Левоксимед раствор 500 мг/100 мл

100 мл препараттың құрамында белсенді зат – левофлоксацин 500 мг (512.46 мг левофлоксацин гемигидраты түрінде), қосымша заттар: натрий хлориді, хлорсутек қышқылы, натрий гидроксидінің 10% ерітіндісі, инъекцияға арналған су. Сыртқы түрінің, иісінің, дәмінің сипаттамасы Жасылдау-сары түсті мөлдір ерітінді.

Левоксимед инфузияға арналған ерітінді препараты келесі инфекцияларда ересектерге қолданылады: • жедел пиелонефрит және несеп шығару жолдарының асқынған инфекцияларында; • созылмалы бактериялық простатитте; • сібір ойықжарасының өкпедегі түрі: жанасудан кейінгі профилактикасы мен емдеуде. Левоксимед препараты төменде аталған инфекциялар жағдайында, тек осы инфекцияларды бастапқы емдеу үшін стандартты ұсынылатын антибиотиктер қолданылуы мүмкін болмаған кезде ғана, қолданған жөн. • ауруханадан тыс пневмония; • тері мен жұмсақ тіндердің асқынған инфекциялары. Бактерияға қарсы дәрілерді тиісінше пайдалану жөніндегі ресми нұсқаулықтарды назарға алу қажет.

ATX коды J01MA12 Әсер ету механизмі және фармакодинамикалық әсерлері Левофлоксацин – офлоксацин рацематының S-(-) энантиомері болып табылатын фторхинолондар тобының синтетикалық антибиотигі. Әсер ету механизмі Фторхинолонды антибиотик ретінде левофлоксацин ДНҚ/ДНҚ-гираза және IV топоизомераза кешеніне әсер етеді. Фармакокинетика мен фармакодинамика арасындағы байланыс Левофлоксациннің бактерицидтік белсенділігінің дәрежесі сарысудағы (Cmax) ең жоғары концентрациясының немесе «концентрация-уақыт» (AUC) қисығы астындағы ауданның және ең төменгі тежейтін концентрацияның (ЕТТК) арақатынасына байланысты. Резистенттілік механизмі Левофлоксацинге резистенттілігі ІІ типті екі топоизомеразада, ДНҚ-гиразада және IV топоизомеразада нысана-орынның кезеңдік мутациясы есебінен дамиды. Левофлоксацинге сезімталдықтың өзгеруіне жасуша қабырғасы өткізгіштігінің өзгеруі (Pseudomonas aeruginosa-да таралған) және жасушадан эффлюкс сияқты резистенттіліктің басқа да механизмдері қатыса алады. Левофлоксацин мен басқа фторхинолондар арасында айқаспалы резистенттілік байқалады. Әсер ету механизмінің салдарынан левофлоксацин мен антибиотиктердің басқа кластары арасындағы айқаспалы резистенттілік әдетте болмайды. Сезімталдықты анықтау үшін шекті мәндер Орташа резистентті патогендерден сезімталдарды және резистентті патогендерден орташа резистентті патогендерді ажыратуға мүмкіндік беретін левофлоксацин үшін EUCAST ұсынған ЕТТК шекті мәндері ЕТТК (мг/л) анықтау кестесінде келтірілген. EUCAST сәйкес левофлоксацин үшін ЕТТК клиникалық шекті мәндері (10.0 нұсқа, 2020-01-01): Патоген — Сезімтал — Резистентті Enterobacterales — ≤ 0,5 мг/л — > 1 мг/л Pseudomonas spp. — ≤ 0,001 мг/л — > 1 мг/л Acinetobacter spp. — ≤ 0,5 мг/л — > 1 мг/л Staphylococcus aureus — ≤ 0,001 мг/л — > 1 мг/л Коагулаза - теріс стафилококктар — ≤ 0,001 мг/л — > 1 мг/л Enterococcus spp.1 — ≤ 4 мг/л — > 4 мг/л Streptococcus pneumoniae — ≤ 0,001 мг/л — > 2 мг/л Streptococcus spp. (А, В, С және G топтары) — ≤ 0,001 мг/л — > 2 мг/л Haemophilus influenzae — ≤ 0,06 мг/л — > 0,06 мг/л Moraxella catarrhalis — ≤ 0,125 мг/л — > 0,125 мг/л Helicobacter pylori — ≤ 1 мг/л — > 1 мг/л Aerococcus sanguinicola и urinae2 — ≤ 2 мг/л — > 2 мг/л Aeromonas spp. — ≤ 0,5 мг/л — > 1 мг/л PK-PD шекті мәндері (түрге тән емес) — ≤ 0,5 мг/л — > 1 мг/л 1 Тек асқынбаған несеп шығару жолдарының инфекциялары. 2 Сезімталдық туралы ципрофлоксацинге сезімталдық бойынша бағалауға болады. Бактериялардың жекелеген түрлерінде пайда болған тұрақтылықтың таралуы уақыт пен географиялық жағдайға байланысты өзгеруі мүмкін; осыған байланысты резистенттілігі туралы жергілікті мәліметтерді білген жөн, әсіресе ауыр инфекцияларды емдеу кезінде. Қажет болған кезде, тұрақты штаммдардың таралуы жөнінде жергілікті ақпарат бар болса және дәрілік затты қолданудан болатын пайда ең болмаса кейбір инфекцияларға қатысты күмән тудырса, сарапшының кеңесіне жүгіну қажет. Микроорганизмдердің сезімталдығы мен резистенттілігі туралы төмендегі ақпарат 2012 жылғы тамыздағы жағдай бойынша еуропалық үйлестірілген деректерге сәйкес берілген. Әдетте сезімтал түрлері: • аэробты грамоң микроорганизмдер - Bacillus anthracis, Staphylococcus aureus (метициллинге сезімтал), Staphylococcus saprophyticus, Streptococcus (C және G тобы), Streptococcus agalactiae, Streptococcus pneumoniae, Streptococcus pyogenes; • аэробты грамтеріс микроорганизмдер - Eikenella corrodens, Haemophilus influenzae, Haemophilus parainfluenzae, Klebsiella oxytoca, Moraxella catarrhalis, Pasteurella multocida, Proteus vulgaris, Providencia rettgeri; • анаэробты микроорганизмдер - Peptostreptococcus; • басқа микроорганизмдер - Chlamydophila pneumoniae, Chlamydophila psittaci, Chlamydia trachomatis, Legionella pneumophila, Mycoplasma pneumoniae, Mycoplasma hominis, Ureaplasma urealyticum. Резистентті болуы мүмкін түрлері: • аэробты грамоң микроорганизмдер - Enterococcus faecalis, Staphylococcus aureus (метициллинге төзімді*), Staphylococcus spp. (коагулаза-негативті); • аэробты грамтеріс микроорганизмдер - Acinetobacter baumannii, Citrobacter freundii, Enterobacter aerogenes, Enterobacter cloacae, Escherichia coli, Klebsiella pneumoniae, Morganella morganii, Proteus mirabilis, Providencia stuartii, Pseudomonas aeruginosa, Serratia marcescens; • анаэробты микроорганизмдер - Bacteroides fragilis. Резистентті микроорганизмдер: • аэробты грамоң микроорганизмдер - Enterococcus faecium. * Метициллинге төзімді S. aureus ең алдымен фторхинолондарға (левофлоксацинді қоса) төзімді болады.

Дозалау режимі Левоксимед инфузияға арналған ерітінді препаратын вена ішіне тәулігіне 1-2 рет баяу енгізеді. Дозалары инфекцияның сипаты мен ауырлығына, сондай-ақ болжалды қоздырғыштың сезімталдығына қарай анықталады. Бастапқы венаішілік емнен кейін пациенттің жағдайына байланысты левофлоксацинді таблетка түрінде қабылдауға көшуге болады. Пероральді және парентеральді түрлердің биоэквиваленттілігін ескере отырып, сол дозаны қолдануға болады. Бүйрек функциясы қалыпты пациенттер (креатинин клиренсі > 50 мл/мин) Қолданылуы — Тәуліктік дозалар (аурудың ауырлығына байланысты) — Емнің жалпы ұзақтығы1 (аурудың ауырлығына байланысты) Ауруханадан тыс пневмония — 500 мг тәулігіне 1-2 рет — 7-14 күн Жедел пиелонефрит — 500 мг тәулігіне 1 рет — 7-10 күн Несеп шығару жолдарының асқынған инфекциялары — 500 мг тәулігіне 1 рет — 7-14 күн Созылмалы бактериялық простатит — 500 мг тәулігіне 1 рет — 28 күн Тері мен жұмсақ тіндердің инфекциялары — 500 мг тәулігіне 1-2 рет — 7-14 күн Сібір ойықжарасының өкпедегі түрі — 500 мг тәулігіне 1 рет — 8 апта 1 Емдеу ұзақтығы венашілік, сондай-ақ пероральді емді де қамтиды. Венаішілік емнен пероральді емге ауысу уақыты пациенттің жағдайына байланысты және әдетте, ем басталғаннан кейін 2 күннен 4 күнге дейін. Пациенттердің ерекше топтары Бүйрек жеткіліксіздігі бар пациенттер (креатинин клиренсі ≤ 50 мл/мин) Креатинин клиренсі — Дозалау сызбасы 250 мг/24 часа — 500 мг/24 часа — 500 мг/12 часов бірінші доза: 250 мг — бірінші доза: 500 мг — бірінші доза: 500 мг 50-20 мл/мин — кейін: 125 мг/24 сағат — кейін: 250 мг/24 сағат — кейін: 250 мг/12 сағат 19-10 мл/мин — кейін: 125 мг/48 сағат — кейін: 125 мг/24 сағат — кейін: 125 мг/12 сағат <10 мл/мин (гемодиализді және ТАПД қоса*) — кейін: 125 мг/48 сағат — кейін: 125 мг/24 сағат — кейін: 125 мг/24 сағат * Гемодиализден немесе тұрақты амбулаторлық перитонеальді диализден (ТАПД) кейін қосымша дозалар енгізу керек емес. Бауыр жеткіліксіздігі бар пациенттер Дозаны түзету керек емес, өйткені левофлоксацин бауырда елеулі метаболизмге ұшырамайды және көбінесе бүйрек арқылы шығарылады. Егде жастағы пациенттер Егде жастағы пациенттерге бүйрек функциясының бұзылу жағдайларын қоспағанда, дозаны түзету керек емес. Балалар мен жасөспірімдер Препаратты балалар мен жасөспірімдерге өсу кезеңінде қолдануға болмайды. Енгізу әдісі және жолы Левоксимед инфузияға арналған ерітінді препаратын тәулігіне 1-2 рет вена ішіне баяу енгізеді. Инфузия ұзақтығы 250 мг левофлоксацин үшін кемінде 30 минут және 500 мг левофлоксацин үшін кемінде 60 минутты құрайды. Левоксимед препараты гепаринмен немесе сілтілік ерітінділермен (мысалы, натрий бикарбонаты) үйлеспейді. Левоксимед препараты мынадай инфузиялық ерітінділермен үйлесімді: 0,9% натрий хлориді ерітіндісі, 5% декстроза ерітіндісі, 2,5% декстроза бар Рингер ерітіндісі, парентеральді қоректендіруге арналған аралас ерітінділер (амин қышқылдары, декстроза, электролиттер). Левоксимед препараты жоғарыда көрсетілгендерді қоспағанда, басқа препараттармен араластыруға болмайды. Бактериялық контаминацияны болдырмау үшін тығынды тескеннен кейін ерітіндіні бірден (3 сағат ішінде) пайдалану керек. Инфузия кезінде жарықтан қорғау талап етілмейді. Ерітіндіні мөлдір, жасыл-сары түсті және бөлшектері жоқ болған жағдайда ғана қолдануға болады. Дәрілік препараттың қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар Дәрілік препаратты қолдану туралы сұрақтар туындаған жағдайда дәрігермен немесе фармацевтпен кеңесу керек.

• әсер етуші затқа немесе препараттың қосымша заттарының кез келгеніне аса жоғары сезімталдық • эпилепсия • анамнезінде фторхинолондар қабылдаумен байланысты сіңірдің зақымдануы • жүктілік және лактация кезеңі • 18 жасқа дейінгі балалар және жасөспірімдер

Жиі • ұйқысыздық • бас ауыру, бас айналу • флебит (тек вена ішіне қолданғаннан кейін) • диарея, құсу, жүрек айнуы • бауыр ферменттері (аланинаминотрансфераза (АЛТ)/ аспартатаминотрансфераза (АСТ), сілтілі фосфатаза, гамма-глутамилтрансфераза (ГГТ)) деңгейінің жоғарылауы • инфузия орнындағы реакциялар (ауыру, қызару) Жиі емес • кандидозды инфекцияларды қоса алғанда, зеңдік инфекциялар, патогендер резистенттілігінің дамуы • лейкопения, эозинофилия • анорексия • мазасыздық, сананың шатасуы, күйгелектік • ұйқышылдық, тремор, дисгевзия • вертиго • диспноэ • іштің ауыруы, диспепсия, метеоризм, іш қату • билирубин деңгейінің жоғарылауы • экзантема, қышыну, есекжем, гипергидроз • артралгия, миалгия • сарысудағы креатинин деңгейінің жоғарылауы • астения Сирек • тромбоцитопения, нейтропения • ангионевроздық ісіну, аса жоғары сезімталдық реакциялары • антидиурездік гормонның талапқа сай емес секреция синдромы (SIADH) • гипогликемия, әсіресе диабетпен ауыратын пациенттерде, гипогликемиялық кома • елестеумен және паранойямен психоздық реакциялар, депрессия, қозу, аномальді түс көру, қорқынышты түс көру, делирий • құрысулар, парестезия, жадының нашарлауы • көру жітілігінің бұзылуы • құлақтағы шуыл • тахикардия, пальпитация • гипотензия • эозинофилиямен және жүйелі симптомдармен дәрілік реакция, тұрақты дәрілік бөртпе • тендинитті қоса алғанда сіңірлердің зақымдануы (мысалы, ахилл сіңірі), миастения грависке шалдыққан пациенттерде ерекше маңызды болуы мүмкін бұлшықет әлсіздігі • жедел бүйрек жеткіліксіздігі (мысалы, интерстициальді нефрит жағдайында) • дене температурасының жоғарылауы Жиілігі белгісіз • панцитопения, агранулоцитоз, гемолиздік анемия • анафилаксиялық шок, анафилактоидты шок • гипергликемия • суицидтік ойлары мен әрекеттерін қоса алғанда, өзіне-өзі зиян келтіретін психоздық реакциялар • сенсорлы немесе сенсомоторлы шеткері нейропатия, иіс сезудің бұзылуы, иіс сезудің жоғалуы, дискинезия, экстрапирамидалық бұзылыстар, агевзия, естен тану, қатерсіз бассүйекішілік гипертензия • өтпелі көрмей қалу, увеит • естімей қалу, естудің бұзылуы • жүректің тоқтап қалуына әкеп соғуы мүмкін қарыншалық тахикардия, қарыншалық аритмия және "пируэт" типті тахикардия (көбінесе QT аралығының ұзару қаупі факторлары бар пациенттерде), электрокардиограммадағы QT аралығының ұзаруы (ЭКГ) • бронх түйілуі, аллергиялық пневмонит • қанаралас диарея, ол өте сирек жағдайларда энтероколиттің, оның ішінде жалған жарғақшалы колиттің белгісі болуы мүмкін, панкреатит • сарғаю және бауырдың ауыр зақымдануы, оның ішінде өліммен аяқталған жедел бауыр жеткіліксіздігі, әсіресе негізгі ауыр ауруы бар пациенттерде, гепатит • уытты эпидермалық некролиз, Стивенс-Джонсон синдромы, көп формалы эритема, фотосезімталдық реакциясы, лейкоцитокластты васкулит, стоматит • рабдомиолиз, сіңірлердің үзілуі (мысалы, ахилл сіңірі), байламдардың үзілуі, бұлшықеттердің жыртылуы, артрит • ауыру (арқаның, кеуденің және аяқ-қолдың ауыруын қоса) • апластикалық анемия, панцитопения, агранулоцитоз, гемолиздік анемияны қоса, сүйек кемігі функциясының бәсеңдеуі • мания • миоклония • терінің гиперпигментациясы Кейбір жағымсыз реакциялардың сипаттамасы Анафилаксиялық және анафилактоидты реакциялар кейде бірінші дозаны қолданғаннан кейін де пайда болуы мүмкін. Тері-шырышты реакциялар кейде бірінші дозаны қолданғаннан кейін де пайда болуы мүмкін. Хинолондар мен фторхинолондарды қолдану, кейбір жағдайларда алдыңғы қауіп факторларының болуына қарамастан, әртүрлі, кейде бірнеше адам организмінің жүйелері мен сезім мүшелеріне (соның ішінде тендинит, сіңірдің үзілуі, артралгия, аяқ-қолдың ауыруы, жүрістің бұзылуы, парестезиямен байланысты нейропатиялар, депрессия, шаршау, жадының нашарлауы, ұйқының, естудің, көрудің, дәм сезу мен иіс сезудің бұзылуы сияқты жағымсыз реакциялар) әсер ететін өте сирек, ұзаққа созылған (айлар мен жылдарға жалғасқан), мүгедектікке әкелетін, ықтимал қайтымсыз елеулі жағымсыз дәрілік реакциялардың дамуы туралы хабарламалар алынды. Аортаның аневризмасы мен қатпарлануының даму жағдайлары, кейде жыртылуымен асқынған (соның ішінде өліммен аяқталған жағдайлар) және фторхинолондарды қабылдаған пациенттерде жүрек клапандарының қайсыбіреуінің регургитациясы/жеткіліксіздігі туралы хабарланды. Фторхинолондарды қабылдауға байланысты басқа да жағымсыз әсерлері: • порфириямен ауыратын пациенттерде порфирия ұстамалары. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Уыттылықты эксперименттік зерттеулерге және супратерапиялық дозаларды қолдана отырып, клиникалық-фармакологиялық зерттеулерге сәйкес левофлоксацинді жедел артық дозалаудан кейін күтуге болатын негізгі симптомдар орталық жүйке жүйесі тарапынан болатын симптомдар (сананың шатасуы, ұйқышылдық, сананың бұзылуы және құрысулар) және QT аралығының ұзаруы болып табылады. Постмаркетингтік тәжірибеде сананың шатасуы, құрысулар, миоклония, елестеулер және треморды қоса, орталық жүйке жүйесі тарапынан болатын симптомдары туралы хабарланған. Артық дозалану кезінде симптоматикалық ем жүргізеді. QT аралығының ұзару қаупіне байланысты ЭКГ мониторинг жүргізу ұсынылады. Левофлоксацин перитонеальді диализді және ТАПД қоса, гемодиализ арқылы шығарылмайды. Спецификалық антидоты жоқ.

Құрамында хинолондар немесе фторхинолондар бар препараттарды қабылдаумен байланысты анамнезінде елеулі жағымсыз реакциялар болған пациенттерде левофлоксацинді қолданудан аулақ болу керек. Мұндай пациенттерді левофлоксацинмен емдеуді баламалы емдеу нұсқалары болмағанда және пайда/қауіп арақатынасын мұқият бағалағаннан кейін ғана бастау керек. Арнайы ескертулер Резистенттілігі Метициллинге төзімді S. aureus фторхинолондарға (левофлоксацинді қоса алғанда) төзімді болуы мүмкін. Сондықтан метициллинге резистентті стафилококк (MRSA) туындатқан белгілі немесе күдікті инфекция жағдайында левофлоксацин (әдетте MRSA емдеу үшін ұсынылатын антибиотиктер пайдаланылмайды) микроорганизмнің левофлоксацинге сезімталдығын растайтын нәтижелерді алғанға дейін емдеу үшін ұсынылмайды. Несеп шығару жолдары инфекцияларының ең көп таралған қоздырғышы Е. coli фторхинолондарға резистенттілігі әртүрлі елдерде түрленіп отырады. Дәрігерлер фторхинолондарға Е. coli резистенттілігінің таралғаны туралы жергілікті ақпаратты ескеру керек. Сібір ойықжарасының өкпедегі түрі Адамдарда қолданылуы Bacillus anthracis-ке in vitro сезімталдығы туралы деректерге және басқа тәжірибелік деректерге негізделген. Сібір ойықжарасын емдеу кезінде дәрігерлер ұлттық немесе халықаралық келісілген құжаттарды ескеруі тиіс. Ұзақ мерзімді, мүгедектікке ұшырататын және ықтимал қайтымсыз ауыр жағымсыз дәрілік реакциялар Хинолондар мен фторхинолондарды қолданған пациенттерде, пациенттердің жасына және алдыңғы қауіп факторларына қарамастан, әртүрлі, кейде бірнеше адам организмнің жүйелеріне (тірек-қимыл, жүйке, психикалық жүйе, сезім мүшелері) әсер ететін ұзақ (бірнеше ай немесе жылдар бойы), мүгедектікке ұшырататын және ықтимал қайтымсыз ауыр жағымсыз дәрілік реакциялардың өте сирек жағдайлары туралы хабарланды. Кез келген ауыр жағымсыз реакцияның алғашқы белгілері мен симптомдары пайда болған кезде левофлоксацинді қабылдауды дереу тоқтатып, дәрігерге қаралу керек. Инфузия ұзақтығы Ұсынылатын инфузия уақыты 250 мг левофлоксацин үшін кемінде 30 минутты және 500 мг левофлоксацин үшін кемінде 60 минутты құрайды. Офлоксацин тахикардияны және инфузия кезінде артериялық қысымның өтпелі төмендеуін тудыратыны белгілі. Сирек жағдайларда артериялық қысымның күрт төмендеуі нәтижесінде жүрек-қантамыр коллапсы пайда болуы мүмкін. Егер левофлоксацин (офлоксациннің L-изомері) инфузиясы кезінде артериялық қысымның айтарлықтай төмендеуі байқалса, инфузияны дереу тоқтату керек. Тендинит және сіңірдің үзілуі Тендинит және сіңірдің үзілуі (әсіресе ахилл сіңірі), кейде екі жақты, хинолондармен және фторхинолондармен емдеуді бастағаннан кейін 48 сағат ішінде, сондай-ақ емдеуді тоқтатқаннан кейін бірнеше ай ішінде пайда болуы мүмкін. Егде жастағы пациенттерде, бүйрек жеткіліксіздігі, паренхиматозды ағзалары трансплантацияланған пациенттерде, тәулігіне 1000 мг левофлоксацин алатын пациенттерде және бір мезгілде кортикостероидтармен ем алатын пациенттерде тендиниттің және сіңір үзілуінің даму қаупі артады. Кортикостероидтар мен фторхинолондарды бір мезгілде қолданудан аулақ болу керек. Тендиниттің алғашқы белгілері пайда болған кезде (мысалы, ауырсынатын ісіну, қабыну) левофлоксацинді қабылдауды тоқтатып, баламалы емдеуді қарастыру керек. Зақымдалған аяқ-қолды тиісті түрде емдеу керек (мысалы, аяқ-қолдың иммобилизациясы). Тендинопатияның белгілері пайда болған кезде кортикостероидтарды қолдануға болмайды. Миоклония Левофлоксацинмен емделген пациенттерде миоклонияның даму жағдайлары туралы хабарланды. Егер левофлоксацин дозасы креатинин клиренсіне байланысты түзетілмеген болса, егде жастағы пациенттерде және бүйрек функциясының бұзылулары бар пациенттерде миоклонияның пайда болу қаупі артады. Миоклонияның алғашқы даму белгілерінде левофлоксацинмен емдеуді дереу тоқтатып, тиісті емдеуді бастау керек. Clostridium difficile-мен астасқан аурулар Диарея, әсіресе, левофлоксацинмен емдеу кезіндегі немесе емдеу аяқталғаннан кейін (оның ішінде емдеуден бірнеше апта өткен соң) ауыр, тұрақты және/немесе қан аралас түрі Clostridium difficile-мен астасқан аурудың белгісі (CDAD) болуы мүмкін. CDAD ауырлығы жеңіл түрінен өмірге қауіп төндіретін ауыр түріне дейін өзгеруі мүмкін. Жалған жарғақшалы колит анағұрлым ауыр түрі болып табылады. Левофлоксацинмен емдеу кезінде немесе одан кейін пациентте ауыр диарея дамығанын ескеру қажет. Егер CDAD күдіктенсе немесе расталса, левофлоксацинмен емдеуді дереу тоқтатып, тиісті ем тағайындау қажет. Мұндай жағдайларда перистальтиканы тежейтін дәрілік заттарды қолдануға болмайды. Құрысуларға бейім пациенттер Хинолондар конвульсияға дайындық шегін төмендетіп, құрысуды тудыруы мүмкін. Левофлоксацинді эпилепсиямен ауыратын пациенттерге қолдануға болмайды және басқа да хинолондар сияқты эпилепсиялық ұстамаларға бейім болғанда немесе теофиллин сияқты құрысуға дайындық шегін төмендететін препараттармен бір мезгілде ерекше сақтықпен қолданылуы тиіс. Құрысулар пайда болған кезде левофлоксацинмен емдеуді тоқтату керек. Глюкоза-6-фосфат дегидрогеназа тапшылығы бар пациенттер Жасырын немесе айқын глюкоза-6-фосфат дегидрогеназа тапшылығы бар пациенттер хинолондармен емдеу кезінде гемолиздік реакцияларға ұшырауы мүмкін. Мұндай пациенттерді левофлоксацинмен емдеу кезінде гемолиздің пайда болу мүмкіндігін мұқият бақылау керек. Бүйрек жеткіліксіздігі бар пациенттер Левофлоксацин негізінен бүйрекпен шығарылатындықтан, бүйрек функциясы бұзылған пациенттерде дозаны түзету керек. Аса жоғары сезімталдық реакциялары Левофлоксацин ауыр, өмірге қауіп төндіретін аса жоғары сезімталдық реакцияларын (мысалы, ангионевроздық ісіну және анафилаксиялық шок), кейде бірінші дозадан кейін туындатуы мүмкін. Осы реакциялар пайда болған кезде пациенттер емдеуді дереу тоқтатып, дәрігерге қаралуы тиіс. Терінің ауыр жағымсыз реакциялары Левофлоксацинді қолданған кезде уытты эпидермалық некролизді (Лайелл синдромы деп те аталатын УЭН), Стивенс-Джонсон синдромын (СДС) және өмірге қауіп төндіретін немесе өліммен аяқталатын эозинофилиямен және жүйелік симптомдармен дәрілік реакцияны (DRESS) қоса алғанда, терінің ауыр жағымсыз реакциялары (ТАЖР) туралы хабарланды. Препаратты тағайындаған кезде пациенттерге терінің ауыр реакцияларының белгілері мен симптомдары туралы хабарлау және олардың жай-күйіне мұқият бақылау жүргізу қажет. Осындай реакцияларға тән белгілер мен симптомдар пайда болған кезде левофлоксацинді дереу тоқтатып, баламалы емдеу мүмкіндігін қарастыру керек. Пациентте левофлоксацинді қолданған кезде СДС, УЭН немесе DRESS сияқты ауыр реакция туындаған жағдайда, болашақта осы пациентте левофлоксацинмен емдеуді қайта бастауға болмайды. Дисгликемия Басқа хинолондарды қолданған жағдайдағыдай гипер- және гипогликемияны қоса алғанда, қандағы глюкоза деңгейінің ауытқуы әдетте егде жастағы пациенттерде және әдетте, пероральді диабетке қарсы дәрілерді (мысалы, глибенкламид) немесе инсулинді қабылдайтын диабетпен ауыратын пациенттерде тіркелді. Гипогликемиялық кома жағдайлары туралы белгілі. Қант диабетімен ауыратын пациенттерде қандағы глюкоза деңгейін мұқият бақылау ұсынылады. Егер пациентте қандағы глюкоза деңгейінің бұзылуы болса, препаратпен емдеуді дереу тоқтатып, фторхинолондарға жатпайтын антибиотиктермен баламалы емдеу мүмкіндігін қарастыру керек. Фотосезімталдық профилактикасы Левофлоксацинді қолдану кезінде фотосезімталдық туралы хабарламалар тіркелген. Фотосезімталдықты болдырмау үшін пациенттерге емдеу кезінде және оны тоқтатқаннан кейін 48 сағат ішінде қатты күн сәулесі немесе жасанды ультракүлгін сәулеленуге (мысалы, күн сәулесінің астында жүру немесе солярийге бару) ұшырамау ұсынылады. К дәруменінің антагонистерін қабылдайтын пациенттер Левофлоксацинді К дәруменінің антагонистерімен (мысалы, варфарин) бірге қолданған кезде гемостаз жүйесі көрсеткіштерінің (протромбиндік уақыт/халықаралық қалыптасқан қатынас (ХҚҚ)) ұлғаюы және/немесе қан кетудің даму қаупіне байланысты бақылау ұсынылады. Психоздық реакциялар Левофлоксацинді қоса алғанда, хинолондарды қолданған кезде суицидтік ойлардың дамуына және өзіне зиян келтіре отырып, мінез-құлықтың бұзылуына дейін өте сирек жағдайларда (кейде левофлоксацинді бір рет қабылдағаннан кейін) өршіген психоздық реакциялар туралы хабарланды. Егер пациентте осындай реакциялар дамыса, олардың алғашқы белгілері немесе симптомдары пайда болған кезде левофлоксацин қабылдауды дереу тоқтату керек. Пациент бұл туралы дәрігерге хабарлауы қажет. Құрамында фторхинолоны жоқ антибиотиктермен баламалы емдеу мүмкіндігін қарастыру және тиісті шаралар қабылдау керек. Осындай реакциялар дамығанда левофлоксацинмен емдеуді тоқтатып, тиісті ем тағайындау керек. Анамнезінде психикалық аурулары бар пациенттерге Левоксимед препаратын сақтықпен тағайындау керек. QT аралығының ұзаруы Левофлоксацинді қоса алғанда, фторхинолондарды QT аралығының ұзаруы қаупінің белгілі факторлары бар пациенттерде сақтықпен қолдану керек, мысалы: • туа біткен QT аралығының ұзару синдромы; • QT аралығын ұзартатыны белгілі, басқа дәрілік заттармен (мысалы, IA және III класының аритмияға қарсы препараттар, трициклді антидепрессанттар, макролидтер, психозға қарсы препараттар) бір мезгілде қабылдау; • электролиттік теңгерімнің түзетілмеген бұзылулары (мысалы, гипокалиемия, гипомагниемия); • жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QTс аралығын ұзартатын препараттардың әсеріне анағұрлым сезімтал болуы мүмкін. Левофлоксацинді қоса алғанда, фторхинолондарды мұндай пациенттерде сақтықпен қолдану керек. Шеткері нейропатия Хинолондар мен фторхинолондарды қабылдайтын пациенттерде парестезияға, гиперестезияға, дизестезияға немесе әлсіздікке әкелетін сенсорлық немесе сенсомоторлы полиневропатия жағдайлары туралы хабарланды. Левофлоксацинді қолданатын пациенттерге емдеуді жалғастырмас бұрын, егер ықтимал қайтымсыз жағдайлардың дамуын болдырмау үшін ауыру, күйдіріп-ашыту, шаншу, ұйып қалу немесе әлсіздік сияқты нейропатия симптомдары пайда болса, дәрігерге хабарлау ұсынылады. Бауыр мен өт шығару жолдарының аурулары Левофлоксацинді қабылдау кезінде өмірге қауіп төндіретін бауыр жеткіліксіздігіне дейін, әсіресе ауыр негізгі/қатар жүретін патологиясы, мысалы сепсисі бар пациенттерде бауыр некрозының жағдайлары туралы хабарланды. Пациенттерге емдеуді тоқтатып, бауыр ауруының белгілері мен симптомдары пайда болған кезде, мысалы, тәбеттің жоғалуы, сарғаю, несептің күңгірттенуі, қышыну, іштің ауыруы кезінде дәрігерге көріну керек. Миастения гравис өршуі Фторхинолондар, соның ішінде левофлоксацин, жүйке-бұлшықет блокадасына әкеп соғуы мүмкін және миастения грависке шалдыққан пациенттерде бұлшықет әлсіздігін арттырады. Миастения грависке шалдыққан пациенттерде фторхинолондарды қолдану аясында елеулі жағымсыз реакциялар (өлімді немесе респираторлық демеуге қажеттілікті қоса алғанда) тіркелді. Сондықтан левофлоксацинді миастения грависке шалдыққан пациенттерде қолдану ұсынылмайды. Көру жітілігінің бұзылуы Егер пациентте көру жітілігінің бұзылуы немесе көздің тарапынан басқа жағымсыз реакциялар байқалса, дереу офтальмологпен кеңесу керек. Суперинфекция Левофлоксацинмен емдеу ұзаққа созылғанда сезімтал емес микроорганизмдердің шамадан тыс өсуіне әкелуі мүмкін. Суперинфекция жағдайында тиісті шаралар қабылдануы тиіс. Зертханалық зерттеулердің нәтижелеріне әсері Левофлоксацинді қабылдаған пациенттерде несептегі апиындарды анықтау жалған оң нәтиже беруі мүмкін. Оң нәтижелерді анағұрлым спецификалық әдістермен растау қажеттілігі туындауы мүмкін. Левофлоксацин туберкулез микобактерияларының өсуін тежеуі және туберкулездің бактериологиялық диагностикасының жалған теріс нәтижелеріне әкелуі мүмкін. Аорта аневризмасы және аортаның қатпарлануы, жүрек клапанының регургитациясы/жеткіліксіздігі Зерттеулерде аортаның аневризмасы мен қатпарлануының даму қаупінің жоғарылағанын, әсіресе егде жастағы пациенттерде, сондай-ақ фторхинолондарды қолданғаннан кейін аортальді және митральді клапанның регургитациясы туралы хабарланды. Аортаның аневризмасы мен қатпарлануының даму жағдайлары, кейде жыртылуымен асқынған (соның ішінде өліммен аяқталған жағдайлар) және фторхинолондарды қабылдаған пациенттерде жүрек клапандарының қайсыбіреуінің регургитациясы/жеткіліксіздігі туралы хабарланды. Осы себепті, отбасылық анамнезінде аневризма немесе туа біткен жүрек клапанының ақаулары бар пациенттерде, сонымен қатар аорта аневризмасы және/немесе аортаның қатпарлануы диагнозы қойылған немесе жүрек клапандарының ақаулары диагнозы қойылған немесе келесіге бейімді пайда/қауіп арақатынасын мұқият бағалап, емнің басқа ықтимал нұсқаларын қарастырғаннан кейін ғана қолдану керек: • аорта аневризмасы мен қатпарлануының дамуы және сонымен бірге жүрек клапаны регургитациясының/жеткіліксіздігінің пайда болуы (мысалы, Марфан синдромы, Элерс-Данлос синдромы, Тернер синдромы, Бехчет ауруы, гипертензия, ревматоидты артрит сияқты дәнекер тінінің аурулары) немесе қосымша түрде • аорта аневризмасының және аорта қатпарлануының дамуына (мысалы, Такаясу артерииті, алып жасушалы артериит, бұрыннан бар атеросклероз немесе Шегрен синдромы сияқты қантамырлар тарапынан бұзылулар) немесе қосымша түрде • жүрек клапанының регургитациясының/жеткіліксіздігінің (мысалы, инфекциялық эндокардит) туындауына. Жүйелік кортикостероидтарды бір мезгілде қабылдайтын пациенттерде аорта аневризмасы мен аортаның қатпарлануы және оның жыртылу қаупі де артуы мүмкін. Іште, кеудеде немесе арқада кенеттен ауырсыну пайда болған жағдайда пациенттер дереу жедел жәрдем бөлімшесі дәрігеріне қаралуы керек. Пациенттер жедел ентігу, жүректің жиі қағуы алғашқы пайда болғанда немесе іштің ісінуі немесе аяқтың ісінуі дамыған жағдайда кезек күттірмейтін көмекке жүгінуі керек. Жедел панкреатит Левофлоксацинмен емделген пациенттерде жедел панкреатит дамуы мүмкін. Пациенттерді жедел панкреатитке тән симптомдар туралы хабардар ету керек. Жүрек айнуы, әлсіздік, іш аумағындағы жайсыздық, іштің жедел ауырсынуы немесе құсу бар пациенттер дереу дәрігермен кеңесу керек. Жедел панкреатиттің дамуына күдік туындаған кезде левофлоксацинді қолдануды тоқтату керек; диагноз расталған жағдайда левофлоксацинді қайта қолдануға болмайды. Анамнезінде панкреатиті бар пациенттерде препаратты қабылдаған кезде сақ болу керек. Қан жүйесі тарапынан бұзылулар Левофлоксацинмен емдеу кезінде лейкопения, нейтропения, панцитопения, гемолиздік анемия, тромбоцитопения, апластикалық анемия немесе агранулоцитозды қоса алғанда, сүйек кемігі функциясының бәсеңдеуі байқалуы мүмкін. Қан жүйесі тарапынан жоғарыда аталған бұзылыстардың қайсыбіреуінің дамуына күдік туындағанда қан көрсеткіштеріне мониторинг жүргізу қажет. Егер параметрлер қалыпты мәндерден ауытқып кетсе, левофлоксацинмен емдеуді тоқтату керек. Қосымша заттар Бір құты Левоксимед препаратының (100 мл) құрамында 354,21 мг (15,4 ммоль) натрий бар, бұл ДДҰ ұсынған тәуліктік ең жоғары тұтынудың 17,71% - на баламалы (ересек адам үшін 2,0 г натрий). Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Левоксимед препараты көлік құралдарын және қауіптілігі зор механизмдерді басқару қабілетіне шамалы немесе орташа әсер етеді. Кейбір жағымсыз реакциялар (мысалы, сананың бұлыңғырлануы/бас айналуы, ұйқышылдық, көрудің бұзылуы) пациенттің зейін қоюды және ден қою қабілетін бұзуы мүмкін, сондықтан бұл қабілеттер ерекше мәнге ие болған жағдайларда пайда болуы мүмкін (мысалы, автокөлік жүргізу, механизмдермен жұмыс істеу).

Жүктілік Жүкті әйелдерде левофлоксацинді қолдану туралы шектеулі деректер бар. Левофлоксацинді жүкті әйелдерде қолданбаған жөн, өйткені адамдарға зерттеулер жүргізілген жоқ. Лактация Левоксимед препаратын лактация кезеңінде қолдануға болмайды. Левофлоксациннің емшек сүтіне бөлінетіндігі туралы ақпарат жеткіліксіз. Алайда, басқа фторхинолондардың емшек сүтіне түсетіні белгілі. Левофлоксацинді жүкті әйелдерде қолданбаған жөн, өйткені адамдарға зерттеулер жүргізілген жоқ. Фертильділік Левофлоксацин егеуқұйрықтардағы фертильділікке немесе репродуктивті белсенділікке әсер еткен жоқ.

Басқа препараттардың левофлоксацинге әсері Теофиллин, фенбуфен немесе осыған ұқсас қабынуға қарсы стероидты емес препараттар Клиникалық зерттеулерде левофлоксациннің теофиллинмен фармакокинетикалық өзара әрекеттесуі көрсетілмеген. Дегенмен, хинолондарды теофиллинмен, қабынуға қарсы стероидты емес препараттармен немесе құрысуға дайындықтың церебральді шегін төмендететін басқа препараттармен бірге қолданған кезде құрысуға дайындық шегі айтарлықтай төмендеуі мүмкін. Левофлоксацин концентрациясы монотерапия кезіндегіге қарағанда фенбуфенді бір мезгілде қабылдағанда шамамен 13%-ға жоғары болды. Пробенецид және циметидин Пробенецид пен циметидин левофлоксациннің шығарылуына статистикалық маңызды әсер етті. Левофлоксациннің бүйректік клиренсі циметидиннің (24%) және пробенецидтің (34%) әсерінен төмендеді, себебі екі препарат та бүйрек өзекшелеріндегі левофлоксацин секрециясын тежей алады. Алайда, зерттеуде қолданылатын дозаларда статистикалық маңызды кинетикалық айырмашылықтардың клиникалық маңызы болу ықтималдылығы аз. Өзекшелік секрецияға әсер ететін препараттарды (мысалы, пробенецид және циметидин) бір мезгілде қолданғанда, левофлоксацинді сақтықпен қолдану керек. Бұл әсіресе бүйрек жеткіліксіздігі бар пациенттерге қатысты. Қосымша ақпарат Клиникалық фармакологиялық зерттеулерде левофлоксациннің фармакокинетикасына келесі препараттармен: кальций карбонаты, дигоксин, глибенкламид, ранитидинмен бір мезгілде қолданғанда клиникалық маңызды әсері болған жоқ. Левофлоксациннің басқа препараттарға әсері Циклоспорин Левофлоксацинмен бірге қолданған кезде циклоспориннің жартылай шығарылу кезеңі 33% - ға ұлғайды. K дәруменінің антагонистері Левофлоксацин мен К дәруменінің антагонистерін (мысалы, варфарин) бір мезгілде қабылдаған пациенттерде протромбиндік уақыттың ұлғаюы (ХҚҚ жоғарылауы/протромбиннің Квик бойынша төмендеуі) және/немесе қан кетулер ауыр дәрежеге дейін байқалды. К дәруменінің антагонистерін бір мезгілде қолданғанда гемостаз жүйесінің көрсеткіштерін бақылау қажет. QT аралығын ұзартатыны белгілі препараттар Левофлоксацинді, басқа фторхинолондар сияқты, QT аралығын ұзартатыны белгілі препараттарды қабылдайтын пациенттерде сақтықпен қолдану керек (мысалы, IA және III класты аритмияға қарсы препараттар, трициклді антидепрессанттар, макролидтер, психозға қарсы препараттар). Қосымша ақпарат Фармакокинетикалық зерттеулер теофиллиннің фармакокинетикасына (CYP1A2 үшін субстрат) левофлоксациннің әсер етпегенін көрсетті. Бұл левофлоксациннің CYP1A2 тежегіші болып табылмайтынын көрсетеді.

Сақтау мерзімі 5 жыл Жарамдылық мерзімі өткеннен кейін қолдануға болмайды! Сақтау шарттары Жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!