ЛЕТЕРО таблетки 2.5 мг

Бір таблетканың құрамында белсенді зат - 2,5 мг летрозол, қосымша заттар: лактоза моногидраты, натрий кроскармеллозасы, повидон, сусыз коллоидты кремнийдің қостотығы, магний стеараты үлбірлі қабық: Опадрай сары 03В82401 (гидроксипропилметилцеллюлоза 2910/гипромеллоза 6сР, титанның қостотығы (Е171), темірдің (III) сары тотығы (Е172), макрогол/ПЭГ 400, тальк), тазартылған су. Сыртқы түрінің, иісінің, дәмінің сипаттамасы Қою-сары түсті үлбірлі қабықпен қапталған, жиегі кертілген, екі жақ беті сәл дөңес, дөңгелек пішінді, бір жақ бетінде ʻ5ʼ және басқа жақ бетінде ʻНʼ өрнегі бар таблеткалар.

• cүт бездерінің ерте сатыдағы гормон рецептор-оң инвазиялық обыры бар, менопаузадан кейінгі әйелдерді адъюванттық емдеуде • тамоксифенмен 5 жыл бойы алдын ала стандартты адъюванттық ем қабылдаған, менопаузадан кейінгі әйелдерде сүт бездерінің ерте сатыдағы гормон-оң инвазиялық обырында адъюванттық емді жалғастыру үшін • менопаузадан кейінгі кезеңдегі әйелдерде сүт бездерінің гормон-оң обырының бірінші желілі емінде • бұрын антиэстрогендермен емделген, менопаузадан кейінгі (табиғи немесе жасанды түрде туындаған) әйелдерде сүт бездерінің таралған обырында • химиотерапия қолайсыз болған және шұғыл операциялық араласым көрсетілмеген жағдайда менопаузадан кейінгі кезеңде сүт бездерінің гормон-оң, HER-2 жағымсыз обыры бар әйелдердің адъюванттық емес емінде

ATХ коды L02BG04 Әсер ету механизмі Летрозол ароматазаның стероидты емес селективті тежегіші болып табылады, ол ароматазаны P450 цитохромы ферменті суббірлігінің гемімен бәсекелес байланысу жолымен тежеп, сөйтіп, барлық тіндерде эстрогеннің биосинтезін төмендетеді. Эстрогеннің стимуляциялайтын әсерін жою ісік аурулары үшін ізашар болып табылады, мұндайда ісіктің өсуі эстрогенге байланысты болады және емге жауап береді. Әйелдердегі менопаузадан кейін эстроген негізінен ароматаза ферментімен өндіріледі, ол бүйрекүсті андрогендерін, әсіресе андростендионды және тестостеронды эстронға (E1) және эстрадиолға (E2) айналдырады. Демек, шеткері тіндерде және сол ісік тіндерінде эстрогендер биосинтезін басуға ароматаза ферментін спецификалық тежеу жолымен жетуі мүмкін. Фармакодинамикалық әсерлері Дені сау әйелдерде менопаузадан кейін летрозол бір реттік 0,1 / 0,5 және 2,5 мг дозаларында сарысудағы эстрон деңгейін бастапқы деңгейдің 75-78%-на, ал эстрадиолдың деңгейін 78%-ға төмендетті. Ең жоғары әсеріне 48-78 сағаттың ішінде жетті. Сүт бездерінің таралған обыры бар, менопаузадан кейінгі әйелдерде күн сайынғы 0,1-ден 5 мг-ге дейінгі дозалар емделген барлық пациенттердің плазмасындағы эстрадиолдың, эстронның және эстрон сульфатының деңгейлерін бастапқы деңгейлерінің 75-95%-на төмендетті. ≥ 0,5 мг дозада эстронның және эстрон сульфатының көптеген мәндері біліну шегінен төмен болды; сондықтан осы дозаларда эстрогеннің бәсеңдеуі күштірек болды. Барлық жағдайларда емдеу кезінде эстроген биосинтезінің бәсеңдеуі жалғасты. Клиникалық тиімділігі және қауіпсіздігі Фармакодинамикасының қауіпсіздігі Бүйрекүсті бездерімен стероидтар өндірілуінің бәсеңдеуі байқалған жоқ. Летрозолды 0,1-ден 5 мг-ге дейінгі тәуліктік дозаларда қабылдаған, менопаузадан кейінгі кезеңдегі әйелдерде кортизолдың, альдостеронның, 11-дезоксикортизолдың, 17-гидроксипрогестеронның және АКТГ концентрацияларының немесе плазмадағы ренин белсенділігінің клиникалық тұрғыдан маңызды өзгерулері байқалған жоқ. Күн сайынғы 0,1/0,25/0,5/1/2,5 және 5 мг дозалармен 6 және 12 аптадан кейін АКТГ стимуляциясына тест альдостеронның немесе кортизолдың өндірілуінде бәсеңдеуді көрсеткен жоқ. Сондықтан глюкокортикоидтарды және минералокортикоидтарды алмастырудың қажеті жоқ. Летрозолдың 0,1/0,5 және 2,5 мг бір реттік дозаларын қабылдаған, менопаузадан кейінгі кезеңдегі дені сау әйелдерде плазмадағы андрогендердің (андростендионның және тестостеронның) концентрацияларында ешқандай өзгерулер байқалған жоқ; күн сайын 0,1-ден 5 мг-ге дейінгі дозаларды қабылдаған, менопаузадан кейінгі кезеңдегі пациенттерде плазмадағы андростендион концентрацияларында ешқандай өзгерістер табылған жоқ. Сондықтан эстроген биосинтезінің тежелуі андрогендік прекурсорлардың жиналуына әкелмейді. Летрозол қабылдап жүрген пациенттерде плазмадағы ЛГ және ФСГ деңгейлері өзгермейді; ТТГ көрсеткендей,T4 және T3 сіңіріледі, бұл да қалқанша без функциясына жатады.

Дозалау режимі Ересектер Препараттың ұсынылатын дозасы тәулігіне бір рет 2,5 мг құрайды. Препараттың тәуліктік дозасын 2,5 мг-ден арттырмау ұсынылады. Пациенттердің ерекше топтары Бүйрек функциясы бұзылған пациенттер Бүйрек функциясының жеткіліксіздігі бар (креатинин клиренсі ≥ 10 мл/мин) пациенттерде препараттың дозасын түзетудің қажеті жоқ. Креатинин клиренсі < 10 мл/мин болатын пациенттерге қатысты деректер жеткіліксіз. Бауыр функциясы бұзылған пациенттер Бүйрек функциясының жеңіл және орташа жеткіліксіздігі бар (Чайлд-Пью шкаласы бойынша A немесе B классы) пациенттер үшін препараттың дозасын түзету қажет емес. Бауыр функциясының ауыр жеткіліксіздігі бар пациенттер туралы деректер жеткіліксіз. Бауыр функциясының Чайлд-Пью шкаласы бойынша С класындағы ауыр жеткіліксіздігі бар пациенттер дәрігердің мұқият бақылауында болуы тиіс. Балалар Препаратты балаларда және жасөспірімдерде қолдану ұсынылмайды. Егде жастағы пациенттер (≥ 65 жас) Препараттың ұсынылатын дозасы тәулігіне бір рет 2,5 мг құрайды. Егде жастағы пациенттерде препараттың дозасын түзетудің қажеті жоқ. Препараттың тәуліктік дозасын 2,5 мг-ден арттырмау ұсынылады. Енгізу жолы және тәсілі Ішке. Қабылдау уақыты көрсетілген қолдану жиілігі ЛЕТЕРО препаратын тамақпен бірге немесе онсыз қабылдай беруге болады, өйткені тағам препараттың сіңуіне ықпалын тигізбейді. Емдеу ұзақтығы Адъюванттық және кеңейтілген адъюванттық емдеуде препаратпен емдеу 5 жыл бойы немесе аурудың қайталану сәтіне дейін жалғастырылуы тиіс. Метастазы бар пациенттерде препаратпен емдеуді аурудың үдеу белгілері пайда болғанға дейін жалғастырады. Адъюванттық емес (операция алдындағы) емдеуде препаратты ісіктің оңтайлы азаюына қол жеткізу үшін 4-8 ай бойы тағайындау ұсынылады. Егер бұл ем тиімсіз болған жағдайда, препаратпен емдеуді тоқтату, операциялық араласым тағайындау және/немесе әрі қарай емдеу пациентпен талқылау ұсынылады. Сүт бездерінің таралған обыры бар пациенттерде емдеуді ісік үдегенге дейін жалғастыру керек.

• әсер етуші затқа немесе кез келген қосымша заттарға аса жоғары сезімталдық • тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға • пременопауза кезіндегі эндокриндік статус • жүктілік және лактация кезеңі • 18 жасқа дейінгі балалар мен жасөспірімдерге

Өте жиі • гиперхолестеринемия • қан құйылулар • қатты тершеңдік • буындардың ауыруы • қатты қажығыштық (соның ішінде астения және дімкәстік) Жиі • артериялық гипертензия • жүректің айнуы, құсу, диспепсия, іш қату, диарея, іштің ауруы • анорексия, тәбеттің артуы, дене салмағының артуы • бас ауыруы, бас айналуы • таздану, терінің құрғауы, бөртпе (соның ішінде эритематозды, дақты-папулезді, псориазға ұқсас және везикулярлы бөртпе) • миалгия, сүйектердің ауыруы, остеопороз, сүйектердің сынулары, артрит • кеуденің ауыруы • жүрек қағуының жиілеуі • депрессия • шеткері ісінулер • қынаптық қан кетулер Жиі емес • лейкопения • тахикардия, жүрек-қантамырлық ишемиялық асқынулар (соның ішінде стенокардия ұстамаларының пайда болуы немесе өршуі, хирургиялық араласымды керек ететін стенокардия, миокард инфарктісі, миокард ишемиясы) • тромбофлебит (соның ішінде беткейлік және терең веналар) • ісік ошақтарындағы ауыру (метастаздары бар пациенттер) • мазасыздық (соның ішінде күйгелектік), ашушаңдық • ұйқышылдық, ұйқысыздық, жадының нашарлауы, дизестезия (соның ішінде парестезия, гипестезия), дәм сезімінің бұзылуы, ми қан айналымының қатты бұзылуы, білезік өзегінің синдромы • ентігу, жөтел • ауыз ішінің құрғауы, стоматит • бауыр ферменттері деңгейлерінің жоғарылауы, • несеп жүйесінің инфекциялары, несеп шығарудың жиілеуі • қынаптық қан кетулер, қынаптық құрғақтық, сүт бездерінің ауыруы • катаракта, көздің тітіркенуі, көрудің бұлдырауы • қышыну, есекжем • жайылған ісінулер, температураның жоғарылауы, шырышты қабықтардың құрғауы, шөлдеу • салмақтың жоғалуы • тендинит Сирек • өкпелік эмболия • артериялық тромбоз • цереброваскулярлық инфаркт • сіңірдің үзілуі Өте сирек • гепатит Жиілігі белгісіз • анафилаксиялық реакциялар • Квинке ісінуі, уытты эпидермальді некролиз, мультиформалы эритема • сыртылдауық саусақ синдромы Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Летрозолдың артық дозалануы туралы мәліметтер қазіргі таңда жоқ. Симптомдары: артық дозалану жағдайында препараттың жағымсыз әсерлері күшеюі мүмкін. Емі: симптоматикалық ем жүргізу. Дәрілік препараттың бір немесе бірнеше дозаларын өткізіп алған кездегі қажетті шаралар Өткізіп алған дозаны пациент есіне түсіру бойына бірден қабылдауы қажет. Алайда, егер пациент мұны келесі дозаны қабылдауға дейін жақын (2 немесе 3 сағат ішінде) қалғанда есіне түсірсе, өткізіп алған дозаны қабылдамай өткізіп жібереді және келесі дозаны графикке сәйкес қабылдау керек. Дозаны екі еселеп қабылдамау керек, өйткені ұсынылған 2,5 мг-ден жоғары тәуліктік дозаны қабылдаған жағдайда жүйелік әерінің пропорционалды болмайтыны байқалды.

Летрозолды тамоксифенмен және құрамында басқа антиэстроген - немесе эстрогені бар еммен бірге қолдануға жол бермеу керек, өйткені бұл заттар летрозолдың фармакологиялық әсерін азайтуы мүмкін. Перименопауза кезеңіндегі немесе ұрпақ өрбіте алатын жастағы әйелдер Летрозол менопаузадан кейінгі кезеңі нақты анықталған әйелдерге ғана пайдаланылуы тиіс. Летрозолмен емделу кезінде, емдеудің бас кезінде менопаузадан кейінгі статусының нақты анықталғанына қарамастан, аналық бездер функциясы қалпына келген әйелдер туралы ақпарат бар болғандықтан, дәрігер қажет болған жағдайда, адекватты контрацепцияны талқыға салуы тиіс. Сүйектерге әсер етуі Летрозол эстроген деңгейін төмендететін зат болып табылады. Остеопороз және/немесе сынықтары бар немесе остеопороз қаупі жоғары анамнездегі әйелдер адъювантты және кеңейтілген адъювантты ем басталғанға дейін сүйек тінінің минералдық тығыздығын формальды бағалаудан өтуі және летрозолмен емдеу кезінде және одан кейін бақылауда болуы тиіс. Остеопорозды емдеу немесе профилактикасы тиісті жағдайларда басталып, мұқият бақылануы керек. Адъювантты емде емдеудің жүйелі кестесі (летрозол - 2 жыл, одан кейін тамоксифен - 3 жыл) пациенттің қауіпсіздік бейініне байланысты да қаралуы мүмкін. Арнайы ескертулер Бауыр функциясының жеткіліксіздігі Бауыр функциясының ауыр жеткіліксіздігі бар (Чайлд-Пью C) пациенттерде жүйелік әсері және терминальді жартылай ыдырауы, дені сау ерікті адамдармен салыстырғанда, шамамен екі есе жоғары болды. Сондықтан мұндай пациенттер мұқият бақылауда болуы тиіс. Бүйрек функциясының жеткіліксіздігі Летрозол креатинин клиренсі минутына 10 мл-ден азырақ пациенттердің жеткілікті санында зерттелмеді. Мұндай пациенттер үшін потенциалды қаупі/пайдасы летрозолды қабылдағанға дейін мұқият қарастырылуы тиіс. Менопауза Менопаузалық жағдайы айқын емес пациенттерде лютеиндеуші гормон (ЛГ), фолликулстимуляциялаушы гормон (ФСГ) және/немесе эстрадиол деңгейлерін летрозолмен емдеуді бастағанға дейін өлшеу керек. Тек менопаузадан кейінгі эндокриндік жағдайдағы әйелдер ғана летрозолмен ем қабылдауы тиіс. Тендинит және сіңірдің үзілуі Сирек жағдайларда тендинит пен сіңірдің үзілуінің дамуы туралы хабарламалар болды. Пациенттерге мониторинг қажет, ал сіңірлер зақымданған жағдайда тиісті шаралар қабылдау керек (мысалы, иммобилизация). Қосымша заттарға қатысты айрықша нұсқаулар Лактоза Қосымша зат ретінде препарат құрамында лактоза бар, сондықтан препаратты тұқым қуалайтын галактоза жақпаушылығы, Lapp (ЛАПП)-лактаза ферменті тапшылығы, глюкоза-галактоза мальабсорбциясы бар адамдарға қолдануға болмайды. Натрий Бұл препараттың бір таблеткасында 1 ммоль аз натрий (23 мг) бар, яғни іс жүзінде құрамында натрий жоқ. Жүктілік Туа біткен кемістіктердің бірлі-жарым (лабиальді бітуі, аралық типті гениталий) жағдайлары орын алған адамдарда жүктілік кезінде летрозол тәжірибелер негізінде қабылданғанда туа бітетін кемістіктердің дамуын туындатуы мүмкін. Репродукциялық уыттылық туралы мәліметтер бар. Жүктілік кезінде летрозолды қолдануға болмайды. Емшек емізу Ана сүтіне летрозолдың және оның метаболиттерінің өтетін-өтпейтіндігі анықталған жоқ. Жаңа туған нәрестелер/сәбилер үшін қаупін жоққа шығару мүмкін емес. Емшек емізу кезінде летрозолды қолдануға болмайды. Ұрпақ өрбіту функциясы Летрозолдың фармакологиялық әсер етуі ароматазаны тежеу арқылы эстроген синтезінің төмендетілуі көріністеледі. Менопауза алдында эстрогендер синтезінің тежелуі гонадотропин (ЛГ, ФСГ) деңгейлерінің жауап ретінде артуына әкеледі. ФСГ деңгейінің жоғарылауы, өз кезегінде, фолликулдардың өсуін стимуляциялайды және овуляцияны туындатуы мүмкін. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препаратпен емдеген кезде жалпы шаршағыштық, әлсіздік, бас айналу, ұйқышылдық байқалатындықтан, көлік құралын немесе қауіптілігі зор механизмдерді басқарған кезде сақтық таныту керек. Қолдану жөнінде нұсқаулар

Нұсқаулықта көрсетілмеген.

Летрозолдың метаболизмі P2A6 және P3A4 цитохромдарының жәрдемімен ішінара жүзеге асырылады. Циметидин - P450 цитохромы ферменттерінің әлсіз, спецификалық емес тежегіші, плазмада летрозолдың концентрациясына ықпалын тигізбейді. P450 цитохромының күшті әсер ететін тежегіштерінің әсері белгісіз. Осы сәтте летрозолды эстрогендермен немесе, тамоксифеннен басқа, обырларға қарсы басқа заттармен біріктіріп пайдалану туралы клиникалық мәліметтер жоқ. Тамоксифен және басқа эстрогенге қарсы немесе құрамында эстроген бар емдеу әдістері летрозолдың фармакологиялық әсерлерін азайтуы мүмкін. Бұдан басқа, тамоксифенді летрозолмен бірге қолдану қан плазмасында летрозол концентрациясын едәуір төмендететіндігін көрсетті. Летрозолды тамоксифенмен және басқа анти-эстрогендермен немесе эстрогендермен бірге қолдануға жол бермеу керек. Зертханалық жағдайларда летрозол Р450 цитохромының 2A6 изоферменттерін және, орташа 2C19 изоферменттерін басады, бірақ клиникалық маңыздылығы белгісіз. Демек, летрозолды шығарылуы негізінен осы изоферменттерге және тәуелді және емдік индексі тар дәрілік заттармен (мысалы, фенитоин, клопидогрель) бірге бір мезгілде қолданғанда сақтық таныту көрсетілген.

Сақтау мерзімі 3 жыл Жарамдылық мерзімі өткеннен кейін қолдануға болмайды. Сақтау шарттары 25 C-ден аспайтын температурада сақтау керек. Балалардың қолы жетпейтін жерде сақтау керек!