Левомицетин таблетки 500 мг

Бір таблетканың құрамында белсенді зат - хлорамфеникол (100% затқа шаққанда) - 500 мг, қосымша заттар: картоп крахмалы, повидон, стеарин қышқылы. Сыртқы түрінің, иісінің, дәмінің сипаттамасы Жалпақ цилиндр пішінді, ойығы мен сызығы бар ақ немесе әлсіз сарғыш реңді ақ түсті таблеткалар.

Дәрілік препарат өмірге қауіп төндіретін инфекцияларды, атап айтқанда Haemophilus influenza және басқа антибиотиктер жеткіліксіз болған кезде іш сүзегін емдеуге арналған.

Кең ауқымда әсер ететін бактериостатикалық антибиотик микроб жасушасындағы ақуыз синтезінің үдерісін бұзады. Пенициллинге, тетрациклиндерге, сульфаниламидтерге төзімді бактериялардың штаммдарына қатысты тиімді. Көптеген грамоң және грамтеріс бактерияларға, іріңді инфекциялар қоздырғыштарына, іш сүзегіне, дизентерияға, менингококкты инфекцияларға, гемофильді бактерияларға, Escherichia coli, Shigella dysenteria spp., Shigella flexneri spp., Shigella boydii spp., Shigella sonnei spp.. Salmonella spp. (соның ішінде Salmonella typhi, Salmonella paratyphi), Staphylococcus spp., Streptococcus spp. (соның ішінде Streptococcus pneumoniae), Neisseria meningitidis, Proteus spp. штаммдарының қатарына, Pseudomonas pseudomallei, Rickettsia spp., Treponema spp., Leptospira spp., Chlamydia spp. (соның ішінде Chlamydia trachomatis), Coxiella burnetii, Ehrlichia canis, Bacteroides fragilis, Klebsiella pneumoniae, Haemophilus influenzaе сияқтыларға қатысты белсенді. Қышқылға төзімді бактерияларға (соның ішінде Mycobacterium tuberculosis), көк іріңді таяқшаға, клостридияға, метициллинге төзімді стафилококк штаммдарына, Acinetobactcr, Enterobacter, Serratia marcescens, Proteus spp. индол оң штаммдарына, Pseudomonas aеruginosa spp., қарапайымдар мен зеңдерге әсер етпейді. Микроорганизмдер төзімділігі баяу дамиды.

Дозалану режимі Ересектер (соның ішінде, егде жастағы пациенттер): Әдеттегі дозасы әр 6 сағат сайын 500 мг (кг дене салмағына тәулігіне 50 мг, 4 қабылдауға бөліп) құрайды. Емдеуді пациенттің дене температурасы қалыпқа түскеннен кейін 2 немесе 3 күн бойы жалғастыру керек. Ауыр инфекциялар (менингит, септицемия) жағдайында осы дозасын бастапқыда екі есе арттыруға болады, бірақ клиникалық тұрғыдан талапқа сай келген бойда азайтылуы тиіс. Балалар Ұсынылмайды. Енгізу әдісі және жолы Пероральді. Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар Препаратты қолдану туралы сұрақтар туындаған жағдайда емдеуші дәрігерге хабарласыңыз.

- әсер етуші затқа немесе қосымша заттардың кез келгеніне аса жоғары сезімталдық - ауыр емес инфекциялардың профилактикасы немесе емдеу - белсенді иммундау - порфирия - қан дискразиялары, оның ішінде аплазиялық анемия - сүйек кемігінің функциясын бәсеңдететін дәрілік препараттарды қолдану - бүйрек және бауыр функциясының айқын бұзылуы - глюкоза-6-фосфатдегидрогеназа тапшылығы - 18 жасқа дейінгі балалар - шарана немесе сәби үшін қауіп салдарынан, бала емізу кезеңі, жүктілік немесе босану (жаңа туған нәрестелердің «сұр синдромы»)

Сирек - қайтымсыз аплазиялық анемия Белгісіз (қолда бар деректер негізінде бағалау мүмкін емес) - препараттың дозасын қабылдаумен байланысты сүйек кемігі функциясының қайтымды бәсеңдеуі, қан кету ұзақтығының ұлғаюы - терінің аллергиялық реакцияларын қоса, аса жоғары сезімталдық реакциялары - соқырлыққа әкелетін көру жүйкесінің невриті - отоуыттылық - ацидоздық жүрек-қантамыр коллапсы - жүрек айну, құсу, глоссит, стоматит, диарея, энтероколит - «сұр синдром», атап айтқанда, жаңа туған нәрестелерде, бұл препараттың қан плазмасындағы шамадан тыс жоғары концентрациясымен байланысты болып ұсынылады. «Сұр синдромға» іштің кебуі, цианоз, құсу, жағдайдың вазомоторлы коллапсқа дейін үдеуі, симптомдар (бұл симптомдар препараттың дозасын қабылдаумен байланысты деп саналады, ал хлорамфениколдың тез шығарылуы сауығумен астасқан) пайда болғаннан кейін бірнеше сағат бойы тұрақсыз тыныс алу және өлім жатады. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жағымсыз әсерлердің даму белгілері пайда болған кезде, препаратты қабылдауды дереу тоқтатып, негізінен демеуші ем тағайындау керек. Хлорамфеникол үшін антидот жоқ. Аллергия дамыған кезде пероральді антигистаминді препараттарды қолдануға болады. Ауыр артық дозаланғанда, мысалы, «сұр синдромда», қан плазмасындағы хлорамфеникол концентрациясын тез төмендету керек. Шайырмен гемоперфузия (XAD-4) хлорамфениколдың шығарылуын елеулі арттыратыны хабарланды. Симптомдары: «сұр синдром» (кардиоваскулярлық синдром) шала туған нәрестелерде және жаңа туған нәрестелерде жоғары дозамен емдегенде (даму себебі бауыр ферменттерінің жетілмегендігімен байланысты хлорамфениколдың жинақталуы және оның миокардқа тікелей уытты әсері) -терінің көгілдір-сұр түсі, дене температурасының төмендеуі, ырғақты емес тыныс алу, реакциялардың болмауы, жүрек-қантамыр жеткіліксіздігі (өлім 40 % дейін жетеді). Емдеу: гемосорбция, симптоматикалық ем.

Левомицетинді жеңіл респираторлық ауруларға, белсенді иммундау кезінде немесе бактериялық инфекциялардың алдын алу үшін тағайындауға болмайды. Жоғары уыттылықтың салдарынан банальды инфекцияларды, суық тию ауруларын, тұмауды, фарингитті, бактерия тасымалдаушыларды емдеу және профилактика үшін қажетсіз қолдану ұсынылмайды. Емдеуді бастар алдында стандартты қан талдауын жүргізеді, бұл ретте тиісті аралықтармен қан зерттеуін, атап айтқанда, ұзақ немесе қайталама ем барысында қайталайды. Хлорамфениколды қолданумен байланысты қанның қандай да бір формалық элементтерінің елеулі қолайсыз әсерінің немесе деңгейінің төмендеуі белгілері пайда болған кезде дәрілік препаратты тоқтату керек. Бұл жағдайда емдеу жүргізілетін аурудың күрделілігі мен ағымын ескере отырып, бұл әсерлерді әрдайым бағалау қажет. Қан түзу жүйесі тарапынан ауыр асқынулар, әдетте, ұзақ уақыт бойы үлкен дозаларды (тәулігіне 4 г-ден астам) қолданумен байланысты. Бауыр немесе бүйрек функциясы бұзылған пациенттер, егде жастағы пациенттер, сондай-ақ хлорамфениколмен өзара әрекеттесетін дәрілік заттармен ем қабылдайтындар үшін дозаны төмендету және препараттың қан плазмасындағы концентрациясын бақылау қажет болуы мүмкін. Хлорамфениколмен емдеудің қайталанатын курстарынан аулақ болу және жұлын функциясының бәсеңдеуіне әкелетін басқа препараттарды бір мезгілде қолдану ұсынылады. Этанолды бір мезгілде қабылдағанда дисульфирамдық реакцияның (тері жабындысының гиперемиясы, тахикардия, жүрек айну, құсу, рефлекторлы жөтел, құрысулар) дамуы мүмкін. Препаратты жүрек-қантамыр аурулары мен аллергиялық реакцияларға бейімділік кезінде сақтықпен қолдану керек. Левомицетинді егер емдеудің басқа нұсқалары тиімсіз болған жағдайда қолдану ұсынылады. Бұл препаратты қолдану әрдайым қатаң бақылауда болуы керек. Арнайы ескертулер Педиатрияда қолданылу Шарана мен жаңа туған нәрестелерде бауыр хлорамфениколды байланыстыратындай дамымаған және препарат уытты концентрацияда жиналып, «сұр синдромның» дамуына әкелуі мүмкін, сондықтан балаларға өмірдің алғашқы айларында препаратты тек өмірлік көрсеткіштерге сәйкес тағайындайды. Препаратты 18 жасқа дейінгі балаларға қолдануға болмайды. Препараттың көлік құралын және қауіптілігі зор механизмдерді басқару қабілетіне әсер ету ерекшеліктері Емдеу кезеңінде көлік құралдарын жүргізу және назардың жоғары шоғырлануын және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақ болу қажет.

Препарат жүктілікте және лактация кезеңінде қолдануға болмайды.

Парацетамол: парацетамол қабылдайтын пациенттерде бір мезгілде қолданудан аулақ болу керек, себебі бұл хлорамфениколдың жартылай шығарылу кезеңінің елеулі ұлғаюына әкелуі мүмкін. Пенициллиндер мен рифампицин: пенициллиндер мен рифампицинді бір мезгілде қолданғанда қан плазмасындағы хлорамфеникол концентрациясын бақылауды қажет ететін жағымсыз реакциялар кешенінің (қан плазмасындағы концентрацияның төмендеуін/жоғарылауын қоса) даму жағдайлары туралы хабарланды. Құрысуға қарсы препараттар мен антикоагулянттар: бір мезгілде қолданған жағдайда құрысуға қарсы препараттар мен антикоагулянттардың дозаларын түзету қажет болуы мүмкін. Варфарин, фенитоин, сульфонилмочевина, толбутамид: хлорамфеникол қан плазмасындағы варфарин, фенитоин, сульфонилмочевина және толбутамид сияқты препараттардың концентрациясын арттыра отырып, шығарылу кезеңін арттырады. Кальциневрин тежегіштері (CNI) циклоспорин және такролимус: хлорамфениколмен емдеу қан плазмасындағы циклоспорин мен такролимус концентрациясын жоғарылатуы мүмкін. Барбитураттар: хлорамфениколдың метаболизмін барбитураттар, мысалы, фенобарбитон жеделдетеді, бұл қан плазмасындағы концентрацияның төмендеуіне әкеледі. Хлорамфениколды бір мезгілде қолданғанда фенобарбитон метаболизмінің баяулауы мүмкін. Эстрогендер: хлорамфениколды бір мезгілде қолданғанда құрамында эстроген бар контрацептивтердің тиімділігін төмендету қаупі аз. Гидроксокобаламин: хлорамфеникол гидроксокобаламинге жауапты төмендетеді. Агранулоцитоздың дамуына әкелетін препараттар: хлорамфениколды сүйек кемігінің функциясын бәсеңдетуге қабілетті препараттарды қабылдайтын пациенттерге қолдануға болмайды. Оларға мыналар жатады: • Карбамазепин • Сульфаниламидтер • Фенилбутазон • Пеницилламин • Цитостатикалық препараттар • Кейбір нейролептиктер, соның ішінде клозапин, және әсіресе ұзақ әсер ететін нейролептиктер (депо түрлері) • Прокаинамид • Кері транскриптазаның нуклеозидті тежегіштері • Пропилтиоурацил

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары Жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!