Лактулоза-Тева сироп 66,7 г/ 100 мл

100 мл препараттың құрамында белсенді зат: 132,00 г 50% лактулоза. Сыртқы түрінің, иісінің, дәмінің сипаттамасы Шәрбат. Мөлдір, түссіз немесе аздап қоңырқай-сары тұтқыр сұйықтық.

- іш қатуда (жуан ішектің физиологиялық ырғағын реттеу) - медициналық мақсатта нәжістің жұмсаруын қажет ететін жағдайларда (геморрой, тоқ ішекке және перианальді аумаққа жасалған операциядан кейінгі жағдайлар) - бауыр энцефалопатиясында

Жуан ішек саңылауында лактулоза ішек флорасының көмегімен төмен молекулалы органикалық қышқылдарға дейін ыдырайды. Бұл қышқылдар жуан ішек саңылауында рН төмендеуіне және осмостық әсер ету арқылы ішек ішіндегісінің көлемі ұлғаюына ықпал етеді. Бұл ішектің жиырылып қозғалуын стимуляциялайды және нәжістің консистенциясын қалыпты етеді. Нәтижесінде іштің қатуы жойылып, жуан ішектің физиологиялық ырғағы қалпына келеді. Бауыр энцефалопатиясында емдік әсері мынадай механизмдермен түсіндіріледі: ацидофильді бактериялардың (мысалы, лактобацилла) көбеюі салдарынан протеолизистік бактериялардың өсуінің басылуы, жуан ішектің ішіндегі заттардың тотығуы арқылы иондық түрдегі аммиактың қармалуы, жуан ішек ішіндегісінің pH мәнінің төмендеуі және осмостық әсердің салдарынан ішектің босауы, сондай-ақ азотты қосылыстардың бактериялық метаболизмінің өзгеруі нәтижесінде ақуыздың жасушаішілік синтезі үшін аммиактың утилизациялануы. Лактулоза-Тева пребиотикалық зат ретінде бифидобактериялар мен лактобацилалар сияқты пайдалы бактериялардың өсуін күшейтеді, клостридий және ішек таяқшасы сияқты патогендік бактериялардың өсуін бәсеңдетеді. Бұл ішек флорасының өте жағымды тепе-теңдігін қамтамасыз ете алады.

Дозалау режимі Іш қатуды емдеу үшін Тәуліктік дозаны өлшеуіш қалпақшаны пайдалана отырып, бір рет немесе екі ретке бөліп қабылдауға болады. Ем басталғаннан кейін бірнеше күннен соң емдік тиімділігіне қарай демеуші дозаға көшуге болады. Емдiк әсерiнiң дамуы үшін 2-3 күн қажет етілуі мүмкін. Жасы — Бастапқы доза, күніне — Демеуші доза, күніне Ересектер мен жасөспірімдер — 15-45 мл — 15-30 мл 7-14 жастағы балалар — 15 мл — 10-15 мл 1-6 жастағы балалар — 5-10 мл — 5-10 мл 1 жасқа дейінгі сәбилер — 5 мл дейін — 5 мл дейін Бауыр энцефалопатиясын (тек ересектерде) емдеу үшін Бастапқы доза 7,5-15 мл-ден тәулігіне 3-4 рет. Содан соң күніне 2-3 рет жұмсақ нәжіс пайда болғанша демеуші дозаға көше отырып, дозаны тәулігіне 3-4 рет 30-45 мл дейін бiртiндеп арттырады. Қолдану тәсілі Шәрбатты сұйылтпай немесе сұйылтып қабылдауға болады. Бір реттік дозаны ауызда ұзақ уақыт ұстамай, бірден жұтқан жөн. Препаратты қолдану тәсілін пациенттің жекелей қажеттіліктеріне қарай таңдайды. Егер препаратты бір рет қабылдау ұсынылған болса, онда тәуліктік дозаны ұдайы бір ғана уақытта, мысалы таңғы астан кейін қабылдау керек. Іш жүргізетін дәрілерді қабылдау кезеңінде жеткілікті мөлшерде, күніне 1.5-2.0 л сұйықтық немесе 6-8 стаканға дейін су ішу ұсынылады. Іш жүргізетін әсері 2-10 сағаттан кейін білінуі мүмкін.

- лактулозаға немесе қосымша заттардың кез келгеніне аса жоғары сезімталдық - галактоземия - ішектің бітелуі, асқазан-ішек жолдарының тесілуі немесе тесілу қаупі -тұқым қуалайтын фруктоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы бар адамдарға

Өте жиі - диарея (жоғары дозаларды қолданғанда) Жиі - гипернатриемия (бауыр энцефалопатиясында) - метеоризм, жүрек айнуы, құсу, іштің ауыруы Жиі емес - су-электролит теңгерімсіздігі (диареяға байланысты) Белгісіз - аса жоғары сезімталдық реакциялары - бөртпе, қышыну, есекжем Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары іш тұсының ауыруы, диарея, электролиттік теңгерімінің бұзылуы. Емі: препараттың дозасын төмендету немесе тоқтату, қажет болса - электролиттік теңгерімді түзету.

Арнайы ескертулер Препаратты қабылдағаннан кейін бірнеше күн ішінде емдік әсері жеткіліксіз болған жағдайда дәрігерге қайта қаралу қажет. Лактулоза-Теваны лактоза жақпайтын пациенттерге сақтықпен тағайындау керек. Лактулоза-Тева препаратын қант диабеті кезінде, әсіресе одан жоғары дозаларды қолданғанда сақтықпен тағайындау керек. Бауыр энцефалопатиясын емдеуде қолданылатын Лактулоза-Тева дозасы әдетте аса жоғары болғандықтан, оны қант диабетімен ауыратын пациенттерге тағайындағанда лактулоза мөлшерін ескеру қажет болуы мүмкін. Лактулозаны 6 айдан аса қабылдап жүрген егде жастағы және әлсіз науқастарда қандағы электролиттер концентрациясын жүйелі анықтап отыру керек. Диарея пайда болған жағдайда емді тоқтатады. Гастрокардиальді синдромы (Ремхельд синдромы) бар пациенттерге лактулозаны дәрігермен кеңескеннен кейін ғана қолдану керек. Егер лактулозаны қабылдағаннан кейін бұл пациенттерде метеоризм немесе іштің кебуі сияқты симптомдар пайда болса, дозаны азайту немесе препаратты қабылдауды тоқтату керек. Басқа дәрілік заттарды қабылдағаннан кейін 2 сағат ішінде лактулозаны қабылдауға болмайды. Балаларға іш жүргізетін дәрілерді тек ерекше жағдайларда ғана және медициналық бақылаумен қолданады. Емдеудің нәтижесінде дефекация рефлексінің бұзылуы мүмкін екендігін ескерген жөн. 18 жасқа дейінгі балаларда бауыр энцефалопатиясын емдеуді қолданудың қауіпсіздігі мен тиімділігі анықталмаған.

Лактулоза-Тева препаратын жүктілік кезінде қолданғанда шаранаға әсер етпейді деп болжанады, өйткені лактулозаның жүйелі әсері мардымсыз. Лактулоза-Тева препаратын жүктілік кезінде қолдануға болады. Лактулоза-Тева препаратын бала емізу кезінде қабылдағанда балаға әсер етпейді деп болжанады, өйткені лактулозаның жүйелі әсері шамалы. Лактулоза-Тева препаратын бала емізетін әйелдерде қолдануға болады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лактулоза-Тева автомобильді немесе қауіптілігі зор механизмдерді басқару қабілетіне әсер етпейді.

Лактулоза-Тева препаратымен мыналарды бір мезгілде қолданғанда: - диуретиктер, кортикостероидтар, Б амфотерицин – калийдің жоғалуы күшейеді - жүрек гликозидтері - калий тапшылығына байланысты гликозидтер әсерінің күшеюі. - босап шығуы жуан ішектегі pH-қа байланысты дәрілік заттар (5-аминосалицил қышқылы препараттары сияқты) – жуан ішектегі pH-тың төмендеуі нәтижесінде олардың белсенділігі жойылуы мүмкін.

Сақтау мерзімі 3 жыл Құтыны ашқаннан кейін препаратты қолдану кезеңі -12 ай. Жарамдылық мерзімі өткеннен кейін қолдануға болмайды. Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!