Лизобакт® таблетки

Бір таблетканың құрамында: белсенді заттар: Лизоцим гидрохлориді* — 20,00 мг Пиридоксин гидрохлориді — 10,00 мг қосымша заттар: лактоза моногидраты, гипромеллоза, магний стеараты, натрий сахаринаты, ванилин * - өндіріске арналған шикізат – жұмыртқа ақуызы Сыртқы түрінің, иісінің, дәмінің сипаттамасы Шеттері зақымданбаған және бір жағында бөлу сызығы бар, беткейі жалпақ және тегіс ақтан ақ дерлік түске дейінгі дөңгелек таблеткалар.

Ойық жараларды қоса, ауыз қуысы мен ауыз-жұтқыншақ шырышты қабығының инфекциялық-қабыну ауруларын қосымша жергілікті емдеу (біріктірілген ем құрамында). Лизобакт® препараты ересектер мен 6 жастан асқан балаларға қолдануға арналған. Бактериялық инфекцияның жалпы клиникалық белгілері пайда болған кезде жүйелі антибиотиктік емді қолдану мүмкіндігін қарастыру керек.

Әсері оның құрамына кіретін компоненттермен байланысты біріктірілген препарат. Әсер ету механизмі Лизоцим ақуыз тектес фермент болып табылады, грамоң және грамтеріс бактерияларға, сондай-ақ зеңдер мен вирустарға тікелей әсеріне байланысты антисептик ретінде қолданылады, жергілікті спецификалық емес иммунитетті реттеуге қатысады. Пиридоксин ауыз қуысының шырышты қабығына қорғаныш әсерін көрсетеді (афтозға қарсы әсер көрсетеді). Лизоцимнің фармакодинамикалық қасиеттеріне әсер етпейді.

Препарат жергілікті қолданылады. Лизобакт® таблеткаларын тістемей, еріген таблетканы ауызда толық ерігенге дейін барынша ұзағырақ ұстап, баяу сору қажет. 6-12 жас аралығындағы балалар - тәулігіне 4 рет 1 таблеткадан. Ересектер мен 12 жастан асқан балалар - тәулігіне 3-4 рет 2 таблеткадан. Қабылдануы уақыт бойынша кемінде 1 сағат аралықпен болуы керек. Симптомдар 5 күннен артық сақталса және/немесе қатарлас жүретін қызба болған жағдайда дәрігерге жүгіну қажет.

- әсер етуші заттарға немесе препараттың басқа компоненттеріне аса жоғары сезімталдық; - 6 жасқа дейінгі балалар; - тұқым қуалайтын лактоза жақпаушылығы, лактаза тапшылығы немесе глюкоза-галактоза мальабсорбциясы; - тауық жұмыртқасына аллергия.

Жиілігі белгісіз - анафилаксиялық шок; - анафилаксиялық реакциялар; - ангионевроздық ісіну; - қышыну; - фотосезімталдық реакциясы; - есекжем. Жағымсыз реакциялар пайда болған жағдайда препаратты қолдануды тоқтату және дәрігерге жүгіну қажет. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Лизобакт® препаратымен жедел артық дозалану жағдайында клиникалық салдары күтілмейді. Егер пиридоксиннің жоғары дозалары (> 100 мг / тәул.) ұзақ уақыт кезеңі бойына (бірнеше ай немесе жылдар) қабылданса, сенсорлық нейропатия даму қаупі бар, оның симптомдары препаратты тоқтатқаннан кейін қайтымды болады.

Арнайы ескертулер Аса жоғары сезімталдық реакциялары пайда болған жағдайда препаратты қолдануды тоқтату және дәрігерге жүгіну қажет. Бактериялық инфекцияның жалпы клиникалық белгілері пайда болған кезде жүйелі антибиотиктік емді қолдану мүмкіндігін қарастыру керек. Көрсетілімдер 5 күннен артық ұзақ мерзімді емдеуді ақтамайды, әсіресе бұл бактериялық немесе зеңдік инфекцияның таралу қаупімен ауыз қуысының қалыпты микробтық флорасының теңгерімсіздігіне әкелуі мүмкін. Лизобакт® препараты құрамында лактоза бар. Галактозаның жақпаушылығы, жалпы лактаза жеткіліксіздігі немесе глюкоза немесе галактоза мальабсорбциясы синдромы бар пациенттерге препаратты қабылдауға болмайды. Бұл препарат құрамында бір таблеткада 1ммоль (23 мг) аз натрий бар, яғни іс жүзінде натрий жоқ. Пиридоксинді шамадан тыс тұтыну, ұзақ кезең бойы (бірнеше ай немесе тіпті жылдар) пиридоксиннің жоғары дозаларын (> 100 мг/тәулік) қолданған кезде пайда болатын сенсорлық нейропатияның себебі болуы мүмкін. Әдетте симптомдар препаратты қабылдауды тоқтатқаннан кейін қайтымды болады. Жүктілік Сақтық шарасы ретінде жүктілік уақытында Лизобакт® препаратын пайдаланбаған дұрыс. Лактация Лизоцимнің емшек сүтіне шығарылуы туралы деректердің болмауына, сондай-ақ препаратта пиридоксиннің көп мөлшерде болуына байланысты Лизобакт® препаратын бала емізу кезеңінде қолданудан аулақ болу керек. Көлік құралдарын немесе қауіптілігі зор механизмдерді басқару қабілетіне әсері. Әсер етпейді.

Нұсқаулықта көрсетілмеген.

Егер сіз қандай да бір басқа дәрілерді, оның ішінде рецептісіз босатылатын дәрілерді қабылдасаңыз, жақында қабылдаған болсаңыз немесе қабылдауыңыз мүмкін болса дәрігерге немесе фармацевтке хабарлаңыз. Құрамында антисептик бар бірнеше препаратты бір уақытта пайдаланбаңыз.

Сақтау мерзімі 5 жыл Жарамдылық мерзімі өткеннен кейін қолдануға болмайды. Сақтау шарттары 30 °С-ден аспайтын температурада сақтау керек Балалардың қолы жетпейтін жерде сақтау керек!