Левомак 500 таблетки 500 мг

Бір таблетканың құрамында белсенді зат - левофлоксацин гемигидраты 500 мг левофлоксацинге баламалы, қосымша заттар: микрокристалды целлюлоза, желатинделген крахмал, полисорбат 80, кросповидон, микрокристалды целлюлоза РН 302, тальк, сусыз коллоидты кремнийдің қостотығы, магний стеараты, қабықтың құрамы: гипромеллоза (15 сps), тальк, титанның қостотығы (E171), темірдің (III) қызыл тотығы (E 172), темірдің (III) сары тотығы (E 172), пропиленгликоль, диэтилфталат. Сыртқы түрінің, иісінің, дәмінің сипаттамасы Пішіні капсула тәрізді, екі беті дөңес, қызылдау-қоңыр түсті үлбірлі қабықпен қапталған, екі жағы тегіс таблеткалар.

Ересектерге келесі инфекцияларды емдеу үшін көрсетілген: - жедел пиелонефрит және несеп шығару жолдарының асқынған инфекциялары - созылмалы бактериялық простатит - сібір ойық жарасының өкпедегі түрі: жанасудан кейінгі профилактика және радикалды емдеу Төмендегі инфекциялар кезінде препаратты әдетте келесі инфекцияларды емдеу үшін ұсынылатын бактерияға қарсы басқа препараттарды қолдану орынсыз деп саналған кезде ғана қолдану керек. - жедел бактериялық синусит - бронхитті қоса, өкпенің созылмалы обструкциялық ауруының өршуі - ауруханадан тыс пневмония - терінің және жұмсақ тіндердің асқынған инфекциялары - асқынбаған цистит Левомак 500 левофлоксацинмен вена ішіне бастапқы емдеу кезінде жақсарған пациенттерде терапия курсын аяқтау үшін де қолдануға болады.

ATХ коды J01MA12 Әсер ету механизмі Левофлоксацин фторхинолондар класының синтетикалық бактерияға қарсы дәрісі, сондай-ақ офлоксациннің рацемиялық белсенді затының S (-) энантиомері болып табылады. Фторхинолонды бактерияға қарсы дәрі ретінде левофлоксацин ДНҚ-ДНҚ-гираза кешеніне және топоизомераза IV-ге әсер етеді. Резистенттілік механизмі Левофлоксацинге резистенттілік II типті топоизомеразалардағы, ДНҚ гиразадағы және топоизомераза IV-дегі нысана-учаскелердің мутациялары арқылы кезең-кезеңмен жинақталады. Резистенттіліктің басқа механизмдері, мысалы, ену бөгеттері (көк ірің таяқшасына ортақ) және ағып кету механизмдері де левофлоксацинге сезімталдыққа әсер етуі мүмкін. Левофлоксацин мен басқа фторхинолондар арасында айқаспалы резистенттілік байқалады. Әсер ету механизмінің нәтижесінде, әдетте, левофлоксацин мен бактерияға қарсы дәрілердің басқа кластары арасында айқаспалы резисттенттілік болмайды. ӘДЕТТЕ СЕЗІМТАЛ ТҮРЛЕРІ Аэробты грамоң бактериялар Сібір ойық жарасының қоздырғышы Метициллинге сезімтал алтын түстес стафилококк Сапрофитті стафилококк С және G тобының стрептококктары Стрептококк агалактиасы Пневмококк Пиогендік стрептококк Аэробты грамтеріс бактериялар Eikenella corrodens Гемофильді инфекция Клебсиелла окситока гемофильді парагриппозды таяқшасы Моракселла катаралис Пастерелла мультоцид Тұрпайы протей Реттгер провиденциясы Анаэробты бактериялар Пептострептококктар Басқалары Пневмония хламидофиласы Хламидофила пситтаци Хламидия трахоматис Легионелла пневмофила Пневмония микоплазмасы Хоминис микоплазмасы Уреаплазма уреалитикум ЖҮРЕ ПАЙДА БОЛҒАН РЕЗИСТЕНТТІЛІК ПРОБЛЕМА ТУДЫРУЫ МҮМКІН ТҮРЛЕР Аэробты грамоң бактериялар Фекальді энтерококк Метициллинге төзімді алтын түстес стафилококк* Коагулаза теріс стафилококк түрлері Аэробты грамтеріс бактериялар Акинетобактерия бауманна Цитробактер фреунди Энтеробактер аэрогенес Энтеробактер клоаки Ішек таяқшасы Клебсиелла пневмониясы Морганелла моргания* Протей мирабилис* Стюарт провиденциясы Көк ірің таяқшалар* Cеррация марцесценс* Анаэробты бактериялар Бактероиды фрагилис Табиғаты бойынша төзімді штаммдар Аэробты грамоң бактериялар Энтерококк фэциум Метициллинге төзімді алтын түстес стафилококктың фторхинолондарға, оның ішінде левофлоксацинге қатар резисттенттілігі болуы мүмкін.

Дозалау режимі Доза инфекцияның типі мен ауырлығына, сондай-ақ болжамды қоздырғыштың сезімталдығына байланысты. Таблеткалар тәулігіне бір немесе екі рет ішке қабылданады. Левомак 500 келесі дозаларда қолдану ұсынылады: Бүйрек функциясы қалыпты пациенттерде дозалануы (креатинин клиренсі > 50 мл/мин) Қолданылуы — Тәуліктік доза (аурудың ауырлығына байланысты) — Емдеу ұзақтығы (аурудың ауырлығына байланысты) Жедел бактериялық синусит — 500 мг тәулігіне 1 рет — 10-14 күн Этиологиясы бактериялық созылмалы бронхиттің өршуі — 500 мг тәулігіне 1 рет — 7-10 күн Ауруханадан тыс пневмония — 500 мг тәулігіне 1 немесе 2 рет — 7-14 күн Жедел пиелонефрит — 500 мг тәулігіне 1 рет — 7-10 күн Несеп шығару жолдарының асқынған инфекциялары — 500 мг тәулігіне 1 рет — 7-14 күн Асқынбаған цистит — 250 мг тәулігіне 1 рет — 3 күн Созылмалы бактериялық простатит — 500 мг тәулігіне 1 рет — 28 күн Тері мен жұмсақ тіндердің асқынған инфекциялары — 500 мг тәулігіне 1 немесе 2 рет — 7-14 күн Сібір ойық жарасының өкпедегі түрі — 500 мг тәулігіне 1 рет — 8 апта Таблеткалардағы Левомак 500 препаратын вена ішіне левофлоксацин енгізумен старттық ем жүргізуден кейін жақсаруы байқалған пациенттерде емдеу курсын аяқтау үшін де қолдануға болады; парентеральді және пероральді түрлерінің биобаламалылығын ескеріп, сол дозалануын пайдалануға болады. Пациенттердің ерекше топтары Егде жастағы пациенттер Бүйрек функциясымен байланысты жағдайларды қоспағанда, егде жастағы пациенттерде препараттың дозасын түзету талап етілмейді. Бүйрек функциясының бұзылуы (креатинин клиренсі ≤ 50 мл / мин) Левофлоксацин бүйрек жеткіліксіздігі болған кезде сақтықпен тағайындалады, терапия алдында және терапия кезінде мұқият клиникалық бақылау және тиісті зертханалық зерттеулер жүргізіледі, өйткені левофлоксациннің шығарылуы төмендеуі мүмкін. Креатинин клиренсі ≥ 50 мл/мин пациенттер үшін дозаны түзету қажет емес. Бүйрек функциясы бұзылған пациенттерде (креатинин клиренсі <50 мл/мин) клиренстің төмендеуіне байланысты левофлоксациннің жиналуын болдырмау үшін дозалау режимін түзету қажет. Креатинин клиренсі — Дозалау режимі 250 мг / 24 сағ — 500 мг / 24 сағ — 500 мг / 12 сағ Бірінші доза: 250 мг — Бірінші доза: 500 мг — Бірінші доза: 500 мг 50-20 мл/мин — Содан кейін: 125 мг/24 сағ — Содан кейін: 250 мг/24 сағ — Содан кейін: 250 мг/12 сағ 19-10 мл / мин — Содан кейін: 125 мг/48 сағ — Содан кейін: 125 мг/24 сағ — Содан кейін: 125 мг/12 сағ < 10 мл/мин (оның ішінде гемодиализ және ТАПД) 1 — Содан кейін: 125 мг/48 сағ — Содан кейін: 125 мг/24 сағ — Содан кейін: 125 мг/24 сағ 1Гемодиализден немесе тұрақты амбулаторлық перитонеальді диализден (ТАПД) кейін препараттың қосымша дозаларын енгізу қажет емес. Бауыр функциясының бұзылуы Препарат дозасын түзету талап етілмейді, себебі левофлоксацин бауырда елеусіз дәрежеде метаболизденеді және негізінен бүйрек арқылы шығарылады. Енгізу әдісі мен жолы Таблеткаларды шайнамай және жеткілікті сұйықтықпен ішіп, тамақтану кезінде немесе тамақтану арасында тұтастай жұту керек. Таблеткаларды темір, мырыш тұздарын, құрамында магний немесе алюминий бар антацидті препараттарды, не диданозинді (құрамында алюминий және магний қосылыстары бар буферлік заттары бар диданозиннің дәрілік түрлерін ғана) қабылдаудан, сондай-ақ сукральфат тағайындаудан кейін кемінде 2 сағат бұрын немесе одан кейін 2 сағаттан соң қабылдау керек, өйткені осы орайда препарат сіңуінің төмендеуі байқалуы мүмкін.

- левофлоксацинге, басқа хинолондарға немесе дәрілік препараттың кез келген компоненттеріне аса жоғары сезімталдық • эпилепсия • фторхинолондарды бұрын қолданған кезде байқалған сіңірлердің зақымдануы • 18 жасқа дейінгі балалар мен жасөспірімдер • жүктілік және лактация кезеңі

Жиі - ұйқысыздық, бас ауыруы, бас айналуы - жүрек айну, құсу, диарея - бауыр ферменттері деңгейінің жоғарылауы (АЛТ, АСТ, сілтілі фосфатаза, ГГT) Жиі емес - зеңдік инфекция, соның ішінде Candida инфекциясы - патогендік резистенттілік - лейкопения, эозинофилия - анорексия - мазасыздық, үрейлену, сананың шатасуы, күйгелектік - ұйқышылдық, тремор, дисгевзия - вертиго - ентігу - іштің ауыруы, диспепсия, метеоризм, іш қату - қандағы билирубин деңгейінің және креатинин деңгейінің жоғарылауы - бөртпе, қышыну, есекжем, гипергидроз - артралгия, миалгия - астения Сирек - тромбоцитопения, нейтропения - ангионевроздық ісіну, аса жоғары сезімталдық - антидиурездік гормонның талапқа сай емес секреция синдромы (АДГТЕСС) - гипогликемия, әсіресе диабетпен ауыратын пациенттерде - психоздық реакциялар (мысалы, елестеулермен, паранойямен) - депрессия, ажитация, әдеттен тыс түстер көру, түнгі қорқынышты түстер - конвульсиялар, парестезия - бұлыңғыр көру сияқты көру қабілетінің бұзылулары - тиннит - тахикардия, жүрек қағуы жиілеуі - гипотензия - эозинофилиямен және жүйелік көріністермен (DRESS) дәрілік бөртпе, орныққан токсидермия - сіңір аурулары, соның ішінде тендинит (мысалы, ахилл сіңірлері) - миастения грависпен ауыратын пациенттерде ерекше маңызы болуы мүмкін бұлшықет әлсіздігі - жедел бүйрек жеткіліксіздігі (мысалы, интерстициальді нефрит салдарынан) - пирексия Өте сирек - аорта аневризмасы және қатпарлануы, кейде жарылумен асқынған (соның ішінде өліммен аяқталатын) - кез келген жүрек қақпақшаларының регургитациясы/жеткіліксіздігі Жиілігі белгісіз Сүйек кемігі жаңа қан жасушаларын өндіруді тоқтатады, бұл шаршауды, инфекциямен күресу қабілетінің төмендеуін және бақыланбайтын қан кетуді (сүйек кемігінің жеткіліксіздігі) тудыруы мүмкін, панцитопения, агранулоцитоз, гемолиздік анемия - анафилаксиялық шок (анафилаксиялық және анафилактоидты реакциялар кейде препараттың тіпті бірінші дозасын енгізгеннен кейін де туындауы мүмкін) - анафилактоидты шок (тері-шырышты реакциялар кейде препараттың тіпті бірінші дозасын енгізгеннен кейін де туындауы мүмкін) - гипергликемия, гипогликемиялық кома - суицидтік ойлау немесе суицид әрекетін қоса, пациенттің өзіне қауіп төндіретін мінез-құлықпен психоздық бұзылулар, қатты қозу, көтеріңкі көңіл-күй, ажитация немесе энтузиазм сезімі (мания). - шеткері сенсорлық нейропатия, шеткері сенсомоторлық нейропатия - паросмия, соның ішінде аносмия - дискинезия, экстрапирамидалық бұзылыс - агевзия - естен тану - қатерсіз бассүйекішілік гипертензия - кенеттен еріксіз тартылу, бұлшықеттердің тартылуы немесе бұлшықеттердің жиырылуы (миоклонус). - уақытша көру қабілетінің жоғалуы - есту қабілетінің жоғалуы, бұзылуы - жүректің тоқтап қалуына әкелуі мүмкін қарыншалық тахикардия, - қарыншалық аритмия және қарыншалардың жыпылықтауы-дірілдеуі (негізінен QT аралығының ұзару қаупі факторлары бар пациенттерде байқалады), ЭКГ-дағы QT аралығының ұзаруы - бронх түйілуі, аллергиялық пневмонит - геморрагиялық диарея, өте сирек жағдайларда оның ішінде жалған жарғақшалы колитті қоса, энтероколитті көрсетуі мүмкін - панкреатит - сарғаю және бауырдың ауыр зақымдануы, өліммен аяқталатын жедел бауыр жеткіліксіздігі жағдайларын қоса, әсіресе ауыр ағымды негізгі ауру болған пациенттерде, гепатит - уытты эпидермалық некролиз, Стивенс-Джонсон синдромы, полиморфты эритема, фотосезімталдық реакциялары, лейкоцитокластық васкулит, стоматит, терінің неғұрлым қарайған бөліктері (гиперпигментация). - рабдомиолиз, сіңірлердің (мысалы, ахилл сіңірі), байламдардың үзілуі, бұлшықеттердің жыртылуы, артрит - ауыру (арқа, кеуде және аяқ-қолдың ауыруын қоса) Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http:www.ndda.kz

Симптомдары: сананың шатасуы, бас айналу, сананың бұзылуы және конвульсиялық құрысулар, QT аралығының ұзаруы, сондай-ақ жүрек айнуы және АІЖ шырышты қабығы эрозиясы сияқты асқазан-ішек жолы тарапынан реакциялар. Сананың шатасу жағдайы, конвульсия, елестеулер және тремор сияқты ОЖЖ тарапынан әсерлері байқалды. Емі - симптоматикалық. QT аралығының ұзаруы мүмкіндігіне орай, ЭКГ-мониторинг жасау қажет. Асқазанның шырышты қабығын қорғау үшін антацидті дәрілер қолдануға болады. Гемодиализ, перитонеальді диализ және ТАПД қоса, левофлоксацинді организмнен шығаруда тиімсіз. Арнайы антидоты жоқ. Дәрілік препаратты қолданар алдында қолдану әдісін түсіндіру үшін дәрігерге немесе фармацевтке жүгініңіз.

Бұрын құрамында хинолон немесе фторхинолон бар препараттарды қолданғанда елеулі жағымсыз реакциялар байқалған пациенттерге левофлоксацин қабылдауға болмайды. Бұл пациенттерді левофлоксацинмен емдеуді баламалы емдеу нұсқалары болмаған кезде және пайда мен қауіп арақатынасын мұқият бағалағаннан кейін бастау керек. Резистенттілік қаупі Метициллинге төзімді S.aureus сондай-ақ левофлоксацинді қоса, фторхинолондарға резистентті болу ықтималдығы жоғары. Демек, левофлоксацинді метициллинге төзімді алтын түстес стафилококк туындатқан немесе осындай күмәндану болған инфекцияларды емдеуде, зертханалық талдаулар микроорганизмнің левофлоксацинге сезімталдығын растаған жағдайлардан басқа кезде (сондай-ақ, егер метициллинге төзімді стафилококк туындатқан инфекцияларды емдеу кезінде әдетте тағайындалатын бактерияға қарсы дәрілерді қолдану орынсыз деп саналса), қолдану ұсынылмайды. Левофлоксацинді жедел бактериялық синуситті және созылмалы бронхиттің өршуін емдеуде, егер бұл инфекцияларға дұрыс диагноз қойылса қолдануға болады. Несеп шығару жолдарының инфекциясын туындататын неғұрлым кең таралған патоген E. coli фторхинолондарға резистенттілігі Еуропалық Одақ елдерінде ауытқып отырады. Препаратты тағайындағанда фторхинолондарға E. coli резистенттілігінің жергілікті таралуын ескеру ұсынылады. Сібір ойық жарасы өкпедегі түрі: адамдарда қолдану сібір ойық жарасы қоздырғышының in vitro сезімталдығы деректеріне және адамдар туралы шектеулі деректермен бірге жануарлар туралы эксперименттік деректерге негізделеді. Емдеуші дәрігерлер сібір ойық жарасын емдеуге қатысты ұлттық және / немесе халықаралық консенсус құжаттарына сілтеме жасауы керек. Дәрілік заттарға ұзақ мерзімді, мүгедектікке әкелетін және ықтимал қайтымсыз ауыр жағымсыз реакциялар Ағзаның әртүрлі, кейде бірнеше жүйелеріне (тірек-қимыл аппараты, жүйке жүйесі, психикалық денсаулық және қабылдау) әсер ететін ұзақ (бірнеше ай немесе жылдар бойы жалғасатын), мүгедектікке әкелетін және ықтимал қайтымсыз ауыр жағымсыз реакциялардың өте сирек жағдайлары хинолондар мен фторхинолондарды қабылдайтын пациенттерде олардың жасына және бұрыннан бар қауіп факторларына қарамастан тіркелген. Левофлоксацинді қабылдауды кез келген күрделі жағымсыз реакцияның алғашқы белгілерінде немесе симптомдарында дереу тоқтату керек, ал пациенттерге өзінің емдеуші дәрігеріне жүгінуге кеңес беру керек. Тендинит және сіңірдің үзілуі Сирек жағдайларда тендинит пайда болуы мүмкін. Көбінесе ахилл сіңірі зақымдалады, тендинит сіңірдің үзілуіне әкелуі мүмкін. Тендинит және сіңірдің үзілуі, кейбір жағдайларда екіжақты, левофлоксацинмен емдеуді бастағаннан кейін 48 сағат ішінде туындауы мүмкін, сондай-ақ емдеуді тоқтатқаннан кейін бірнеше ай ішінде осы патологиялардың туындау жағдайлары туралы хабарланды. 60 жастан асқан пациенттерде, 1000 мг тәуліктік дозаны қабылдайтын пациенттерде, кортикостероидтарды қабылдайтын пациенттерде және бүйрек, жүрек және өкпе трансплантациясымен пациенттерде тендинит пен сіңірдің үзілу қаупі артады. Егде жастағы пациенттердегі тәуліктік дозаны креатинин клиренсіне қарай түзету керек. Сондықтан левофлоксацинді тағайындау кезінде мұндай пациенттерді мұқият бақылап отыру қажет. Тендинит симптомдары пайда болған кезде барлық пациенттер емдеуші дәрігеріне қаралуы керек. Егер тендинитке күдік болса, левофлоксацинді қолдануды дереу тоқтатып, зақымдалған сіңірге тиісті емін (мысалы, оған жеткілікті иммобилизация беру арқылы) бастау керек. Миоклонус Егер бұлшықеттер кенеттен, еріксіз тартылып, олардың жиырылуы немесе түйілуі пайда болса, дереу дәрігерге қаралыңыз. Бұл миоклонус белгісі болуы мүмкін, ол арнайы емдеуді талап етеді. Егер левофлоксацин дозасы креатинин клиренсіне сәйкес түзетілмесе, миоклонус даму қаупі егде жастағы пациенттерде және бүйрек функциясы бұзылған пациенттерде артады. Clostridium difficile туындатқан ауру Левофлоксацинмен емдеу кезінде немесе одан кейінгі (емдеу аяқталғаннан кейін бірнеше аптаны қоса) диарея, әсіресе ауыр, тоқтамайтын және/немесе қан араласқан диарея, Clostridium difficile туындатқан аурудың симптомы болуы мүмкін. Clostridium difficile туындатқан аурулар ауырлық дәрежесі бойынша жеңілден өмірге қауіп төндіретінге дейін өзгеруі ықтимал, ең ауыр түрі - жалған жарғақшалы колит. Осылайша, егер пациенттерде левофлоксацин қолданумен емдеу кезінде немесе одан кейін ауыр диарея дамыса, осы диагнозды ескеру маңызды. Clostridium difficile туындатқан ауруға күдіктенген кезде левофлоксацин қолдануды дереу тоқтатып, тиісті емдеуді кешіктірмей бастау керек. Осы клиникалық жағдайда перистальтикаға қарсы препараттарды қолдануға болмайды. Құрысудың туындауына бейім пациенттер Хинолондар құрысу шегіне дайындықты төмендетуі және құрысуларға түрткі болуы мүмкін. Левофлоксацинді анамнезінде эпилепсиясы бар пациенттерге қолдануға болмайды және басқа да хинолондар сияқты бұл препаратты құрысулардың туындауына бейімділігі бар пациенттерге немесе белсенді заттары (мысалы, теофиллин) құрысуға дайындық шегін төмендететін дәрілік заттарды қолданып қатар ем жүргізгенде ерекше сақ болу керек. Конвульсиялық құрысулар туындаған жағдайда левофлоксацинді қолданумен жүргізілетін емді тоқтату керек. Глюкоза-6-фосфатдегидрогеназа жеткіліксіздігі бар пациенттер Глюкоза-6-фосфатдегидрогеназа белсенділігінің жасырын немесе айқын бұзылуы бар пациенттерде хинолонды бактерияға қарсы препараттармен ем жүргізгенде гемолиздік реакцияларға бейімділік байқалуы мүмкін. Осылайша, левофлоксацинді мұндай пациенттерде қолдану қажеттілігінде оларды гемолиздің туындауына бақылау керек. Бүйрек функциясы бұзылған пациенттер Левофлоксацин негізінен бүйрек арқылы шығарылатындықтан, бүйрек функциясы бұзылған пациенттерде левофлоксациннің дозасын түзету керек. Аса жоғары сезімталдық реакциялары Левофлоксацин ауыр және потенциалды өлімге әкелетін аса жоғары сезімталдық реакцияларын (мысалы, анафилаксиялық шокқа дейін болатын ангионевроздық ісінуді) туындатуы мүмкін, ол кейде препараттың бірінші дозасын енгізгеннен кейін-ақ туындайды. Пациенттер емді дереу тоқтатуы тиіс және емдеуші дәрігермен немесе тиісті шұғыл көмек көрсету үшін жедел жәрдем дәрігерімен байланысуы керек. Ауыр буллезді реакциялар Левофлоксацинді қолданғанда Стивенс–Джонсон синдромы немесе уытты эпидермальді некролиз сияқты ауыр буллезді тері реакцияларының туындау жағдайлары туралы хабарланды. Пациенттерге емдеуді жалғастырмас бұрын теріде/шырышты қабықтарда реакциялар пайда болған кезде дереу емдеуші дәрігермен байланысуға кеңес берген жөн. Дисгликемия Барлық хинолондарды қолданғандағыдай, пероральді гипогликемиялық препараттарды (мысалы, глибенкламид) немесе инсулинді қолданумен қатар ем алатын әдетте егде жастағы және диабетпен ауыратын пациенттерде байқалған гипо- және гипергликемияны қоса, қандағы глюкоза мөлшері бұзылуының туындауы туралы хабарланды. Гипогликемиялық кома жағдайлары туралы хабарланды. Диабетпен ауыратын пациенттерде қандағы глюкоза деңгейін мұқият бақылау ұсынылады. Фотосенсибилизация профилактикасы Левофлоксацинді қолданғанда фотосенсибилизацияның туындағаны жөнінде мәлімделді. Фотосенсибилизацияның дамуына жол бермеу үшін пациенттерге емделу кезінде және оны тоқтатқаннан кейін 48 сағат бойына, күшті күн сәулесінің немесе жасанды УК сәулелену (мысалы, УК шамы, солярий ) әсеріне қажетінсіз жол бермеу ұсынылады. К дәрумені антагонистерін қолданумен емделетін пациенттер Коагуляциялық сынамалар (ПВ/ХҚҚ) көрсеткіштерінің ықтимал жоғарылауына және/немесе қан кетудің туындауына байланысты осы препараттарды бір мезгілде қолдану кезінде левофлоксацин мен К дәруменінің антагонисті (мысалы, варфарин) біріктірілімін қолдана отырып емдеуден өтіп жатқан пациенттерде коагуляциялық сынамалар нәтижелеріне мониторинг жүргізу қажет. Психоздық реакциялар Левофлоксацинді қоса, хинолондарды қабылдаған пациенттерде психоздық реакциялардың пайда болу жағдайлары туралы хабарланды. Өте сирек жағдайларда, левофлоксацин дозасын бір рет қолданғаннан кейін де, мұндай реакциялар пациенттің өзіне қауіп төндіретін суицидтік ойлар мен мінез-құлықтар пайда болғанға дейін үдеген. Мұндай реакциялар пайда болған жағдайда левофлоксацинді қабылдауды тоқтатып, тиісті шаралар қабылдау керек. Левофлоксацинді психозбен ауыратын науқастарда немесе анамнезінде психикалық аурулар болған кезде сақтықпен қолданған жөн. QT аралығының ұзаруы Левофлоксацинді қоса, фторхинолондарды төмендегідей QT аралығының ұзару қаупінің белгілі бір факторлары бар пациенттерде сақтықпен қолдану керек, мысалы: - QT аралығы ұзаруының туа біткен синдромы - QT аралығы ұзаруын туындататын дәрілік заттарды (мысалы аритмияға қарсы, IA және III класқа жататын препараттар, трициклдік антидепрессанттар, макролидтер, нейролептиктер) қатар қолдану - электролиттер теңгерімінің түзетілмеген бұзылулары (мысалы, гипокалиемия, гипомагниемия) - жүрек аурулары (мысалы, жүрек жеткіліксіздігі, миокард инфарктісі, брадикардия) Егде жастағы науқастар және әйелдер QTс аралығы ұзаруын туындататын препараттарға сезімталдау болуы мүмкін. Демек, бұл пациенттер тобында фторхинолондарды, соның ішінде левофлоксацинді сақтықпен қолдану керек. Аорта аневризмасы және/немесе аортаның қатпарлануы, сондай-ақ жүрек қақпақшаларының регургитациясы/жеткіліксіздігі Фторхинолондарды қабылдау кезінде, аневризма және аорта қатпарлануының кейде үзілумен асқынған (оның ішінде өліммен аяқталатын), сондай-ақ жүрек қақпақшаларының кез келген регургитациясы / жеткіліксіздігі жағдайлары тіркелген. Аневризмаға немесе жүрек қақпақшаларының туа біткен ақауына немесе жүрек қақпақшаларының жеткіліксіздігіне қатысты ауыр отбасылық анамнезі бар пациенттерде, сондай-ақ аневризманың дамуына және аортаның қатпарлануына бейім басқа қауіп факторлары немесе жағдайлар болған кезде, сондай-ақ жүрек қақпақшаларының регургитациясы / жеткіліксіздігі кезінде (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, гипертензия, ревматоидты артрит сияқты дәнекер тінінің бұзылуы), сондай-ақ, аортаның аневризмасы мен қатпарлануы (мысалы, тамыр аурулары, Такаясу артериті немесе алып жасушалық артерит немесе белгілі атеросклероз немесе Шегрен синдромы сияқты), сондай-ақ жүрек қақпақшаларының регургитациясы/жеткіліксіздігі (мысалы, инфекциялық эндокардит) кезінде Левомак 250 пайда-қауіп арақатынасын мұқият бағалағаннан және терапияның басқа мүмкін нұсқаларын қарастырғаннан кейін ғана қолданылуы керек. Жүйелі кортикостероидтармен бір мезгілде ем қабылдайтын пациенттерде аневризманың және аортаның қатпарлану, сондай-ақ жарылу қаупі де артуы мүмкін. Іштің, кеуденің немесе арқаның кенеттен ауыруы пайда болған жағдайда, жедел ентігу, алғаш туындаған жүрек қағуы жиілігінің жоғарылауы, сондай-ақ, құрсақ қуысы немесе аяқ ісінуі дамуы жағдайында, препарат қабылдауды тоқтатып, жедел жәрдем бөлімшесіндегі дәрігерге дереу қаралу керек. Шеткері нейропатия Левофлоксацинді қоса, фторхинолондармен емделген пациенттерде айтарлықтай жылдам дамуы мүмкін шеткері сенсорлық нейропатия және шеткері сенсомоторлық нейропатияның пайда болуы туралы хабарланды. Нейропатия симптомдары пайда болған кезде қайтымсыз бұзылулардың дамуын болдырмау үшін левофлоксацин қолдануды тоқтату керек. Бауыр және өт шығару жолдары тарапынан бұзылулар Негізгі ауыр, мысалы сепсис сияқты, ауруы бар пациенттерде левофлоксацинді қолданғанда өліммен аяқталатын бауыр функциясының жеткіліксіздігіне дейін болатын бауыр некрозы жағдайлары жөнінде мәлімделді. Пациенттерге анорексия, сарғаю, несеп күңгірттенуі, қышыну және іштің ауыруы сияқты бауыр ауруларының симптомдары мен белгілері пайда болғанда емдеуді тоқтатып және емдеуші дәрігермен байланысу ұсынылады. Миастения гравис өршуі Фторхинолондар, соның ішінде левофлоксацин, нейробұлшықеттік бөгеу белсенділігіне ие және миастения грависпен ауыратын пациенттерде бұлшықет әлсіздігін күшейтуі мүмкін. Маркетингтен кейінгі бақылау кезеңінде туындаған өлім жағдайлары мен өкпені қосымша жасанды желдету қажеттілігін қоса, күрделі жағымсыз реакциялар миастения гравистан зардап шегетін пациенттерде фторхинолондарды қолданумен байланысты болды. Пациентте анамнезінде миастения гравис болған кезде левофлоксацинді қолдану ұсынылмайды. Көру қабілетінің бұзылулары Егер көру қабілетінің бұзылуы немесе препаратты қабылдаудың көзге әсері байқалғанда дереу офтальмологқа қаралу керек. Суперинфекция Левофлоксацинді, әсіресе ұзақ уақыт бойы қолдану, сезімтал емес микроорганизмдердің шамадан тыс өсуіне әкелуі мүмкін. Емдеу кезеңінде суперинфекция пайда болған кезде тиісті шараларды қабылдау керек. Жедел панкреатит Левофлоксацин қабылдаған пациенттерде жедел панкреатит болуы мүмкін. Жүрек айнуы, әлсіздік, іштің жайсыздығы, іштің жедел ауруы немесе құсу бар пациенттер дереу дәрігерге қаралуы керек. Егер жедел панкреатитке күдік болса, левофлоксацинді қабылдауды тоқтату керек, расталған жағдайда левофлоксацинді қайта қабылдауға болмайды. Анамнезінде панкреатитпен ауыратын пациенттерге сақтықпен қолдану керек. Қан аурулары Егер сіз қатты шаршағаныңызды, теріңіздің бозарғандығын, көгеруге бейімділікті, бақыланбайтын қан кетуді, қызбаны, тамақтың ауыруын немесе жалпы жағдайдың айтарлықтай нашарлауын, сондай-ақ иммунитеттің төмендеуін сезсеңіз, дереу дәрігерге қаралыңыз. Левофлоксацинмен емдеу лейкопения, нейтропения, панцитопения, анемияның әртүрлі түрлері немесе агранулоцитоз сияқты жағдайларды тудыратын сүйек кемігінің бәсеңдеуіне әкелуі мүмкін. Бұл бұзылулардың кез келгенін күдіктенсеңіз, қан көрсеткіштерін үнемі бақылау маңызды. Егер ауытқулар байқалса, дәрігер емдеуді өзгерту немесе тоқтату туралы шешім қабылдауы мүмкін. Зертханалық зерттеулердің нәтижелеріне әсері Левофлоксацинді қолданумен ем қабылдайтын пациенттерде несептегі апиындарды анықтауға талдау жалған-оң нәтижелер беруі ықтимал. Анағұрлым нақты әдісті пайдалана отырып, апиындардың бар екендігіне жасалған талдаудың нәтижелерін растау қажет болуы мүмкін. Левофлоксацин Mycobacterium tuberculosis өсуін тежеуі мүмкін, демек, туберкулездің бактериологиялық диагностикасының жалған теріс нәтижелерінің себебі болуы мүмкін. Арнайы ескертулер Егде жастағы пациенттерде қолданылуы Дозаны түзетудің қажеті жоқ.

Жүктілік Жүкті әйелдерде левофлоксацинді қолдану туралы деректердің шектеулі саны бар. Репродуктивті уыттылық тұрғысынан тікелей немесе жанама зиянды әсерлерін анықтаған жоқ. Қолда бар эксперименттік дәлелдер өсіп келе жатқан организмде салмақ жүктемесін көтеретін шеміршектің фторхинолондармен зақымдану қаупін растайды, сондықтан жүкті әйелдерде левофлоксацинді қолдануға болмайды. Лактация кезеңі Қазіргі уақытта левофлоксациннің емшек сүтімен бөлінуіне қатысты ақпарат жеткіліксіз; дегенмен, басқа фторхинолондар емшек сүтімен бөлінетіні белгілі. Қолда бар эксперименттік дәлелдер өсіп келе жатқан организмде салмақ жүктемесін көтеретін шеміршектің фторхинолондармен зақымдану қаупін растайды, сондықтан бала емізу кезеңінде әйелдерде левофлоксацинді қолдануға болмайды. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір жағымсыз әсерлер (мысалы, бас айналу/вертиго, ұйқышылдық, көрудің бұзылуы) пациенттің зейін қою және реакцияны төмендету қабілетін нашарлатуы, демек, бұл қасиеттер өте маңызды болған жағдайларда (автокөлікті басқару немесе жабдықпен жұмыс істеу) қауіп төндіруі мүмкін.

Темір тұздары, мырыш тұздары, құрамында магний немесе алюминий бар антацидтер, диданозин. Темір тұздарын немесе құрамында магний немесе алюминий бар антацидтерді немесе диданозинді (құрамында алюминий немесе магний бар буферлік агенттері бар диданозин препараттары ғана) бір мезгілде қолданғанда левофлоксациннің сіңуі айтарлықтай төмендейді. Құрамында мырыш бар мультидәрумендермен фторхинолондарды бір мезгілде қолдану олардың пероральді сіңуін төмендететін сияқты. Темір тұздары, мырыш тұздары немесе құрамында магний алюминий бар антацидтер немесе диданозин (құрамында алюминийалюминий буферлік агенттері бар диданозин препараттары ғана) сияқты екі валентті немесе үш валентті катиондары бар препараттарды левофлоксацин таблеткаларын қабылдаудан 2 сағат бұрын немесе одан кейін қабылдамау ұсынылады. Кальций тұздары левофлоксациннің пероральді сіңуіне аз әсер етеді. Сукральфат Левомак 500 таблеткаларының биожетімділігі сукральфатпен бір мезгілде қолданғанда айтарлықтай төмендейді. Егер пациент сукральфатты да, левофлоксацинді де қабылдауы керек болса, онда Левомак 500 таблеткаларын қабылдағаннан кейін 2 сағаттан кейін сукральфатты енгізген дұрыс. Теофиллин, фенбуфен немесе ұқсас стероидты емес қабынуға қарсы препараттар Левофлоксациннің фармакокинетикалық өзара әрекеттесуі клиникалық зерттеуде теофиллинмен анықталды. Дегенмен, хинолондар теофиллинмен, қабынуға қарсы стероидты емес препараттармен немесе құрысу шегін төмендететін басқа агенттермен бір уақытта берілген кезде церебральді құрысуға дайындық шегінің айқын төмендеуі мүмкін. Левофлоксациннің концентрациясы монотерапияға қарағанда фенбуфен болған кезде шамамен 13% жоғары болды. Пробенецид және циметидин Пробенецид пен циметидин левофлоксациннің организмнен шығарылуына статистикалық маңызды әсер етті. Левофлоксациннің бүйрек клиренсі циметидинді (24%) және пробенецидті (34%) төмендетті. Бұл екі препараттың левофлоксациннің бүйректік өзекшелік секрециясын тежеуге қабілетті екендігіне байланысты. Алайда, зерттеуде сыналған дозаларда статистикалық маңызды кинетикалық айырмашылықтар клиникалық мәнге ие болмайды. Левофлоксацинді пробенецид және циметидин сияқты өзекшелік бүйрек секрециясына әсер ететін дәрілік заттармен, әсіресе бүйрек функциясы бұзылған пациенттерде бір мезгілде қолданғанда сақ болу керек. Басқа қажетті ақпарат Клиникалық фармакологиялық зерттеулер левофлоксациннің фармакокинетикасы мынадай дәрілік заттармен: кальций карбонатымен, дигоксинмен, глибенкламидпен, ранитидинмен бірге левофлоксацинді енгізу кезінде қандай да бір клиникалық маңызды дәрежеде әсер етпегенін көрсетті. Циклоспорин Циклоспориннің жартылай шығарылу кезеңі левофлоксацинмен бірге қолданғанда 33%-ға ұлғайды. К дәрумені антагонистері Левофлоксацинді К дәруменінің антагонистімен (мысалы, варфаринмен) біріктіріп алған пациенттерде күшті болуы мүмкін коагуляцияға (протромбин уақыты /халықаралық қалыптасқан индексі) және /немесе қан кетуге жасалған сынамаларда жоғары көрсеткіштер байқалды. Осылайша, К дәруменінің антагонистерін қабылдайтын пациенттерде коагуляцияға жасалған сынамалардағы көрсеткіштерді бақылап отыру керек. QT аралығын ұзартатын дәрілік препараттар Левофлоксацинді, басқа фторхинолондар сияқты, QT аралығын ұзартатыны белгілі дәрілік заттарды (мысалы, IA және III класты аритмияға қарсы препараттар, трициклді антидепрессанттар, макролидтер, антипсихотиктер) қабылдайтын пациенттерде сақтықпен пайдалану керек. Басқа қажетті ақпарат Фармакокинетикалық өзара әрекеттесуді зерттеуде левофлоксацин теофиллин фармакокинетикасына (ол CYP1A2 үшін зондтың субстраты болып табылады) әсер етпеді, бұл левофлоксацин CYP1A2 тежегіші болып табылмайтындығын көрсетеді. Тамақ Тамақтың клиникалық маңызды өзара әрекеттесуі жоқ. Сондықтан Левомак 500 таблеткаларын тамақтануға байланыссыз қабылдауға болады.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 30°С-ден аспайтын температурада сақтау керек. Балалардың қолы жетпейтін жерде сақтау керек!