісінуі (макулярлы ісіну) • тері бөртпесі • жүрек аумағындағы ауырсыну ұстамалары, жүрек соғуының жиілеуі • демікпе, ентігу, кеуде қуысының ауыруы • бұлшықет ауыруы, буындардың ауыруы. • Сирек • көздің алдыңғы мөлдір бөлігінің (мөлдір қабықтың) герпестік қабынуы • нұрлы қабықтың қабынуы (ирит), көздің алдыңғы мөлдір бөлігінің ісінуі немесе эрозиясы (нұрлы қабық), көздің айналасының ісінуі, кірпіктердің қалыптан тыс өсуі (олар көзге қарай бағытталған), қалыпты өсіп келе жатқан кірпіктердің артында қосымша қатардың өсуі • кірпіктердің өсу бағытының өзгеруі немесе кірпіктердің қосымша қатары, көздің беткейіндегі тыртық, көздің алдыңғы боялған бөлігіндегі сұйықтық толтырылған қуыс (нұрлы қабықтың кистасы) • қабақтардағы жергілікті тері реакциясы, қабақ терісінің күңгірттенуі, көздің шырышты қабығының үдемелі тыртықталуы және қатпарлануы • бронх демікпесінің өршуі • терінің қышыну. • Өте сирек • дәрі-дәрмектермен нашар бақыланатын жүрек аумағындағы ауырсыну ұстамалары (тұрақсыз стенокардия) • көздің айналасындағы және қабақтың аймағындағы өзгерістер, бұл қабақ ойығының тереңдеуіне әкеледі (көздің салбыраған түрі). • Балаларда ересектерге қарағанда мұрыннан бөліністер ағуы және мұрынның қышуы, сондай-ақ температураның жоғарылауы жиі кездеседі. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК» http://www.ndda.kz

Егер сіз көзге тым көп тамшылар тамызсаңыз, бұл көздің аздап тітіркенуін, кейде көзден жас ағу мен қызаруды тудыруы мүмкін. Бұл құбылыстар өздігінен қайтуы керек, бірақ егер олар сақталса, дәрігермен кеңесу керек. Егер сіз немесе сіздің балаңыз Лакоманы кездейсоқ жұтып қойса, мүмкіндігінше тезірек дәрігерге қаралыңыз. Дәрілік препараттың бір немесе бірнеше дозаларын өткізіп алған кезде қажетті шаралар Егер бір дозаны өткізіп алсаңыз, онда одан әрі емдеу әдеттегі дозада және әдеттегі уақытта жалғасады. Өткізіп алған дозаны толтыру үшін екі есе дозаны тамызуға болмайды.

Лакома препаратын қолдануды бастамас бұрын емдеуші дәрігерге келесі жағдайлардың бар екендігі туралы хабарлаңыз: • жоспарлы офтальмологиялық операция (оның ішінде катарактаға байланысты) • көз проблемалары (көздің ауыруы, тітіркенуі немесе қабынуы, бұлыңғыр көру, көздің құрғап кетуі) • ауыр немесе дәрі-дәрмекпен емдеуге келмейтін демікпе • жанаспалы линзаларды қолданған кезде, өйткені бұл жағдайда арнайы ережелерді сақтау қажет болады • бұрын бастан өткерген немесе қазіргі уақытта бар көздің герпестік инфекциясы. Арнайы сақтандырулар Көздің боялған бөлігінде (нұрлы қабықта) қоңыр пигмент мөлшерінің ұлғаюына байланысты Лакома препаратын қолданған кезде көз түсінің біртіндеп қайтымсыз өзгеруі мүмкін. Егер сіздің көзіңіздің түсі аралас түсті болса (қоңыр-көгілдір, сұр-қоңыр, сары-қоңыр немесе жасыл-қоңыр), бұл өзгерістер көздің біркелкі түсіне қарағанда тезірек байқалады (көгілдір, сұр, жасыл немесе қоңыр). Көздің түсінің өзгеруі ұзаққа созылуы мүмкін, бірақ әдетте ол емдеу басталғаннан кейінгі алғашқы 8 айда байқалатын болады. Егер препаратты тек бір көзге тамызса, көздің түсінің өзгеруі қайтымсыз және айқын болуы мүмкін. Көздің түсінің өзгеруі, әдетте, денсаулыққа ешқандай зиян келтірмейді. Препаратпен емдеуді тоқтатқаннан кейін көз түсінің өзгеруі тоқтайды. Препарат көздің түрлі-түсті (нұрлы) қабығындағы қоңыр немесе ашық қоңыр дақтарға әсер етпейді. Көз ішіндегі басқа өзгерістерден (созылмалы жабық бұрышты глаукомамен, псевдофакиясы бар ашық бұрышты глаукомамен, пигментті глаукомамен, қабыну және неоваскулярлық глаукомамен) және көздің қабыну ауруларынан туындаған көзішілік қысымның жоғарылауы кезінде препаратты қолданудың шектеулі тәжірибесі бар. Лакома қарашықтың кеңеюіне аздап әсер етуі мүмкін. Препаратты катаракта бойынша операция кезінде, көздің герпестік қабынуы және көздің боялған (нұрлы) немесе тамырлы қабығының қабынуға бейімділігі кезінде қолданғанда сақтық қажет. Бронх демікпесінде өршу және/немесе ентігу дамуы мүмкін. Көз айналасындағы тері түсінің өзгеруі мүмкін (көбінесе жапондықтарда), ол тұрақты емес және емді жалғастырған кезде жоғалып кетуі мүмкін. Препаратты қолданған кезде емделіп жатқан көз айналасындағы терінің айналасындағы кірпіктер мен ұсақ шаштың біртіндеп өзгеруі байқалуы мүмкін. Мұндай өзгерістерге кірпіктердің ұзаруы, қалыңдауы, түсінің күңгірттенуі, кірпіктердің немесе түктердің тығыздығының артуы және кірпіктердің өсу бағытының өзгеруі жатады. Кірпіктердің өзгеруі қайтымды сипатқа ие және емдеуді тоқтатқаннан кейін олар біртіндеп бастапқы түріне оралады. Егер көздің қатты тітіркенуі және көзден жас ағуының жоғарылауы байқалса, сондай-ақ Лакомамен емдеуді тоқтату ниеті болса, емдеуді түзету үшін шұғыл емдеуші дәрігерге бару керек. Лакома препаратының құрамында 0.200 мг бензалконий хлориді бар, ол көбінесе көзге арналған ерітінділерде консервант ретінде қолданылады. Бензалконий хлориді жұмсақ жанаспалы линзалармен сіңірілуі және олардың түсін өзгертуі мүмкін, сондықтан препаратты қолданар алдында оларды шешіп алып, тамшыны қолданғаннан кейін 15 минуттан кейін қайта орнату қажет. Бензалконий хлориді кейде көздің тітіркенуін тудыруы мүмкін, әсіресе көздің құрғауы немесе көздің алдыңғы мөлдір бөлігінің (мөлдір қабықтың) бұзылуы кезінде. Егер препаратты қолданғаннан кейін көзде ашыту немесе ауырсыну түрінде ерекше сезім пайда болса, бұл туралы дереу емдеуші дәрігерге хабарлау керек. Педиатрияда қолдану Лакома препаратында бензалконий хлориді болғандықтан, 8 жасқа дейінгі балаларда қолдануға болмайды. Балаларда ұзақ уақыт қолдану қауіпсіздігі зерттелмеген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лакома көзге тамызатын тамшыларын қолдану анық көру қабілетінің уақытша жоғалуына әкелуі мүмкін. Көру қабілеті анық болғанша автокөлікті басқаруға немесе қозғалыстағы механизмдермен жұмыс істеуге болмайды.

Лакома препаратын жүктілік кезінде және баланы емізу кезінде қолдануға болмайды. Егер сіз жүкті болсаңыз, бала емізетін болсаңыз немесе жүкті болуыңыз мүмкін деп ойласаңыз немесе жүктілікті жоспарласаңыз, осы препаратты қолданар алдында дәрігермен кеңесіңіз.

Егер сіз немесе сіздің балаңыз көз тамшыларын қоса, қандай да бір басқа дәрілік препараттарды қабылдап жүрсе немесе қабылдаған болса, өзіңіздің емдеуші дәрігеріңізге, емдеуші дәрігерге хабарлаңыз. КІҚ ықтималды айқын жоғарылауына байланысты екі және одан да көп простагландиндердің, простагландиндер аналогтарының немесе көз тамшылары түріндегі простагландиндердің туындыларының біріктірілімін бір мезгілде жергілікті қолдану ұсынылмайды.

Сақтау мерзімі 3 жыл Қолдану үшін ашылған құты 4 апта бойы 25 °С-ге дейінгі бөлме температурасында сақталады. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 2 ºС-ден 8 ºС-ге дейінгі температурада тоңазытқышта сақтау керек. Мұздатып қатыруға болмайды. Балалардың қолы жетпейтін жерде сақтау керек!