Леволет таблетки 250 мг

Бір таблетканың құрамында белсенді зат - 250 мг және 500 мг левофлоксацинге баламалы 256.233 мг және 512.466 мг левофлоксацин гемигидраты қосымша заттар: микрокристалды целлюлоза (Avicel РН 101), микрокристалды целлюлоза (Avicel РН 102), жүгері крахмалы, коллоидты кремнийдің қостотығы, кросповидон (А типі), гипромеллоза 15 сpc (Methocel Е15 LV premium), магний стеараты. үлбірлі қабықтың құрамы: ақ Опадрай® TF 276U580005, кальций карбонаты (Е170), изомальт (Е953), HPMC 2910/ гипромеллоза (6 mPas) (E464), HPMC 2910/ гипромеллоза (15 mPas) (E464) Сыртқы түрінің, иісінің, дәмінің сипаттамасы Ақ түстен ақ дерлік түске дейін үлбірлі қабықпен қапталған, екі беті дөңес және екі жағында бөлгіш сызығы бар, пішіні капсула тәрізді модификацияланған таблеткалар. Көлденең бөлігінің сипаттамасы: ақ дерлік түстен сары түске дейінгі ядро (250 мг доза үшін). Ақ түстен ақ дерлік түске дейін үлбірлі қабықпен қапталған, екі беті дөңес және екі жағында бөлгіш сызығы бар, пішіні капсула тәрізді модификацияланған таблеткалар. Көлденең бөлігінің сипаттамасы: ақ дерлік түстен сары түске дейінгі ядро (500 мг доза үшін).

Ересек пациенттерде келесі инфекцияларды емдеу үшін • жедел пиелонефрит және несеп шығару жолдарының асқынған инфекциялары • созылмалы бактериялық простатит • сібір ойықжарасының өкпелік түрі: жанасудан кейінгі алдын алу мен емдеуде Төменде аталған инфекциялар үшін левофлоксацин таблеткаларын бактерияға қарсы басқа препараттарды қолдану талапқа сай болмаған жағдайларда ғана қолдану керек. • жедел бактериялық синусит • өкпенің созылмалы обструктивті ауруының, оның ішінде созылмалы бронхиттің өршуі • ауруханадан тыс пневмония • тері мен жұмсақ тіндердің асқынған инфекциялары • асқынбаған цистит Таблеткалар түріндегі Леволет препараты левофлоксацинді вена ішіне енгізе отырып, бастапқы ем жүргізгеннен кейін жақсару байқалған пациенттерде емдеу курсын аяқтау үшін де қолданылуы мүмкін. Бактерияға қарсы агенттерді тиісті қолдану бойынша ресми нұсқауларды орындау қажет.

Әсер ету механизмі Левофлоксацин фторхинолондар класының бактерияға қарсы синтетикалық препараты, офлоксациннің рацемиялық белсенді затының S (-) энантиомері болып табылады. Левофлоксацин және басқа фторхинолонға қарсы микробқа қарсы препараттардың әсер ету механизмі бактериялық топоизомераза IV және ДНҚ-гиразаны (екеуі де II типті топоизомераза), ДНҚ репликациясы, транскрипциясы, репарациясы және рекомбинациясы үшін қажетті ферменттерді тежеуді қамтиды. ФК/ФД арақатынасы Левофлоксациннің бактерицидтік белсенділігінің дәрежесі сарысудағы ең жоғары концентрация (Cmax) немесе фармакокинетикалық қисық астындағы аудан (AUC) мен ең төмен тежейтін концентрация (ЕТТК) арасындағы арақатынасқа байланысты. Резистенттілік механизмі Фторхинолондарға төзімділік хинолонға (QRDR) төзімділікті анықтайтын аймақтар деп аталатын ДНҚ-гиразаның немесе топоизомеразаның IV белгілі бір аймақтарындағы мутация нәтижесінде немесе өзгерген ағып кету нәтижесінде пайда болуы мүмкін. Левофлоксацинді қоса алғанда, фторхинолондар химиялық құрылымы мен әсер ету тәсілі бойынша аминогликозидтерден, макролидтерден және пенициллиндерді қоса алғанда β-лактамды антибиотиктерден ерекшеленеді. Сондықтан фторхинолондар осы микробқа қарсы препараттарға төзімді бактерияларға қарсы белсенді болуы мүмкін. In vitro кенеттен мутация салдарынан левофлоксацинге резистенттілік сирек кездеседі (ауқымы: 10-9-дан 10-10-ға дейін). Левофлоксацин мен кейбір басқа фторхинолондардың арасында айқаспалы төзімділік байқалды, басқа фторхинолондарға төзімді кейбір микроорганизмдер левофлоксацинге сезімтал болуы мүмкін. Шектік мәндері Микробқа қарсы препараттарға сезімталдықты тестілеу жөніндегі Еуропалық комитет (EUCAST) ұсынған левофлоксацин үшін ЕТТК шектік мәндері, сезімтал және сезімталдығы орташа микроорганизмдер, сондай-ақ орташа сезімтал және резистентті микроорганизмдер арасында айырма жүргізу арқылы ЕТТК тестілеуге (мг/л) арналған төмендегі кестеде берілген. Микробқа қарсы препараттарға сезімталдықты тестілеу жөніндегі Еуропалық комитет ұсынған левофлоксацин үшін ЕТТК клиникалық шектік мәндері (10.0 нұсқа, 01.01.2020 ж.): Патогенді организм — Сезімталдылығы — Резистенттілігі Энтеробактериялар — ≤0.5 мг/л — >1 мг/л Pseudomonas spp. — ≤0.001 мг/л — >1 мг/л Acinetobacter spp. — ≤0.5 мг/л — >1 мг/л Staphylococcus spp. — ≤0.001 мг/л — >1 мг/л Enterococcus spp. — ≤4 мг/л — >4 мг/л S. pneumoniae 1 — ≤0.001 мг/л — >2 мг/л Streptococcus A, B, C, G — ≤0.001 мг/л — >2 мг/л H. influenzae 2 3 — ≤0.6 мг/л — >0.06 мг/л M. catarrhalis 3 — ≤0.125 мг/л — >0.125 мг/л Helicobacter pylori — ≤1 мг/л — >1 мг/л Aerococcus sanguinicola and urinae — ≤2 мг/л — >2 мг/л Aeromonas spp. — ≤0.5 мг/л — >1 мг/л Микроаорганизмдердің түрімен байланысты емес шектік мәндері 4 — ≤0.5 мг/л — >1 мг/л • Левофлоксацин үшін шектік мәндердің препараттың жоғары дозалары қолданылған емге қатысы бар. • Фторхинолондарға резистенттіліктің төмен деңгейі байқалуы мүмкін (ципрофлоксацин препараты ЕТТК 0,12-0,5 мг/л), алайда бұл резистенттіліктің тыныс алу жолдарының H. influenzae инфекциялары кезінде клиникалық мәні бар екеніне дәлелдер жоқ. • ЕТТК мәндері сезімталдықтың шекті мәндерінен жоғары болатын штаммдар өте сирек кездеседі немесе олар туралы әлі хабарланбады. Осындай кез келген изолят пайдаланылатын микробқа қарсы препараттарды анықтау үшін және оларға деген сезімталдыққа жасалған талдауларды қайталау керек, ал егер нәтиже расталса, изолятты референс зертханаға жіберу керек. Қазіргі сәтте төзімділіктің шектік мәндерінен жоғары деңгейдегі ЕТТК мәндерімен расталған изоляттар үшін клиникалық жауап деректерінің алынуына дейін осындай изоляттар төзімді болып саналуы тиіс. • Шектік мәндер пероральді қабылдау үшін 500 мг x 1-ден 500 мг x2-ге дейін және в/і енгізу үшін 500 мг x 1-ден 500 мг x 2-ге дейін доза үшін қолданылады. Микробқа қарсы белсенділік Левофлоксацин грамтеріс және грамоң бактерияларға қарсы in vitro белсенділігіне ие. Көрсетілімдері мен пайдаланылуында сипатталғандай, левофлоксациннің in vitro да, клиникалық инфекциялар кезінде де келесі бактериялар изоляттарының көпшілігіне қарсы белсенді екені дәлелденген. Резистенттіліктің таралуы географиялық тұрғыда және уақыттың өтуіне қарай (жекелеген түрлер үшін) ауытқиды, әсіресе ауыр инфекцияларды емдеген кезде жергілікті резистенттілігі бойынша ақпарат алған дұрыс. Қажет болған жағдайда, егер жергілікті резистенттілік соншалықты кең таралған болса, препаратты, ең болмағанда, инфекциялардың кейбір түрлерінде қолданудың пайдасына күмән келтірілетін болса, сарапшының кеңесіне жүгінген жөн. Келесі ақпарат 2012 тамызындағы Еуропалық үйлестіру деректерін көрсетеді. Микроорганизмдердің әдеттегі сезімтал түрлері Аэробты грамоң бактериялар Bacillus anthracis Staphylococcus aureus methicillin-susceptible Staphylococcus saprophyticus Streptococci, group C and G Streptococcus agalactiae Streptococcus pneumoniae Streptococcus pyogenes Аэробты грамтеріс бактериялар Eikenella corrodens Haemophilus influenzae Haemophilus para-influenzae Klebsiella oxytoca Moraxella catarrhalis Pasteurella multocida Proteus vulgaris Providencia rettgeri Анаэробты микроорганизмдер Peptostreptococcus Басқа микроорганизмдер Chlamydophila pneumoniaeChlamydophila psittaci Chlamydia trachomatis Legionella pneumophila Mycoplasma pneumoniae Mycoplasma hominis Ureaplasma urealyticum Келесі in vitro деректер қол жетімді, бірақ олардың клиникалық маңызы белгісіз. Кем дегенде, келесі бактериялардың 90%-ы ұқсас текті атипті микроорганизмдерге немесе организмдер тобына қарсы левофлоксацин үшін үзілу нүктесіне сезімтал аз немесе тең, in vitro ең төмен тежегіш концентрацияларын (MIC) көріністейді. Алайда, осы бактериялар туғызған клиникалық инфекцияларды емдеуде левофлоксацин тиімділігі талапқа сай жүргізілген және бақыланатын клиникалық сынақтарда анықталмаған. Резистенттілігі жүре пайда болған болуы мүмкін микроорганизмдер Аэробты грамоң бактериялар Enterococcus faecalis Staphylococcus aureus methicillin-resistant# Coagulase negative Staphylococcus spp Аэробты грамтеріс бактериялар Acinetobacter baumannii Citrobacter freundii Enterobacter aerogenes Enterobacter cloacae Escherichia coli Klebsiella pneumoniae Morganella morganii Proteus mirabilis Providencia stuartii Pseudomonas aeruginosa Serratia marcescens Анаэробты микроорганизмдер Bacteroides fragilis Табиғи резистенттілігі бар штаммдар Аэробты грамоң бактериялар Enterococcus faecium

Дозалау режимі Таблеткалар тәулігіне 1-2 рет ішке қабылданады. Дозалануы инфекция типіне және ауырлығына, сондай-ақ болжанатын қоздырғыштың сезімталдығына байланысты. Таблеткалар түріндегі Леволет препаратын левофлоксацин вена ішіне енгізілген старттық ем жүргізуден кейін жақсаруы байқалған пациенттерде емдеу курсын аяқтау үшін де қолдануға болады; парентеральді және пероральді түрлерінің биобаламалылығы жағдайында сол дозасын пайдалануға болады. Таблеткалар түріндегі Леволет келесі дозаларда қолданылады: Бүйрек функциясы қалыпты ересек пациенттерге арналған доза (креатинин клиренсі ≥50 мл / мин) Инфекция типі — Тәуліктік доза — Ұзақтығы Жедел бактериялық синусит — 500 мг тәулігіне 1 рет — 10-14 күн Өкпенің созылмалы обструктивті ауруының, оның ішінде созылмалы бронхиттің өршуі — 500 мг тәулігіне 1 рет — 7 – 10 күн Ауруханадан тыс пневмония — 500 мг тәулігіне 1 немесе 2 рет — 7-14 күн Пиелонефрит — 500 мг тәулігіне 1 рет — 7 – 10 күн Несеп шығару жолдарының асқынған инфекциясы — 500 мг тәулігіне 1 рет — 7-14 күн Асқынбаған цистит — 250 мг тәулігіне 1 рет — 3 күн Созылмалы бактериялық простатит — 500 мг тәулігіне 1 рет — 28 күн Тері мен жұмсақ тіндердің асқынған инфекциялары — 500 мг тәулігіне 1 немесе 2 рет — 7-14 күн Сібір ойықжарасының өкпелік түрі — 500 мг тәулігіне 1 рет — 8 апта Пациенттердің ерекше топтары Бүйрек функциясының бұзылуы (креатинин клиренсі ≤ 50 мл / мин) Препараттың қосымша дозаларын енгізу талап етілмейді. Дозалау режимі 250 мг/24 сағ — 500 мг/24 сағ — 500 мг/12 сағ Креатинин клиренсі — Бастапқы доза: 250 мг — Бастапқы доза: 500 мг — Бастапқы доза: 500 мг 50 – 20 мл/мин — содан кейін әр 24 сағат сайын 125 мг — содан кейін әр 24 сағат сайын 250 мг — содан кейін әр 12 сағат сайын 250 мг 19 – 10 мл/мин — содан кейін әр 48 сағат сайын 125 мг — содан кейін әр 24 сағат сайын 125 мг — содан кейін әр 12 сағат сайын 125 мг ˂ 10 мл/мин (Гемодиализ немесе созылмалы амбулаториялық перитонеальді диализ (CAPD) — содан кейін әр 48 сағат сайын 125 мг — содан кейін әр 24 сағат сайын 125 мг — содан кейін әр 24 сағат сайын 125 мг Гемодиализ немесе үздіксіз амбулаторлық перитонеальді диализден (ТАПД) кейін қосымша доза талап етілмейді. Бауыр функциясы бұзылған пациенттер Препарат дозасын түзету қажет емес, өйткені левофлоксацин бауырда елеусіз дәрежеде метаболизденеді және негізінен бүйрекпен шығарылады. Егде жастағы пациенттер Бүйрек функциясымен байланысты себептерден басқа кез келген себептер бойынша егде жастағы пациенттерде препарат дозасын түзету талап етілмейді. Бала жастағы пациенттер Таблеткалар түріндегі Леволет 18 жасқа дейін балалар мен жасөспірімдерде қарсы көрсетілімді. Енгізу әдісі мен жолы Таблеткаларды шайнамай және жеткілікті сұйықтық мөлшерімен іше отырып, бүтіндей жұту керек. Препаратты тамақ уақытында немесе тамақтанулар арасында қабылдауға болады. Таблеткалар түріндегі Леволетті құрамында магний немесе алюминий бар темір, мырыш тұздарын, антацидті препараттарды немесе диданозинді (құрамында алюминий немесе магний қосылыстары бар буферлік заттар бар диданозиннің дәрілік нысандары ғана), сондай-ақ сукральфаттың тағайындалуын қабылдағанға дейін кемінде 2 сағат бұрын немесе 2 сағаттан кейін қабылдаған жөн, өйткені бұл ретте препараттың сіңуінің төмендеуі байқалуы мүмкін. Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар Препаратты қабылдау бойынша сұрақтар туындаған жағдайда дәрілік препаратты қолдану тәсілін түсіндіру үшін медициналық қызметкеріне кеңес алу үшін жүгініңіз.

• левофлоксацинге немесе басқа хинолондарға, сондай-ақ қосымша заттардың кез келгеніне аса жоғары сезімталдығы бар пациенттер • эпилепсиясы бар пациенттер • анамнезінде фторхинолондарды қолданумен байланысты сіңір аурулары бар пациенттер • ауыр сипатта болмайтын және бактерияға қарсы ем жүргізусіз өтуі мүмкін инфекцияларды (мысалы, ауыз-жұтқыншақ инфекциясын) емдеуде • бактериялық емес инфекцияларды, мысалы, бактериялық емес (созылмалы) простатитті емдеуде • саяхатшы диареясын немесе төменгі несеп жолдарының қайталамалы инфекцияларын (қуық шегінен тыс таралмайтын инфекциялар) болдырмау үшін • егер әдетте ұсынылатын бактерияға қарсы басқа дәрілерді пайдалану мүмкін болмаса, орташа бактериялық инфекцияларды емдеу үшін • балалар мен 18 жасқа дейінгі жасөспірімдер • жүктілік және лактация кезеңі

Жағымсыз дәрілік реакциялар жиілігі бойынша келесі келісімді пайдаланумен ретке келтірілді: Жиі (≥1/100, <1/10) • ұйқысыздық • бас ауыру, бас айналу • жүрек айнуы, құсу, диарея • бауыр ферменттері (АЛТ/АСТ, сілтілі фосфатаза, ГГТ) деңгейінің жоғарылауы Жиі емес (≥1/1000, <1/100) • зең инфекциясы, Candida инфекциясын қоса • патогенді резистенттілік • лейкопения, эозинофилия • анорексия • мазасыздық • сананың шатасу күйі, қатты қозу • ұйқышылдық, тремор, дисгевзия • вертиго • ентігу • іштің ауыруы, диспепсия, метеоризм, іш қатуы • қандағы билирубин деңгейінің жоғарылауы • бөртпе, қышыну, есекжем, гипергидроз • артралгия, миалгия • қандағы креатинин деңгейінің жоғарылауы • астения Сирек (≥1/10000, <1/1000) • тромбоцитопения, нейтропения • эозинофилиямен және жүйелік симптомдармен (DRESS-синдромы) дәрілік реакция, орныққан дәрілік бөртпе • ангионевроздық ісіну, аса жоғары сезімталдық • гипогликемия, әсіресе, диабеті бар пациенттерде • психоздық реакциялар (мысалы, елестеулер, паранойямен) • депрессия, ажитация • әдеттен тыс түстер көру, қорқынышты түстер • конвульсиялар • парестезия • есте сақтау қабілетінің бұзылуы • көрудің бұлыңғырлануы сияқты көрудің бұзылуы • тиннитус • тахикардия, жүректің жиі соғуын сезіну • гипотензия • сіңір (мысалы, ахилл сіңірі) аурулары, тендинитті қоса • миастения грависпен науқас пациенттерде ерекше мәні болуы мүмкін бұлшықет әлсіздігі • жедел бүйрек жеткіліксіздігі (мысалы, интерстициальді нефрит салдарынан) • пирексия • антидиуретикалық гормонның жеткіліксіз секреция синдромы (SIADH) • гипогликемиялық кома • делирий Белгісіз • аплазиялық анемияны, панцитопенияны, агранулоцитозды, гемолиздік анемияны қоса, сүйек кемігінің жеткіліксіздігі • анафилаксиялық шок (анафилаксиялық және анафилактоидты реакциялар кейде тіпті препараттың бірінші дозасын енгізуден кейін туындауы мүмкін) • анафилактоидты шок (тері-шырышты қабық реакциялары кейде тіпті препараттың бірінші дозасын енгізуден кейін туындауы мүмкін) • гипергликемия • пациенттің өзіне қауіп төндіретін мінез-құлықпен психоздық бұзылыстар, суицидтік ойлауды немесе суицид әрекетін қоса • шеткері сенсорлық нейропатия • шеткері сенсомоторлық нейропатия • паросмия, аносмияны қоса • дискинезия, экстрапирамидалық бұзылыс • агевзия • естен тану • қатерсіз бассүйекішілік гипертензия • уақытша көрмей қалу, увеит • естімей қалу, естудің бұзылуы • дәм сезудің бұзылуы • иіс сезу бұзылуы • шаршағыштық • жүректің тоқтап қалуына әкелуі мүмкін қарыншалық тахикардия. • қарыншалық аритмия және екі бағытты қарыншалық тахикардия (негізінен QT аралығы ұзаруының қауіп факторлары бар пациенттерде байқалады), ЭКГ-да QT аралығының ұзаруы • бронх түйілуі, аллергиялық пневмонит • геморрагиялық диарея, өте сирек жағдайларда жалған жарғақшалы колитті, панкреатитті қоса, энтероколитті көрсетуі мүмкін • панкреатит • сарғаю және бауырдың ауыр зақымдануы, өліммен аяқталатын бауырдың жедел жеткіліксіздігі жағдайларын қоса, ең алдымен, ауыр негізгі ауруы бар пациенттерде, гепатит • уытты эпидермальді некролиз, Стивенс-Джонсон синдромы, полиморфты эритема, фотосезімталдық реакциясы, лейкоцитокластты васкулит, стоматит • рабдомиолиз, сіңірлердің үзілуі (мысалы, ахилл сіңірі) • байламдардың, бұлшықеттердің үзілуі • артрит • ауыру (арқаның, кеуденің және аяқ-қолдың ауыруын қоса) • жүріс-тұрыстың бұзылуы • мания • миоклонус • терінің гиперпигментациясы Фторхинолондар қолданумен байланысты болған басқа да жағымсыз әсерлері осы аурумен науқастардағы порфирия ұстамаларын қамтиды Жүйелік фторхинолондарды қабылдаған пациенттерде хирургиялық қалпына келтіруді қажет ететін және ұзақ мерзімді мүгедектікке ұшырататын иық, қол ұшының сіңірі, ахилл сіңірі немесе басқа сіңірлердің үзілуі туралы хабарланды. Жүйелі хинолондарды тіркеуден кейінгі пайдалану зерттеулері мен тәжірибесі кортикостероидтарды қабылдайтын пациенттерде, әсіресе гериатриялық пациенттерде және ахилл сіңірін қоса алғанда, жоғары стресске ұшыраған сіңірлерде бұл үзілулердің қаупі ұлғаюы мүмкін екенін көрсетеді. Егер келесі жағымсыз әсерлердің қандай-да біреуі күрделілене түссе немесе бірнеше күннен ұзаққа созылса, өз дәрігеріңізе хабарлаңыз: Белгісіз (қолда бар деректер бойынша жиілігін бағалау мүмкін емес) • Қанның қызыл денешіктері мөлшерінің төмендеуі (анемия): қанның қызыл денешіктерінің зақымдануына байланысты, тері бозаруы немесе сарғаюы мүмкін; қан жасушаларының барлық типтері мөлшерінің төмендеуі (панцитопения) • Сүйек кемігі жаңа қан жасушаларын өндіруін тоқтатады, бұл шаршауды, инфекциямен күресуге қабілеттіліктің төмендеуін және бақыланбайтын қан кетуді (сүйек кемігінің жеткіліксіздігін) тудыруы мүмкін • Заттардың иісінің өзгеруі, иіс немесе дәм сезбей қалу (паросмия, аносмия, агевзия) • Қатты қозу сезімі, көтеріңкі көңіл-күй, ажитация немесе энтузиазм (мания) • Сіздің теріңіздің күнге және ультракүлгінге жоғары сезімталдығы (жарыққа сезімталдығы), тері бөліктерінің күңгірттеу түске енуі (гиперпигментациясы) • Арқаның, кеуде мен аяқ-қолдардың ауырсынуын қоса, ауыру Кенеттен еріксіз тартылулар, бұлшықеттердің тартылулары немесе бұлшықеттердің жиырылулары (миоклонус). Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: таблеткалар түріндегі левофлоксациннің жедел артық дозалануынан кейін білінуін күтуге болатын аса маңызды белгілерге сананың шатасуы, бас айналу, сананың бұзылуы және конвульсиялық құрысулар, QT аралығының ұзаруы сияқты орталық жүйке жүйесі тарапынан болатын симптомдар, сондай-ақ жүрек айну және АІЖ шырышты қабығының эрозиясы сияқты асқазан-ішек жолы тарапынан болатын реакциялар жатады. Маркетингтен кейінгі қадағалау барысында сананың шатасуы, конвульсиялар, елестеулер және тремор сияқты ОЖЖ тарапынан болатын әсерлер білінді. Емі: симптоматикалық ем жүргізу керек. QT аралығының ұзару мүмкіндігіне орай, ЭКГ-мониторинг өткізу қажет. Асқазанның шырышты қабығын қорғау үшін антацидтік дәрілерді қолдануға болады. Перитонеальді диализді және ТАПД қоса, гемодиализ левофлоксацинді организмнен шығаруда тиімсіз. Спецификалық антидоты жоқ.

Егер сіз кенеттен еріксіз тартылуларды, бұлшықеттердің тартылуын немесе бұлшықеттердің жиырылуларын сезіне бастасаңыз - дереу дәрігерге жүгініңіз, өйткені бұл миоклонустың белгісі болуы мүмкін. Сіздің дәрігеріңізге левофлоксацинмен емдеуді тоқтату және тиісінше емді бастау қажет болуы мүмкін. Егер сіз жүрек айнуын, жалпы дімкәстануды, қатты жайсыздықты немесе үздіксіз ауыруды, немесе асқазан тұсының күшейе түсетін ауыруын, немесе құсуды бастан өткеріп жүрсеңіз - дереу дәрігерге жүгініңіз, өйткені бұл ұйқы безінің қабынуының (жедел панкреатиттің) белгісі болуы мүмкін. Егер сіз шаршауды, терінің бозаруын, көгерулерді, бақыланбайтын қан кетуді, қызбаны, тамақ ауыруын және жалпы жай-күйіңіздің елеулі нашарлауын бастан өткеріп жүрсеңіз, немесе сіздің инфекцияларға қарсыласқыштығыңыз төмендеуі мүмкін екенін сезінсеңіз, дереу дәрігерге жүгініңіз, өйткені бұл қан ауруларының белгісі болуы мүмкін. Сіздің дәрігеріңіз сіздің қаныңыздың көрсеткіштерін қан талдауларының көмегімен бақылауы тиіс. Қан көрсеткіштері нормадан ауытқыған жағдайда, сіздің дәрігеріңізге емдеуді тоқтатуға тура келуі мүмкін. Арнайы ескертулер Құрамында хинолон немесе фторхинолон бар препараттарға анамнезінде елеулі жағымсыз реакциялары бар пациенттерде левофлоксацинді қолданудан аулақ болу керек. Мұндай пациенттерді левофлоксацинмен емдеуді баламалы емдеу болмаған кезде және пайда/қауіп арақатынасын мұқият бағалаудан кейін ғана бастау керек. Метициллинге төзімді Staphylococcus aureus (MRSA) Метициллинге резистентті S. aureus те левофлоксацинді қоса, фторхинолондарға төзімді болуы ықтималдығы жоғары. Демек, левофлоксацинді метициллинге резистентті алтын түстес стафилококктан туындаған инфекцияларды емдеу кезінде қолдану ұсынылмайды немесе зертханалық талдаулар микроорганизмнің левофлоксацинге сезімталдығын растаған жағдайлардан басқа (сондай-ақ, егер метициллинге резистентті стафилококктан туындаған инфекцияларды емдеу кезінде әдетте тағайындалатын бактерияға қарсы дәрілерді қолдану орынсыз деп саналса), осындай күдіктер болады. Левофлоксацинді жедел бактериялық синуситті және созылмалы бронхиттің өршуін емдеуде, егер бұл инфекциялар дұрыс диагноз қойылса, қолдануға болады. Несеп шығару жолдарының инфекциясын туындататын анағұрлым кең таралған патоген E. coli-нің фторхинолондарға резистенттілігі Еуропалық Одақ елдерінде ауытқиды. Препараттарды тағайындау кезінде фторхинолондарға E. coli резистенттілігінің жергілікті таралуын ескеру ұсынылады. Сібір ойықжарасының өкпелік түрі: адамда қолдану Bacillus anthracis сезімталдығы бойынша in vitro деректерге және клиникалық деректердің шектеулі санымен қатар клиникаға дейінгі зерттеулер деректеріне негізделген. Емдеуші дәрігерлер сібір ойықжарасын емдеуге қатысты келісілген ұлттық және/немесе халықаралық құжаттарға жүгінуі тиіс. Бұрын құрамында хинолон немесе фторхинолон бар өнімдерді пайдалану кезінде күрделі жағымсыз реакцияларды сезінген пациенттерде левофлоксацин пайдаланылмау керек. Осындай пациенттерді левофлоксацинмен емдеуді тек баламалы емдеу нұсқалары болмаса және пайда/қаупін мұқият бағалаудан кейін ғана бастау керек. Тендинит және сіңірлер үзілуі Фторхинолондармен, оның ішінде левофлоксацинмен жүйелі емдеу кезінде сіңірлердің қабынуы және үзілуі мүмкін. Сирек жағдайларда тендинит пайда болуы мүмкін. Ахилл сіңірі жиі зақымданады, тендинит сіңірдің үзілуіне әкеп соғуы мүмкін. Тендинит және сіңірдің үзілуі, кейбір жағдайларда екі жақты, левофлоксацинмен емдеу басталғаннан кейін 48 сағат ішінде пайда болуы мүмкін, сондай-ақ емдеу тоқтатылғаннан кейін бірнеше ай ішінде осы патологиялардың пайда болу жағдайлары туралы хабарланған. Тендиниттің және сіңір үзілуінің даму қаупі 60 жастан асқан пациенттерде, 1000 мг тәуліктік дозаны қабылдайтын пациенттерде, бір мезгілде кортикостероидтарды қабылдайтын пациенттерде; бүйрек жеткіліксіздігі бар пациенттерде артады. Сонымен қатар, трансплантациядан кейін пациенттерде тендиниттің даму қаупі артады, халықтың осы тобында және ағзалары трансплантацияланған пациенттерде фторхинолондарды пайдалану кезінде сақ болу ұсынылады. Егде жастағы пациенттердегі тәуліктік дозаны креатинин клиренсіне байланысты түзету керек. Демек, левофлоксацинді тағайындау кезінде осындай пациенттерге мұқият мониторинг жүргізу қажет. Сіңір қабынуының алғашқы белгілерінде левофлоксацинді қолдануды дереу тоқтату керек. Зақымдалған сіңірді тиісті емдеуді бастау қажет (мысалы, оны жеткілікті иммобилизациямен қамтамасыз ету). Миоклонус Левофлоксацинді қабылдаған пациенттердегі миоклонус жағдайлары туралы хабарланды. Егер левофлоксациннің дозасы креатинин клиренсіне сәйкес түзетілмесе, егде жастағы пациенттер мен бүйрек функциясының бұзылуы бар пациенттерде миоклонустың даму қаупі жоғарылайды. Миоклонус алғаш пайда болған кезде левофлоксацинді қабылдауды дереу тоқтату және тиісінше емін бастау керек. Clostridium difficile туындатқан ауру Левофлоксацинмен емдеу кезінде немесе одан кейін (емдеу аяқталғаннан кейін бірнеше аптаны қоса алғанда), әсіресе ауыр, төзімді және/немесе қан аралас диарея Clostridium difficile туындатқан аурудың симптомы болуы мүмкін. Clostridium difficile туындатқан аурулар ауырлық дәрежесінде жеңілден ауыр, өмірге қауіп төндіретін, мысалы, жалған жарғақшалы колитке дейін өзгеруі мүмкін. Осылайша, егер пациенттерде левофлоксацинмен емдеу кезінде немесе одан кейін ауыр диарея дамыған болса, осы диагнозды есте ұстаған жөн. Clostridium difficile туындатқан ауруға немесе анықталған диагнозға күдік туған жағдайда левофлоксацинді қолдануды дереу тоқтатып, тиісті емдеуді кідіріссіз бастау керек. Бұл клиникалық жағдайда перистальтикаға қарсы препараттарды қолдануға болмайды. Құрысулардың туындауына бейім пациенттер Хинолондар құрысуға дайындық шегін төмендетіп, құрысуды тудыруы мүмкін. Левофлоксацин анамнезінде эпилепсиясы бар пациенттерге қарсы көрсетілімді және, басқа да хинолондар сияқты, аталған препаратты құрысулар туындауына бейім пациенттерде немесе белсенді заттары құрысу дайындығының шегін төмендететін дәрілік заттар (мысалы, теофиллин) қолданылатын қатарлас ем жүргізу кезінде ерекше сақтықпен қолдану керек. Конвульсиялық құрысулар туындаған жағдайда левофлоксацин қолданылатын емдеуді тоқтату керек. Глюкоза-6-фосфатдегидрогеназа тапшылығы бар пациенттер Глюкоза-6-фосфатдегидрогеназа белсенділігінің жасырын немесе айқын бұзылулары бар пациенттерде бактерияға қарсы хинолонды препараттармен ем жүргізу кезінде гемолиздік реакцияларға бейімділікті байқауға болады. Сондықтан, осындай пациенттерде левофлоксацин қолдану қажет болса, оларды гемолиздің туындауы тұрғысынан қадағалау керек. Бүйрек жеткіліксіздігі бар пациенттер Левофлоксацин негізінен бүйрекпен шығарылатындықтан, бүйрек жеткіліксіздігі бар пациенттерде левофлоксациннің дозасын түзету керек. Аса жоғары сезімталдық реакциялары Левофлоксацин кейде препараттың бірінші дозасын енгізуден кейін туындайтын аса жоғары сезімталдықтың ауыр немесе өмірге зор қатер төндіретін реакцияларын (мысалы, анафилаксиялық шокқа дейін апаратын ангионевроздық ісіну) туындатуы мүмкін. Пациенттер дереу емдеуді тоқтатып, өз емдеуші дәрігерімен немесе шұғыл тиісті көмек көрсетілуі үшін жедел жәрдем дәрігерімен байланысуы керек. Терінің ауыр жағымсыз реакциялары Левофлоксацинді қолданумен байланысты уытты эпидермальді некролизді (TEN: Лайелл синдромы ретінде белгілі), Стивенс Джонсон синдромын (SJS) және өлімге әкелетін немесе өмірге қауіп төндіретін эозинофилия және жүйелік белгілері (DRESS-синдромы) бар дәрілік реакцияны қоса алғанда, терінің ауыр жағымсыз реакциялары (SCARs) туралы хабарламалар бар. Құрамында левофлоксацин бар препараттарды тағайындағанда пациенттерге терінің ауыр реакцияларының белгілері мен симптомдары туралы хабарлау және олардың жағдайын одан әрі мұқият бақылау керек. Осы реакцияларға нұсқайтын белгілер мен симптомдар пайда болған кезде левофлоксацинді қабылдауды дереу тоқтатып, баламалы емдеуді қарастырған жөн. Егер пациент Стивенс Джонсон синдромы (SJS), Лайелл синдромы (TEN) немесе левофлоксацинді қолдана отырып, эозинофилия және жүйелік белгілері (DRESS-синдромы) бар дәрілік реакция сияқты ауыр реакцияны дамытса, ешқандай жағдайда емдеуді қайта бастауға немесе тағайындауға болмайды. Дисгликемия Барлық хинолондарды қолдану кезіндегідей, әдетте, пероральді гипогликемиялық препараттар (мысалы, глибенкламид) немесе инсулин қолданылатын қатарлас емнен өтетін диабеті бар пациенттерде әрі гипо-, әрі гипергликемияны қоса, қандағы глюкоза құрамы бұзылуының туындауы хабарланды. Гипогликемиялық кома жағдайлары туралы хабарланды. Қант диабетімен ауыратын пациенттерде қандағы глюкоза деңгейін мұқият бақылау ұсынылады. Фотосенсибилизация профилактикасы Левофлоксацинмен қолдану кезінде фотосенсибилизация туындауы хабарланды. Фотосенсибилизация дамуын болдырмау үшін пациенттерге емдеу кезінде және оны тоқтатудан кейін 48 сағат бойы өздерін күшті күн сәулесінің немесе жасанды УК сәулеленудің (мысалы, УК шам, солярий) әсеріне ұшыратпауға кеңес беріледі. К дәруменінің антагонистері қолданылатын емнен өтетін пациенттер Левофлоксацин мен К дәрумені антагонисімен (мысалы, варфарин) біріктірілімі қолданылатын емдеуден өтетін пациенттерде, коагуляциялық сынамалар көрсеткіштерінің артуы (ПУ/ХҚҚ) және/немесе қан кетудің туындауы мүмкін екендіктен, осы препараттарды бір мезгілде қолданғанда коагуляция сынамаларының нәтижелеріне мониторинг өткізу қажет. Психоздық реакциялар Левофлоксацинді қоса, хинолондар қабылдаған пациенттерде психоздық реакциялар туындаған жағдайлар хабарланды. Өте сирек жағдайларда тіпті левофлоксацинді дозасын бір рет қолданудан кейін осындай реакциялар суицидтік ойлардың және пациенттің өзіне қауіп төндіретін мінез-құлықтың пайда болуына дейін үдеді. Осындай реакциялар туындаған жағдайда левофлоксацин қабылдауды тоқтатып, тиісті шаралар қолдану керек. Левофлоксацин психозбен пациенттерге немесе анамнезде психиатриялық аурулар болғанда сақтықпен қолданылу керек. QT аралығының ұзаруы Левофлоксацинді қоса, фторхинолондарды QT аралығы ұзаруының мынадай белгілі қауіп факторлары бар пациенттерде сақтықпен қолдану керек: • туа біткен QT аралығының ұзару синдромы • QT аралығының ұзаруын туындататын дәрілік заттарды (мысалы, IA және III класының аритмияға қарсы препараттары, трициклды антидепрессанттар, макролидтер, антипсихотиктер) қатарлас қолдану • түзетілмеген электролиттік теңгерімінің бұзылуы (мысалы, гипокалиемия, гипомагниемия) • жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QTс аралығының ұзаруын туғызатын препараттарға өте сезімтал болуы мүмкін (түзетілген QT). Демек, левофлоксацинді қоса алғанда, фторхинолондарды пациенттердің осы топтарында сақтықпен қолдану керек. Шеткері нейропатия Хинолондар мен фторхинолондарды қабылдаған пациенттерде парестезияға, гиперестезияға, дизестезияға немесе бұлшықет әлсіздігіне әкелетін сенсорлық немесе сенсорлық-моторлы полиневропатия жағдайлары туралы хабарланды. Ықтимал қайтымсыз жағдайдың өршуіне жол бермеу үшін левофлоксацинмен ем қабылдаған пациенттерге, егер ауырсыну, күйдіру, шаншу, ұйып қалу немесе бұлшықет әлсіздігі сияқты нейропатия белгілері пайда болса, емдеуді жалғастырмас бұрын дәрігермен байланысуды ұсынған жөн. Бауыр мен өт шығару жолдары тарапынан бұзылулар Ең алдымен, ауыр негізгі ауруы, мысалы, сепсис бар пациенттерде левофлоксацинді қолдану кезінде өліммен аяқталатын бауыр жеткіліксіздігіне дейін апаратын бауыр некрозының жағдайлары хабарланды. Пациенттерге анорексия, сарғаю, күңгірт несеп, қышыну немесе іштің ауырсынуы сияқты бауыр ауруының симптомдары мен белгілері білінгенде емдеуді тоқтатуға және емдеуші дәрігермен байланысуға кеңес беру керек. Миастения гравис өршуі Левофлоксацинді қоса, фторхинолондар нейробұлшықеттік бөгеу белсенділігін иеленеді және миастения гравистен зардап шегетін пациенттерде бұлшықет әлсіздігін күшейтуі мүмкін. Өлім жағдайларын және постмаркетингтік бақылау кезеңінде пайда болған өкпені қосалқы жасанды желдету қажеттілігін қоса алғанда, елеулі жағымсыз реакциялар миастения грависпен ауыратын пациенттерде фторхинолондарды қолданумен байланысты болды. Пациентте анамнезінде миастения гравис болған кезде левофлоксацинді қолдану ұсынылмайды. Көрудің бұзылулары Көру бұзылулары пайда болғанда немесе препаратты қабылдаудың көзге әсері байқалғанда дереу офтальмологқа қаралу керек. Суперинфекция Левофлоксацинді қолдану, әсіресе ұзақ уақыт бойы, иммунитеті жоқ микроорганизмдердің шамадан тыс өсуіне әкелуі мүмкін. Емделу кезеңінде асқын инфекция туындағанда тиісті шаралар қабылдау керек. Ұзақ мерзімді, мүгедек және ықтимал қайтымсыз елеулі жағымсыз дәрілік реакциялар Хинолондар мен фторхинолондарды қабылдайтын пациенттерде, жасына қарамастан, ұзақ (айлар немесе жылдар бойы жалғасатын) өте сирек кездесетін жағдайлар, организмнің әртүрлі, кейде көптеген жүйелеріне (тірек-қимыл аппараты, жүйке жүйесі, психикалық бұзылулар және сезім мүшелері) және бұрыннан бар қауіп факторларына әсер ететін дәрі-дәрмектерге мүгедектік және ықтимал қайтымсыз елеулі жағымсыз реакциялар тіркелген. Левофлоксацинді қабылдауды кез келген күрделі жағымсыз реакцияның алғашқы белгілері немесе симптомдары пайда болған кезде дереу тоқтату керек, ал пациенттерге өз емдеуші дәрігерінен кеңес алу ұсынылады. Аортаның аневризмасы және қатпарлануы Эпидемиологиялық зерттеулерде фторхинолондарды қабылдағаннан кейін, әсіресе егде пациенттерде, аортаның аневризмасы және қатпарлану қаупінің жоғарылауы туралы хабарланады. Осының салдарынан қантамырларының кеңеюіне байланысты отбасылық анамнезінде ауруы бар пациенттерге немесе бұрын аортаның аневризмасы және/немесе қатпарлануы диагнозы анықталған пациенттерге немесе аортаның аневризмасы және қатпарлануының (мысалы, Марфан синдромы, қантамырлар Элерс-Данлос синдромы, Такаясу артерииті, түйіндік периартериит, Бехчет ауруы, гипертензия, анықталған атеросклероз) пайда болуына бейім басқа қауіп факторлары болған кезде фторхинолондарды пайда мен қауіпті мұқият бағалағаннан кейін және емдеудің басқа әдістерін қарастырғаннан кейін ғана қолдану керек. Іштің, кеуденің немесе арқаның күтпеген ауыруы пайда болған жағдайда, пациентті дереу жедел жәрдем бөлімшесінің дәрігеріне жіберу керек. Жүрек қақпақшаларының регургитациясы/жеткіліксіздігі Қауіп факторлары бар пациенттерде және/немесе жүрек қақпақшаларының регургитациясына/жеткіліксіздігіне бейім жағдайындағы пациенттерде жүрек қақпақшаларының регургитациясы/жеткіліксіздігі. Зертханалық зерттеулер нәтижелеріне әсері Левофлоксацинді қолдану арқылы емделетін пациенттерде несептегі апиындарды анықтауға талдау жалған оң нәтижелер беруі мүмкін. Ерекше әдісті қолдана отырып, апиынға арналған талдау нәтижелерін растау қажет болуы мүмкін. Левофлоксацин Mycobacterium tuberculosis өсуін тежеуі мүмкін, сондықтан туберкулездің бактериологиялық диагностикасының жалған теріс нәтижелерінің себебі болуы мүмкін. Жедел панкреатит Левофлоксацин қабылдаған пациенттерде жедел панкреатит болуы мүмкін. Пациенттерге жедел панкреатиттің тән белгілері туралы хабарлау керек. Жүрек айнуы, әлсіздік, іштің ыңғайсыздығы, іштің өткір ауруы немесе құсу бар пациенттерді дереу дәрігер тексеруі керек. Егер жедел панкреатитке күдік болса, левофлоксацинді қабылдауды тоқтату керек, расталған жағдайда левофлоксацинді қайта қабылдауға болмайды. Анамнезінде панкреатитпен ауыратын пациенттерге сақ болу керек. Қан аурулары Левофлоксацинмен емдеу кезінде лейкопенияны, нейтропенияны, панцитопенияны, гемолиздік анемияны, тромбоцитопенияны, аплазиялық анемияны немесе агранулоцитозды қоса, сүйек кемігінің жеткіліксіздігі дамуы мүмкін («Қолданылу ерекшеліктері» бөлімін қараңыз). Аталған қан ауруларының кез келгеніне күдік болған жағдайда, қан көрсеткіштерін бақылау қажет. Нәтижелері нормадан ауытқыған жағдайда, левофлоксацинмен емдеуді тоқтату мәселесін қарастыру керек. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Кейбір жағымсыз әсерлер, мысалы, естен тану алдындағы жағдай/ бас айналу, ұйқышылдық, көрудің бұзылуы пациенттің зейін қою қабілетін және оның реакцияларының жылдамдығын төмендетуі мүмкін, бұл мұндай қабілеттер ерекше маңызды жағдайларда (мысалы, көлік жүргізу және механизмдерімен жұмыс кезінде) қауіпті болуы мүмкін.

Жүктілік Левофлоксацинді жүкті әйелдерде қолдануға болмайды. Бала емізу Леволет препараты бала емізу кезінде әйелдерге қолдануға болмайды.

Темір, мырыш тұздары, құрамында магний немесе алюминий бар антацидтік препараттар, диданозин Левофлоксациннің сіңуі левофлоксацин препаратымен бір мезгілде темір, мырыш тұздарын, құрамында магний немесе алюминий бар антацидті препараттарды немесе диданозинді (құрамында алюминий немесе магний бар буферлік заттары бар диданозин түрлері ғана) таблеткалар түрінде қолданғанда едәуір төмендейді. Құрамында мырыш бар фторхинолондар мен мультивитаминді препараттарды бір мезгілде қолдану олардың сіңуін төмендетеді. Құрамында темір, мырыш тұздары, құрамында магний немесе алюминий бар антацидті препараттар немесе диданозин (құрамында алюминий немесе магний бар буферлік заттар бар вирусқа қарсы препараттарға ғана қатысы бар) сияқты екі немесе үш валентті катиондары бар препараттарды левофлоксацин таблеткаларын қабылдағанға дейін және одан кейін 2 сағат бұрын қабылдамаған жөн. Кальций тұздары пероральді қабылдағаннан кейін левофлоксациннің сіңуіне ең аз әсер ететіндігі көрсетілген. Сукральфат Таблеткалар түріндегі левофлоксацин биожетімділігі оны сукральфатпен бір мезгілде қолданған кезде айтарлықтай төмендейді. Егер пациентке сукральфатты да, левофлоксацинді де қабылдау қажет болса, бәрінен дұрысы - сукральфатты таблеткалар түріндегі левофлоксацин препаратын қабылдаудан кейін 2 сағаттан соң қабылдау. Теофиллин, фенбуфен немесе сол сияқты қабынуға қарсы стероидты емес препараттар Клиникалық зерттеу барысында левофлоксацин мен теофиллиннің фармакокинетикалық өзара әрекеттесуі табылған жоқ. Алайда, хинолондар және теофиллинді, қабынуға қарсы стероидты емес препараттар немесе құрысу дайындығының шегін төмендететін басқа дәрілік заттарды бір мезгілде қолданғанда эпилепсиялық дайындық шегінің едәуір төмендеуін байқауға болады. Левофлоксациннің концентрациясы тек левофлоксацинді қабылдағанға қарағанда, фенбуфеннің қатысуымен шамамен 13%-ға жоғары болды. Пробенецид және циметидин Пробенецид және циметидин левофлоксациннің шығарылуына статистикалық мәнді әсерін көрсетті. Левофлоксациннің бүйректік клиренсі циметидин (24%) және пробенецид (34%) препараттарын қолдану кезінде төмендеді. Бұл екі дәрілік препараттың да левофлоксациннің өзекшелік секрециясын бөгеуге қабілетті екенімен түсіндіріледі. Алайда, зерттеу барысында пайдаланылған дозаларда қолданғанда статистикалық мәнді кинетикалық өзгешеліктерінің клиникалық мәнді болу ықтималдығы аз. Левофлоксацинді пробенецид пен циметидин сияқты өзекшелік секрецияға әсерін көрсететін препараттармен бірге, әсіресе, бүйрек функциясының бұзылулары бар пациенттерде сақтықпен қолдану керек. Басқа маңызды ақпарат Клиникалық фармакология зерттеулері осы препаратты келесі дәрілік заттар: кальций карбонаты, дигоксин, глибенкламид, ранитидинмен бірге қолданудың левофлоксацин фармакокинетикасына ешқандай клиникалық мәнді әсер етпегенін көрсетті. Леволет препаратының басқа дәрілік заттарға әсері Циклоспорин Левофлоксацинмен бірге қолданғанда циклоспориннің жартылай шығарылу кезеңі 33% - ға ұлғайды. K дәруменінің антагонистері Левофлоксацин мен К дәрумені антагонисінің (мысалы, варфарин) біріктірілімін қолдана отырып емделген пациенттерде коагуляциялық сынамалар (ПУ/ХҚҚ) көрсеткіштерінің жоғарылауы және/немесе мүмкін ауыр қан кету жағдайлары туралы хабарланды. Осылайша, К дәруменінің антагонистерін қолдана отырып емделіп жатқан пациенттерде коагуляциялық сынамалар нәтижелеріне мониторинг жүргізу қажет. QT аралығының ұзаруын тудыратын дәрілік заттар Левофлоксацинді, басқа фторхинолондар сияқты, QT аралығының ұзаруын тудыратын препараттарды (мысалы, IA және III класының аритмияға қарсы препараттары, трициклді антидепрессанттар, макролидтер, нейролептиктер) қабылдайтын пациенттерде сақтықпен қолдану керек. Басқа маңызды ақпарат Фармакокинетикалық өзара әрекеттесу зерттеулерінде левофлоксацин теофиллиннің (CYP1A2 маркерлік субстраты) фармакокинетикасына әсер етпеген, бұл левофлоксациннің CYP1A2 тежегіші емес екенін көрсетеді. Өзара әрекеттесудің басқа түрлері Ас ішу Ас ішумен клиникалық мәнді өзара әрекеттесуі болмады. Осылайша, таблеткалар түріндегі левофлоксацин препаратын ас ішуге байланыссыз қабылдауға болады.

Сақтау мерзімі 2 жыл Жарамдылық мерзімі өткеннен кейін қолдануға болмайды! Сақтау шарттары Құрғақ, жарықтан қорғалған жерде, 25°С-ден аспайтын температурада сақтау керек. Балалардың қолы жетпейтін жерде сақтау керек!