ЛАКС капли 7.5 мг/мл

Бір мл препараттың құрамында белсенді зат - натрий пикосульфаты, 7.5 мг, қосымша заттар: сұйық сорбитол (кристалданбайтын), натрий бензоаты, натрий цитраты, лимон қышқылы моногидраты, тазартылған су. Сыртқы түрінің, иісінің, дәмінің сипаттамасы Түссізден сарғыш түске дейін, иіссіз мөлдір ерітінді.

Препарат 4 жастан асқан балаларға, жасөспірімдерге, ересектерге қолдануға арналған: • іш қатуда және ішектің босауына ықпал етуді қажет ететін жай-күйлерде (атониялық іш қату, нәжісті реттеу (геморрой, проктит, анустық сызат), хирургиялық операцияларға, аспапты және рентгенологиялық зерттеулерге дайындауда) Қолдану басталғанға дейін қажетті мәліметтер тізбесі

ЛАКС препаратының белсенді компоненті натрий пикосульфаты – триарилметан тобының жергілікті әсер ететін іш жүргізетін дәрісі. Жуан ішекте бактериялық ыдырағаннан кейін оның шырышты қабығын көтермелейді, электролиттер мен судың сіңуін төмендетеді, ішек перистальтикасын күшейтеді. Ішек микроорганизмдері әсерімен гидролиз жолымен түзілетін препараттың белсенді түрі ішек жақтауының жүйке құрылымдарын тікелей қоздырады, соның нәтижесінде ішектің ішіндегісі тез жылжиды. Жуан ішекте әсер ететін іш жүргізетін дәрі ретінде натрий пикосульфаты асқазан-ішек жолының төменгі бөлігінде табиғи дефекация үдерісін арнайы көтермелейді. Осылайша, натрий пикосульфаты асқорытуға және жіңішке ішектегі калория немесе негізгі қоректік заттардың сіңуіне әсер етпейді.

Дозалау режимі 1 мл құрамында 7,5 мг бар (=15 тамшы) Ересектер: Тәулігіне 10-18 тамшы (5-10 мг) 4 және одан асқан жастағы балалар: Тәулігіне 5-9 тамшы (2,5-5 мг) Енгізу әдісі мен жолы Тамшылар пероральді қабылданады. ЛАКС препаратын кешке қабылдаған жөн. Препаратты қолданғаннан кейін дефекация шамамен 10-12 сағаттан кейін жүреді. Емдеу ұзақтығы Дәрілік затты қабылдауды ең аз жеткілікті дозадан бастау ұсынылады. Қажетті әсер алу үшін дозаны ең жоғары ұсынылған дозаға дейін арттыруға болады. Ең жоғары ұсынылатын дозадан асыруға болмайды. Емдеуші дәрігермен кеңесу қажет. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Осы препаратты қолдануға қатысты қандай да бір сұрақтар туындаған жағдайда емдеуші дәрігермен немесе фармацевпен хабарласыңыз.

• препараттың белсенді затына, басқа триарилметандарға немесе кез келген қосымша заттарға аса жоғары сезімталдық • илеус немесе ішек бітелісі • болуы мүмкін жүрек айнуы мен құсуға байланысты күшті абдоминальді ауыруы (мысалы, аппендицит) бар ауыр қызбалық жай-күйлер • ішектің жедел қабыну аурулары • ауыр сусыздану • тұқым қуалайтын фруктоза жақпаушылығы • 4 жасқа дейінгі балалар

Өте жиі (≥ 1/10): • диарея Жиі (≥ 1/100-ден < 1/10 дейін): • іштің ауыруы • іштің құрысуы • іштегі жайсыздық Жиі емес (≥1/1000-нан < 1/100 дейін): • бас айналу • жүректің айнуы, құсу Белгісіз (қолда бар деректер негізінде бағалау мүмкін емес) • аллергиялық реакциялар (тері реакцияларын қоса) • естен тану (парасимпатикалық тамыр реакциясымен байланысты болуы мүмкін (абдоминальді түйілулерде және дефекацияда)) • Квинке ісінуі, дәрілік дерматит, бөртпе, қышыну сияқты тері реакциялары Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдар: диарея, абдоминальді ауырулар, сусыздану, сұйықтықты, калийді және басқа электролиттерді клиникалық маңызды жоғалту. Созылмалы артық дозаланғанда жуан ішек шырышты қабығының ишемиясы, созылмалы диарея, іш аймағындағы ауырсыну, гипокалиемия, қайталама гиперальдостеронизм, несеп-тас ауруының дамуы мүмкін. Іш жүргізетін дәрілерді созылмалы түрде шамадан тыс қолданумен байланысты бүйрек өзекшелерінің зақымдануы, метаболизмдік алкалоз және гипокалиемияға қатысты бұлшықет әлсіздігі дамуы ықтимал. Емі: құстыру немесе асқазанды шаю, инфузиялық ем және су-электролиттік теңгерім бұзылуларын түзету, спазмолитикалық дәрілер.

Кез келген басқа іш жүргізетін дәрілер сияқты ЛАКС препаратын іш қатудың себебін анықтамай күн сайын немесе ұзақ уақыт бойы қабылдауға болмайды. Бұл су-электролитті теңгерімнің бұзылуына әкелуі, сондай-ақ, гипокалиемия туғызуы мүмкін. ЛАКС препаратын қабылдаған пациенттерде бас айналуы және/немесе естен тану жағдайлары байқалған, олар міндетті түрде натрий пикосульфатын қолдануға емес, дефекация кезінде күшенумен немесе іш қатумен байланысты іштің ауыруы кезінде парасимпатикалық реакцияға байланысты болуы мүмкін. Дәрігердің алдын ала кеңесінсіз балаларда қолдану ұсынылмайды. Қосымша заттар 1 мл тамшының құрамында 644.0 мг сорбитол бар. Тұқым қуалайтын фруктоза жақпаушылығы бар пациенттерге осы препаратты қабылдауға болмайды. Осы 1 мл дәрілік препараттың құрамында 2.0 мг натрий бензоаты бар. Бұл жағдайды натрийді шектеулі тұтынатын диетада жүрген пациенттер ескеруі керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Дәрілік заттың көлік құралын немесе қауіптілігі зор механизмдерді басқару қабілетіне әсері зерттелмеген. Алайда, пациенттер қантамырының парасимпатикалық реакциясына байланысты (мысалы, абдоминальді түйілуде) бас айналуы және/немесе естен тану сияқты жағымсыз әсерлер туындауы мүмкін екендігін білуі тиіс. Абдоминальді түйілулер пайда болу жағдайында пациенттер автокөлік немесе түрлі механизмдерді пайдалануды қоса, қауіптілігі зор қызмет түрлерін басқаруды тоқтата тұру керек. Қолдану бойынша ұсыныстар

Препараттың жүкті әйелдердің организміне әсері туралы талапқа сай және жақсы бақыланатын зерттеулер жүргізілген жоқ. Алайда, жүктілік кезінде препаратты қолданудың көп жылдық тәжірибесі қолайсыз немесе жағымсыз әсерлерді анықтаған жоқ. Дегенмен, басқа барлық дәрілік заттар сияқты ЛАКС препаратын жүктілік кезінде сақтықпен және медициналық бақылаумен тағайындау керек. Препаратты қолдану қажет болған жағдайда емнің ана үшін әлеуетті пайдасын және шаранаға төнетін ықтимал қаупін бағалау керек. Клиникалық деректерге сәйкес натрий пикосульфаты да, оның глюкуронидтері де бала емізетін әйелдің емшек сүтіне енбейді, сәйкесінше ЛАКС препараты бала емізу кезінде қолданылуы мүмкін. Препараттың адам фертильділігіне әсер етуіне зерттеулер жүргізілген жоқ.

Глюкокортикостероидтар, диуретиктер дозаны арттырған кезде электролиттік бұзылулардың даму қаупін арттырады. Бұл ретте жүрек гликозидтеріне сезімталдық жоғарылауы мүмкін. Кең ауқымды әсер ететін антибиотиктер іш жүргізу әсерін төмендетеді.

Сақтау мерзімі 3 жыл. Ашқаннан кейін 6 ай ішінде пайдалану керек. Қаптамада көрсетілген жарамдылық мерзімі өткеннен кейін қолдануға болмайды. Сақтау шарттары Түпнұсқалық қаптамасында, 25 °С-ден аспайтын температурада сақтау керек. Балалардың қолы жетпейтін жерде сақтау керек!