Левебрейн таблетки 1000 мг

Бір таблетканың құрамында белсенді зат - 250 мг, 500 мг немесе 1000 мг леветирацетам, қосымша заттар: желатинделген жүгері крахмалы, повидон K30, тальк, сусыз коллоидты кремнийдің қостотығы, магний стеараты, этанол (96%)***, тазартылған су ***, үлбірлі қабықтың құрамы: Левебрейн 250 мг: Опадри® II көк 85F20400 (ішінара гидролизделген поливинил спирті, макрогол 4000, титанның қостотығы (Е 171), тальк, индигокармин алюминий лагы (Е 132)). Левебрейн 500 мг: Опадри® сары 02F22025 (гипромеллоза, титанның қостотығы (Е 171), макрогол 6000, темірдің (III) сары тотығы (Е 172), тальк). Левебрейн 1000 мг: Опадри® II ақ 85F18422 (ішінара гидролизделген поливинил спирті, макрогол 4000, титанның қостотығы (Е 171), тальк). ***дайын өнімнің құрамына кірмейді Сыртқы түрінің, иісінің, дәмінің сипаттамасы Сопақша пішінді, екі беті дөңес, көк түсті үлбірлі қабықпен қапталған, бір жағында бөлетін сызығы бар таблеткалар (250 мг доза үшін). Сопақша пішінді, екі беті дөңес, сары түсті үлбірлі қабықпен қапталған, бір жағында бөлетін сызығы бар таблеткалар (500 мг доза үшін). Сопақша пішінді, екі беті дөңес, ақ түсті үлбірлі қабықпен қапталған, бір жағында бөлетін сызығы бар таблеткалар (1000 мг доза үшін). Бөлу сызығы таблетканы сындырып, препараттың дозасын тең бөліктерге бөлу үшін емес, пациенттің оны жұтуға оңай болуы үшін ғана қолданылады.

Левебрейн препаратын монотерапия ретінде бірінші рет диагностикаланған эпилепсиясы бар ересектер мен 16 жастағы және одан асқан жасөспірімдерде салдарлы жайылған немесе жайылмаған парциальді құрысу ұстамаларын емдеу үшін көрсетілген. Левебрейн қосымша ем ретінде емдеу үшін көрсетілген: - эпилепсиясы бар 1 ай жасындағы және одан асқан балаларда, жасөспірімдер мен ересектерде салдарлы жайылған немесе жайылмаған парциальді құрысу ұстамаларын; - ювенильді миоклонустық эпилепсиясы бар 12 жастағы және одан асқан жасөспірімдер мен ересектерде миоклонустық құрысу ұстамаларын; - идиопатиялық жайылған эпилепсиясы бар ересектер мен 12 жастағы және одан асқан жасөспірімдерде бастапқы-жайылған тонусты-клонустық құрысу ұстамаларын.

Леветирацетам, Левебрейннің құрамына кіретін белсенді зат, пирролидон туындысы (s-энантиомер α-этил-2-оксо-1-пирролидин-ацетамид), ол химиялық құрылымы бойынша эпилепсияға қарсы белсенділігі бар басқа белгілі қосылыстардан ерекшеленеді. Әсер ету механизмі Леветирацетам әсер ету механизмі соңына дейін зерттелмеген. In vitro және in vivo зерттеу нәтижелері леветирацетам негізгі жасушалық сипаттамаларға және қалыпты нейротрансмиссияға әсер етпейді. In vitro зерттеулерінде леветирацетам N-типті кальций өзекшелері арқылы Са2+ иондарын ішінара тежеу және жасушаішілік деподан Са2+ иондарының шығарылуын азайту есебінен нейрондардағы Са2+ иондарының жасушаішілік концентрациясына әсер ететіні анықталды. Сонымен қатар, леветирацетам цинк пен β - карболиннің әсер ету аясында оларды тежеген жағдайда ГАМК-және глицин-тәуелді өзекшелер арқылы ионды токтарды ішінара қалпына келтіреді. In vitro зерттеулерінде леветирацетам кеміргіштердің ми тінінің ерекше бөлігімен байланысатыны анықталды; бұл бөлік везикулдың және нейротрансмиттерлердің экзоцитозының бірігуіне қатысатын 2А синаптикалық везикуланың ақуызын білдіреді. Леветирацетам және аналогтың химиялық құрылымы бойынша ұқсас 2А синаптикалық везикулалар ақуызымен байланыстыру ұқсастығымен ерекшеленеді, бұл тышқандағы аудиогенді эпилепсия моделінде анықталғандай, олардың құрысуға қарсы белсенділік дәрежесімен сипатталады. Бұл деректер леветирацетам мен 2А синаптикалық везикулалар ақуызының арасындағы өзара қимыл дәрілік заттың құрысуға қарсы әсеріне себепші болатынын куәландырады. Фармакодинамикалық әсерлері Әртүрлі жануарларда анықталғандай парциальді және бастапқы-жайылған құрыспалы талмалар, леветирацетам құрыспаға қарсы әсер етеді, бұл ретте құрысуға әсер етпейді. Леветирацетам негізгі метаболиті белсенді емес. Адамда леветирацетамды парциальді, сондай-ақ жайылған құрыспалы ұстамаларында (эпилептиформды разрядтар/фотопароксизмальді реакция) қолданудың тиімділігі дәрілік заттың фармакологиялық белсенділігінің кең спектрі бар екенін растайды.

Дозалау режимі Ішінара құрысу ұстамалары Леветирацетамды монотерапия ретінде (16 жас және одан асқан) және қосымша ем ретінде қолданғанда дозалаудың ұсынылған режимдері бірдей болып табылады (төменде қараңыз). Барлық көрсетілімдер Дене салмағы 50 кг және одан жоғары ересектер (18 жас және одан асқан) мен жасөспірімдер (12-17 жас) Бастапқы емдік доза тәулігіне 2 рет 500 мг леветирацетамды құрайды (бұл дозаны емдеудің 1-ші күнінен бастап қолдануға болады). Дегенмен, леветирацетамды дәрігердің құрысулар туындау жиілігінің төмендеуі/жағымсыз реакциялар дамуының әлеуетті қаупі арақатынасын бағалауын ескере отырып, тәулігіне 2 рет 250 мг анағұрлым төмен бастапқы дозада пайдалануға болады. 2 аптадан кейін дәрілік заттың дозасы тәулігіне 2 рет 500 мг дейін ұлғайтылуы мүмкін. Клиникалық жауапқа және емдеудің жағымдылығына байланысты доза тәулігіне 2 рет 1500 мг леветирацетамға дейін ұлғайтылуы мүмкін. Леветирацетамның бір реттік дозасын әрбір 2-4 апта сайын 250 мг немесе 500 мг - ға (қабылдау жиілігі - тәулігіне 2 рет) арттыруға немесе азайтуға болады. Дене салмағы 50 кг кем жасөспірімдер (12-17 жас) және 1 айдан асқан балалар Пациенттің жасына және дене салмағына, сондай-ақ леветирацетам дозасына байланысты дәрілік препаратты тиісті дозалау режимін сақтауға мүмкіндік беретін тиісті дозада және дәрілік түрінде пайдалану керек. Пациенттің дене салмағын ескере отырып, левирацетамды дозалау режимін түзету туралы ақпаратты төмендегі "Балалар мен жасөспірімдер" бөлімінен қараңыз. Емді тоқтату Емдеуді тоқтату қажет болған жағдайда леветирацетам дозасын (мысалы, дене салмағы 50 кг және одан астам ересектер мен жасөспірімдерде - әр 2-4 апта сайын бір реттік дозаны 500 мг - ға төмендету (қабылдау жиілігі - тәулігіне 2 рет; дене салмағы 50 кг - нан кем балалар мен жасөспірімдерде - әрбір 2 апта сайын бір реттік дозаны 10 мг/кг-нан асырмай төмендету (қабылдау жиілігі - тәулігіне 2 рет) 6 айдан кіші балаларда - дозаны 7 мг/кг асырмай төмендету (қабылдау жиілігі - тәулігіне 2 рет) әр 2 апта сайын біртіндеп төмендету ұсынылады. Пациенттердің ерекше топтары Егде жастағы пациенттер (65 жас және одан жоғары) Бүйрек функциясы бұзылған егде жастағы пациенттерде препараттың дозасын тиісінше түзету ұсынылады («Бүйрек функциясы бұзылған пациенттер» төменде қараңыз). Бүйрек функциясы бұзылған пациенттер Бүйрек функциясы бұзылған пациенттерде бүйректің функционалдық жай-күйіне байланысты препараттың жеке тәуліктік дозасын таңдау қажет. Бүйрек функциясы бұзылған, дене салмағы 50 кг және одан жоғары ересектер мен жасөспірімдерде леветирацетамды дозалау бойынша ұсыныстар 1-кестеде көрсетілген. Дәрілік заттың дозасын креатинин клиренсін (Clcr, мл/мин) ескере отырып таңдайды, дене салмағы 50 кг және одан жоғары Clcr ересектер мен жасөспірімдер үшін қан сарысуындағы креатинин концентрациясының көрсеткішін (Ccr, мг/дл) пайдалана отырып, мынадай формула бойынша есептеуге болады: [140 - жасы (жыл)] × дене массасы (кг) Clcr (мл/мин) = ----------------------------------------------- (× 0,85 әйелдер үшін) 72 × Ccr (мг/дл) Содан кейін Clcr келесі формуланы пайдалана отырып, дене бетінің ауданын (ДБА) ескере отырып түзету керек: Clcr (мл/мин) Clcr (мл/мин/1,73 м2) = ----------------------------- × 1,73 пациенттің ДБА (м2) 1-кесте. Бүйрек функциясы бұзылған дене салмағы 50 кг және одан жоғары ересектер мен жасөспірімдерде леветирацетамды дозалау режимдері. Бүйрек функциясы — Clcr (мл/мин/1,73 м2) — Қабылдау дозасы мен жиілігі Қалыпты — ≥ 80 — 500-1500 мг тәулігіне 2 рет Елеусіз төмендеуі — 50-79 — 500-1000 мг тәулігіне 2 рет Қалыпты төмендеуі — 30-49 — 250-750 мг тәулігіне 2 рет Аса қатты төмендеуі — < 30 — 250-500 мг тәулігіне 2 рет Бүйрек ауруының терминальді кезеңі (диализедегі пациенттер*) — - — 500-1000 мг тәулігіне 1 рет # * Емдеудің 1-ші күні 750 мг жүктеме дозасында леветирацетам қабылдау ұсынылады. # Диализ процедурасын өткізгеннен кейін 250-500 мг қосымша дозада леветирацетам қабылдау ұсынылады. Бүйрек функциясы бұзылған балаларда Леветирацетам дозасын бүйректің функционалдық жағдайын ескере отырып түзету қажет, өйткені дәрілік заттың клиренсі бүйрек функциясына байланысты. Мұндай пациенттерде леветирацетамды дозалау бойынша ұсынымдар бүйрек функциясы бұзылған ересек пациенттер қатысқан зерттеу нәтижелеріне негізделеді (2-кестені қараңыз). Кіші жастағы жасөспірімдер мен балаларда Clcr (мл/мин/1,73 м2) Clcr (мг/дл) пайдалана отырып, келесі формула (Шварц формуласы) бойынша есептеуге болады): Бойы (см) ×ks Clcr (мл/мин/1,73 м2) = ------------------------ Ccr (мг/дл) 1 жасқа дейінгі балалар үшін ks = 0,45; 1 жастан 13 жасқа дейінгі балалар және жынысы әйел жасөспірімдер үшін ks = 0,55; жынысы еркек жасөспірімдер үшін ks = 0,7. 2-кесте. Бүйрек функциясы бұзылған дене салмағы 50 кг-нан кем балалар мен жасөспірімдерде леветирацетамды дозалау режимдері. Бүйрек функциясы — Clcr (мл/мин/1,73 м2) — Қабылдау дозасы мен жиілігі ^ 1-5 айға дейінгі балалар — 6 ай және одан асқан балалар және дене салмағы 50 кг жоғарғы жасөспірімдер Қалыпты — ≥ 80 — 7-21 мг/кг тәулігіне 2 рет — 10-30 мг/кг тәулігіне 2 рет Елеусіз төмендеуі — 50-79 — 7-14 мг/кг тәулігіне 2 рет — 10-20 мг/кг тәулігіне 2 рет Қалыпты төмендеуі — 30-49 — 3,5-10,5 мг/кг тәулігіне 2 рет — 5-15 мг/кг тәулігіне 2 рет Аса қатты төмендеуі — < 30 — 3,5-7 мг/кг тәулігіне 2 рет — 5-10 мг/кг тәулігіне 2 рет Бүйрек ауруының терминальді кезеңі (диализедегі пациенттер*) — - — 7-14 мг/кг тәулігіне 1 рет *,# — 10-20 мг/кг тәулігіне 1 рет **,## ^ Егер доза 250 мг леветирацетамнан кем немесе 250 мг еселенбеген жағдайда, оның ішінде әр түрлі дозалары бар бірнеше таблеткаларды пайдалану мүмкін болмаған жағдайда, сондай-ақ таблеткаларды жұта алмайтын пациенттерде дәрілік препаратты тиісті дозада және көрсетілген дозалау режимін сақтауға мүмкіндік беретін дәрілік түрде пайдалану керек. * Емдеудің 1-ші күні 10,5 мг/кг жүктеме дозасында леветирацетамды қабылдау ұсынылады. ** Емдеудің 1-ші күні леветирацетамды 15 мг/кг жүктеме дозасында қабылдау ұсынылады. # Диализ процедурасын өткізгеннен кейін 3,5-7 мг/кг қосымша дозада леветирацетам қабылдау ұсынылады. ## Диализ процедурасын өткізгеннен кейін 5-10 мг/кг қосымша дозада леветирацетам қабылдау ұсынылады. Бауыр функциясы бұзылған пациенттер Бауыр функциясы жеңіл және орташа дәрежеде бұзылған пациенттерде препараттың дозалау режимін түзету талап етілмейді. Бауыр функциясының ауыр бұзылыстары бар пациенттерде Clcr бүйрек функциясы бұзылуының ауырлық дәрежесін толық көрсете алмайды. Егер мұндай пациенттерде Clcr 60 мл/мин/1,73 м2 кем болса, леветирацетамның тәуліктік демеуші дозасын 50%-ға төмендету ұсынылады. Балалар мен жасөспірімдер Пациенттің жасына және дене салмағына, сондай-ақ леветирацетам дозасына байланысты дәрілік препаратты тиісті дозалау режимін сақтауға мүмкіндік беретін тиісті дозада және дәрілік түрінде пайдалану керек. Таблетка түріндегі дәрілік түр 6 жастан кіші балаларда қолдануға арналмаған. Мұндай пациенттерде және таблеткаларды жұта алмайтын немесе дене салмағы 25 кг-нан кем пациенттерде, сондай-ақ леветирацетамның дозасы 250 мг-ден кем болған жағдайларда, дәрілік препаратты тиісті дозалау режимін сақтауға мүмкіндік беретін тиісті дозада және дәрілік түрін пайдалану керек. Монотерапия ретінде қолдану Препаратты монотерапия ретінде қолданудың қауіпсіздігі мен тиімділігі 16 жасқа дейінгі балалар мен жасөспірімдерде анықталмаған; деректер жоқ. Алғаш рет анықталған эпилепсиясы бар салдарлы жайылған немесе онсыз парциальді құрысу ұстамалары бар дене салмағы 50 кг және одан жоғары жасөспірімдер Препаратты дозалау режимі туралы ақпаратты "Ересектер (18 жас және одан асқан) және дене салмағы 50 кг және одан жоғары жасөспірімдер (12-17 жас)" бөлімінен қараңыз. 6 айдан 11 жасқа дейінгі балалар мен дене салмағы 50 кг-нан аз жасөспірімдерде (12-17 жас) қосымша ем ретінде қолдану 6 жастан кіші балаларда және таблеткаларды жұта алмайтын балаларда, сондай-ақ леветирацетамның дозасы 250 мг-ден кем немесе 250 мг-ға еселенбеген жағдайларда, егер дозалары әртүрлі бірнеше таблеткаларды пайдалану мүмкін болмағанды қоса, дәрілік препаратты тиісті дозалау режимін сақтауға мүмкіндік беретін тиісті дозада және дәрілік түрде қабылдаған жөн. Препаратты барлық көрсетілімдерде ең аз тиімді дозада қолдану керек. Дене салмағы 25 кг-нан асатын балалар мен жасөспірімдерде бастапқы доза тәулігіне 2 рет 250 мг леветирацетамды құрайды; ең жоғары доза тәулігіне 2 рет 750 мг леветирацетамды құрайды. Дене салмағы 50 кг және одан астам балаларда леветирацетамды дозалау режимі барлық көрсетілімдердегі ересектерге ("Ересектер (18 жас және одан асқан) және дене салмағы 50 кг және одан жоғары жасөспірімдер (12-17 жас)" жоғарыда көрсетілген режимге сәйкес келеді. 1-5 айлық балаларда қосымша ем ретінде қолдану Дәрілік препаратты тиісті дозалау режимін сақтауға мүмкіндік беретін тиісті дозада және дәрілік түрінде пайдалану керек. Енгізу әдісі және жолы Таблеткаларды ас қабылдауға қарамастан, жеткілікті мөлшердегі сұйықтықпен ішке қабылдайды. Леветирацетамның тәуліктік дозасын тең мөлшерде екі қабылдауға бөледі. Препаратты ішке қабылдағаннан кейін ауызда ащы дәм қалуы мүмкін.

• әсер етуші затқа (заттарға) немесе қосымша заттардың кез келгеніне аса жоғары сезімталдық • 18 жасқа дейінгі балалар мен жасөспірімдер (250 мг дозасы бар таблеткалар үшін, қабығы құрамында индигокармин (Е 132) бар болуына байланысты)

Инфекциялық және паразиттік аурулар: Өте жиі - назофарингит Сирек - инфекция Қан және лимфа жүйесі тарапынан: Жиі емес - тромбоцитопения, лейкопения Сирек - панцитопения, нейтропения, агранулоцитоз Иммундық жүйе тарапынан: Сирек - эозинофилиямен және жүйелік симптомдармен (DRЕSS) дәрілік реакция, аса жоғары сезімталдық (ангионевроздық ісінуді және анафилаксияны қоса алғанда) Зат алмасу және тамақтану тарапынан: Жиі - анорексия Жиі емес - дене салмағының артуы, дене салмағының төмендеуі Сирек - гипонатриемия Психиканың бұзылуы: Жиі -депрессия, дұшпандық/озбырлық, үрей, ұйқысыздық, күйгелектік/ашушаңдық Жиі емес - өз-өзіне қол жұмсау әрекеті, өз-өзіне қол жұмсауды ойлауы, психоздық бұзылыстар, мінез-құлықтың бұзылуы, елестеулер, ашулану, сананың шатасуы, үрейлі шабуылдар, эмоциональді құбылмалылық /көңіл-күйдің ауытқуы, ажитация Сирек - суицид, тұлғалық бұзылыстар, ойлаудың бұзылуы, делирий Өте сирек - обсессивті-компульсивті бұзылыс (маркетингтен кейінгі кезеңде анамнезінде обсессивті-компульсивті бұзылыстар немесе психикалық бұзылыстар бар пациенттерде обсессивті-компульсивті бұзылыстардың даму жағдайлары өте сирек байқалды). Жүйке жүйесі тарапынан: Өте жиі - ұйқышылдық, бас ауруы Жиі - құрысулар, тепе-теңдіктің бұзылуы, бас айналу, әлсіздік, тремор Жиі емес -амнезия, жадының бұзылуы, қозғалыс үйлесімінің бұзылуы/атаксия, парестезия, зейіннің бұзылуы Сирек -хореатетоз, дискинезия, гиперкинезия, жүрістің бұзылуы, энцефалопатия, ұстама көрінісінің күшеюі, қатерлі нейролептикалық синдром (басқа ұлт өкілдеріне қарағанда жапондықтарда жиі кездеседі) Көру мүшесі тарапынан: Жиі емес - диплопия, көру айқындылығының бұзылуы Есту ағзалары тарапынан және лабиринтті бұзылулар: Жиі - вертиго Жүрек тарапынан: Сирек - электрокардиограммада QT аралығының ұзаруы Тыныс алу жүйесі, көкірек қуысы және көкірек ортасы ағазалары тарапынан: Жиі - жөтел. Асқазан-ішек жолы тарапынан: Жиі - іштің ауыруы, диарея, диспепсия, құсу, жүрек айнуы Сирек - панкреатит Бауыр және өт шығару жолдары тарапынан: Жиі емес - бауырдың функционалдық көрсеткіштері тарапынан бұзылулар Сирек - бауыр жеткіліксіздігі, гепатит Бүйрек және несеп шығару жолдары тарапынан: Сирек - бүйректің жедел зақымдануы Тері және тері асты тіндері тарапынан: Жиі - бөртпе Жиі емес - алопеция, экзема, қышыну Сирек - уытты эпидермальді некролиз, Стивенс-Джонсон синдромы, мультиформалы эритема Қаңқа-бұлшықет және дәнекер тіндері тарапынан: Жиі емес - бұлшықет әлсіздігі, миалгия Сирек - рабдомиолиз және қан плазмасындағы креатинфосфокиназа деңгейінің жоғарылауы (жапондықтарда басқа ұлт өкілдеріне қарағанда едәуір жиі байқалады) Енгізу орнындағы жалпы бұзылыстар мен бұзылулар: Жиі - астения/шаршау Жарақат, интоксикация және манипуляцияның асқынулары: Жиі емес - жарақаттар Жекелеген жағымсыз реакциялардың сипаттамасы Леветирацетамды топираматпен бір мезгілде қолданғанда анорексияның пайда болу қаупі жоғарылайды. Бірқатар жағдайларда алопеция кезінде леветирацетамды пайдалануды тоқтатқаннан кейін шаш жабындарының қалпына келуі байқалды. Кейбір жағдайларда панцитопения кезінде сүйек кемігінің тежелуі байқалды. Леветирацетамды қолданған кезде, көбінесе емнің басында (бірнеше күннен бірнеше айға дейін), дәрілік затты қолдануды тоқтатқаннан кейін қайтымды сипатта болған энцефалопатияның даму жағдайлары туралы хабарланған. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз: Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: ұйқышылдық, ажитация, озбырлық, сананың көмескіленуі, тыныс алудың тарылуы және кома. Емі: құстыру немесе асқазанды шаю керек (асқазанды босату мақсатында). Арнайы антидоты жоқ. Артық дозаланғанда симптоматикалық ем жүргізу керек, оның ішіне гемодиализ кіруі мүмкін. Гемодиализ жүргізу кезінде ағзадан 60% леветирацетам және оның негізгі метаболитінің 74% шығарылады.

Бүйрек функциясы бұзылған пациенттерде леветирацетам дозасын түзету қажет болуы мүмкін. Бауыр функциясы ауыр бұзылған пациенттерде дозалау режимін таңдау алдында бүйрек функциясын бағалау керек. Арнайы сақтандырулар Бүйректің жедел зақымдануы Өте сирек жағдайларда леветирацетам қолданған кезде бүйректің жедел зақымдануы байқалды (бірнеше күннен бірнеше айға дейін дамиды). Қанның формалық элементтерінің саны Леветирацетамды пайдалану кезінде, әсіресе емнің басында, қанның формалық элементтері санының төмендеуі (нейтропения, агранулоцитоз, лейкопения, тромбоцитопения және панцитопения) туралы сирек хабарланған. Айқын әлсіздік байқалатын пациенттерде дене температурасы жоғарылайды, қайталанатын инфекциялық аурулар немесе қан ұюының бұзылуы бар пациенттерде қан талдауын (қанның формалық элементтерінің санын) бақылау ұсынылады. Суицид Леветирацетамды қоса алғанда, эпилепсияға қарсы дәрілермен ем қабылдаған пациенттерде өзіне-өзі қол жұмсау, оның ішінде өліммен аяқталған, суицидтік ойлау және мінез-құлық жағдайлары байқалды. Эпилепсияға қарсы құралдарды қолданудың рандомизацияланған плацебо-бақыланатын зерттеулерінің деректерін мета-талдау нәтижелері суицидалды ойлау мен мінез-құлықтың пайда болу қаупінің елеусіз жоғарылағанын куәландырады қауіпті арттырумен байланысты механизмі белгісіз. Сондықтан Левебрейнді пайдалану кезінде депрессия және/немесе суицидалды ойлау және мінез-құлық белгілерін анықтау мақсатында пациенттерді мұқият бақылауды қамтамасыз ету және қажет болған жағдайда тиісті ем жүргізу қажет. Пациенттер (және оларды күтуді қамтамасыз ететін адамдар) депрессия және/немесе суицидалды ойлау немесе мінез-құлық белгілері пайда болған жағдайда оларға дәрігерге жүгіну керек екендігі туралы хабардар болуы тиіс. Мінез-құлық бұзылысы және озбырлық Леветирацетаммен ем алатын пациенттерде тітіркенгіштік пен озбырлықты қоса алғанда, психоздық симптомдар мен мінез-құлық бұзылысы байқалуы мүмкін. Осыған байланысты Левебрейнді қолданған кезде көңіл-күйдің және/немесе жеке сипаттаманың маңызды өзгеруін көрсететін психикалық симптомдарды анықтау мақсатында пациенттерге мұқият мониторинг жүргізу керек. Мұндай симптомдар анықталған кезде дозалау режимін тиісті түрде түзету немесе препаратты қабылдауды біртіндеп тоқтату қажет. Құрысулар Эпилепсияға қарсы препараттардың басқа түрлері сияқты, леветирацетам сирек жағдайларда құрысулардың туындау жиілігін немесе ауырлық дәрежесін арттыруы мүмкін. Бұл парадоксальді әсер леветирацетамды қолдану немесе дозаны арттыру басталғаннан кейінгі бірінші ай ішінде басым түрде байқалды және препаратты тоқтатқаннан немесе дозаны төмендеткеннен кейін жойылып отырды. Эпилепсия күшейген жағдайда дәрігерге дереу қаралу жайында пациенттерге нұсқау беру керек. Емнің тиімсіздігі немесе құрысулардың ауырлығының жоғарылауы туралы, мысалы, натрий потенциал-тәуелді өзектің (SCN8A) α-суббірлігінің 8 мутациясымен байланысты эпилепсиясы бар пациенттерде хабарланды. Электрокардиограммада (ЭКГ) QT аралығының ұзаруы Тіркеуден кейінгі бақылау кезінде сирек жағдайларда QT аралығының ЭКГ-да ұзаруы байқалды. Леветирацетамды QTc аралығы ұзартылған пациенттерде, QTc аралығын ұзартатын препараттарды бір мезгілде қабылдайтын пациенттерде немесе елеулі жүрек аурулары немесе электролиттік теңгерім бұзылулары бар пациенттерде сақтықпен пайдалану қажет. Балалар Таблеткадағы дәрілік түрі 6 жасқа толмаған балаларда қолдануға арналмаған. Балаларда леветирацетамды қолдану туралы қолда бар деректер дәрілік заттың өсуі мен жыныстық дамуына әсер етпейтінін көрсетеді. Дегенмен, балалардың оқыту қабілетіне, интеллектісіне, өсуіне, эндокриндік функциясына, жыныстық жетілуіне және бала туу потенциалына қатысты ұзақ мерзімді әсерлер белгісіз.

Бала туатын жастағы әйелдер Бала туатын жастағы әйелдерге Левебрейнмен емдеуді бастамас бұрын дәрігермен кеңесу керек. Жүктілікті жоспарлау кезінде леветирацетаммен емдеуді қайта бағалау керек. Басқа эпилепсияға қарсы дәрілер қолданылған жағдайда сияқты, ол аурудың асқынуына әкелуі және әйел мен шарана/бала үшін ауыр зардаптарға әкеп соқтыратындықтан, леветирацетаммен емдеуді кенеттен тоқтатуға болмайды. Бірнеше эпилепсияға қарсы дәрілермен емдеу монотерапияға қарағанда туа біткен даму кемістіктерінің (дәрілік заттардың біріктіріліміне байланысты) пайда болу қаупімен байланысты, осының салдарынан жүкті әйелдерде монотерапия (мүмкін болған жағдайда) неғұрлым қолайлы болып табылады. Жүктілік Жүкті әйелдерде леветирацетаммен емді пайда/қауіп арақатынасын мұқият бағалағаннан кейін және бұл өте қажет деп саналатын жағдайларда ғана жүргізуге болады. Мұндай жағдайларда дәрілік затты ең төменгі тиімді дозада пайдалану керек. Жүкті әйелдің ағзасындағы физиологиялық өзгерістер қан плазмасындағы Леветирацетам концентрациясының өзгеруін тудыруы мүмкін; жүктілік кезінде қан плазмасындағы дәрілік зат концентрациясының төмендеуі байқалды. Қан плазмасындағы леветирацетам деңгейі жүктіліктің үшінші триместрінде әйелдерде (бастапқы концентрациядан жүктілікке дейін 60%-ға дейін) төмендейді. Леветирацетаммен ем алатын жүкті әйелдерді жүргізу тиісті түрде жүзеге асырылуы тиіс. Лактация Леветирацетам адамда емшек сүтімен бөлінеді, сондықтан Левебрейнді пайдалану кезінде бала емізу ұсынылмайды. Бала емізу кезеңінде препаратты қолдану қажет болған жағдайда балаға емшекпен емізудің артықшылықтарын ескере отырып, пайда/қауіп арақатынасын мұқият бағалау керек. Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері Леветирацетам автокөлікті жүргізу және механизмдерді басқару қабілетіне шамалы немесе орташа айқын әсер етеді. Леветирацетаммен емдеу аясында жекелей сезімталдықтың ықтимал айырмашылықтарына байланысты кейбір пациенттерде ұйқышылдық немесе орталық жүйке жүйесі тарапынан, әсіресе емдеудің басында немесе дәрілік заттың дозасын арттырғаннан кейін басқа симптомдар туындауы мүмкін. Мұндай пациенттерге жоғары көңіл бөлуді және психомоторлық реакцияларды жылдамдатуды талап ететін міндеттерді орындау кезінде сақтық шарасын қадағалау ұсынылады. Пациенттер осындай әрекеттерді орындау қабілеті бұзылмағандығы анықталғанға дейін автокөлікті жүргізуден немесе механизмдерді басқарудан бас тартқан жөн.

Эпилепсияға қарсы дәрілер Тіркеуге дейінгі клиникалық зерттеулердің нәтижелеріне сәйкес ересектерде леветирацетам фенитоин, карбамазепин, вальпрой қышқылы, фенобарбитал, ламотриджин, габапентин және примидонды қоса алғанда, қан сарысуындағы эпилепсияға қарсы дәрілердің концентрациясына әсер еткен жоқ; жоғарыда көрсетілген эпилепсияға қарсы дәрілер леветирацетам фармакокинетикасына әсер еткен жоқ. Ересектердегідей, балаларда леветирацетамның клиникалық маңызды дәрілік өзара әрекеттесулері туралы деректер (60 мг/кг/тәул. дейін дозаларда) жоқ. Эпилепсиясы бар балалар мен жасөспірімдерде фармакокинетикалық дәрілік өзара әрекеттесулер зерттеулерінің деректерін ретроспективті талдау нәтижелері (4-17 жас) леветирацетамды қосымша терапия ретінде пероральді қолдану кезінде қан сарысуындағы карбамазепин мен вальпроаттың тепе-тең концентрациялары өзгермегенін куәландырады. Алайда қолда бар деректерге сәйкес, бауыр ферменттерінің белсенділігін арттыратын, эпилепсияға қарсы дәрілермен ем қабылдаған балаларда леветирацетам клиренсі 20%-ға артты. Дәрілік заттың дозасын түзету қажет емес. Пробенецид Бүйректегі өзекшелік секреция процесін тежейтін пробенецид (тәулігіне 4 рет 500 мг) леветирацетам негізгі метаболитінің бүйрек клиренсін леветирацетам клиренсіне әсер етпей төмендетеді; бұл ретте жоғарыда көрсетілген метаболиттің қан плазмасындағы концентрациясы төмен. Метотрексат Леветирацетам мен метотрексатты бір мезгілде қолданған кезде соңғысының клиренсі төмендейді, бұл қан плазмасындағы Метотрексат концентрациясының әлеуетті уытты деңгейге дейін жоғарылауына, оның ішінде оны осы деңгейде ұзақ ұстауға әкеп соғады. Леветирацетам және метотрексатпен біріктірілген ем алатын пациенттерде қан плазмасындағы дәрілік заттардың концентрациясын мұқият бақылау керек. Пероральді контрацептивтер және басқа фармакокинетикалық өзара әрекеттесулер Леветирацетам 1000 мг тәуліктік дозада пероральді контрацептивтердің (этинилэстрадиол және левоноргестрел) фармакокинетикасына әсер еткен жоқ; эндокриндік функцияның көрсеткіштері (қан плазмасындағы лютеиндейтін гормон мен прогестеронның концентрациясы) да өзгерген жоқ. Леветирацетам 2000 мг тәуліктік дозада дигоксин мен варфариннің фармакокинетикасына әсер еткен жоқ; протромбин уақытының мәні өзгерген жоқ. Дигоксин, пероральді контрацептивтер мен варфарин леветирацетам фармакокинетикасына әсер еткен жоқ. Іш жүргізетін дәрілер Осмостық іш жүргізетін дәрімен макроголмен бір мезгілде пероральді қабылдау кезінде леветирацетам тиімділігі төмендеген. Сондықтан Левебрейнді макроголды пероральді қабылдағанға дейін бір сағат бұрын немесе бір сағаттан кейін қабылдау керек. Тамақ және алкоголь Ас ішу леветирацетам сіңу дәрежесіне әсер етпейді, алайда оның сіңу жылдамдығы елеусіз түрде төмендейді. Леветирацетамның алкогольмен өзара әрекеттесуі туралы деректер жоқ.

Сақтау мерзімі 3 жыл Жарамдылық мерзімі өткеннен кейін қолдануға болмайды! Сақтау шарттары 25°С-ден аспайтын температурада сақтау керек. Балалардың қолы жетпейтін жерде сақтау керек!