Левокарбисан таблетки 250 мг/25 мг

Бір таблетканың құрамында белсенді заттар: леводопа 250.00 мг карбидопа 25.00 мг (26.99 мг карбидопа моногидратына шаққанда) қосымша заттар: желатинделген крахмал, микрокристалды целлюлоза, кальций стеараты қабығының құрамы: гипромеллоза, вазелин майы Сыртқы түрінің, иісінің, дәмінің сипаттамасы Бір жағында сызығы бар, екі беті дөңес, ақ немесе ақ дерлік түсті қабықпен қапталған таблеткалар.

• Левокарбисан Паркинсон синдромы және Паркинсон ауруы бар пациенттерді емдеу үшін қолданылады. Ол паркинсонизмнің көптеген симтомдарын, атап айтқанда сіреспелілікті және брадикинезияны жеңілдетеді. Левокарбисан көбінесе треморды, дисфагияны, сілекей ағуды және Паркинсон ауруымен және Паркинсон синдромымен байланысты постуральді тұрақсыздықты емдеуге сәтті пайдаланылады. • Леводопаны ғана қабылдауға жауабы тұрақты емес әрі симптомдары үш күн ішінде біркелкі бақыланбайтын Паркинсон ауруы бар пациенттерде Левокарбисан, әдетте, осы ауытқулардың орнын толтырады. • Левокарбисан Паркинсон ауруы бар пациенттердің басым көпшілігінде сапалы симптоматикалық емдеу жүргізуге мүмкіндік береді, өйткені леводопаны ғана қабылдау кезінде байқалатын кейбір жағымсыз әсерлер азаяды. • Дәрілік препараттардан туындаған паркинсонизмді емдеуге арналмаған.

Әсер ету механизмі Леводопа дофамин ізашары болып табылады және Паркинсон ауруы кезінде орын басушы ем ретінде тағайындалады. Карбидопа шеткері допа-декарбоксилазаның тежегіші болып табылады. Гематоэнцефалдық бөгет арқылы өтпейтін карбидопа леводопаның экстрацеребральді декарбоксилденуіне кедергі жасайды, осылайша оның миға түсетін және онда дофаминге айналатын мөлшерін арттырады. Сондықтан әдетте леводопаның жоғары дозаларын жиі уақыт аралықтарымен тағайындау қажеттілігі жоқ. Төменірек дозалау кезінде асқазан-ішек және жүрек-қантамырлық жағымсыз әсерлерді, әсіресе мидан тыс тіндерде өндірілетін дофаминмен байланыстыларын толық немесе ішінара болдырмауға болады. Пиридоксин гидрохлориді (B6 дәрумені) леводопаның дофаминге шеткері айналуын жеделдететіні белгілі болса да, карбидопа бұл әсердің алдын алады. Біріктірілген паркинсонизмге қарсы препарат, оның белсенді заттары леводопа (допамин ізашары) және карбидопа (ароматтық L-амин қышқылдары декарбоксилазасының тежегіші) болып табылады. Паркинсон ауруы, оның ішінде гипокинезия, сіресу, тремор, дисфагия, сілекей ағу симптомдарын әлсіретеді және жояды. Левокарбисан айқынырақ емдік әсер береді және тек бір ғана леводопаның тағайындалуымен салыстырғанда қан плазмасындағы леводопаның емдік концентрациясын ұзақ ұстап тұруды қамтамасыз етеді. Бір леводопадан туындаған кейбір жағымсыз реакцияларды төмендете отырып, Левокарбисан көптеген пациенттерге Паркинсон ауруы симптомдарын талапқа сай жеңілдетуге мүмкіндік береді.

Дозалану режимі Левокарбисанның оңтайлы тәуліктік дозасын әрбір нақты жағдайда жекелей белгілейді. Таблеткалардың құрамында 1:10 арақатынасында карбидопа мен леводопа бар. Емдеу үдерісінде жекелей таңдалған дозаны және препаратты қабылдау жиілігін түзету қажет болуы мүмкін. Жалпы ережелер Зерттеулер шеткері дофа-декарбоксилазаның, соңғысын тәулігіне шамамен 70–100 мг дозада қабылдағанда карбидопамен қанығатынын көрсетіп отыр. Карбидопаны азырақ мөлшерде қабылдап жүрген пациенттер жүрек айнуы мен құсуды бастан өткеруі мүмкін. Левокарбисан препаратын тағайындаған жағдайда, тек бір леводопадан тұратын дәрілерді қоспағанда, паркинсонизмді емдеуге арналған стандартты дәрілерді қабылдауды жалғастыра беруге болады, бұл ретте олардың дозалары қайта таңдалуы тиіс. Емдік, сондай-ақ жағымсыз реакциялар леводопаға қарағанда, біріктірілген Левокарбисан препаратын қолдану кезінде тезірек туындайтындықтан, дозаны таңдау кезеңінде пациенттерді мұқият қадағалау қажет. Атап айтқанда, леводопаға қарағанда Левокарбисан еріксіз қимыл-қозғалыстарды жиірек тудырады. Олардың пайда болуы Левокарбисан препаратының дозасын азайтуды талап етуі мүмкін. Кейбір пациенттерде шамадан тыс дозасының бастапқы белгісі блефароспазм болуы мүмкін. Леводопамен емделген пациенттерді ауыстыру Леводопаны қабылдау Левокарбисан препаратымен емдеуді бастағанға дейін кемінде 12 сағат бұрын (әсері ұзартылған леводопа препараттарын қолданған жағдайда - 24 сағат бұрын) тоқтатылуы тиіс. Левокарбисан препаратының тәуліктік дозасы леводопаның алдыңғы тәуліктік дозасының 20%-на жуығын қамтамасыз етуі тиіс. 1500 мг-ден астам леводопаны қабылдаған пациенттердің көпшілігі үшін ұсынылатын бастапқы доза тәулігіне 3 немесе 4 рет Левокарбисан препаратының бір таблеткасын құрайды. Демеуші ем Емдеу әркімге жекелей болуы және жүргізілген емнен қалаған нәтиже алатындай етіп таңдалуы тиіс. Леводопаның көп мөлшері қажет болған жағдайда, дозасын тәулігіне 3–4 рет 1 таблеткаға дейін арттыруға болады. Қажет болған жағдайда, Левокарбисан препаратының дозасын күн сайын 1 таблеткаға немесе күнара ең жоғары дозасы – тәулігіне 8 таблеткаға жеткенге дейін арттыруға болады. Карбидопаның 200 мг-ден асатын тәуліктік дозасын қолдану тәжірибесі шектеулі. Леводопаны декарбоксилазаның басқа тежегішімен қабылдап жүрген пациенттер Пациенттерді декарбоксилазаның басқа тежегішімен біріктірілген леводопадан Левокарбисанға ауыстырған кезде, дозалауды Левокарбисанды қабылдаудан кемінде 12 сағат бұрын тоқтату керек. Левокарбисанның басқа леводопа препараттарында, декарбоксилаза тежегіштерінде болатын леводопаның дәл сондай мөлшерін қамтамасыз ететін дозасынан бастау қажет. Ұсынылатын ең жоғары доза Күніне Левокарбисанның сегіз таблеткасы (200 мг карбидопа және 2 г леводопа). Бұл салмағы 70 кг пациент үшін шамамен 3 мг/кг карбидопа және 30 мг/кг леводопа. Паркинсонизмге қарсы басқа агенттерді қабылдап жүрген пациенттер Паркинсон ауруына қарсы басқа препараттарды (леводопадан басқа) Левокарбисанмен бірге қабылдауға болады, дозасын өндірушінің нұсқауларына сәйкес түзету қажет. Пациенттердің ерекше топтары Балаларда қолдану Кішкентай және орташа жастағы балаларда Левокарбисан препаратын қолданудың қауіпсіздігі мен тиімділігі анықталмаған, және оны 18 жасқа дейінгі балаларды емдеу үшін қолдану ұсынылмайды. Егде жастағы пациенттер Леводопа мен карбидопаны егде жастағы пациенттерде қолданудың мол тәжірибесі бар. Енгізу жолы және тәсілі Препаратты ішке қабылдайды. Тоқтату симптомдары қаупінің болуына нұсқау Қатысты емес Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар Дәрілік препаратты қабылдаудан бұрын дәрігердің кеңесіне жүгініңіз.

• препараттың белсенді затына немесе қосымша заттардың кез келгеніне аса жоғары сезімталдық • Моноаминоксидазаның селективті емес тежегіштерін (МАО тежегіштері) Левокарбисанмен бір мезгілде қолдануға болмайды. МАО тежегіштері Левокарбисанмен емдеу басталардан кем дегенде екі апта бұрын тоқтатылуы тиіс. Левокарбисанды қолдану жөніндегі нұсқаулықта көрсетілген дозасына сәйкес, В типті МАО селективті тежегіштерімен бірге қабылдауға болады • жабық бұрышты глаукома • меланома немесе анамнезде меланоманың болуы, терідегі диагностикаланбаған күмәнді өзгерістері (қанайтын меңдер немесе түсі немесе пішіні әдеттен тыс меңдер) бар пациенттерге қолданбау керек. • жүктілік және лактация кезеңі • балалар мен 18 жасқа дейінгі жасөспірімдер • Левокарбисанды дәрілік препараттардан туындаған экстрапирамидалық бұзылыстарды емдеу үшін қолдану ұсынылмайды.

Өте жиі • хореяны қоса, дискинезия • диарея, жүрек айнуы • қаңқа-бұлшықет ауырулары және бұлшықеттер мен дәнекер тіндердің ауырулары • хроматурия • несеп шығару жолдарының инфекциялары Жиі • анемия (гемолиздік және гемолиздік емес) • анорексия • суицидке бейімділіктермен немесе онсыз депрессия, елестеулер, сананың шатасуы, әдеттен тыс түстер көру, үрейлену, ұйқысыздық • паркинсонизм симптомдарының өршуі (мысалы, брадикинезия), тремор, қосылу-айрылу феномені, дистония, ми жұмысының бұзылулары (амнезия, деменция), ұйқышылдық, бас айналуы, бас ауыруы, құрысулар, парестезия, өте сирек кездесетін, күндізгі сомноленцияны және кенеттен ұйықтап кету ұстамаларын қоса • жүрек ырғағының бұзылулары, жүрек қағуы • көздің бұлдырауы • блефароспазм • диплопия • қарашықтардың кеңеюі, окулогирлік криздер • ортостаздық гипотензия, гипертензия • диспноэ • іш қату, құсу, диспепсия, іш ауыруы және жайсыздығы, ауыздың құрғауы • бөртпе, гипергидроз • бұлшықет түйілулері, тризм • кеуденің ауыруы, шеткері ісінулер, жүріс-тұрыстың бұзылуы, құлап қалумен қатар жүруі мүмкін • салмақтың ұлғаюы немесе төмендеуі Жиі емес • тромбоцитопения • психоз, қозу • естен тану • колит, дисфагия • несеп іркілуі • дімкәстік Сирек • агранулоцитоз, лейкопения • ангионевроздық ісіну • психоздық жай-күйдің көріністері (сандырақ пен параноидтық ойлауды қоса), патологиялық құмарлық, либидо жоғарылауы, гиперсексуалдылық, әдетте, препаратты жоғары дозаларда қолданғанда (бұл көріністер дозасын төмендеткен кезде немесе препаратпен емдеуді тоқтатқан кезде жойылған) • флебиттер • асқазан-ішектен қан кету, он екі елі ішектің ойықжарасының дамуы, сілекейдің түсі өзгеруі • терінің қышынуы, Шенлейн-Генох ауруы, алопеция, тер түсінің өзгеруі • несеп түсінің өзгеруі Белгісіз (қолда бар деректер негізінде баға беру мүмкін емес) • қатерлі меланома • суицидтік мінез-құлық, дофамин реттелісінің бұзылуы синдромы, бағдарсыздық, эйфория, бруксизм • қатерлі нейролептикалық синдром, атаксия, экстрапирамидалық және қимыл-қозғалыс бұзылулары, бас ауыруы, ойлау белсенділігінің төмендеуі, жасырын Бернар-Горнер синдромының белсенуі, ұю, естен тану, құлап қалу, жүріс-тұрыстың бұзылуы, окулогирлік криздер (көздің, көз алмасының сыртқы бұлшықеттерінің тонустық құрысулары), тітіркену сезімі, жақ қарысу • бет терісіне «қан тебу », гиперемия • қарлыққандық , қалыпты емес тыныс алу, ықылық • сілекей ағу, метеоризм, тілдің ашыту сезімі, ауыздың кермек татуы, кекіру, оральді жайсыздық • есекжем • бұлшықеттердің тартылуы • несепті ұстай алмау • приапизм • астения, әлсіздік • сілтілік фосфатаза, АСТ, АЛТ, лактатдегидрогеназа белсенділігінің жоғарылауы, билирубин, мочевина, несеп қышқылы тұздарының, плазмадағы азот мочевинасы мөлшерінің ұлғаюы, сарысудағы креатинин мөлшерінің жоғарылауы, оң Кумбс сынамасы, гемоглобиннің және гематокриттің төмендеуі, гипергликемия, лейкоцитоз, бактериурия, эритроцитурия. • құлау Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: Жағымсыз реакциялардың күшеюі. Емі: Симптоматикалық (леводопаның артық дозалануы кезіндегідей), алайда пиридоксин препараттың әсерін бейтараптандыру үшін тиімсіз. Артық дозаланған жағдайда, егер препарат ішке жақында қабылданған болса, дереу асқазанды шаюмен бірге жалпы демеуші шараларды қолдану керек. ЭКГ бақылау, қажет болған жағдайда – аритмияға қарсы ем жүргізу керек. Пациенттің басқа да препараттарды қолданған болуы мүмкіндігін ескеру керек. Диализді пайдалануға қатысты деректер жоқ. Дәрілік препараттың бір немесе бірнеше дозаларын өткізіп алғанда қажет болатын шаралар Өткізіп алған дозаның орнын толтыру үшін қосарлы дозасын қолданбаңыз.

Левокарбисан дәрілік препараттардан туындаған экстрапирамидалық бұзылыстарды және Гентингтон хореясын емдеу үшін ұсынылмайды. Левокарбисан препаратын жүректің ишемиялық ауруы бар пациенттерге, жүрек-қантамыр жүйесі немесе өкпе ауруларының ауыр түрлері кезінде, бронх демікпесі, бүйрек, бауыр немесе эндокриндік жүйенің аурулары кезінде, асқазанның ойық жарасы немесе анамнезде құрысулар болған жағдайда сақтықпен тағайындайды. Миокард инфарктісін бастан өткерген және жүрекшелік түйіннің зақымданулары немесе қарынша аритмиялары бар пациенттерде, жүрек жұмысына, әсіресе бастапқы дозаларын таңдау кезінде мониторинг жүргізу қажет. Левокарбисан препаратын қабылдап жүрген пациенттердің барлығын психикалық өзгерістердің, суицидтік үрдістермен депрессияның және басқа елеулі антиәлеуметтік реакциялардың дамуына қатысты мұқият тексеру керек. Левокарбисан препаратын психозы бар (соның ішінде, анамнезінде болған) пациенттерге сақтықпен тағайындайды. Нейролептиктермен (дофаминдік рецепторлардың, әсіресе D2-рецепторларының блокаторларымен) бірге емдеуді сақтықпен тағайындау керек. Пациентті препараттың Паркинсон ауруына қарсы әсерінің жоғалуына немесе Паркинсон ауруы симптомдарының нашарлауына қатысты мұқият қадағалау қажет. Созылмалы ашық бұрышты глаукомада Левокарбисанмен емдеуді, егер көзішілік қысым жақсы бақыланса және емдеу кезінде болуы мүмкін өзгерістер мұқият қадағаланатын болса, сақтықпен жүргізуге болады. Левокарбисан препаратын қабылдау ортостаздық гипотензияны тудыруы мүмкін. Препаратты ортостаздық гипотензия тудыруы мүмкін басқа да дәрілік заттарды қабылдап жүрген пациенттерге сақтықпен тағайындайды. Леводопаны қабылдаған кезде ұйқышылдық және қалғып кету жағдайлары сияқты жағымсыз құбылыстар байқалған. Күнделікті қызмет барысында кенеттен, кей жағдайларда байқаусызда немесе хабаршы белгілерінсіз ұйықтап кету туралы хабарламалар аса сирек түскен. Пациенттерді бұл туралы хабардар ету және және леводопамен емделу кезінде көлік құралдарын басқарғанда немесе қауіптілігі зор механизмдерді пайдаланғанда сақтық танытуға кеңес беру қажет. Леводопамен ғана емдеген кездегідей, анамнезінде асқазанның немесе он екі елі ішектің ойықжарасы бар пациенттерде асқазан-ішектен қан кету туындауы мүмкін. Бұрын леводопаны қабылдаған пациенттерде дискинезия байқалуы мүмкін, өйткені карбидопа миға леводопаның көп мөлшерде жетуіне мүмкіндік береді, және сол арқылы дофаминнің көп мөлшері түзіледі. Дискинезияның пайда болуы дозасын төмендетуді қажет етуі мүмкін. Паркинсонизмге қарсы препараттарды күрт тоқтатқан кезде қатерлі нейролептикалық синдромды еске салатын симптомдар кешені сипатталды, ол бұлшықет сіреспелілігін, дене температурасының жоғарылауын, психологиялық өзгерістерді және сарысудағы креатинфосфокиназа деңгейінің жоғарылауын қамтыды. Сондықтан Левокарбисан препаратының дозасын күрт төмендету немесе оны тоқтату кезеңінде, әсіресе егер пациент нейролептиктерді қабылдап жүрсе, пациенттерді мұқият қадағалау қажет. Жалпы наркоз беру қажет болған жағдайда, Левокарбисан препаратын пациентке сұйық ішуге және препараттарды пероральді қабылдауға рұқсат берілген кезге дейін қабылдауға болады. Жалпы наркоздан кейін, пациент препаратты өздігінен қабылдай алатындай болған кезде, препаратпен емдеуді бұрын тағайындалған дозасында қайта бастауға болады. Препаратпен ұзақ уақыт емдегенде бауыр, қан түзу, жүрек-қантамыр жүйесі және бүйрек функциясын мезгіл-мезгіл бақылап отыру ұсынылады. Импульсивтілікті бақылаудың бұзылуы Пациенттерді ниеттерін бақылауда ұстаудың бұзылыстары дамуына қатысты мұқият қадағалау қажет. Пациенттерге және оларды емдеуге атсалысатын адамдарға ниеттерін бақылауда ұстау бұзылыстарының мынадай: ойынға құмарлық, либидо жоғарылауы, гиперсексуалдылық, ақша жұмсауға және сатып алуға құмарлық, тәбеттің қатты жоғарылауы немесе ашығу сезімін компульсивтік басу сияқты мінез-құлық симптомдарының пайда болуы мүмкіндігі туралы ескерту керек. Көрсетілген симптомдар дофамин агонистерімен және/немесе Левокарбисан препаратын қоса, құрамында леводопа бар басқа дофаминергиялық препараттармен емдеу барысында туындауы мүмкін. Аталған симптомдар пайда болған жағдайда, емдеу сызбасын қайта қарау ұсынылады. Әсіресе қысқа мерзім ішінде – үдемелі анорексиясы, астениясы және салмақ төмендеуі бар пациенттерге жалпылама медициналық зерттеулер және бауыр функциясын тексеру қажет болады. Препаратты тек леводопадан тұратын препаратты қабылдап жүрген пациенттерге тағайындауға болады, алайда леводопаны қабылдау Левокарбисан препаратымен емдеуді бастағанға дейін кемінде 12 сағат бұрын тоқтатылуы тиіс. Левокарбисан препаратының тәуліктік дозасы леводопаның алдыңғы тәуліктік дозасының шамамен 20%-ын қамтамасыз етуі тиіс. Меланома Эпидемиологиялық зерттеулер Паркинсон ауруы бар пациенттердің жалпы популяциямен салыстырғанда меланома дамуының қаупіне бейімірек (шамамен 2–6 есе жиі) екендігін көрсетті. Жоғары қауіптің Паркинсон ауруымен немесе осы ауруды емдеу үшін қолданылатын дәрілік препараттар сияқты басқа да факторлармен байланысы бар-жоқтығы белгісіз. Жоғарыда аталған себептер бойынша пациенттер мен олардың қамқоршыларына меланоманы анықтау үшін (Левокарбисан препаратымен емдеу кезінде) пациенттерді тұрақты түрде тексеру ұсынылады, теріні мұндай тексерулерді мезгіл-мезгіл білікті мамандар (мысалы, дерматологтар) жүргізуі тиіс. Дофамин дисрегуляциясы синдромы (ДДС) аддиктивті бұзылыстарға жатады және леводопамен/карбидопамен ем қабылдап жүрген кейбір пациенттерде препаратты жоғары дозада қолданған кезде көрініс береді. Емді бастар алдында пациенттер мен оларға күтім жасайтын адамдарға ДДС дамуының ықтимал қаупі туралы ескерту қажет . Психотроптық дәрілік заттар мен Левокарбисан препаратын бір мезгілде тағайындағанда сақтық шараларын қадағалау керек . Кейбір зертханалық тестілердің нәтижелері Кетонурияны анықтау үшін тест жолақтарын пайдаланған кезде леводопа / карбидопа кетондық денелердің болуына жалған оң реакция пайда болуын тудыруы мүмкін. Бұл реакция несеп сынамаларын қайнатқан кезде өзгермейді. Жалған теріс нәтиже глюкозурияны анықтаудың глюкозооксидазалық әдісін қолданғанда пайда болуы мүмкін. Арнайы сақтандырулар Жүктілік Жүктілерде леводопа мен карбидопаның біріктірілімін қолдану туралы деректер жеткіліксіз. Жануарлардағы зерттеу деректері ұрпақ өрбітуге уыттылығын көрсетті. Адам үшін әлеуетті қаупі белгісіз. Аса қажет болған жағдайларды қоспағанда, Левокарбисанды жүктілік кезінде қолданбау керек. Бала емізу Леводопа аздаған мөлшерлерде адамның емшек сүтімен бөлінеді. Карбидопа егеуқұйрықтардың сүтімен бөлінеді. Карбидопа адамның емшек сүтімен бөліне ме, жоқ па, белгісіз. Емшек еметін сәбиге қолайсыз әсерін жоққа шығаруға болмайтындықтан, Левокарбисанды қолдану кезінде баланы емізбеу керек. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ұйқышылдық, бас айналуы және сананың шатасуы сияқты жағымсыз әсерлер автокөлікті басқару немесе механизмдермен жұмыс істеу қабілетіне ықпал етуі мүмкін. Леводопамен ем алып жүрген, ұйқышылдық және/немесе кенеттен ұйықтап кету көріністері байқалған пациенттерге ұйқы мен ұйқышылдықтың мұндай қайталанған көріністері жойылғанға дейін автокөлікті жүргізуден немесе зейін қоюдың төмендеуі өздеріне немесе басқа адамдарға қауіп төндіруі мүмкін, ауыр жарақатқа немесе өлімге ұшыратуы мүмкін әрекеттерден (мысалы, машиналармен жұмыс) бас тарта тұруды ұсыну керек.

Нұсқаулықта көрсетілмеген.

Левокарбисан препараты мен келесі дәрілік препараттарды бір мезгілде қолданғанда сақтық таныту керек: Гипертензияға қарсы препараттар Кейбір гипотензивті дәрілерді қабылдап жүрген пациенттерде Левокарбисан препаратын қоса тағайындау симптоматикалық ортостаздық гипотензияны тудыруы мүмкін. Сондықтан, Левокарбисан препаратымен емдеудің басында гипотензивті препараттың дозасын түзету қажет болуы мүмкін. Антидепрессанттар Трициклдық антидепрессанттар мен Левокарбисан препаратын біріктіріп қолданған жағдайда артериялық қысымның жоғарылауы мен дискинезияны қамтитын жағымсыз реакциялар туралы жекелеген хабарламалар болды (моноаминоксидаза А тежегіштерін қабылдайтын пациенттер үшін «Қолдануға болмайтын жағдайлар» бөлімін қараңыз). Антихолинергиялық препараттар Сіңірілуіне, демек пациенттің емге жауабына да әсер етуі ықтимал. Темір препараттары Зерттеулер темір сульфатымен немесе темір глюконатымен бірге қолданғанда карбидопаның және/немесе леводопаның биожетімділігі төмендейтінін көрсетеді. Леводопаның AUC 30–50%-ға және карбидопаның AUC 75%-дан астамға төмендегені байқалды. Басқа да дәрілік заттар Дофамин D2-рецепторларының антагонистері (мысалы, фенотиазиндер, бутирофенондар, рисперидон), сондай-ақ изониазид леводопаның емдік әсерін төмендетуі мүмкін. Паркинсон ауруы кезінде фенитоин мен папаверинді қабылдаудың нәтижесінде болатын леводопаның оң емдік әсерінің бөгелуі жөнінде хабарлар бар. Емдік әсерінің төмендеуін дер кезінде анықтау үшін, осы дәрілерді Левокарбисан препаратымен бір мезгілде қабылдап жүрген пациенттерді мұқият қадағалау қажет. Левокарбисан препаратын селегилинмен бір мезгілде қолданғанда – ауыр ортостаздық гипотензия дамуы мүмкін. Левокарбисанды постпрандиальді қабылдау қан плазмасында ең жоғары концентрацияға жетуін, сондай-ақ ыдырау уақытын шамалы ұзартуы мүмкін. Ақуыз мөлшері жоғары диетадағы кейбір пациенттерде леводопаның сіңуі бұзылуы мүмкін, өйткені леводопа кейбір амин қышқылдарымен бәсекелеседі. Левокарбисанды допамин деңгейін төмендететін препараттармен (мысалы, тетрабеназинмен, резерпинмен) немесе моноаминдер қорын азайтатын басқа да дәрілік заттармен қолдану ұсынылмайды. Антацидтермен бір мезгілде қолданғанда леводопаның биожетімділігіне әсері зерттелмеген. Препаратты құрамында пиридоксин гидрохлориді (В6 дәрумені) бар дәрумендік препараттарды қабылдап жүрген, паркинсонизмі бар пациенттерге қолдануға болады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°C-ден аспайтын температурада сақтау керек. Балалардың қолы жетпейтін жерде сақтау керек!