Линезол таблетки 600 мг

Бір таблетканың құрамында белсенді зат – линезолид (II түрі) 600 мг, қосымша заттар: лактоза моногидраты (Фарматозе 200 М), жүгері крахмалы (экстра ақ), гидроксипропилцеллюлоза (Клуцел LXF), лактоза моногидраты (Супертаб 11 СД), тазартылған су*, натрий крахмал гликоляты (Примежель), магний стеараты, қабықтың құрамы: Опадри ақ 03В58895** * соңғы өнімде жоқ ** НРМС 2910/Гипромеллоза 6сР, титанның қостотығы (Е171), макрогол/ПЭГ 400, карнауб балауызы Сыртқы түрінің, иісінің, дәмінің сипаттамасы Сопақша пішінді, екі беті дөңес, ақтан ақ дерлік түске дейінгі үлбірлі қабықпен қапталған, бір жағында 'H' және екінші жағында 'L8' өрнегі бар таблеткалар.

• ауруханалық пневмония • ауруханадан тыс пневмония Линезол препараты ересектерде грамоң бактериялардан туындаған ауруханадан тыс және ауруханаішілік пневмонияны емдеу үшін көрсетілген. Линезол препаратын тағайындаған кезде микробиологиялық зерттеулердің нәтижелерін және грамоң бактериялардың төзімділігі туралы ақпаратты назарға алу керек. Линезолид грам-теріс микроорганизмдер тудыратын инфекцияларға қарсы белсенді емес. Грамтеріс микроорганизмдерге қарсы спецификалық терапия, егер грамтеріс қоздырғыш белгілі болса немесе оған күдік болса, бір уақытта басталуы керек. • тері мен жұмсақ тіндердің асқынған инфекциялары Линезол препараты тері мен жұмсақ тіндердің асқынған инфекцияларын емдеу үшін микробиологиялық зерттеумен инфекцияның сезімтал грамоң бактериялардан туындағаны анықталған жағдайларда ғана көрсетілген. Грамтеріс микроорганизмдерден туындаған инфекцияларға қатысты белсенді емес. Линезол препаратын тері мен жұмсақ тіндердің асқынған инфекциялары бар пациенттерге инфекция қоздырғыштары белгілі кезде немесе грамтеріс микроорганизмдермен бірлескен инфекция кезінде емдеудің баламалы нұсқалары болмаған жағдайда тағайындау керек. Мұндай жағдайларда грамтеріс микроорганизмдерге қарсы ем бір мезгілде басталуы тиіс. Линезолидпен емдеу стационар жағдайларында және микробиологпен немесе инфекционист дәрігермен кеңескеннен кейін жүргізілуі тиіс.

Фармакодинамикалық әсерлер Линезол - белсенді зат, линезолид бар синтетикалық бактерияға қарсы препарат, аэробты грамоң бактерияларға, кейбір грамтеріс бактерияларға және анаэробты микроорганизмдерге қарсы in vitro белсенді оксазолидинондарға жатады. Линезолид бактериялық ақуыздардың синтезін селективті түрде тежейді. Бактериялық рибосомалармен байланысу арқылы ол ақуыз синтезіндегі тасымалдау процесінің маңызды құрамдас компоненті болып табылатын 70S функционалды бастамалайтын кешеннің пайда болуына жол бермейді. Сезімталдық Қоздырғыштардың жекелеген түрлері үшін линезолидке жүре пайда болған төзімділіктің таралуы уақыт өте келе географиялық тұрғыдан да өзгеруі мүмкін және резистенттілік туралы жергілікті ақпарат, әсіресе ауыр инфекцияларды емдеу кезінде қажет болады. Қажет болған жағдайда резистенттіліктің жергілікті таралуы қоздырғыш үшін линезолид пайдалылығы, кем дегенде, инфекциялардың кейбір түрлерінде күмәнді болған кезде маманнан кеңес алу керек. Сезімтал қоздырғыштар Грамоң аэробтар: Enterococcus faecalis, Enterococcus faecium*, Staphylococcus aureus*, коагулаза-теріс стафилококктар, Streptococcus agalactiae*, Streptococcus pneumoniae*, Streptococcus pyogenes*, С тобының стрептококктары, G тобының стрептококктары. Грамоң анаэробтар: Clostridium perfringens, Peptostreptococcus anaerobius, Peptostreptococcus species. Линезолидке резистентті микроорганизмдер: Haemophilus influenza, Moraxella catarrhalis, Neisseria species, Enterobacteriaceae, Pseudomonas species. * Клиникалық тиімділік бекітілген клиникалық көрсеткіштер бойынша сезімтал изоляттар үшін көрсетілді. Линезолид Legionella, Chlamydia pneumoniae және Mycoplasma pneumoniae қатысты кейбір in vitro белсенділікті көрсетсе де, клиникалық тиімділікті көрсету үшін деректер жеткіліксіз. Резистенттілік Линезолидтің әсер ету механизмі антибиотиктердің басқа кластарынан ерекшеленеді. Бактериялардың клиникалық изоляттарымен in vitro зерттеулер (соның ішінде метициллинге төзімді стафилококктар, ванкомицинге төзімді энтерококктар және пенициллин мен эритромицинге төзімді стрептококктар) линезолидтің әдетте микробқа қарсы препараттардың бір немесе бірнеше класына төзімді микроорганизмдерге қарсы белсенді екенін көрсетеді. Линезолидке төзімділік 23S рибосомалық РНҚ-дағы нүктелік мутациялармен байланысты. Басқа антибиотиктер сияқты, емдеу қиын инфекциялары бар пациенттерде және/немесе ұзақ уақыт бойы линезолидті қолданғанда сезімталдықтың күрт төмендеуі байқалды. Энтерококк линезолидіне, алтын стафилококк пен коагулаза теріс стафилококкқа резистенттілік туралы хабарланды. Бұл әдетте ұзақ терапия курстарымен және протездік материалдардың немесе құрғатылмаған абсцесстердің болуымен байланысты болды. Ауруханада антибиотиктерге төзімді микроорганизмдер болған кезде инфекцияны бақылау жүйесіне ерекше назар аудару керек.

Дозалау режимі Ересектерге арналған ұсынылатын дозалар мен емдеу ұзақтығы. Емдеу ұзақтығы инфекцияның қоздырғышына, орналасуы мен ауырлығына, сондай-ақ, клиникалық әсерге байланысты. Терапияның басында препаратты вена ішіне тағайындаған пациенттерді әрі қарай ішке қабылдауға арналған препараттың дәрілік түріне ауыстыруға болады, бұл ретте, ішке қабылдаған кезде биожетімділік дерлік 100% құрайтын болғандықтан, дозаны таңдау талап етілмейді. Ересектер Көрсетілімдері — Дозалау — Емдеу ұзақтығы Ауруханалық пневмония — Күніне екі рет 600 мг — 10 - 14 күн қатарынан Ауруханадан тыс пневмония Тері мен жұмсақ тіндердің күрделі инфекциялары — Күніне екі рет 600 мг — 10 - 14 күн қатарынан Пациенттердің ерекше топтары Балалар 18 жасқа дейінгі балалардағы линезолидтің қауіпсіздігі мен тиімділігі анықталмаған. Қазіргі уақыттағы деректер бойынша 18 жасқа дейінгі балаларда линезолидті қолдану ұсынылмайды. Егде жастағы пациенттер Дозаны түзету талап етілмейді. Бүйрек жеткіліксіздігі бар пациенттер Дозаны түзету талап етілмейді. Бүйрек жеткіліксіздігі ауыр пациенттер (CL CR<30 мл/мин) Дозаны түзету талап етілмейді. Бүйректің ауыр жеткіліксіздігі бар пациенттерде линезолидтің негізгі екі метаболитінің жоғары экспозициясының (10 есеге дейін) клиникалық маңыздылығының белгісіздігіне байланысты, ондай пациенттерде Линезолид препаратын сақтықпен және тек, емдеудің күтілетін пайдасы ықтимал қаупінен асып түсетін жағдайда ғана қолдану қажет. Линезолидтің қабылданған дозасының 30%-ы гемодиализ кезінде 3 сағат ішінде жойылатын болғандықтан, Линезолид препаратын гемодиализ емшарасынан кейін қолдану қажет. Линезолидтің бастапқы метаболиттерінің белгілі бір бөлігі гемодиализ кезінде шығарылады, бірақ бұл метаболиттерінің концентрациясы, бүйрек функциясы қалыпты немесе бүйрек жеткіліксіздігі жеңіл және орташа дәрежедегі пациенттердегіге қарағанда диализден кейін айтарлықтай жоғары болып қалады. Сондықтан, Линезолид препаратын бүйрек жеткіліксіздігінің ауыр дәрежесі бар, гемодиализ қабылдап жүрген пациенттерде аса сақтықпен және тек, күтілетін пайдасы ықтимал қаупінен асып түсетін жағдайда ғана пайдалану керек. Линезолидті үздіксіз амбулаториялық перитонеальді диализ қабылдап жүрген пациенттерде қолдану тәжірибесі жоқ. Бауыр жеткіліксіздігі бар пациенттер Дозаны түзету талап етілмейді. Алайда, клиникалық деректер санының шектеулігіне байланысты, Линезолид препаратын мұндай пациенттерде тек, күтілетін пайдасы ықтимал қаупінен асып түсетін жағдайда ғана қолдану ұсынылады. Енгізу жолы және тәсілі Пероральді. Линезолид препаратын тамақтану кезінде де, тамақтану арасында да қабылдауға болады.

• линезолидке немесе қосымша заттардың кез келгеніне аса жоғары сезімталдық • моноаминоксидаза А немесе моноаминоксидаза В тежегіштерімен бір мезгілде қабылдау (мысалы, фенелзин, изокарбоксазид, селегилин, моклобемид) немесе көрсетілген дәрілік заттарды қабылдауды тоқтатқаннан кейін 2 апта ішінде • бақыланбайтын артериялық гипертензия • феохромоцитома • карциноидты синдром • тиреотоксикоз • биполярлық депрессия, шизоаффективті бұзылыстар, сананың шатасуының жедел эпизодтары • серотонинді кері қармау тежегіштерімен (мысалы, антидепрессанттар (СКҚСТ)), апиындармен, трициклдік антидепрессанттармен, 5-НТ 1 рецепторлардың агонистерімен (триптандар), тікелей және тікелей емес әсер ететін симпатомиметиктермен (адренергиялық бронхолитиктерді, псевдоэфедрин мен фенилпропаноламинді қоса), вазопрессорлармен (мысалы, адреналин, норадреналин), дофаминергиялық дәрілермен (мысалы, дофамин, добутамин), меперидинмен немесе буспиронмен • тұқым қуалайтын фруктоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы • жүктілік және бала емізу кезеңі • балалар мен 18 жасқа дейінгі жасөспірімдер

Жиі • жүрек айнуы, құсу, диарея • іш ауыруы (жергілікті немесе жайылған); іш қатуы, диспепсия • бас ауыруы, бас айналуы • ұйқысыздық • ауыздың шырышты қабығының кандидозы, қынаптық кандидоз, зең инфекциялары • анемия • артериялық гипертензия • бауыр ферменттері (аланинаминотрансфераза (АЛТ), аспартатаминотрансфераза (ACT) белсенділігінің, сілтілік фосфатазаның (СФ) жоғарылауы • қалдықтық азоттың, ЛДГ, креатинкиназаның, липазаның, амилазаның, аш қарындағы глюкозаның жоғарылауы • жалпы ақуыздың, альбуминнің, натрийдің, кальцийдің төмендеуі; калийдің, бикарбонаттың жоғарылауы немесе төмендеуі • қызба • нейтрофилия, эозинофилия, гемоглобиннің, гематокриттің және эритроциттердің төмендеуі • тромбоцитопения, лейкопения немесе тромбоцитоз және лейкоцитоз • дәм сезудің өзгеруі (ауыздың темір татуы) • тері бөртпесі, қышыну Жиі емес • нейтропения • вагиниттер • гипонатриемия • құрысу, гипестезия, парестезия • көздің бұлдырауы • құлақтың шыңылдауы • қалтырау • аритмия, тахикардия • флебит, тромбофлебит, өтпелі ишемиялық шабуыл • панкреатит, гастрит, ауыздың құрғауы, глоссит, стоматит, тіл түсінің өзгеруі, іштің кебуі, нәжістің сұйылуы • жалпы билирубиннің жоғарылауы • тромбоцитопения, эозинофилия • натрий мен кальций деңгейінің жоғарылауы • есекжем, дерматит, тершеңдік • креатининнің жоғарылауы, полиурия, бүйрек жеткіліксіздігі • вульвовагинальді бұзылулар • шаршау, шөлдеу • аш қарындағы глюкозаның төмендеуі, хлоридтердің жоғарылауы немесе артуы • ретикулоциттердің жоғарылауы Сирек • антибиотикпен астасқан колит (жалған жарғақшалы колитті қоса) • панцитопения • көру өрісінің өзгеруі • тіс түсінің өзгеруі Белгісіз • миелосупрессия, сидеробластты анемия • анафилаксия • лактоацидоз • серотониндік синдром, шеткері нейропатия, көру жүйкесінің нейропатиясы, түстерді ажыратудың өзгерістері, көру жүйкесінің невриті, көрмей қалу, көру жітілігінің өзгеруі • Стивенс-Джонсон синдромы, уытты эпидермалық некролиз сияқты терінің буллездік зақымдануы, ангионевроздық ісіну, алопеция. Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Симптомдары: кездейсоқ артық дозаланғанда жағымсыз әсерлер жоғарылауы мүмкін. Емдеу: симптоматикалық емдеу; шумақтық сүзгілеуді, гемодиализді сақтауға бағытталған шаралар. Линезолид дозасының шамамен 30% - ы 3 сағаттық гемодиализден кейін шығарылады.

Миелосупрессия Миелосупрессия (соның ішінде, анемия, лейкопения, панцитопения және тромбоцитопения) линезолидті қабылдаған пациенттерде байқалды. Линезолидпен емдеуді тоқтатқаннан кейін, гематологиялық параметрлер емдеу басталғанға дейін анықталған деңгейлеріне қайта келген. Осы әсерлердің даму қаупі емдеу ұзақтығына байланысты болуы мүмкін. Линезолид қабылдайтын егде жастағы пациенттерде қанның патологиялық өзгерістерінің туындау қаупі жас пациенттерге қарағанда көбірек болуы ықтимал. Тромбоцитопения пациентке гемодиализдің жүргізіліп жүргізілмегеніне қарамастан бүйректің ауыр жеткіліксіздігі бар пациенттерде жиі байқалуы мүмкін. Бұрыннан анемиясы, гранулоцитопениясы немесе тромбоцитопениясы бар пациенттерде; сондай-ақ, шеткері қандағы гемоглобин деңгейін немесе тромбоциттер санын төмендетуге, немесе олардың функциясын бәсеңдетуге қабілетті препараттарды бір мезгілде қабылдап жүрген; бүйректің ауыр жеткіліксіздігі бар; линезолидті 10-14 күннен артық қабылдап жүрген пациенттерде қанның толық талдауын мұқият бақылау ұсынылады. Мұндай пациенттер үшін Линезол препаратын тағайындау тек, қан талдауына, гемоглобин деңгейі мен тромбоциттер санына мұқият мониторинг жүргізілген жағдайда ғана мүмкін болады. Егер Линезол препаратымен емдеу кезінде елеулі миелосупрессия байқалса, емді жалғастыру аса қажет болған жағдайлардан басқа, ем тоқтатылуы тиіс. Мұндай жағдайларда, қанның толық талдауы көрсеткіштеріне қарқынды мониторинг жүргізу және пациентке ем жүргізудің сәйкесінше стратегияларын қолдану керек. Линезолидті аптасына 1 рет қабылдап жүрген пациенттерде, қан талдауының бастапқы көрсеткіштеріне қарамастан, қанның толық талдауына (соның ішінде, гемоглобин, тромбоциттер, лейкоциттердің жалпы және дифференциалды мөлшері) мониторинг жүргізу ұсынылады. Линезолидті ұсынылған ең жоғарғы мерзім- 28 күннен ұзақ қабылдайтын пациенттерде күрделі анемияның даму жиілігі жоғарылағаны туралы мәліметтер бар. Ондай пациенттер көбіне қан құюды қажет етеді. Сидеробластты анемия жағдайлары маркетингтен кейінгі кезеңде тіркелді. Сидеробластты анемия линезолидті 28 күннен артық қабылдаған пациенттердің көпшілігінде байқалды. Пациенттердің көпшілігі линезолидті қабылдауды тоқтатқаннан кейін толықтай немесе ішінара қалпына келген. Қанның катетермен астасқан грамоң инфекциялары бар пациенттерде жүргізілген клиникалық сынақтардағы өлім көрсеткіштерінің теңгерімсіздігі Ванкомицин/диклоксациллин/оксациллин біріктірілімімен салыстырғанда, грамоң қоздырғыштардан туындаған катетермен сепсистік инфекциялары бар, науқасы күрделі, линезолидпен емделіп жүрген пациенттерде өлім деңгейінің жоғарылағаны туралы деректер бар. Өлім жағдайларының жиілігі линезолид пен салыстыру препараттарын қолданғанда сәйкесінше 78/363 (21,5%) және 58/363 (16,0%) құрады. Өлім деңгейіне ықпал ететін негізгі фактор, емдеу басталғанға дейін грамоң инфекцияның болуы болды. Өлім деңгейі тек грамоң микроорганизмдерден туындаған инфекциялары бар пациенттердегі өлім деңгейіне ұқсас (арақатынасы 0,96; 95% сенімді аралығы: 0.58-1.59), бірақ емдеу басталғанға дейін кез келген басқа патогендерден немесе патоген еместерден туындаған инфекциясы бар пациенттерде линезолидте едәуір жоғары (р = 0,0162) болды (арақатынасы 2,48, 95% сенімді аралығы: 1.38-4.46). Аса үлкен теңгерімсіздік емдеу кезінде және линезолидті қабылдау тоқтатылғаннан кейін 7 күн ішінде байқалды. Линезолидті қабылдаған пациенттердің көпшілігінде, зерттеу барысында грамтеріс микроорганизмдерден туындаған инфекциялар қосылған және грамтеріс патогендерден туындаған инфекциялар мен полимикробтық инфекциядан өлу жағдайлары байқалған. Осылайша, тері мен жұмсақ тіндердің асқынған инфекциясы кезінде линезолидті грамтеріс микроорганизмдерден туындаған болуы мүмкін белгілі немесе біріккен инфекциясы бар пациенттерде тек, егер емдеудің баламалы әдістері болмаса ғана пайдалану керек. Мұндай жағдайларда грамтеріс микроорганизмдерге қарсы ем бір мезгілде басталуы тиіс. Антибиотикпен астасқан диарея және колит Жалған жарғақшалы колит бактерияға қарсы препараттардың барлығын дерлік, соның ішінде Линезол препаратын қабылдаған кезде де байқалады; оның ауырлық дәрежесі елеусізден өмірге қауіп төндіретінге дейін ауытқып отыруы мүмкін. Сондықтан, бактерияға қарсы кез келген препаратты қабылдағаннан кейін диареямен жүгінетін пациенттерге осы диагноздың болу мүмкіндігін ескеру маңызды. Антибиотикпен астасқан колитке күдік туындағанда немесе ол расталғанда, Линезол препаратын қабылдауды тоқтатқан дұрыс. Тиісті шараларды қабылдау қажет. Линезолидті қоса, бактерияға қарсы препараттардың барлығын дерлік пайдалануға байланысты антибиотикпен астасқан диарея және жалған жарғақшалы колит пен Clostridium difficile-мен астасқан диареяны қоса, антибиотикпен астасқан колит жағдайлары туралы хабарланған, олардың ауырлық дәрежелері елеусіз диареядан бастап өлімге соқтыратын колитке дейін ауытқып отыруы мүмкін. Сондықтан, Линезол препаратын қолдану кезінде немесе қолданғаннан кейін күрделі диарея байқалатын пациенттерде бұл диагнозды қарастыру маңызды. Антибиотикпен астасқан диареяға немесе антибиотикпен астасқан колитке күдік туындаған немесе ол расталған жағдайда, Линезол препаратымен емдеу тоқтатылуы және дереу тиісті емдеу шаралары қолданылуы тиіс. Бұл жағдайда ішек перистальтикасын тежейтін препараттар қарсы көрсетілімді. АҚ жоғарылауын тудыратын потенциалды өзара әрекеттесулер АҚ ықтимал артуына қатысты пациенттерді бақылау мүмкін болатын жағдайларды қоспағанда, линезолидті бақыланбайтын АГ, феохромоцитомасы, тиреотоксикозы бар және/немесе мына дәрілік заттарды қатар қолданатын пациенттерге тағайындауға болмайды: тікелей және тікелей емес симпатомиметиктер (мысалы, псевдоэфедрин), вазопрессорлар (мысалы, эпинефрин, норэпинефрин) дофаминергиялық дәрілер (мысалы, допамин, добутамин). Лактоацидоз Линезолид препаратын қолданған кезде лактоацидоздың даму жағдайлары туралы хабарланған. Линезол препаратын қолданған кезде қайталанатын жүрек айнуы немесе құсу, іш ауыруы, қандағы бикарбонат деңгейінің төмендеуін қоса, метаболиздік ацидоз белгілері мен симптомдары бар пациенттерге тез арада медициналық көмек көрсетілуі тиіс. Сүт қышқылды ацидоз туындаған жағдайда, ықтимал қауіптерін таразылай отырып, препаратты ары қарай қолдану туралы шешімді қабылдау қажет. Митохондриялық дисфункция Линезолид ақуыздың митохондриялық синтезін тежейді. Лактоацидоз, анемия және нейропатиялар (көру жүйкесінің және шеткері) сияқты жағымсыз әсерлер ақуыз синтезінің тежелуі нәтижесінде туындауы мүмкін; ол әсерлер препаратты 28 күннен артық қолданған кезде жиірек байқалады. Серотониндік синдром Линезолид пен антидепрессанттарды қоса алғанда, серотонергиялық препараттарды, атап айтқанда, серотонинді кері қармаудың селективті тежегіштерін (СКҚСТ) бір мезгілде қолдануға байланысты серотониндік синдром туындаған жағдайлар туралы мәліметтер алынған. Линезолид пен серотонинергиялық препараттарды қабылдау клиникалық тұрғыдан қажет болып табылатын жағдайларда қоспағанда, линезолид пен серотонинергиялық препараттарды бірге қабылдау қарсы көрсетілімді. Ондай жағдайда, пациент когнитивтік дисфункция, гиперпирексия, гиперрефлексия және қимыл-қозғалыс үйлесімінің бұзылуы сияқты серотониндік синдром белгілері мен симптомдарының дер кезінде анықтау үшін мұқият бақылауда болуы тиіс. Аталған белгілер мен симптомдар туындаған жағдайда, дәрігер бұл екі препараттың екеуінің біреуін немесе екеуін де қолдануды тоқтату қажеттілігі туралы мәселені қарастыруы тиіс. Серотонинергиялық препаратты тоқтатқан кезде аталған симптомдар жоғалуы мүмкін. Шеткері және көру жүйкесінің нейропатиясы Линезолидті қабылдап жүрген, көбінесе, препараттың ұсынылған ең жоғарғы мерзімі - 28 күннен ұзақ қабылдайтын пациенттерде шеткері нейропатия, көру жүйкесінің нейропатиясы, көру жүйкесінің невриті, көрмей қалу дамуы мүмкін. Көру жітілігінің төмендеуі, түстерді ажыратудың өзгеруі, анық көрмеу, көру аясының ақаулары сияқты симптомдар туындаған жағдайда, тез арада офтальмологиялық тексеруден өту ұсынылады. Линезолидті 28 күннен артық қабылдағанда, көру функциясын жүйелі түрде бақылап отыру керек. Шеткері немесе көру жүйкесінің нейропатиясы дамыған жағдайда, линезолидті қолданудың талапқа сай болатындығын және оған байланысты ықтимал қауіпті таразылау керек. Нейропатиялардың туындауының жоғары қаупі туберкулезді емдеуге арналған микобактерияға қарсы дәрілерді қабылдап жүрген немесе жуырда қабылдаған пациенттерде байқалады. Құрысулар Линезолидті қабылдаған пациенттерде құрысулар туындағаны туралы деректер бар. Бұл жағдайлардың көпшілігінде пациенттердің анамнезінде құрысу ұстамаларының немесе құрысулар туындауының қауіп факторлары болғаны туралы хабарланды. Пациенттер дәрігерді анамнезінде құрысулар мен құрысу ұстамаларының бар екендігінен хабардар етуі тиіс. Моноаминооксидаза тежегіштері Линезолид моноаминоксидазаның қайтымды селективті емес тежегіші болып табылады. Клиникалық мәліметтердің шектеулілігіне байланысты, линезолидті моноаминооксидаза тежегіштерімен бір мезгілде қабылдау ұсынылмайды. Тираминге бай азық-түліктерді пайдалану Пациенттер тираминге бай тағамдарды тұтынбауы керек. Суперинфекция Ішектің қалыпты микрофлорасына линезолидтің әсеріне клиникалық зерттеулер жүргізілген жоқ. Антибиотиктерді қолдану сезімтал емес микроорганизмдердің көбеюін туғызуы мүмкін, мысалы, линезолидтың ұсынылған дозаларын қабылдаған пациенттердің шамамен 3% -да кандидоз байқалған. Линезолидпен емдеу кезінде суперинфекция дамыған жағдайда, сәйкесінше шараларды қолдану қажет. Бауыр және бүйрек жеткіліксіздігі кезінде қолданылуы Бүйректің ауыр жеткіліксіздігі бар пациенттерде ерекше сақтық таныту және линезолидті тек, егер күтілетін пайдасы ықтимал қаупінен асып түсетін болса ғана қолдану ұсынылады. Бауыр функциясы ауыр бұзылған пациенттерге линезолидті тек, күтілетін пайдасы ықтимал қаупінен асып түсетін жағдайларда ғана қолдану ұсынылады. Фертильділікке әсері Линезолид ересек еркек егеуқұйрықтарда адамдағы осындайға жуық әсер ету деңгейлерінде фертильділікті қайтымды төмендетеді және шәуеттің аномальді морфологиясын индукциялайды. Ер адамның ұрпақ өрбіту жүйесіне линезолидтің ықтимал әсерлері белгісіз. Клиникалық зерттеулер Линезолидті 28 күннен астам уақыт бойы қолданғанда қауіпсіздігі мен тиімділігі анықталмаған. Линезолидті табанның диабеттік зақымдануы, ойылу, ишемиялық зақымданулары, ауыр күюлері немесе гангренасы бар пациенттерде қолдану тәжірибесі шектеулі. Лактоза Линезол препаратының құрамында лактоза бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге бұл препаратты қолдану ұсынылмайды. Арнайы ескертулер Педиатрияда қолдану Балалар мен 18 жасқа дейінгі жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Линезолидті қабылдау кезінде жағымсыз реакциялардың болуына байланысты (бас айналу, көрудің бұзылуы) және осы симптомдардың кез келгені пайда болған кезде көлік құралдарын немесе механизмдерді басқарудан бас тарту керек.

Линезол препаратын жүктілік немесе лактация кезінде қолдануға болмайды.

Моноаминооксидаза тежегіштері Линезолид моноаминоксидазаның қайтымды селективті емес тежегіші болып табылады. Линезолидпен өзара әрекеттесулердің клиникалық зерттеулерінің шектеулі деректері бар. Сондықтан, пациентті мұқият қадағалау және мониторинг жүргізу мүмкін болмаса, линезолидті моноаминооксидаза тежегіштерімен бір мезгілде қабылдау ұсынылмайды. Артериялық қысымның жоғарылауына алып келетін препараттармен өзара әрекеттесулері Линезолидті псевдоэфедринмен немесе фенилпропаноламинмен бірге қабылдау систолалық артериялық қысымның тек линезолидті ғана қабылдағандағы 11-15 мм.сын.бағ. жоғарылауымен және тек псевдоэфедринді немесе фенилпропаноламинді ғана қабылдағандағы 14-18 мм.сын.бағ. жоғарылауымен және плацебо қабылдағандағы 8-11 мм.сын.бағ. жоғарылауымен салыстырғанда, 30-40 мм.сын.бағ. жоғарылауына әкеледі. Вазопрессорлық әсері бар дәрілік препараттардың, соның ішінде, дофаминергиялық препараттардың дозаларын титрлеу ұсынылады. Серотонинергиялық препараттар Линезолидті серотонинергиялық препараттармен, соның ішінде, серотонинді кері қармаудың селективті тежегіштері (СКҚСТ) сияқты антидепрессантармен қолданған кезде, серотониндік синдром жағдайлары тіркелді. Демек, осы дәрілік препараттарды бір мезгілде қабылдау қарсы көрсетілген. Тираминге бай азық-түлікті қабылдау Линезолид пен тираминді кемінде 100 мг мөлшерде қабылдаған пациенттерде елеулі прессорлық жауап байқалған жоқ. Құрамында тирамин мөлшері жоғары азық түлік пен сусындардың (мысалы: ірімшік, ашытқы экстрактілері, дистиляцияланбаған алкогольдік ішімдіктер, соя соусы) тұтынылуын болдырмау қажет. P450 цитохромы арқылы метаболизденетін препараттар Р450 цитохромының изоферменттері линезолидтің in vitro метаболизміне қатыспайтыны анықталды. Линезолид Р450 цитохромының клиникалық тұрғыдан маңызды изоферменттерінің (1А2, 2С9, 2С19, 2D6, 2Е1, 3А4) белсенділігін тежемейді және күшейтпейді. Рифампицин Рифампицин линезолидтің Cmax және AUC орташа есеппен 21% төмендетеді. Бұл өзара әрекеттесудің механизмі және оның клиникалық маңызы белгісіз. Варфарин Варфарин мен линезолидті тұрақты күйде бірге қолданған кезде ХҚҚ орташа ең жоғары мәнінің 10% төмендеуі, линезолидтің AUC 5% төмендеуі байқалды. Бұл нәтижелердің клиникалық маңыздылығын бағалау үшін деректер жеткіліксіз.

Сақтау мерзімі 2 жыл Жарамдылық мерзімі өткеннен кейін қолдануға болмайды. Сақтау шарттары Құрғақ, жарықтан қорғалған жерде, 25 °С-ден аспайтын температурада сақтау керек. Балалардың қолы жетпейтін жерде сақтау керек!