Ларнамин® гранулы 3г/5г

Бір сашенің ішінде белсенді зат - 100 % затқа шаққанда L-орнитин-L-аспартат - 3 г, қосымша заттар: сусыз лимон қышқылы, апельсин хош иістендіргіші, лимон хош иістендіргіші, натрий сахарині, натрий цикламаты, күн батар түстес сары FCF (E 110), повидон, мальтит (E 965). Сыртқы түрінің, иісінің, дәмінің сипаттамасы Түрлі мөлшердегі ақ және қызғылт-сары түсті түйіршіктер қоспасы.

• гипераммониемиямен қатар жүретін бауырдың жедел және созылмалы аурулары (соның ішінде цирроз, вирустық гепатит, майлы дистрофия, алкогольмен улану аясында бауырдың уытты зақымдануы) • бауыр энцефалопатиясы (жасырын және айқын)

Әсер ету механизмі L-орнитин-L-аспартаттың іn vivo әсері амин қышқылдарымен, орнитин және аспартатпен негізделген, аммиак детоксикациясының екі негізгі әдістері: мочевина синтезі және глутамин синтезі арқылы. Фармакодинамикалық әсерлер Мочевина синтезі қақпа маңы гепатоциттерінде жүреді, онда орнитин екі ферменттің белсендіргіші: карбамоилтрансфераза орнитині және карбамоилфосфатсинтетаза, cондай-ақ мочевина синтезінің субстраты ретінде әрекет етеді. Глутамин синтезі веналар жанындағы гепатоциттерде жүреді. Атап айтқанда, патологиялық жағдайлар кезінде орнитин метаболизмі өнімдерін қоса, аспартат және дикарбоксилат жасушаларға сіңіріледі және онда аммиакты глутамин түрінде байланысуы үшін пайдаланылады. Глутамат – бұл физиологиялық әрі патологиялық жағдайларда аммиакты байланыстыратын амин қышқылы. Алынған амин қышқылы – глутамин – аммиак шығарылуы үшін уытсыз түрі болып қана табылмайды, сонымен қатар мочевинаның маңызды циклін (глутаминнің жасушаішілік алмасуын) белсендіреді. Физиологиялық жағдайларда орнитин мен аспартат мочевина синтезін шектемейді. Жануарларға эксперименттік зерттеулер L-орнитин-L-аспартатының аммиак деңгейін төмендету қабілеті глутаминнің жедел синтезіне негізделгенің көрсетті.

Дозалау режимі Ларнамин® препаратының 1-2 саше ішіндегісін ерітіп, тәулігіне 3 ретке дейін қабылдау керек. Пациенттердің ерекше топтары Балалар Балаларда препаратты пайдалану туралы деректер шектеулі. Енгізу әдісі және жолы Ішке. Ларнамин® препаратын сұйықтықтың көп мөлшерінде (мысалы, бір стақан су, шай немесе шырында) ерітіп, тамақ ішкен кезде немесе тамақтанудан кейін қабылдау керек.

• әсер етуші затқа немесе қосымша заттардың кез келгеніне аса жоғары сезімталдық • бүйректің айқын жеткіліксіздігі (қан сарысуындағы креатиннің мәні 3 мг/100 мл-ден жоғары) - 18 жасқа дейінгі балалар мен жасөспірімдер • тұқым қуалайтын фруктоза жақпаушылығы

Жиі емес: • жүрек айнуы, құсу, асқазанның ауыруы, метеоризм, диарея Өте сирек: • аяқ-қолдың ауыруы Белгісіз: • аса жоғары сезімталдық реакциялары, ангионевроздық ісінуді қоса. Бұл жағымсыз реакциялар әдетте қысқа мерзімді және дәрілік затты қабылдауды тоқтатуды талап етпейді. Жағымсыз дәрілік реакциялартуындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің « Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Осы уақытқа дейін L-орнитин-L-аспартаттың артық дозалануы салдарынан уыттану белгілері байқалмады. Емі: Жағымсыз әсерлердің күшеюі мүмкін. Спецификалықантидоты белгісіз. Артық дозаланған жағдайда симптоматикалық емдеу ұсынылады. Дәрілік препаратты қолданар алдында дәрілік препаратты қолдану тәсілін түсіндіру үшін медициналық қызметкерге кеңес алу үшін жүгініңіз.

Ларнамин® дәрілік затын ұзақ уақыт қолдану тістерге зиян тигізуі мүмкін (кариес). Препараттың құрамында аллергиялық реакцияларды тудыруы мүмкін күн батар түстес сары FCF (E 110) бояғышы бар. Қосымша зат ретінде Ларнамин® препаратының құрамында фруктоза бар. Препарат сирек кездесетін тұқым қуалайтын фруктоза жақпаушылығы бар пациенттерге ұсынылмайды. Ларнамин® түйіршектерінің 1 саше құрамында 1.18 г фруктоза бар, оны қант диабетінен зардап шегетін пациенттерге ескеру керек. Арнайы ескертулер Педиатрияда қолдану Балаларға қолдану тәжірибесі шектеулі, сондықтан препарат педиатриялық тәжірибеде қолдануға болмайды.

Ларнамин® препаратын жүктілік кезеңінде қолдану бойынша деректер жоқ. Осылайша, Ларнамин® препаратын жүктілік кезеңінде қолданудан аулақ болу керек. Алайда, егер жүктілік кезеңінде Ларнамин® препаратымен емдеу өмірлік көрсеткіштер бойынша қажет деп есептелсе, дәрігер шарана/бала үшін ықтимал қауіп пен ана үшін күтілетін пайда арақатынасын мұқият өлшеуі керек. L-орнитин-L-аспартаттың ана сүтіне енетіні белгісіз. Сондықтан, бала емізіп жүрген кезеңінде Ларнамин® препаратын қолданудан аулақ болу керек. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Аурудың салдарынан L-орнитин-L-аспартатымен емдеу кезінде автокөлікті басқару немесе басқа механизмдермен жұмыс істеу қабілеті нашарлауы мүмкін, сондықтан емдеу кезеңінде мұндай қызмет түрінен аулақ болу керек.

Үйлесімділік бойынша зерттеулер жүргізілмегендіктен, дәрілік препарат басқа препараттармен араласпауы керек.

Сақтау мерзімі 2 жыл. Жарамдылық мерзімі өткеннен кейін қолдануға болмайды. Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!