Сирек жағдайларда жоғары сезімталдық реакциялары (тері бөртпесі) және мынадай жағымсыз әсерлер байқалуы мүмкін: іштің ауыруы, бас ауруы, қынаптағы қышу, күйдіру және қынаптың тітіркенуі. Жергілікті реакциялар: миконазол нитраты, имидазол туындыларына негізделген барлық қынап ішіне енгізілетін зеңге қарсы дәрілер сияқты, қынаптың тітіркенуін (күйдіру, қышу) туғызуы мүмкін (2–6%). Қынап шырышты қабығының қабынуына байланысты вагинит кезінде қынаптың тітіркенуі (күйдіру, қышу) алғашқы суппозиторий енгізілгеннен кейін немесе емнің үшінші күні күшеюі мүмкін. Бұл асқынулар емді жалғастыру барысында тез жоғалады. Қатты тітіркену кезінде емді тоқтату қажет. Жүйелік жағымсыз әсерлер өте сирек кездеседі, себебі қынап арқылы сіңгенде метронидазолдың плазмадағы деңгейі өте төмен.
Асқазан-ішек жолы тарапынан бұзылыстар
Белгісіз:
- Эпигастрий аймағындағы ауырсыну, жүрек айну, құсу, диарея.
- Ауыз қуысы шырышты қабығының қабынуы (глоссит, стоматит), дәм сезудің бұзылуы («металл» дәмі), тәбеттің төмендеуі, анорексия, ауыз қуысы шырышты қабығының құрғауы, іш қату.
- Панкреатит (қайтымды жағдайлар).
- Тілдің түсінің өзгеруі/«қабаттанған» тіл (зең микрофлорасының шамадан тыс өсуіне байланысты).
Иммундық жүйе тарапынан бұзылыстар
Сирек:
- Анафилактикалық шок.
Белгісіз:
- Ангионевротикалық ісіну.
Жүйке жүйесі тарапынан бұзылыстар
Өте сирек:
- Энцефалопатия (сананың шатасуы, вертиго) және субакуталық мишық синдромы (қозғалыс координациясының бұзылуы, атаксия, дизартрия, жүріс бұзылысы, нистагм және тремор), метронидазолды тоқтатқаннан кейін қайтымды.
Белгісіз:
- Перифериялық сенсорлық нейропатия.
- Бас ауруы, құрысулар, бас айналу.
- Вертиго.
- Асептикалық менингит.
Психика тарапынан бұзылыстар
Өте сирек:
- Психоздық бұзылыстар, сананың шатасуы, галлюцинациялар.
Белгісіз:
- Депрессия, ұйқысыздық, ашуланшақтық, қозғыштық.
Көру мүшесі тарапынан бұзылыстар
Өте сирек:
- Көрудің өтпелі бұзылыстары: диплопия, миопия, көрудің бұлыңғырлануы, көру өткірлігінің төмендеуі, түсті қабылдаудың бұзылуы.
Белгісіз:
- Көру нервінің нейропатиясы/невриті.
Есту мүшесі және лабиринттік бұзылыстар
Белгісіз:
- Естудің бұзылуы/естудің жоғалуы (нейросенсорлық саңыраулықты қоса).
- Құлақтағы шу.
Жүрек тарапынан бұзылыстар
Белгісіз:
- QT аралығының ұзартылуы, әсіресе метронидазолды QT аралығын ұзартатын препараттармен бірге қолданғанда.
Қан және лимфа жүйесі тарапынан бұзылыстар
Өте сирек:
- Агранулоцитоз, нейтропения, тромбоцитопения.
Белгісіз:
- Лейкопения.
Бауыр және өт шығару жолдары тарапынан бұзылыстар
Өте сирек:
- «Бауырлық» ферменттердің белсенділігінің жоғарылауы (ACT, ALT, сілтілі фосфатаза), холестатикалық немесе аралас гепатиттің дамуы, гепатоцеллюлярлық зақымдану, кейде сарғаюмен бірге.
- Метронидазолды басқа антибиотиктермен бірге қабылдаған пациенттерде бауыр жеткіліксіздігі дамыған жағдайлар тіркелген, бауыр трансплантациясын қажет еткен.
Тері және теріасты тіндері тарапынан бұзылыстар
Сирек:
- Крапивница.
Өте сирек:
- Бөртпе, тері қышуы, теріге қан ағуы, гиперемия.
- Пустулезді тері бөртпесі.
- Жедел генерализденген экзантематозды пустулез.
Белгісіз:
- Фиксацияланған дәрілік бөртпе.
- Стивенс-Джонсон синдромы, токсикалық эпидермальды некролиз.
Бүйрек және несеп шығару жолдары тарапынан бұзылыстар
Өте сирек:
- Несептің қоңыр-қызғылт түске боялуы (метронидазолдың суда еритін метаболитіне байланысты).
Белгісіз:
- Дизурия, полиурия, цистит, несеп ұстамау, кандидоз.
Жалпы бұзылыстар және енгізу орнындағы реакциялар
Сирек:
- Қызба, мұрын бітелуі, артралгия, әлсіздік.
- Жыныстық серіктесте жыныс мүшесінің күйдіруі немесе тітіркенуі, күйдіру сезімі немесе жиі несеп шығару, вульвит (қышу, күйдіру, шырышты қабықтың гиперемиясы).
Инфекциялық және паразиттік аурулар
Белгісіз:
-Препаратты тоқтатқаннан кейін қынап кандидозының дамуы мүмкін.
Зертханалық және аспаптық деректер
Белгісіз:
- ЭКГ-де Т тісшесінің тегістелуі.
Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек
Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
