Лднил® таблетки 10 мг

Бір таблетканың құрамында: белсенді зат - кальций розувастатині сәйкесінше 10.0 мг және 20.0 мг розувастатинге баламалы; қосымша заттар: трикальций фосфаты (DC), микрокристалды целлюлоза (РН 102), бутилденген гидрокситолуол, повидон К-30, натрий кроскармеллозасы, коллоидты кремнийдің қостотығы, магний стеараты; қабықтың құрамы: инстакоат әмбебап ақ IC-U-1308 (гидроксипропилметилцеллюлоза, полиэтиленгликоль, тазартылған тальк, титанның қостотығы (Е171)), тазартылған су. Сыртқы түрінің, иісінің, дәмінің сипаттамасы Екі жақ беті дөңес, дөңгелек пішінді, ақ түсті үлбірлі қабықпен қапталған, екі жағы да тегіс таблеткалар.

- ересектерде, жасөспірімдерде және 6 жастан асқан балаларда бастапқы гиперхолестеринемияны (IIа типі: тұқым қуалайтын гетерозиготалы гиперхолестеринемияны қоса алғанда) емдеуде немесе тамақтануды түзету және басқа дәрі-дәрмектік емес емдеу әдістері (мысалы, дене жаттығулары, дене салмағының төмендеуі) тиімсіз болған жағдайда диетаға қосымша ретінде аралас дислипидемияда (IIb типі) - ересектерде, жасөспірімдерде және 6 жастан асқан балаларда тұқым қуалайтын гомозиготалы гиперхолестеринемияны диетаға және қандағы липидтер деңгейін төмендетуге бағытталған, басқа емдеу әдістеріне (мысалы, ТТЛП-аферез) қосымша ретінде емдеуде, сондай-ақ осы әдістердің тиімділігі жеткіліксіз болған жағдайларда - басқа қауіп факторларын түзетуге қосымша ретінде алғашқы жүрек-қантамыр құбылысына бейімділік ықтималдығы жоғары пациенттерде жүрек-қантамыр асқынуларының профилактикасы

Әсер ету механизмі Лднил – 3-гидрокси-3-метилглутарил-коэнзим А-ны холестериннің ізашары - мевалонатқа айналдыратын ГМГ-КоА-редуктаза ферментінің селективті бәсекелес тежегіші болып табылады. Розувастатиннің әсер ететін негізгі нысанасы бауыр болып табылады, онда холестерин (XC) синтезі және тығыздығы төмен липопротеидтердің (ТТЛП) катаболизмі жүзеге асады. Розувастатин жасуша бетіндегі ТТЛП бауыр рецепторларының санын арттырады, соның арқасында ТТЛП қармау мен катаболизм күшейеді және бауырдағы тығыздығы өте төмен липопротеидтердің (ТӨТЛП) синтезі басылады Нәтижесінде ТӨТЛП және ТТЛП жалпы саны азаяды. Фармакодинамикалық әсерлері Розувастатин ТТЛП холестеринінің (Хс-ТТЛП), жалпы холестерин мен триглицеридтердің (ТГ) жоғары мөлшерін төмендетеді, жоғары тығыздықтағы липопротеидтердің холестерин деңгейін жоғарылатады (Хс-ЖТЛП), сондай-ақ аполипопротеин В (АпоВ), ЖТЛП емес холестерин (Хс-ЖТЛП емес), ТӨТЛП холестерин (Хс-ТӨТЛП ), ТӨТЛП триглицеридтер (ТГ-ТӨТЛП ) мөлшерін төмендетеді және А-I (АпоА-I) аполипопротеин мөлшерін арттырады, Хс-ЖТЛП/Хс-ЖТЛП, жалпы холестерин/Хс-ЖТЛП, Хс-ЖТЛП емес/Хс-ЖТЛП және АпоВ/АпоА-I арақатынасын төмендетеді (3-кестені қараңыз). 3-кесте. Бастапқы гиперхолестеринемиясы (IIa және IIb типі) бар пациенттерді емдеу кезініде препараттың әртүрлі дозаларының әсері (бастапқы деңгеймен салыстырғанда түзетілген орташа пайыздық өзгерістер) Доза — N — Хс-ТТЛП — Жалпы холестерин — Хс-ЖТЛП — Триглицеридтер — Хс-ЖТЛП емес — АпоВ — АпоАI Плацебо — 13 — -7 — -5 — 3 — -3 — -7 — -3 — 0 5 мг — 17 — -45 — -33 — 13 — -35 — -44 — -38 — 4 10 мг — 17 — -52 — -36 — 14 — -10 — -48 — -42 — 4 20 мг — 17 — -55 — -40 — 8 — -23 — -51 — -46 — 5 40 мг — 18 — -63 — -46 — 10 — -28 — -60 — -54 — 0 Емдік әсері препаратпен ем басталғаннан кейін бір апта ішінде білінеді, емнің 2 аптасынан кейін мүмкін болатын ең жоғары әсердің 90% - на жетеді. Ең жоғары емдік әсерге әдетте 4 аптада жетеді және жүйелі қабылдаған жағдайда сақталады. Клиникалық тиімділігі және қауіпсіздігі Лднил ересек пациенттерде, сондай-ақ пациенттердің арнайы топтарында, мысалы, қант диабеті немесе отбасылық гиперхолестеринемиясы бар пациенттерде триглицеридемиясы бар немесе жоқ гиперхолестеринемияны емдеуге арналған тиімді препарат болып табылады. Бұл әсер пациенттердің нәсіліне, жынысына және жасына байланысты емес. Розувастатин ІІа және IIb типті гиперхолестеринемиясы бар пациенттердің көпшілігін емдеуде тиімді (Хс-ТТЛП орташа бастапқы деңгейі шамамен 4,8 ммоль/л құрайды) және Еуропалық қоғамның атеросклерозды зерттеу ұсынымдарында (European Atherosclerosis Society, EAS; 1998). ұсынылған мақсатты көрсеткіштерге сәйкес келеді. Препаратты 10 мг дозада қабылдайтын пациенттердің шамамен 80%-ы Хс-ТТЛП (<3 ммоль/л) нысаналы деңгейіне жетті. Гетерозиготалы отбасылық гиперхолестеринемиясы бар 435 пациенттің қатысуымен жүргізілген ірі зерттеуде розувастатин дозаны үдемелі титрлеу әдісін қолдана отырып, 20 мг-ден 80 мг-ға дейінгі дозада тағайындалды. Барлық дозалар липидтер параметрлеріне және нысаналы көрсеткіштерге оң әсерін көрсетті. 40 мг тәуліктік дозаға дейін титрлеуден кейін (12 апта емдеу), ТТЛП деңгейі 53% - ға төмендеді. Пациенттердің отыз үш пайызы (33%) ТТЛП-холестериннің (<3 ммоль/л) деңгейіне арналған EAS ұсынымдарына қол жеткізді. Қалыптастырылған титрлеу жағдайында, ашық түрдегі зерттеуде гомозиготалы отбасылық гиперхолестеринемиясы бар 42 пациент (8 баланы қоса алғанда) розувастатинмен емдеуге жауап көрсеткіші бойынша 20-40 мг бағаланды. Жалпы популяцияда ТТЛП-холестерин деңгейінің орташа төмендеуі 22% құрады. Пациенттердің саны шектеулі болған клиникалық зерттеулерде розувастатин фенофибратпен бірге пайдаланғанда триглицеридтер деңгейін төмендетуде және ниацинмен біріктірілгенде ЖТЛП-холестериннің деңгейін арттыруда аддитивті тиімділікке ие екендігі көрсетілді. Көп орталықты, салыстырмалы жасырын, плацебо - бақыланатын клиникалық зерттеуде (METEOR) 45-тен 70 жасқа дейінгі және жүректің ишемиялық ауруының даму қаупі төмен (10 жыл ішінде Фрэмингем бойынша қауіп ретінде <10% анықталды), ТТЛП-холестериннің орташа деңгейі 4,0 ммоль/л (154,5 мг/дл), бірақ субклиникалық атеросклерозы бар (күретамырдың интима-медиальді сегментінің қалыңдығын өлшеу арқылы) 984 пациент күніне бір рет 40 мг-ға дейін розувастатин немесе 2 жыл бойы плацебо алатын топтар рандомизацияланған. Розувастатин плацебомен салыстырғанда күретамырдың 12 бөлігі бойынша ең жоғары CIMT үдеу жылдамдығын -0,0145 мм/жылына едәуір баяулатты [95% сенімді аралық -0,0196, -0,0093; р <0,0001]. Бастапқы деңгеймен салыстырғанда өзгеріс плацебо үшін + 0,0131 мм/жыл (жылына 1,12% (р <0,0001)) үдеумен салыстырғанда розувастатин үшін -0,0014 мм/жыл (жылына -0,12% (маңызды емес)) құрады. CIMT төмендеуі мен жүрек-қантамыр оқиғалар қаупінің төмендеуі арасында тікелей байланыс анықталған жоқ. METEOR зерттеуінде зерттелген пациенттер популяциясында жүректің ишемиялық ауруының даму қаупі төмен және 40 мг розувастатин үшін нысаналы популяция болып табылмайды. 40 мг дозаны жүрек-қантамыр ауруларының қаупі жоғары ауыр гиперхолестеринемияға шалдыққан пациенттерге ғана тағайындаған жөн. Бастапқы профилактикада статиндерді пайдалануды негіздеуде: розувастатинді бағалауға бағытталған интервенциялық зерттеу (JUPITER), розувастатиннің айқын атеросклероздық жүрек-қантамыр ауруларының көріністеу жиілігіне әсері 17 802 ер адамда (≥ 50 жас) және әйелдерде (≥ 60 жас) жүргізілді. Зерттеуге қатысушыларды кездейсоқ таңдау әдісімен плацебо (n = 8901) немесе розувастатин топтарына күніне бір рет 20 мг (n = 8901) бөліп, 2 жыл бойы бақылаған. ТТЛП-холестериннің концентрациясы плацебо тобымен салыстырғанда розувастатин тобында 45% - ға (p <0,001) төмендеді. Фрэмингем бойынша бастапқы қауіп көрсеткіші > 20% (1558 пациент) қаупі жоғары пациенттердің қосалқы тобының ретроспективті талдауында біріктірілген соңғы нүктелер көрсеткіші бойынша айтарлықтай төмендеу байқалды: плацебомен салыстырғанда розувастатинмен емдеу тобында жүрек-қантамыр құбылыстары, инсульт және миокард инфарктісі (p = 0,028) себебінен болған өлім-жітім. 1000 пациент-жыл жағдайлардың көріну жиілігі бойынша қауіптің абсолюттік төмендеуі 8,8 құрады. Қаупі жоғары топтағы жалпы өлім-жітім өзгерген жоқ (p = 0,193). Бастапқы қауіп көрсеткіші = 5% (65 жастан асқан пациенттерді қосу арқылы экстраполяцияланған) қаупі жоғары (9302 пациент) пациенттердің қосалқы тобының ретроспективті талдауында біріктірілген соңғы нүктелердің көрсеткіші бойынша айтарлықтай төмендеу байқалды: плацебомен салыстырғанда розувастатинмен емдеу тобында жүрек-қантамыр құбылыстары, инсульт және миокард инфарктісі (p = 0,0003) себебінен болған өлім-жітім. 1000 пациент-жыл жағдайлардың көріну жиілігі бойынша қауіптің абсолюттік төмендеуі 5,1 құрады. Қаупі жоғары топтағы жалпы өлім-жітім көрсеткіші өзгерген жоқ (p = 0,076). JUPITER зерттеуінде розувастатин тобындағы пациенттердің 6,6%-ы және плацебо тобындағы пациенттердің 6,2% - ы тіркелді, олар жағымсыз әсерлердің дамуына байланысты зерттелетін препаратты қолдануды тоқтатты. Емдеуді тоқтатуға әкелген ең жиі жағымсыз әсерлер: миалгия (0,3% розувастатин, 0,2% плацебо), іштің ауыруы (0,03% розувастатин, 0,02% плацебо) және бөртпе (0,02% розувастатин, 0,03% плацебо). Плацебодан асатын немесе оған тең жиіліктегі ең көп таралған жағымсыз әсерлер - несеп шығару жолдарының инфекциясы (8,7% розувастатин, 8,6% плацебо), назофарингит (7,6% розувастатин, 7,2% плацебо), белдің ауыруы (7,6% розувастатин, 6,9% плацебо) және миалгия (7,6% розувастатин, 6,6% плацебо). Педиатриялық популяция Кейінгі 40 апталық (n = 173, 96 еркек пен 77 әйел жынысты) розувастатин дозасын ашық титрлеу фазалы салыстырмалы жасырын рандомизацияланған көп орталықты плацебо бақыланатын 12 апталық зерттеуде (n = 176, 97 ұл және 79 қыз балалар) гетерозиготалы отбасылық гиперхолестеринемияға шалдыққан 10–нан 17 жасқа дейінгі пациенттер (II-V Таннер сатысы, әйел жынысты, менархеден кейін кемінде 1 жыл) 12 апта бойы күн сайын 5, 10 немесе 20 мг розувастатин немесе плацебо алды, содан кейін барлығы 40 апта бойы күн сайын розувастатин алды. Зерттеу басталған кезде пациенттердің шамамен 30% - ы 10-13 жас аралығында болды және шамамен 17%-ында, 18%-ында, 40%-ында және сәйкесінше 25%-ында Таннер II, III, IV және V сатысы болды. 5, 10 және 20 мг дозада розувастатинді қабылдаған кезде ХС-ТТЛП деңгейі плацебоны қабылдаған кездегі 0,7% - бен салыстырғанда 38,3% - ға, 44,6% - ға және тиісінше 50,0% - ға төмендеді. Нысанаға 40 апталық ашық титрлеудің соңында, күніне бір рет 20 мг дозалай отырып, 173 пациенттің 70-і (40,5%) 2,8 ммоль/л-ден кем LDL-C нысаналы деңгейіне жетті. 52 апталық зерттеуден кейін бой өсуіне, салмаққа, ДСИ-не немесе жыныстық жетілуге әсер етпеді (4.4 бөлімін қараңыз). Бұл зерттеу (n=176) дәрі-дәрмектердің сирек кездесетін жағымсыз әсерлерін салыстыруға жарамсыз болды. Розувастатин сонымен қатар 6 жастан 17 жасқа дейінгі гетерозиготалы отбасылық гиперхолестеринемиясы бар 198 балада (88 еркек және 110 әйел, Таннер сатысы <II-V) 2 жылдық титрлеу зерттеулерінде зерттелген. Барлық пациенттер үшін бастапқы доза тәулігіне бір рет 5 мг розувастатин болды. 6 жастан 9 жасқа дейінгі пациенттер (n = 64) күніне бір рет 10 мг ең жоғары дозаға дейін және 10 жастан 17 жасқа дейінгі пациенттер (n = 134) күніне бір рет 20 мг ең жоғары дозаға дейін титрленуі мүмкін. Розувастатинмен 24 ай емдеуден кейін ТТЛП-с бастапқы мәнімен салыстырғанда LS орташа пайыздық төмендеуі -43% құрады (бастапқы деңгей: 236 мг/дл, 24 ай: 133 мг/дл). Әрбір жас тобы үшін Хс-ТТЛП бастапқы мәндерімен салыстырғанда LS орташа пайыздық төмендеуі -43% (бастапқы мәні: 234 мг/дл, 24 ай: 124 мг/дл), -45% (бастапқы мәні: 234 мг/дл, 24 ай: 124 мг/дл) және жас топтарында тиісінше 6-дан <10-ға дейін, 10-нан <14-ке дейін және 14-тен <18-ге дейін -35% (бастапқы мәні: 241 мг/дл, 24 ай: 153 мг/дл) құрады. Розувастатин 5 мг, 10 мг және 20 мг сонымен қатар келесі екінші реттік липидті және липопротеинді айнымалылар үшін бастапқы деңгейден статистикалық маңызды орташа өзгерістерге жетті: Хс-ЖТЛП, жалпы холестерин, Хс-ЖТЛП емес, Хс-ТТЛП/(Хс-ЖТЛП), жалпы холестерин/Хс-ЖТЛП, ТГ-Триглицеридтер/Хс-ЖТЛП, Хс-ЖТЛП емес/Хс-ЖТЛП, АпоВ, АпоВ/АпоА-I. Осы өзгерістердің әрқайсысы липидтердің әсерін жақсартуға бағытталған және 2 жыл бойы сақталды. 24 айлық емдеуден кейін бой өсуіне, салмаққа, ДСИ-не немесе жыныстық жетілуге әсер етпеді (4.4 бөлімін қараңыз). Розувастатин гомозиготалы отбасылық гиперхолестеринемиясы бар 14 бала мен жасөспірімдегі (6 жастан 17 жасқа дейінгі) плацебоға қарағанда күніне бір рет 20 мг розувататинді қолданған рандомизацияланған, салыстырмалы жасырын, плацебо-бақыланатын көп орталықты айқаспалы зерттеуде зерттелді. Зерттеу диеталық қабылдаудың белсенді 4 апталық кезеңі, оның барысында пациенттер 10 мг дозада розувастатин алды, плацебо емінің 6 апталық кезеңінің алдында немесе одан кейін 20 мг дозада розувастатинмен емдеудің 6 апталық кезеңінен тұратын айқаспалы фазасы және 12 апталық демеуші фазаны қамтыды, оның барысында барлық пациенттер 20 мг дозада розувастатин алды. Эзетимибті зерттеуге немесе аферез терапиясына қатысқан пациенттер зерттеу барысында емдеуді жалғастырды. Статистикалық маңызды (Р = 0,005) Хс-ТТЛП деңгейінің төмендеуі (22,3 %, 85,4 мг/дл немесе 2,2 ммоль/л) плацебомен салыстырғанда 20 мг дозада розувастатинмен 6 аптадан кейін байқалды. Жалпы холестериннің (20.1%, p=0.003), Хс-ЖТЛП емес (22.9%, p=0.003) және АпоВ (17.1%, p=0.024) статистикалық маңызды төмендеуі байқалды. Плацебомен салыстырғанда 20 мг розувастатинмен емделген 6 аптадан кейін ТГ, Хс-ТТЛП/ Хс-ЖТЛП, жалпы холестерин/ Хс-ЖТЛП, Хс-ЖТЛП емес/ Хс-ЖТЛП және АпоВ/ АпоА-I төмендеуі де байқалды. 6 апталық плацебо емімен салыстырғанда 20 мг дозада розувастатинмен емделген 6 аптадан кейін Хс-ТТЛП төмендегені байқалды, кейіннен 12 апта бойы үздіксіз ем жүргізілді. Бір пациентте 40 мг дозада 6 аптадан кейін Хс-ТТЛП (8.0%), жалпы холестериннің (6.7%) және Хс-ЖТЛП емес (7.4%) одан әрі төмендеуі байқалды. Осы пациенттердің 9-ында ұзақ мерзімді ашық емдеу кезінде 90 апта ішінде 20 мг розувастатин қабылдаған кезде Хс-ТТЛП төмендеген деңгейінің мәні -12,1% - дан -21,3% - ға дейінгі ауқымда сақталды. Гомозиготалы отбасылық гиперхолестеринемиямен дозаны титрлеуді ашық зерттеуден бағаланатын 7 бала мен жасөспірімде (8 жастан 17 жасқа дейін) (жоғарыдан қараңыз) 20 мг дозада розувастатинмен 6 аптадан кейін бастапқы деңгейден ТТЛП-с (21,0%), жалпы-с (19,2%) және ЖТЛП емес-с (21,0%) деңгейінің пайыздық төмендеуі гомозиготалы отбасылық гиперхолестеринемиясы бар балалар мен жасөспірімдерде жоғарыда аталған зерттеуде байқалғанға сәйкес келді.

Дозалау режимі Емдеуді бастар алдында пациент холестеринді төмендететін стандартты диетаны сақтауы және оны емдеу кезінде жалғасуы тиіс. Доза қолданыстағы келісілген ұсынымдарды пайдалана отырып, емдеу және пациенттің жауабы мақсатына сәйкес даралануы тиіс. Препаратты тамақ ішуге қарамастан тәуліктің кез келген уақытында ішке қабылдайды. Гиперхолестеринемияны емдеу Басқа ГМГ-КоА-редуктаза тежегіштерімен ем қабылдаған пациенттер үшін, сондай-ақ бұрын статин қабылдамаған адамдар үшін препараттың ұсынылатын бастапқы дозасы тәулігіне бір рет 5 мг немесе 10 мг құрайды. Бастапқы дозаны таңдау кезінде холестерин деңгейін басшылыққа алып, жүрек-қантамыр асқынуларының ықтимал қаупін ескеру керек, сондай-ақ жағымсыз әсерлердің даму қаупін бағалау қажет. Қажет болған жағдайда дозаны препаратты қабылдағаннан кейін 4 аптадан кейін арттыруға болады. 40 мг дозаны қабылдаған кезде жағымсыз әсерлердің ықтимал дамуына байланысты дозаны ең жоғары 40 мг-ға дейін арттыру тек ауыр гиперхолестеринемиясы бар және жүрек-қантамыр асқынулары қаупі жоғары (әсіресе тұқым қуалайтын гиперхолестеринемия кезінде), 20 мг дозаны қабылдаған кезде емдеудің қажетті нәтижесіне қол жеткізілмеген пациенттерде ғана қаралуы мүмкін. Препаратты 40 мг дозада қабылдайтын пациенттердің жағдайын бақылау ұсынылады. Сондай-ақ, Лднил® препаратымен емдеуді дәрігердің бақылауымен 40 мг дозада бастау ұсынылады. Жүрек-қантамыр оқиғаларының профилактикасы Жүрек - қантамыр ауруларының даму қаупін азайту үшін препаратты тәулігіне 20 мг дозада қолданады. Балаларда қолдану Балаларда қолдану маманның бақылауымен ғана жүргізілуі мүмкін. 6 жастан 17 жасқа дейінгі балалар мен жасөспірімдер (Таннер сатысы <II-V ) Гетерозиготалы отбасылық гиперхолестеринемия Гетерозиготалы отбасылық гиперхолестеринемиясы бар балалар мен жасөспірімдерде әдеттегі бастапқы доза күніне 5 мг құрайды. • Гетерозиготалы отбасылық гиперхолестеринемиясы бар 6 жастан 9 жасқа дейінгі балаларда әдеттегі доза ауқымы тәулігіне бір рет пероральді 5-10 мг құрайды. Бұл популяциядағы 10 мг-ден астам дозалардың қауіпсіздігі мен тиімділігі зерттелмеген. • Гетерозиготалы отбасылық гиперхолестеринемиясы бар 10 жастан 17 жасқа дейінгі аралықтағы балаларда әдеттегі доза ауқымы күніне бір рет пероральді 5-20 мг құрайды. Бұл популяциядағы 20 мг-ден астам дозалардың қауіпсіздігі мен тиімділігі зерттелмеген. Титрлеу педиатриялық емдеу ұсынымдарына сәйкес педиатриялық пациенттердің жекелеген реакциясы мен жағымдылығына сәйкес жүргізілуі тиіс. Розувастатинмен емдеуді бастамас бұрын, балалар мен жасөспірімдер холестеринді төмендететін стандартты диетаны ұстануы керек; бұл диетаны розувастатинмен емдеу кезінде жалғастыру керек. Гомозиготалы отбасылық гиперхолестеринемия Гомозиготалы отбасылық гиперхолестеринемиясы бар 6 жастан 17 жасқа дейінгі балалар үшін ұсынылатын ең жоғары доза тәулігіне бір рет 20 мг құрайды. Бастапқы ұсынылатын доза тәулігіне бір рет 5-тен 10 мг-ға дейін, жасына, салмағына және статиндерді алдыңғы қабылдауға байланысты тағайындалады. Тәулігіне бір рет 20 мг ең жоғары дозаға дейін титрлеу ұсынымдарға сәйкес педиатриялық пациенттердің жеке реакциясы мен жағымдылығына сәйкес жүргізілуі тиіс. Розувастатинмен емдеуді бастамас бұрын, балалар мен жасөспірімдер холестерин деңгейін төмендететін стандартты диетаны ұстануы керек; бұл диетаны розувастатинмен емдеу кезінде жалғастыру керек. Халықтың осы тобында 20 мг-ден басқа дозаларды қолдану тәжірибесі шектеулі. 40 мг дозадағы Лднил® препараты, педиатриялық тәжірибеде қолданылмайды. 6 жасқа дейінгі балалар 6 жасқа дейінгі балаларда қолдану қауіпсіздігі мен тиімділігі зерттелмеген. Сондықтан Лднил® 6 жасқа дейінгі балаларға қолдану ұсынылмайды. Препаратты егде жастағы адамдарда қолдану Дозаны түзету қажет емес. 70 жастан асқан пациенттер үшін препараттың ұсынылатын бастапқы дозасы 5 мг құрайды. Бүйрек жеткіліксіздігі бар пациенттердегі дозалау Ауырлығы жеңіл немесе орташа дәрежедегі бауыр функциясы бұзылған пациенттер үшін дозаны түзету талап етілмейді. Бүйрек функциясының орташа бұзылулары бар пациенттерде (креатинин клиренсі <60 мл/мин) препаратты қабылдауды 5 мг дозадан бастау ұсынылады. Орташа бүйрек жеткіліксіздігі бар пациенттерге 40 мг дозаны қолдануға болмайды. Ауыр бүйрек жеткіліксіздігі кезінде препаратты кез келген дозада қолдану қарсы көрсетілімді. Бауыр жеткіліксіздігі бар пациенттерде дозалау Child-Pugh шкаласы бойынша 7 балл немесе одан төмен бағаланған адамдарда розувастатиннің жүйелік экспозициясы жоғарылаған жоқ. Child-Pugh шкаласы бойынша 8 және 9 баллға бағаланған пациенттерде жүйелік биожетімділіктің ұлғаюы байқалды. Child-Pugh шкаласы бойынша 9 баллдан жоғары бағаланған пациенттерде препаратты қолдану тәжірибесі жоқ. Лднил® препараты белсенді фазадағы бауыр аурулары бар пациенттерге қарсы көрсетілімді. Нәсілдік тиістілік Препараттың жүйелік биожетімділігі шығу тегі азиялық адамдарда тіркелді. Шығу тегі азиялық адамдар үшін препараттың ұсынылатын бастапқы дозасы 5 мг құрайды. Осы топтағы пациенттерге 40 мг дозадағы Лднил® препаратымен ем қолдануға болмайды. Генетикалық полиморфизм Розувастатиннің экспозициясын арттыратын генетикалық полиморфизмнің кейбір түрлері белгілі. Генетикалық полиморфизмнің осындай түрлері бар пациенттерде Лднил® препаратының неғұрлым төмен тәуліктік дозасы ұсынылады. Миопатияның дамуына бейімділігі бар пациенттердегі дозалау Пациенттердің осы тобы үшін ұсынылатын бастапқы доза 5 мг құрайды. Препаратты миопатияның дамуына бейім факторлары бар пациенттерге 40 мг дозада тағайындауға болмайды. Қатарлас ем Розувастатин әртүрлі тасымалдаушы ақуыздарының субстраты (мысалы, OATP1B1 және BCRP) болып табылады. Миопатияның даму қаупі (оның ішінде рабдомиолиз) розувастатинді жоғарыда аталған тасымалдаушы ақуыздармен (мысалы, циклоспорин, сондай-ақ кейбір протеаза тежегіштері, соның ішінде ритонавирдің атазанавирмен, лопинавирмен және/немесе типранавирмен біріктірілімі) өзара әрекеттесу нәтижесінде плазмадағы розувастатин концентрациясын арттыруға қабілетті кейбір препараттармен бір мезгілде қолданғанда артады. Мүмкіндігінше, баламалы препараттарды қолдану керек, қажет болған жағдайда розувастатинді уақытша тоқтату мүмкіндігін қарастырған жөн. Мұндай дәрілік заттарды бірге қолдану керек болған жағдайда, біріктірілген емдеумен және розувастатин дозасын өзгертумен байланысты пайда мен қауіпті мұқият қарастыру керек. Енгізу әдісі мен жолы Пероральді.

Лднил® таблеткаларын: - розувастатинге немесе қосымша компоненттердің кез келгеніне аса жоғары сезімталдығы бар пациенттерде, - белсенді фазадағы бауыр аурулары, оның ішінде трансаминазалардың сарысу белсенділігінің тұрақты жоғарылауы және қан сарысуындағы трансаминазалар белсенділігінің кез келген жоғарылауы (ҚЖШ-мен салыстырғанда 3 еседен астам), - ауыр бүйрек жеткіліксіздігі бар пациенттерде (креатинин клиренсі <30 мл/мин), - миопатиясы бар пациенттерде, - софосбувир/велпатасвир/воксилапревирмен бір мезгілде біріктірілген ем қабылдайтын пациенттерде. - бір мезгілде циклоспорин алатын пациенттерде -жүктілік кезінде және лактация кезеңінде - контрацепцияның тиімді әдістерін пайдаланбайтын ұрпақ өрбіту жасындағы әйелдерде қолдануға болмайды 40 мг доза миопатия/рабдомиолиз дамуының қауіп факторлары бар пациенттерге қарсы көрсетілімді. Мұндай факторларға мыналар жатады: - орташа бүйрек жеткіліксіздігі (креатинин клиренсі <60 мл/мин) - гипотиреоз - жеке немесе отбасылық анамнезінде бұлшықет ауруларының болуы - басқа ГМГ–КоА-редуктаза тежегіштерін немесе анамнезінде фибраттарды қолдану аясындағы миоуыттылық - алкогольді шамадан тыс тұтыну - розувастатиннің плазмалық концентрациясының жоғарылауына әкеп соғуы мүмкін жағдайлар - азиялық нәсілді пациенттер - фибраттарды бір мезгілде қолдану

Лднил® препаратын қабылдау кезінде байқалатын жағымсыз әсерлер әдетте елеусіз көрінеді және өздігінен басылады. Клиникалық зерттеулердің деректері мен тіркеуден кейінгі бақылаудың ауқымды тәжірибесіне сүйене отырып, келесі кестеде розувастатинге арналған жағымсыз реакциялардың бейіні берілген. 2-кесте. Клиникалық зерттеулер мен маркетингтен кейінгі тәжірибе деректері негізіндегі жағымсыз реакциялар Ағзалар жүйесінің класы — Жиі — Жиі емес — Сирек — Өте сирек — Белгісіз Қан және лимфа жүйесі тарапынан — Тромбоцитопения Иммундық жүйе тарапынан — Ангионевроздық ісінуді қоса алғанда, жоғары сезімталдық реакциялары Эндокриндік жүйе тарапынан — Қант диабеті 1 Психикалық бұзылулар — Депрессия Жүйке жүйесі тарапынан — Бас ауыруы, бас айналу — Полиневропатия Жады жоғалуы — Шеткері невропатия, ұйқының бұзылуы (оның ішінде ұйқысыздық және қорқынышты түстер), миастения грависі Көз аурулары — Миастенияның көздегі түрлері Респираторлық жүйе, кеуде және көкірек ортасы тарапынан — Жөтел, ентігу Асқазан-ішек жолы тарапынан — Іш қату, жүрек айну, іштің ауыруы — Панкреатит — Диарея Бауыр және өт шығару жолдары тарапынан — Бауыр ферменттерінің жоғарылауы — Сарғаю, гепатит Тері және тері асты тіндері тарапынан — Терінің қышынуы, бөртпе, есекжем — Стивенс-Джонсон синдромы, эозинофилиямен және жүйелік симптомдармен дәрілік реакция (DRESS-синдром) Тірек-қимыл жүйесі мен дәнекер тіндері тарапынан — Миалгия — Миопатия (миозитті қоса алғанда), рабдомиолиз, жегі тәрізді синдром, бұлшықет жыртылуы — Артралгия — Сіңірдің зақымдануы, кейде үзілумен асқынған. Иммунитетке байланысты некроздайтын миопатия Бүйрек және несеп шығару жүйесі тарапынан — Гематурия Ұрпақ өрбіту жүйесі мен сүт бездері тарапынан — Гинекомастия Организм тарапынан жалпы және қолдану бөліктерінде — Астения — Ісіну 1 Жиілік қауіп факторларының болуына немесе болмауына байланысты болады (аш қарынға қандағы глюкоза деңгейі ≥ 5,6 ммоль/л, ДСИ > 30 кг/м2, триглицеридтер деңгейінің жоғарылауы, гипертония тарихы). Басқа ГМГ-КоА-редуктаза тежегіштерін қолданғандағыдай, жағымсыз әсерлердің туындау жиілігі негізінен, дозаға тәуелді сипатта болады. Бүйрек тарапынан жағымсыз әсерлер Сіңірілген субстратпен және негізінен, шығу тегі тубулярлық экспресс-сынама кезінде анықталған протеинурия розувастатин алатын пациенттерде білінуі мүмкін. Несептегі ақуыз мөлшерінің болмауынан бастап немесе ++ іздік сандарға дейін немесе одан да көпке өзгеруі 10-20 мг препарат алатын пациенттердің 1% - дан азында және 40 мг розувастатин алатын пациенттердің шамамен 3% - ында байқалады. Несептегі ақуыз мөлшерінің шамалы өзгеруі 20 мг дозаны қабылдаған кезде байқалды. Көптеген жағдайларда протеинурия емдеу процесінде азаяды немесе жоғалады және бұрыннан бар бүйрек ауруының жедел түрінің туындауын немесе өршуін білдірмейді. Клиникалық сынақтардың деректері мен тіркеуден кейінгі тәжірибеге шолу осы уақытқа дейін протеинурия мен жедел немесе үдемелі бүйрек ауруы арасындағы себеп-салдарлық байланысты анықтаған жоқ. Гематурия розувастатин қабылдаған пациенттерде байқалады және клиникалық сынақтардың деректері гематурияның көріну жиілігі өте төмен екенін көрсетеді. Қаңқа бұлшықеттерінің тарапынан жағымсыз әсерлер Лднил® препаратын барлық дозаларда қолданғанда және әсіресе препараттың 20 мг асатын дозаларын қабылдағанда тірек-қимыл аппаратына келесі әсерлер туралы хабарланды: миалгия, миопатия (миозитті қоса алғанда), сирек жағдайларда - жедел бүйрек жеткіліксіздігімен немесе онсыз рабдомиолиз. Креатинфосфокиназа (КФК) белсенділігінің дозаға тәуелді жоғарылауы розувастатинді қабылдаған пациенттердің аздаған санында байқалады. Көп жағдайда бұл елеусіз, симптомсыз және уақытша болды. КФК белсенділігі жоғарылаған жағдайда (қалыптың жоғарғы шегімен салыстырғанда 5 есе жоғары) емдеу тоқтатылуы тиіс. Бауыр тарапынан жағымсыз әсерлер ГМГ-КоА-редуктазаның басқа тежегіштерін қолданғандағыдай, розувастатинді қолдану аясында пациенттердің елеусіз санында «бауыр» трансаминазалары белсенділігінің дозаға тәуелді жоғарылауы байқалады. Көп жағдайда бұл елеусіз, симптомсыз және уақытша болды. Кейбір статиндермен келесі жағымсыз әсерлер туралы хабарланды: Сексуалдық дисфункция. Өкпенің интерстициялық ауруының бірлі-жарым жағдайлары, әсіресе препараттарды ұзақ уақыт қолданғанда, хабарланды. Қолда бар деректер негізінде рабдомиолиздің көріністеу жиілігі, бауыр немесе бүйрек тарапынан елеулі бұзылулар (негізінен бауыр трансаминазаларының ұлғаюын қоса алғанда) 40 мг дозада жоғары болады. Педиатриялық популяция Ересектермен салыстырғанда балалар мен жасөспірімдерде 52 апталық клиникалық сынақтарда дене жаттығуларынан немесе дене белсенділігінің жоғарылауынан кейін креатинкиназа деңгейі қалыптың жоғары шегінен 10 еседен аса жоғарылауы мен бұлшықет симптомдары байқалды. Әйтпесе, балалар мен жасөспірімдердегі розувастатиннің қауіпсіздік бейіні ересектермен салыстырғанда ұқсас болды. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Розувастатинмен артық дозаланғанда спецификалық емдеу немесе спецификалық антидот жоқ. Артық дозаланған жағдайда асқазанды уақтылы шаю және симптоматикалық емдеу ұсынылады, бауыр функциясын және КФК белсенділігін бақылау, сондай-ақ өмірлік маңызды ағзалар мен жүйелердің функцияларын демеуге бағытталған іс-шаралар қажет; гемодиализ тиімсіз.

Бүйрек функциясына әсері Розувастатинді жоғары дозада (әсіресе 40 мг дозада) қабылдаған кейбір пациенттерде протеинурия байқалды. Протеинурия индикаторлық жолақтардың көмегімен жасалған несеп талдауында диагностикаланды. Көп жағдайда оның шығу тегі өзекшелі, сипаты өтпелі немесе интермиттерлейтін болды. Протеинурия бүйректің жедел немесе созылмалы патологиясының дамуын болжамады. Тіркеуден кейінгі кезеңде бүйрек функциясының ауыр бұзылулары 40 мг дозада розувастатин қабылдаған пациенттерде жиі байқалды. Препаратты осы дозада қабылдайтын пациенттерді стандартты тексеру шеңберінде бүйрек функциясын бағалауды жүзеге асыру қажет. Қаңқа бұлшықетіне әсері Қаңқа бұлшықеттері тарапынан жағымсыз құбылыстар (мысалы, миалгия, миопатия (миозитті қоса алғанда) және сирек жағдайларда рабдомиолиз препаратты кез келген дозада, әсіресе жиі 20 мг асатын дозаларда қабылдаған пациенттерде байқалды. Өте сирек, рабдомиолиз эзетимибпен және ГМГ-КоА-редуктаза тежегіштерімен қатарлас емдеу кезінде дамыған. Фармакодинамикалық өзара әрекеттесуді жоққа шығаруға болмайтындықтан, осы препараттарды бір уақытта қолданған кезде сақтық таныту керек. Басқа ГМГ-КоА-редуктаза тежегіштерімен ем жүргізу жағдайындағыдай, рабдомиолиз дамуының жиілігі препаратты 40 мг дозада пайдаланғанда жоғары болады. Креатинфосфокиназа (КФК) деңгейін анықтау Қан сарысуындағы креатинкиназа деңгейін анықтауды қарқынды дене жүктемесінен кейін немесе креатинкиназа концентрациясы жоғарылауының басқа да ықтимал себептері болған кезде жүргізуге болмайды, себебі бұл нәтижелерді түсіндіруді қиындатуы мүмкін. Егер креатинкиназаның бастапқы деңгейі едәуір жоғарыласа (қалыптың жоғарғы шегінен 5 есе жоғары), 5-7 күннен кейін өлшеуді қайта жүргізу керек. Егер қайталанатын тест креатинкиназаның бастапқы деңгейін растаса (қалыптың жоғарғы шегінен 5 есе артық жоғары болса), емдеуді бастамаған жөн. Емдеу басталғанға дейін Басқа ГМГ-КоА-редуктаза тежегіштері сияқты, розувастатинді миопатияның (рабдомиолиздің) дамуына бейім факторлары бар пациенттерге сақтықпен тағайындау керек. Мұндай факторларға мыналар жатады: - орташа бүйрек жеткіліксіздігі - гипотиреоз - пациентте немесе оның жақын туыстарында бұлшықет жүйесінің тұқым қуалайтын патологияның болуы - анамнезінде басқа ГМГ-КоА-редуктаза тежегішін немесе фибратты қабылдаумен байланысты миопатия - алкогольді шамадан тыс тұтыну - 70 жастан асқан егде жастағы пациенттер - розувастатиннің плазмалық концентрациясының жоғарылауына әкеп соғуы мүмкін жағдайлар - фибраттарды бір мезгілде қолдану. Препаратты осындай пациенттерге тағайындаған кезде емнің әлеуетті қаупі мен ықтимал пайдасын мұқият өлшеу қажет. Бұдан басқа, клиникалық мониторингті жүзеге асыру ұсынылады. Егер креатинкиназа деңгейі бастапқыда едәуір жоғарыласа (қалыптың жоғарғы шегінен 5 есе жоғары), розувастатинмен емдеуді бастауға болмайды. Емдеу кезінде Пациентті бұлшықет ауыруы, бұлшықет әлсіздігі немесе түйілу кенеттен пайда болған жағдайда, әсіресе дімкәстік пен қызбамен бірге болғанда дереу дәрігерге хабарлау қажеттігі туралы ақпараттандыру керек. Мұндай пациенттерде КФК белсенділігіне мониторингті жүзеге асырған жөн. Егер КФК белсенділігі ҚЖШ-мен салыстырғанда 5 есе артық жоғарыласа немесе бұлшықет симптомдары күрт байқалса және күнделікті жайсыздық тудырса (тіпті КФК белсенділігі ҚЖШ-мен салыстырғанда 5 есе аз болса да), емді тоқтату керек. Егер симптомдар басылса және КФК белсенділігі қалыпқа оралса, препаратты немесе ГМГ-КоА-редуктазаның басқа тежегіштерін аз дозада және пациентті мұқият бақылау кезінде қайта қолдану туралы мәселені қарау керек. Рабдомиолиз симптомдары болмаған кезде КФК күнделікті мониторингі ұсынылмайды. Статиндермен, соның ішінде розувастатинмен емдеу кезінде немесе одан кейін иммундық некроздалған миопатия (IMNM) туралы өте сирек хабарламалар болды. IMNM бұлшықет әлсіздігімен және статиндермен емдеуді тоқтатқанына қарамастан сақталатын сарысулық креатинкиназа деңгейінің жоғарылауымен клиникалық сипатталады. Статиндерді қолданумен немесе бұрыннан бар миастения грависі немесе миастенияның көздегі түрлерінің өршуінен туындаған миастения грависі дебютінің бірнеше жағдайлары туралы хабарланды («Жағымсыз реакциялар» 4.8 бөлімін қараңыз). Симптомдар нашарлаған жағдайда Лднилді қолдануды тоқтату керек. Сол немесе басқа статинді қайта қолданғанда миастения грависінің қайталануының дамуы туралы хабарланды.¶ Клиникалық зерттеулерде розувастатин мен қатар жүретін ем қабылдаған пациенттердің аз санында қаңқа бұлшықеттерінің жағымсыз әсерлерінің туындау жиілігінің артқандығы туралы дәлелдер болған жоқ. Дегенмен, гемфиброзилді, циклоспоринді, никотин қышқылын, азольді зеңге қарсы дәрілерді, протеаза тежегіштерін және макролидті антибиотиктерді қоса алғанда, басқа ГМГ-КоА-редуктаза тежегіштерін фиброн қышқылының туындыларымен бірге алған пациенттерде миозит пен миопатия көріну жиілігінің артуы байқалды. Гемфиброзил кейбір ГМГ-КоА-редуктаза тежегіштерімен бір мезгілде қолданғанда миопатия қаупін арттырады. Сондықтан розувастатинмен және гемфиброзилмен біріктірілген емдеу ұсынылмайды. Розувастатинді фибраттармен немесе ниацинмен біріктіріп емдеу арқылы липидтер деңгейін одан әрі бақылаудың пайдасы осындай біріктірілімдерді қолданудың ықтимал қауіптеріне қатысты мұқият өлшенуі тиіс. 40 мг дозаны фибраттармен бір мезгілде қолдануға болмайды. Розувастатинді фузид қышқылының жүйелі препараттарымен бір мезгілде немесе фузид қышқылының туындыларымен емдеуді тоқтатқаннан кейін 7 күн ішінде тағайындауға болмайды. Фузид қышқылын қолдану қажет деп саналатын пациенттерде статиндермен емдеуді фузид қышқылы препараттарымен емдеудің барлық курс бойына тоқтату керек. Фузид қышқылы мен статиндерді біріктіріп алған пациенттерде рабдомиолиз көріністері (соның ішінде кейбір өлім-жітім) туралы хабарланған. Пациентке бұлшықет ауыруы, бұлшықет әлсіздігі немесе түйілу кенеттен пайда болған жағдайда, әсіресе дімкәстік пен қызбамен бірге болғанда дереу дәрігерге хабарлау қажеттігі туралы ақпараттандыру керек. Статинмен емдеуді фузид қышқылының соңғы дозасын қабылдағаннан кейін жеті күн өткен соң қайта бастауға болады. Фузид қышқылының жүйелі препараттарымен ұзақ емдеу қажет болған ерекше жағдайларда, мысалы, ауыр инфекцияларды емдеу үшін розувастатин мен фузид қышқылын бір мезгілде қолдану мүмкіндігі тек жеке негізде және мұқият медициналық бақылауда қарастырылуы тиіс. Розувастатинді миопатияны туындататын немесе рабдомиолизге қатысты қайталама бүйрек жеткіліксіздігінің дамуына бейім жедел, күрделі жағдайы бар пациенттерге (мысалы, сепсис, гипотония, ауқымды операциялық араласым, жарақат, зат алмасудың ауыр бұзылуы, эндокриндік аурулар және электролиттік теңгерімнің бұзылуы немесе бақыланбайтын құрысулар) тағайындауға болмайды. Бауыр функциясына әсері Басқа ГМГ-КоА-редуктаза тежегіштері сияқты, розувастатинді алкогольді көп тұтынатын және/немесе бауыр ауруының тарихы бар пациенттерде сақтықпен тағайындау керек. Емдеу басталғанға дейін және емдеу басталғаннан кейін 3 айдан соң бауыр функциясының көрсеткіштерін анықтау ұсынылады. Егер қан сарысуындағы бауыр трансаминазаларының белсенділігі ҚЖШ-дан 3 есе жоғары болса, препарат дозасын азайту немесе қабылдауды тоқтату керек. Маркетингтен кейінгі бақылау кезінде бауыр тарапынан ауыр бұзылулардың көріну жиілігінің көрсеткіші (негізінен бауыр трансаминазалары деңгейінің артуы ретінде) 40 мг дозада жоғары болады. Гипотиреоздан немесе нефроздық синдромнан туындаған салдарлы гиперхолестеринемиясы бар пациенттерде негізгі ауруды розувастатинмен емдеу басталғанға дейін емдеу керек. Нәсілдік тиістілік Фармакокинетикалық зерттеулер еуропалықтармен салыстырғанда азиялық нәсілдегі адамдарда плазмадағы розувастатин концентрациясының жоғарылауын көрсетеді. Протеаза тежегіштері Розувастатиннің жоғары жүйелік әсері розувастатинді ритонавирмен бірге протеазаның әртүрлі тежегіштерімен бір мезгілде қабылдайтын пациенттерде байқалады. Протеаза тежегіштерін алатын АИТВ жұқтырған пациенттерде розувастатинді пайдалана отырып, липидтерді төмендету пайдасы және протеаза тежегіштерін қабылдаған пациенттерде розувастатитті тағайындау мен розувастатин дозасын титрлеу кезінде плазмадағы розувастатин концентрациясын арттыру мүмкіндігі туралы мәселені қарау керек. Егер розувастатин дозасы түзетілмесе, протеазаның кейбір тежегіштерімен қатар қолдану ұсынылмайды. Лактоза жақпаушылығы Галактоза жақпаушылығы, Лаппа типті лактаза жеткіліксіздігі немесе глюкоза-галактоза мальабсорбциясы сияқты сирек кездесетін тұқым қуалайтын бұзылулары бар пациенттер бұл дәрілік препаратты қабылдамауы тиіс. Өкпенің интерстициялық ауруы Кейбір статиндерді, әсіресе ұзақ уақыт бойы қолданғанда өкпенің интерстициялық ауруының бірлі-жарым жағдайлары туралы хабарланды. Ентігу, қақырықсыз жөтел және жалпы әл-ауқаттың нашарлауы (әлсіздік, дене салмағының төмендеуі және қызба) аурудың көріністері болуы мүмкін. Өкпенің интерстициялық ауруына күдік туған жағдайда статиндермен емдеуді тоқтату керек. Қант диабеті Кейбір деректер статиндердің класс ретінде қандағы глюкоза деңгейін жоғарылататынын, ал қант диабеті қаупі жоғары кейбір пациенттерде болашақта қант диабетін тиісті емдеуді тағайындау қажет болған кезде гипергликемия деңгейіне дейін көтерілуі мүмкін екенін көрсетеді. Бұл қауіп, дегенмен, статиндермен тамырлық бұзылулардың даму қаупінің төмендеуінен асып түседі, сондықтан статиндермен емдеуді тоқтатуға себеп болмауы тиіс. Қаупі бар пациенттер (аш қарындағы глюкоза деңгейі 5,6-дан 6,9 ммоль/л, ДСИ> 30 кг/м2, жоғары триглицеридтер, гипертония) ұлттық басшылыққа алынатын қағидаттарға сәйкес клиникалық көрініс бойынша да, биохимия бойынша да бақылауда болуы тиіс. JUPITER зерттеуінде қант диабетінің жалпы даму жиілігі розувастатинмен 2,8% және негізінен аш қарынға глюкоза деңгейі 5,6-дан 6,9 ммоль/л-ге дейінгі пациенттерде плацебомен 2,3% - ды құрады. Қосымша заттар Препараттың құрамында ішінде натрий бар қосымша заттар бар. Кешіктірілген типтегі аллергиялық реакциялар, бронхтүйілуі болуы мүмкін. Қолданар алдында қолдану әдісі мен дозалануын түсіндіру үшін медициналық қызметкерге жүгіну ұсынылады.¶ Педиатриялық қауым Розувастатинді қабылдайтын 6-17 жас аралығындағы педиатриялық пациенттерде сызықтық бойдың, салмақтың, ДСИ (дене салмағының индексі) өсуін және Таннер әдісімен жыныстық жетілудің екінші реттік сипаттамаларын бағалау екі жылдық кезеңмен шектеледі. Зерттелетін екі жылдық емдеуден кейін бойға, салмаққа, ДСИ немесе жыныстық жетілуге әсері анықталмады. 52 апта бойы розувастатинмен алған балалар мен жасөспірімдерде клиникалық зерттеуде ересектерге арналған клиникалық зерттеудегі бақылаулармен салыстырғанда жаттығудан немесе физикалық белсенділіктен кейін КК> 10xULN деңгейінің жоғарылауы және бұлшықет симптомдары жиі байқалды.¶ Арнайы ескертулер Педиатрияда қолдану Розувастатин қабылдайтын 6 жастан 17 жасқа дейінгі педиатриялық пациенттерде сызықтық өсуін, салмағын, ДСИ (дене салмағының индексін) және Таннер әдісімен жыныстық жетілудің қайталама сипаттамаларын бағалау екі жылдық кезеңмен шектеледі. Екі жылдық емделуден кейін бойына, салмаққа, ДСИ-ге немесе жыныстық жетілуге әсер етпеді. 52 апта бойы розувастатин алған балалар мен жасөспірімдердің клиникалық сынақтарында ҚЖШ асатын КК> 10 есе деңгейінің жоғарылауы және дене жаттығуларынан немесе дене белсенділігінің жоғарылауынан кейінгі бұлшықет симптомдары ересектердің клиникалық сынақтарындағы бақылаулармен салыстырғанда жиі байқалды. Фертильділік, жүктілік немесе лактация кезінде Лднил® жүктілік кезінде және бала емізу кезеңінде қарсы көрсетілімді. Ұрпақ өрбіту жасындағы әйелдер контрацепцияның талапқа сай әдістерін қолдануы тиіс. Холестерин және холестерин биосинтезінің басқа өнімдері шарананың дамуы үшін маңызды болғандықтан, ГМГ-КоА-редуктазаның тежелу қаупі жүкті әйелдерде препаратты қолдану пайдасынан асып түседі. Ем процесінде жүктілікті диагностикалау жағдайында препаратты қабылдау дереу тоқтатылуы тиіс. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Лднил® препаратының көлік құралын басқару және қауіптілігі зор механизмдерді пайдалану қабілетіне әсерін зерттеу бойынша зерттеулер жүргізілген жоқ. Автокөлікті басқару немесе жоғары зейін қоюды талап ететін жұмыс кезінде сақ болу керек, өйткені емдеу кезінде бас айналу, әлсіздік пайда болуы мүмкін. Егер сізде миастения немесе анамнезде миастения болса (жалпы бұлшықет әлсіздігі бар аурулар, соның ішінде кейбір жағдайларда тыныс алу бұлшықеттерін қоса) немесе көз миастениясы (көз бұлшықеттерінің әлсіздігі) болса, статиндерді қабылдау кейде жағдайды өршітуі немесе миастения пайда болуына әкелуі мүмкін.

Нұсқаулықта көрсетілмеген.

Дәрілік заттарды бірге қолданудың розувастатинге әсері Тасымалдау ақуыздарының тежегіштері Розувастатин бұл белгілі бір тасымалдау ақуыздарының субстраты, оның ішінде ОАТР1В1 (гепатоциттердің статиндерді қармап алуға қатысатын органикалық аниондарды тасымалдау полипептиді) және BCRP (эффлюксті тасымалдаушы). Розувастатинді тасымалдау ақуыздарымен өзара әрекеттесу есебінен плазмадағы розувастатин концентрациясын арттыратын дәрілік препараттармен бірге қолданғанда миопатия қаупі жоғарылауы мүмкін (1-кестені қараңыз). Циклоспорин Розувастатин мен циклоспоринді бір мезгілде қолданғанда AUC розувастатин дені сау еріктілерде байқалған мәннен орта есеппен 7 есе жоғары (1-кестені қараңыз). Розувастатинді бірге қолдану циклоспоринмен бір мезгілде ем қабылдайтын пациенттерге қарсы көрсетілімді. Бір мезгілде қабылдау циклоспориннің плазмалық концентрациясына әсер етпейді. Протеаза тежегіштері Өзара әрекеттесудің нақты механизмі белгісіз болғанымен, АИТВ протеаза тежегіштерін бірге қабылдау розувастатинге экспозицияның едәуір ұлғаюына әкелуі мүмкін (1-кестені қараңыз). Мысалы, құрамында АИТВ протеазасының екі тежегіші бар (300 мг атазанавир/100 мг ритонавир) біріктірілген препаратпен 10 мг розувастатинді бір мезгілде қолдану бойынша фармакокинетикалық зерттеу дені сау еріктілерде AUC(0-24) және тиісінше Cmax розувастатин мәндерінің шамамен үш есе және жеті есе өсуіне әкеп соққан. Сондықтан розувастатинді және АИТВ протеазасының кейбір тежегіштерімен біріктірілімдерді бір мезгілде қабылдауды розувастатин концентрациясының ұлғаю мүмкіндігін назарға ала отырып, розувастатин дозасын тиісінше түзеткеннен кейін ғана тағайындау керек (1-кестені қараңыз). Гемфиброзил және қандағы липидтердің құрамын төмендететін басқа препараттар Розувастатин мен гемфиброзилді бірге қолдану Сmах пен AUC розувастатиннің 2 есе ұлғаюына әкеледі. Ерекше өзара әрекеттесу бойынша деректерге негізделе отырып, фенофибраттармен фармакокинетикалық маңызды өзара әрекеттесуі күтілмейді, фармакодинамикалық өзара әрекеттесуі мүмкін. Гемфиброзил, фенофибрат, басқа фибраттар және никотин қышқылының липид төмендететін дозалары (үлкен дозалар немесе тәулігіне 1 г баламалы) ГМГ-КоА-редуктаза тежегіштерімен бір мезгілде қолданғанда миопатияның туындау қаупін арттырады, олар монотерапия ретінде қолданғанда да миопатия туындатуы мүмкін екеніне байланысты шығар. 40 мг дозаны фибраттармен бір мезгілде қолдануға болмайды. Мұндай пациенттерге препараттың бастапқы дозасы 5 мг ұсынылады. Эзетимиб 10 мг дозада розувастатин және 10 мг дозада эзетимиб препаратын бір мезгілде қолдану гиперхолестеринемиясы бар пациенттерде AUC 1.2 есе розувастатиннің ұлғаюымен қатар жүрді (1-кестені қараңыз). Розувастатин мен эзетимиб арасындағы фармакодинамикалық өзара әрекеттесуге байланысты жағымсыз әсерлердің пайда болу қаупінің жоғарылауын жоққа шығаруға болмайды. Антацидтер Құрамында алюминий және магний гидроксиді бар розувастатин мен антацидтер суспензияларын бір мезгілде қолдану розувастатиннің плазмалық концентрациясының шамамен 50% - ға төмендеуіне әкеледі. Егер антацидтер розувастатинді қабылдағаннан кейін 2 сағаттан кейін қолданылса, бұл әсер әлсіз болады. Мұндай өзара әрекеттесудің клиникалық маңызы зерттелмеген. Эритромицин Розувастатин мен эритромицинді бір мезгілде қолдану AUC розувастатинді 20% - ға және Сmax розувастатинді 30% - ға азайтуға әкеледі. Мұндай өзара әрекеттесу эритромицин қабылдаудан туындаған ішек моторикасының күшеюі нәтижесінде пайда болуы мүмкін. Р450 цитохромының ферменттері In vivo және in vitro зерттеулерінің нәтижелері розувастатин Р450 цитохромы изоферменттерінің тежегіші де, индукторы да емес екенін көрсетті. Сонымен қатар, розувастатин бұл изоферменттер үшін әлсіз субстрат болып табылады. Сондықтан Р450 цитохромының қатысуымен метаболизм деңгейінде розувастатиннің басқа дәрілік заттармен өзара әрекеттесуі күтілмейді. Розувастатиннің флуконазолмен (CYP2C9 және СYР3А4 изоферменттерінің тежегіші) клиникалық маңызды өзара әрекеттесуі байқалған жоқ. Розувастатин дозасын түзетуді талап ететін дәрілік заттармен өзара әрекеттесу (1-кестені қараңыз) Лднил® препаратының дозасын оны розувастатинге экспозициясын ұлғайтатын дәрілік заттармен бірге қолдану қажет болған кезде түзету керек. Егер экспозицияның 2 есе және одан көп ұлғаюы күтілсе, Розувастатин препаратының бастапқы дозасы тәулігіне 1 рет 5 мг құрауы тиіс. Сондай-ақ розувастатин препаратының ең жоғары тәуліктік дозасын розувастатинге күтілетін экспозиция розувастатинмен өзара әрекеттесетін дәрілік заттарды бір мезгілде тағайындаусыз қабылданатын 40 мг дозадан аспайтындай етіп түзету керек. Мысалы, гемфиброзилмен бір мезгілде қолданған кезде Розувастатин препаратының ең жоғары тәуліктік дозасы 20 мг (экспозицияның 1.9 есе ұлғаюы), ритонавирмен/атазанавирмен – 10 мг (экспозицияның 3.1 есе ұлғаюы) құрайды. 1-кесте. Қатарлас емнің розувастатинге экспозициясына әсері (AUC, деректер кему тәртібімен келтірілген) - жарияланған клиникалық зерттеулердің нәтижелері Қатарлас емнің режимі — Розувастатинді қабылдау режимі — Розувастатиннің AUC өзгеруі* Циклоспорин 75-200 мг тәулігіне 2 рет, 6 ай. — 10 мг тәулігіне 1 рет, 10 күн — 7.1 есе ұлғаю Регорафениб 160 мг тәулігіне 1 рет, 14 күн — 5 мг бір рет — 3.8 есе ұлғаю Атазанавир 300 мг/ритонавир 100 мг тәулігіне 1 рет, 8 күн — 10 мг бір рет — 3.1 есе ұлғаю Велпатасвир 100 мг тәулігіне 1 рет — 10 мг бір рет — 2.7 есе ұлғаю Омбитасвир 25 мг/паритапревир 150 мг/ритонавир 100 мг тәулігіне 1 рет/дасабувир 400 мг тәулігіне 2 рет, 14 күн — 5 мг бір рет — 2.6 есе ұлғаю Гразопревир 200 мг/елбасвир 50 мг тәулігіне 1 рет, 11 күн — 10 мг бір рет — 2.3 есе ұлғаю Глекапревир 400 мг/пибрентасвир 120 мг тәулігіне 1 рет, 7 күн — 5 мг тәулігіне 1 рет, 7 күн — 2.2 есе ұлғаю Лопинавир 400 мг/ритонавир 100 мг, тәулігіне 2 рет, 17 күн — 20 мг тәулігіне 1 рет, 7 күн — 2.1 есе ұлғаю Клопидогрел 300 мг (жүктемелік доза), содан кейін 24 сағаттан кейін 75 мг — 20 мг бір рет — 2 есе ұлғаю Гемфиброзил 600 мг тәулігіне 2 рет, 7 күн — 80 мг бір рет — 1.9 есе ұлғаю Элтромбопаг 75 мг тәулігіне 1 рет, 5 күн — 10 мг бір рет — 1.6 есе ұлғаю Дарунавир 600 мг/ритонавир 100 мг тәулігіне 2 рет, 7 күн — 10 мг тәулігіне 1 рет, 7 күн — 1.5 есе ұлғаю Типранавир 500 мг/ритонавир 200 мг тәулігіне 2 рет, 11 күн — 10 мг бір рет — 1.4 есе ұлғаю Дронедарон 400 мг тәулігіне 2 рет — Деректер жоқ — 1.4 есе ұлғаю Итраконазол 200 мг тәулігіне 1 рет, 5 күн — 10 мг бір рет — 1.4 есе ұлғаю** Эзетимиб 10 мг тәулігіне 1 рет, 14 күн — 10 мг тәулігіне 1 рет, 14 күн — 1.2 есе ұлғаю** Фосампренавир 700 мг/ритонавир 100 мг тәулігіне 2 рет, 8 күн — 10 мг бір рет — Өзгеріссіз Алеглитазар 0.3 мг, 7 күн — 40 мг, 7 күн — Өзгеріссіз Силимарин 140 мг тәулігіне 3 рет, 5 күн — 10 мг бір рет — Өзгеріссіз Фенофибрат тәулігіне 67 мг 3 рет, 7 күн — 10 мг, 7 күн — Өзгеріссіз Рифампин 450 мг тәулігіне 1 рет, 7 күн — 20 мг бір рет — Өзгеріссіз Кетоконазол 200 мг тәулігіне 1 рет, 11 күн — 80 мг бір рет — Өзгеріссіз Флуконазол 200 мг тәулігіне 1 рет, 11 күн — 80 мг бір рет — Өзгеріссіз Эритромицин 500 мг тәулігіне 4 рет, 7 күн — 80 мг бір рет — 20%-ға төмендеуі Байкалин 50 мг тәулігіне 3 рет, 14 күн — 20 мг бір рет — 47%-ға төмендеуі * x-реттік өзгеріс ретінде ұсынылған деректер бірге қабылдау мен розувастатинді бөлек қабылдау арасындағы жай қатынасты білдіреді. %-дық өзгеріс түрінде берілген деректер бір ғана розувастатинмен салыстырғанда %-дық айырмашылықты білдіреді. ** Розувастатиннің әртүрлі дозаларында өзара әрекеттесу бойынша бірнеше зерттеулер жүргізілді, кестеде ең маңызды қатынас көрсетілген. 2-кесте. Қатарлас дәрілік заттардың розувастатин экспозициясына әсері (AUC; шаманың кему тәртібімен) Өзара әрекеттесетін дәрілік затты дозалау режимі — Розувастатинді дозалау режимі — Розувастатиннің AUC өзгеруі * Регорафениб 160 мг, тәулігіне 1 рет, 14 күн — 5 мг бір реттік доза — 3,8 есе ↑ Велпатасвир 100 мг тәулігіне 1 рет — 10 мг, бір реттік доза — 2,7 есе ↑ Омбитасвир 25 мг / паритапревир 150 мг — 5 мг бір реттік доза — 2,6 есе ↑ Ритонавир 100 мг тәулігіне 1 рет / дасабувир 400 мг тәулігіне екі рет, 14 күн Гразопревир 200 мг / эльбасвир 50 мг тәулігіне 1 рет — 10 мг бір реттік доза — 2,3 рет ↑ Глекапревир 400 мг/ пибрентасвир 120 мг — Тәулігіне 1 рет 5 мг, 7 күн — 2,2 рет ↑ Розувастатинді қолданудың басқа препараттарға әсері К дәруменінің антагонистері Розувастатинмен емнің басталуы немесе К дәруменінің антагонистерін (мысалы, варфарин) бір мезгілде қабылдайтын пациенттерде препарат дозасының ұлғаюы халықаралық қалыптасқан қатынастың (ХҚҚ) ұлғаюына әкелуі мүмкін. Розувастатинді тоқтату немесе препарат дозасын төмендету ХҚҚ төмендеуіне әкелуі мүмкін. Мұндай жағдайларда ХҚҚ бақылау ұсынылады. Пероральді контрацептивтер / гормон алмастыратын ем Розувастатин мен пероральді контрацептивтерді бір мезгілде қолдану этинилэстрадиол AUC мен норгестрел AUC 26%-ға және тиісінше 34% - ға арттырады. Плазмалық концентрацияның мұндай ұлғаюы пероральді контрацептивтердің дозасын таңдау кезінде ескерілуі тиіс. Лднил® препаратын және гормон алмастыратын терапияны бір мезгілде қолдану бойынша фармакокинетикалық деректер жоқ, сондықтан осы біріктіруді қолдану кезінде де ұқсас әсерді жоққа шығаруға болмайды. Алайда, мұндай біріктірілім әйелдерде клиникалық зерттеулер жүргізу кезінде кеңінен қолданылды және пациенттерге жағымдылығы жақсы болды. Дигоксин Розувастатиннің дигоксинмен клиникалық маңызды өзара әрекеттесуі күтілмейді. Фузид қышқылы Розувастатиннің фузид қышқылымен әрекеттесуі туралы зерттеулер жүргізілген жоқ. Фузид қышқылын статиндермен бірге жүйелі қолданған кезде рабдомиолизді қоса алғанда, миопатия қаупі артуы мүмкін. Бұл өзара әрекеттесу механизмі (фармакодинамикалық, фармакокинетикалық немесе біріктірілген) әлі анықталған жоқ. Рабдомиолиз жағдайлары туралы хабарланды (кейбір жағдайларда өлімге әкеп соққан). Мұндай пациенттерді мұқият бақылау керек және розувастатинді уақытша тоқтатуға деген қажеттілігі туындауы мүмкін. Педиатриялық популяция Өзара әрекеттесуді зерттеу тек ересектерге жүргізілді. Педиатриялық популяциядағы өзара әрекеттесу дәрежесі белгісіз.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25С-ден аспайтын температурада сақтау керек. Балалардың қолы жетпейтін жерде сақтау керек!