Левофлин таблетки 500 мг

Бір таблетканың құрамында белсенді зат - 512.45 мг левофлоксацин гемигидраты (500 мг левофлоксацинге баламалы) қосымша заттар: лактоза моногидраты, микрокристалды целлюлоза (рН 102), жүгері крахмалы, натрий кроскармеллозасы, повидон (PVPK 30), тазартылған су, тальк, сусыз коллоидты кремнийдің қостотығы (аэросил), магний стеараты, Indion P 544D (Doshion P 544D) үлбірлі қабық құрамы: Темірдің қызыл тотығы бояғышы Spraycel SC-SP-2099 (гипромеллоза, полиэтиленгликоль-4000, тальк, титанның қостотығы, темірдің қызыл тотығы), изопропил спирті, дихлорметан Сыртқы түрінің, иісінің, дәмінің сипаттамасы Капсула пішінді, бір жағында бөлуге арналған сызығы бар және екінші жағы тегіс қызыл кірпіш түсті үлбірлі қабықпен қапталған таблеткалар. Таблеткалар ұзындығы 17.2 5.0 мм, ені 8.2 0.5 мм, қалыңдығы 5.6 0.5 мм

Ересек пациенттерде келесі инфекцияларды емдеу үшін: - жедел бактериялық синусит - созылмалы бронхиттің өршуі - ауруханадан тыс пневмония - терінің және жұмсақ тіндердің асқынған инфекциялары Жоғарыда атап көрсетілген инфекциялар үшін Левофлин, әдетте, осы инфекцияларға старттық ем ретінде ұсынылатын бактерияға қарсы дәрілерді пайдалану мүмкін еместігі негізделген жағдайларда ғана қолданылу керек. - пиелонефрит және несеп шығару жолдарының асқынған инфекциялары - созылмалы бактериялық простатит - асқынбаған цистит - сібір ойық жарасының өкпелік түрі: жанасудан кейінгі профилактика және емдеу Левофлин препаратын таблеткаларда левофлоксацинді вена ішіне енгізумен старттық ем жүргізуден кейін жақсаруы байқалған пациенттерде емдеу курсын жалғастыру үшін де қолдануға болады. Бактерияға қарсы дәрілерді тиісті қолдануға қатысты ресми нұсқаулықтарды қадағалау қажет.

Левофлоксацин фторхинолондар класының бактерияға қарсы синтетикалық препараты, рацемиялық белсенді зат – офлоксациннің S (-) энантиомері түрінде болады. Әсер ету механизмі Фторхинолондар тобының бактерияға қарсы дәрісі бола отырып, левофлоксацин ДНҚ-ДНҚ-гираза және топоизомераза IV кешеніне әсер етеді. ФК/ФД арақатынасы Левофлоксациннің бактерицидті белсенділік дәрежесі сарысудағы ең жоғары концентрациясы (Cmax) немесе фармакокинетикалық қисық астындағы ауданы (AUC) және ең төменгі тежегіш концентрациясы (ЕТТК) арасындағы арақатынасқа байланысты. Төзімділік механизмі Левофлоксацинге төзімділік II типті топоизомеразалардың екеуінде де – ДНҚ гираза мен IV топоизомеразада нысана-сайтты мутациялау жолымен біртіндеп қалыптасады. Өткізгіштік кедергілері (жиі Pseudomonas aeruginosa) және жасушадан заттардың ағып шығуы сияқты (микроб жасушасынан микробқа қарсы дәрінің белсенді шығарылуы) басқа да төзімділік механизмдері левофлоксацинге сезімталдыққа да ықпал етуі мүмкін. Левофлоксацин мен басқа фторхинолондар арасында айқаспалы төзімділік байқалады. Әсер ету механизмінің ерекшеліктеріне орай, жалпы алғанда, левофлоксацин мен бактерияға қарсы препараттардың басқа кластары арасында айқаспалы төзімділік болмайды. Сезімталдық тестілердің шектес мәндері Еуропалық микробқа қарсы препараттарға сезімталдықты тестілеу комитеті (EUCAST) ұсынған сезімтал микроорганизмдер мен орташа сезімталдар арасындағы, сондай-ақ орташа сезімтал және төзімді микроорганизмдер арасындағы айырмашылықтар айқындалатын левофлоксацин үшін шектес мәндер төмендегі кестеде (мг/л) ұсынылған. Еуропалық микробқа қарсы препараттарға сезімталдықты тестілеу комитеті ұсынған левофлоксацин үшін сезімталдық тестілерінің шектес мәндері (10.0 нұсқа, 01.01.2020 ж.): Патогендік организм — Сезімталдық — Төзімділік Enterobacteriaceae — ≤ 0.5 мг/л — >1 мг/л Pseudomonas spp. — ≤ 0.001 мг/л — >1 мг/л Acinetobacter spp. — ≤ 0.5 мг/л — >1 мг/л Staphylococcus aureus Coagulase-negative Staphylococci — ≤ 0.001 мг/л — >1 мг/л Enterococcus spp.1 — ≤ 4 мг/л — >4 мг/л S. pneumoniae — ≤ 0.001 мг/л — >2 мг/л Streptococcus groups A, B, C and G — ≤ 0.001 мг/л — >2 мг/л H. influenzae — ≤ 0.06 мг/л — >0.06 мг/л M. catarrhalis — ≤ 0.125 мг/л — >0.125 мг/л Helicobacter pylori — ≤ 1 мг/л — >1 мг/л Aerococcus sanguinicola and urinae2 — ≤ 2 мг/л — >2 мг/л Aeromonas spp. — ≤ 0.5 мг/л — >1 мг/л PK-PD микроорганизмдердің белгілі бір түрімен спецификалық емес шектес мәндер — ≤ 0.5 мг/л — > 1 мг/л • Тек несеп шығару жолдарының асқынбаған инфекциялары. • Сезімталдығы туралы ципрофлоксацинге сезімталдығы бойынша талқылауға болады. Төзімділіктің таралуы географиялық тұрғыдан және уақыт өте келе өзгеруі мүмкін (жекелеген түрлер үшін), әсіресе, ауыр инфекцияларды емдегенде жергілікті төзімділік туралы ақпарат алған дұрыс. Қажет болса, егер жергілікті төзімділік соншалықты кең таралған болса, препаратты инфекциялардың, ең болмағанда, кейбір типтерінде қолданудың пайдасына күмән келтірілетін болса, маманның кеңесіне жүгіну керек. Микроорганизмдердің кәдімгі сезімтал түрлері Аэробты грам-оң бактериялар Bacillus anthracis, метициллинге сезімтал Staphylococcus aureus, Staphylococcus saprophyticus, Streptococci C және G тобы, Streptococcus agalactiae, Streptococcus pneumoniae , Streptococcus pyogenes Аэробты грам-теріс бактериялар Eikenella corrodens,Haemophilus influenza, Haemophilus para-influenzae, Klebsiella oxytoca, Moraxella catarrhalis, Pasteurella multocida, Proteus vulgaris, Providencia rettgeri Анаэробты бактериялар Peptostreptococcus Басқа да Chlamydophila pneumoniae, Chlamydophila psittaci, Chlamydia trachomatis, Legionella pneumophila, Mycoplasma pneumoniae, Mycoplasma hominis, Ureaplasma urealyticum Жүре пайда болған төзімділігі болуы мүмкін микроорганизмдер (>10%) Аэробты грам-оң бактериялар Enterococcus faecalis, метициллинге төзімді # Staphylococcus aureus, коагулаза-теріс Staphylococcus spp. Аэробты грам-теріс бактериялар Acinetobacter baumannii, Citrobacter freundii, Enterobacter aerogenes, Enterobacter cloacae, Escherichia coli, Klebsiella pneumonia, Morganella morganii, Proteus mirabilis, Providencia stuartii, Pseudomonas aeruginosa, Serratia marcescens Анаэробты бактериялар Bacteroides fragilis Табиғи төзімділігі бар штаммдар Аэробты грам-оң бактериялар Enterococcus faecium #Метициллинге төзімді S. aureus ықтималдығының үлкен үлесімен, левофлоксацинді қоса, фторхинолондарға да төзімділікке ие болады.

Дозалау режимі Таблеткалар тәулігіне 1 немесе 2 рет қабылданады. Дозалау инфекция типі мен ауырлығына, сондай-ақ болжамды қоздырғыш сезімталдығына байланысты. Пациенттердің ерекше топтары Балалар Левофлин балалар мен жасөспірімдерде қолдануға қарсы көрсетілімді. Егде жастағы пациенттер Бүйрек функциясымен байланысты жағдайлардан басқа, егде жастағы пациенттерде препарат дозасын түзету қажет емес («Айрықша нұсқаулар»: «Тендинит және сіңірлердің үзілуін» және «QT аралығының ұзаруын» қараңыз). Бауыр жеткіліксіздігі бар пациенттер Препарат дозасын түзету қажет емес, өйткені левофлоксацин бауырда елеусіз дәрежеде метаболизденеді және негізінен бүйрекпен шығарылады. Бүйрек жеткіліксіздігі бар пациенттер Бүйрек функциясы қалыпты пациенттердегі дозалау (креатинин клиренсі > 50 мл / мин) Қолданылуы — Тәуліктік доза (аурудың ауырлығына қарай) — Емдеу ұзақтығы (аурудың ауырлығына қарай) Жедел бактериялық синусит — 500 мг тәулігіне 1 рет — 10 - 14 күн Бактериялық этиологиядағы созылмалы бронхитінің өршуі — 500 мг тәулігіне 1 рет — 7 - 10 күн Ауруханадан тыс пневмония — 500 мг тәулігіне 1 немесе 2 рет — 7 - 14 күн Пиелонефрит — 500 мг тәулігіне 1 рет — 7 - 10 күн Несеп шығару жолдарының асқынған инфекциялары — 500 мг тәулігіне 1 рет — 7 - 14 күн Асқынбаған цистит — 250 мг тәулігіне 1 рет — 3 күн Созылмалы бактериялық простатит — 500 мг тәулігіне 1 рет — 28 күн Терінің және жұмсақ тіндердің асқынған инфекциялары — 500 мг тәулігіне 1 немесе 2 рет — 7 - 14 күн Сібір ойық жарасының өкпелік түрі — 500 мг тәулігіне 1 рет — 8 апта Бүйрек функциясының бұзылуы (креатинин клиренсі ≤ 50 мл / мин) Дозалау режимі 250 мг / 24 сағ. — 500 мг / 24 сағ. — 500 мг / 12 сағ. Креатинин клиренсі — Бірінші доза: 250 мг — Бірінші доза: 500 мг — Бірінші доза: 500 мг 50-20 мл/мин — Одан кейін: 125 мг/24 сағ. — Одан кейін: 250 мг/24 сағ. — Одан кейін: 250 мг/12 сағ. 19-10 мл/мин — Одан кейін: 125 мг/48 сағ. — Одан кейін: 125 мг/24 сағ. — Одан кейін: 125 мг/12 сағ. < 10 мл/мин (оның ішінде гемодиализ және ТАПД) 1 — Одан кейін: 125 мг/48 сағ. — Одан кейін: 125 мг/24 сағ. — Одан кейін: 125 мг/24 сағ. 1 Гемодиализ немесе тұрақты амбулаторлық перитонеальді диализден (ТАПД) кейін препараттың қосымша дозаларын енгізу талап етілмейді. Енгізу әдісі және жолы Үлбірлі қабықпен қапталған таблеткаларды шайнамай және жеткілікті сұйықтық мөлшерімен іше отырып, бүтіндей жұту керек. Дозаларын іріктегенде таблеткаларды бөлу сызығы бойынша сындыруға болады.

- левофлоксацинге немесе басқа хинолондарға, сондай-ақ басқа да қосымша заттарға аса жоғары сезімталдығы бар пациенттер - эпилепсия бар пациенттер - анамнезінде фторхинолондарды қолданумен байланысты сіңір аурулары болған пациенттер - балалар мен 18 жасқа дейінгі жасөспірімдер - жүктілік - лактация кезеңі

Жиі - ұйқысыздық* - бас ауыру*, бас айналу* - диарея, құсу, жүрек айну - бауыр ферменттері (АЛТ/АСТ, сілтілік фосфатаза, ГГТ) белсенділігінің жоғарылауы Жиі емес - зеңдік инфекция, Candida инфекциясын қоса - патогенді микроорганизмдер төзімділігінің дамуы - лейкопения, эозинофилия - анорексия, үрейлену*, сананың шатасуы*, күйгелектік* - ұйқышылдық*, тремор*, дисгевзия* - бас айналу* - ентігу - іштің ауыруы, диспепсия, метеоризм, іш қату - қандағы билирубин концентрациясының жоғарылауы - бөртпеb, қышынуb, есекжемb, гипергидрозb - артралгия*, миалгия* - қандағы креатинин концентрациясының жоғарылауы - астения* Сирек - тромбоцитопения, нейтропения - ангионевроздық ісіну, аса жоғары сезімталдық - диурезге қарсы гормонның талапқа сай емес секрециясы синдромы (ДҚГТСС) - гипогликемия, әсіресе, қант диабеті бар пациенттерде, гипогликемиялық кома - психоздық реакциялар (мысалы, елестеулер, паранойя)* - депрессия*, ажитация* - қалыптан тыс түстер көру*, түнгі қорқынышты түстер*, сандырақ* - құрысулар*, парестезия*, жадының нашарлауы* - бұлыңғыр көру сияқты көрудің бұзылуы* - тиннитус* - тахикардия*, жүректің жиірек соғуы** - гипотензия** - эозинофилиямен және жүйелі көріністермен болатын дәрілік бөртпе (DRESS)b, орныққан дәрілік бөртпе b - сіңірлер аурулары* (мысалы, ахилл сіңірінің)*, тендинитті қоса - миастения гравис бар пациенттерде ерекше мәнді болуы мүмкін бұлшықет әлсіздігі* - бүйректің жедел жеткіліксіздігі (мысалы, интерстициальді нефрит салдарынан) - пирексия* Белгісіз - сүйек кемігінің жеткіліксіздігі, аплазиялық анемияны, панцитопенияны, агранулоцитозды, гемолиздік анемияны қоса - анафилаксиялық шок, анафилактоидты шок (анафилаксиялық және анафилактоидты реакциялар тіпті препараттың бірінші дозасын енгізуден кейін де туындауы мүмкін) - гипергликемия - пациенттің өзіне қауіп төндіретін мінез-құлықпен бірге психоздық бұзылыстар, суицидтік ойлау немесе суицидтік мінез-құлықты* қоса, мания - шеткері сенсорлық нейропатия*, шеткері сенсомоторлық нейропатия*, паросмия*, аносмияны* қоса; дискинезия*, экстрапирамидалық бұзылыс*, агевзия (дәм сезбей қалу)*, естен тану*, бассүйекішілік қатерсіз гипертензия*, миоклонус - уақытша көрмей қалу*, увеит* - естімей қалу*, естудің бұзылуы* - жүректің тоқтап қалуына алып келуі мүмкін қарыншалық тахикардия**, қарыншалық аритмия және «пируэт» типті қарыншалық тахикардия (көбінесе QT аралығының ұзартатын қауіп факторлары бар пациенттерде байқалады), ЭКГ-да QT аралығының ұзаруы** - бронх түйілуі, гиперсенситивті пневмонит - геморрагиялық диарея, өте сирек жағдайларда жалған жарғақшалы колитті қоса, энтероколитті көрсетуі мүмкін; панкреатит - сарғаю және бауырдың ауыр зақымдануы, өліммен аяқталатын бауырдың жедел жеткіліксіздігі жағдайларын қоса, әсіресе, ауыр қатарлас аурулары бар пациенттерде; гепатит - уытты эпидермалық некролизb, Стивенс-Джонсон синдромыb, полиморфты эритема, фотосезімталдық реакцияларыb, лейкоцитокласты васкулитb, стоматитb, тері гиперпигментациясы - рабдомиолиз*, сіңірлердің (мысалы, ахилл сіңірінің)*, байламдардың* үзілуі, бұлшықеттердің жыртылуы* - артрит - ауыру (арқаның, кеуденің және аяқ-қолдың ауырсынуын қоса)*. Фторхинолондарды қолданумен байланысты болған басқа да жағымсыз реакцияларға порфирия бар пациенттердегі порфирия ұстамалары жатады. b тері-шырышты қабық реакциялары кейде препараттың тіпті бірінші дозасын қабылдаудан кейін де туындауы мүмкін. * Өте сирек ағзалар мен сезімдер мүшелері жүйесінің әртүрлі, ал кейде бірнеше класына да қатысты болатын ұзаққа созылған (бірнеше айға немесе жылға дейін), мүгедектікке әкелген және қайтымсыз болуы ықтималды күрделі дәрілік реакциялар жағдайлары (тендинит, сіңірлер үзілуі, артралгия, аяқ-қолдың ауыруы, жүрістің бұзылуы, парестезиямен байланысты нейропатиялар, депрессия, шаршау, жадының нашарлауы, ұйқының бұзылуы және есту, көру, дәм және иіс сезу қабілеттерінің бұзылуы сияқты реакцияларды қоса) байқалды, олар кейбір жағдайларда бұрыннан келе жатқан қауіп факторларына қарамастан, хинолондар мен фторхинолондарды қолданумен байланысты болды. ** Фторхинолондарды қабылдап жүрген пациенттерде кейде жыртылумен (оның ішінде өліммен аяқталатын) асқынған қолқа аневризмасы мен қатпарлануы, сондай-ақ жүрек клапандарының кез келгенінің регургитациясы/жеткіліксіздігі жағдайлары тіркелді. Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: сананың шатасуы, бас айналу, сананың бұзылуы және конвульсиялық құрысулар, QT аралығының ұзаруы сияқты орталық жүйке жүйесі тарапынан, сондай-ақ жүрек айну және АІЖ шырышты қабығының эрозиясы сияқты асқазан-ішек жолы тарапынан реакциялар. Емдеу: симптоматикалық емдеу жүргізу керек. QT аралығының ұзару мүмкіндігіне орай, ЭКГ-мониторинг өткізу қажет. Асқазан шырышты қабығын қорғау үшін антацидтік дәрілерді қолдануға болады. Гемодиализ, перитонеальді диализді қоса, левофлоксацинді организмнен шығаруда тиімсіз. Спецификалық антидот жоқ.

Метициллинге төзімді S.aureus, левофлоксацинді қоса, фторхинолондарға төзімді болу ықтималдығы жоғары. Демек, левофлоксацин метициллинге төзімді алтын түстес стафилококк тудырған инфекцияларды емдеу кезінде қолдануға ұсынылмайды немесе зертханалық талдаулар микроорганизмнің левофлоксацинге сезімталдығын растаған жағдайлардан басқа (сондай-ақ, егер метициллинге төзімді стафилококк тудырған инфекцияларды емдеу кезінде дағдылы тағайындалатын бактерияға қарсы дәрілерді қолдану мақсатқа сай емес болып саналса), осындай күмән туындайды. Осы инфекцияларға дұрыс диагностика жасалған жағдайда левофлоксацинді жедел бактериялық синусит пен созылмалы бронхиттің өршуін емдеуде қолдануға болады. Еуропалық одақ елдерінде фторхинолондарға несеп шығару жолдарының инфекциясын тудыратын ең көп таралған E. coli патогенінің төзімділігі түрленеді. Препараттар тағайындалғанда фторхинолондарға E. coli төзімділігінің жергілікті таралуын ескеру ұсынылады. Сібір ойық жарасының өкпелік түрі: адамда қолдану Bacillus anthracis сезімталдығы бойынша in vitro деректеріне және клиникалық деректердің шектеулі санымен қатар клиникаға дейінгі зерттеулер деректеріне негізделген. Емдеуші дәрігерлер сібір ойық жарасын емдеуге қатысты келісілген ұлттық және/немесе халықаралық құжаттарды қарау керек. Ұзаққа созылған, мүгедектікке әкелген және қайтымды болуы ықтималды күрделі қолайсыз реакциялар Хинолондар мен фторхинолондар қабылдаған пациенттерде, олардың жасына және бұрын болған қауіп факторларына қарамастан, организмнің әртүрлі, кейде көптеген жүйелеріне (тірек-қимыл аппараты, жүйке жүйесі, психика және сезім мүшелері) қатысты болатын ұзаққа созылған (ұзақтығы бірнеше ай немесе жыл болатын), мүгедектікке әкелген және қайтымды болуы ықтималды күрделі қолайсыз реакциялардың өте сирек жағдайлары хабарланды. Кез келген күрделі жағымсыз реакцияның бірінші белгілері немесе симптомдарында левофлоксацин қолдануды дереу тоқтатып, пациенттерге кеңес алу үшін өз емдеуші дәрігерімен байланысуды ұсыну керек. Тендинит және сіңірлердің үзілуі Сирек жағдайларда тендинит пайда болуы мүмкін. Ахилл сіңірі ең көп жиі зақымданады, тендинит сіңірдің үзілуіне әкелуі мүмкін. Кейбір жағдайларда екі жақтан болатын тендинит пен сіңірлердің үзілуі левофлоксацинмен емдеу басталған соң 48 сағат ішінде туындауы мүмкін, сондай-ақ емдеуді тоқтатудан кейін бірнеше ай ішінде осы патологиялар пайда болған жағдайлар хабарланды. Тендинит пен сіңірлер үзілуінің даму қаупі 60 жастан асқан пациенттерде, 1000 мг тәуліктік доза қабылдайтын пациенттерде, кортикостероидтар қабылдап жүрген пациенттерде артады. Бұдан бөлек, трансплантациядан кейінгі пациенттерде тендинит даму қаупі жоғары, тұрғылықты халықтың осы тобында фторхинолондарды пайдалану кезінде және ағзалар трансплантациясы жасалған пациенттерде сақ болуға кеңес беріледі. Егде жастағы пациенттерде тәуліктік дозаны креатинин клиренсіне қарай түзету керек. Демек, левофлоксацин тағайындалғанда осындай пациенттерге мұқият мониторинг өткізу қажет. Тендинит симптомдары туындағанда пациенттердің бәрі емдеуші дәрігерге қаралу керек. Тендинит күмән тудырғанда левофлоксацин қолдануды дереу тоқтатып, зақымданған сіңірді тиісті емдеуді (мысалы, оны жеткілікті иммобилизациямен қамтамасыз етіп) бастау керек. Миоклонус Левофлоксацин қабылдаған пациенттерде миоклонус жағдайлары хабарланды («Жағымсыз реакциялар» бөлімін қараңыз). Егде жастағы пациенттерде және бүйрек функциясының бұзылуы бар пациенттерде, егер левофлоксацин дозасы креатинин клиренсіне сәйкес түзетілмесе, миоклонус даму қаупі артады. Миоклонустың бірінші белгілері пайда болғанда левофлоксацинмен емдеуді дереу тоқтату және тиісті емдеуді бастау керек. Clostridium difficile тудырған ауру Левофлоксацинмен емдеу кезінде немесе одан кейін (емдеу аяқталған соң бірнеше аптаны қоса) диарея, әсіресе, ауыр, орныққан және/немесе қан аралас түрде Clostridium difficile тудырған аурудың симптомы болуы мүмкін. Clostridium difficile тудырған аурулар ауырлық дәрежесі бойынша жеңілден ауыр, өмірге қатерлі түріне дейін түрленуі мүмкін, мысалы, жалған жарғақшалы колит. Осылайша, егер пациенттерде левофлоксацин қолданумен емдеу кезінде немесе одан кейін ауыр диарея дамыса, аталған диагноздың ескерілуі маңызды. Clostridium difficile түрткі болған ауру күмән тудырғанда немесе сол диагноз анықталғанда левофлоксацин қолдануды дереу тоқтату және тиісті емдеуді кідіріссіз бастау керек. Осы клиникалық оқиғада перистальтикаға қарсы препараттарды қолдану қарсы көрсетілімді. Құрысулар туындауына бейімделген пациенттер Хинолондар құрысуға дайындық шегін төмендетуі және құрысуларға түрткі болуы мүмкін. Левофлоксацин анамнезінде эпилепсия болған пациенттерге қарсы көрсетілімді және басқа да хинолондар сияқты, аталған препаратты құрысулар туындауына бейім пациенттерде немесе белсенді заттары құрысуға дайындық шегін төмендететін дәрілік заттарды (мысалы, теофиллин) қолданумен қатарлас емдеу жүргізілгенде ерекше сақтықпен қолдану керек. Конвульсиялық құрысулар туындаған жағдайда левофлоксацин қолданылатын емдеуді тоқтату керек. Глюкоза-6-фосфатдегидрогеназа жеткіліксіздігі бар пациенттер Глюкоза-6-фосфатдегидрогеназа белсенділігінің жасырын немесе айқын бұзылулары бар пациенттерде бактерияға қарсы хинолонды препараттармен емдеу жүргізілгенде гемолиздік реакцияларға бейімділігін байқауға болады. Осылайша, ондай пациенттерде левофлоксацин қолдану қажет болса, оларды гемолиз туындауы тұрғысынан қадағалау керек. Бүйрек функциясының бұзылуы бар пациенттер Левофлоксацин экскрециясы, негізінен, бүйрекпен жүретіндіктен, оның функциясының бұзылуы бар пациенттерде Левофлин препаратының дозасын түзету керек. Аса жоғары сезімталдық реакциялары Левофлоксацин кейде препараттың бірінші дозасын енгізуден кейін туындайтын ауыр және өмірге зор қатер төндіретін аса жоғары сезімталдық реакцияларын (мысалы, анафилаксиялық шокқа дейін апаратын ангионевроздық ісіну) тудыруы мүмкін. Пациенттер емдеуді дереу тоқтатып, тиісті кезек күттірмейтін көмек көрсету үшін емдеуші дәрігермен немесе жедел жәрдем дәрігерімен байланысу керек. Терінің ауыр қолайсыз реакциялары Левофлоксацинді қолданғанда өмірге қатерлі болуы және өліммен аяқталуға алып келуі мүмкін уытты эпидермалық некролиз (УЭН: Лайелл синдромы ретінде де белгілі), Стивенс-Джонсон синдромын (СДС) және эозинофилиямен және жүйелі көріністерімен болатын дәрілік бөртпені (DRESS) қоса, терінің ауыр қолайсыз реакциялары хабарланды («Жағымсыз реакциялар» бөлімін қараңыз). Препаратты қолдану кезеңінде пациенттер терінің ауыр реакцияларының белгілері мен симптомдарынан хабарланған болуы және мұқият қадағалауда болуы тиіс. Осы реакцияларды көрсететін белгілері мен симптомдары пайда болғанда левофлоксацин қабылдауды дереу тоқтату және баламалы емдеу мәселесін қарастыру керек. Егер пациентте левофлоксацинді қолданғанда СДС, УЭН немесе DRESS сияқты күрделі реакциялар дамыса, осы пациентте левофлоксацинмен емдеуді ешқашан жаңғыртуға болмайды. Дисгликемия Хинолондардың бәрін қолдану кезіндегі сияқты, гипо-және гипергликемияны қоса, қандағы глюкоза мөлшері бұзылуының туындауы хабарланды, әдетте, олар пероральді гипогликемиялық препараттарды (мысалы, глибенкламид) немесе инсулин қолданумен қатарлас емдеуден өтетін диабет бар пациенттерде байқалды. Гипогликемиялық кома жағдайлары баяндалды. Диабет бар пациенттерде қандағы глюкоза деңгейін мұқият қадағалау ұсынылады. Фотосенсибилизация профилактикасы Левофлоксацинді қолдану кезінде фотосенсибилизация туындауы хабарланды. Фотосенсибилизация дамуын болдырмау үшін пациенттерге емдеу кезінде және оны тоқтатудан кейін 48 сағат ішінде күшті күн сәулесінің немесе жасанды УК сәулелену (мысалы, УК шам, солярий) әсеріне ұшырамауға кеңес беріледі К дәрумені антагонистерін қолданумен емдеуден өтетін пациенттер Коагуляциялық сынамалар көрсеткіштерінің (ПУ/ХҚҚ) артуы және/немесе қан кетудің туындауы мүмкін екеніне орай, левофлоксацин мен К дәрумені антагонистерінің (мысалы, варфарин) біріктірілімін қолданумен емдеуден өтетін пациенттерде осы препараттарды бір мезгілде қолдану кезінде коагуляциялық сынамалар нәтижелеріне мониторинг өткізу қажет. Психоздық реакциялар Левофлоксацинді қоса, хинолондар қабылдаған пациенттерде психоздық реакциялар туындаған жағдайлар хабарланды. Өте сирек жағдайларда, тіпті левофлоксацин дозасын бір рет қолданудан кейін осыған ұқсас реакциялар пациенттің өзіне қауіптілік төндіретін суицидтік ойлар мен мінез-құлық пайда болуына дейін үдеді. Осындай реакциялар пайда болған жағдайда левофлоксацин қабылдауды тоқтатып, тиісті шаралар қолдану керек. Левофлоксацин психозбен науқастарда немесе анамнезінде психиатриялық аурулар болғанда абайлап қолданылу керек. QT аралығының ұзаруы Левофлоксацинді қоса, фторхинолондарды QT аралығын ұзартатын белгілі қауіп факторлары бар пациенттерде сақтықпен қолдану керек, мыналар сияқты: - туа біткен QT аралығының ұзару синдромы - QT аралығының ұзаруын тудыратын дәрілік заттарды (мысалы, аритмияға қарсы IA және III класс препараттары, трициклды антидепрессанттар, макролидтер, нейролептиктер) қатарлас қолдану - электролиттер теңгерімінің түзетілмеген бұзылуы (мысалы, гипокалиемия, гипомагниемия) - жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QTc (түзетілген QT) аралығын ұзаруын туындататын препараттарға сезімталдау болуы мүмкін. Демек, левофлоксацинді қоса, фторхинолондарды пациенттердің осы топтарында сақтықпен қолдану керек. Шеткері нейропатия Левофлоксацинді қоса, фторхинолондар қабылдаған пациенттерде мейлінше тез дамуы мүмкін шеткері сенсорлық нейропатия мен шеткері сенсомоторлық нейропатия туындауы хабарланды. Нейропатия симптомдары пайда болғанда қайтымсыз бұзылулардың дамуын болдырмау үшін левофлоксацин қолдануды тоқтату керек. Бауыр және өт шығару жолдары тарапынан бұзылулар Левофлоксацинді қолдану кезінде, ең алдымен, негізгі ауыр ауруы, мысалы, сепсис бар пациенттерде өліммен аяқталатын бауыр жеткіліксіздігіне дейін апаратын бауыр некрозының жағдайлары хабарланды. Анорексия, сарғаю, күңгірт несеп, қышыну және іштің ауырсынуы сияқты бауыр ауруының симптомдары мен белгілері пайда болғанда пациенттерге емдеуді тоқтатып, емдеуші дәрігермен байланысуға кеңес беру керек. Миастения гравис өршуі Левофлоксацинді қоса, фторхинолондар нейробұлшықеттік бөгеу белсенділігіне ие болады және миастения гравис зардабын шегіп жүрген пациенттерде бұлшықет әлсіздігін күшейтуі мүмкін. Маркетингтен кейінгі қадағалау кезеңінде туындаған өлім жағдайларын және өкпені қосалқы жасанды желдету қажеттілігін қоса, күрделі жағымсыз реакциялар миастения гравис зардабын шегіп жүрген пациенттерде фторхинолондарды қолданумен байланысты болды. Пациентте анамнезінде миастения гравис болса, левофлоксацинді қолдану ұсынылмайды. Көру бұзылулары Көру бұзылулары туындағанда немесе препаратты қабылдаудың көзге әсері көрініс бергенде дереу офтальмологқа қаралу керек. Асқын инфекция Левофлоксацинді, әсіресе, ұзақ уақыт бойы қолдану сезімтал емес микроорганизмдердің шектен тыс көбейіп кетуіне әкелуі мүмкін. Емдеу кезеңінде асқын инфекция туындағанда тиісті шаралар қабылдау керек. Зертханалық зерттеулер нәтижелеріне әсері Левофлоксацинді қолданумен емдеуден өтіп жүрген пациенттерде несептегі апиындарды анықтауға жасалған талдау жалған-оң нәтижелер беруі мүмкін. Барынша спецификалық әдісті пайдаланумен апиын бар-жоғына жасалған талдаулар нәтижелерін растау қажет болуы мүмкін. Левофлоксацин Mycobacterium tuberculosis көбеюін бәсеңдетуі, сондықтан да туберкулездің бактериологиялық диагностикасының жалған-теріс нәтижелеріне себеп болуы мүмкін. Қолқа аневризмасы және қатпарлануы Эпидемиологиялық зерттеулерде фторхинолондарды қабылдаудан кейін, әсіресе, егде жастағы пациенттерде қолқа аневризмасы мен қатпарлануы қаупінің артуы хабарланады. Соның салдарынан, отбасылық анамнезінде тамырлар кеңеюімен байланысты ауруы болған пациенттерге немесе бұрын қолқа аневризмасы және/немесе қолқа қатпарлануы диагностикаланған пациенттерге немесе қолқа аневризмасы мен қатпарлануының пайда болуына бейімдейтін басқа қауіп факторлары (мысалы, Марфан синдромы, Элерс-Данлос тамырлық синдромы, Такаясу артерииті, түйінді периартериит, Бехчет ауруы, гипертензия, анықталған атеросклероз) болғанда фторхинолондарды тек пайдасы мен қаупін мұқият бағалаудан кейін және басқа емдеу әдістерін қарастырудан кейін ғана қолдану керек. Іштің, кеуденің немесе арқаның күтпеген ауыруы туындаған жағдайда пациент дереу кезек күттірмейтін көмек бөлімшесінің дәрігеріне жіберілуі тиіс. Жедел панкреатит Левофлоксацин қабылдап жүрген пациенттерде жедел панкреатитті байқауға болады. Пациенттер жедел панкреатитке тән симптомдардан хабардар болуы тиіс. Жүрек айну, дімкәстану, іштің жайсыздануы, іштің жедел ауыруы немесе құсу болған пациенттерді дереу дәрігер қарап тексеруі тиіс. Жедел панкреатит күмән тудырғанда левофлоксацин қабылдауды тоқтату керек; расталған жағдайда левофлоксацин қабылдауды жаңғыртуға болмайды. Анамнезінде панкреатит болған пациенттерге сақ болу керек («Жағымсыз реакциялар» бөлімін қараңыз). Қан ауруы Левофлоксацинмен емдеу кезінде лейкопения, нейтропения, панцитопения, гемолиздік анемия, тромбоцитопения, аплазиялық анемия немесе агранулоцитозды қоса, сүйек кемігінің жеткіліксіздігі дамуы мүмкін («Жағымсыз реакциялар» бөлімін қараңыз). Аталған жай-күйлердің кез келгеніне күмән туындағанда қан көрсеткіштерін бақылап отыру қажет. Қалып шегінен ауытқулар жағдайында левофлоксацинмен емдеуді тоқтату мүмкіндігін қарастыру керек. Натрий Дәрілік препарат құрамында бір таблеткасына 1 ммоль мөлшерінен аз (23 мг) натрий бар, яғни, шын мәнінде, құрамында натрий жоқ. Арнайы сақтандырулар Фторхинолондар қосымша қордағы препараттар болып табылады және бактерияға қарсы баламалы емдеу мүмкіндігі болмағанда пайдаланылуы тиіс. Ауыр пневмококк пневмониясы жағдайларында левофлоксацин оңтайлы емдік әсер бермеуі мүмкін. Метициллинге төзімді S.aureus, левофлоксацинді қоса, фторхинолондарға төзімді болу ықтималдығы да жоғары. Демек, левофлоксацин метициллинге төзімді алтын түстес стафилококк тудырған инфекцияларды емдеу кезінде қолдануға ұсынылмайды немесе зертханалық талдаулар микроорганизмнің левофлоксацинге сезімталдығын растаған жағдайлардан басқа (сондай-ақ, егер метициллинге төзімді стафилококк тудырған инфекцияларды емдеу кезінде, әдетте, тағайындалатын бактерияға қарсы дәрілерді қолдану мақсатқа сай емес болып саналса), осындай күмән туындайды. Осы инфекцияларға дұрыс диагностика жасалған жағдайда левофлоксацинді жедел бактериялық синусит пен созылмалы бронхиттің өршуін емдеуде қолдануға болады. Еуропалық одақ елдерінде несеп шығару жолдарының инфекциясын тудыратын ең көп таралған E. coli патогенінің фторхинолондарға төзімділігі түрленеді. Препараттар тағайындалғанда фторхинолондарға E. coli төзімділігінің жергілікті таралуын ескеруге кеңес беріледі. Сібір ойық жарасының өкпедегі түрі: адамда қолдану Bacillus anthracis сезімталдығы бойынша in vitro деректеріне және клиникалық деректердің шектеулі санымен қатар клиникаға дейінгі зерттеулер деректеріне негізделген. Емдеуші дәрігерлер сібір ойық жарасын емдеуге қатысты келісілген ұлттық және/немесе халықаралық құжаттарды қарау керек. Тендинит және сіңірлердің үзілуі Сирек жағдайларда тендинит туындауы мүмкін. Ахилл сіңірі ең көп жиі зақымданады, тендинит сіңірдің үзілуіне әкелуі мүмкін. Кейбір жағдайларда екі жақты болатын тендинит пен сіңір үзілуі левофлоксацинмен емдеу басталған соң 48 сағат ішінде туындауы мүмкін, сондай-ақ емдеуді тоқтатудан кейін бірнеше ай ішінде аталған патологиялар пайда болған жағдайлар хабарланды. Тендинит және сіңірлер үзілуінің даму қаупі 60 жастан асқан пациенттерде, 1000 мг тәуліктік дозаларды қабылдап жүрген пациенттерде, кортикостероидтар қабылдайтын пациенттерде артады. Бұдан бөлек, трансплантациядан кейінгі пациенттерде тендиниттің даму қаупі жоғары, тұрғылықты халықтың осы тобында фторхинолондарды пайдалану кезінде және ағзалар трансплантациясы жасалған пациенттерде сақ болуға кеңес беріледі. Егде жастағы пациенттерде тәуліктік дозаны креатинин клиренсіне қарай түзету керек. Демек, левофлоксацин тағайындалғанда осындай пациенттерге мұқият мониторинг өткізу қажет. Тендинит симптомдары туындағанда пациенттердің бәрі емдеуші дәрігерге қаралу керек. Тендинит күмән тудырғанда левофлоксацин қолдануды дереу тоқтатып, зақымданған сіңірді тиісті емдеуді (мысалы, оны жеткілікті иммобилизациямен қамтамасыз етіп) бастау керек. Clostridium difficile тудырған ауру Левофлоксацинмен емдеу кезінде немесе одан кейін (емдеу аяқталған соң бірнеше аптаны қоса) диарея, әсіресе, ауыр, төзімді және/немесе қан аралас түрде Clostridium difficile тудырған аурудың симптомы болуы мүмкін. Clostridium difficile тудырған аурулар ауырлық дәрежесі бойынша жеңілден ауыр, өмірге қатерл түріне дейін түрленуі мүмкін, мысалы, жалған жарғақшалы колит. Осылайша, егер пациенттерде левофлоксацинмен емдеу кезінде немесе одан кейін ауыр диарея дамыса, аталған диагнозды ескеру маңызды. Clostridium difficile түрткі болған ауру немесе қойылған диагноз күмән тудырса, левофлоксацин қолдануды дереу тоқтату және тиісті емдеуді кідіріссіз бастау керек. Осы клиникалық оқиғада перистальтикаға қарсы препараттарды қолдану қарсы көрсетілімді. Құрысулардың туындауына бейім пациенттер Хинолондар құрысуға дайындық шегін төмендетуі және құрысуларға түрткі болуы мүмкін. Левофлоксацин анамнезінде эпилепсия болған пациенттерге қарсы көрсетілімді және басқа да хинолондар сияқты, аталған препаратты құрысулар туындауына бейім пациенттерде немесе белсенді заттары құрысуға дайындық шегін төмендететін дәрілік заттарды (мысалы, теофиллин) қолданумен қатарлас емдеу жүргізілгенде ерекше сақтықпен қолдану керек. Конвульсиялық құрысулар туындаған жағдайда левофлоксацин қолданумен емдеуді тоқтату керек. Глюкоза-6-фосфатдегидрогеназа жеткіліксіздігі бар пациенттер Глюкоза-6-фосфатдегидрогеназа белсенділігінің жасырын немесе айқын бұзылулары бар пациенттерде бактерияға қарсы хинолонды препараттармен емдеу жүргізілгенде гемолиздік реакцияларға бейімділігін байқауға болады. Осылайша, ондай пациенттерде левофлоксацинді қолдану қажет болса, оларды гемолиз туындауы тұрғысынан қадағалау керек. Бүйрек функциясының бұзылуы бар пациенттер Левофлоксацин экскрециясы, негізінен, бүйрекпен жүретіндіктен, оның функциясының бұзылуы бар пациенттерде Левофлин препаратының дозасын түзету керек. Аса жоғары сезімталдық реакциялары Левофлоксацин кейде препараттың бірінші дозасын енгізуден кейін туындайтын ауыр және өмірге зор қатер төндіретін аса жоғары сезімталдық реакцияларын (мысалы, анафилаксиялық шокқа дейін апаратын ангионевроздық ісіну) тудыруы мүмкін. Пациенттер емдеуді дереу тоқтатып, тиісті кезек күттірмейтін көмек көрсету үшін емдеуші дәрігермен немесе жедел жәрдем дәрігерімен байланысу керек. Ауыр буллезді реакциялар Левофлоксацинді қолданғанда Стивенс-Джонсон синдромы немесе уытты эпидермалық некролиз сияқты терінің ауыр буллезді реакциялары туындаған жағдайлар хабарланды. Пациенттерге емдеуді жалғастырар алдында теріде/шырышты қабықтарда реакциялар туындағанда емдеуші дәрігермен дереу байланысуға кеңес беру керек. Дисгликемия Хинолондардың бәрін қолдану кезіндегі сияқты, әдетте, пероральді гипогликемиялық препараттарды (мысалы, глибенкламид) немесе инсулин қолданумен қатарлес емдеуден өтетін диабет бар пациенттерде байқалған гипо-және гипергликемияны қоса, қандағы глюкоза мөлшері бұзылуының туындауы хабарланды. Гипогликемиялық кома жағдайлары жөнінде баяндалды. Диабет бар пациенттерде қандағы глюкоза деңгейін мұқият қадағалауға кеңес беріледі. Фотосенсибилизация профилактикасы Левофлоксацинді қолданғанда фотосенсибилизация туындауы хабарланды. Фотосенсибилизация дамуын болдырмау үшін пациенттерге емдеу кезінде және оны тоқтатудан кейін 48 сағат ішінде күшті күн сәулесінің немесе жасанды УК сәулелену (мысалы, УК шам, солярий) әсеріне ұшырамауға кеңес беріледі. К дәрумені антагонистерін қолданумен емдеуден өтетін пациенттер Коагуляциялық сынамалар (ПУ/ХҚҚ) көрсеткіштерінің болжамды жоғарылауына және/немесе қан кетудің туындауына орай, левофлоксацин мен К дәрумені антагонистерінің (мысалы, варфарин) біріктірілімі қолданылған емдеуден өтіп жүрген пациенттерде осы препараттарды бір мезгілде қолданғанда коагуляциялық сынамалар нәтижелеріне мониторинг өткізу қажет. Психоздық реакциялар Левофлоксацинді қоса, хинолондарды қабылдаған пациенттерде психоздық реакциялар туындаған жағдайлар хабарланды. Өте сирек жағдайларда, тіпті левофлоксацин дозасын бір рет қолданудан кейін осыған ұқсас реакциялар пациенттің өзіне қауіп төндіретін суицидтік ойлар мен мінез-құлық пайда болуына дейін үдеді. Осындай реакциялар пайда болған жағдайда левофлоксацин қабылдауды тоқтатып, тиісті шаралар қолдану керек. Левофлоксацинді психозбен науқастарда немесе анамнезінде психиатриялық аурулар болғанда сақтықпен қолдану керек. QT аралығының ұзаруы Левофлоксацинді қоса, фторхинолондарды QT аралығын ұзартатын белгілі қауіп факторлары бар пациенттерде сақтықпен қолдану керек, мыналар сияқты: - туа біткен QT аралығының ұзару синдромы - QT аралығының ұзаруын тудыратын дәрілік заттарды (мысалы, аритмияға қарсы IA және III класс препараттары, трициклды антидепрессанттар, макролидтер, нейролептиктер) қатарлас қолдану - электролиттер теңгерімінің түзетілмеген бұзылуы (мысалы, гипокалиемия, гипомагниемия) - жүрек аурулары (мысалы, жүрек жеткіліксіздігі, миокард инфарктісі, брадикардия). Егде жастағы пациенттер мен әйелдер QTc (түзетілген QT) аралығының ұзаруын тудыратын препараттарға сезімталдау болуы мүмкін. Демек, левофлоксацинді қоса, фторхинолондарды пациенттердің осы топтарында абайлап қолдану керек. Шеткері нейропатия Левофлоксацинді қоса, хинолондар қабылдаған пациенттерде барынша тез дамуы мүмкін шеткері сенсорлық нейропатия мен шеткері сенсомоторлық нейропатия туындауы хабарланды. Нейропатия симптомдары пайда болғанда қайтымсыз бұзылулар дамуын болдырмау үшін левофлоксацин қолдануды тоқтату керек. Бауыр және өт шығару жолдары тарапынан бұзылулар Левофлоксацинді қолдану кезінде, ең алдымен, негізгі ауыр ауруы, мысалы, сепсис бар пациенттерде өліммен аяқталатын бауыр жеткіліксіздігіне дейін апаратын бауыр некрозының жағдайлары хабарланды. Анорексия, сарғаю, күңгірт несеп, қышыну және іштің ауырсынуы сияқты бауыр ауруының белгілері мен симптомдары пайда болғанда пациенттерге емдеуді тоқтатып, емдеуші дәрігермен байланысуға кеңес беру керек. Миастения гравис өршуі Левофлоксацинді қоса, фторхинолондар нейробұлшықеттік бөгеу белсенділігіне ие болады және миастения гравис зардабын шегіп жүрген пациенттерде бұлшықет әлсіздігін күшейтуі мүмкін. Маркетингтен кейінгі қадағалау кезеңінде туындаған өлім жағдайларын және өкпені қосалқы жасанды желдету қажеттілігін қоса, күрделі жағымсыз реакциялар миастения гравис зардабын шегетін пациенттерде фторхинолондарды қолданумен байланысты болды. Пациентте анамнезінде миастения гравис болғанда левофлоксацин қолдануға ұсынылмайды. Көру бұзылулары Көру бұзылулары туындағанда немесе препаратты қабылдаудың көзге әсері көрініс бергенде дереу офтальмологқа қаралу керек. Асқын инфекция Левофлоксацинді, әсіресе, ұзақ уақыт бойы қолдану сезімтал емес микроорганизмдердің шектен тыс көбейіп кетуіне әкелуі мүмкін. Емдеу кезеңінде асқын инфекция туындағанда тиісті шаралар қабылдау керек. Зертханалық зерттеулер нәтижелеріне әсері Левофлоксацинді қолданумен емдеуден өтетін пациенттерде несептегі апиындарды анықтауға жасалған талдау жалған-оң нәтижелер беруі мүмкін. Барынша спецификалық әдісті пайдаланумен апиын бар-жоғына талдаулар нәтижелерін растау қажет болуы мүмкін. Левофлоксацин Mycobacterium tuberculosis көбеюін бәсеңдете алады, сондықтан туберкулездің бактериологиялық диагностикасының жалған-теріс нәтижелеріне себеп болуы мүмкін. Қолқа аневризмасы және қатпарлануы Эпидемиологиялық зерттеулерде фторхинолондар қабылдаудан кейін, әсіресе, егде жастағы пациенттерде қолқа аневризмасы мен қатпарлану қаупінің артуы хабарланады. Соның салдарынан отбасылық анамнезінде тамырлар кеңеюімен байланысты ауруы болған пациенттерге немесе бұрын қолқа аневризмасы және/немесе қолқа қатпарлануы диагностикаланған пациенттерге немесе қолқа аневризмасы мен қатпарлануының пайда болуына бейімдейтін басқа қауіп факторлары (мысалы, Марфан синдромы, Элерс-Данлос тамырлық синдромы, Такаясу артерииті, түйінді периартериит, Бехчет ауруы, гипертензия, анықталған атеросклероз) болғанда фторхинолондарды пайдасы мен қаупін мұқият бағалаудан кейін және басқа емдеу әдістерін қарастырудан кейін ғана қолдану керек. Іштің, кеуденің немесе арқаның күтпеген ауыруы туындаған жағдайда пациент кезек күттірмейтін көмек бөлімшесінің дәрігеріне дереу жіберілуі тиіс. Жүктілік Жүкті әйелдерде левофлоксацинді қолдану туралы деректер саны шектеулі. Клиникаға дейінгі зерттеулерде ұрпақ өрбіту қабілетіне уыттылығы тұрғысынан тікелей немесе жанама зиянды әсерлері анықталмады. Алайда клиникалық деректерінің болмауына, сондай-ақ тәжірибелік деректерде өсімтал организмде салмақ жүктемесін көтеретін шеміршектердің фторхинолондармен зақымдану қаупінің расталуына орай, левофлоксацинді жүкті әйелдерде қолдануға болмайды. Лактация кезеңі Левофлин препараты бала емізу кезеңінде әйелдерге қарсы көрсетілімді. Қазіргі таңда левофлоксациннің емшек сүтімен бөлінуіне қатысты ақпарат жеткіліксіз; алайда басқа фторхинолондардың емшек сүтімен бөлінетіні белгілі. Клиникалық деректер болмауына, сондай-ақ тәжірибелік деректерде өсімтал организмде салмақ жүктемесін көтеретін шеміршектерді фторхинолондар зақымдауы қаупінің расталуына орай, левофлоксацинді бала емізу кезеңіндегі әйелдерде қолдануға болмайды. Фертильділік Левофлоксацин клиникаға дейінгі зерттеулерде фертильділіктің немесе ұрпақ өрбіту функциясының бұзылуын тудырмады. Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері Кейбір жағымсыз әсерлер, мысалы, естен тану алдындағы күй/бас айналу, ұйқышылдық, көрудің бұзылуы науқастың зейін қою қабілетін және оның реакцияларының шапшаңдығын төмендетуі мүмкін, бұл осындай қабілеттер ерекше маңызды жағдайларда (мысалы, автокөлік пен жұмыс механизмдерін басқару кезінде) қауіп төндіруі мүмкін.

Нұсқаулықта көрсетілмеген.

Темір, мырыш тұздары, құрамында магний немесе алюминий бар антацидтік препараттар, диданозин Левофлоксацин сіңуі таблеткалардағы Левофлин препаратымен темір, мырыш тұздарын, құрамында магний немесе алюминий бар антацидтік препараттарды немесе диданозинді (құрамында алюминий немесе магний бар буферлік заттары болатын диданозин түрлері ғана) бір мезгілде қолданғанда едәуір төмендейді. Фторхинолондар мен құрамында мырыш болатын көп дәруменді препараттарды бір мезгілде қолдану олардың сіңуін төмендетеді. Левофлин таблеткаларын қабылдауға дейін 2 сағат бұрын және одан кейін темір, мырыш тұздары, құрамында магний немесе алюминий бар антацидтік препараттар немесе диданозин (құрамында алюминий немесе магний бар буферлік заттары болатын вирусқа қарсы препараттарға ғана қатысты) сияқты екі немесе үш валентті катиондар бар препараттарды қабылдамауға кеңес беріледі. Кальций тұздары пероральді қабылдаудан кейін левофлоксацин сіңуіне тым аз ықпалын тигізетіні көрсетілді. Сукральфат Таблеткалардағы Левофлин препаратының биожетімділігі оны сукральфатпен бір мезгілде қолданғанда едәуір төмендейді. Егер пациентке сукральфатты да, Левофлинді де қабылдау қажет болса, сукральфатты таблетка түріндегі Левофлин препаратын қабылдаудан кейін 2 сағаттан соң қабылдаған бәрінен дұрыс. Теофиллин, фенбуфен немесе осыған ұқсас қабынуға қарсы стероидты емес препараттар Клиникалық зерттеу барысында левофлоксацин мен теофиллиннің фармакокинетикалық өзара әрекеттесуі анықталмады. Алайда хинолондар мен теофиллинді, қабынуға қарсы стероидты емес препараттарды немесе құрысуға дайындық шегін төмендететін басқа дәрілік заттарды бір мезгілде қолданғанда эпилепсияға дайындық шегінің едәуір төмендеуін байқауға болады. Левофлоксацин концентрациялары, тек левофлоксацинді қабылдауға қарағанда, фенбуфен қатысуымен шамамен 13% жоғары болды. Пробенецид және Циметидин Пробенецид пен Циметидин левофлоксациннің шығарылуына статистикалық маңызды әсерін көрсетті. Циметидин (24%) және пробенецид (34%) препараттарын қолданғанда левофлоксациннің бүйрек клиренсі төмендеді. Бұл екі дәрілік препараттың да левофлоксациннің өзекшелік секрециясын бөгеуге қабілетті екенімен түсіндіріледі. Алайда зерттеу барысында пайдаланылған дозаларда қолданғанда статистикалық маңызды кинетикалық өзгешеліктерінің клиникалық маңызды болу ықтималдығы аз. Левофлоксацинді, әсіресе, бүйрек функциясының бұзылулары бар пациенттерде пробенецид пен циметидин сияқты өзекшелік секрецияға әсер ететін препараттармен бірге сақтықпен қолдану керек. Басқа да маңызды ақпарат Клиникалық фармакология зерттеулері аталған препаратты келесі дәрілік заттар: кальций карбонаты, дигоксин, глибенкламид, ранитидинмен бірге қолданудың левофлоксацин фармакокинетикасына ешқандай клиникалық мәнді әсер етпегенін көрсетті. Левофлин препаратының басқа дәрілік заттарға әсері Циклоспорин Левофлоксацинмен бірге қолданғанда циклоспориннің жартылай шығарылу кезеңі 33% ұзарды. K дәрумені антагонистері Левофлоксацин мен K дәрумені антагонисінің (мысалы, варфарин) біріктірілімін қолданумен емдеуден өткен пациенттерде коагуляциялық сынамалар көрсеткіштерінің (ПУ/ХҚҚ) жоғарылауы және/немесе, болжамды түрде, ауыр қан кету туындаған жағдайлар хабарланды. Осылайша, K дәрумені антагонистерін қолданумен емдеуден өткен пациенттерде коагуляциялық сынамалар нәтижелеріне мониторинг өткізу қажет. QT аралығының ұзаруын туындататын дәрілік заттар Левофлоксацин, басқа да фторхинолондар сияқты, QT аралығының ұзаруын туындататын препараттарды (мысалы, аритмияға қарсы IA және III класс препараттары, трициклды антидепрессанттар, макролидтер, нейролептиктер) қабылдап жүрген пациенттерде сақтықпен қолданылу керек. Басқа маңызды ақпарат Фармакокинетикалық өзара әрекеттесулер зерттеулерінде левофлоксацин теофиллиннің (CYP1A2 маркерлік субстраты) фармакокинетикасына әсер етпеді, бұл левофлоксациннің CYP1A2 тежегіші емес екенін көрсетеді. Өзара әрекеттесудің басқа түрлері Тағам Тамақтанумен клиникалық мәнді өзара әрекеттесуі болмады. Осылайша, таблеткалардағы Левофлин препаратын ас ішуге байланыссыз қабылдауға болады.

Сақтау мерзімі 3 жыл Жарамдылық мерзімі өткеннен кейін қолдануға болмайды Сақтау шарттары Құрғақ, жарықтан қорғалған жерде, 30 °С-ден аспайтын температурада сақтау керек Балалардың қолы жетпейтін жерде сақтау керек!