Левомекдол мазь 40 мг / 7.5 мг

100 г жақпамайдың құрамында белсенді заттар: Левомицетин (хлорамфеникол) - 0,75 г, Метилурацил - 4,0 г. қосымша заттар: Полиэтиленгликоль 1500 (полиэтиленоксид 1500), Полиэтиленгликоль 400 (полиэтиленоксид 400). Сыртқы түрінің, иісінің, дәмінің сипаттамасы Ақ немесе сарғыш реңді ақ түсті жақпамай.

-жарақат үдерісінің алғашқы фазасында әртүрлі жерлердегі (соның ішінде аралас микрофлорамен инфекция жұқтырған) инфекция жұқтырған жаралар (кесіп алу мен сыдырылуды қоса).

Әсер ету механизмі және фармакодинамикалық әсерлер Жергілікті қолдануға арналған біріктірілген препарат, микробқа қарсы, қабынуға қарсы (дегидратациялайтын) әсер көрсетеді, грамоң және грамтеріс микроорганизмдер – стафилококктар, көк іріңді және ішек таяқшаларына қатысты белсенді. Регенерация үдерістерін стимуляциялайды. Препарат биологиялық жарғақшаларды зақымдамай тіндерге терең оңай енеді. Ірің және некрозды тіндер болғанда препараттың бактерияға қарсы әсері сақталады. Препарат құрамына кіретін полиэтиленгликольдің дегидратациялау әсері ас тұзының гипертониялық ерітіндісі әсерінен ондаған есе асып түседі.

Дозалау режимі Левомекдол жергілікті қолдануға арналған. Жара іріңді-некрозды массадан толық тазарғанға дейін күнделікті күніне бір рет таңылады. Жара беткейлері ауқымды болғанда жақпамайдың тәуліктік дозасы хлорамфениколға шаққанда 3 г-ден аспауы тиіс. Енгізу жолы және тәсілі Жараны стандартты хирургиялық өңдеуден (некроздалған тіндерді механикалық жолмен алып тастау, сутегінің асқын тотығы ерітіндісімен жуып-шаю) кейін, жақпамайды стерильді дәке сүрткілерге сіңдіріп, оны бос толтырады. Препаратты шприц көмегімен катетер (дренажды түтік) арқылы іріңді қуыстарға енгізуге болады. Ондай жағдайда жақпамайды 35-36 °С дейін алдын ала жылытады. Емдеу ұзақтығы Емнің ұзақтығы аурудың ауырлығы мен ағымына байланысты, дәрігермен тағайындалады. Дәрілік препаратты қолдану тәсілін түсіндіру үшін медициналық қызметкерден кеңес алу бойынша ұсынымдар Егер Сізде осы препаратты қабылдау бойынша қосымша сұрақтар туындаса, дәрігерге кеңес алу үшін жүгініңіз.

• әсер етуші заттарға немесе қосымша заттардың кез келгеніне аса жоғары сезімталдық; • 2 жасқа дейінгі балалар.

Белгісіз • аллергиялық реакциялар (тері бөртулері). Егер нұсқаулықта көрсетілген жағымсыз әсерлердің кез келгені күшейсе немесе Сіз нұсқаулықта көрсетілмеген кез келген басқа жағымсыз әсерлерді байқасаңыз, дәрігерге хабарлау керек. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК. Мекенжай: 010000 Астана қ., А.Иманов көш., 13 Телефон: +7 7172 235-135 Электрондық пошта: pdlc@dari.kz Интернет-сайт: https://www.ndda.kz

Левомекдол препаратымен артық дозалану жағдайлары туралы хабарланбаған.

Жоқ. Арнайы ескертулер Балаларға қолдану Жаңа туған нәрестелерде хлорамфеникол биотрансформациясы ересектердегіден баяуырақ жүреді. Препаратты бақыланған клиникалық зерттеулердің болмауына байланысты, 2 жасқа дейінгі балаларда қолдану ұсынылмайды. Препараттың көлік құралын немесе қауіптілігі зор механизмдерді басқару қабілетіне ықпал ету ерекшеліктері Автомобильді немесе қауіптілігі зор механизмдерді басқару қабілетіне ықпалын тигізбейді.

Хлорамфениколдың эксперименттік зерттеулерінде шарана үшін қаупі (эмбриоуытты әсері) анықталды. Жүкті әйелдерде бақыланатын клиникалық зерттеулер жүргізілмеген. Осыған байланысты, Левомекдол препаратын жүктілік кезінде қолдану ұсынылмайды. Хлорамфеникол емшек сүтімен бөлініп шығады. Лактация кезеңінде не препаратты қолдануды, не бала емізуді тоқтату керек.

сипатталмаған.

Сақтау мерзімі 3 жыл Алғаш ашқаннан кейінгі сақтау мерзімі 90 күн. Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде 25оС-ден аспайтын температурада сақтау керек. Балалардың қолы жетпейтін жерде сақтау керек.