Ломексин крем 2%

100 г кремнің құрамында белсенді зат- фентиконазол нитраты 2,00 г қосымша заттар: глицерил моностеараты, ЭДТА динатрий тұзы, май қышқылдарының полигликоль эфирі, гидрогенделген ланолин, тәтті бадам майы, пропиленгликоль, цетил спирті, тазартылған су Сыртқы түрінің, иісінің, дәмінің сипаттамасы Ақ түсті біртекті крем.

Ломексин 2% дәрілік препараты, қынаптық крем жергілікті емдеу үшін ересек пациенттерге қолданылады: - жыныс мүшелерінің шырышты қабығының кандидозы (кандидозды вульвовагинит) - қынаптық трихомониаз

AТХ коды G01AF12 Әсер ету механизмі Ломексин дәрілік препараты - кең спектрлі әсер ететін зеңге қарсы дәрі. - In vitro: дерматофиттерге қатысты жоғары фунгистатикалық және фунгицидтік белсенділік (Trichophyton, Microsporum, Epidermophyton барлық түрлері), Candida albicans және тері мен шырышты қабықтың зең инфекцияларының басқа қоздырғыштары. In vitro сонымен қатар Candida аlbiсапs қышқыл протеиназалардың секрециясын тежейтін белсенділік байқалды. - In vivo: теңіз шошқаларындағы терінің дерматофитті және кандидозды микозы 7 күн ішінде жазылды. Ломексин сонымен қатар грамоң микроорганизмдерге бактерияға қарсы әсер етеді. Фентиконазол сонымен қатар Trichomonas vaginalis қарсы in vivo және in vitro белсенді болды. Әсер ету механизмі Болжалды әсер ету механизмі: асқын тотықтардың жиналуымен және жасушалар некрозымен тотығу ферменттерінің блокадасы. Зең инфекциялары кезінде жарғақшаларға тікелей әсер етеді.

Дозалау режимі Жергілікті қынапішілік қолдану Вульвовагиналық кандидоз және қынаптық трихомониаз кезінде Ломексин кремін (шамамен 5 г) аппликатордың көмегімен қынапқа терең, жатқан қалыпта, ұйықтар алдында тәулігіне 1 рет немесе қажет болған жағдайда тәулігіне 2 рет - таңертең және кешке енгізеді. Емдеу курсы - 7 күн. Қажет болса курсты 10 күннен кейін қайта өткізеді. Емдеу клиникалық толық сауыққанға дейін жүргізіледі. Қайта инфекциялануды болдырмау үшін серіктесін бір мезгілде емдеу ұсынылады, кремді жыныс мүшесінің басына және күпекке жағады. Балалар Балалар мен 18 жасқа дейінгі жасөспірімдерде препараттың қауіпсіздігі мен тиімділігі анықталмаған. Балаларда препаратты қолдану туралы деректер жоқ. Егде жастағы пациенттер Дозаны түзету қажет емес. Бауыр/бүйрек жеткіліксіздігі бар пациенттер Деректер жоқ. Енгізу әдісі мен жолы Қынап ішіне қолдану үшін. Аппликаторды қолдану: 1 Аппликаторды қақпақтың орнына сықпаға бекітіңіз. — 2 Аппликатор толығымен толтырылғанша сықпаның ішіндегісін ақырын сығыңыз. Қарсылық пайда болған кезде аппликатордың поршенін сәл жоғары қарай тартыңыз. Егер емдеуші дәрігердің басқа нұсқаулары болмаса, аппликатор толығымен креммен толтырылуы керек. 3 Аппликаторды сықпадан алыңыз. Сықпаны қақпағымен жабыңыз. — 4 Аппликаторды қынапқа терең енгізіңіз (мүмкіндігінше), шалқасынан жатқан, тізені бүккен қалыпта. Поршеньді баса отырып, аппликатордан барлық кремді сығып шығарыңыз. Әр қолданғаннан кейін аппликаторды сабынды жылы сумен (50 °C-ден аспайтын) жуып, кептіру керек. Егер емдеуден кейін жақсару болмаса немесе симптомдар нашарласа немесе жаңа симптомдар пайда болса, дәрігермен кеңесу керек. Препаратты қолдану жөніндегі нұсқаулықта көрсетілген көрсетілімдерге, қолдану тәсіліне сәйкес және сол дозаларда ғана қолданыңыз. Дәрілік препараттың бір немесе бірнеше дозасын өткізіп алған кезде қажетті шаралар Өткізіп алған дозаны толықтыру үшін қосарлы дозаны қолдануға болмайды. Дәрілік препаратты қолдану тәсілін түсіндіру үшін медицина қызметкеріне консультацияға жүгіну бойынша ұсынымдар Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгіну керек.

- әсер етуші затқа немесе қосымша заттардың кез келгеніне аса жоғары сезімталдық - жүктілік және бала емізу кезеңі - балалар мен 18 жасқа дейінгі жасөспірімдер. Препаратты етеккір кезінде қолдануға болмайды (қынап ішіне қолдануға арналған).

Өте сирек - Эритема, қышу, бөртпе - Вульвовагина аумағындағы ашыту сезімі Белгісіз (қолда бар деректердің негізінде бағалау мүмкін емес) - Қолдану орнындағы жоғары сезімталдық Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Жергілікті қынаптық қолдану кезінде артық дозалану жағдайлары тіркелген жоқ. Ломексинжергілікті қолдануға арналған және ішке қабылдауға арналмаған. Кездейсоқ пероральді қабылдаған кезде іштің ауыруы және құсу пайда болуы мүмкін.

Жергілікті аса жоғары сезімталдық реакциялары мен аллергиялық реакциялар дамыған кезде препаратты қолдануды тоқтатып, емдеуші дәрігерге қаралу және тиісті емдеуді бастау керек. Препаратты қолдану тәсіліне сәйкес және қолдану жөніндегі нұсқаулықта көрсетілген дозаларда ғана қолдану қажет. Қажет болса, дәрілік препаратты қолданар алдында дәрігермен кеңесіңіз. Егер емдеу аяқталғаннан кейін инфекцияның клиникалық белгілері сақталса, диагнозды растау үшін қайта микробиологиялық зерттеу жүргізу керек. Егер жағымсыз әсерлер пайда болса, препаратты қолдануды тоқтату және дәрігерге қаралу керек. Пациенттер дәрігермен кеңесу керек: •1 апта бойы әсер болмаған жағдайда; •қайталанатын симптомдар жағдайында (соңғы 6 айда 2-ден астам инфекция); •анамнезінде жыныстық жолмен берілетін ауру немесе жыныстық жолмен берілетін ауруы бар серіктесімен байланыста болған жағдайда; •60 жастан асқан пациенттерге; •имидазолдарға немесе қынаптық зеңге қарсы басқа препараттарға аса жоғары сезімталдық болған кезде; •кез келген тұрақты емес қынаптан қан кету кезінде; •қынаптан кез келген қанды бөліністер кезінде; •вульваның немесе қынаптың кез келген жарасы, ойық жарасы немесе күлдіреуігі кезінде; •іштің төменгі бөлігімен байланысты немесе несеп шығару кезіндегі кез келген ауырсыну кезінде; •емдеумен байланысты эритема, қышу немесе бөртпе сияқты кез келген жағымсыз реакциялар кезінде. Ломексин препаратын контрацепцияның бөгеттік әдістерімен, спермицидтермен, қынапішілік душтармен немесе контрацепцияның қынаптық басқа құралдарымен бірге қолдануға болмайды. Бұл препаратты қолданған кезде пациенттерге контрацепцияның балама әдістерін қолдану ұсынылуы керек. Қынап инфекцияларын емдеген кезде препаратты етеккір кезінде қолдануға болмайды, емдеуді етеккірден кейін бастаған жөн. Емдеу кезінде контрацепция құралдарын қолдану ұсынылады, әсіресе жыныстық серіктес инфекцияланған болса. Препараттың көзге түсуіне жол бермеу керек. Егер препарат кездейсоқ көзге түссе, оларды көп мөлшерде сумен шаю керек. Ломексин майлы емес, дақ қалдырмайды және сумен оңай жуылады. Арнайы сақтандырулар Қосымша заттар Кремнің қосымша заттары (пропиленгликоль, ланолин, цетил спирті) тітіркену реакцияларын (мысалы, жанаспалы дерматит) тудыруы мүмкін. Бұл дәрілік препараттың құрамында 1 г кремде 50 мг пропиленгликоль бар. Препараттың құрамына кіретін қосымша заттар латекстен жасалған ұрықтануға қарсы құралдарды зақымдауы мүмкін. Педиатрияда қолдану Балаларда препараттың қауіпсіздігі мен тиімділігі анықталмаған. Балалар мен 18 жасқа дейінгі жасөспірімдерге қолдануға болмайды. Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері Ломексин дәрілік препараты көлік құралдарын және қауіптілігі зор механизмдерді басқару қабілетіне әсер етпейді немесе елеусіз әсер етеді.

Жүкті әйелдерде фентиконазолды қолдану туралы деректер шектеулі. Жануарларға жүргізілген зерттеулер тератогендік әсерді көрсетпеді, ал эмбриоуытты және фетоуытты әсерлер пероральді қолданғанда өте жоғары дозаларда ғана байқалды. Жергілікті қынаптық қолдану кезінде фентиконазолдың жүйелі сіңуі төмен болады деп күтілуде. Жергілікті қолдануға арналған Ломексин қынаптық кремін жүктілік кезінде қолдануға болмайды. Жануарларға жүргізілген зерттеулер пероральді қабылдаған кезде фентиконазол және/немесе оның метаболиттерінің сүтпен бөлінуі мүмкін екенін көрсетті. Қынапқа енгізген кездегіге келетін болсақ, фентиконазол аз мөлшерде сіңеді, емшек сүтіне айтарлықтай енуі күтілмейді. Алайда, фентиконазолдың және/немесе оның метаболиттерінің адамда емшек сүті арқылы шығарылуы туралы деректер болмағандықтан, жергілікті қынаптық енгізу тәсілі кезінде нәресте үшін қауіпті жоққа шығаруға болмайды. Фентиконазол препаратын бала емізу кезінде қолдануға болмайды.

Басқа дәрілік препараттармен өзара әрекеттесуі және өзара әрекеттесудің басқа түрлері бойынша арнайы зерттеулер жүргізілген жоқ. Қынаптық кремнің құрамындағы майлы толтырғыштар мен майлар латексті контрацептивтерге зиян тигізуі мүмкін. Пациенттерге осы препаратты қолданған кезде контрацепцияның балама тәсілдері мен сақтық шараларын қолдануды ұсыну керек. Бір мезгілде қолдануға ұсынылмайтын препараттар: - спермицидтер: кез келген жергілікті қынаптық емдеу жергілікті ұрықтануға қарсы спермицидтің белсенділігін жоюы мүмкін.

Сақтау мерзімі 3 жыл. Жарамдылық мерзімі өткеннен кейін қолдануға болмайды! Сақтау шарттары 25 °С-ден аспайтын температурада сақтау керек. Балалардың қолы жетпейтін жерде сақтау керек!