Ломексин крем 2%

100 г кремнің құрамында белсенді зат - фентиконазол нитраты 2,00 г қосымша заттар: глицерил моностеараты, ЭДТА динатрий тұзы, май қышқылдарының полигликоль эфирі, гидрогенделген ланолин, тәтті бадам майы, пропиленгликоль, цетил спирті, тазартылған су Сыртқы түрінің, иісінің, дәмінің сипаттамасы Ақ түсті біртекті крем.

Ломексин дәрілік препараты C. albicans немесе препаратқа сезімтал беткейлік дерматофиттерден туындаған инфекцияларды жергілікті емдеу үшін, сондай-ақ түрлі түсті кебекті теміреткімен күресу үшін қолданылады. Имидазол туындылары онихомикозды және эритразманы емдеуде сәтті қолданылады.

AТХ коды D01AC12 Әсер ету механизмі Фентиконазол нитраты - гинекологияда сыртқа және жергілікті қолдануға арналған кең спектрлі әсер ететін зеңге қарсы белсенді зат. Имидазолдың синтетикалық туындысы (оның фентиконазолдың азот қышқылы тұзы түріндегі рацемиялық қоспасы). Trychophyton spp., Microsporum spp., Epidermophyton spp., ашытқы зеңдері Candida spp. ( Candida аlbiсапsқоса) дерматофиттеріне және тері мен шырышты қабаттардың (Pityrosporum orhiculare және Р. Ovale) зең инфекцияларының басқа қоздырғыштарына қатысты фунгицидтік, фунгистатикалық әсер етеді. Фентиконазол грамоң бактерияларға қатысты бактерияға қарсы әсерге ие (Staphylococcus aureus, Streptococcus spp.), сондай-ақ Trichomonas vaginalis қатысты белсенді. Фентиконазол үш түрлі механизмдер бойынша зеңге қарсы белсенділікті көрсетеді: 1) ланостеролды эргостеролға айналдыру үшін қажет P450 зең изоферментін тежеу арқылы цитоплазмалық жарғақшаны өзгерту; 2) цитохромоксидаза мен пероксидаза блокадасы; 3) Candida albicans қышқыл протеазасының босап шығуын тежеу.

Дозалау режимі Дерматомикоз кезінде жергілікті сыртқа қолдануға арналған Ломексин кремін терінің зақымданған жерлеріне күніне 1-2 рет жағады. Емдеу ұзақтығы қоздырғыштың этиологиясына және инфекцияның орналасуына байланысты. Аурудың симптомдары әдетте 2-4 аптадан кейін басылады. Ұсынылатын емдеу ұзақтығы - 4 апта. Балалар Балалар мен 18 жасқа дейінгі жасөспірімдерде препараттың қауіпсіздігі мен тиімділігі анықталмаған. Балаларда препаратты қолдану туралы деректер жоқ. Егде жастағы пациенттер Дозаны түзету қажет емес. Бауыр/бүйрек функциясының жеткіліксіздігі бар пациенттер Деректер жоқ. Енгізу әдісі мен жолы Сыртқа қолдануға арналған. Кремді сау терінің шамамен 1 см беткейін қамти отырып, алдын ала тазартылған зақымданған жерлерге біркелкі жұқа қабатпен жағады және ақырын сылап сіңдіреді. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны толықтыру үшін қосарлы дозаны қолдануға болмайды. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгіну керек.

- әсер етуші затқа немесе қосымша заттардың кез келгеніне аса жоғары сезімталдық - балалар мен 18 жасқа дейінгі жасөспірімдер.

Жиі емес - Ашыту сезімі - Экзема, терінің қабыршақтануы, терінің тітіркенуі, эритема, қышу - Ісіну Белгісіз (қолда бар деректердің негізінде бағалау мүмкін емес) - Бөртпе Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Ломексин дәрілік препаратын жергілікті қолданумен байланысты артық дозалану жағдайлары байқалмады және тіркелмеді.

Өңделген аймақтар күн сәулесінің әсеріне ұшырамауы керек. Ломексинді терінің шектеулі аймағына ғана қолдану керек. Егер жақсару болмаса немесе жағдайдың нашарлауы байқалса, дәрігерге қаралу керек. Жергілікті аса жоғары сезімталдық реакциялары мен аллергиялық реакциялар дамыған кезде препаратты қолдануды тоқтатып, емдеуші дәрігерге қаралу және тиісті емдеуді бастау керек. Препаратты қолдану тәсіліне сәйкес және қолдану жөніндегі нұсқаулықта көрсетілген дозаларда қолдану қажет. Қажет болса, дәрілік препаратты қолданар алдында дәрігермен кеңесіңіз. Препараттың көзге түсуіне жол бермеу керек. Егер препарат кездейсоқ көзге түссе, оларды көп мөлшерде сумен шаю керек. Сыртқа қолданған кезде терінің ауқымды аймағына ұзақ уақыт жаққан кезде сенсибилизацияның даму қаупі артады. Егер емдеу аяқталғаннан кейін инфекцияның клиникалық белгілері сақталса, диагнозды растау үшін қайта микробиологиялық зерттеу жүргізу керек. Пациенттер дәрігермен кеңесу керек: •1 апта бойы әсер болмаған жағдайда; •қайталанатын симптомдар жағдайында (соңғы 6 айда 2-ден астам инфекция); •60 жастан асқан пациенттерге; •имидазолдарға аса жоғары сезімталдық болған кезде •емдеумен байланысты эритема, қышу немесе бөртпе сияқты кез келген жағымсыз реакциялар кезінде. Ломексин майлы емес, дақ қалдырмайды және сумен оңай жуылады. Арнайы сақтандырулар Қосымша заттар Кремнің қосымша заттары (пропиленгликоль, ланолин, цетил спирті) тітіркену реакцияларын тудыруы мүмкін (мысалы, жанаспалы дерматит). Бұл дәрілік препараттың құрамында 1 г кремде 50 мг пропиленгликоль бар. Егер жағымсыз әсерлер пайда болса, препаратты қолдануды тоқтату және дәрігерге қаралу керек. Педиатрияда қолдану Балалар мен 18 жасқа дейінгі жасөспірімдерде препараттың қауіпсіздігі мен тиімділігі анықталмаған. Балаларда препаратты қолдану туралы деректер жоқ. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Препараттың жоғары зейін қоюды және психомоторлық реакциялардың жылдамдығын талап ететін ықтимал қауіпті қызмет түрлерін (автокөлікті, ықтимал қауіпті механизмдерді басқару) орындау қабілетіне теріс әсері туралы деректер жоқ.

Репродукцияны зерттеулер пероральді жоғары дозада эмбриоуытты әсерлерді көрсетті. Адамдарда жүктілік немесе лактация кезінде қолдану тәжірибесі жоқ. Пероральді дозалау нәтижелері адамда жергілікті қолдану үшін өзекті болуы екіталай болса да, дәрігер қажет деп санамаса, жүктілік немесе лактация кезінде қолданудан аулақ болу керек.

Басқа дәрілік препараттармен өзара әрекеттесуіне арнайы зерттеулер жүргізілген жоқ.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!