Лексур таблетки 500 мг

Бір таблетканың құрамында белсенді зат - 512.46 мг немесе 768.69 мг левофлоксацин гемигидраты (сәйкесінше 500 мг немесе 750 мг левофлоксацинге баламалы), қосымша заттар: гидроксипропилцеллюлоза, кросповидон, микрокристалды целлюлоза (Avicel pH 102), коллоидты кремнийдің қостотығы (Aerosil), магний стеараты, Sepifilm LP 761 Blanc-White қабығының құрамы: гидроксипропилметилцел-люлоза (Е464), микрокристалды целлюлоза (Е460), стеарин қышқылы (Е570), титанның қостотығы (Е171), тазартылған су*. *Үлбірлі қабықпен қаптау/кептіру процессінде бумен ұшып кетеді. Сыртқы түрінің, иісінің, дәмінің сипаттамасы Ақ түсті үлбірлі қабықпен қапталған, бір жақ бетінде сызығы бар, ұзынша пішінді таблеткалар (500 мг доза үшін). Ақ түсті үлбірлі қабықпен қапталған, ұзынша пішінді таблеткалар (750 мг доза үшін).

500 мг доза Келесі инфекцияларды емдеу үшін ересек пациенттерге қолдануға көрсетілген: - жедел пиелонефрит және несеп шығару жолдарының асқынған инфекциялары - созылмалы бактериялық простатит - сібір ойық жарасының өкпедегі түрі: қарым-қатынастан кейінгі профилактика және емдеу. Төменде аталған инфекциялар үшін препаратты осы инфекцияларға бастапқы ем ретінде ұсынылатын бактерияға қарсы препараттарды қолдану мүмкін болмауы негізделген жағдайларда ғана қолдану керек: - жедел бактериялық синусит - өкпенің созылмалы обструкциялық ауруының, оның ішінде созылмалы бронхиттің өршуі - ауруханадан тыс пневмония - тері мен жұмсақ тіндердің асқынған инфекциялары - асқынбаған цистит 750 мг доза Келесі инфекцияларды емдеу үшін ересек пациенттерге қолдануға көрсетілген: - ауруханаішілік және ауруханадан тыс пневмония - тері мен жұмсақ тіндердің асқынған және асқынбаған инфекциялары - созылмалы бактериялық простатит - сібір ойық жарасының өкпедегі түрі: қарым-қатынастан кейінгі - оба - несеп шығару жолдарының асқынған және асқынбаған инфекцияларында - жедел пиелонефрит - созылмалы бронхиттің жедел бактериялық асқынуы - жедел бактериялық синусит Дәріге төзімді бактериялардың дамуын азайту және левофлоксациннің тиімділігін сақтау үшін препаратты сезімтал бактериялармен туындаған дәлелденген немесе болжанған инфекцияларды емдеу немесе алдын алу үшін ғана қолдану керек. Таблеткалардағы левофлоксацин вена ішіне левофлоксацинді енгізумен бастапқы ем жүргізгеннен кейін жай-күйінің жақсаруы байқалған пациенттердің емдеу курсын жалғастыру үшін де қолданылуы мүмкін, тура сондай дозаны қолдануға болады. Бактерияға қарсы дәрілерді тиісті қолдану бойынша ресми нұсқауларды орындау қажет.

Левофлоксацин фторхинолондар класының бактерияларға қарсы синтетикалық препараты, офлоксациннің рацемиялық белсенді затының S (-) энантиомері болып табылады. Әсер ету механизмі Фторхинолондар класының бактерияларға қарсы дәрісі бола отырып, левофлоксацин ДНҚ-ДНҚ-гираза және IV топоизомеразакешеніне әсерін тигізеді. ФК/ФД арақатынасы Левофлоксациннің бактерицидтік белсенділігінің дәрежесі сарысудағы ең жоғары концентрация (Cmax) немесе фармакокинетикалық қисық астындағы аудан (AUC) және ең төмен тежегіш концентрация (ЕТК) арасындағы арақатынасқа байланысты. Резистенттілік механизмі Левофлоксацинге резистенттілік ІІ типті топоизомеразаларда, ДНҚ-гиразада және IV топоизомеразада нысана-сайт жолымен біртіндеп пайда болады. Өткізгіштіктің тосқауылдары (көбіне Pseudomonas aeruginosa) және жасушадағы заттардың қайтуы секілді резистенттіліктің басқа да механизмдері де левофлоксацинге сезімталдыққа ықпал етуі мүмкін. Левофлоксацин мен басқа фтрохинолондар арасында айқаспалы резистенттілік байқалады. Әсер ету механизмінің ерекшеліктеріне байланысты, жалпы алғанда, левофлоксацин және бактерияларға қарсы басқа класқа жататын препараттар арасында айқаспалы резистенттілік болмайды. Шектік мәндер Сезімтал және орташа сезімтал микроорганизмдер, сондай-ақ орташа сезімтал және резистентті микроорганизмдер арасында айырмашылықтар жүргізілуімен Микробтарға қарсы препараттарға сезімталдықты тестілеу жөніндегі Еуропалық комитетпен (EUCAST) левофлоксацин үшін ұсынылған шектік мәндер төменде ЕТК (мг/мл) тестілеуге арналған кестеде көрсетілген. Микробтарға қарсы препараттарға сезімталдықты тестілеу жөніндегі Еуропалық комитетпен ұсынылған левофлоксацин үшін ЕТК клиникалық шектік мәндері (нұсқа 10.0, 01.01.2020 ж.): Патоген — Сезімталдық — Резистенттілік Энтеробактериялар — ≤ 0.5 мг/л — >1 мг/л Pseudomonas spp. — ≤0.001 мг/л — >1 мг/л Acinetobacter spp. — ≤0.5 мг/л — >1 мг/л Staphylococcus aureus — ≤0.001 мг/л — >1 мг/л Enterococcus spp.1 — ≤4 мг/л — >4 мг/л Streptococcus pneumoniae — ≤0.001 мг/л — >2 мг/л Streptococcus A, B, C, G — ≤0.001 мг/л — >2 мг/л Haemophilus influenzae — ≤0.06 мг/л — >0.06 мг/л Moraxella catarrhalis — ≤0.125 мг/л — >0.125 мг/л Helicobacter pylori — ≤1 мг/л — >1 мг/л Aerococcus sanguinicola и urinae2 — ≤2 мг/л — >2 мг/л Aeromonas spp. — ≤0.5 мг/л — >1 мг/л Микроорганизмдердің түріне байланысты емес шекаралық мәндер — ≤0.5 мг/л — >1 мг/л 1 Тек несеп шығару жолдарының асқынбаған инфекциясы. 2 Сезімталдықты ципрофлоксацинге сезімталдығы бойынша бағалауға болады. Резистенттіліктің таралуы географиялық және уақыт өте келе өзгеруі мүмкін (жекелеген түрлер үшін), сондықтан, жергілікті резистенттілік туралы ақпаратты ауыр инфекцияларды емдеу кезінде алған жөн. Қажет болған жағдайда, егер жергілікті резистенттілік соншалықты таралған болып, препаратты қолдануға, кем дегенде , инфекциялардың кейбір түрлерінде қолдануға күмән болса, сарапшының кеңесіне жүгінген жөн. Микроорганизмдердің әдеттегі сезімтал түрлері Аэробты грам-оң бактериялар Bacillus anthracis Staphylococcus aureus methicillin-susceptible Staphylococcus saprophyticus Streptococci, группа C и G Streptococcus agalactiae Streptococcus pneumonia Streptococcus pyogenes. Аэробты грам-теріс бактериялар Eikenella corrodens Haemophilus influenza Haemophilus para-influenzae Klebsiella oxytoca Moraxella catarrhalis Pasteurella multocida Proteus vulgaris Providencia rettgeri Анаэробты бактериялар Peptostreptococcus. Басқалары Chlamydophila pneumonia Chlamydophila psittaci Chlamydia trachomatis Legionella pneumophila Mycoplasma pneumonia Mycoplasma hominis Ureaplasma urealyticum. Пайда болған резистенттілік проблема тудыруы мүмкін түрлері Аэробты грам-оң бактериялар Enterococcus faecalis Метициллин-резистентті # Staphylococcus aureus Коагулазонегативты Staphylococcus spp. Аэробты грам-теріс бактериялар Acinetobacter baumannii Citrobacter freundii Enterobacter aerogenes Enterobacter cloacae Escherichia coli Klebsiella pneumonia Morganella morganii Proteus mirabilis Providencia stuartii Pseudomonas aeruginosa Serratia marcescens. Анаэробты бактериялар Bacteroides fragilis. Табиғи резистенттілігі бар штаммдар Аэробты грам-оң бактериялар Enterococcus faecium. # Метициллин- резистентті S. Aureus ықтималдылықтың жоғары үлесімен левофлоксацинге қоса, фторхинолондарға ко-резистенттілікке ие.

Дозалау режимі 500 мг доза Таблетканы ішке тәулігіне 1 немесе 2 рет қабылдайды. Доза инфекциялардың түріне, ауырлығына, сондай-ақ, болжамды қоздырғышқа сезімталдыққа байланысты болады. Препарат келесі дозаларда қолдануға ұсынылады: Бүйрек функциясы қалыпты (креатинин клиренсі > 50 мл/мин) пациенттер Қолданылуы — Тәуліктік доза (аурудың ауырлығына қарай) — Емдеу ұзақтығы (аурудың ауырлығына қарай) Жедел бактериялық синусит — 500 мг, тәул. 1 рет — 10 - 14 күн Өкпенің созылмалы ауруының, оның ішінде созылмалы бронхиттің өршуі — 500 мг, тәул. 1 рет — 7 - 10 күн Ауруханадан тыс пневмония — 500 мг, тәул. 1 немесе 2 рет — 7 - 14 күн Жедел пиелонефрит — 500 мг, тәул. 1 рет — 7 - 10 күн Несеп шығару жолдарының асқынған инфекциясы — 500 мг, тәул.1 рет — 7 - 14 күн Асқынбаған цистит — 250 мг, тәул. 1 рет — 3 күн Созылмалы бактериялық простатит — 500 мг, тәул. 1 рет — 28 күн Тері мен жұмсақ тіндердің асқынған инфекциялары — 500 мг, тәул. 1 немесе 2 рет — 7 - 14 күн Сібір ойық жарасының өкпедегі түрі — 500 мг, тәул. 1 рет — 8 апта 750 мг доза Таблеткалар ішке қабылданады, доза инфекцияның түрі мен ауырлығына, сондай-ақ, болжамды қоздырғышқа сезімталдыққа байланысты болады. Препаратты келесі дозаларда қолдану ұсынылады: Бүйрек функциясы қалыпты пациенттер (креатинин клиренсі > 50 мл/мин) Қолданылуы — Тәуліктік доза (аурудың ауырлығына қарай) — Емдеу ұзақтығы (аурудың ауырлығына қарай) Ауруханадан тыс пневмония 1 — 750 мг — 7 - 14 күн Ауруханадан тыс пневмония 2 — 500 мг — 7-14 күн Ауруханадан тыс пневмония 3 — 750 мг — 5 дней Тері мен жұмсақ тіндердің асқынған инфекциялары 4 — 750 мг — 7 - 14 күн Тері мен жұмсақ тіндердің асқынбаған инфекциялары 5 — 500 мг — 7 - 10 күн Созылмалы бактериялық простатит 6 — 500 мг — 28 күн Сібір ойық жарасының өкпедегі түрі (қарым-қатынасты жасаудан кейінгі), дене салмағы көп ересектер 50 кг 7 — 500 мг — 60 күн Оба, дене салмағы 50 кг-нан асатын ересектер 8 — 500 мг — 10 - 14 күн Несеп шығару жолдарының асқынған инфекциясы 9 немесе жедел пиелонефрит 11 — 750 мг — 5 күн Несеп шығару жолдарының асқынбаған инфекциясы 9 немесе жедел пиелонефрит 11 — 250 мг — 10 күн Несеп шығару жолдарының асқынған инфекциясы 12 — 250 мг — 3 күн Созылмалы бронхиттің жедел бактериялық өршуі 13 — 500 мг — 7 күн Жедел бактериялық синусит 14 — 750 мг 500 мг — 5 күн 10 - 14 күн 1 Метициллинге сезімтал штаммдардан туындаған ауруханаішілік пневмония Staphylococcus aureus, Pseudomonas aeruginosa, Serratia marcescens, Escherichia coli, Klebsiella pneumoniae, Haemophilus influenzae немесе Streptococcus pneumoniae. Қосымша емдеу көрсетілімдер бойынша жүргізілуі тиіс. Егер Pseudomonas aeruginosa анықталған немесе болжамды патоген болып табылса, Pseudomonas aeruginosa-ға қатысты белсенділік танытатын бета-лактамды антибиотикпен біріктірілген ем ұсынылады. 2 Метициллинге сезімтал штаммдардан туындаған ауруханадан тыс пневмония Staphylococcus aureus, Streptococcus pneumoniae (соның ішінде көп төзімді Streptococcus pneumoniae [MDRSP]), Haemophilus influenzae, Haemophilus parainfluenzae, Klebsiella pneumoniae, Moraxella catarrhalis, chlamydophila pneumoniae, Legionella pneumophila немесе Mycoplasma Pneumonia. Изоляттар [MDRSP] - мынадай антибиотиктердің екеуіне немесе бірнешеуіне төзімді изоляттар: пенициллин (ең аз тежейтін концентрациялары - мик ≥2 мкг/мл), 2-ші буындағы цефалоспориндер, мысалы, цефуроксим; макролидтер, тетрациклиндер және триметоприм/сульфаметоксазол. 3 Streptococcus pneumoniae (көп төзімді изоляттарды қоспағанда), Haemophilus influenzae, Haemophilus parainfluenzae, Mycoplasma pneumoniae немесе Chlamydophila pneumoniae туындаған ауруханадан тыс пневмония. 4 Метициллинге сезімтал Staphylococcus aureus, Enterococcus faecalis, Streptococcus pyogenes немесе Proteus mirabilis штаммдарынан туындаған тері мен жұмсақ тіндердің асқынған инфекциясы. 5 Метициллинге сезімтал Staphylococcus aureus немесе Streptococcus pyogenes штаммдарынан туындаған тері мен жұмсақ тіндердің асқынбаған инфекциясы. 6 Escherichia coli, Enterococcus faecalis немесе метициллинге сезімтал Staphylococcus epidermidis штаммдарынан туындаған созылмалы бактериялық простатит. 7 Аэрозольдық Bacillus anthracis-пен жанасқаннан кейін ауруды азайту немесе аурудың өршуі үшін сібір ойық жарасының өкпедегі түрі. Левофлоксациннің тиімділігі клиникалық пайдасын болжайтын жеткілікті ықтималдығы бар суррогаттық соңғы нүкте болып табылатын пациенттерде қол жеткізілген қан плазмасындағы патогеннің концентрациясына негізделген. Левофлоксацин пациенттерде қарым-қатынастан кейін сібір жарасын жұқтырудың алдын алатын препарат ретінде тестіленген жоқ. Емдеу ұзақтығы 28 күнге дейін болған кездегі левофлоксациннің қауіпсіздігі жақсы зерттелген. Ұзақ мерзімді қолдану болжамды пайда қауіптен асып кеткен жағдайларда ғана мүмкін болады. 8 Оба, оның ішінде Yersinia pestis (Y. pestis) нәтижесінде пайда болған өкпедегі және септицемиялық формалары және обаның алдын-алу. 9 Escherichia coli, Klebsiella pneumoniae немесе Proteus mirabilis туындаған несеп шығару жолдарының асқынған инфекциясы. 10 Enterococcus faecalis, Enterobacter cloacae, Escherichia coli, Klebsiella pneumoniae, Proteus mirabilis немесе Pseudomonas aeruginosa туындаған несеп шығару жолдарының асқынған инфекциясы (жұмсақ және орташа). 11 Ілеспе бактеримия жағдайларын қоса алғанда Escherichia coli туындаған жедел пиелонефрит 12 Escherichia coli, Klebsiella pneumoniae немесе Staphylococcus saprophyticus туындаған несеп шығару жолдарының асқынбаған инфекциясы (жеңіл және орташа). Левофлоксацинді қоса алғанда, фторхинолондар елеулі жағымсыз реакциялармен байланысты болғандықтан, ал кейбір пациенттерде инфекция өзінен-өзі басылатын болғандықтан, баламалы емі жоқ пациенттер үшін левофлоксацинді қалдыру керек. 13 Метициллинге сезімтал Staphylococcus aureus, Streptococcus pneumoniae, Haemophilus influenzae, Haemophilus parainfluenzae немесе Moraxella catarrhalis штаммдарынан туындаған созылмалы бронхиттің жедел бактериялық өршуі. Левофлоксацинді қоса алғанда, фторхинолондар елеулі жағымсыз реакциялармен байланысты болғандықтан, ал кейбір пациенттерде инфекция өзін-өзі қамтамасыз ететін болып табылатындықтан, баламалы емі жоқ пациенттер үшін левофлоксацинді қалдыру керек. 14 Streptococcus pneumoniae, Haemophilus influenzae немесе Moraxella catarrhalis тудырған жедел бактериялық синусит. Левофлоксацинді қоса алғанда, фторхинолондар елеулі жағымсыз реакциялармен байланысты болғандықтан, ал кейбір пациенттерде инфекция өзінен-өзі басылатын болғандықтан, баламалы емі жоқ пациенттер үшін левофлоксацинді қалдыру керек. Қолдану Левофлоксацинді осы препараттарға сезімталдығы жоғары дәрежеде дәлелденген немесе болжанатын инфекцияларды емдеу немесе алдын алу үшін ғана қолдану керек. Бактерия өсіріндісі және оның сезімталдығы туралы ақпарат болған кезде, оны бактерияға қарсы терапияны таңдау немесе өзгерту кезінде ескеру қажет. Мұндай деректер болмаған кезде жергілікті эпидемиология және сезімталдық ерекшеліктері терапияның эмпирикалық таңдауына ықпал етуі мүмкін. Бактериялар өсіріндісі және сезімталдықты тексеру Емдеу алдында инфекцияны тудыратын микроорганизмдерді оқшаулау және анықтау және олардың левофлоксацинге сезімталдығын анықтау үшін бактериялардың өсіріндісіне және оның сезімталдығына тиісті тесттер жүргізілуі керек. Левофлоксацинмен емдеуді осы тесттердің нәтижелері белгілі болғанға дейін бастауға болады; нәтижелер алынғаннан кейін тиісті терапияны таңдау керек. Осы кластағы басқа препараттар секілді көк ірің таяқшасының кейбір изоляттары левофлоксацинмен емдеу кезінде резистенттілікті өте тез дамыта алады. Терапия кезінде мезгіл-мезгілімен жүргізілетін өсірінділер сеппесі мен сезімталдық тестілері патогендердің микробқа қарсы препаратқа тұрақты сезімталдығы, сондай-ақ бактериялық резистенттіліктің пайда болуы туралы ақпарат береді. Енгізу әдісі және жолы Таблетканы шайнамай және жеткілікті мөлшердегі сұйықтықпен ішіп, тұтастай жұту керек. Препаратты тамақтану кезінде немесе тамақтану арасында қабылдауға болады. Препаратты темір, мырыш тұздарын, құрамында магний немесе алюминий бар антацидтік препараттарды, немесе диданозинді (құрамында алюминий немесе магний қосылыстары бар буферлі заттар болатын диданозиннің дәрілік түрлерін ғана), сондай-ақ мұндайда препараттың сіңуінің төмендегені байқалуы мүмкін болғандықтан сукральфатты қабылдаудан кем дегенде 2 сағат бұрын немесе қабылдағаннан кейін 2 сағаттан соң қабылдау керек. Пациенттердің ерекше топтары Балалар Балалар мен 18 жасқа дейінгі жасөспірімдерге қолдануға болмайды. Балаларға және жасөспірімдерге қолдануға болмайды. Бүйрек жеткіліксіздігі бар пациенттер (креатинин клиренсі ≤ 50 мл/мин) Дозалау режимі 250 мг/24 сағ. — 500 мг/24 сағ. — 500 мг/12 сағ. — 750 мг/24 сағ. Креатинин клиренсі — бастапқы доза: 250 мг — бастапқы доза: 500 мг — бастапқы доза: 500 мг — бастапқы доза: 750 мг 50-20 мл/мин — содан кейін: 125 мг/24 сағ. — содан кейін: 250 мг/24 сағ. — содан кейін: 250 мг/12 сағ. — содан кейін: 750 мг/48 сағ. 19-10 мл/мин — содан кейін: 125 мг/48 сағ. — содан кейін: 125 мг/24 сағ. — содан кейін: 125 мг/12 сағ. — содан кейін: 500 мг/48 сағ. <10 мл/мин (гемодиализді және ТАПД қоса) 1 — содан кейін: 125 мг/48 сағ. — содан кейін: 125 мг/24 сағ. — содан кейін: 125 мг/24 сағ. — содан кейін: 500 мг/48 сағ. 1 гемодиализден немесе тұрақты амбулаторлық перитонеальді диализден (ТАПД) кейін қосымша дозаларды енгізудің қажеті болмайды. Бауыр жеткіліксіздігі бар пациенттер Левофлоксацин бауырда аздаған дәрежеде метаболизденетін және негізінен бүйрек арқылы шығарылатын болғандықтан, препараттың дозасын түзету қажет болмайды. Егде жастағы пациенттер Бүйрек функциясына байланысты жағдайларды қоспағанда, егде жастағы пациенттерде препарат дозасын түзету талап етілмейді. 750 мг левофлоксацинді қабылдайтын пациенттер үшін гидратация 750 мг левофлоксацин қабылдайтын пациенттерде жоғары концентрацияланған несептің қалыптасуын болдырмау үшін талапқа сай гидратация жүргізілуі тиіс. Хинолондарды қабылдау кезінде кристаллурия мен цилиндрурия жағдайлары белгілі болды. Дәрілік препараттың бір немесе бірнеше дозасын өткізіп алған кездегі қажетті шаралар Өткізіп алған дозаны мүмкіндігіңіз болған бойда қабылдаңыз. Егер келесі дозаны қабылдағанға дейін 8 сағаттан аз уақыт қалса, өткізіп алған дозаны қабылдамаңыз және препаратты қабылдаудың ұсынылған режиміне оралыңыз. Дәрілік препараттың қолдану тәсілін түсіндіру үшін медициналық қызметкерге кеңес алуға жүгіну жөніндегі ұсынымдар Препараттың қолданылуы дәрігердің бақылауымен жүргізілуі керек.

- левофлоксацинге, басқа хинолондарға немесе қосымша заттардың кез келгеніне аса жоғары сезімталдық - эпилепсиясы бар пациенттерге - анамнезінде фторхинолондарды қолданумен байланысты сіңір аурулары бар пациенттерге - жүктілік және емізу кезеңі - балалар мен 18 жасқа дейінгі жасөспірімдерге.

Жиі - ұйқысыздық - бас ауыру, бас айналу - диарея, құсу, жүрек айнуы - бауыр ферменттері (АЛТ/АСТ, сілтілік фосфатаза, ГГТ) деңгейлерінің жоғарылауы Жиі емес - Candida тудырған инфекцияны қоса алғанда, зеңдік инфекциялар, патогенді микроорганизмдердің резистенттілігі - лейкопения, эозинофилия - анорексия - ашушаңдық, үрейлену, сананың шатасуы - ұйқышылдық, тремор, дисгевзия - вертиго - ентігу - іштің ауыруы, диспепсия, метеоризм, іш қату - қанда билирубин деңгейінің жоғарылауы - бөртпе, қышыну, есекжем, шамадан тыс терлеу2 - артралгия, миалгия - қанда креатинин деңгейінің жоғарылауы - астения Сирек - нейтропения; тромбоцитопения - ангионевроздық ісіну, жоғары сезімталдық - диурезге қарсы гормонның талапқа сай емес секреция синдромы (ДГТССС) - гипогликемия (әсіресе қант диабеті бар пациенттерде), гипогликемиялық кома - психикалық бұзылулар (мысалы, елестермен, паранойиямен), депрессия, қозу, әдеттен тыс түс көрулер, түнгі шым-шытырық түс көрулер, сандырақтау - парестезия, құрысулар, есте сақтау қабілетінің бұзылуы - көрудің жіті болмауы секілді бұзылуы - құлақтың шыңылдауы - тахикардия, жүрек соғуының жиілеуі - артериялық қысымның төмендеуі - эозинофилиямен және жүйелік симптодарымен дәрілік реакция (DRESS-синдром), орныққан токсидермия - тендинитті қоса, сіңірлердің аурулары (мысалы, ахилл сіңірлері), миастения гравистен зардап шегіп жүрген пациенттерде ерекше мәнге ие болуы мүмкін бұлшықет әлсіздігі - бүйрек функциясының жедел жеткіліксіздігі (мысалы, интерстициальді нефрит салдарынан) - пирексия Белгісіз - сүйек кемігінің жеткіліксіздігі, соның ішінде аплазиялық анемия (сүйек кемігі жаңа қан жасушаларын өндіруді тоқтатады, бұл шаршағыштықты, инфекциямен күресу қабілетінің төмендеуін және бақыланбайтын қан кетуді тудыруы мүмкін), агранулоцитоз, гемолиздік анемия, қанның қызыл денешіктері санының азаюы (анемия): қанның қызыл денешіктерінің зақымдануына байланысты тері бозаруы немесе сарғаюы мүмкін; қан жасушаларының барлық типтері санының азаюы (панцитопения). - анафилаксиялық шок, анафилактоидтық шок1 - гипергликемия, - психиканың бұзылулары және суицидтік ойларды және суицидтік әрекеттерді қоса алғанда, өзіне зақым келтіретін мінез-құлықтар, қатты қозу сезімі, көтеріңкі көңіл-күй, ажитация немесе энтузиазм (мания) - шеткері сенсорлы нейропатия, шеткері сенсомоторлы нейропатия, иіс сезу сезімін қабылдаудың өзгеруі, соның ішінде заттар иісінің өзгеруі, иіс немесе дәмнің жоғалуы (паросмия, аносмия, агевзия), дискинезия, экстрапирамидалық бұзылыс, естен тану, бассүйекішілік қатерсіз гипертензия, кенеттен еріксіз тартылулар, бұлшықеттердің тартылуы немесе бұлшықет жиырылуы (миоклонус) - көрудің уақытша нашарлауы, увеит - нашар есту, есту қабілетінің бұзылулары - жүректің тоқтап қалуына әкелуі мүмкін, қарыншалық тахикардия, қарыншалық аритмия және қарыншалардың дірілдеуі және жыпылықтауы (негізінен QT аралығы ұзаруының қауіп факторлары бар пациенттерде байқалады), ЭКГ расталған QT аралығының ұзаруы - бронхтың түйілуі, аллергиялық пневмонит - қан аралас диарея, ол өте сирек жағдайларда ішектің қабыну және тіпті жалған жарғақшалық колиттің белгісі болуы мүмкін, панкреатит - өліммен аяқталатын бауыр функциясының жедел жеткіліксіздігін қоса, негізінен ауыр негізгі ауруы бар пациенттерде сары ауру және бауырдың ауыр зақымдануы, гепатит - уытты эпидермалық некролиз, Стивенс-Джонсон синдромы, полиморфты эритема, фотосенсибилизация реакциясы, лейкоцитокласты васкулит, стоматит2, терінің күнге және ультракүлгінге аса жоғары сезімталдығы (жарыққа сезімталдық), терінің қарайған жерлері (терінің гиперпигментациясы) - рабдомиолиз, сіңірлердің үзілуі (мысалы, ахилл сіңірлері), байламдардың үзілуі, бұлшықеттердің үзілуі, артрит - ауыру (арқаның, кеуденің және аяқ-қолдың ауыруын қоса) - кенеттен еріксіз тартылулар, бұлшықет тартылуы немесе бұлшықет жиырылуы (миоклонус) 1 анафилаксиялық және анафилактоидты реакциялар препараттың бірінші дозасын енгізгеннен кейін де туындауы мүмкін. 2 тері-шырышты қабықтың реакциялары препараттың бірінші дозасын енгізгеннен кейін де пайда болуы мүмкін. Фторхинолондарды қолдануға байланысты басқа жағымсыз әсерлерге осы аурумен ауыратын пациенттердегі порфирия ұстамалары жатады. Келесі жағымсыз әсерлердің кез келгені күрделіленіп немесе бірнеше күннен аса ұзаққа созылса дәрігеріңізге хабарлаңыз. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгіну қажет Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: препаратпен жедел артық дозаланудан кейін пайда болуы мүмкін ең маңызды белгілерге орталық жүйке жүйесі тарапынан сананың шатасуы, бас айналуы, сананың бұзылуы, құрысулар, миоклонус, QT аралығының ұзаруы сияқты, сондай-ақ жүрек айну және шырышты қабықтың эрозиясы сияқты асқазан-ішек бұзылыстарының симптомдары жатады. Орталық жүйке жүйесі тарапынан сананың шатасуы, құрысулар, елестеулер және тремор сияқты жағдайлар байқалды. Емі: симптоматикалық ем жүргізу керек. QT аралығының ұзару мүмкіндігіне байланысты ЭКГ-мониторинг жүргізу қажет. Асқазанның шырышты қабығын қорғау үшін антацидті заттарды қолдануға болады. Перитонеалдық диализді және ТАПД-ді қоса алғанда, гемодиализ левофлоксацинді организмнен шығаруда тиімсіз. Арнайы антидот жоқ.

Анамнезінде хинолонды немесе құрамында фторхинолон бар дәрілік заттарды қабылдауға байланысты күрделі жағымсыз реакциялары бар пациенттерге левофлоксацинді қолдануға болмайды. Мұндай пациенттерді левофлоксацинмен емдеуді емнің баламалы нұсқалары болмаған кезде және пайда/қауіп арақатынасы мұқият бағаланғаннан кейін бастау керек. Метициллин-резистентті алтын түстес стафилококк Метициллин-резистентті S.aureus левофлоксацинді қоса алғанда, фторхинолондарға төзімді болуы ықтимал. Демек, левофлоксацин метициллин-резистентті алтын түстес стафилококк әсерінен туындаған инфекцияларды емдеген кезде, немесе зертханалық талдаулар микроорганизмдердің левофлоксацинге сезімталдығын айғақтаған жағдайлардан басқасында, мұндай күмәндер бар болғанда (сондай-ақ, егер әдетте метициллин-резистентті стафилококктен туындаған инфекцияларды емдеген кезде тағайындалатын бактерияларға қарсы дәрілерді қолдану мақсатқа сай емес деп саналса) қолдану ұсынылмайды. Жедел бактериялық синусит және созылмалы бронхиттің өршуі Левофлоксацинді жедел бактериялық синуситті және созылмалы бронхитті емдегенде, осы инфекциялардың диагностикасы дұрыс болған жағдайда, қолдануға болады. Резистенттіліктің даму қаупі Несеп шығару жолдарының инфекцияларын туындататын өте кең таралған патоген E. Coli-дің фторхинолондарға резистенттілігі Еуропалық Одақ елдерінде өзгеріп отырады. Препараттарды тағайындаған кезде E. Coli-дің фторхинолондарға резистенттілігінің жергілікті таралуын ескеру ұсынылады. Сібір ойық жарасының өкпедегі түрі Адамға қолдану Bacillus anthracis сезімталдығы бойынша in vitro деректерге және, клиникалық деректердің шектеулі санымен қатар, клиникаға дейінгі зерттеу деректеріне негізделген. Емдеуші дәрігерлер сібір ойық жарасына қатысты келісілген ұлттық және/немесе халықаралық құжаттарды қарауы керек. Ұзақ мерзімді, мүгедектікке әкелетін, ықтимал қайтымсыз ауыр жағымсыз реакциялар Жасына және алдыңғы қауіп факторларына қарамастан хинолондарды немесе фторхинолондарды алған пациенттерде өте сирек, ұзақ (айлар немесе жылдар бойы жалғасатын), мүгедектікке әкелетін, адам ағзасының әртүрлі, кейде бірнеше жүйелеріне (сүйек-бұлшықет, жүйке және психикалық жүйелер, сезім мүшелері) әсер етуі ықтимал қайтымсыз күрделі жағымсыз реакциялардың дамуы туралы хабарланды. Кез келген күрделі жағымсыз реакцияның алғашқы белгілері мен симптомдары пайда болған кезде левофлоксацинді қабылдауды дереу тоқтатып, дәрігерге қаралу керек. Тендинит және сіңірлердің үзілуі Тендинит және сіңірлердің үзілуі (әсіресе ахилл сіңірлері), кейде екі жақты, хинолондармен және фторхинолондармен емді бастағаннан кейін 48 сағат ішінде, сондай-ақ емдеуді тоқтатқаннан кейін бірнеше ай ішінде пайда болуы мүмкін. Егде жастағы пациенттерде, бүйрек жеткіліксіздігі бар пациенттерде, бір мезгілде кортикостероидтармен ем алатын, паренхиматозды ағзалар трансплантацияланған пациенттерде левофлоксацинді 1000 мг тәуліктік дозада қабылдаған жағдайда тендиниттің және сіңірдің үзілуінің даму қаупі артады. Кортикостероидтар мен фторхинолондарды бір мезгілде қолдануға болмайды. Тендиниттің алғашқы белгілері пайда болған кезде (мысалы, ауырсынатын ісіну, қабыну) левофлоксацинді қабылдауды тоқтатып, баламалы емдеуді қарастыру керек. Зақымданған аяқ-қолды дұрыс емдеу керек (мысалы, жеткілікті иммобилизацияны қамтамасыз ету арқылы). Тендинопатияның белгілері пайда болған кезде кортикостероидтарды қолдануға болмайды. Миоклонус Левофлоксацин қабылдаған пациенттерде миоклонус жағдайлары туралы хабарланды. Егер левофлоксацин дозасы креатинин клиренсіне сәйкес түзетілмесе, егде жастағы пациенттерде және бүйрек функциясы бұзылған пациенттерде миоклонустың даму қаупі артады. Миоклонус алғаш пайда болған кезде левофлоксацинді қабылдауды дереу тоқтатып, тиісті емдеуді бастау керек. Clostridium difficile әсерінен туындаған диарея Левофлоксацинмен емдеу кезінде немесе одан кейінгі диарея, әсіресе ауыр, қайтпайтын және/немесе қан аралас (емдеуді аяқтағаннан кейінгі бірнеше аптаны қоса) Clostridium difficile әсерінен туындаған диарея симптомдары болуы мүмкін. Clostridium difficile әсерінен туындаған диареяның ауырлық дәрежесі бойынша жеңілден бастап өмірге қауіп төндіруге дейін өзгеруі мүмкін, мұндайда өте ауыр түрі - жалған жарғақшалы колит болады. Сондықтан, егер пациенттерде левофлоксацинді қолданып емдеу кезінде немесе емдеуден кейін ауыр диарея дамыса, осы диагнозды ескеру маңызды. Clostridium difficile әсерінен туындаған диареяға күмәнданғанда левофлоксацинді дереу тоқтатып, тиісті емді кідіртпей бастау керек. Клиникалық осы жағдайда перистальтикаға қарсы препараттарды қолдануға болмайды. Құрысулардың туындауына бейім пациенттер Хинолондар құрысуға дайындық шегін төмендетуі және құрысуды өршітуі мүмкін. Левофлоксацинді анамнезінде эпилепсиясы бар пациенттерге қолдануға болмайды және басқа да хинолондар секілді бұл препаратты құрысудың туындауына бейімірек пациенттерге, немесе белсенді заттары құрысуға дайындық шегін төмендететін дәрілік заттарды (мысалы, теофиллинді) қатар қолданып, ем жүргізгенде аса сақ болған жөн. Конвульсиялық құрысулар туындаған жағдайда емдеуді тоқтату керек. Глюкозо-6-фосфатдегидрогеназа жеткіліксіздігі бар пациенттер Глюкозо-6-фосфатдегидрогеназа белсенділігінің жасырын немесе айқын бұзылулары бар пациенттерде бактерияларға қарсы хинолонды препараттармен ем жүргізгенде гемолиздік реакцияларға бейімділік байқалуы мүмкін. Сондықтан мұндай пациенттерге левофлоксацинді қолдану қажет болғанда оларды гемолиздің туындауы тұрғысында бақылау керек. Бүйрек жеткіліксіздігі бар пациенттер Левофлоксацин негізінен бүйрек арқылы экскрецияланатын болғандықтан, олардың функциясы бұзылған пациенттерде препараттың дозасын түзету керек. Аса жоғары сезімталдық реакциялары Левофлоксацин ауыр және потенциалды өлімге әкелетін аса жоғары сезімталдық реакцияларын (мысалы, ангионевроздық ісінуден анафилаксиялық шокқа дейін) туындатуы мүмкін, олар кейде препараттың бастапқы дозасын енгізгеннен кейін туындайды. Пациенттер емдеуді дереу тоқтатуы және тиісті шұғыл жәрдем көрсетуі үшін емдеуші дәрігермен немесе жедел жәрдемнің дәрігерімен байланыс жасауы керек. Ауыр буллездік реакциялар Уытты эпидермалық некролизді (УЭН: сондай-ақ Лайелл синдромы ретінде белгілі), Стивенс Джонсон синдромын (ССД) және эозинофилиямен және жүйелік симптомдарымен дәрілік реакцияны (DRESS-синдром) қоса алғанда, өлімге әкелуі немесе өмір үшін қауіпті болуы мүмкін терінің ауыр жағымсыз реакцияларының (SCARs) левофлоксацинді қолдануға байланысты екендігіне мәлімдемелер бар. Құрамында левофлоксацин бар препараттарды тағайындағанда, пациенттерге терінің ауыр реакцияларының белгілері мен симптомдары туралы айту және әрі қарай олардың жағдайын мұқият бақылау керек. Осы реакцияларды көрсететін белгілер және симптомдар пайда болған кезде левофлоксацинді қабылдауды дереу тоқтату және баламалы емді қарастыру керек. Егер пациентте левофлоксацинді қолданудан ССД, УЭН немесе DRESS-синдром секілді күрделі реакциялар дамыса, ем қайта жүргізілмеуі немесе ешқандай жағдайда тағайындалмауы тиіс. Дисгликемия Барлық хинолондарды қолданған кездегі секілді әдетте пероральді гипогликемиялық препараттарды (мысалы, глибенкламидті) немесе инсулинді қатар қолданып ем қабылдап жүрген пациенттерде байқалатын гипо-, сонымен бірге гипергликемия секілдіні қоса, қандағы глюкоза мөлшерінде бұзылулардың туындағаны туралы мәлімделді. Гипогликемиялық кома жағдайлары туралы мәлімделді. Диабеті бар пациенттерде қандағы глюкоза деңгейін мұқият бақылау ұсынылады. Егер пациент қандағы глюкоза деңгейінің бұзылуына шағымданса препаратпен емдеуді дереу тоқтатып, фторхинолондарға жатпайтын бактерияға қарсы балама терапияны қарастыру керек. Фотосенсибилизация профилактикасы Левофлоксацинді қолданған кезде фотосенсибилизацияның туындағаны туралы мәлімделді. Фотосенсибилизацияның дамуын болдырмау үшін пациенттерге қажет болмаса, емделу кезінде және оны тоқтатқаннан кейін 48 сағат ішінде күшті күн сәулесінің немесе жасанды УК сәулеленудің (мысалы, УК шам, солярийлер) әсеріне ұшырамау ұсынылады. К дәруменінің антагонистерін қолданып, емделіп жүрген пациенттер Протромбин уақыты / Халықаралық қалыптасқан қатынас (ПУ/ХҚҚ) көрсеткіштерінің жоғарылауы және/немесе қан кетулердің туындауы мүмкін болғандықтан, левофлоксациннің және К дәрумені антагонисінің (мысалы, варфарин) біріктірілімін қолданып емделіп жүрген пациенттерде, осы препараттарды бір мезгілде қолданғанда коагуляциялық сынамалардың нәтижелеріне мониторинг жүргізу қажет. Психоздық реакциялар Левофлоксацинді қоса, хинолондарды қабылдаған пациенттерде психоздық реакциялардың туындау жағдайлары туралы мәлімделді. Өте сирек жағдайларда тіпті левофлоксациннің дозасын бір реттік қолданудан кейін мұндай реакциялар суицидтік ойлардың және пациенттің өзіне қауіп төндіретін мінез-құлықтың пайда болуына дейін үдеді. Осындай жағдайлар пайда болған жағдайда левофлоксацин қабылдауды тоқтату және тиісті шараларды қабылдау керек. Левофлоксацинді психозы бар немесе анамнезінде психиатриялық аурулары болған пациенттерге сақтықпен қолдану керек. QT аралығының ұзаруы QT аралығының ұзару қаупінің мына белгілі факторлары бар пациенттерде левофлоксацинді қоса, фторхинолондарды сақтықпен қолдану керек: - QT аралығының туа біткен ұзару синдромы - QT аралығының ұзаруын туындататын дәрілік заттарды (мысалы, аритмияға қарсы IA және III класының препараттары, үшциклді антидепрессанттар, макролидтер, нейролептиктер) бір мезгілде қолдану - электролиттер теңгерімінің түзетілмеген бұзылуы (мысалы, гипокалиемия, гипомагниемия) - жүрек аурулары (мысалы, жүрек функциясының жеткіліксіздігі, миокард инфарктісі, брадикардия). Егде жастағы пациенттер және әйелдер QTc аралығының ұзаруын туындататын препараттарға көбірек сезімтал болуы мүмкін. Демек, левофлоксацинді қоса, фторхинолондарды пациенттердің осы топтарында сақтықпен қолдану керек. Шеткері нейропатия Хинолондар мен фторхинолондарды қабылдайтын пациенттерде парестезияға, гипестезияға (сезімталдықтың төмендеуі), дизестезияға немесе бұлшықет әлсіздігіне әкеп соқтыратын сенсорлық немесе сенсомоторлы полиневропатия жағдайлары туралы хабарланды. Левофлоксацинді қолданатын пациенттерде ауырсыну, ашу, қышу, ұйқышылдық немесе бұлшықет әлсіздігі секілді нейропатия белгілері пайда болса, ықтимал қайтымсыз жағдайлардың дамуына жол бермеу үшін емді жалғастырмас бұрын осы жағдайларды дәрігерге хабарлау ұсынылады. Бауыр жеткіліксіздігі Левофлоксацинді қолданған кезде, негізінен, негізгі ауыр сырқаты, мысалы, сепсисі бар пациенттерде, өліммен аяқталатын бауыр жеткіліксіздігіне дейінгі бауыр некрозының жағдайлары туралы мәлімделді. Пациенттерге бауыр ауруының анорексия, сарғаю, несептің қараюы, қышыну және іштің ауыруы секілді симптомдары мен белгілері пайда болған кезде емдеуді тоқтатуға және емдеуші дәрігермен байланыс жасауға кеңес беру керек. Миастения гравис өршуі Левофлоксацинді қоса, фторхинолондардың нейробұлшықетті бөгейтін белсенділігі бар және миастения гравистен зардап шегіп жүрген пациенттерде бұлшықет әлсіздігін күшейтуі мүмкін. Өлім жағдайларын және осымен байланысты өкпеге қосымша жасанды желдету қажеттілігін қоса, күрделі жағымсыз реакциялар миастения гравистен зардап шегіп жүрген пациенттерде фторхинолондарды қолданумен байланысты болды. Анамнезінде миастения гравис бар пациентте левофлоксацинді қолдану ұсынылмайды. Көрудің бұзылулары Көрудің бұзылулары немесе препаратты қабылдаудың көзге ықпал етуінің көріністері туындағанда дереу офтальмологқа бару керек. Суперинфекция Левофлоксацинді әсіресе ұзақ уақыт бойы қолдану сезімтал емес микроорганизмдердің шамадан тыс өсуіне әкелуі мүмкін. Емдеу кезінде суперинфекциялар туындаған жағдайда тиісті шараларды қабылдау керек. Зертханалық зерттеулердің нәтижелеріне ықпалы Левофлоксацинді қолданып, емделіп жүрген пациенттерде несептегі апиындарды анықтауға жүргізілген талдау жалған оң нәтиже беруі мүмкін. Апиындардың бар-жоқтығына көбірек спецификалық әдісті пайдаланып талдау нәтижелерін айғақтау қажет болуы мүмкін. Левофлоксацин Mycobacterium tuberculosis өсуін басуы мүмкін, демек, туберкулездің бактериологиялық диагностикасының жалған теріс нәтижелеріне себеп болуы мүмкін. Аорта аневризмасы және қатпарлануы, жүрек клапанының регургитациясы/ жеткіліксіздігі Эпидемиологиялық зерттеулерге сәйкес, әсіресе егде жастағы пациенттерде аорта аневризмасы мен аорта қатпарлануының даму қаупі, сондай-ақ фторхинолондарды қолданғаннан кейін аорта және митральді қақпақшалардың регургитациясы туралы хабарланды. Фторхинолондарды қабылдаған пациенттерде аневризманың және аорта қатпарлануының даму жағдайлары, кейде үзілумен асқынған (оның ішінде өліммен аяқталған), сондай-ақ жүректің кез келген клапандарының регургитациясы / жеткіліксіздігі байқалған. Осыған байланысты, фторхинолондарды пайда-қауіп арақатынасын мұқият бағалағаннан және аорта аневризмасы немесе отбасы анамнезінде жүрек клапанының туа біткен кемістігі бар пациенттерге немесе аорта аневризмасы және/немесе аорта қатпарлануы, немесе жүрек клапанының ауруы диагнозы қойылған немесе басқа қауіп факторлары бар немесе қауіптің дамуына бейім жүрек клапанының аурулары бар пациенттерге емнің басқа нұсқаларын қарастырғаннан кейін ғана қолдану керек. - аорта аневризмасы және қатпарлануы, сондай-ақ жүрек клапанының регургитациясы/жеткіліксіздігі (мысалы, Марфан синдромы немесе Элерс-Данлос синдромы, Тернер синдромы, Бехчет ауруы, артериялық гипертензия, ревматоидты артрит секілді дәнекер тіндік аурулар); немесе қосымша: - аорта аневризмалары және қатпарлануы (мысалы, Такаясу артериті, алып жасушалы артерит, расталған атеросклероз, Шегрен синдромы секілді тамыр аурулары); - жүрек клапанының регургитациясы/жеткіліксіздігі (мысалы, инфекциялық эндокардит). Жүйелі глюкокортикостероидтарды бір мезгілде қабылдайтын пациенттерде аневризманың және аорта қатпарлануының, сондай-ақ олардың үзілуінің даму қаупі артуы мүмкін. Іштің, кеуденің немесе арқаның кенеттен ауыруы пайда болған жағдайда пациенттер жедел жәрдем бөліміне дереу дәрігерге баруы керек. Пациенттерге жедел ентігу, алғаш рет жүрек соғысы немесе іштің немесе аяқтың ісінуі пайда болған жағдайда дереу медициналық көмекке жүгіну ұсынылады. Жедел панкреатит Левофлоксацин қабылдаған пациенттерде жедел панкреатит байқалуы мүмкін. Пациенттерге жедел панкреатитке тән симтомдар туралы хабарлау керек. Жүрек айнуын, әлсіздікті, іштегі жайсыздықты, іштің қатты ауыруын немесе құсуды сезінетін пациенттер дереу дәрігермен тексерілуі керек. Егер жедел панкреатитке күдік болса, левофлоксацинді қолдануды тоқтату керек. Ол расталған жағдайда левофлоксацинді қолдануды қайта бастауға болмайды. Анамнезінде панкреатиті бар пациенттерге сақ болу керек. Қан аурулары Левофлоксацинмен емдеу кезінде сүйек кемігінің жеткіліксіздігі, соның ішінде лейкопения, нейтропения, панцитопения, гемолиздік анемия, тромбоцитопения, аплазиялық анемия немесе агранулоцитоз дамуы мүмкін. Егер осы қан ауруларының кез-келгеніне күдік болса, қан көрсеткіштерін бақылау қажет. Нәтижелер нормадан ауытқыған жағдайда левофлоксацинмен емдеуді тоқтату туралы мәселені қарастыру керек. Арнайы ескертулер Емдеуші дәрігерге мыналарды міндетті түрде хабарлаңыз: - Егер сіз кенеттен еріксіз жиырылуды, бұлшықеттің тартылуын немесе бұлшықеттің жиырылуын сезіне бастасаңыз - дереу дәрігерге қаралыңыз, себебі бұл миоклонустың белгісі болуы мүмкін. Дәрігеріңізге левофлоксацинмен емдеуді тоқтатып, тиісті емдеуді бастау қажет болуы мүмкін. - Егер сізде жүрек айнуы, жалпы дімкәстану, қатты жайсыздық немесе тұрақты ауырсыну немесе асқазан аймағында күшейген ауырсыну немесе құсу пайда болса - дереу дәрігерге қаралыңыз, себебі бұл ұйқы безі қабынуының белгісі (жедел панкреатит) болуы мүмкін. - Егер сізде шаршағыштық, терінің бозаруы, көгеру, бақыланбайтын қан кету, қызба, тамақ ауыруы және жалпы жағдайдың күрделі нашарлауы байқалса немесе инфекцияларға төзімділігіңіз төмендеуі мүмкіндігін сезінсеңіз, дереу дәрігерге қаралыңыз, себебі бұл қан ауруларының белгісі болуы мүмкін. Дәрігеріңіз қан талдауы арқылы қан көрсеткіштеріңізді бақылауы керек. Қан көрсеткіштері нормадан ауытқыған жағдайда дәрігеріңізге емдеуді тоқтату қажет болуы мүмкін. Препарат жүктілік және лактация кезеңінде қарсы көрсетілген. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жағымсыз әсерлерін ескере отырып (мысалы, талу алдындағы жай-күй/ бас айналу, ұйқышылдық, көру қабілетінің бұзылуы) емдеу кезеңінде автомобильді немесе механизмдерді басқару ұсынылмайды.

Нұсқаулықта көрсетілмеген.

Темір, мырыш тұздары, құрамында магний немесе алюминий бар антацидтік препараттар, диданозин Левофлоксацинмен бір мезгілде темір, мырыш тұздарын, құрамында магний немесе алюминий бар антацидтік препараттарды, немесе диданозинді (құрамында алюминий немесе магний бар буферлі заттар болатын диданозин түрлерін ғана) қолданғанда левофлоксациннің сіңуі едәуір төмендейді. Фторхинолондарды және өзінің құрамында мырыш бар полидәруменді препараттарды бір мезгілде қолдану, пероральді түрде қабылдағанда, олардың сіңуін төмендетеді. Құрамында екі- немесе үш валентті катиондары бар, мысалы, темірдің, мырыштың тұздары, құрамында магний немесе алюминий бар антацидтік препараттар, немесе диданозин (құрамында алюминий немесе магний бар буферлі заттар болатын дәрілік түрлері ғана) секілді препараттарды левофлоксацинді қабылдаудан 2 сағат бұрын немесе қабылдағаннан кейін 2 сағаттан соң қабылдамау ұсынылады. Кальций тұздары пероральді түрде қабылдағанда левофлоксациннің сіңуіне ең төмен әсерін тигізеді. Сукральфат Левофлоксациннің биожетімділігі оны сукральфатпен бір мезгілде қолданғанда едәуір төмендейді. Егер пациент сукральфатты да, және левофлоксацинді де қабылдауы қажет болса, ең дұрысы, левофлоксацинді қабылдағаннан кейін 2 сағаттан соң сукральфатты қабылдау керек. Теофиллин, фенбуфен немесе ұқсас ҚҚСП Левофлоксациннің және теофиллиннің фармакокинетикалық өзара әрекеттесуі анықталған жоқ. Алайда хинолондарды және теофиллинді, қабынуға қарсы стероидты емес препараттарды немесе құрысуға дайындық шегін төмендететін басқа дәрілік заттарды бір мезгілде қолданғанда эпилепсиялық дайындық шегінің едәуір төмендеуі байқалуы мүмкін. Левофлоксациннің концентрациясы фенбутен бар болған кезде, тек левофлоксацинді ғана қабылдаған кездегіге қарағанда, шамамен 13%-ға жоғары болды. Пробенецид және циметидин Пробенецид және Циметидин левофлоксациннің шығарылуына статистикалық тұрғыдан маңызды әсерін тигізді. Левофлоксациннің бүйректік клиренсі циметидин (24%) және пробенецид препараттарын қолданған кезде (34%) төмендеді. Бұл дәрілік препараттың екеуінің де левофлоксациннің өзекшелік секрециясын бөгеуге қабілетті екендігімен түсіндіріледі. Алайда зерттеулер барысында пайдаланылған дозаларда қолданғанда статистикалық кинетикалық айырмашылықтарының клиникалық маңызды болуы екіталай. Левофлоксацинді, әсіресе бүйрек жеткіліксіздігі бар пациенттерде, өзекшелік секрецияға ықпал ететін пробенецид және циметидин секілді препараттармен бірге қолданғанда сақ болу керек. Басқа да маңызды ақпарат Келесі дәрілік препараттармен: кальций карбонатымен, дигоксинмен, глибенкламидпен, ранитидинмен бірге қолдану левофлоксациннің фармакокинетикасына ешқандай да клиникалық тұрғыдан маңызды ықпалын тигізген жоқ: Левофлоксациннің басқа дәрілік препараттарға әсері Циклоспорин Левофлоксацинмен бір мезгілде қолданғанда циклоспориннің жартылай шығарылу кезеңі 33%-ға артты. К дәруменінің антагонистері Левофлоксациннің және К дәрумені антагонисінің (мысалы, варфариннің) біріктірілімін қолданып емделіп жүрген пациенттерде протромбин уақыты / Халықаралық қалыптасқан қатынас (ПУ/ХҚҚ) көрсеткіштері жоғарылаған және/немесе, бәлкім, ауыр қан кетулер туындаған жағдайлар туралы мәлімделді. Сондықтан К дәруменінің антагонистерін қолданып, емделіп жүрген пациенттерде коагуляциялық сынамалардың нәтижелеріне мониторинг жүргізу қажет QT аралығының ұзаруын туындататын дәрілік заттар Левофлоксацинді, басқа да фторхинолондар секілді QT аралығының ұзаруын туындататын препараттарды (мысалы, аритмияға қарсы IA және III класының препараттары, үшциклді антидепрессанттар, макролидтер, нейролептиктер) қабылдап жүрген пациенттерге сақтықпен қолдану керек. Басқа маңызды ақпарат Левофлоксацин теофиллиннің (CYP1A2 маркерлік субстраты) фармакокинетикасына ықпалын тигізген жоқ, бұл левофлоксацин CYP1A2 тежегіші болып табылмайтындығын көрсетеді. Өзара әрекеттесудің басқа түрлері Тағам Тамақпен клиникалық тұрғыдан маңызды өзара әрекеттесуі білінген жоқ. Сондықтан препаратты тамақ ішуге қарамай қабылдай беруге болады.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары 25°C-ден аспайтын температурада сақтау керек. Балалардың қолы жетпейтін жерде сақтау керек!