Бальзамдық линимент (Вишневский бойынша) линимент

100 г линименттің құрамында: белсенді заттар: Қайың қара майы – 3,0 г Висмут трибромфеноляты және висмут тотығы кешені (ксероформ) – 3,0 г Қосымша заттар: коллоидты кремнийдің қостотығы (аэросил), майсана майы. Сыртқы түрінің, иісінің, дәмінің сипаттамасы Өзіне тән иісі бар, ашық-сарыдан қоңыр түске дейінгі линимент.

Препарат ересектер мен балаларда қолдануға арналған. - тері мен жұмсақ тіндердің жарақаттан кейінгі, операциядан кейінгі ұзақ уақыт жазылмайтын, инфекция жұқтырмаған жаралары.

Дерматология. Антисептиктер және дезинфекциялайтын дәрілер. Басқа антисептиктер және дезинфекциялайтын препараттар. АТХ коды D08AX Фармакодинамикалық әсерлері Сыртқа қолдануға арналған біріктірілген препарат. Антисептикалық және жергілікті тітіркендіретін әсер көрсетеді, регенерация үдерісін жеделдетеді.

Дозалау режимі Ересектер Сыртқа, зақымданған бөлікке жұқа етіп жағады немесе линимент сіңірілген дәке таңғыш таңылады. Егер емнен кейін жақсару болмаса немесе симптомдар нашарласа немесе жаңа симптомдар пайда болса, дәрігермен кеңесу қажет. Препарат тек қосымша парақта көрсетілген көрсеткіштерге, қолдану тәсіліне және дозаларға сәйкес қолданылады. Балалар Препарат балаларда ересектердегі сияқты пайдаланылады. Егде жастағы пациенттер. Егде жаста қолдануға шектеулер жоқ. Енгізу әдісі мен жолы Сыртқа қолдануға арналған Емдеу ұзақтығы Аурудың симптомдары сақталған жағдайда дәрігерге жүгіну керек. Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар Қолдану тәсілі бойынша сұрақ туындаған жағдайда медицина қызметкеріне немесе фармацевтке жүгініңіз.

- әсер етуші заттарға немесе қосымша заттардың кез келгеніне жоғары сезімталдық - тері мен жұмсақ тіндердің жедел іріңді аурулары (абсцесті фурункул, карбункул, флегмона, абсцесс, гидраденит, лимфаденит, іріңдеген атерома, липома, парапроктит, плевра эмпиемасы)

Жиілігі белгісіз: - аллергиялық реакциялар - ұзақ уақыт қолданған кезде ісіну, қызарып қышыну түріндегі терінің тітіркенуі. Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Препаратты қолдану жөніндегі нұсқаулыққа сәйкес қолданғанда артық дозалануы екіталай. Симптомдары: қышыну, бөртпе. Емі: препаратты тоқтату және симптоматикалық емдеу.

Линименттің көзге түсуіне немесе ішке қабылдануына жол бермеу керек. Көзге түскен жағдайда оны сумен шаю және дәрігерге жүгіну қажет. Линиментті жаққаннан кейін препараттың көзге, мұрынға және ауызға түсуінің алдын алу үшін қолды мұқият жуу керек. Фенолға және оның туындыларына жоғары сезімталдығы бар адамдарға қолдану ұсынылмайды. Линиментте жағымсыз иіс бар және киімде із қалдырады. Бальзамдық линименттің құрамына кіретін қайың қарамайы күн сәулесіне сезімталдықты арттырады, сондықтан препаратпен емдеу кезінде күн астында жүруден аулақ болу керек. Препарат құрамында майсана майы бар, жергілікті қолдану кезінде тері реакциялары болуы мүмкін. Арнайы ескертулер Педиатрияда қолдану Препарат балаларда ересектердегі сияқты пайдаланылады. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Бальзамдық линимент (Вишневский бойынша) көлік құралдарын басқару және механизмдермен жұмыс істеу қабілетіне әсер етпейді.

Жүктілік Қажет болған жағдайда препаратты дәрігердің тағайындауы бойынша қолдануға болады. Бала емізу Қажет болған жағдайда препаратты дәрігердің тағайындауы бойынша қолдануға болады.

Анықталмаған

Сақтау мерзімі 5 жыл Жарамдылық мерзімі өткеннен кейін қолдануға болмайды Сақтау шарттары 150С-ден аспайтын температурада сақтау керек. Балалардың қолы жетпейтін жерде сақтау керек!